ဆူၣ်ချ့တၢ်ကွၢ်ထွဲအတၢ်ဃုထၢတဖၣ်အိၣ်အါန့ၢ်ဒံးအညီနုၢ်န့ၣ်လီၤ. နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ် ကမ့ၢ်ဝဲဒၣ်တၢ်ဃုထၢအဂ့ၤကတၢၢ်လၢ ကပၢဆှၢရဲၣ်ကျဲၤနဆူၣ်ချ့တၢ်ကွၢ်ထွဲအတၢ်လိၣ်ဘၣ်တဖၣ်န့ၣ်လီၤ. ဘၣ်ဆၣ်ဖဲလၢနကသံၣ်သရၣ်တချုးဘၣ်အခါန့ၣ်, နၢး(စ) လီတဲစိကျိၤတဖၣ်, ကသံၣ်ဒၢးလၢတလိၣ်တၢ်သ့ၣ်ဆၢဖးကတီၢ်တဖၣ် ဒီးကသံၣ်သရၣ်လၢအ့ထၢၣ်နဲးဖီခိၣ်တဖၣ် မ့ၢ်တၢ်ဃုထၢလၢနဒိးန့ၢ်ဘၣ်ညီဒီးအပှ့ၤကြၢးဘၣ်န့ၣ်လီၤ. လၢနတၢ်အိၣ်သးအဖီခိၣ်န့ၣ်, နကြၢးဃုထၢတၢ်မနုၤလဲၣ်.
လၢတၢ်ကွၢ်ထွဲအကြၢးအဘၣ်အဂီၢ် သ့ၣ်ညါပာ်စၢၤနကဘၣ်လဲၤဆူလဲၣ်တက့ၢ်. နၢး(စ) လီတဲစိကျိၤ. ဆူၣ်ချ့တၢ်ဘၣ်ယိၣ်အဂ့ၢ်တမံၤလၢ်လၢ်. တၢ်ဒိးန့ၢ်အီၤသ့ 24/7. တၢ်ကွၢ်ထွဲလၢအ့ထၢၣ်နဲးဖီခိၣ်. တၢ်ဆူးတၢ်ဆါညီနုၢ်ဒီးတၢ်အိၣ်သးလၢအတနးတဖၣ်. တၢ်ဒိးန့ၢ်အီၤသ့တနွံန့ၣ် 7 သီ, ဂီၤ7 နၣ်ရံၣ်တုၤ ဟါ 11 နၣ်ရံၣ်ကသံၣ်ဒၢးလၢတလိၣ်တၢ်သ့ၣ်ဆၢဖးကတီၢ်. တၢ်ဆူးတၢ်ဆါညီနုၢ်ဒီးတၢ်အိၣ်သးလၢအတနးတဖၣ်လီၤ. အိးထီၣ်ဖဲတၢ်မၤမုၢ်နံၤလၢတနွံအတီၢ်ပူၤ, ဃုာ်ဒီးတၢ်မၤအဆၢကတီၢ်ဝံၤလီၢ်ခံဒီးနွံအကတၢၢ်မုၢ်နံၤတနီၤန့ၣ်လီၤ.
ယကဘၣ်ဆဲးကျိးနၢး(စ) လီတဲစိကျိၤအကတီၢ်ဖဲလဲၣ်.
နၢး(စ) လီတဲစိကျိၤန့ၣ်, ကမၤစၢၤကတိၤသကိးနဆူၣ်ချ့တၢ်ဘၣ်ယိၣ်ခီဖျိလီတဲစိ (လီၤလီၤဆီဆီ 24/7) ဃုာ်ဒီးနၢး(စ)လၢဖျိတၢ်ဒိးစဲးမၤကွၢ်လၢကမၤစၢၤ တၢ်ဃုထၢဆၢတဲာ်ဆူၣ်ချ့တၢ်ကွၢ်ထွဲအဂ့ၤကတၢၢ်, ဒ်ပစံးတၢ်အသိးကဘၣ်ကူစါအီၤအတီၢ်ဒ်လဲၣ်, လၢဟံၣ်ဧါမ့တမ့ၢ်ဘၣ်လဲၤဆူကသံၣ်သရၣ်ဝဲၤဒၢးဧါန့ၣ်လီၤ. ကွၢ်ဖဲနဆူၣ်ချ့တၢ်တိာ်ကျဲၤကရူၢ်ဖိသန့ပီးလီ ဒ်သိးနကသ့ၣ်ညါဘၣ်ဝဲ မ့ၢ်နဒိးန့ၢ်ဘၣ် နၢး(စ) လီတဲစိကျိၤကသ့ဧါန့ၣ်တက့ၢ်.
