စးထီၣ်သ့ၣ်ညါBlue Crossတၢ်အိၣ်မုာ်ဆိးပၢၤပှၤနဲၣ်လိတၢ်ဖိတဖၣ်

မ့ၢ်ဘၣ်ဃးဒီးတၢ်ကဆီတလဲဒ်ကပှဲၤဒီးတၢ်အိၣ်ဆူၣ်အိၣ်ချ့န့ၣ်, Blue Cross and Blue Shield of Minnesota အတၢ်အိၣ်မုာ်ဆိးပၢၤအပှၤနဲၣ်လိတၢ်ဖိတဖၣ်န့ၣ်မ့ၢ်၀ဲပှၤစဲၣ်နီၤတဖၣ်န့ၣ်လီၤ. Blue Crossတၢ်အိၣ်ဆူၣ်အိၣ်ချ့တၢ်ရဲၣ်တၢ်ကျဲၤတနီၤန့ၣ်ဟ့ၣ်နီၤလီၤဝဲတၢ်အိၣ်မုာ်ဆိးပၢၤတၢ်နဲၣ်လိလၢ အကဲထီၣ်သးကွ့ၢ်ကွ့ၢ် ဒ်သိးကမၤစၢၤနၤ လၢ နကပာ်လီၤနတၢ်အိၣ်ဆူၣ်အိၣ်ချ့တၢ်ပညိၣ်ဖီတၢၣ်တဖၣ်ဒီး ကမၤလိဒ်သိးကတုၤဃီၤတၢ်သ့ၣ်တဖၣ်ဒ်လဲၣ်အဂီၢ်န့ၣ်လီၤ. နပှၤနဲၣ်လိတၢ်ဖိန့ၣ်ကဟ့ၣ်နၤတၢ်ဆီၣ်ထွဲမၤစၢၤဒီးတၢ်ဟ့ၣ်ဂံၢ်ဟ့ၣ်ဘါနၤဒ်သိးကပၢၤဃာ်နၤလၢကျဲဆူတၢ်အိၣ်ဆူၣ်အိၣ်ချ့လၢအဂ့ၤဒိၣ်ထီၣ်ဝဲန့ၣ်လီၤ။

တၢ်အိၣ်မုာ်ဆိးပၢၤအပှၤနဲၣ်လိတၢ်ဖိန့ၣ်ဘၣ်မၤတၢ်မနုၤတဖၣ်လဲၣ်

တၢ်အိၣ်မုာ်ဆိးပၢၤတၢ်နဲၣ်လိတဖၣ်လၢအကဲထီၣ်သးကွ့ၢ်ကွ့ၢ်န့ၣ်ကရူၢ်ဖိတနီၤလၢ Blue Cross ဒီး BLue Plus ဒိးန့ၢ်၀ဲသ့န့ၣ်လီၤ. အ၀ဲသ့ၣ်မၤစၢၤနၤသ့၀ဲလၢ:

• ရဲၣ်ကျဲၤနနီၢ်ကစၢ်အတယၢၢ်
• မၤစှၤလီၤတၢ်ဃၢတၢ်စံာ်တၢ်ကီတၢ်ခဲ
• စးထီၣ်နီၢ်ခိတၢ်ဟူးတၢ်ဂဲၤတၢ်ရဲၣ်တၢ်ကျဲၤ
• ပတုာ်ကွံာ်တၢ်စူးကါညါသူး
• မၤဂ့ၤထီၣ်နတၢ်မံတၢ်ဂဲၤအလုၢ်အလၢ်
• မၤဂ့ၤထီၣ်နအီၣ်တၢ်အီတၢ်အလုၢ်အလၢ်

နတၢ်ရဲၣ်တၢ်ကျဲၤမ့ၢ်ပၣ်ဃုာ်ဒီးတၢ်အိၣ်မုာ်ဆိးပၢၤတၢ်နဲၣ်လိတၢ်ရဲၣ်တၢ်ကျဲၤဒီး,နကဘၣ်ကတိၤတၢ်ဒီးတၢ်အိၣ်မုာ်ဆိးပၢၤအပှၤနဲၣ်လိတၢ်ဖိလၢလီတဲစိန့ၣ်လီၤ။ မ့ၢ်၀ံၤဒီး,နပှၤနဲၣ်လိတၢ်ဖိကမၤစၢၤနၤလၢတၢ်ပာ်လီၤတၢ်ပညိၣ်ဖီတၢၣ်တဖၣ်ဒီးတၢ်မၤအိၣ်ထီၣ်တၢ်တိာ်ကျဲၤလၢကမၤနၢၤတၢ်သ့ၣ်တဖၣ်အံၤန့ၣ်လီၤ. နကလူၤပိာ်ထွဲနတၢ်လဲၤထီၣ်လဲၤထီအကျိၤအကျဲဒီးမၤလၤကပီၤတၢ်မၤနၢၤလၢကျဲဒီဘိန့ၣ်တပူၤဃီန့ၣ်လီၤ. ဒီးနမ့ၢ်အိၣ်ဒီးတၢ်နိးတၢ်ဘျးန့ၣ်,နပှၤနဲၣ်လိတၢ်ဖိကမၤစၢၤစိာ်ဆှၢက့ၤနၤဆူနကျဲအကျိၤအဖီခိၣ်န့ၣ်လီၤ.

