ဃုထံၣ်န့ၢ်ကသံၣ်သရၣ်

ယဃုထံၣ်န့ၢ်ယတၢ်တိာ်ကျဲၤဘျးစဲ ကသ့ဒ်လဲၣ်.

ဖဲနသူတၢ်ဃုထံၣ်န့ၢ်တၢ်အပီးအလီန့ၣ် နထံၣ်ဘၣ်နတၢ်တိာ်ကျဲၤဘျးစဲလၢကျဲသၢဘိအံၤ:

• နုာ်လီၤကွၢ် (မ့တမ့ၢ်ဆဲးလီၤမံၤ) ဒီးတၢ်ရဲၣ်တၢ်ကျဲၤန့ၣ် ကသ့ၣ်ညါနတၢ်တိာ်ကျဲၤဘျးစဲ
• တချုးနဃုကွၢ်တၢ်ဒံးဘၣ် ထၢနုာ်လီၤနကရူၢ်အနီၣ်ဂံၢ်အိၣ်ဝဲဒၣ်လၢ နကရူၢ်ဖိတၢ်ကွၢ်နီၣ်ကွၢ်ဃါခးက့တဖျၢၣ်န့ၣ်လၢ ကရူၢ်အနီၣ်ဂံၢ်အလီၢ်ပူၤ
• ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိခးအချၢန့ၣ်
• လၢပှၤတဂၤစုာ်စုာ်ဒီးဟံၣ်ဒူၣ်ဃီထၢတၢ်တိာ်ကျဲၤဒီးကရူၢ်ဖိတဖၣ်လၢကရူၢ်ဆံးဖိအတၢ်တိာ်ကျဲၤပူၤအဂီၢ်:
  • ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်: အါတက့ၢ်န့ၣ် တၢ်တိာ်ကျဲၤဘျးစဲဒီးတၢ်တိာ်ကျဲၤအမံၤတဖၣ် ကဖျါဒ်သိးသိးန့ၣ်လီၤ. (Blue Plus HMO တၢ်တိာ်ကျဲၤလၢသုးအသးညီဝဲန့ၣ် သူကသံၣ်သရၣ်တဖၣ်ဘျးစဲဝဲဒီး Blue Plus Primary Care အတၢ်တိာ်ကျဲၤပူၤ)
  • ကရူၢ်ဆံးဆံးဖိအတၢ်တိာ်ကျဲၤတဖၣ်: BlueAccess အတၢ်တိာ်ကျဲၤတဖၣ်သူဘၣ် Aware အတၢ်တိာ်ကျဲၤဘျးစဲ, AdvanceHealth အတၢ်တိာ်ကျဲၤတဖၣ်သူဘၣ် AdvanceHealth အတၢ်တိာ်ကျဲၤဘျးစဲ, ဒီး High Value အတၢ်တိာ်ကျဲၤတဖၣ်န့ၣ် သူဘၣ် High Value အတၢ်တိာ်ကျဲၤဘျးစဲ

တၢ်တိာ်ကျဲၤဘျးစဲ စံးတၢ်န့ၣ် မ့ၢ်မနုၤလဲၣ်.

ပှာ်ယဲၤဘျးစဲန့ၣ်မ့ၢ်ဝဲဒၣ် ကရူၢ်လၢတၢ်ပာ်ဖှိၣ်ဝဲဒၣ်, ကသံၣ်သရၣ်, ကသံၣ်ဝဲၤဒၢး, တၢ်ဆါဟံၣ်, ဒီးဆူၣ်ချ့တၢ်ကွၢ်ထွဲကရၢအဂုၤဂၤလၢနလဲၤဒိးပၠးသးသ့အိၣ်ဒီးတၢ်ဘၣ်ဟ့ၣ်ဘူးအလဲၤစှၤဒိၣ်ဝဲန့ၣ်လီၤ. Blue Cross ဒီး Blue Plus အိၣ်ဒီးဆူၣ်ချ့တၢ်တိာ်ကျဲၤဒီးတၢ်တိာ်ကျဲၤဘျးစဲအါမးလီၤ. ဘၣ်သ့ၣ်သ့ၣ်နၤဒီးကရူၢ်ဖိအဂၤတဂၤအတၢ်တိာ်ကျဲၤဘျးစဲန့ၣ် ကလီၤဆီလိာ်သးန့ၣ်လီၤ.

