တၢ်ဆူးတၢ်ဆါတနီၤန့ၣ်ဆီတလဲနတၢ်ပာ်သူၣ်ပာ်သးဒီးသကဲာ်ပဝးသ့ဝဲလီၤ. ဃုသ့ၣ်ညါအါထီၣ်ဘၣ်ဃးဒီး သကဲာ်ပဝးဒီးသးတၢ်ဆိကမိၣ်အတၢ်ဆူးတၢ်ဆါ, တၢ်ဆါအပနီၣ်ဒီးတၢ်ကူစါယါဘျါအကျိၤအကျဲ, ဒီးဆူၣ်ချ့တၢ်တိာ်ကျဲၤတဖၣ်ဟ့ၣ်က့ၤတၢ်ဘူးတၢ်လဲမနုၤတဖၣ်လဲၣ်အဂ့ၢ်န့လီၤ.
တၢ်ဃုသ့ၣ်ညါပာ်သးတၢ်ဆိကမိၣ်ဒီးသကဲာ်ပဝးတၢ်ဆူးတၢ်ဆါလၢအဆိန့ၣ် မၤညီထီၣ်ကျိၤကျဲလၢကူစါယါဘျါတၢ်အဂီၢ်နၣ်လီၤ. စးထီၣ်လၢ တၢ်ဃုထံၣ်န့ၢ်ကသံၣ်သရၣ်တဂၤလၢ နဆူၣ်ချ့တၢ်တိာ်ကျဲၤ ပှာ်ဘျးစဲပူၤ လၢအမ့ၢ်ပှၤအိၣ်ဒီးကံၢ်စီပတီၢ်လၢ ကကူစါယါဘျါတၢ်ဆူးတၢ်ဆါတဖၣ်အံၤတက့ၢ်.
သကဲာ်ပ၀းဆူၣ်ချ့န့ၣ် မ့ၢ်တၢ်ကတိၤတဖျၢၣ်လၢ အကျၢၢ်ဘၢသးသ့ၣ်ညါတၢ်ဒီး သးအတၢ်တူၢ်ဘၣ် တၢ်အိၣ်မုာ်ဆိးပၢၤ အကလုာ်တဖၣ်လၢလၢပှဲၤပှဲၤ, ပာ်ဃုာ်ဒီး ပှၤကူပှၤကညီကွၢ်ဆၢၣ်မဲာ်လဲၤခီဖျိ တၢ်တၤတဖၣ်လၢတနံၤဘၣ်တနံၤ ဒ်လဲၣ်အဂ့ၢ်န့ၣ်လီၤ. တၢ်ကိးအံၤပၣ်ဃုာ်စ့ၢ်ကီးဒီးသးအတၢ်ဆိကမိၣ်လၢအတဆူၣ်တချ့လီၤဂာ်ဒ်တၢ်သးဟးဂီၤ မ့တမ့ၢ် တၢ်သူၣ်ကိၢ်သးဂီၤ, တၢ်စူးကါကမၣ်ကသံၣ်မူၤဘှီး ဒီး တၢ်သးစဲတၢ်သကဲၤပဝာ်အဂၤတဖၣ်န့ၣ်လီၤ.
သးတၢ်ဆိကမိၣ်တၢ်ဆါ ဆီတလဲပှၤတဂၤအတၢ်ဆိကမိၣ်,တၢ်တူၢ်ဘၣ် ဒီးတၢ်ဖံးတၢ်မၤတဖၣ်သ့လီၤ.
မၤလိသ့ၣ်ညါဘၣ်ဃး တၢ်အိၣ်သးညီနုၢ်တနီၤအဂ့ၢ်ဒီး တၢ်ကကျၢၢ်ဘၢ န့ၢ်နၤဒ်လဲၣ်အဂ့ၢ်
ကွၢ်ဘၣ် တၢ်အိၣ်ယၢၤတဖၣ်လၢ Minnesota Health Care Programs ကရူၢ်ဖိတဖၣ်အဂီၢ်တက့ၢ်
တၢ်ဒီသဒၢ တၢ်မၤသံလီၤသး ဂ့ၢ်ဂီၤအူလီတဲစိကျိၤ
တၢ်အံၤမ့မ့ၢ်၀ဲလၢ ဂ့ၢ်ဂီၢ်အူတမံၤန့ၣ်, ဝံသးစူၤ ကိး 911 မ့တမ့ၢ် ကွဲးဆှၢလံာ် ဒီး ကိးလီတဲစိဆူ ထံကီၢ်ပတီၢ် တၢ်မၤသံလီၤသးဒီး တၢ်နးတၢ်ဖှီၣ်ကတီၢ် သးသမူလီကျိၤ ဖဲ 988 လၢ တကီၢ်ခါတၢ်မၤစၢၤ အဂီၢ်တက့ၢ် 24/7.
