ယကဘၣ်စးထီၣ်ယဲဒီး Blue Care Advisor ဒ်လဲၣ်ႉ

နမ့ၢ်တအိၣ်ပာ်စၢၤဒီး အ့ထၢၣ်နဲးကရူၢ်ဖိအကီးဒ်ဘၣ်န့ၣ်, ဆဲးလီၤမံၤ လၢကအိးထီၣ်တခါအဂီၢ်တက့ၢ်ႉ ဖဲအခါတဘျီဃီ, ထၢနုာ်မၤပှဲၤနဂ့ၢ်နကျိၤလၢတၢ်ဆဲးလီၤမံၤ တၢ်မၤအကျဲအပူၤန့ၣ်တက့ၢ်ႉ

နမၤန့ၢ် Blue Care Advisor သ့လၢန iPhone မ့တမ့ၢ် Android phone ခီဖျိနဟံးန့ၢ် Blue Care Advisor လီတဲစိအဲး(ပ)လၢပှၤဒိးန့ၢ်အီၤသ့အခီလီဖဲ အဲး(ပ)တၢ်ဆါတၢ်ပှ့ၤအကျးန့ၣ်လီၤႉ

ယမါ/ယဝၤ ဒီး/မ့တမ့ၢ် ပှၤဒိၣ်တုာ်ခိၣ်ပှဲၤလၢအဘၣ်သန့ၤအသးလၢပှၤဂၤဖီခိၣ်န့ၣ် ကဘၣ်ဆဲးလီၤအမံၤလၢ Blue Care Advisor အပူၤဒ်လဲၣ်ႉ

ဖဲနဆဲးလီၤမံၤအခါ, နဟ့ၣ်ထီၣ်လီပရၢအမံၤအသၣ်လၢ နမါ/နဝၤ ဒီး/မ့တမ့ၢ် ပှၤဒိၣ်တုာ်ခိၣ်ပှဲၤလၢအဘၣ်သန့ၤအသးလၢပှၤဂၤဖီခိၣ်သ့ဝဲလီၤႉ အဝဲသ့ၣ်မ့ၢ်ကြၢးဝဲဘၣ်ဝဲန့ၣ်; ကဘၣ်တၢ်ဆှၢန့ၢ်အီၤလီပရၢဘၣ်ထွဲဒီး တၢ်ဆဲးလီၤမံၤအတၢ်နဲၣ်လီၤတဖၣ်လီၤႉ ကျဲအဂၤတဘိမ့ၢ်ဝဲ, အဝဲသ့ၣ်ဆဲးလီၤမံၤ လၢအ့ထၢၣ်နဲးအပူၤသ့ဝဲလီၤႉ

မ့ၢ်ယလိၣ်ဘၣ် လီပရၢအဂၤတခါလၢယမါ/ယဝၤအဂီၢ်ဧါႉ

မ့ၢ်, Blue Care Advisor အကီးခဲလၢာ်ခဲဆ့န့ၣ်လိၣ်ဘၣ် လီပရၢအမံၤအသၣ်လၢအအိၣ်လီၤဆီဒီးပှၤဂၤမ့ၢ်ဒ်သိး ကမၤလီၤတံၢ်နဒိးန့ၢ်တၢ်ကစီၣ်ဘၣ်ထွဲဒီးနၤကစၢ်အဂီၢ်န့ၣ်လီၤႉ 

ဘၣ်မနုၤဃိယတၢ်ဂ့ၢ်တၢ်ကျိၤတဖၣ်န့ၣ် တလီၤဂာ်ဒီးနတၢ်ကွဲးနီၣ်ကွဲးဃါတဖၣ်လဲၣ်ႉ

တၢ်အံၤကဲထီၣ်သ့လၢ ပှၤလၢအဒိးန့ၢ်ဘၣ်တၢ်ဟ့ၣ်အဘူးအလဲ ခီဖျိအတၢ်မၤကစၢ်န့ၣ်လီၤ. အါတက့ၢ်တၢ်အံၤအခီပညီမ့ၢ်ဝဲ နတၢ်ဂ့ၢ်တၢ်ကျိၤတဖၣ်န့ၣ်တမ့ၢ်မုၢ်မဆါတနံၤအံၤနတၢ်အိၣ်သးလၢ နပှၤကူပှၤကညီတၢ်အိၣ်ယၢၤ (HR) တၢ်မၤကျဲအပူၤဘၣ်အဃိလီၤႉ ဆဲးကျိးန HR ဝဲၤကျိၤဒ်သိးကမၤသီထီၣ်တၢ်ဂ့ၢ်တၢ်ကျိၤလၢ နဆူၣ်ချ့တၢ်တိာ်ကျဲၤဒီး တၢ်န့ၢ်ဘျုးတဖၣ်အပူၤအဂီၢ်တက့ၢ်. နမ့ၢ်တအိၣ်ဒီး တၢ်မၤကစၢ်တၢ်ဟ့ၣ်အဘူးအလဲဘၣ်န့ၣ် ဝံသးစူၤဆဲးကျိးဆူ Blue Cross အိၣ်လိၤလိၤ ဒ်သိးကမၤသီထီၣ်နတၢ်ဂ့ၢ်တၢ်ကျိၤအဂီၢ်တက့ၢ်.

ဘၣ်မနုၤယမၤကဲထီၣ်ယအကီးတန့ၢ်, ဖဲယဘၣ်တၢ်ထၢနုာ်လီၤယၤဆူတၢ်န့ၢ်ဘျုးတဖၣ်အပူၤဝံၤဒၣ်လဲၣ်န့ၣ်လဲၣ်ႉ

အဆိကတၢၢ်, သံကွၢ်န HR ဝဲၤကျိၤ မ့တမ့ၢ် Blue Cross ဒ်သိးကမၤလီၤတံၢ်လၢ နအိၣ်ဖဲတၢ်တိာ်ကျဲၤအကြၢးအဘၣ်တမံၤအဖီခိၣ် အဂ့ၢ်န့ၣ်တက့ၢ်. နတၢ်တိာ်ကျဲၤမ့ၢ်ကြၢးမ့ၢ်ဘၣ်၀ဲဒၣ်အဃိ, ဘၣ်သ့ၣ်သ့ၣ် နတၢ်တိာ်ကျဲၤဒီးတၢ်န့ၢ်ဘျုးတဖၣ်န့ၣ် တမူထီၣ်ဂဲၤထီၣ်၀ဲဒ်ဘၣ်လီၤႉ နတၢ်တိာ်ကျဲၤဒီးတၢ်န့ၢ်ဘျုးတဖၣ်မူထီၣ်တဘျီဃီန့ၣ်, နမၤကဲထီၣ်အကီးတခါကသ့ဝဲဒၣ်န့ၣ်လီၤႉ တိၢ်နီၣ်လၢ Blue Care Advisor အံၤ ပှၤလၢအဘၣ်သန့ၤသးလၢပှၤဂၤဖီခိၣ်လၢ အသးနံၣ်စှၤန့ၣ် 18 တဖၣ်ဒုဒိးန့ၢ်အီၤတသ့ဘၣ်အဂ့ၢ်န့ၣ်တက့ၢ်ႉ

နဆှၢတ့ၢ်ယၤတၢ်ကစီၣ်လၢ ယကြၢးစးထီၣ်လံအဂ့ၢ်ဘၣ်ဆၣ် ဘၣ်မနုၤဃိတၢ်တဲယၤလၢ ယအကီးန့ၣ်တအိၣ်ကတဲာ်ကတီၤအသးဒ်ဘၣ်န့ၣ်လဲၣ်ႉ

ပဟ့ၣ်ဂံၢ်ဟ့ၣ်ဘါနၤဒ်သိး နကမၤကဲထီၣ်နအကီးအဆိအချ့ဖဲ နကဲထီၣ်ပှၤလၢအကြၢးဝဲဘၣ်ဝဲဝံၤန့ၣ်လီၤႉ တၢ်ဆၢကတီၢ်ကယံာ်တုၤခံနွံဖဲ နတၢ်န့ၢ်ဘျုးတဖၣ်စးထီၣ်ဝဲဒၣ်လၢန Blue Care Advisor အကီးကအိးထီၣ်သးအဂီၢ်န့ၣ်လီၤႉ နကဒိးန့ၢ်ဘၣ်လီပရၢတဘ့ၣ်လၢပအိၣ်ဖဲ နအကီးအိၣ်ကတဲာ်ကတီၤပာ်အသးလံအခါန့ၣ်လီၤႉ

ယကနၢ်ဟူဘၣ်တၢ်ကစီၣ်လၢ Blue Cross ပှဲၤဘျီဃၣ်ဃၣ်လဲၣ်ႉ

ဒိးသန့ၤထီၣ်သးလၢတၢ်အက့ၢ်အဂီၤတဖၣ်လၢ နဒိးန့ၢ်ဘၣ်အဖီခိၣ်, ပကဟ့ၣ်ပလီၢ်နၤခီဖျိလၢလီပရၢ တဘျီလၢ်လၢ်ဖဲပမၤသီထီၣ်က့ၤနတၢ်ဃ့ထီၣ်တၢ်အဂ့ၢ်အကျိၤ, ဒီး တဘျီတခီၣ်ပကဆှၢန့ၢ်နၤဆူၣ်ချ့တၢ်ဟ့ၣ်ကူၣ်တဖၣ်ဒီး ပနံာ်အသီတဖၣ်အဂ့ၢ်လၢနဂီၢ်လီၤႉ ပသူဝဲစ့ၢ်ကီးလီပရၢလၢ တၢ်ကဆဲးကျၢဒီးနၤအဂီၢ်ဖဲ နမၤတၢ်ဆီတလဲတဖၣ်လၢနအကီးပူၤ (ဒ်သိးတၢ်ကမၤလီၢ်တံၢ် လီပရၢအမံၤအသၣ်တၢ်ဆီတလဲ, အဒိ) အခါန့ၣ်လီၤ. နမ့ၢ်ပလၢၢ်ဘၣ်လၢ နဒိးန့ၢ်တၢ်ကစီၣ်အဘျီအါလၢပအိၣ်အဃိဒီး, နဆီတလဲကွံာ်လီပရၢလၢနသးဘၣ်အီၤညီကဒၣ်လၢ နအကီးလံာ်ကဘျံးဖီခိၣ်သ့ဝဲန့ၣ်လီၤႉ

ယဆှၢလီပရၢတဖၣ်ဆူ Blue Cross အအိၣ်န့ၣ်တ့ၢ်ဝဲလီၤႉ ယအိၣ်စဲဘူးဒီး Blue Cross လၢအ့ထၢၣ်နဲးအဖီခိၣ်ကသ့ဒ်လဲၣ်ႉ

လၢ 2024 န့ၣ်, ပကရူၢ်ဖိတဖၣ် ကတိၤတၢ်ဒီးပှၤလၢအ့ၣ်ထၢၣ်နဲးအလိၤ သ့၀ဲလီၤ.

ယကဘၣ်ဆီတလဲယလံာ်ဖျၢၣ်ခူသူၣ်ဒ်လဲၣ်ႉ

ဆဲးလီၤမံၤ ဒီး/မ့တမ့ၢ် နုာ်လီၤဆူ နအကီးပူၤဒီး ကွၢ်ဃုပှၤသုတၢ်ဖိဆီလီၤပာ်လီၤတၢ်အလီၢ်တက့ၢ်ႉ 
 

ယကဘၣ်သူ Blue Care Advisor လၢအဆၢကတီၢ်ဒ်လဲၣ်ႉ

အါတက့ၢ် Blue Care Advisor န့ၣ်ဘၣ်တၢ်သူအီၤလၢ :

• တၢ်ထိၣ်သတြီၤ ကသံၣ်သရၣ်တဖၣ်, ဆူၣ်ချ့အပီးအလီတဖၣ် ဒီးဆူၣ်ချ့တၢ်ကွၢ်ထွဲတၢ်တိစၢၤမၤစၢၤတဖၣ် လၢအိၣ်ဘူးဘူးတံၢ်တံၢ် လၢအပှ့ၤလၢနကဟ့ၣ်ဘၣ် ဒီးတၢ်ကွၢ်ထွဲအကံၢ်အစီအဖီခိၣ်
• တၢ်ထံၣ်ဘၣ် တၢ်ဒွးတယာ်အဘူးအလဲတဖၣ် ဒိးသန့ၤအသး လၢနတၢ်လီၢ်တၢ်ကျဲ, နဆူၣ်ချ့တၢ်တိာ်ကျဲၤအဖီခိၣ် ဒီးမ့ၢ်နထီၣ်ဘး တၢ်ဟ့ၣ်ဆိအဘူးအလဲလံဧါ
• တၢ်ကွၢ်ကဒါက့ၤ တၢ်ဆှဲဖျါဆူၣ်ချ့တၢ်လၢာ်ဘူၣ်လၢာ်စ့လၢအပူၤကွံာ်တဖၣ်အဂ့ၢ် အဃိဒီးနသ့ၣ်ညါနသူစ့လၢာ်ထဲလဲၣ် ဒီးဘၣ်မနုၤအဃိလဲၣ်
• တၢ်ဒိးန့ၢ်တၢ်ဟ့ၣ်ကူၣ်တဖၣ် ဘၣ်ဃးဒီးကျဲတဖၣ်လၢ ကမၤစှၤလီၤတၢ်လၢာ်ဘူၣ်လၢာ်စ့ ဒီးကွၢ်ဃုတၢ်ကွၢ်ထွဲလၢအကံၢ်အစီထီ

ယမ့ၢ်အိၣ်ပာ်စၢၤကသံၣ်ကရၣ်တဂၤန့ၣ် ယစူးကါ Blue Care Advisor ကသ့ဒ်လဲၣ်.

စူးကါ Blue Care Advisor ဖဲနကသံၣ်သရၣ်ဟ့ၣ်ကူၣ်နၤ တၢ်မၤကွၢ်ဒၢး, ကသံၣ်သရၣ်တီၤထီစဲၣ်နီၤတဖၣ် ဒီးဆူၣ်ချ့တၢ်တိစၢၤမၤစၢၤအဂၤတဖၣ်န့ၣ်တက့ၢ်. နကမၤလိဘၣ်တၢ်ဘၣ်ဃး နတၢ်ဃုထၢတဖၣ် ဒီးအဘူးအလဲလၢအဘၣ်ထွဲတဖၣ် ဒီးအကံၢ်အစီန့ၣ်လီၤ. ကသံၣ်သရၣ်တဘျုးဂၤ ဟ့ၣ်ကူၣ်ဝဲဒၣ် ကသံၣ်သရၣ်တီၤထီစဲၣ်နီၤတဖၣ်, တၢ်မၤကွၢ်ဒၢးတဖၣ် ဒီးဆူၣ်ချ့အပီၤအလီတဖၣ် ဘၣ်ဆၣ်တသ့ၣ်ညါအဘူးအလဲလၢနကဘၣ်ဟ့ၣ်ဘၣ်. ကသံၣ်သရၣ်အါတက့ၢ်န့ၣ် ကဟ့ၣ်နၤတၢ်ဃုထၢအါမးလၢတၢ်သူၣ်ခုသးခု ဒ်သိးကဃုထံၣ်သ့ၣ်ညါတၢ်လၢ Blue Care Advisor အဂီၢ်န့ၣ်လီၤ. နစူးကါ Blue Care Advisor ဒ်သိးကကွၢ်ဃုတၢ်တိစၢၤမၤစၢၤတဖၣ် လၢနဟံၣ်ဖိဃီဖိအဂၤတဖၣ်အဂီၢ်စ့ၢ်ကီးန့ၣ်လီၤ. တကးဒံးဘၣ် Blue Care Advisor ဟ့ၣ်ဝဲကျဲအညီဒီးကဲတၢ်မၤစၢၤ ဒ်သိးကနၢ်ပၢၢ်နဆူၣ်ချ့တၢ်တိာ်ကျဲၤ ဒီးတၢ်ကွၢ်ထွဲလၢအပူၤကွံာ်အဂီၢ်န့ၣ်လီၤ.