ဆီလီၤပာ်လီၤတၢ်တၢၣ်ပီၣ်တၢၣ်ပီသကိးလိာ်သးဘၣ်ဃးတၢ်ကူစါယါဘျါအဂ့ၢ်အကျိၤဒီးတယံာ်ဘၣ်န့ၣ်နကတုၤဆူကျဲလၢတၢ်အိၣ်ဆူၣ်အိၣ်ချ့လၢအဂ့ၤထီၣ်န့ၣ်လီၤ. နပှၤနဲၣ်လိတၢ်ဖိနဲၣ်လိနၤသ့ဆူတၢ်ကရၢကရိတဖၣ်လၢအအိၣ်လၢနတၢ်လီၢ်က၀ီၤပူၤ,ဒ်သိး ဒီးပှၤစဲၣ်နီၣ်လၢဟ့ၣ်ကူၣ်ဟ့ၣ်ဖးတၢ်အီၣ်လၢကြၢးအီၣ်ကြၢးအီတဖၣ်လၢတၢ်အိၣ်ဆူၣ်အိၣ်ချ့အဂီၢ်, တၢ်ကဲထီၣ်တၢ်ဂဲၤလိနီၢ်ခိတၢ်ဟူးတၢ်ဂဲၤအလီၢ်ကရူၢ်ဖိ လၢ အဘၣ်တၢ်ဆှိးလီၤတၢ်အပှ့ၤ, မ့တမ့ၢ် တၢ်ဂ့ၢ်တၢ်ကျိၤတဖၣ်လၢ ဘၣ်ထွဲဒီး တၢ်အိၣ်ဆူၣ်အိၣ်ချ့တၢ်ဂ့ၢ်ခိၣ်တီအါမးတဖၣ်န့ၣ်လီၤ.

မ့ၢ်ယတၢ်ဆူၣ်ချ့တၢ်တိာ်ကျဲၤ ပၣ်ဃုာ်ဒီးတၢ်အိၣ်မုာ်ဆိးပၢၤပှၤနဲၣ်လိတၢ်ဖိတဖၣ်ကစီဒီဧါ

Blue Cross ဆူၣ်ချ့တၢ်တိာ်ကျဲၤအါမးန့ၣ်ပၣ်ဃုာ်ဒီးတၢ်အဘျူးတဖၣ်လၢတၢ်အိၣ်မုာ်ဆိးပၢၤတၢ်နဲၣ်လိတၢ်ရဲၣ်တၢ်ကျဲၤအဂီၢ်န့ၣ်လီၤ. ဒ်သိးကဃုထံၣ်န့ၢ်၀ဲမ့ၢ် နတၢ်တိာ်ကျဲၤဟ့ၣ်နၤတၢ်အိၣ်မုာ်ဆိးပၢၤတၢ်နဲၣ်လိဧၣ်န့ၣ်ဒီး,ဆဲးကျိးနီၣ်ဂံၢ်လၢအအိၣ်လၢ နတၢ်တိာ်ကျဲၤတၢ်ကွၢ်နီၣ်ကွၢ်ဃါခးက့အလီၢ်ခံတခီဒီးသံကွၢ်ဘၣ်ဃးနနီၢ်ကစၢ်တၢ်အိၣ်မုၣ်ဆိးပၢၤတၢ်ကူစါယါဘျါအဂ့ၢ်အကျိၤန့ၣ်တက့ၢ်.

တၢ်အိၣ်မုာ်ဆိးပၢၤအပှၤနဲၣ်လိတၢ်ဖိန့ၣ် လီၤဆီဒီးပှၤပၢဆှၢသဲစးတၢ်ဂ့ၢ်ဒ်လဲၣ်ႉ

ပှၤသ့ပှၤဘၣ်စဲၣ်နီၤတဖၣ်လၢဆူၣ်ချ့တကပၤအကမၤစၢၤနၤဒ်သိးနကမၤနၢၤနတၢ်အိၣ်ဆူၣ်အိၣ်ချ့တၢ်ပညိၣ်ဖီတၢၣ်တဖၣ်န့ၣ်လီၤ. အအံၤမ့ၢ်အဝဲသ့ၣ်ခံဂၤဒီး လီၤဆီလိာ်အသးဒ်လဲၣ်အဂ့ၢ်လီၤ:

