တၢ်ဟ့ၣ် နBlue Cross ဆူၣ်ချ့တၢ်တိာ်ကျဲၤတၢ်အုၣ်ကီၤအဘူးအလဲ

တၢ်ဃုထၢတဖၣ်န့ၣ် မ့ၢ်ဝဲဒၣ်လၢကရူၢ်ဖိလၢအအိၣ်ဒီး Medicare မ့တမ့ၢ် ပှၤတဂၤစုာ်စုဒီးဟံၣ်ဖိဃီဖိအတၢ်တိာ်ကျဲၤအိၣ်တဖၣ်အဂီၢ်န့ၣ်လီၤ.

နမ့မ့ၢ်ကရူၢ် Medicare တၢ်တိာ်ကျဲၤကရူၢ်ဖိန့ၣ် တၢ်ကဃ့နၤအဘူးအလဲလိၤလိၤ ခီဖျိနတၢ်မၤကစၢ် မ့တမ့ၢ်နပှၤပၢဆှၢသုးကျဲၤတၢ်န့ၣ်လီၤ.

နမ့ၢ်အိၣ်ဒီး Blue Cross တၢ်အုၣ်ကီၤအတၢ်တိာ်ကျဲၤလၢတၢ်မၤလီၢ်ဟ့ၣ်လီၤန့ၣ်, ကတိၤတၢ်ဒီးနတၢ်မၤကစၢ်ဘၣ်ဃး တၢ်ဟ့ၣ်တၢ်အုၣ်ကီၤအဘူးအလဲလၢနဂီၢ်န့ၣ်တက့ၢ်.

ဟ့ၣ်တၢ်အုၣ်ကီၤအဘူးအလဲလၢအ့ထၢၣ်နဲးအဖီခိၣ်ခီဖျိ eBill

တၢ်ဟ့ၣ်အဘူးအလဲထဲတဘျီ မ့တမ့ၢ်တၢ်မၤအီၤတကတီၢ်ဘၣ်တကတီၢ်တဖၣ်

(eBill) မ့ၢ်ဝဲတၢ်ဃုထၢကျဲအညီကတၢၢ်, လၢနကဟ့ၣ်ဆူၣ်ချ့တၢ်ကွၢ်ထွဲ, မဲဒီး/မ့တမ့ၢ် မဲာ်ချံအတၢ်တိာ်ကျဲတၢ်အုၣ်ကီၤအဘူးအလဲအဂီၢ်တဖၣ်န့ၣ်လီၤ. နမၤသ့ဝဲဒၣ်:

  • ဟ့ၣ်နတၢ်အုၣ်ကီၤအဘူးအလဲ ခီဖျိနစ့တၢးအစ့စရီ, ကဒွဲ (credit) ခးက့မ့တမ့ၢ်ဒဲးဘ့း (debit) ခးက့
  • ကွၢ်ဒီးထုးထီၣ်နတၢ်အဘူးအလဲစ့စရီလၢအခဲအံၤဒီးအပူၤကွံာ်တဖၣ် ဒီးတၢ်မၤနီၣ်လၢနဟ့ၣ်တၢ်အဘူးအလဲဝံၤတ့ၢ်တဖၣ်
  • ပၢၤဃာ်န့ဆၢၣ်ခီဖျိတၢ်အုၣ်ကီၤအဘူးအလဲတၢ်ဒုးသ့ၣ်နီၣ်ဒီးတၢ်ဘိးဘၣ်သ့ၣ်ညါလၢတစူးကါလံာ်စးခိတက့ၢ်

ကွၢ်တၢ်သံကွၢ်လၢပှၤသံကွၢ်ညီနုၢ်တဖၣ်

ဆဲးလီၤမံၤပနီၣ် ဒ်သိးကဟ့ၣ်တၢ်အုၣ်ကီၤအဘူးအလဲ ဟ့ၣ်ဒ်ပှၤတမှံၤတဂၤ

 

တၢ်အပတီၢ်လၢနကစးထီၣ်အဂီၢ်:

1. ကတဲာ်ကတီၤပာ်စၢၤနကရူၢ်ဖိတၢ်ကွၢ်နီၣ်ကွၢ်ဃါခးက့ # ဒီးတၢ်ဟ့ၣ်အဘူးအလဲစ့စရီနီၣ်ဂံၢ် (ထံၣ်လၢနတၢ်ဃ့အဘူးအလဲလံာ်က့အလိၤ*)န့ၣ်တက့ၢ်.