Blue Care Advisor အကံၢ်အစီတၢ်ဂ့ၢ်ထၢဖှိၣ်တဖၣ်န့ၣ် ဟဲလၢဖဲလဲၣ်.

အကံၢ်အစီတၢ်ဂ့ၢ်ထၢဖှိၣ်န့ၣ် ဟဲဝဲလၢ ကမျၢၢ်ဒီးနီၢ်တဂၤဂံၢ်ထံးတဖၣ်အါမး ပၣ်ဃုာ်ဒီး The Leapfrog Group for Patient Safety, The US Department of Health and Human Services (ကီၢ်အမဲရကၤဆူၣ်ချ့ဒီးပှၤကညီတၢ်တိစၢၤမၤစၢၤတဖၣ်), ခၢၣ်စးကရၢအဂၤတဖၣ် လၢအပာ်ဖျါတၢ်ဆူပဒိၣ်အအိၣ် ဒီးတၢ်ဟ့ၣ်ပှၤစူးကါတၢ်ဖိအမးတၢ်အိၣ်ယၢၤတဖၣ်န့ၣ်လီၤ.

တၢ်ကစီၣ်ဂ့ၢ်ကျိၤမနုၤ ဘၣ်ဃးဒီးယဟံၣ်ဖိဃီဖိတဖၣ်န့ၣ် ဘၣ်တၢ်ရၤလီၤအီၤ/တၢ်ရၤလီၤအီၤသ့လဲၣ်.

Blue Care Advisor န့ၣ်ပိာ်ထွဲဝဲ ကီၢ်စၢဖှိၣ်ဒီးကီၢ်စဲၣ်ဆူၣ်ချ့တၢ်ကွၢ်ထွဲသဲစး ဒီးတၢ်သိၣ်တၢ်သီတဖၣ်ခဲလၢာ် ပၣ်ဃုာ်ဒီး HIPAA န့ၣ်လီၤ. နကထံၣ်ဘၣ် ဆူၣ်ချ့တၢ်ကွၢ်ထွဲတၢ်ကွဲးနီၣ်တဖၣ် လၢနဂီၢ် ဒီးနဖိသၣ်ဆံးတဖၣ်အဂီၢ်န့ၣ်လီၤ. နကထံၣ်ဘၣ်ထဲ တၢ်ဃ့အဘူးအလဲတၢ်ဂ့ၢ်တၢ်ကျိၤလၢအိၣ်ဒီးတၢ်ပာ်ပနီၣ် (ဒ်သဲစးတၢ်သိၣ်အသိး) လၢနမါဝၤ/ပှၤမံဃုာ်အိၣ်သကိးလၢဟံၣ် ဒီးပှၤသးပှၢ်အိၣ်သန့ၤတဖၣ်န့ၣ်လီၤ. ဘၣ်ဆၣ်နမါဝၤ/ပှၤမံဃုာ်အိၣ်သကိးလၢဟံၣ် ဒီးပှၤသးပှၢ်အိၣ်သန့ၤတဖၣ်န့ၣ် ဃုထၢသ့လၢ ကဆီတလဲအမံၤတၢ်ဆီလီၤပာ်လီၤတဖၣ် ဒ်သိးကပာ်ဖျါအပူၤကွံာ်ဆူၣ်ချ့တၢ်ကွၢ်ထွဲတၢ်ကွဲးနီၣ်တဖၣ်အလၢအပှဲၤန့ၣ်လီၤ.

နမါဝၤ/ပှၤမံဃုာ်အိၣ်သကိးလၢဟံၣ်န့ၣ် ကထံၣ်ဒၣ်ထဲ အတၢ်ဂ့ၢ်ဒီးအဖိဆံးတဖၣ် အတၢ်ဂ့ၢ်န့ၣ်လီၤ. နဃုထၢသ့လၢ ကဟ့ၣ်နမါဝၤ/ပှၤမံဃုာ်အိၣ်သကိးလၢဟံၣ် ခွဲးယာ်လၢကနုာ်ကွၢ် နအပူၤကွံာ်ဆူၣ်ချ့တၢ်ကွၢ်ထွဲတၢ်ကွဲးနီၣ်တဖၣ် ခီဖျိတၢ်ဆီတလဲ နမံၤတၢ်ဆီလီၤပာ်လီၤန့ၣ်လီၤ. ပှၤသးပှၢ်အိၣ်သန့ၤတဖၣ်န့ၣ် ကထံၣ်ဘၣ်ထဲ အဝဲသ့ၣ်အပူၤကွံာ်ဆူၣ်ချ့တၢ်ကွၢ်ထွဲတၢ်ကွဲးနီၣ်တဖၣ်န့ၣ်လီၤ.

ယကသံၣ်သရၣ်န့ၣ် အိၣ်လၢပှာ်ဘျးစဲအပူၤလီၤ. ဘၣ်မနုၤအဃိ အဝဲတအိၣ်လၢ နတၢ်မၤကျဲအပူၤလဲၣ်.

နကသံၣ်သရၣ်န့ၣ် ဘၣ်သ့ၣ်သ့ၣ်တဖျါလၢ "ပှာ်ဘျးစဲအပူၤ" မ့ၢ်လၢအဝဲနုာ်လီၤဟးထီၣ်လၢ ပှာ်ဘျးစဲဒ် လံာ်ဃံးဃာ်တဖၣ် ဃုာ်ဒီၤဆူၣ်ချ့တၢ်တိာ်ကျဲၤတဖၣ်န့ၣ်တၢ်မၤသီထီၣ်အီၤ/ဆိကတီၢ်ကွံာ်အီၤ/တၢၣ်ပီၣ်သုးကျဲၤန့ၢ်အီၤ/တၢ်ဒ်န့ၣ်တဖၣ်န့ၣ်လီၤ. တၢ်မ့ၢ်ကဲထီၣ်ဒ်န့ၣ်ဒီး နကသံၣ်သရၣ် အပှာ်ဘျးစဲတၢ်အိၣ်သးအသီန့ၣ် တဘၣ်တၢ်မၤသီထီၣ်အီၤတဘျီဃီလၢ Blue Care Advisor အဃိ တလိၣ်ပအိၣ်ခိးလၢဆူၣ်ချ့တၢ်တိာ်ကျဲၤ ဒ်သိးကဆှၢပှၤ ကသံၣ်သရၣ်အပှာ်ဘျးစဲတၢ်အိၣ်သးအသီဘၣ်န့ၣ်လီၤ. တၢ်မၤကျဲအကူာ်ဒ်အံၤန့ၣ် တၢ်လီၢ်ဖဲ တၢ်စဲၤခံကဲထီၣ်သ့ လၢကသံၣ်သရၣ်အပှာ်ဘျးစဲတၢ်အိၣ်သးအသီကတၢၢ် ဒီးပှာ်ဘျးစဲတၢ်အိၣ်သး လၢတၢ်ပာ်ဖျါအီၤလၢ ဆူၣ်ချ့တၢ်တိာ်ကျဲၤ အပှာ်ယဲၤသန့ ဒီးပှာ်ဘျးစဲတၢ်အိၣ်သး လၢအအိၣ်ဖျါလၢ ပအဲးပလံာ်က့ရှ့အပူၤန့ၣ်လီၤ.
 

နီၢ်တဂၤဆူၣ်ချ့တၢ်ဂ့ၢ်န့ၣ် မ့ၢ်တၢ်မနုၤလဲၣ်.   

နီၢ်တဂၤဆူၣ်ချ့တၢ်ဂ့ၢ် (PHI) မ့ၢ်ဝဲတၢ်ဂ့ၢ်တမံၤလၢ်လၢ် လၢအဘၣ်ထွဲဒီးဆူၣ်ချ့တၢ်အိၣ်သး, တၢ်ဟ့ၣ်ဆူၣ်ချ့တၢ်ကွၢ်ထွဲ, မ့တမ့ၢ်တၢ်ဟ့ၣ်ဆူၣ်ချ့တၢ်ကွၢ်ထွဲအလဲ လၢတၢ်ဘျးစဲအီၤသ့လၢ နီၢ်တဂၤလၢတၢ်ဃုထံၣ်ပာ်ပနီၣ်အီၤသ့ ဒီးတၢ်ထၢဖှိၣ်အီၤလၢ ကရၢအုၣ်ကီၤ မ့တမ့ၢ်ပနံာ်တၢ်မၤပှၤမၤသကိးတၢ်တဂၤန့ၣ်လီၤ. PHI န့ၣ်ဘၣ်သ့ၣ်သ့ၣ်ကပၣ်ဃုာ်စ့ၢ်ကီး တၢ်ဂ့ၢ်ထၢဖှိၣ် လၢအလီၤဘၣ်လၢ နီၢ်တဂၤတၢ်ဂ့ၢ်လၢဘၣ်ကမၣ်တသ့ကရူၢ်(SPI).   လၢအမ့ၢ်တၢ်ဂ့ၢ်ထၢဖှိၣ် လၢအဟဲလၢနီၢ်တဂၤတၢ်ဂ့ၢ် လၢအလီၤကမၣ်တသ့ဖးဒိၣ် လၢန့ဆၢၣ်အသိး ဒီးမ့ၢ်ဟါမၢ် မ့တမ့ၢ်ဘၣ်တၢ်ရၤလီၤအီၤ လၢတၢ်တပာ်လီၤသးစဲဃဲၤအပူၤန့ၣ် ဒုးအိၣ်ထီၣ်သ့ တၢ်ဘၣ်ဒိဖးဒိၣ် မ့တမ့ၢ်တၢ်မဲာ်ဆှးလၢ ပှၤနီၢ်တဂၤအဂီၢ်န့ၣ်လီၤ. SPI အဒိတဖၣ်န့ၣ် အိၣ်အကလုာ်ကလုာ် လၢကရၢကရိတဖၣ်အပူၤဘၣ်ဆၣ် ဘၣ်သ့ၣ်သ့ၣ်ကပၣ်ဃုာ်တၢ်လၢအပိာ်ထွဲတဖၣ်န့ၣ်လီၤ -

• ပှၤဂ့ၢ်ဝီတၢ်ဘံၣ်တၢ်ဘၢနီၣ်ဂံၢ်
• အိၣ်ဖျဲၣ်မုၢ်နံၤမုၢ်သီ
• နီၢ်ခိက့ၢ်ဂီၤ မ့တမ့ၢ်စၢၤသွဲၣ်တၢ်မၤနီၣ်တဖၣ် 
• ထံရူၢ်ကီၢ်သဲး မ့တမ့ၢ် တၢ်ဘူၣ်တၢ်ဘါတၢ်ထံၣ်တဖၣ်   
• ကလုာ် မ့တမ့ၢ်ကလုာ်ဒူၣ်
• ပှၤတၢ်ဃုထၢလၢတၢ်သးလီၤမုၣ်သးလီၤခွါ
• စ့စရီအကီးနီၣ်ဂံၢ်တဖၣ်  

ပှၤတဖၣ်န့ၣ် အိၣ်ဒီးခွဲးယာ်လၢ ကဒီလိးဟံးန့ၢ်အနီၢ်တဂၤဆူၣ်ချ့တၢ်ဂ့ၢ် လၢအဲးပလံာ်က့ရှ့ အပှာ်ယဲၤသန့ဘံၣ်ဘၢအချၢဧါ.

မ့ၢ်လီၤ. HIPAA အဖီလာ်န့ၣ် နီၢ်တဂၤလၢတၢ်အုၣ်ကီၤဃာ်အီၤ မ့တမ့ၢ်ပနံာ်တၢ်မၤပှၤမၤသကိးတၢ်န့ၣ် ပၢၤဃာ်တၢ်ကွဲးနီၣ် လၢအဆီလာ်ပာ်လီၤဃာ် (ဆူၣ်ချ့တၢ်ကွၢ်ထွဲတၢ်ကွဲးနီၣ်တဖၣ်လၢ အဆီလီၤပာ်လီၤဃာ်) ဘၣ်ဃးဒီးနီၢ်တဂၤန့ၣ်လီၤ. နီၢ်တဂၤဝဲန့ၣ် အိၣ်ဒီးခွဲးယာ်လၢ ကနုာ်လီၤကွၢ် ဒီးဆှၢခီအနီၢ်တဂၤတၢ်ဂ့ၢ် (ပၣ်ဃုာ်ဒီး PHI) န့ၣ်လီၤ. ပတရဲၣ်သဲကတီၤဃာ်တၢ်ကွဲးနီၣ်ကွဲးဃါ ဘၣ်တၢ်မၤအီၤလၢ HIPAA ဘၣ်ဆၣ်, လၢတၢ်အဒိအတဲာ်အါတက့ၢ်အပူၤ ပလူၤပိာ်မၤထွဲဒ်တၢ်နဲၣ်ကျါအိၣ်ဝဲဒၣ်လၢ HIPAA အဖီလာ်အသိးဒီး လၢတၢ်န့ၣ်အဃိဟ့ၣ်ခွဲးဟ့ၣ်ယာ်ဒ်သိး ပပှၤစူးကါတၢ်ဖိတဖၣ်ကမၤန့ၢ်အဲး(ပ)လံၣ်က့ရှၢၣ်အဂီၢ်ဒီး ကဒိးန့ၢ်ဝဲနီၢ်ကစၢ်အဂ့ၢ်အကျိၤတနီလၢအပၣ်ဃုာ်ဒီး PHI န့ၣ်လီၤႉ   

တၢ်ဂ့ၢ်ခီၣ်ထံး : ဆူၣ်ချ့ဒီး ပှၤကူပှၤကညီတၢ်ဟ့ၣ်မၤစၢၤတဖၣ်ဝဲၤကျိၤ: ပှၤတဂၤဘၣ်တဂၤခွဲးယာ်အိၣ်ဖဲ HIPAA အဖီလာ်ဒ်သိးကမၤန့ၢ်ဝဲဒၣ် ဆူၣ်ချ့တၢ်ကစီၣ် 45 CFR § 164.524. 