ကသံၣ်သရၣ် လၢအ့ထၢၣ်နဲးလိၤအတၢ်ကွၢ်ထွဲမ့ၢ်တၢ်ဒ်လဲၣ်.
တၢ်ကွၢ်ထွဲခီဖျိထံၣ်ဘၣ်အဂီၤလၢအ့ထၢၣ်နဲးဖီခိၣ် (တမ့ၢ်တၢ်လဲၤထံၣ်လၢကစၢ်ဘၣ်) လၢကဒိးန့ၢ်တၢ်ကွၢ်ထွဲလၢကသံၣ်ကသီပှၤစဲၣ်နီၤခီဖျိဘံၢ်ဒံၢ်အိၣ်, လီတဲစိမ့တမ့ၢ်တၢ်ဆှၢလံာ်ဖုၣ်လၢအ့ၣ်ထၢၣ်နဲးန့ၣ်လီၤ. တဘျီတခီၣ် တၢ်ဒိးပၠးသးသ့ၣ်တဖၣ်အံၤ တၢ်ကိးအီၤလၢ တၢ်ထံၣ်လိာ်သးလၢအ့ထၢၣ်နဲးဖီခိၣ် (ညီနုၢ်အဆၢကတီၢ်ဖုၣ်အိၣ်ဒီးတၢ်ပာ်ပနီၣ်အပှ့ၤ) မ့တမ့ၢ်ဆူၣ်ချ့တၢ်ကွၢ်ထွဲ ခီဖျိလီတဲစိ(ညီနုၢ်အပှ့ၤဒ်သိးဝဲဒီး တၢ်လဲၤဒိးပၠးသးလၢကစၢ်) ဒီးတၢ်ဟ့ၣ်အဘူးအလဲန့ၣ် လီၤဆီလိာ်အသးလၢတၢ်တိာ်ကျဲၤအဖီခိၣ်န့ၣ်လီၤ.
ပှၤမၤစၢၤတၢ်တဖၣ်အါမးဟ့ၣ်၀ဲအ၀ဲသ့ၣ်အနီၢ်ကစၢ်ဒၣ်၀ဲအ့ၣ်ထၢၣ်နၢးတၢ်အစၢ သနာ်က့, Blue Cross and Blue Shield of Minnesota ဟ့ၣ်စ့ၢ်ကီး၀ဲ Doctor On Demand® ခီဖျိ Included Health,တၢ်အံးထွဲကွၢ်ထွဲတၢ်ဃုထၢလၢအဘၣ်ဘျိးဘၣ်ဒါဒီးကြၢးဒီးအပှ့ၤဒ်သိးကမၤစၢၤနၤလၢနကအိၣ်မုၢ်ထီၣ်အဂီၢ်န့ၣ်လီၤ. တၢ်ဒိးန့ၢ်ဘၣ်တၢ်ကွၢ်ထွဲညီဒိၣ်မးလၢ ကသံၣ်သရၣ်လၢအိၣ်ဒီးကမံးတံာ်မိၢ်ပှၢ်လံာ်အုၣ်သး မ့တမ့ၢ်ပှၤယါဘျါတၢ်အတၢ်ပျဲလံာ်အုၣ်သးတဖၣ်န့ၣ်, အိၣ်ဝဲလၢတၢ်လီၢ်ကိးပူၤ, လၢတၢ်ကလဲၤဒိးကူစါသးဘၣ်ဃးတၢ်ဆူးတၢ်ဆါအဒိၣ်ဒီးအဆံးတၢ်အိၣ်သး ဒ်အမ့ၢ်သွံၣ်တဖီးလိဒီးတၢ်တမံၤမံၤတၢ်ဆါ, တၢ်လိၤသး, တၢ်ခုၣ်ဘၣ်တၢ်လိၤကိၢ်ဘၣ်သမုၣ်, မဲာ်ချံ, နၢ်, ဆံၣ်ဒၢအဃၢ်နုာ်လီၤ, ဒီးသးဂ့ၢ်ဝီဆူၣ်ချ့တဖၣ်အဂီၢ်န့ၣ်လီၤ. လၢခံတဘျီနမ့ၢ်လိၣ်ဘၣ်ထံၣ်ကသံၣ်သရၣ်,ဆိကမိၣ်ထံကွၢ်ဘၣ်ဃးတၢ်လဲၤထံၣ် ကသံၣ်သရၣ် လၢအ့ထၢၣ်နဲးလိၤ န့ၣ်တက့ၢ်.
