မၤသကိးတၢ်ဒီးပှၤလၢနတၢ်အိၣ်ဆူၣ်အိၣ်ချ့အဂီၢ်

ပ၀ဲခဲလၢာ် ပအဲၣ်ဒိးလၢပှဲၤဒီးဆူၣ်ချ့, ဘၣ်ဆၣ်တၢ်အံၤန့ၣ် တမ့ၢ် တၢ်လိာ်ခိၣ်လိာ်ကွဲတမံၤလၢ ပှၤကွၢ်ကီဘၣ်သူၣ်ဘၣ်သးတမံၤဘၣ်. တၢ်အံၤန့ၣ် လိၣ်၀ဲတၢ်ထဲးဂံၢ်ထဲးဘၣ်တနီၤ ဒီးတဘျီတခီၣ်န့ၣ် ပလိၣ်၀ဲတၢ်ဆီၣ်သနံးတဆံးတက့ၢ်စ့ၢ်ကီးလီၤ. လီၤဆီဒၣ်တၢ် ဖဲနဘၣ်ကွၢ်ဆၢၣ်မဲာ်ဒီးဆူၣ်ချ့တၢ်ဂ့ၢ်ကီအခါန့ၣ်လီၤ. တဘၣ်သူၣ်ပျံသးဖုးနီၤတဘျီတဂ့ၤ, န Blue Cross ပှၤပၢဆှၢသဲစးတၢ်ဂ့ၢ် ကတဲာ်ကတီၤ၀ဲတၢ်ဆီၣ်ထွဲမၤစၢၤလၢနလိၣ်ဘၣ်သ့၀ဲန့ၣ်လီၤ. 

တၢ်နဲၣ်လိစဲၣ်နီၤ

နမ့ၢ်အံးကွၢ်ပၢၤဃာ်ဆူၣ်ချ့တၢ်အိၣ်အသးဒီး, ပပှၤပၢဆှၢသဲစးတၢ်ဂ့ၢ်တဖၣ်မၤစၢၤ၀ဲသ့န့ၣ်လီၤ. အ၀ဲသ့ၣ်ကကတဲာ်ကတီၤနဲၣ်ဖျါတၢ်နဲၣ်လိပှဲၤဒီးတၢ်သ့ၣ်ညါနၢ်ပၢၢ်, လၢအမ့ၢ်:

• တဲနၢ်ပၢၢ်ပာ်ဖျါတၢ်ဆူးတၢ်ဆါအဂ့ၢ်
• မၤစၢၤနၤ ဒ်သိးကအံးကွၢ်ပၢၤဃာ်နတၢ်အိၣ်အသးအဂီၢ်
• မၤစၢၤဆီၣ်ထွဲနၤ ဒ်သိးကအိၣ်လၢကျဲကပူၤအဖီခိၣ် ဃုာ်ဒီးနတၢ်ကူစါယါဘျါတၢ်တိာ်ကျဲၤ
• စံးဆၢတၢ်သံကွၢ်တဖၣ်လၢ တၢ်လဲၤထံၣ်လိာ်သကိးတဖၣ်ဒီးကသံၣ်သရၣ်အဘၢၣ်စၢၤ
• ဒုးနဲၣ်ဖျါတၢ်အိၣ်မူအလုၢ်အလၢ်တၢ်ဖၣ် လၢအမၤဘၣ်ဒိနနီၢ်ခိဒီးနီၢ်သးဆူၣ်ချ့
• ဒုးဘၣ်ထွဲနၤဒီးတၢ်တိစၢၤမၤစၢၤ မ့တမ့ၢ်ဆူၣ်ချ့တၢ်ရဲၣ်တၢ်ကျဲၤအဂၤတဖၣ်
• ဟ့ၣ်ကူၣ်ဟ့ၣ်ဖးဆူၣ်ချ့အဖီတၢၣ်တဖၣ်

တၢ်ရဲၣ်တၢ်ကျဲၤအံၤအတၢ်ပညိၣ်န့ၣ် မ့ၢ်၀ဲလၢက ဟ့ၣ်န့ၢ်ပှၤဆူးပှၤဆါလၢတၢ်အံးထွဲကွၢ်ထွဲလၢအပှ့ၤဘၣ် ဒ်သိးပကရူၢ်ဖိတဖၣ်ပၢဆှၢရဲၣ်ကျဲၤအတၢ်အိၣ်သး ဒီးလဲၤခီဖျိဘၣ်အီၤကဂ့ၤထီၣ်အဂီၢ် လၢတၢ်ပာ်ဖှိၣ်အပှ့ၤစှၤန့ၣ်လီၤ. ကရူၢ်ဖိတဖၣ်လၢ အကြၢး၀ဲဘၣ်၀ဲဒ်သိးကန့ၢ်ဘၣ်တၢ်ရဲၣ်တၢ်ကျဲၤတမံၤအံၤန့ၣ် ဘၣ်တၢ်ပာ်ပနီၣ်အီၤလၢ ကျဲအကလုာ်ကလုာ်န့ၣ်လီၤ. အဒိတဖၣ်မ့ၢ်ဝဲ တၢ်ဆှၢခီလၢကသံၣ်သရၣ်တဂၤအအိၣ် မ့တမ့ၢ် ခီဖျိတၢ်ကွၢ်ကဒါက့ၤ တၢ်ဃ့က့ၤအလဲတၢ်ဂ့ၢ်ထၢဖှိၣ်န့ၣ်လီၤ.