တၢ်ဘၣ်ယိာ်တနီလၢအဘၣ်ထွဲဒီး တၢ်တဒိးန့ၢ် PHI ဘံၣ်ဘံၣ်ဘၢဘၢအဃိန့ၣ် မ့ၢ်မနုၤတဖၣ်လဲၣ်ႉ   

တၢ်ဘၣ်ယိာ်တနီလၢအဘၣ်ထွဲဒီး တၢ်တဒိးန့ၢ် PHI ဘံၣ်ဘံၣ်ဘၢဘၢအဃိန့ၣ် ပၣ်ဃုာ်ဝဲဘၣ်ဆၣ်တၢ်အဒုၣ်အဆၢတအိၣ်ဘၣ်ဒ်လၢအဖီလာ်အသိးန့ၣ်လီၤ :  

• တၢ်နုာ်လီၤမၤဟးဂီၤပှၤဂၤအခီၣ်ဖၠူထၢၣ်သနိ/တၢ်စူးကါလၢအတအိၣ်ဒီးတၢ်ပျဲ မ့တမ့ၢ် ပှၤသၢဖုတဖုအတၢ်တြီဃာ်တၢ် (လၢတၢ်အံၤအပူၤကပၣ်ဃုာ်ဝဲဒီး ပှၤဂဲၤဒိတၢ်ဖိလၢအအၢတဂၤ မ့တမ့ၢ် ပှၤလၢအဟ့ၣ်မၤစၢၤပှၤသၢဖုတဖု) 
• စဲးပီးလီလၢဘၣ်တၢ်ဟုၣ်န့ၢ်အီၤဃုာ်ဒီး တၢ်ကစီၣ်လၢဘၣ်တၢ်ဒိးန့ၢ်အီၤတဖၣ်လီၤမၢ်ကွံာ်ဝဲဒၣ်  
• တၢ်ဘၣ်ယိၣ်ဘၣ်ဃးဒီးတၢ်စူးကွံာ်ကမၣ်တၢ် မ့တမ့ၢ် တၢ်တၢ်ဟံးဃာ်တၢ်ကွဲးနီၣ်ကွဲးဃါလၢစဲးပီးလီပူၤ လၢအဘၣ်တၢ်သုအီၤဒ်သိးကဟံးန့ၢ်တၢ်လၢ အ့ထၢၣ်နဲးဖီခိၣ်အဂီၢ်  
• တၢ်ဂ့ၢ်ထၢဖှိၣ်လၢ အတဘၣ်တၢ်ဆီတလဲအီၤဆူတၢ်ဂ့ၢ်ခူသူၣ် (ပၣ်ဃုာ်ဝဲဒီးတၢ်ဆှၢထီၣ်ဆှၢလီၤတၢ်ဂ့ၢ်ထၢဖှိၣ်ဆူပှၤသၢဖုတဖုအအိၣ် လၢအဂ့ၢ်တဘၣ်တၢ်ပာ်ခူသူၣ်အီၤ)  

တၢ်ဆိကမိၣ်တနီလၢအဘၣ်ထွဲဒီးတၢ်ဘံၣ်တၢ်ဘၢအဂ့ၢ်ဒီး တၢ်ဟ့ၣ်ကူၣ်ဒီသဒၢတနီဖဲတချုးဟံးန့ၢ်တၢ်ဂ့ၢ်ထၢဖှိၣ်လၢ အ့ထၢၣ်နဲးဖီခိၣ်ဒီး ဆှၢထီၣ်ဆှၢလီၤအီၤဖဲ အဲး(ပ)လံၣ်က့ရှၢၣ်ကျဲစီၣ်အချၢလၢ အတအိၣ်ဒီးတၢ်ဘံၣ်တၢ်ဘၢတဖၣ်န့ၣ် မ့ၢ်မနုၤလဲၣ်ႉ   

ပဟ့ၣ်ကူၣ်ဟ့ၣ်ဖးလီၤတံၢ်လီၤဆဲး ဘၣ်ဆၣ်တလိၣ်ထၢနုာ်ဒီသဒၢတၢ်ဒ်အဖီလာ်တဖၣ်ဆူ နစဲးပီးလီတၢ်ဆီလီၤပာ်လီၤတဖၣ်အပူၤ တချုးတၢ်ဟံးန့ၢ်လၢအ့ထၢၣ်နဲးဖီခိၣ်ဒီး/မ့တမ့ၢ် ဆှၢထီၣ်ဆှၢလီၤတၢ် ဒံးဘၣ်န့ၣ်လီၤ   

•  မၤလီၤတံၢ်ဒ်သိးနလီတဲစိာ်စု မ့တမ့ၢ် စီၢနီၤခိၣ်ခီၣ်ဖၠူထၢၣ်စဲးပီးလီန့ၣ် ဆီတလဲၤဝဲဒၣ်ဆူတၢ်ဂ့ၢ်ခူသူၣ်သ့အဂ့ၢ်န့ၣ်တက့ၢ်  
• လံာ်ဖျၢၣ်ခူသူၣ်အတၢ်ဒီသဒၢ လၢလီတဲစိအပီးအလီတဖၣ် ဒီးစဲးဖီကဟၣ်ပီးလီအဂၤတဖၣ်  
•  ဆှၢခီကယဲၢ်တၢ်ဂ့ၢ်ထၢဖှိၣ်လၢ အဒီလိးဟံးန့ၢ်ဃာ်ခဲလၢာ် ခီဖျိကျဲလၢအဘံၣ်ဘၢ  

 ယကဘၣ်လဲၤကွၢ်ဃု တၢ်ဂ့ၢ်ဘၣ်ဃး နီၢ်တဂၤတၢ်ဂ့ၢ်ခူသူၣ် ဒီးတၢ်ဘံၣ်တၢ်ဘၢဖဲလဲၣ်. 

တၢ်သံကွၢ်ညီနုၢ်တဖၣ် ဘၣ်ဃးဒီးပတၢ်ခူသူၣ်တၢ်မၤလုၢ်လၢ်တဖၣ်အဂီၢ် ဝံသးစူၤကွၢ်ဘၣ်ပ တၢ်ဂ့ၢ်ခူသူၣ်တၢ်ဘိးဘၣ်သ့ၣ်ညါတက့ၢ်.   

တၢ်ဂ့ၢ်တၢ်ကျိၤဒီးတၢ်အိၣ်ယၢၤမၤစၢၤအဂၤတဖၣ် လၢအဘၣ်ဃးဒီးခိၣ်တီအံၤအဂီၢ် ဝံသးစူၤကွၢ်ဘၣ် ဆူၣ်ချ့ဒီးပှၤကညီတၢ်အိၣ်ယၢၤပှာ်ယဲၤသန့ ဘၣ်ဃးဒီး HIPAA တၢ်ဂ့ၢ်ခူသူၣ်တၢ်သိၣ်ဘျၢ ဒီး တၢ်ဘံၣ်တၢ်ဘၢတၢ်သိၣ်တၢ်သီတက့ၢ်.

နစူးကါ Blue Care Advisor လၢလီတဲစိအပီးအလီမနုၤတဖၣ်အပူၤကသ့လဲၣ်.

Blue Care Advisor အလီတဲစိအဲး(ပ)န့ၣ် ပှၤသူအီၤသ့လၢ တၢ်ပီးတၢ်လီအါတက့ၢ် ဒီးဒိးန့ၢ်သ့လၢ iOS ဒီး Android န့ၣ်လီၤ. ဒီလိးဟံးန့ၢ်အဲး(ပ)အပှ့ၤကလီလၢ Apple App Store မ့တမ့ၢ် Google Play တက့ၢ်. နနုာ်လီၤကွၢ် Blue Care Advisor ခီဖျိနလီတဲစိပှာ်ယဲၤသန့ဘြီစၢၣ် ခီဖျိတၢ်နုာ်လီၤဆူနအကီးသ့စ့ၢ်ကီးန့ၣ်လီၤ. 

စီၢ်နီၤခိၣ်ခီဖၠူထၢၣ်ဘြီစၢၣ်မနုၤတဖၣ်န့ၣ် ဆီၣ်ထွဲဝဲဒၣ် Blue Care Advisor လဲၣ်.

ပဘၣ်လိာ်ဒီး ဘြီစၢၣ်အါတက့ၢ် ပၣ်ဃုာ်ဒီး Chrome, Firefox, Safari, Internet Explorer 11, ဒီး Microsoft Edge ဒီးဟ့ၣ်ကူၣ်နၤလၢ နကစူးကါနဘြီစၢၣ်အသီကတၢၢ်န့ၣ်လီၤ.

ဝံသးစူၤတိၢ်နီၣ်လၢ Internet Explorer လၢအဒူၣ် 10 မ့တမ့ၢ် ဆိန့ၢ်အီၤတဖၣ်န့ၣ် ဘၣ်သ့ၣ်သ့ၣ်ကတူၢ်ဘၣ် တၢ်ကီခဲလၢအအိးထီၣ်အဲး(ပ)န့ၣ်လီၤ. ပတဟ့ၣ်ကူၣ်စ့ၢ်ကီး တၢ်စူးကါ ဝ့ဒိခူသူၣ်လၢနဘြီစၢၣ်အပူၤဘၣ်ဒီး တၢ်န့ၣ်ဒုးအိၣ်ထီၣ်တၢ်ဂ့ၢ်ကီသ့ ဖဲအအိၣ်ထီၣ် မ့တမ့ၢ်နုာ်လီၤဆူ နအကီးအပူၤအခါန့ၣ်လီၤ.

ယဘၣ်ကွၢ်ဃုတၢ်ကွၢ်ထွဲဒ်လဲၣ်.

နတၢ်မၤကစၢ် မ့ၢ်ဒၢနုာ်ဃာ် တၢ်ကွၢ်ဃုပှၤဆီၣ်ထွဲမၤစၢၤတၢ်လၢန Blue Care Advisor တၢ်န့ၢ်ဘျုးတဖၣ်အပူၤန့ၣ် နကွၢ်ဃုသ့တၢ်ကွၢ်ထွဲ လၢလီတဲစိအဲး(ပ) ဒီးစီၢ်နီၤခိၣ်ခီၣ်ဖၠူထၢၣ်အဲးပလံာ်က့ရှ့အပူၤသ့န့ၣ်လီၤ.

လၢ Blue Care Advisor လီတဲစိအပူၤ

ဃုထၢ ကွၢ်ဃုတၢ်ကွၢ်ထွဲ လၢတၢ်ကွၢ်ဃုစရီလၢအဖီလာ်တခီတက့ၢ်. နကွၢ်ဃုသ့ ကသံၣ်သရၣ်, တၢ်ဆါဟံၣ်, ကသံၣ်ဒၢး, တၢ်အိၣ်သး, မ့တမ့ၢ်တၢ်မၤကျိၤကျဲတဖၣ် လၢတၢ်ကွၢ်ဃုဘိလၢထး မ့တမ့ၢ်နစံၣ်လီၤ ဒ်သိးကကွၢ်ဃု တၢ်ဃုန့ၢ်အါဒၣ်တက့ၢ်အဂီၢ်န့ၣ်လီၤ.

လၢ Blue Care Advisor စီၢ်နီၤခိၣ်ခီၣ်ဖၠူထၢၣ်အပူၤ

စူးကါတၢ်ကွၢ်ဃုအဘိလၢထး လၢနပှာ်ယဲၤသန့ကဘျံးမိၢ်ပှၢ် ဒ်သိးကဒိနုာ်နတၢ်ကွၢ်ဃု မ့တမ့ၢ်ဃုထၢ ကွၢ်ဃုတၢ်ကွၢ်ထွဲလၢ စရီလၢထး ဒ်သိးကကွၢ်ဃုတၢ်ကွၢ်ထွဲ လၢကရူၢ်န့ၣ်လီၤ.

ကျဲခံဘိဒဲးန့ၣ် ကပာ်ဖျါဝဲ ပှာ်ဘျးစဲပူၤကသံၣ်သရၣ်တဖၣ်စရီ လၢနစ့း(ပ)နီၣ်ဂံၢ်ခူသူၣ်အကပၤန့ၣ်လီၤ. နမ့ၢ်သးအိၣ်ကွၢ်ဃုတၢ်လၢ တၢ်လီၢ်အဂၤန့ၣ် ဃုထၢအိၣ်ဆိးလီၢ် လၢတၢ်ပာ်ဖျါအီၤဒီး ဒိးနုာ်ဝ့ၢ် မ့တမ့ၢ်စ့(ပ)နီၣ်ဂံၢ်ခူသူၣ် လၢနသးလီတက့ၢ်.

ယတၢ်အုၣ်ကီၤတၢ်တိာ်ကျဲၤတၢ်ဂ့ၢ်န့ၣ် တၢ်မၤသီထီၣ်အီၤပှဲၤသီတဘျီလဲၣ်.

ဒိးသန့ၤသးလၢ အက့ၢ်အဂီၤတဖၣ်လၢနကွၢ်အလိၤ ဘၣ်သ့ၣ်သ့ၣ်ပကပာ်ဖျါတၢ်ဂ့ၢ် ဘၣ်ဃးနတၢ်အုၣ်ကီၤတၢ်တိာ်ကျဲၤ ဒ်အမ့ၢ်နဟ့ၣ်တ့ၢ်အဘူးအလဲလၢ တၢ်ဟ့ၣ်အဘူးအလဲလၢနီၢ်ကစၢ်စ့ လၢနတၢ်ဟ့ၣ်ဆိအဘူးအလဲပာ်ဖှိၣ်ထဲလဲၣ်န့ၣ်လီၤ. အါတက့ၢ်န့ၣ် ပမၤသီထီၣ်နတၢ်ဟ့ၣ်ဆိအဘူးအလဲ ဒီးအဘူးအလဲလၢနီၢ်ကစၢ်ဟ့ၣ်တၢ်အိၣ်သး တဘျီလၢ်လၢ်လၢ နနုာ်လီၤအခါန့ၣ်လီၤ.

တၢ်ဃ့က့ၤအဘူးအလဲ, ကသံၣ်သရၣ် ဒီးတၢ်အပှ့ၤတၢ်ဂ့ၢ်တဖၣ်န့ၣ် တၢ်မၤသီထီၣ်အီၤပှဲၤသီတဘျီလဲၣ်.

ဒိးသန့ၤအသးလၢ အက့ၢ်အဂီၤတဖၣ်လၢ နတၢ်မၤကစၢ်ဟ့ၣ်တ့ၢ်နၤ တၢ်ကွၢ်အခွဲးအဖီခိၣ်အသိး နကွၢ်ကသ့ တၢ်ဃ့က့ၤအဘူးအလဲတဖၣ်, ကသံၣ်သရၣ်စရီတဖၣ် ဒီးအဘူးအလဲတၢ်ဂ့ၢ်တဖၣ်န့ၣ်လီၤ. တၢ်မၤသီထီၣ်က့ၤအဘျီတဖၣ်န့ၣ် လီၤဆီဝဲလၢ တၢ်ဂ့ၢ်ဒီးတၢ်ဂံၢ်ထံးအကလုာ်အဖီခိၣ်န့ၣ်လီၤ. တၢ်ဃ့က့ၤအဘူးအလဲတဖၣ်, ကသံၣ်သရၣ်စရီ ဒီးတၢ်အဘူးအလဲတၢ်ဂ့ၢ်ထၢဖှိၣ်တဖၣ်န့ၣ် ဘၣ်တၢ်မၤသီထီၣ်က့ၤအီၤ တၢ်လီၢ်တပူၤလၢ်လၢ် လၢတနံၤတဘျီၤ တုၤတလါတဘျီန့ၣ်လီၤ. ဝံသးစူၤတိၢ်နီၣ်လၢ နတၢ်ဟ့ၣ်ဆိအဘူးအလဲတၢ်အိၣ်သးန့ၣ် ညီနုၢ်တၢ်မၤသီထီၣ်က့ၤအီၤ အဘျီအါန့ၢ် တၢ်ဃ့က့ၤအဘူးအလဲတၢ်ဂ့ၢ်န့ၣ်လီၤ.

ယမ့ၢ်တထံၣ် တၢ်ဃ့က့ၤအဘူးအလဲန့ၣ် ကဘၣ်မၤဒ်လဲၣ်.

နတၢ်မၤလီၢ်န့ၣ် မ့ၢ်ဟ့ၣ်နၤခွဲးလၢ ကနုာ်လီၤကွၢ်နတၢ်ဃ့က့ၤအဘူးအလဲတဖၣ်န့ၣ် တိၢ်နီၣ်လၢ ပညီနုၢ်ဒိးန့ၢ်ဒီးတီၣ်ထီၣ်တၢ်ဃ့က့ၤအဘူးအလဲတဖၣ် တဘျီဃီဖဲ အဝဲသ့ၣ်ဘၣ်တၢ်ဟ့ၣ်အီၤလၢ တၢ်စိာ်နတၢ်အုၣ်ကီၤန့ၣ်လီၤ. ဆူၣ်ချ့တၢ်ဃ့က့ၤအဘူးအလဲတဖၣ် လၢတၢ်ဖံးမၤအီၤန့ၣ် ကဖျါထီၣ်ဝဲတပူၤလၢ်လၢ် လၢဃုတုၤဃိးနွံ ဖဲတၢ်ကွၢ်ထွဲဒီးကသံၣ်ကျးလၢတၢ်မၤအီၤ တၢ်ဃ့က့ၤအဘူးအလဲတဖၣ် အိၣ်ဖျါထီၣ် လၢခံတုၤလွံၢ်နွံအပူၤန့ၣ်လီၤ.