အဃိန့ၣ် တချုးနဃုထံၣ်န့ၢ်နကသံၣ်သရၣ်ဒံးဘၣ် ဃုထၢပာ်နတၢ်တိာ်ကျဲၤဘျးစဲလၢညါတက့ၢ်. နမ့ၢ်မၤဒ်န့ၣ်နၣ် နကမၤလီၤတံၢ်က့ၤလၢ ထဲကသံၣ်သရၣ်လၢနတၢ်တိာ်ကျဲၤဘျးစဲပူၤအမံၤတဖၣ်ကဖျါထီၣ်ဝဲဒၣ်န့ၣ်လီၤ. နမ့ၢ်ဆၢတဲာ်ဝဲဒၣ်လၢ နကထံၣ်လိာ်သးဒီးကသံၣ်သရၣ်လၢနတၢ်တိာ်ကျဲၤဘျးစဲအချၢန့ၣ် နကဟ့ၣ်အါထီၣ်တၢ်ဘူးတၢ်လဲ မ့တမ့ၢ်ခဲလၢာ်န့ၣ်လီၤ.

ဃုသ့ၣ်ညါအါထီၣ်ဘၣ်ဃးတၢ်ဘျးစဲတဖၣ်အဂ့ၢ်

ယတၢ်တိာ်ကျဲၤဟ့ၣ်အဘူးအလဲလၢကသံၣ်သရၣ်ဒီးတၢ်တိစၢၤမၤစၢၤမနုၤတဖၣ်လဲၣ်န့ၣ် ယသ့ၣ်ညါဘၣ်ဒ်လဲၣ်.

ကသံၣ်သရၣ်, တၢ်ဟ့ၣ်ကသံၣ်ဒၢး, တၢ်တိစၢၤမၤစၢၤဒီးတၢ်ကူစါယါဘျါလၢတၢ်အုၣ်ကီၤတၢ်တိာ်ကျဲၤကဟ့ၣ်ဝဲအဘူးအလဲတခါဘၣ်တခါ တဒ်သိးလိာ်အသးဘၣ်.

တဘျီတခီၣ်နဘၣ်ဒိးန့ၢ်ဆိဘၣ်အခွဲးမ့တမ့ၢ် တၢ်ဟ့ၣ်စိဟ့ၣ်ကမီၤလၢညါ တချုးနဒိးန့ၢ်ဘၣ်တၢ်ကွၢ်ထွဲကန့ၢ်အဂီၢ်လီၤ. နကသံၣ်သရၣ် ဒီးတၢ်ကူစါအတၢ်ကွၢ်ထွဲန့ၣ် ဘျးစဲဝဲဒီးနတၢ်တိာ်ကျဲၤပူၤ တဘျီတခီၣ် နဘၣ်သ့ၣ်ညါပာ်ဝဲလီၤ. ဘၣ်မနုၤအဃိလဲၣ်. တဘျီတခီၣ် နတၢ်အုၣ်ကီၤကဟ့ၣ်အဘူးအလဲလၢနကဒိးန့ၢ်ဘၣ်တၢ်တိစၢၤမၤစၢၤလၢတၢ်ကွၢ်ထွဲဒၢးအပူၤန့ၣ် ဘၣ်ဆၣ် တဟ့ၣ်အဘူးအလဲလၢကထံၣ်လိာ်သးဒီးကသံၣ်သရၣ်မ့တမ့ၢ်သရၣ်မုၣ်ကွၢ်ပှၤဆါတဂၤန့ၣ်ဘၣ်.

ဒ်သိးတၢ်ဘူးတၢ်လဲတဟဲပၢၢ်ထီၣ်လၢတၢ်တပာ်သူၣ်ပာ်သးအပူၤဘၣ်အဂီၢ် ဃုသ့ၣ်ညါဝဲဘၣ်ဃးဒီး ဆူၣ်ချ့တၢ်အုၣ်ကီၤတၢ်ဟ့ၣ်အဘူးအလဲတဖၣ် တက့ၢ်.

ယဃုဆိဆူၣ်ချ့တၢ်ဘူးတၢ်လဲတဖၣ်တချုး ယဒိးန့ၢ်ဘၣ်တၢ်ကွၢ်ထွဲကသ့ဧါ. 

သ့ဝဲလီၤ. ပှၤလၢအဒိးန့ၢ်ဘၣ်တၢ်အုၣ်ကီၤအတၢ်တိာ်ကျဲၤ လၢတၢ်မၤလီၢ်ဟ့ၣ်လီၤအီၤ လၢပှၤတဂၤစုာ်စုာ်ဒီးဟံၣ်ဖိဃီဖိအဂီၢ်တဖၣ်န့ၣ် သူဝဲဃုဒိးန့ၢ်ကသံၣ်သရၣ်တဂၤအပီးလီလၢက ဃုကွၢ်ပာ်ဝဲ တၢ်ကူစါယါဘျါဒီးတၢ်တိစၢၤမၤစၢၤ 1,700+ ညါသ့ဝဲန့ၣ်လီၤ. တၢ်ဂံၢ်ဒွးတယာ်အပှ့ၤတဖၣ်န့ၣ် ကဒိးသန့ၤထီၣ်သးလၢ ကသံၣ်သရၣ်အတၢ်ဃ့က့ၤအဘူးအလဲလၢတၢ်ကူစါယါဘျါအဂီၢ်န့ၣ် ဒီးတၢ်ဘျုးတၢ်ဖှိၣ်လၢနတၢ်တိာ်ကျဲၤပူၤဒီး ဆူၣ်ချ့တၢ်ကွၢ်ထွဲအတၢ်လၢာ်ဘူၣ်လၢာ်စ့ၤလနဟ့ၣ်တ့ၢ်အီၤတနံၣ်အံၤအဖီခိၣ်န့ၣ်လီၤ. နဘၣ်နုာ်လီၤကွၢ်ပှာ်ယဲၤစရ့လၢက ထံၣ်ဘၣ်တၢ်ဘူးတၢ်လဲနဘၣ်ဟ့ၣ်လၢနနီၢ်ကစၢ်စ့ အတၢ်ဒွးတယာ်အဂီၢ်လီၤ. 