မၤလိတၢ်အါထီၣ်ဘၣ်ဃးအဲၣ်ထိၣ်နံၣ်ယိၣ် (Antonio) အတၢ်လဲၤခီဖျိ

တၢ်မၤစၢၤဘၣ်ထွဲနီၢ်တဂၤအဂီၢ်ဒီးဟ့ၣ်အီၤလၢတၢ်ခူသူၣ်ပူၤ

နဆူၣ်ချ့တၢ်တိာ်ကျဲၤ မ့ၢ်ဟဲခီဖျိလၢတၢ်ကရၢကရိလၢအဒိးလဲၤနၤဒီး, တၢ်ရဲၣ်တၢ်ကျဲၤမ့ၢ်၀ဲအခီလီဒီးဘၣ်တၢ်ဟ့ၣ်အဘူးအလဲခီဖျိအ၀ဲသ့ၣ်, ဘၣ်ဆၣ်နဆူၣ်ချ့တၢ်ဂ့ၢ်တၢ်ကျိၤ မ့တမ့ၢ် တၢ်တဲဃဲၤသကိးဂ့ၢ်ကျိၤဘၣ်ထွဲနီၤတမံၤမးန့ၣ် တဘၣ်တၢ်ဟ့ၣ်ခီဟ့ၣ်နီၤဒီးအ၀ဲသ့ၣ်ဘၣ်န့ၣ်လီၤ. တၢ်ပၣ်ဃုာ်မၤတၢ်လၢတၢ်ရဲၣ်တၢ်ကျဲၤအပူၤန့ၣ် တမၤဘၣ်ဒိခဲခါ မ့တမ့ၢ် ခါဆူညါတၢ်အုၣ်ကီၤအဘူးအလဲတဖၣ်ဘၣ်, ဒီးတတြီနၤဒ်သိးနသုတဒိးန့ၢ်ဘၣ်တၢ်ဟ့ၣ်အဘူးအလဲဆူညါလၢၤတဂ့ၤအဂီၢ်ဘၣ်န့ၣ်လီၤ.

မၤတၢ်အါထီၣ်လၢနဆူၣ်နချ့အဂီၢ်

မ့ၢ်နဒိးန့ၢ်တၢ်ဆဲးကျိးလၢ Blue Cross ပှၤပၢဆှၢသဲစးတၢ်ဂ့ၢ်ဒီး, တူၢ်လိာ်တၢ်န့ၣ်တက့ၢ်. အ၀ဲသ့ၣ်ကတုၤဃီဆူနအိၣ် ဒ်သိးကဟ့ၣ်နၤတၢ်မၤစၢၤ မ့တမ့ၢ် ဒ်သိးကဟံးန့ၢ်ဂ့ၢ်၀ီပိာ်ထွဲထီၣ်အခံ လၢဆူၣ်ချ့တၢ်ရဲၣ်တၢ်ကျဲၤ မ့တမ့ၢ်တၢ်အိၣ်အသးဟဲခီဖျိလၢနကသံၣ်သရၣ်တၢ်လဲၤထံၣ်လိာ်သကိးတဖၣ် ဒီးတၢ်ဃ့က့ၤအဘူးအလဲလၢအဘၣ်ထွဲတဖၣ်အဂီၢ်န့ၣ်လီၤ. တၢ်အံၤန့ၣ် ကဟံးန့ၢ်နတၢ်ဆၢကတီၢ်စှာ်မံးနံးဖိ ဒ်သိးကဃုထံၣ်သ့ၣ်ညါပမၤစၢၤနၤ လၢနကတုၤထီၣ်ထီၣ်ဘးဒီးနဆူၣ်ချ့ဖီတၢၣ်တဖၣ်ကသ့ဒ်လဲၣ်ဒီး ဖဲန့ၣ်န့ၣ်တလိၣ်ဘၣ်၀ဲဒီးတၢ်ဆၢကတီၢ်အယံာ်လီၤတံၢ်လၢအကပၣ်ဃုာ်မၤသကိးတၢ်အဂီၢ်န့ၣ်လီၤ.

ကိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ်နီၣ်ဂံၢ် လၢနတၢ်ကွၢ်နီၣ်ကွၢ်ဃါခးက့အလီၢ်ခံ လၢကဆဲးကျိးဒီနပှၤပၢဆှၢသဲစးတၢ်ဂ့ၢ်တက့ၢ်. 

ဆူၣ်ချ့တၢ်ဆီၣ်ထွဲမၤစၢၤအါထီၣ်တဖၣ်

တၢ်ဒီသဒၢအတၢ်ကွၢ်ထွဲဒ်နသးပှၢ်ထီၣ်အသိး

Blue Cross ဆူၣ်ချ့တၢ်ရဲၣ်တၢ်ကျဲၤတဖၣ်

Blue Cross ဆူၣ်ချ့လၢပှဲၤဂံၢ်ဘါတၢ်စှၤလီၤအပှ့ၤတဖၣ်