ဘၣ်မနုၤအဃိ တဘျီဘျီယထံၣ်ဘၣ် တၢ်အဘူးအလဲလီၤဆီတဖၣ်လဲၣ်.

နကထံၣ်ဘၣ်ထဲအပှ့ၤတဖၣ် ဖဲနတၢ်မၤကစၢ်ဟ့ၣ်တ့ၢ်နၤ ခွဲးလၢကနုာ်လီၤကွၢ်ဃု ကသံၣ်သရၣ်တဖၣ် ဒီးတၢ်မၤကျိၤကျဲတဖၣ်န့ၣ်လီၤ. ပထုးထီၣ်တၢ်ဒွးတယာ်အဘူးအလဲတဖၣ် ခီဖျိတၢ်စူးကါအါန့ၢ် 60 တၢ်ဂ့ၢ်ထၢဖှိၣ်ဂံၢ်ထံးလီၤဆီလိာ်သးတဖၣ် ပၣ်ဃုာ်ဒီးတၢ်ဃ့က့ၤအဘူးအလဲတဖၣ် လၢပပှၤစူးကါတၢ်ဖိတဖၣ်အအိၣ်န့ၣ်လီၤ. ဘၣ်ဆၣ် တဘျီတဘျီန့ၣ် ဘၣ်သ့ၣ်သ့ၣ်ပတမ့ၢ်ကအိၣ်ဒီးတၢ်ကစီၣ်လၢလၢလီၢ်လီၢ် လၢကဟ့ၣ်တၢ်ဒွးတယာ်တမံၤဘၣ်န့ၣ်လီၤ. တၢ်န့ၣ်ကဲထီၣ်သ့ဖဲ ပဘၣ်သ့ၣ်သ့ၣ်ဟ့ၣ် တၢ်အဘူးအလဲလီၤဆီတဖၣ် လၢအခၢၣ်စးန့ၣ်လီၤ. ဖဲကရူၢ် ဖံးမၤတၢ်သမံသမိးအကံၢ်အစီဘၣ်ဆၢဘၣ်ကတီၢ် ဒ်သိးကမၤလီၤတံၢ်လၢ ပတၢ်ဒွးတယာ်တဖၣ်န့ၣ် ဘၣ်ဝဲတီဝဲအဂီၢ်အခါ ပဟ့ၣ်ဂံၢ်ဟ့ၣ်ဘါနၤလၢ ကဆဲးကျိးကသံၣ်သရၣ်တဖၣ် လၢတၢ်ကစီၣ်အသီကတၢၢ်အဂီၢ်န့ၣ်လီၤ.

ဘၣ်မနုၤအဃိ တၢ်အဘူးအလဲတနီၤန့ၣ် တအိၣ်ဖျါဝဲလဲၣ်.

တၢ်အဘူးအလဲတနီၤန့ၣ် ဘၣ်သ့ၣ်သ့ၣ်တမ့ၢ်ကအိၣ်ဖျါလၢ တၢ်လီၢ်တနီၤဘၣ်. ပမ့ၢ်ပာ်ဖျါတၢ်အဘူးအလဲတဖၣ် လၢဆူၣ်ချ့တၢ်တိစၢၤမၤစၢၤတနီၤအဂီၢ်မ့ၢ်တသ့န့ၣ် ပပာ်ဖျါတၢ်အဘူးအလဲလီၤဆီတဖၣ် လၢနလီၢ်ကဝီၤအပူၤသ့ဝဲန့ၣ်လီၤ. တၢ်အဘူးအလဲတဘျုးခါ လၢအဲး(ပ)အပူၤတဖၣ်န့ၣ် ဒိးသန့ၤအသးလၢ ဆူၣ်ချ့အဘူးအလဲတဖၣ် လၢနတၢ်မၤကစၢ်ဟ့ၣ်ဝဲ လၢနဂီၢ်ဒီးနပှၤမၤသကိးတၢ်တဖၣ်အဂီၢ်န့ၣ်လီၤ. ဒ်တၢ်ဟ့ၣ်လီၤတၢ်ဃ့က့ၤအဘူးအလဲတဖၣ်အါထီၣ်အသိး တၢ်အဘူးအလဲတဖၣ်န့ၣ် ကအိၣ်ဖျါအါထီၣ်လၢ ပှၤကိးဂၤဒဲးအဂီၢ်န့ၣ်လီၤ. အခဲအံၤပမၤသကိးတၢ်ဒီး ပနံာ်တၢ်မၤကရူၢ်တဖၣ်, ကသံၣ်ဒၢးတဖၣ်, ဆူၣ်ချ့တၢ်ကွၢ်ထွဲကရူၢ်တဖၣ် ဒီးကီၢ်စၢဖှိၣ်ဒီးကီၢ်စဲၣ်ပဒိၣ်တဖၣ် ဒ်သိးကမၤဂ့ၤထီၣ်တၢ်ဒိးန့ၢ်သ့ ဒီးဆူၣ်ချ့တၢ်ကွၢ်ထွဲအပှ့ၤတဖၣ် အတၢ်အိၣ်ဖျိအိၣ်ဖျါန့ၣ်လီၤ.
 

ခိၣ်ဖးတၢ်ရဲၣ်တၢ်ကျဲၤတဖၣ်လီၤဆီလိာ်သးလၢတၢ်မၤကစၢ်အဖီခိၣ်န့ၣ်လီၤ. နုာ်လီၤဒီးကွၢ်ဒ်သိးနကထံၣ်တၢ်ဃုထၢလၢနဂီၢ်အိၣ်တဖၣ်တက့ၢ်.

ယဒိးန့ၢ်အမးတဖၣ်ဒ်လဲၣ်.

ဒိးသန့ၤသးလၢ နတၢ်န့ၢ်ဘျုးတၢ်တိာ်ကျဲၤအက့ၢ်အဂီၤ ဒီးဆူၣ်ချ့ဒီးတၢ်အိၣ်မုာ်ဆိးပၢၤကျဲတဖၣ် လၢနဒိးန့ၢ်သ့တဖၣ်အဖီခိၣ်, Blue Care Advisor ဟ့ၣ်နၤကျဲအါဘိ ဒ်သိးကန့ၢ်အမးတဖၣ် လၢတၢ်ပၣ်ဃုာ်မၤသကိးတၢ်လၢ ဆူၣ်ချ့ဒီးတၢ်အိၣ်မုာ်ဆိးပၢၤတၢ်ဟူးဂဲၤတဖၣ်အဃိန့ၣ်လီၤ. အဝဲသ့ၣ်တဖၣ်န့ၣ် ပၣ်ဃုာ်သ့ တၢ်ဆဲးကျိးဆူတၢ်ဃုထံၣ်အပီးအလီတမံၤ ဆူစီၢ်နီၤခိၣ်ခီၣ်ဖၠူထၢၣ် ဒီးပိာ်ထွဲကွၢ်ကီ နတနံၤဘၣ်တနံၤတၢ်မၤတဖၣ် ဒ်အမ့ၢ်ခီၣ်ယီၣ်, တၢ်အီၣ်ဒီး တၢ်မံန့ၣ်လီၤ. နဒိးန့ၢ်သ့စ့ၢ်ကီးအမးတဖၣ် လၢတၢ်ပၣ်ဃုာ်မၤသကိးတၢ်လၢ တၢ်အိၣ်မုာ်ဆိးပၢၤတၢ်ရဲၣ်တၢ်ကျဲၤတဖၣ်အဃိန့ၣ်လီၤ. နပၣ်ဃုာ်မၤသကိးတၢ်အါထီၣ်ဒီး နမၤန့ၢ်အမးအါထီၣ်န့ၣ်လီၤ. နအမးအိၣ်တ့ၢ်န့ၣ် တၢ်ပာ်ဖျါအီၤ ဖဲနနုာ်လီၤအခါန့ၣ်လီၤ.

ယမၤတၢ်မနုၤကသ့ လၢယအမးတဖၣ်လဲၣ်.

ဒိးသန့ၤသးလၢ နတၢ်န့ၢ်ဘျုးတၢ်တိာ်ကျဲၤအက့ၢ်အဂီၤ ဒီးဆူၣ်ချ့ဒီးတၢ်အိၣ်မုာ်ဆိးပၢၤကျဲတဖၣ် လၢနဒိးန့ၢ်သ့အဖီခိၣ် နစူးကါကသ့နအမးတဖၣ် ဒ်သိးကနုာ်လီၤလၢ sweepstakes ဒီး/မ့တမ့ၢ် ပှ့ၤတၢ်ခိၣ်ဖးတဖၣ်လိၤလိၤ ဒ်အမ့ၢ်အံၣ်လဲးထြီနံးခးက့တဖၣ်, တၢ်ပှ့ၤဆဲးလီၤအမံၤတဖၣ်, ပနံာ်တဖၣ်, တၢ်မၤဘူၣ်သ့တဖၣ် ဒီးတၢ်အဂၤတဖၣ်န့ၣ်လီၤ.

ယကဘၣ်စူးကါ တၢ်ပိာ်ထွဲမၤနီၣ်တၢ်ဟူးတၢ်ဂဲၤ လၢယသိးအီၤသ့ ဒ်သိးကန့ၢ်ဘၣ်အမးဧါ.

တမ့ၢ်ဘၣ်. နမ့ၢ်တစူးကါ တၢ်ပိာ်ထွဲမၤနီၣ်တၢ်ဟူးတၢ်ဂဲၤလၢနသိးအီၤသ့ဒၣ်လဲၣ် နဒိးန့ၢ်သ့ဒံးအမးတဖၣ် လၢကျဲလၢအပိာ်ထွဲတဖၣ်န့ၣ်လီၤ -

• မၤဘၣ်လိာ်ဖိးဒ့ Blue Care Advisor ဃုာ်ဒီးနလီတဲစိအဆူၣ်ချ့တၢ်ပိာ်ထွဲမၤနီၣ်ဆူၣ်ချ့အပီးအလီတက့ၢ်.
• ကးတံၢ်တၢ်ဟူးတၢ်ဂဲၤလၢန Blue Care Advisor လၢနနီၢ်ကစၢ်
• ဒီလိးဟံးန့ၢ် တၢ်ပိာ်ထွဲကွၢ်ကီအဲး(ပ)အပှ့ၤကလီတက့ၢ်. ကဒိးန့ၢ်ဘၣ် တၢ်ပိာ်ထွဲကွၢ်ကီတၢ်မၤအပီးအလီတဖၣ် လၢအဘၣ်လိာ်အဂီၢ် စံၢ်ဖဲအံၤတက့ၢ်.

ယနီၢ်ကစၢ်က့ၢ်ဂီၤမ့ၢ်တလၢပှဲၤန့ၣ် ယပၣ်ဃုာ်မၤသကိးတၢ်သ့ဝဲစ့ၣ်ဧါ.

သ့ဝဲလီၤ. ပသးခုလၢကမၤသကိးဘၣ်တၢ်ဒီး ပှၤပၣ်ဃုာ်မၤသကိးတၢ်တဖၣ် လၢအိၣ်ဒီးနီၢ်ခိက့ၢ်ဂီၢ်တဆူၣ်ချ့ မ့တမ့ၢ်တလၢပှဲၤတဖၣ် အဃိဒီးအဝဲသ့ၣ် ပၣ်ဃုာ်လၢပတၢ်ရဲၣ်တၢ်ကျဲၤတဖၣ်အပူၤ သ့ဝဲန့ၣ်လီၤ. ဝံသးစူၤဆဲးကျိးပှၤလၢ 1-800-382-2000 ဒ်သိးကန့ၢ်ဘၣ်တၢ်ကစီၣ်ဂ့ၢ်ကျိၤအဂၤတဖၣ်အဂီၢ်တက့ၢ်.

တၢ်န့ၣ်အဖီခိၣ်, နမၤဝဲတၢ်အဟူးအဂဲၤအဂၤလၢတမ့ၢ်တၢ်မၤအဆီတဖၣ်ဘၣ်သ့ဝဲန့ၣ်လီၤ. တၢ်ပိာ်ထွဲကွၢ်ကီတၢ်မၤတဖၣ် ဒ်အမ့ၢ်တၢ်သူၣ်ဖီကရၢၢ်, တၢ်ထဲးထီထူၣ်ပျၢ်, တၢ်ပီၢ်ထံ, တၢ်ယိးအဃၢ, ခးလ့ၣ်, တၢ်ဆှဲပျီကရၢၢ်, ယိကၣ် ဒီးတၢ်အဂၤအါမးန့ၣ်လီၤ. တၢ်ဟူးတၢ်ဂဲၤခဲလၢာ်န့ၣ် ဘၣ်တၢ်မၤနီၣ်အီၤဒီး Blue Care Advisor ကမၤဝဲတၢ်ဒွးဒ်သိးကခီလဲ တၢ်ဟူးတၢ်ဂဲၤတဖၣ်ဆူ တၢ်အပတီၢ်တဖၣ်အဂီၢ်န့ၣ်လီၤ.

ယဘျးစဲ Apple နၢ်ရံၣ်ပာ်စု မ့တမ့ၢ် Apple HealthKit ဆူ Blue Care Advisor ကသ့ဧါ.

1. အိးထီၣ် Blue Care Advisor အဲး(ပ)လၢန iOS အပီးအလီအပူၤတက့ၢ်. လၢနပှာ်ယဲၤသန့ကဘျံးမိၢ်ပှၢ်အပူၤ ဃုထၢတၢ်ရဲၣ်တၢ်ကျဲၤလၢအကြၢးအဘၣ်-Get Active, Sleep Well, မ့တမ့ၢ် Eat Smartတက့ၢ်. နဃုတၢ်ရဲၣ်တၢ်ကျဲၤဝဲန့ၣ်တဖၣ် သ့စ့ၢ်ကီးလၢ နတၢ်န့ၢ်ဘျုးကဘျံးအပူၤန့ၣ်လီၤ.
2. ဃုထၢ စူးကါ Apple Healthတက့ၢ်. ဝံၤဒီး သုးလီၤ Apple HealthKit ဆူ "အိးထီၣ်" (အလါ)တက့ၢ်.

ဝံသးစူၤတိၢ်နီၣ် - Apple HealthKit န့ၣ်ကအိၣ်ဖျါဒ် တၢ်ပိာ်ထွဲကွၢ်ကီအပီးအလီတမံၤ ဖဲနစူးကါ iOS အပီးအလီ ဒ်သိးကနုာ်လီၤကွၢ် Blue Care Advisor အဂီၢ်န့ၣ်လီၤ.