ယကသံၣ်သရၣ်မ့ၢ်တချုးဘၣ်န့ၣ် ယဒိးန့ၢ်ဘၣ်တၢ်ကွၢ်ထွဲကသ့ဖဲလဲၣ်.

ဖဲနတဆူၣ်ချ့ဘၣ်အခါ နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်မ့ၢ်ဒၣ်ပှၤအဂ့ၤကတၢၢ် တဂၤလၢကထံၣ်ဘၣ်အီၤန့ၣ်လီၤ. ဘၣ်ဆၣ် နထံၣ်လိာ်သးဒီးနကသံၣ်သရၣ်မ့ၢ်တသ့ဘၣ်န့ၣ် နလဲၤနုာ်လီၤလၢတၢ်ကွၢ်ထွဲပှၤဆါဒၢး မ့တမ့ၢ်ထံၣ်လိာ်သးဒီးကသံၣ်သရၣ်လၢအ့ထၢၣ်နဲးဖီခိၣ်န့ၣ်လီၤ. နမၤစှၤလီၤစ့ဒီးတၢ်ဆၢကတီၢ် ခီဖျိတၢ်ဃုထၢအညီသ့ၣ်တဖၣ်အံၤလီၤ. နဒိးန့ၢ်ဘၣ်တၢ်ကွၢ်ထွဲ မနုၤသ့တဖၣ်လဲၣ်န့ၣ် သ့ၣ်ညါပာ်ဝဲတက့ၢ်.

ယကြၢးထံၣ်လိာ်သးဒီးကသံၣ်သရၣ်လၢ ဂ့ၢ်ဂီၢ်အူတၢ်ဆါဟံၣ် မ့တမ့ၢ်ဂ့ၢ်ဂီၢ်အူတၢ်ကွၢ်ထွဲဒၢးအလီၢ် လၢအဆၢကတီၢ်ဖဲလဲၣ်.

ဖဲတၢ်ဘၣ်ဒိဘၣ်ထံးကဲထီၣ်အသးသတူၢ်ကလာ်အခါန့ၣ် ဘၣ်သ့ၣ်သ့ၣ် နဘၣ်ဆၢတဲာ်နဲဒၣ်ချ့ချ့လၢ နကဒိးန့ၢ်ဘၣ်တၢ်ကွၢ်ထွဲဖဲလဲၣ်န့ၣ်လီၤ. နဃုထၢလၢကလဲၤနဲဆူ ဂ့ၢ်ဂီၢ်အူဒၢး, ဂ့ၢ်ဂီၢ်အူတၢ်ကွၢ်ထွဲအလီၢ်ခၢၣ်သး ဒီးကသံၣ်သရၣ်အတၢ်ကွၢ်ထွဲဒၢးတဖၣသ့ဝဲန့ၣ်လီၤ. နဘၣ်မၤတၢ်ဆၢတဲာ်ချ့ထဲန့ၣ်ညါ တချုးကဲထီၣ်အသးဒံးဘၣ်န့ၣ် ကတဲာ်ကတီၤပာ်စၢၤနသးတက့ၢ်. နဘၣ်လဲၤဖဲလဲၣ်ဒီးအခါဖဲလဲၣ်န့ၣ် ဃုသ့ၣ်ညါဝဲဒၣ်တက့ၢ်.

ယထံၣ်လိာ်သးဒီးကသံၣ်သရၣ်လၢအ့ထၢၣ်နဲးအ ဖီခိၣ်ကသ့ဧါ.