သးသ့ၣ်ညါတၢ် ဆူၣ်ချ့ တၢ်အိၣ်သးတဖၣ်
စူးကါကသံၣ်မူၤဘှိး
သးအတၢ်တူၢ်ဘၣ် တၢ်အိၣ်မုာ်ဆိးပၢၤ
တၢ်ကွၢ်ထွဲဒီး တၢ်ဟ့ၣ်အဘူးအလဲ
တၢ်ဆီၣ်ထွဲအါန့ၢ်အန့ၣ်*
နီၢ်ကစၢ်-တၢ်သမံသမိးလီၤက့ၤသး တၢ်ဃုထၢတဖၣ်*
ပီးလီအါမး ဟ့ၣ်ထီၣ်တၢ်ဟ့ၣ်ကူၣ်ဟ့ၣ်ဖးလၢ အလၢပှဲၤဒီးကံၢ်စီ-
*တၢ်ဒိးန့ၢ်အီၤသ့လၢ တၢ်တိာ်ကျဲၤတနီၤအဂီၢ်
ဃုထံၣ်န့ၢ် တၢ်ကွၢ်ထွဲအဘၣ်ဖဲ တၢ်ဆၢကတီၢ်အဘၣ်
ဖဲလၢနလိၣ်ဘၣ် ဆူၣ်ချ့တၢ်ကွၢ်ထွဲအခါ, တၢ်သ့ၣ်ညါနတၢ်ဃုထၢတဖၣ်အဂ့ၢ်အကျိၤန့ၣ် မၤစှၤလီၤနတၢ်ဆၢကတီၢ်ဒီး နတၢ်လၢာ်ဘူၣ်လၢာ်စ့ၤသ့၀ဲလီၤ. ဖဲအံၤအိၣ်ဒီးတၢ်ဟ့ၣ်ကူၣ်တနီၤဒီး တၢ်အပီးအလီတဖၣ်လၢ ကမၤစၢၤနတၢ်ဃုထၢဆူၣ်ချ့တၢ်ကွၢ်ထွဲအဂီၢ်န့ၣ်လီၤ-
သးဂ့ၢ်ဝီ ဆူၣ်ချ့ ဒီး တၢ်စူးကါ ကသံၣ်မူးဘှိး တၢ်ဆီၣ်ထွဲလၢ ပှၤလၢအလဲၤခီဖျိတ့ၢ် တၢ်ဂ့ၢ်ဒ်သိးအံၤအအိၣ်
ပှၤသ့ဘၣ်လီၤဆီတဖၣ်လၢ အိၣ်ဒီးတၢ်အုၣ်ကီၤ လၢတၢ်ဆီၣ်ထွဲပှၤစူးကါကသံၣ်မူၤဘှိးလၢ သးသ့ၣ်ညါတဘၣ်လီၢ်ဘၣ်စးန့ၣ် အိၣ်ဒီးတၢ်လဲၤခီဖျိကီခဲ ဘၣ်ဃးဒီး သးဂ့ၢ်ဝီဆူၣ်ချ့, သးသ့ၣ်ညါတၢ်ပီညါ အတၢ်ဆါ မ့တမ့ၢ် တၢ်စူးကါကသံၣ်မူၤဘှိးဒီး ဘၣ်တၢ်သိၣ်လိအီၤလၢ ကမၤစၢၤဆီၣ်ထွဲ ပှၤဂၤတဖၣ်လၢ အဘၣ်ကွၢ်ဆၢၣ်မဲာ် တၢ်တၤဒ်န့ၣ်သိးတဖၣ်န့ၣ်လီၤ. အဝဲသ့ၣ်ဟ့ၣ်ထီၣ် နီၢ်ကစၢ် တၢ်သ့ၣ်ညါလီၤတံၢ်, တၢ်ဟ့ၣ်ဂံၢ်ဟ့ၣ်ဘါ ဒီး တၢ်ဘျးစဲတဖၣ် ဆူပီးလီတဖၣ်ဒီး တၢ်အိၣ်ယၢၤတဖၣ်လၢ အဆီၣ်ထွဲမၤစၢၤ အတၢ်အိၣ်ဆူၣ်အိၣ်ချ့ဂ့ၤထီၣ်န့ၣ်လီၤ. အဝဲသ့ၣ်အတၢ်တိစၢၤမၤစၢၤတဖၣ်န့ၣ် ဘၣ်တၢ်ဟ့ၣ်ထီၣ် ခီဖျိ တၢ်ကွၢ်ထွဲ မိၢ်ပှၢ် ကသံၣ်ဒၢးတဖၣ်, သးဂ့ၢ်ဝီ ဆူၣ်ချ့ ကသံၣ်ဒၢးတဖၣ် ဒီး ပှၤတဝၢ ဂံၢ်ခီၣ်ထံး ခၢၣ်စးကရၢတဖၣ်န့ၣ်လီၤ.
လၢကဃုထံၣ် တၢ်ဂ့ၢ်တၢ်ကျိၤအဂၤတဖၣ်အဂီၢ် မ့တမ့ၢ် တၢ်မၤစၢၤလၢ ကဃုထံၣ် ပှၤသ့ဘၣ်လီၤဆီတဖၣ်လၢ ဆီၣ်ထွဲပှၤစူးကါကသံၣ်မူၤဘှိးလၢ သးသ့ၣ်ညါတဘၣ်လီၢ်ဘၣ်စး လၢနပှာ်ယဲၤဘျးစဲပူၤ အဂီၢ်န့ၣ်, ကိးဘၣ် နီၣ်ဂံၢ်လၢ နကရူၢ်ဖိ ID ခးက့ အချၢန့ၣ်တက့ၢ်.