1. လၢန iOS အပီးအလီအပူၤ လဲၤဆူ Settingsတက့ၢ်. ဒီးလဲၤဆူ Privacy ဒီးစံၣ်လီၤဒ်သိးကဃုထၢMotion & Fitnessတက့ၢ်. မၤလီၤတံၢ်လၢ Fitness Tracking ဒီး Health ခံမံၤလိာ်န့ၣ် ဘၣ်တၢ်အိးထီၣ်ဃာ်အီၤ (အလါ)န့ၣ်တက့ၢ်.
2. အိးထီၣ် Health app လၢန iOS အပီးအလီအပူၤတက့ၢ်. လၢဖီလာ်တၢ်ဃုထၢစရီအပူၤ ဃုထၢ တၢ်ဂ့ၢ်အခီၣ်ထံးတက့ၢ်. ဃုထၢ Blue Care Advisor တၢ်ဂီၤ ဒီးမၤလီၤတံၢ်လၢ Dietary Energy, Sleep Analysis, Steps, ဒီး Workouts တဖၣ်န့ၣ်ဘၣ်တၢ်အိးထီၣ်အီၤ(အလါ)ခဲလၢာ်န့ၣ်တက့ၢ်.

နမၤကွၢ်အီၤသ့ ဒ်သိးကမၤလီၤတံၢ်လၢ အပီးအလီန့ၣ် တၢ်ဘျးစဲဃာ်အီၤဂ့ၤဂ့ၤဘၣ်ဘၣ် ခီဖျိတၢ်ဟးကျဲဒ်သိးကမၤလီၤတံၢ်လၢ Apple Health န့ၣ်ပိာ်ထွဲကွၢ်ကီနတၢ်လဲၤအဆီတဖၣ်န့ၣ်လီၤ. နမ့ၢ်ထံၣ်ဘၣ် တၢ်မၤအဆီတဖၣ်လၢ Apple Health အပူၤဘၣ်ဆၣ်တမ့ၢ် Blue Care Advisor န့ၣ်ဝံသးစူၤဆဲးကျိးပှၤလၢ 1-800-382-2000 လၢကန့ၢ်ဘၣ်တၢ်မၤစၢၤအဂီၢ်တက့ၢ်.

ဝံသးစူၤတိၢ်နီၣ်တက့ၢ် ဒ်သိးကမၤဃူဖိနတၢ်မၤအဆီတဖၣ်လၢ Apple Health အဂီၢ် နကဘၣ်အိးထီၣ် Blue Care Advisor အဲး(ပ)အစှၤကတၢၢ် 30 တဘျီန့ၣ်လီၤ. နအိးထီၣ်ကးတံၢ်အ တၢ်ကွၢ်ထွဲပိာ်ထွဲတၢ်တိစၢၤမၤစၢၤ မ့တမ့ၢ်ဒၢနုာ်အသီတခါ ခီဖျိတၢ်စံၢ်လီၤ + လၢထးခီစ့ထွဲတကပၤသ့ဝဲန့ၣ်လီၤ.

Google Fit တၢ်ဘျးစဲဒီးတၢ်မၤဃူဖိးတၢ်

တၢ်ဂ့ၢ်လၢဖီလာ်န့ၣ် ကနဲၣ်နၤကျဲလၢ တၢ်ဆီလီၤပာ်လီၤ Google Fit မ့တမ့ၢ်တၢ်ဘှါဆှဲတၢ်ဂ့ၢ်ကီတမံၤလၢ်လၢ် လၢအိၣ်ဒီးနၤန့ၣ်လီၤ.

ဖဲစူးကါခီၣ်ဖၠူထၢၣ် မ့တမ့ၢ်လဲး(ပ)ထီး(ပ)တဖျၢၣ်အခါ ဝံသးစူၤပိာ်ထွဲတၢ်မၤအဆီအံၤတဖၣ်တက့ၢ် -

1. ဒီလိးဟံးန့ၢ် Google Fit အဲး(ပ)လၢနလီတဲစိအပီးအလီအပူၤတက့ၢ်.
2. လဲၤဆူအဲး(ပ)မ့တမ့ၢ် လဲၤဆူနစီၢ်နီၤခိၣ်ခီၣ်ဖၠူထၢၣ်ဆူ https://fit.google.com ဒီးမၤလီၤတံၢ်လၢ နဆဲးလီၤမံၤလၢအကီးတခါန့ၣ်တက့ၢ်.
3. လၢ Blue Care Advisor အဲး(ပ)မ့တမ့ၢ်လၢ အ့ၣ်ထၢၣ်နဲးဘြီစၢၣ်ဝ့ဒိအသီအပူၤ နုာ်လီၤလၢန  အကီး (Bluecrossmn.com/bca) တက့ၢ်.
4. ဖဲနနုာ်လီၤအခါ ဃုထၢ Get Active တၢ်ဘျးစဲလၢတနံၤဘၣ်တနံၤတၢ်ဟူးတၢ်ဂဲၤတဖၣ်တက့ၢ်.
5. ဃုထၢ Link Tracker လၢကဘျံးပၤစုထွဲတခီတက့ၢ်.
6. ကးတံၢ်တၢ်ပိာ်ထွဲကွၢ်ကီပီးလီတမံၤလၢ်လၢ် လၢအဘျးစဲဃာ်ဆူနအကီးခဲအံၤ ခီဖျိတၢ်သူးအီၤလၢ အလါတုၤအဝါဃး လၢကဘျံးအပူၤတက့ၢ်.
7. စံၢ် + တၢ်ပနီၣ်လၢ ထးခီစုထွဲအကဆူးန့ၣ်တက့ၢ်.
8. ဃုထၢ Google Fit ဒီးနုာ်လီၤလၢနအကီးအပူၤတက့ၢ်.
9. တူၢ်လိာ်တၢ်ဟ့ၣ်နီၤတၢ်ဂ့ၢ်ထၢဖှိၣ်တၢ်ဃ့ထီၣ် ဒ်သိးကပျဲ Blue Care Advisor ကနုာ်လီၤလၢ နတၢ်ပိာ်ထွဲကွၢ်ကီတၢ်ဂ့ၢ်ထၢဖှိၣ်တက့ၢ်.
10. ဖဲနဟဲက့ၤဆူ Blue Care Advisor န့ၣ် မၤလီၤတံၢ်လၢ နအိးထီၣ်ဃာ် Google Fit န့ၣ်တက့ၢ်.
11. စံၢ်ကွၢ် တၢ်မၤဃူမၤဖိး (Sync) နီၣ်ဆီၣ်ခံ ဒီးသမံသမိးလၢ တၢ်ဂ့ၢ်ထၢဖှိၣ်ခဲလၢာ်န့ၣ် ဘၣ်တၢ်မၤဃူအီၤဝံၤလံန့ၣ်တက့ၢ်.
12. Google Fit အဲး(ပ)တၢ်ဆီလီပာ်လီၤအပူၤ မၤလီၢ်တံၢ်လၢ တၢ်အိးထီၣ်ဃာ် Activity Detection ဒီးတၢ်ကွဲးရဲၣ်ဃာ် Blue Care Advisor လၢ Connected Apps အဖီလာ်န့ၣ်တက့ၢ်.

Garmin တၢ်ဘျးစဲဒီးတၢ်မၤဃူတၢ်

တၢ်မၤအဆီလၢလာ်တဖၣ်န့ၣ် ကြၢးပျဲနၤဒ်သိး ကဘျးစဲ Garmin တၢ်ပိာ်ထွဲကွၢ်ကီအပီးအလီတခါ လၢ အခီၣ်ထံးတဘျီ မ့တမ့ၢ်မၤသီထီၣ်က့ၤ တၢ်ဘျးစဲဖဲ နတၢ်ဂ့ၢ်ကီအိၣ်တမံၤမံၤအခါန့ၣ်လီၤ -

1. လၢနီၢ်တဂၤခီၣ်ဖၠူထၢၣ် မ့တမ့ၢ်လဲး(ပ)ထီး(ပ)အပူၤ အိးထီၣ်အ့ၣ်ထၢၣ်နဲးဘြီစၢၣ်တက့ၢ်
2. တြူာ်သံကွၢ် တၢ်ကွၢ်ဃုတၢ်ဂ့ၢ်ထၢဖှိၣ် ပၣ်ဃုာ်ဒီးနအ့ၣ်ထၢၣ်နဲးတၢ်စံၣ်စိၤတဲစိၤ, က့း(ခၠ) ဒီးခိးကံတဖၣ်တက့ၢ်
3. လဲၤဆူ https://connect.garmin.com တက့ၢ်
4. ဟးထီၣ်လၢ Garmin အကီးလၢအအိၣ်ပာ်စၢၤတက့ၢ်
5. အ့ၣ်ထၢၣ်နဲးဘြီစၢၣ်အသီအပူၤ နုာ်လီၤလၢ Jiff အဲးပလံာ်က့ရှ့တက့ၢ်
6. စံၢ်လီၤ More တၢ်ဃုထၢလၢ အအိၣ်ဖဲ ခီၣ်ဖၠူထၢၣ်မဲာ်သၣ်အဖီလာ်စုထွဲအသနၢၣ်တခီန့ၣ်တက့ၢ်
7. ဃုထၢProfile & Settings
8. စံၢ်လီၤ Steps အိၣ်ဖဲ My Linked Services အဖီလာ်တက့ၢ်
9. စံၢ်လီၤတၢ်ပာ်ဖှိၣ်ပနီၣ် [+] လၢတၢ်အခိၣ်ထိး, ထွဲအသနၢၣ်တခီဒီး ဃုထၢထီၣ် Garmin တက့ၢ်
10. နုာ်လီၤခီဖျိလီပရၢဒီး လံာ်မဲာ်ဖျၢၣ်ခူသူၣ်လၢနမၤပာ်စၢၤလၢ န Garmin အကီးအဂီၢ်န့ၣ်တက့ၢ်

တၢ်ဘျးစဲဒီး တၢ်အိးထီၣ် Fitbit

တၢ်ဂ့ၢ်တၢ်ကျိၤလၢအဖီလာ်တဖၣ်အံၤ ကနဲၣ်နၤကျဲလၢနတၢ်မၤကဲထီၣ် Fitbit မ့တမ့ၢ် တၢ်ဘှီဘၣ်မၤဂ့ၤထီၣ်တၢ်ဂ့ၢ်ကီတမံၤလၢ်လၢ်လၢ နကသဂၢၢ်ဘၣ်အဂီၢ်န့ၣ်လီၤႉ

ဖဲစူးကါခီၣ်ဖၠူထၢၣ် မ့တမ့ၢ်လဲး(ပ)ထီး(ပ)တဖျၢၣ်အခါ ဝံသးစူၤပိာ်ထွဲတၢ်မၤအဆီအံၤတဖၣ်တက့ၢ် -

1. လဲၤဆူ fitbit.com ဒီးစံၢ်လီၤတၢ်ပနီၣ်လၢ အအိၣ်ဖဲတၢ်ဃုထၢအလီၢ်လၢ တၢ်အခိၣ်ထိးစုထွဲအသနၢၣ်တခီန့ၣ်တက့ၢ်
2. နုာ်လီၤခီဖျိလီပရၢဒီး လံာ်မဲာ်ဖျၢၣ်ခူသူၣ်လၢနမၤပာ်စၢၤလၢ န Garmin အကီးအဂီၢ်န့ၣ်တက့ၢ်
3. နနုာ်လီၤဝံၤတဘျီဃီဒီး ကထံၣ်ဘၣ်နဃီသွါတဖၣ်လၢဘၣ်တၢ်ဒုးနဲၣ်ပာ်အီၤဖဲ fitbit.com, လဲၤဆူ bluecrossmn.com/bca ဒီးနုာ်လီၤဆူနအကီးပူၤတက့ၢ်
4. စံၢ်လီၤ Hamburger တၢ်ဃုထၢအမံၤရဲၣ်လၢအအိၣ်ဖဲ ခီၣ်ဖၠူထၢၣ်မဲာ်သၣ်အဖီခိၣ်စုစ့ၣ်အသနၢၣ်တခီန့ၣ်တက့ၢ်
5. ဃုထၢထီၣ် Trackers & Health စဲးပီလီတဖၣ်တက့ၢ်
6. စံၢ်လီၤ FitBit tracker
7. နကဘၣ်တၢ်မၢနၤဒ်သိးကထၢနုာ်က့ၤ နဂ့ၢ်နကျိၤတဖၣ်ဖဲနနုာ်လီၤလၢ FitBit အဂီၢ်န့ၣ်လီၤ
8. နကဘၣ်တၢ်မၢနၤဒ်သိးနကပျဲ Castlight လူၤပိာ်ကွၢ်ထွဲနတၢ်ဟူးတၢ်ဂဲၤအကလုာ်ကလုာ်အခံ, စံၢ်လီၤ Allow တက့ၢ်ႉ

ယစဲးပီးလီလၢအလူၤပိာ်ကွၢ်ထွဲယတၢ်ဟူးတၢ်ဂဲၤအခံန့ၣ် တမၤတၢ်လၢဘၣ်ဒီး ယလိၣ်ဘၣ်အီၤအသီတခါလီၤႉ နတၢ်အုၣ်ခီၣ်တၢ်ဘျၢန့ၣ်မ့ၢ်မနုၤလဲၣ်ႉ

စဲးပီးလီတၢ်သိးအီၤသ့လၢနီၢ်ကစၢ်လိၤလၢ အဘၣ်တၢ်ပှ့ၤန့ၢ်အီၤခီဖျိ Blue Care Advisor's Fitness Tracker Incentive ခဲလၢာ်န့ၣ် ဟ့ၣ်တၢ်အုၣ်ကီၤဒ်တၢ်ထုးထီၣ်ပနံာ်ကရူၢ်ပာ်ဖျါဝဲဒၣ်အသိး, တမ့ၢ်ဟဲခီဖျိဝဲဒၣ်လၢ Blue Care Advisor အအိၣ်ဘၣ်ႉ ဝံသးစူၤဆဲးကျိးဆူ တၢ်ထုးထီၣ်ပနံာ်ကရူၢ်လၢအဘၣ်ထွဲဒီး နဆူၣ်ချ့စဲးပီးလီလူၤပိာ်ကွၢ်ထွဲတၢ်န့ၣ်တက့ၢ်ႉ

Fitbit

တၢ်ဃ့ထီၣ်တၢ်ဆီၣ်ထွဲမၤစၢၤအဂီၢ်တဖၣ်န့ၣ် တၢ်ဟ့ၣ်ထီၣ်အီၤသ့လၢ ပှာ်ယဲၤသန့အဖီခိၣ် မ့တမ့ၢ် ခီဖျိလီပရၢ မ့တမ့ၢ် လီတဲစိသ့ဝဲန့ၣ်လီၤႉ

အ့ထၢၣ်နဲးပူၤ : Contact Fitbit Support

လီပရၢ : CWsupport@fitbit.com

လီတဲစိ : 844.534.8248

နကဘၣ်ဟ့ၣ်ထီၣ်န Fitbit တၢ်မၤလီၤတံၢ်နီၣ်ဂံၣ်ခူသူၣ်တၢ်ပနီၣ်, လၢအအိၣ်ဖဲတၢ်မၤလီတံၢ်အလီပရၢ နဒိးန့ၢ်ဘၣ်အီၤလၢ Fitbit အပူၤဖဲ နပှ့ၤတၢ်အဆၢကတီၢ်န့ၣ်လီၤႉ

Garmin

တၢ်ဃ့ထီၣ်တၢ်ဆီၣ်ထွဲမၤစၢၤအဂီၢ်တဖၣ်န့ၣ် တၢ်ဟ့ၣ်ထီၣ်အီၤလၢအ့ထၢၣ်နဲးပူၤ မ့တမ့ၢ် ခီဖျိလၢလီတဲစိသ့ဝဲလီၤႉ ကိးလီတဲစိ မ့တမ့ၢ် ဆှၢလီပရၢဆူ Garmin ပနံာ်ဆီၣ်ထွဲမၤစၢၤတၢ် အအိၣ်ဒ်သိးနကဃ့ထီၣ် Return Merchandise Authorization (RMA) နီၣ်ဂံၢ်အဂီၢ်တက့ၢ်ႉ

