အပတီၢ် 1- ဃုသ့ၣ်ညါဂံၢ်ခီၣ်ထံး Medicare

Medicare န့ၣ်မ့ၢ်ပဒိၣ်ဆူၣ်ချ့တၢ်အုၣ်ကီၤ အတၢ်ရဲၣ်တၢ်ကျၢၤလၢပှၤအမဲရကါဖိလၢ အသးအိၣ် 65 နံၣ် မ့တမ့ၢ် ဆူအဖီခိၣ်တဖၣ်အဂီၢ်ဒီး ပှၤသူၣ်စၢ်သးဘီၣ်လၢအအိၣ်ဒီး နီၢ်ခိက့ၢ်ဂီၤတဆူၣ်ချ့လီၤတံၢ်တမံၤဒီး ဒိးန့ၢ်ဘၣ်ပှၤဂ့ၢ်၀ီတၢ်ဘံၣ်တၢ်ဘၢအတၢ်န့ၢ်ဘျုးတဖၣ်အဂီၢ်လီၤႉ Medicare န့ၣ်အဆိဘၣ်တၢ်ဒုးအိၣ်ထီၣ်အီၤလၢ တၢ်နီၤဖးခံမံၤ, တၢ်နီၤဖး A ဒီး တၢ်နီၤဖး B န့ၣ်လီၤႉ ပာ်ဖှိၣ်ဒ်သိးသိးန့ၣ်, ဘၣ်တၢ်ကိးအီၤဒ်အမ့ၢ် ဂံၢ်ခီၣ်ထံး Medicare န့ၣ်လီၤႉ

အပတီၢ် 2- မၤလိသ့ၣ်ညါ ကဘၣ်ကျၢၢ်ဘၢ တၢ်လၢ ဂံၢ်ခီၣ်ထံး Medicare တမၤဝဲဒၣ် ဒ်လဲၣ်တက့ၢ်ႉ

နပာ်ဖှိၣ်အါထီၣ် တၢ်ဟ့ၣ်အဘူးအလဲသ့၀ဲ, ဘၣ်တၢ်ဟ့ၣ်လီၤခီဖျိလၢ Blue Cross and Blue Shield of Minnesota, ဒ်သိးကမၤစၢၤဟ့ၣ်န့ၢ်တၢ်အပှ့ၤကလံၤတဖၣ်လၢ Medicare မၤ၀ဲတသ့န့ၣ်လီၤႉ

ကွၢ်ပ Medicare တၢ်တိာ်ကျဲၤတဖၣ်တက့ၢ်

အပတီၢ် 3- ဆဲးလီၤမံၤဖဲ အဆၢဘၣ်အကတီၢ်ဘၣ်

နတၢ်ဆဲးလီၤမံၤအခီၣ်ထံးကတီၢ်လၢ ဂံၢ်ခီၣ်ထံး Medicare အဂီၢ်န့ၣ်မ့ၢ်၀ဲ တၢ်ဆၢကတီၢ်နွံလါအတီၢ်ပူၤ − စးထီၣ်ဖဲတချုးနနံၣ်အိၣ်ဖျဲၣ်ဆၢက့ၤပှဲၤထီၣ် 65 ၀ီတ၀ီအလါဟဲတုၤဒ်ဘၣ် အမဲာ်ညါသၢလါတုၤ နနံၣ်အိၣ်ဖျဲၣ်ဆၢက့ၤ 65 ၀ီတ၀ီပှဲၤထီၣ်အလါ အလီၢ်ခံသၢလါန့ၣ်လီၤႉ တၢ်ဟ့ၣ်အဘူးအလဲန့ၣ်စးထီၣ်သ့၀ဲဖဲ လါတလါအခီၣ်ထံးကတၢၢ်တသီလၢနပှဲၤထီၣ် 65 နံၣ်န့ၣ်လီၤႉ

မၤလိသ့ၣ်ညါအါထီၣ်ဘၣ်ဃး Medicare တၢ်ဆဲးလီၤမံၤအဂ့ၢ်

အပတီၢ် 4: ကဘၣ်ဆဲးလီၤမံၤလၢ Minnesota Blue Cross Medicare တၢ်တိာ်ကျဲၤတခါအပူၤဒ်လဲၣ်

နဃုထၢထီၣ်ဒ်သိး နကဆဲးလီၤမံၤလၢ Medicare Advantage (တၢ်နီၤဖး C), Medicare Supplement (Medigap), Medicare Cost မ့တမ့ၢ် တၢ်နီၤဖး D ကသံၣ်ကသီ လၢကသံၣ်သရၣ်ဟ့ၣ်လီၤ တၢ်တိာ်ကျဲၤအပူၤ ဒ်လဲၣ်န့ၣ်သ့၀ဲလီၤႉ

မၤလိသ့ၣ်ညါအါထီၣ်ဘၣ်ဃး တၢ်ဆဲးလီၤမံၤလၢတၢ်တိာ်ကျဲၤတခါအပူၤအဂ့ၢ်