ယကြၢးလဲၤကသံၣ်ဒၢးလၢတလိၣ်တၢ်သ့ၣ်ဆၢဖးကတီၢ်လၢအကတီၢ်ဖဲလဲၣ်.
ကသံၣ်ဒၢးလၢတလိၣ်တၢ်သ့ၣ်ဆၢဖးကတီၢ်န့ၣ်, (တဘျီဘျီတၢ်ကိးဝဲဒၣ်လၢတၢ်ကစဲးကစီးကသံၣ်ဝဲၤဒၢး) ဟ့ၣ်တၢ်မၤစၢၤတၢ်ကွၢ်ထွဲလၢအချ့, အညီဒီးအပှ့ၤကြၢးဘၣ်လၢဖၠါဖးဒိၣ်, တၢ်ကစဲးကစီးကျးမ့တမ့ၢ်ကသံၣ်ကျးမ့တမ့ၢ်ဖဲတၢ်မၤလီၢ်န့ၣ်လီၤ. ညီနုၢ်အဝဲသ့ၣ်အိးထီၣ်ဝဲဒၣ် ဖဲကျးအတၢ်မၤအဆၢကတီၢ်, တဘျီဘျီတုၤလၢတၢ်မၤဝံၤလီၢ်ခံအဆၢကတီၢ်ဒီးနွံအကတၢၢ်မုၢ်နံၤတဖၣ်န့ၣ်လီၤ. စူးကါကသံၣ်ဒၢးလၢတလိၣ်တၢ်သ့ၣ်ဆၢဖးကတီၢ် လၢတၢ်ဆူးတၢ်ဆါတဆံးတက့ၢ်, ဒ်အမ့ၢ်တၢ်ခုၣ်ဘၣ်, ကိာ်ယူၢ်သးမ့တမ့ၢ်ကလံၤကျိၤညိးတဖၣ်အဂီၢ်တက့ၢ်.
ယတၢ်ဆါအပနီၣ်မ့ၢ်နးဒိၣ်ထီၣ်န့ၣ်, ကဘၣ်မၤမနုၤလဲၣ်.
- တၢ်ဆါလၢအနးမ့တမ့ၢ်တၢ်အိၣ်သးလၢတၢ်ဘၣ်ယိၣ်သးမူမ့ၢ်အိၣ်န့ၣ်, ဆဲးကျိး 911 မ့တမ့ၢ်လဲၤဆူ ER တက့ၢ်.
- တၢ်အိၣ်သးလၢလိၣ်ဘၣ်တၢ်ကွၢ်ထွဲအဆိအချ့န့ၣ် လဲၤဆူဂ့ၢ်ဂီၢ်အူတၢ်ကွၢ်ထွဲ လီၢ်ခၢၣ်သး တက့ၢ်.
- လၢတၢ်ဆါယံာ်ထၢတၢ်အိၣ်အသးတဖၣ်အဂီၢ် ဆဲးကျိးနနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်တက့ၢ်.
ဃုသ့ၣ်ညါအါထီၣ်ဘၣ်ဃးတၢ်ရဲၣ်တၢ်ကျဲၤဆိပာ် ဒ်သိး တၢ်ကဒိးန့ၢ်တၢ်ကွၢ်ထွဲအကြၢးအဘၣ် ဖဲတၢ်ဘၣ်ဒိဘၣ်ထံးအိၣ်ထီၣ်သးအခါန့ၣ်လီၤ.