အ့ၣ်ထၢၣ်နဲးအီၣ်လဲ - garmin.com

လီတဲစိ : 800.800.1020 မ့တမ့ၢ် 913.397.8200

လိၣ်ဝဲဒၣ်လၢနကဘၣ်ဟ့ၣ်ဝဲ :

1. တၢ်လူၤပိာ်ကွၢ်ထွဲတၢ်အနီၣ်ဂံၢ်ရဲၣ် (မ့ၢ်ဘၣ်ဃးသ့အဃိ)
2. တၢ်ဆှၢကဒါက့ၤတၢ်အိၣ်တၢ်ဆိးအလီၢ်
3. လီတဲစိနီၣ်ဂံၢ်လၢနံၤကတီၢ်

တၢ်လၢအတကၢကီၣ်ဘၣ်

တၢ်ဃ့ထီၣ်တၢ်ဆီၣ်ထွဲမၤစၢၤအဂီၢ်တဖၣ်န့ၣ် တၢ်ဟ့ၣ်ထီၣ်အီၤလၢအ့ထၢၣ်နဲးပူၤ မ့တမ့ၢ် ခီဖျိလၢလီပရၢသ့ဝဲလီၤႉ

အ့ၣ်ထၢၣ်နဲးအလိၤ - misfit.com

လီပရၢ : help@misfit.com

လိၣ်ဝဲဒၣ်လၢနကဘၣ်ဟ့ၣ်ဝဲ :

1. Misfit အကီးအလီပရၢအမံၤအသၣ်လၢ နသူအီၤဒ်သိးတၢ်ကဘျးစဲဒီး နစဲးပီးလီသိးအီၤလၢနီၢ်ကစၢ်လိၤသ့ႉ
2. ကွၢ်ဃုတၢ်အံၤဖဲ misfit.com > Me/Profile > တၢ်ဆီလီၤပာ်လီၤတဖၣ် (အခိၣ်ထိးထွဲတခီ) > အကီးအဂ့ၢ်အကျိၤ
3. န Misfit စဲးပီးလီလူၤပိာ်ကွၢ်ထွဲတၢ်အတၢ်ဂီၤဖးဒိၣ် ဃုာ်ဒီးနီၣ်ဂံၢ်ကွဲးရဲၣ်လၢနၢၣ်ဘၣ်လွံၢ်ကနူၤဃူဝါဒီးဆံးအပူၤလၢ တၢ်ထံၣ်န့ၢ်အီၤသ့ဆှံဆှံႉ
4. Misfit တၢ်မၤလိာ် IDခးက့, အိၣ်ဝဲဒၣ်ဖဲနလီပရၢမၤလီၤတံၢ်တၢ် နဒိးန့ၢ်တ့ၢ်အီၤလၢ Misfit အပူၤဖဲ နပှ့ၤတၢ်အကတီၢ်န့ၣ်လီၤႉ

Nokia (လၢညါခီမ့ၢ်ဝဲ Withings)

လံာ်ဃ့ထီၣ်တၢ်ဆီၣ်ထွဲမၤစၢၤအဂီၢ်န့ၣ် ကြၢးဟ့ၣ်ထီၣ်ဝဲဒၣ်လၢလီပရၢန့ၣ်လီၤႉ

လီပရၢ : Corp-support@withings.com

လိၣ်ဝဲဒၣ်လၢနကဘၣ်ဟ့ၣ်ဝဲ :

1. တၢ်ဂ့ၢ်ပာ်ဖျါလီၤတံၢ်လီၤဆဲးဘၣ်ဃး တၢ်ကီတၢ်ခဲလၢနဘၣ်ကွၢ်ဆၢၣ်မဲာ်ဒီးနစဲးပီလီလူၤပိာ်ကွၢ်ထွဲတၢ်အဂီၢ်ႉ
2. န Nokia တၢ်မၤလိာ် IDခးက့, လၢအအိၣ်ဖဲတၢ်မၤလီတံၢ်အလီပရၢ နဒိးန့ၢ်ဘၣ်အီၤလၢ Nokia အပူၤဖဲ နပှ့ၤတၢ်အဆၢကတီၢ်န့ၣ်လီၤႉ

မၤတၢ်လူၤပိာ်ကွၢ်ထွဲတၢ်အီၣ်တၢ်အီအခံမ့ၢ်န့ၢ်ဝဲဒ် တၢ်ဟ့ၣ်ခိၣ်ဖးအတၢ်ရဲၣ်တၢ်ကျဲၤအပတီၢ်တခါအသိးအဃိဒီး, တၢ်ကမၤအသးဒ်လဲၣ်ႉ

တၢ်လူၤပိာ်ကွၢ်ထွဲတၢ်အီၣ်တၢ်အီအတၢ်ရဲၣ်တၢ်ကျဲၤန့ၣ် ဟ့ၣ်ဂံၢ်ဟ့ၣ်ဘါဝဲဒၣ်လုၢ်လၢ်အီၣ်အီန့ၢ်ဂံၢ်န့ၢ်ဘါခီဖျိ တၢ်ဟ့ၣ်လီၤနၤလၢအဖီးဖိတၢ်ဒီး ခိၣ်ဖးတဖၣ်လၢတနံၤဘၣ်တနံၤနတၢ်နုာ်လီၤဆူ နတၢ်အီၣ်တၢ်အီအပနီၣ်ပူၤအဃိန့ၣ်လီၤႉ တၢ်ရဲၣ်တၢ်ကျဲၤအမံၤအဒိအတဲာ်တဖၣ်န့ၣ် ကအိၣ်ဝဲဒၣ်အကလုာ်ကလုာ်, ဘၣ်တၢ်ကိးအီၤလၢ Bites မ့တမ့ၢ် Eat Smart ဘၣ်ဆၣ် အက့ၢ်အဂီၤတဖၣ်ဒီးအတၢ်ဖံးတၢ်မၤတဖၣ်န့ၣ် မ့ၢ်တၢ်ဒ်သိးသိးခဲလၢာ်န့ၣ်လီၤႉ

တၢ်ဒိးန့ၢ်ဘၣ်အဖီးဖိတဖၣ်

ဒ်သိးကမၤန့ၢ်အဖီးဖိတဖၣ်လၢ တၢ်လူၤပိာ်ကွၢ်ထွဲတၢ်အီၣ်တၢ်အီအခံအဂီၢ်, တနံၤဘၣ်တနံၤ နကဘၣ်ကွဲးနီၣ်ဝဲဒၣ်အစှၤကတၢၢ် 800 ခဲၣ်လိၣ်ရံၣ်န့ၣ်လီၤႉ

တၢ်ကွၢ်ကီနအဖီးဖိတဖၣ်

ဒ်သိးတၢ်ကအံးထွဲကွၢ်ထွဲနတၢ်ကဲထီၣ်ကဲထီအဂီၢ်, ဃုထံၣ်န့ၢ်ကျဲဆူတၢ်လူၤပိာ်ကွၢ်ထွဲတၢ်အီၣ်တၢ်အီအတၢ်ရဲၣ်တၢ်ကျဲၤကဘျံးပၤအအိၣ် လၢနခီၣ်ဖၠူထၢၣ်ဟံၣ်အမဲာ်သၣ်လိၤ မ့တမ့ၢ် လၢတၢ်န့ၢ်ဘျုးတဖၣ်ကဘျံးပၤတဆီန့ၣ်တက့ၢ်ႉ

တၢ်အံၤကလဲၤကိးနၤဆူ ခီၣ်ဖၠူထၢၣ်အမဲာ်သၣ်လိၤဖဲနကထံၣ်ဘၣ် မုၢ်နံၤမုၢ်သီတဖၣ်လၢနဒိးန့ၢ်တ့ၢ်အဖီးဖိတဖၣ်လၢ နတၢ်လူၤပိာ်ကွၢ်ထွဲတၢ်အီၣ်တၢ်အီအခံအဃိဒီး အဖီးဖိနီၣ်ဂံၢ်လၢနမၤန့ၢ်တ့ၢ်အီၤဒီတလါညါအတီၢ်ပူၤန့ၣ်လီၤႉ

မၤတၢ်လူၤပိာ်ကွၢ်ထွဲခီၣ်ကါမ့ၢ်န့ၢ်ဝဲဒ် တၢ်ဟ့ၣ်ခိၣ်ဖးအတၢ်ရဲၣ်တၢ်ကျဲၤအပတီၢ်တခါအသိးအဃိဒီး, တၢ်ကမၤအသးဒ်လဲၣ်ႉ

တၢ်လူၤပိာ်ကွၢ်ထွဲခီၣ်ကါအတၢ်ရဲၣ်တၢ်ကျဲၤန့ၣ် ပျဲနဒိးန့ၢ်ဝဲအဖီးဖိတဖၣ်လၢ တနံၤဘၣ်တနံၤခီၣ်ကါနီၣ်ဂံၢ်ဖီတၢၣ်တဖၣ်ဒ် နလဲၤတုၤဝဲအသိးန့ၣ်လီၤႉ တနံၤအပူၤဖီတၢၣ်အိၣ်ဝဲသၢခါလၢ နဟံးန့ၢ်အီၤသ့, ဖီတၢၣ်တခါဒီးတခါန့ၣ် ဟ့ၣ်တၢ်ခွဲးတၢ်ယာ်ဒ်သိးနကဟးကျဲအါထီၣ်ဒီး ဟံးန့ၢ်အဖီးဖိတဖၣ်အါထီၣ်အဂီၢ်လီၤႉ ဖီတၢၣ်တဖၣ်ဒီး အဖီးဖိနီၣ်ဂံၢ်စုာ်စုာ်လၢအဘၣ်ထွဲဒီးအီၤတဖၣ်န့ၣ် နမၤန့ၢ်အီၤသ့ဒ်နတၢ်ရဲၣ်တၢ်ကျဲၤအိၣ်ဝဲအသိးန့ၣ်လီၤႉ

တၢ်လူၤပိာ်ကွၢ်ထွဲခီၣ်ကါအိၣ်ဝဲဒီးမံၤအလုာ်အလုာ် (ဒ်အမ့ၢ် Steps, မ့တမ့ၢ် Get Active တၢ်ရဲၣ်တၢ်ကျဲၤ), ဘၣ်ဆၣ်ဘၣ်တၢ်ဘှီထီၣ်အီၤခဲလၢာ်ခဲဆ့ဒ်သိးသိးန့ၣ်လီၤႉ

တၢ်ကွၢ်ကီနတၢ်ရဲၣ်တၢ်ကျဲၤအဖီတၢၣ်တဖၣ်

ဒ်သိးကကွၢ်နတၢ်ရဲၣ်တၢ်ကျဲၤအဖီတၢၣ်တဖၣ်အဂီၢ်, ဃုထံၣ်န့ၢ်ကျဲဆူတၢ်လူၤပိာ်ကွၢ်ထွဲခီၣ်ကါအတၢ်ရဲၣ်တၢ်ကျဲၤကဘျံးပၤအအိၣ် လၢခီၣ်ဖၠူထၢၣ်ဟံၣ်အမဲာ်သၣ်လိၤ မ့တမ့ၢ် လၢတၢ်န့ၢ်ဘျုးတဖၣ်ကဘျံးပၤတဆီန့ၣ်တက့ၢ်ႉ

တၢ်အံၤကလဲၤကိးနၤဆူ ခီၣ်ဖၠူထၢၣ်အမဲာ်သၣ်လိၤလၢအဒုးနဲၣ်ဖီတၢၣ်တဖၣ်, တနံၤဘၣ်တနံၤနခီၣ်ကါအနီၣ်ဂံၢ်, ဒီးအဖီးဖိနီၣ်ဂံၢ်လၢနမၤန့ၢ်တ့ၢ်အီၤခီဖျိနလဲၤတုၤဆူ ဖီတၢၣ်တဖၣ်အံၤအဃိန့ၣ်လီၤႉ

မၤတၢ်လူၤပိာ်ကွၢ်ထွဲတၢ်မံၤတၢ်ဂဲၤမ့ၢ်န့ၢ်ဝဲဒ် တၢ်ဟ့ၣ်ခိၣ်ဖးအတၢ်ရဲၣ်တၢ်ကျဲၤအပတီၢ်တခါအသိးအဃိဒီး, တၢ်ကမၤအသးဒ်လဲၣ်ႉ

တၢ်ဒိးန့ၢ်အမးတဖၣ်

နကဘၣ်လူၤပိာ်ကွၢ်ထွဲအစှၤကတၢၢ် တၢ်မံၤခံနၢ်ရံၣ်ပယူၢ်ဃီ ဒ်သိးနကမၤန့ၢ်အဖီးဖိတဖၣ်လၢမုၢ်တနံၤအဂီၢ်န့ၣ်လီၤႉ

တၢ်ကွၢ်ကီနတၢ်ဒိၣ်ထီၣ်ထီထီၣ်

ဒ်သိးတၢ်ကအံးထွဲကွၢ်ထွဲနတၢ်ကဲထီၣ်ကဲထီအဂီၢ်, ဃုထံၣ်န့ၢ်ကျဲဆူတၢ်လူၤပိာ်ကွၢ်ထွဲတၢ်မံတၢ်ဂဲၤအတၢ်ရဲၣ်တၢ်ကျဲၤကဘျံးပၤအအိၣ် လၢနခီၣ်ဖၠူထၢၣ်ဟံၣ်အမဲာ်သၣ်လိၤ မ့တမ့ၢ် လၢတၢ်န့ၢ်ဘျုးတဖၣ်ကဘျံးပၤတဆီန့ၣ်တက့ၢ်ႉ

တၢ်ကဆှၢနၤဆူ ကဘျံးဖဲနကထံၣ်ဘၣ် မုၢ်နံၤနီၣ်ဂံၢ်တဖၣ် လၢနကးတံၢ်ဃာ်နတၢ်မံမ့ၢ်မ့ၢ်တီတီ ဒီးအမးနီၣ်ဂံၢ်တဖၣ် လၢနဒိးန့ၢ်ဘၣ် လၢလါဝဲန့ၣ်အပူၤန့ၣ်လီၤ.

တၢ်လူၤပိာ်ကွၢ်ထွဲနတၢ်မံတၢ်ဂဲၤ

နပိာ်ထွဲကွၢ်ကီနတၢ်မံ ခီဖျိတၢ်စူးကါ တၢ်ပိာ်ထွဲကွၢ်ကီအပီးအလီလၢနသိးအီၤသ့ မ့တမ့ၢ်တၢ်တိစၢၤမၤစၢၤအဲး(ပ) လၢအပျဲနၤလၢ ကဒၢနုာ်နတၢ်မံလၢနနီၢ်ကစၢ်န့ၣ်လီၤ. စဲးပီးလီလူၤပိာ်ကွၢ်ထွဲတၢ်အမံၤစရီ, စံၣ်ဖဲအံၤတက့ၢ်.

ယကဘၣ်အိးထီၣ်စဲးပီးလီလူၤပိာ်ကွၢ်ထွဲတၢ် ဒ်သိးကမၤလီၢ်တံၢ်တၢ်လူၤပိာ်ကွၢ်ထွဲယတၢ်ဟူးတၢ်ဂဲၤတဖၣ်အဂီၢ် ပှဲၤဘျီလဲၣ်ႉ

ဒ်သိးကမၤလီၤတံၢ်လၢ နတၢ်ဟူးတၢ်ဂဲၤလၢတၢ်ပိာ်ထွဲကွၢ်ကီအီၤတဖၣ်န့ၣ် ဘၣ်တၢ်မၤသီထီၣ်အီၤလၢအဲး(ပ)အပူၤ ဒီးဒိးန့ၢ်နအမးတဖၣ်, မၤဃူနတၢ်ပိာ်ထွဲကွၢ်ကီတၢ်ဟူးတၢ်ဂဲၤလၢ နတၢ်ပိာ်ထွဲကွၢ်ကီတၢ်တိစၢၤမၤစၢၤ 30 သီတဘျီန့ၣ်တက့ၢ်. (အဒိန့ၣ်, မၤဃူန Fitbit အပီးအလီလၢနသိးသ့ လၢန Fitbit အကီးတက့ၢ်.)