• တၢ်အိၣ်မုာ်ဆိးပၢၤအပှၤနဲၣ်လိတၢ်ဖိန့ၣ် ဃုသ့ၣ်ညါတၢ်ထဲတမံၤဧိၤလီၤလီၤဆီဆီ လၢ တၢ်မၤစၢၤပှၤကညီတဖၣ်မၤတၢ်ဆီတလဲ ဒ်သိး ကမၤဂ့ၤထီၣ်ဒီးကအံးထွဲကွၢ်ထွဲတၢ်အိၣ်ဆူၣ်အိၣ်ချ့န့ၣ်လီၤ. အ၀ဲသ့ၣ်ကအိၣ်ဒီးတၢ်သိၣ်လိတဖၣ်ဒီးတၢ်အုၣ်ကီၤသးတဖၣ်လၢတၢ်ရဲၣ်တၢ်ကျဲၤအကလုာ်ကလုာ်လၢဘၣ်ဃးတၢ်အိၣ်ဆူၣ်အိၣ်ချ့ဒီးတၢ်အကျိၤအကျဲလၢကဒိးန့ၢ်တၢ်အီၣ်တၢ်အီလၢအန့ၢ်ဂံၢ်န့ၢ်ဘါတဖၣ်န့ၣ်လီၤ.
• ပှၤပၢဆှၢသဲစးတၢ်ဂ့ၢ်မ့ၢ်၀ဲဆူၣ်ချ့တၢ်ကွၢ်ထွဲပှၤစဲၣ်နီၤတဖၣ်လၢအအိၣ်ဒီးတၢ်ဟ့ၣ်ပျဲလၢပဒိၣ်န့ၣ်လီၤ. အ၀ဲသ့ၣ်တဖၣ်မၤတၢ်ဒီးပှၤသ့ၣ်တဖၣ်လၢအအိၣ်ဒီးတၢ်အိၣ်ဆူၣ်အိၣ်ချ့တၢ်ဂ့ၢ်တၢ်ကျိၤတဖၣ်လၢတၢ်နၢ်ပၢၢ်အီၤကီဒီးမၤစၢၤအ၀ဲသ့ၣ်လၢ ကမၤတၢ်ပာ်လီၤသးစံၣ်ညီၣ်တဲာ်တၢ်အဂ့ၤကတၢၢ်တဖၣ်လၢ အ၀ဲသ့ၣ်အတၢ်အိၣ်ဆူၣ်အိၣ်ချ့အဂီၢ်န့ၣ်လီၤ.

Blue Crossကရူၢ်ဖိတဖၣ်န့ၣ်အိၣ်စ့ၢ်ကီးဒီးတၢ်နုာ်လီၤအခွဲး ဆူတၢ်ကရၢအဂၤတဖၣ်ဒီး တၢ်ရဲၣ်တၢ်ကျဲၤအဂၤတဖၣ် ဒ်သိးကဒိးန့ၢ်တၢ်မၤစၢၤဘၣ်ဃးအတၢ်အိၣ်ဆူၣ်အိၣ်ချ့န့ၣ်လီၤ.

• နၢး(စ) လီတဲစိကျိၤအိၣ်ဒီးနၢး(စ)တဖၣ်လၢဖျိတၢ်ဒိးစဲးမၤကွၢ်လၢအမၤတၢ်လၢ24နၣ်ရံၣ်တဖၣ်လၢတနံၤအတီၢ်ပူၤ,7အသီတဖၣ်လၢတနွံအတီၢ်ပူၤန့ၣ်လီၤ. အ၀ဲသ့ၣ်မၤစၢၤသမံသမိးတၢ်ဆါအပနီၣ်တဖၣ်ခီဖျိလီတဲစိဒီးမၤစၢၤနၤသ့ဒ်သိးနကဃုထံၣ်တၢ်ကတၢ်ထွဲကွၢ်ထွဲလၢအဂ့ၤကတၢၢ်န့ၣ်လီၤ.
• တၢ်ပၢဆှၢရဲၣ်ကျဲတၢ်ကဲမိၢ်တဂၤအဂီၢ်တၢ်ရဲၣ်တၢ်ကျဲၤန့ၣ်ဆဲးကျၢပာ်ဖှိၣ်မိၢ်တဖၣ်လၢအအိၣ်ဒီးအဟုးအသးဒီးတၢ်ဆူၣ်ချ့ပှၤနဲၣ်လိတၢ်ဖိတဖၣ်လၢအဘၣ်တၢ်သိၣ်လိအီၤလီၤဆီဒၣ်တၢ်န့ၣ်လီၤ. ပှၤနဲၣ်လိတၢ်ဖိအံၤတဖၣ်ရဲၣ်ကျဲၤ၀ဲသ့၀ဲတၢ်ဆီၣ်ထွဲမၤစၢၤလၢပှၤတဂၤစုာ်စုာ်အဂီၢ် ဒီး တၢ်သိၣ်လိနဲၣ်လိဖဲတၢ်ဒၢထီၣ်ဖိအကတီၢ်န့ၣ်လီၤ.