မ့ၢ်၀ဲ, ပှၤတိစၢၤမၤစၢၤတၢ်အါဂၤန့ၣ် ဟ့ၣ်ထီၣ်၀ဲဒၣ်ဆူၣ်ချ့တၢ်ကွၢ်ထွဲခီဖျိလီတဲစိဒီး တၢ်ထံၣ်လိာ်သးလၢလီၢ်ယံၤ တၢ်ကွၢ်ထွဲစီၤစိလၢအ့ထၢၣ်နဲးဖီခိၣ် တၢ်ဃုထၢတဖၣ်န့ၣ်လီၤ. Blue Cross ဒီး Blue Shield လၢ Minnesota ဟ့ၣ်ထီၣ် Doctor On Demand- ဖဲနတဲတၢ်ဒီးကသံၣ်သရၣ် ခီဖျိ ဘံၢ်ဒံၢ်အိၣ်လၢအ့ထၢၣ်နဲးအဖီခိၣ်န့ၣ်လီၤ. ဖဲနလိၣ်ထံၣ်လိာ်သးဒီးကသံၣ်သရၣ် လၢဆူၣ်ချ့မ့တမ့ၢ်သးတၢ်ဆိကမိၣ်တၢ်ကွၢ်ထွဲလၢခံတဘျီန့ၣ် နထံၣ်လိာ်သးဒီးအီၤခီဖျိအ့ထၢၣ်နဲးကသ့ဧါန့ၣ် ဆိကမိထံးဝဲတက့ၢ်. တချုးနဒိးန့ၢ်ဘၣ်တၢ်ကွၢ်ထွဲခီဖျိအ့ထၢၣ်နဲးဒံးဘၣ် ဃုသ့ၣ်ညါအါထီၣ်အဂ့ၢ်အကျိၤန့ၣ်တက့ၢ် .

ယဃုထၢပာ်တၢ်ကွၢ်ထွဲဒ်လဲၣ်ဒ်လဲၣ်န့ၣ် မ့ၢ်နတၢ်ဟ့ၣ်ကူၣ်အိၣ်တမံၤမံၤဧါ.

တၢ်သ့ၣ်ညါပာ်လၢ နကဒိးန့ၢ်ဘၣ်အခါဖဲလဲၣ် ဒီးတၢ်လီၢ်ဖဲလဲၣ်န့ၣ် မၤစှၤလီၤစ့ဒီးတၢ်ဆၢကတီၢ်လၢနဂီၤသ့ဝဲန့ၣ်လီၤ. တၢ်ဟ့ၣ်ကူၣ်ဘၣ်ဃးဒီးနမၤတၢ်ဆၢတဲာ် အဂ့ၤကတၢၢ်တဖၣ်လၢနၤဒီးနဟံၣ်ဖိဃီဖိဒ်လဲၣ်ဒ်လဲၣ်န့ၣ် အိၣ်ဝဲဖဲအံၤန့ၣ်လီၤ.

မ့ၢ်နတၢ်သံကွၢ်အဂၤတဖၣ် အိၣ်ဧါ.

ဃုထံၣ်န့ၢ်တၢ်သံကွၢ်ညီနုၢ်တဖၣ်အတၢ်စံးဆၢဖဲအံၤလီၤ.

ဟ့ၣ်န တၢ်အုၣ်ကီၤအဘူးအလဲ လၢပှာ်ယဲၤဖီခိၣ်
တၢ်ဒွးတယာ်ဘၣ်ဃးဒီးကသံၣ်ကသီတၢ်ကွၢ်ထွဲအပှ့ၤလၢဟ့ၣ်ပာ်
ယဖးတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် ဒ်လဲၣ်အဂ့ၢ်
တၢ်ကွၢ်ထွဲလၢ တၢ်ဃုထၢအီၤသ့: တၢ်မနုၤတဖၣ်န့ၣ်ပူၤဖျဲးဒီးတၢ်ဘၣ်ယိာ်ဒီးတၢ်မနုၤတဖၣ်န့ၣ်ဘၣ်တၢ်ကျၢၢ်ဘၢလဲၣ်.
တၢ်ဟ့ၣ်အဘူးအလဲတဖၣ် လၢသကဲာ်ပဝးဒီးနီၢ်သးဆူၣ်ချ့တၢ်ဂ့ၢ်ကီတဖၣ်အဂီၢ်
ဘၣ်မနုၤအဃိယဘၣ်ဟ့ၣ်အပှ့ၤလၢယတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်လဲၣ်
တချုးတၢ်ဟ့ၣ်စိဟ့ၣ်ကမီၤ
ပှၤဒိးသန့ၤလၢနဆူၣ်ချ့တၢ်အုၣ်ကီၤတဖၣ်
တၢ်သ့ၣ်ညါနၢ်ပၢၢ်ကသံၣ်လၢကသံၣ်သရၣ်ဟ့ၣ်လီၤတၢ်န့ၢ်ဘျုးတဖၣ်
ကွၢ်ကရူၢ်ဖိတၢ်သံကွၢ်ညီနုၢ်တဖၣ်
ဆူၣ်ချ့တၢ်အုၣ်ကီၤ အဂံၢ်ခီၣ်ထံးတဖၣ်