ယဒၢနုာ် ယတၢ်ဟးကျဲအဆီတဖၣ်, တၢ်အီၣ်ဒီးတၢ်မံ လၢယနီၢ်ကစၢ်သ့ဧါ.

မ့ၢ်လီၤ. နဒၢနုာ်တၢ်ဟူးတၢ်ဂဲၤတဖၣ်လၢနနီၢ်ကစၢ်သ့ ခီဖျိ Blue Care Advisor အဲး(ပ) မ့တမ့ၢ်လၢပှာ်ယဲၤသန့န့ၣ်လီၤ.

ဖဲနနုာ်လီၤတဘျီဃီန့ၣ် ဃုထၢ Log manually သန့အတၢ်ဘျးစဲ လၢအအိၣ်လၢနတၢ်ဟးကျဲအဆီတဖၣ်, တၢ်အီၣ်ဒီးတၢ်မံတၢ်ရဲၣ်တၢ်ကျဲၤတဖၣ် အကပၤန့ၣ်လီၤ.

ဃုထၢမုၢ်နံၤလၢ နသးအိၣ်ဒၢနုာ်တၢ်ဟူးတၢ်ဂဲၤ, တုၤလၢ 30 သီတချုးလၢ မုၢ်နံၤဖဲန့ၣ်န့ၣ်တက့ၢ်. စူးကါတၢ်သူးဆှၢ ဒ်သိးကဒၢနုာ် တၢ်ဟးကျဲအဆီတဖၣ်, တၢ်အီၣ်ဒီးတၢ်မံန့ၣ်တက့ၢ်.

နဆီတလဲစ့ၢ်ကီး တၢ်ဟူးတၢ်ဂဲၤအဂၤတဖၣ် ဆူတၢ်လဲၤကျဲအဆီတဖၣ် ခီဖျိတၢ်ဃုထၢ တၢ်သူးတၢ်ဂဲၤအဂၤတဖၣ်န့ၣ်လီၤ.. ဃုထၢတၢ်လၢ တၢ်ဟူးတၢ်ဂဲၤအါတက့ၢ်စရီ မ့တမ့ၢ်ဒၢနုာ်တၢ်နကစၢ်တက့ၢ်.

တၢ်ဟူးတၢ်ဂဲၤလၢတမ့ၢ်တၢ်ဟးကျဲအဆီတဖၣ်အဂီၢ် ယကဘၣ်ဒၢနုာ်အီၤဒ်လဲၣ်.

နဆီတလဲတၢ်ဟူးတၢ်ဂဲၤအဂၤတဖၣ် ဆူတၢ်ဟးကျဲအဆီတဖၣ်သ့ ခီဖျိတၢ်ဃုထၢ တၢ်ဟူးတၢ်ဂဲၤအဂၤတဖၣ် လၢ နုာ်လီၤအကစၢ်ဒၣ်ဝဲတၢ်ဘျးစဲ လၢအအိၣ်လၢနတၢ်လဲၤကျဲအဆီတဖၣ်, တၢ်မံဒီးတၢ်အီၣ်တၢ်ရဲၣ်တၢ်ကျဲၤတဖၣ်အကပၤန့ၣ်လီၤ. ဃုထၢတၢ်လၢ တၢ်ဟူးတၢ်ဂဲၤအါတက့ၢ်စရီ မ့တမ့ၢ်ဒၢနုာ်တၢ်နကစၢ်တက့ၢ်.

ယဒၢနုာ်တၢ်လဲၤကျဲအဆီတဖၣ်, တၢ်အီၣ်မ့တမ့ၢ်တၢ်မံ လၢယနီၢ်ကစၢ် ကသ့အါအါထဲလဲၣ်.

နဒၢနုာ်တၢ်ဟူးတၢ်ဂဲၤလၢနတၢ်ကစၢ် တုၤလၢ 30 သီတချုးလၢ မုၢ်နံၤဝဲန့ၣ်န့ၣ်လီၤ.
ယတဒိးန့ၢ်တၢ်အဖီးဖိတဖၣ်လၢ တၢ်လူၤပိာ်ကွၢ်ထွဲအီၣ်တၢ်အီတၢ်အဃိဘၣ်ႉ ယကြၢးမၤမနုၤလဲၣ်ႉ

ကျဲးစၢးမၤကွၢ် တၢ်ဘှီဂ့ၤထီၣ်ခီသွါတဖၣ်အံၤ:

1. မၤလီၤတံၢ်လၢ နတၢ်ပိာ်ထွဲကွၢ်ကီတၢ်တိစၢၤမၤစၢၤန့ၣ် ဘၣ်တၢ်ဘျးစဲအီၤဂ့ၤဂ့ၤဘၣ်ဘၣ် ဆူအဲး(ပ)န့ၣ်တက့ၢ်.
2. မၤလီၤတံၢ်လၢ နနုာ်လီၤအစှၤကတၢၢ် 800 ကဲာ်လိၣ်ရံၣ်လၢတသီအဂီၢ် လၢကန့ၢ်ဘၣ်အမးအဂီၢ်န့ၣ်တက့ၢ်.

ယတဒိးန့ၢ်ဘၣ်အမးလၢ တၢ်ပိာ်ထွဲကွၢ်ကီယတၢ်မံအဂီၢ်ဘၣ်. ယဘၣ်ဘှီအီၤဒ်လဲၣ်.

ကျဲးစၢးမၤကွၢ် တၢ်ဘှီဂ့ၤထီၣ်ခီသွါတဖၣ်အံၤ:

1. မၤလီၤတံၢ်လၢ နတၢ်ပိာ်ထွဲကွၢ်ကီတၢ်တိစၢၤမၤစၢၤန့ၣ် ဘၣ်တၢ်ဘျးစဲအီၤဂ့ၤဂ့ၤဘၣ်ဘၣ် ဆူအဲး(ပ)န့ၣ်တက့ၢ်.
2. မၤဃူနတၢ်ဟူးတၢ်ဂဲၤတၢ်ပိာ်ထွဲကွၢ်ကီပီးလီ ဃုာ်ဒီးနတၢ်ပိာ်ထွဲကွၢ်ကီတၢ်တိစၢၤမၤစၢၤ 30 သီတဘျီန့ၣ်တက့ၢ်. (အဒိန့ၣ်, မၤဃူန Fitbit အပီးအလီလၢနသိးသ့ လၢန Fitbit အကီးတက့ၢ်.)
3. မၤလီၤတံၢ်လၢ နနုာ်လီၤအစှၤကတၢၢ်ခံနၣ်ရံၣ်လၢ တၢ်မံအဆၢကတဲာ် လၢတနၤအဂီၢ် ဒ်သိးကဒိးန့ၢ်ဘၣ်အမးအဂီၢ်န့ၣ်တက့ၢ်.

တိၢ်နီၣ် - Garmin vívokí ဒီး Forerunner 35 န့ၣ်တမ့ၢ်ကမၤဃူ တၢ်မံတၢ်ဂ့ၢ်ထၢဖှိၣ် ဒီးအဲး(ပ)န့ၣ်လီၤ.

Fitness Tracker Incentive န့ၣ်မ့ၢ်တၢ်မနုၤလဲၣ်.

Fitness Tracker Incentive မ့ၢ်ဝဲ Amazon တၢ်ဒိးန့ၢ်စ့ကဘျံး လၢတၢ်ဒၢနုာ်အီၤလၢ တၢ်ပှ့ၤတၢ်ဟူးတၢ်ဂဲၤတၢ်ပိာ်ထွဲကွၢ်ကီ လၢအကြၢးတမံၤလၢ်လၢ် ခီဖျိ Amazon.com န့ၣ်လီၤ.

တၢ်မ့ၢ်ဒၢနုာ်အီၤလၢနတၢ်တိာ်ကျဲၤအပူၤန့ၣ် နနုာ်လီၤကွၢ် Fitness Tracker Incentive လၢ အါန့ၢ်အီၤ တၢ်ဃုထၢစရီန့ၣ်လီၤ.

ယဘၣ်ကွၢ်ဃု ဆူၣ်ချ့တၢ်လူၤပိာ်ကွၢ်ထွဲတၢ်ထိၣ်ဂဲၤသး လံာ်က့ဖှီတဲာ်အနီၣ်ဂံၢ်ခူသူၣ်ဖဲလဲၣ်ႉ

အဝဲန့ၣ်မ့ၢ်ပၣ်လၢနတၢ်တိာ်ကျဲၤအပူၤအဃိ, နအိၣ်ဒီးခွဲးယာ်လၢကန့ၢ်ဘၣ်ဆူၣ်ချ့တၢ်လူၤပိာ်ကွၢ်ထွဲတၢ်ထိၣ်ဂဲၤသးသ့န့ၣ်လီၤႉ နမ့ၢ်ကြၢးဘၣ်န့ၣ် နကထံၣ်ဘၣ် Tracker Incentive လၢ အါန့ၢ်အီၤ တၢ်ဃုထၢစရီန့ၣ်လီၤ.

1. အိးထီၣ်န Blue Care Advisor လၢနစီၢ်နီၤခိၣ်ခီၣ်ဖၠူထၢၣ်လိၤ မ့တမ့ၢ် လီတဲစိစိာ်စုအဲး(ပ)ပူၤန့ၣ်တက့ၢ်ႉ
2. လဲၤဆူ တၢ်အဂၤတၢ်ဃုထၢမၤတၢ်အကျိၤအကွာ်အမံၤစရီႉ
3. လဲၤလီၤဆူအဖီလာ်ဒီးဃုထၢ Tracker Incentive

ကဘၣ်ဟံးန့ၢ်က့ၤယ Fitness Tracker Incentive ဒ်လဲၣ်.

နမ့ၢ်ဖျိးစိန့ၣ် နနုာ်လီၤကွၢ်သ့ Fitness Tracker Incentive လၢ အါန့ၢ်အီၤ တၢ်ဃုထၢစရီ ဒီးပိာ်ထွဲဝဲတၢ်မၤအဆီတဖၣ် လၢလာ်အံၤ ဒ်သိးကဟံးန့ၢ်က့ၤနတၢ်ဒိးန့ၢ်စ့လံာ်ကဘျံးန့ၣ်လီၤ.

1. တၢ်ဃ့က့ၤအဘူးအလဲဘၣ်ထွဲဒီး နဆူၣ်ချ့လူၤပိာ်ကွၢ်ထွဲတၢ်ထိၣ်ဂဲၤလိာ်သးအဂီၢ်
2. လဲၤကွၢ်ဖဲ https://www.amazon.com/gc/pv/redeem
3. ထၢနုာ်လီၤနလံာ်က့ဖှီတဲာ်အနီၣ်ဂံၢ်ခူသူၣ်
4. ပှ့ၤတၢ်လၢ စဲးပီးလီလူၤပိာ်ကွၢ်ထွဲတၢ်လၢအကြၢးဝဲဘၣ်ဝဲတဖၣ်
5. ဘျးစဲနတၢ်ဟူးတၢ်ဂဲၤတၢ်ပိာ်ထွဲကွၢ်ကီ လၢပ Get Active ဒ်သိးကန့ၢ်ဘၣ်အမးအဂီၢ်တက့ၢ်

ယကဘၣ်ဟ့ၣ်က့ၤ တၢ်ပှ့ၤတခါလၢတၢ်မၤအီၤလၢ Fitness Tracker Incentive ဒ်လဲၣ်.

တၢ်ပှ့ၤခဲလၢာ်လၢ တၢ်ပှ့ၤအီၤခီဖျိ Fitness Tracker Incentive လၢ Amazon.com န့ၣ်ဘၣ်ထွဲဒီး Amazon.com အတၢ်ဟ့ၣ်က့ၤသနူန့ၣ်လီၤ. ဝံသးစူၤတၢၣ်ပီၣ်ဒီး Amazon.com ဖဲနသးအိၣ်ဆှၢက့ၤ တၢ်ပှ့ၤက့ၤတခါန့ၣ်တက့ၢ်.

ဘၣ်မနုၤအဃိ တၢ်ဃ့ယၤခိသွဲဖဲ ယဟံးန့ၢ်က့ၤယ Fitness Tracker Incentive အခါလဲၣ်.

Amazon Fitness Voucher(တဖၣ်) န့ၣ်ဘၣ်ထွဲဒီးခိသွဲဖဲတၢ်ဟံးန့ၢ်က့ၤ ဒ်ကီၢ်စဲၣ်ဒီးကီၢ်ပူၤတၢ်ဆါတၢ်ပှ့ၤခိသွဲသနူအသိးန့ၣ်လီၤ. ခိသွဲဝဲအံၤတဖၣ်န့ၣ် ဘၣ်တၢ်ထုးန့ၢ်အီၤလိၤလိၤလၢ နတၢ်မၤအဘူးအလဲခၠဲးန့ၣ်လီၤ.

ခိၣ်ဖးတၢ်ရဲၣ်တၢ်ကျဲၤတဖၣ်လီၤဆီလိာ်သးလၢတၢ်မၤကစၢ်အဖီခိၣ်န့ၣ်လီၤ. နုာ်လီၤဒီးကွၢ်ဒ်သိးနကထံၣ်တၢ်ဃုထၢလၢနဂီၢ်အိၣ်တဖၣ်တက့ၢ်.

ယကဘၣ်ကွၢ်ဃု ခိၣ်ဖးလီၢ်ခၢၣ်သးဖဲလဲၣ်.

နမ့ၢ်နုာ်လီၤကွၢ်သ့ ခိၣ်ဖးတၢ်ရဲၣ်တၢ်ကျဲၤ ဒ်နတၢ်န့ၢ်ဘျုးတၢ်တိာ်ကျဲၤအက့ၢ်အဂီၤအကူာ် မ့တမ့ၢ်ဆူၣ်ချ့ခိၣ်ဖးအဘိၣ်ပာ်ဖှိၣ်န့ၣ် နနုာ်လီၤကွၢ်သ့ ခိၣ်ဖးလီၢ်ခၢၣ်သး လၢနစီၢ်နီၤခိၣ်ခီၣ်ဖၠူထၢၣ် မ့တမ့ၢ်လီတဲစိအဲး(ပ)န့ၣ်လီၤ.

1. အိးထီၣ်န Blue Care Advisor လၢနစီၢ်နီၤခိၣ်ခီၣ်ဖၠူထၢၣ်လိၤ မ့တမ့ၢ် လီတဲစိစိာ်စုအဲး(ပ)ပူၤန့ၣ်တက့ၢ်ႉ
2. လၢကဘျံးမိၢ်ပှၢ်အပူၤန့ၣ် ဃုထၢ အမးအိၣ်တ့ၢ်တက့ၢ်. အဝဲန့ၣ်ကဆှၢနၤဆူ ကျဲလၢကဒိးန့ၢ်စ့န့ၣ်လီၤ.
3. ဃုထၢ Redeem Point ဒ်သိးကလဲၤဆူ တၢ်ဟ့ၣ်ခိၣ်ဖးလီၢ်ခၢၣ်သးန့ၣ်တက့ၢ်ႉ

လၢစီၢ်နီၤခိၣ်ခီၣ်ဖၠူထၢၣ်အပူၤ ခိၣ်ဖးလီၢ်ခၢၣ်သးန့ၣ် နနုာ်လီၤကွၢ်အီၤသ့လၢ အါန့ၢ်အီၤတၢ်ဃုထၢစရီ လၢထးခီတၢ်ကွၢ်ဃုလီၢ်န့ၣ်လီၤ.