တၢ်ကွၢ်ထွဲအမၠိကလုာ်
| တၢ်ကွၢ်ထွဲအမၠိကလုာ် | တၢ်ဆါလၢဘၣ်တၢ်ကူစါတ့ၢ်အီၤ | ညီဝဲ | တၢ်လၢာ်ဘူၣ်လၢာ်စ့ၤ |
|---|---|---|---|
| ER | တၢ်အိၣ်သးလၢအနးမ့တမ့ၢ်တၢ်ဘၣ်ယိၣ်အိၣ်လၢသးသမူ | တၢ်ဒိးန့ၢ်အီၤသ့24/7 | $$$$ |
| ဂ့ၢ်ဂီၢ်အူတၢ်အံးထွဲကွၢ်ထွဲ | တၢ်အိၣ်သးလၢလိၣ်ဘၣ်တၢ်ကွၢ်ထွဲအဆိအချ့ | အိးထီၣ်ဖဲတၢ်မၤမုၢ်နံၤလၢတနွံအတီၢ်ပူၤ, ဃုာ်ဒီးတၢ်မၤအဆၢကတီၢ်ဝံၤလီၢ်ခံ ဒီးနွံအကတၢၢ်မုၢ်နံၤ, ဒီးနံၤသဘျ့တဖၣ် | $$$ |
| ဆူၣ်ချ့တၢ်ကွၢ်ထွဲအခီၣ်ထံးတၢ်ဆါဒၢး (ဘၣ်သ့ၣ်သ့ၣ် ကဟ့ၣ်နၤတၢ်ကွၢ်ထွဲလၢအ့ၣ်ထၢၣ်နဲးအလိၤ) |
ဆူၣ်ချ့တၢ်လိၣ်ဘၣ် အဒိၣ်ကတၢၢ်တဖၣ် | အိးထီၣ်ဖဲတၢ်မၤမုၢ်နံၤလၢတနွံအတီၢ်ပူၤ, ဝဲၤဒၢးတၢ်မၤအဆၢကတီၢ်ဃုာ်ဒီးတၢ်မၤအဆၢကတီၢ်ဝံၤလီၢ်ခံတနီၤ | $$ |
| ကသံၣ်ဒၢးလၢတလိၣ်တၢ်သ့ၣ်ဆၢဖးကတီၢ် | ဆူၣ်ချ့တၢ်အိၣ်သးလၢအညီနုၢ်ဒီး တၢ်အိၣ်သးလၢအတနးတဖၣ် | အိးထီၣ်ဖဲတၢ်မၤမုၢ်နံၤလၢတနွံအတီၢ်ပူၤ, ဃုာ်ဒီးတၢ်မၤအဆၢကတီၢ်ဝံၤလီၢ်ခံဒီးနွံအကတၢၢ်မုၢ်နံၤတနီၤန့ၣ်လီၤ. အိၣ်ဝဲဒၣ်လၢပှၤဆါတၢ်ကစဲးကစီးအလီၢ် | $ |
| Doctor On Demand လၢအ့ထၢၣ်နဲးဖီခိၣ် |
ဆူၣ်ချ့တၢ်အိၣ်သးညီနုၢ်ဒီး တၢ်ဆါလၢအတနးတဖၣ် (မ့တမ့ၢ်မၤဆိတၢ်သ့ၣ်ဆၢဖးကတီၢ် လၢသးဂ့ၢ်ဝီဆူၣ်ချ့တၢ်လဲၤဒိးပၠးသး) | 7 သီလၢတနွံအတီၢ်ပူၤ, ဂီၤ 7 နၣ်ရံၣ် -တုၤဟါ 11 နၣ်ရံၣ်- မၤဆိတၢ်သ့ၣ်ဆၢဖးကတီၢ်သ့ | $ မ့တမ့ၢ် $ တအိၣ်ဘၣ် |
| တၢ်ထံၣ်လိာ်သးလၢတၢ်လီၢ်ယံၤတဖၣ် လၢအ့ထၢၣ်နဲးဖီခိၣ် |
ဆူၣ်ချ့တၢ်အိၣ်သးလၢအညီနုၢ်ဒီး တၢ်အိၣ်သးလၢအတနးတဖၣ် | အိးထီၣ်မုၢ်ဆၣ်တုၤမုၢ်ဖီဖးဒီး နွံအကတၢၢ်မုၢ်နံၤတနီၤ | $ မ့တမ့ၢ် $ တအိၣ်ဘၣ် |
| နၢး(စ) လီတဲစိကျိၤ | ဆူၣ်ချ့တၢ်ဘၣ်ယိၣ်အဂ့ၢ်တမံၤလၢ်လၢ်. | တၢ်ဒိးန့ၢ်အီၤသ့24/7 | $ တအိၣ်ဘၣ် |
တၢ်ဂ့ၢ်တၢ်ကျိၤအါထီၣ်ဘၣ်ဃးတၢ်ဃုထၢတၢ်ကွၢ်ထွဲ
တိၢ်နီၣ်- တၢ်ဟ့ၣ်အဘူးအလဲလၢတၢ်ဃုထၢတဖၣ်အံၤ လီၤဆီလိာ်သးလၢဆူၣ်ချ့တၢ်တိာ်ကျဲၤအဖီခိၣ်လီၤ. ဘၣ်သ့ၣ်သ့ၣ်နဆူၣ်ချ့တၢ်တိာ်ကျဲၤပူၤတၢ်တိစၢၤမၤစၢၤခဲလၢာ်တအိၣ်ဝဲဒၣ်ဘၣ်.