ယကဘၣ်သုတၢ်ဟ့ၣ်ခိၣ်ဖးလီၢ်ခၢၣ်သးဒ်လဲၣ်ႉ

ခိၣ်ဖးလီၢ်ခၢၣ်သးန့ၣ် တၢ်လီၢ်ဖဲနကထံၣ်ဘၣ် အမးလၢနကဘၣ်သူလၢ တၢ်ထုးန့ၢ်သးတဖၣ် ဒီးခိၣ်ဖးပၣ်ဃုာ်ဒီး အံၣ်လဲးထြီနံးတၢ်ဟ့ၣ်ကနၢၤခးတဖၣ်န့ၣ်လီၤ.

ကဟံးန့ၢ်က့ၤနအမးတဖၣ်အဂီၢ် -

1. ဃုထၢ ဟံးန့ၢ်က့ၤ ဒ်သိးကဟံးန့ၢ်က့ၤအမးတဖၣ်လၢ ခိၣ်ဖးတမံၤအဂီၢ် မ့တမ့ၢ်နုာ်လီၤလၢကနၢၤအဂီၢ်ဒ်သိးကဟံးန့ၢ်က့ၤအမးတဖၣ် လၢ sweepstakes တၢ်နုာ်လီၤအဂီၢ် ဖဲအန့ၢ်အခါန့ၣ်တက့ၢ်.
2. ဒုးနဲၣ်အနီၣ်ဂံၢ်ဒီးဃုထၢ ဟံးန့ၢ်က့ၤ, လၢကဘျံးပၤလၢခံတဘ့ၣ်အပူၤ ဆှၢထီၣ်တၢ်ဃ့ထီၣ်တက့ၢ်. (နနုာ်လီၤသ့လၢ sweepstakes အပူၤသ့ ဖဲနသးအိၣ်အဘျီတဖၣ်အဘျီ, ဒီးနအိၣ်ဒီးအမးတဖၣ် ဒ်သိးကမၤအါထီၣ် တၢ်မၤနၢၤအခွဲးတဖၣ်န့ၣ်လီၤ.)
3. မၤလီၤတံၢ်နတၢ်ဃုထၢတက့ၢ်ႉ

ဝံသးစူၤတိၢ်နီၣ်: တၢ်ဆါတၢ်ပှ့ၤခဲလၢာ်န့ၣ်မ့ၢ်တၢ်အဝံၤဒီး တဘၣ်တၢ်ဟ့ၣ်က့ၤအပှ့ၤဘၣ်ႉ ဖဲနဟံးန့ၢ်က့ၤနအမးတဖၣ်တဘျီဃီန့ၣ် တၢ်ဖိတၢ်လံၤတမံၤန့ၣ်မ့ၢ်တအိၣ်န့ၣ် ပထုးထီၣ်တၢ်ဟ့ၣ်က့ၤစ့တသ့ဘၣ်.

နဟံးန့ၢ်က့ၤနခိၣ်ဖးတဘျီဃီန့ၣ် နကဒိးန့ၢ်ဘၣ် တၢ်ပာ်ဂၢၢ်ပာ်ကျၢၤအံမ့(လ)န့ၣ်လီၤ. နမ့ၢ်ဃုထၢ ဒံးကၠ့းတၢၣ်ခိၣ်ဖးတမံၤ, အဒိ, Amazon တၢ်ဟ့ၣ်ကနၢၤခးန့ၣ် မုၢ်လၢ်လၢ နကဒိးန့ၢ်ဘၣ်အံမ့(လ)ခံခါတခါ ဃုာ်ဒီးတၢ်ဟံးန့ၢ်က့ၤ လံာ်ဖျၢၣ်ခူသူၣ်န့ၣ်တက့ၢ်.

ဝံသးစူၤပျဲဟ့ၣ်တနွံတုၤခံနွံလၢ တၢ်ကစိာ်ဆှဲအီၤအဂီၢ်န့ၣ်တက့ၢ်ႉ နမ့ၢ်တဒိးန့ၢ်ဘၣ်နခိၣ်ဖး လၢလွံၢ်နွံအလီၢ်ခံန့ၣ် ဝံသးစူၤဆဲးကျိး 1-800-382-2000 ဒ်သိးကသမံသမိးတၢ်အိၣ်သးအဂီၢ်တက့ၢ်.

ဒ်သိးယကဒိးန့ၢ်ခိၣ်ဖးအဂီၢ် ဆၢကတီၢ်ကယံာ်ထဲလဲၣ်ႉ

နဟံးန့ၢ်က့ၤအမးတဖၣ် လၢခိၣ်ဖးတမံၤအဂီၢ်တဘျီဃီန့ၣ် ဝံသးစူၤဟ့ၣ်တနွံ မ့တမ့ၢ်ခံနွံ လၢတၢ်ကဆှၢအီၤဆူနအိၣ်အဂီၢ်တက့ၢ်. နမ့ၢ်တဒိးန့ၢ်ဘၣ်နခိၣ်ဖး လၢလွံၢ်နွံအလီၢ်ခံန့ၣ် ဝံသးစူၤဆဲးကျိး 1-800-382-2000 ဒ်သိးကသမံသမိးတၢ်အိၣ်သးအဂီၢ်တက့ၢ်. 

တၢ်တၤတၢ် ဒီးတၢ်မၤနၢၤတၢ်ကီခဲ ခိၣ်ဖးတဖၣ်အဂီၢ် ပှၤပၣ်ဃုာ်မၤသကိးတၢ်တဖၣ်န့ၣ် ကဒိးန့ၢ်ဘၣ်အံမ့(လ)တၢ်ဘိးဘၣ်သ့ၣ်ညါတမံၤ လၢအဒုးသ့ၣ်ညါပှၤမၤနၢၤတၢ်တဖၣ်န့ၣ်လီၤ.

ဝံၤဒီးနကဒိးန့ၢ်ဘၣ် တၢ်ပိာ်ထွဲအံမ့(လ)တခါ လၢအဒုးသ့ၣ်ညါနၤ ဖဲနခိၣ်ဖး မ့တမ့ၢ် sweepstakes ခိၣ်ဖးန့ၣ် ဘၣ်တၢ်ဆှၢဆူနအိၣ် (ခီဖျိအံမ့(လ) မ့တမ့ၢ်တၢ်ဘိၣ်စှၢ, ဒိးသန့ၤသးလၢတၢ်ဖိတၢ်လံၤအဖီခိၣ်)န့ၣ်လီၤ.

ဖဲအံၤန့ၣ်အိၣ်ဒီး တၢ်ဂီၤတိၤဖျါတနီၤ လၢခိၣ်ဖးအဂၤတဖၣ် လၢနဟံးန့ၢ်က့ၤသ့န့ၣ်လီၤ -

ဒံၣ်ကၠ့းတဲၣ်ပနံာ်တဖၣ်:

တၢ်ဃ့မၤလိာ်တဖၣ်န့ၣ် တၢ်မၤပှဲၤအီၤလၢ 24နၣ်ရံၣ်လၢ တၢ်ပာ်လီၤအီၤန့ၣ်လီၤ. နကဒိးန့ၢ်ဘၣ် အံမ့(လ)ဃုာ်ဒီး တၢ်ဟံးန့ၢ်က့ၤတၢ်နဲၣ်ကျဲတဖၣ် လၢတၢ်ဆၢကတီၢ်ဝဲန့ၣ်န့ၣ်လီၤ.

တၢ်မၤဘူၣ်*:

တၢ်မၤဘူၣ်တၢ်န့ၣ် တၢ်ကမၤအီၤလၢ နခၢၣ်စးန့ၣ်လီၤ. တၢ်မၤဘူၣ်တၢ်အဆၢကတီၢ်န့ၣ် လီၤဆီဝဲလၢ ကရၢတူၢ်လိာ်တၢ်မၤဘူၣ်လၢ နဃုထၢအဖီခိၣ်န့ၣ်လီၤ.

တၢ်ပၢၤဃာ်စ့အကီးလၢဆူၣ်ချ့ဂီၢ်/ဆူၣ်ချ့တၢ်ဟ့ၣ်လိးက့ၤအတၢ်ရဲၣ်ကျဲၤလၢတၢ်ဟ့ၣ်အီၤတဖၣ်မ့တမ့ၢ်ကသံၣ်ကသီတၢ်ဟ့ၣ်ထုးစှၤလီၤန့ၢ်အပှ့ၤ*:

ခိၣ်ဖးအံၤတဖၣ်န့ၣ် တၢ်မၤလၢပှဲၤအီၤ ဒ်တၢ်ဆၢကတီၢ်ရဲၣ်ကျဲၤလၢတၢ်တိာ်ပာ်ဃာ်အီၤ လၢနတၢ်မၤကစၢ်ဆီလီၤပာ်လီၤန့ၣ်လီၤ. ဟံးဃာ်နီၣ်ဂံၢ်အဝဲအံၤလၢ နတၢ်ကွဲးနီၣ်ကွဲးဃါတဖၣ်အဂီၢ်န့ၣ်တက့ၢ်ႉ

တၢ်သံကွၢ်တဖၣ်အဂီၢ် ဆဲးကျိး 1-800-382-2000 ဒီးဒၢနုာ်နတၢ်မၤလိာ်နီၣ်ဂံၢ်တက့ၢ်. ပၢၤဃာ်နီၣ်ဂံၢ်အံၤ လၢနတၢ်မၤနီၣ်တဖၣ်အဂီၢ်တက့ၢ်.

*တၢ်ဃုထၢန့ၢ်ဘၣ်ခိၣ်ဖးတဖၣ်န့ၣ်ဒိးသန့ၤထီၣ်အသးလၢနတၢ်ဘၣ်ဘျုးတၢ်ရဲၣ်တၢ်ကျဲၤအက့ၢ်ဂီၤအဖီခိၣ်န့ၣ်လီၤ.

ယခိၣ်ဖးတဖၣ်န့ၣ် တၢ်ဃ့အီၤခိသွဲသ့ဧါ.

တၢ်ဟ့ၣ်လၤကပီၤဒီးခိၣ်ဖးတဖၣ်န့ၣ် ဘၣ်တၢ်ဆိကမိၣ်အီၤဒ်အမ့ၢ်စ့ဟဲနုာ်လၢပှၤထၢထီၣ်ခိသွဲသ့န့ၣ်လီၤ

တဘျီတခီၣ် နတၢ်မၤကစၢ်ကဟ့ၣ်န့ၢ်နၤ ခိၣ်ဖးတဖၣ်အခိသွဲန့ၣ်လီၤ. တၢ်မၤကစၢ်မ့ၢ်ဃုထၢလၢ တဟ့ၣ်န့ၢ်နၤခိသွဲအဘူးအလဲန့ၣ် ခိသွဲလၢအဘၣ်ထွဲခဲလၢာ်န့ၣ် တၢ်ကထုးစှၤလီၤလၢ နတၢ်မၤအဘူးအလဲခၠဲးအပူၤန့ၣ်လီၤ.

တၢ်တမံၤလၢတၢ်ဃ့အီၤခိသွဲမ့ၢ်သ့န့ၣ် နကထံၣ်ဘၣ် တၢ်ပာ်ဖျါတၢ်တမ့ၢ်အတၢ် လၢအဆှဲဖျါတၢ်ဖိတၢ်လံၤအံၤ တၢ်ဃ့အီၤခိသွဲဒ်လဲၣ်န့ၣ်လီၤ. နဆဲးကျိးသ့စ့ၢ်ကိးဆူ 1-800-382-2000 အအိၣ်လၢ တၢ်ကစီၣ်အဂုၤအဂၤတဖၣ်အဂီၢ်န့ၣ်လီၤႉ

နတၢ်ဟဲက့ၤကဒါက့ၤဒီး တၢ်ခီလဲလိာ်ကျဲသနူတဖၣ်လၢ ခိၣ်ဖးတဖၣ်အဂီၢ်န့ၣ်မ့ၢ်မနုၤလဲၣ်ႉ

နဟံးန့ၢ်က့ၤနအမးတဖၣ် လၢခိၣ်ဖးမ့တမ့ၢ် တၢ်နုာ်လီၤလၢတၢ်တၤအခိၣ်ဖးတဖၣ် မ့ၢ်ဝံၤန့ၣ်တၢ်ဆါတၢ်ပှ့ၤခဲလၢာ်န့ၣ် ကမ့ၢ်တၢ်အကတၢၢ်န့ၣ်လီၤ. ပဟ့ၣ်ဂံၢ်ဟ့ၣ်ဘါနၤလၢ နကဆဲးကျိး 1-800-382-2000 လၢတၢ်သံကွၢ်တဖၣ် မ့တမ့ၢ်တၢ်ဘၣ်ယိၣ်တဖၣ်မ့ၢ်အိၣ် တချုးလၢအဟံးန့ၢ်က့ၤအမးတဖၣ်န့ၣ်လီၤ.

ခိၣ်ဖးလၢယကွၢ်ဃုန့ၣ် တအိၣ်လၢပနံာ်လၢတၢ်ကဆါအီၤအပူၤလၢဘၣ်ႉ အခီပညီမ့ၢ်ဝဲလၢ တၢ်ဒိးန့ၢ်အီၤတသ့ဘၣ်န့ၣ်ဧါႉ

တဘျီတခီၣ်န့ၣ် ခိၣ်ဖးတဖၣ်န့ၣ် ကတုၤဃီၤဆူအတၢ်ပနီၣ် လၢတၢ်ဟံးန့ၢ်က့ၤတဖၣ် ဒီးတၢ်ဖိတၢ်လံၤတမံၤန့ၣ် ကလၢာ်ကွံာ်န့ၣ်လီၤ. ဖဲတၢ်ဝဲန့ၣ်ကဲထီၣ်အခါ ပကဆဲးကျိးနတၢ်မၤကစၢ် ဒ်သိးကဆၢတဲာ် မ့ၢ်ခိၣ်ဖးအံၤန့ၣ် ကဘၣ်တၢ်ဒၢနုာ်က့ၤအီၤဧါန့ၣ်လီၤ.

ခိၣ်ဖးတဖၣ်န့ၣ် နတၢ်မၤကစၢ်ဃုထၢၣ်အီၤ ဒီးပဟ့ၣ်တသ့ တၢ်ဒၢနုာ်က့ၤတၢ်ဖိတၢ်လံၤတမံၤ ဖဲတၢ်မၤကစၢ်အတၢ်အၢၣ်လီၤဟ့ၣ်ခွဲးတအိၣ်ဘၣ်အခါန့ၣ်လီၤ.

တဘျီတခီၣ် ခိၣ်ဖးတဖၣ်န့ၣ် တဘၣ်တၢ်မၤသီထီၣ်အီၤဘၣ် မ့တမ့ၢ်တၢ်ဒၢနုာ်က့ၤအီၤလၢ တၢ်အဂၤတမံၤ ဒီးအဃိဒိးန့ၢ်အီၤတသ့လၢ ခိၣ်ဖးလီၢ်ခၢၣ်သးလၢၤဘၣ်န့ၣ်လီၤ.

တၢ်သိၣ်တၢ်ဘျၢလၢ တၢ်ဖးတဖၣ်အဂီၢ်န့ၣ်မ့ၢ်တၢ်မနုၤတဖၣ်လဲၣ်ႉ

နကွၢ်တၢ်ဖးအတၢ်ဘျၢတဖၣ်သ့ ဖဲအံၤ.