2. တ့ထီၣ် (မ့)နုာ်လီၤ (log in) ဆူနကကရူၢ်ဖိမံၤအခီးတက့ၢ်.

3. ဃုကွၢ် "တၢ်ဟ့ၣ်ဘူးလဲ ဖရံမံၣ်ယၢၣ်" ဒီး လူၤပိာ်ကွၢ်ထွဲ တၢ်ဘျးစဲတဖၣ်အံၤ လၢကဟ့ၣ်ဘူးလဲလၢ အ့ထၢၣ်နဲးအဂီၢ်.

4. ဒုးအိၣ်ထီၣ် တၢ်ဟ့ၣ်အဘူးအလဲၤမံၤစရီ ခီဖျိ စူးကါတၢ်ဟ့ၣ်တၢ်အဘူးအလဲမံၤစရီနီၣ်ဂံၢ်လၢတၢ်ဃ့အဘူးအလဲလံာ်က့အပူၤန့ၣ်တက့ၢ်.

5. နမၤတၢ်ဟ့ၣ်အဘူးအလဲ ထဲတဘျီလၢတၢ်ဃ့ထီၣ်နၤအဘူးအလဲတဖၣ်အဂီၢ်, ရဲၣ်ကျဲၤနလီပရၢဒီး/ မ့တမ့ၢ်တၢ်ဆှၢလံာ်တၢ်ကစီၣ်ဖုၣ်လၢနဘၣ်သးတဖၣ်, မၤပာ်စၢၤတၢ်ဟ့ၣ်တၢ်အဘူးအလဲတဝီဝံၤတဝီလၢအကစၢ်ဒၣ်ဝဲဒီးရဲၣ်ကျဲၤတၢ်ဟ့ၣ်အဘူးအလဲကျိၤကျဲလၢနဘၣ်သးတဖၣ်သ့န့ၣ်လီၤ.

*နမ့ၢ်အိၣ်ဒီးတၢ်အုၣ်ကီၤအဘူးအလဲစ့အိၣ်တ့ၢ်လၢ အဆၢကတီၢ်ဘၣ် ဒီးမ့ၢ်ထံၣ်သ့ၣ်ညါဘၣ် Medicare မ့တမ့ၢ် နီၢ်တဂၤဒီးဟံၣ်ဃီတၢ်တိာ်ကျဲၤန့ၣ် နကဒိးန့ၢ်နတၢ်ဟ့ၣ်အဘူးအလဲလံာ်က့ ခီဖျိလံာ်ပရၢန့ၣ်လီၤ. (နမ့ၢ်တဃုထၢစးခိပူၤဖျဲးတၢ်ဘိးဘၣ်သ့ၣ်ညါလၢ Blue Cross တၢ်တိာ်ကျဲၤလၢအပူၤကွံာ်န့ၣ် နတမ့ၢ်ကဒိးန့ၢ်တၢ်ဒ်အံၤဘၣ်.)

 

ဒုးအိၣ်ထီၣ်တၢ်ထုးထီၣ်တၢ်အဘူးအလဲလၢအစၢ်ဒၣ်ဝဲမၤတၢ်ခီဖျိ (Pay-It-Easy) လံာ်ကွဲးဒိ

ဟ့ၣ်တၢ်အဘူးအလဲလၢအစၢ်ဒၣ်ဝဲမၤတၢ်တဘျီဝံၤတဘျီခီဖျိ စ့စရီ checking မ့တမ့ၢ် savings

နမ့ၢ်တအိၣ်ဒီးအ့ထၢၣ်နဲးထီဘိဘၣ်န့ၣ်, ဆိကမိၣ်ဃုထၢ Pay-It-Easy®အကျိၤကျဲန့ၣ်တက့ၢ်. နဒိးန့ၢ်ဘၣ်ဝဲတၢ်ဟ့ၣ်တၢ်အုၣ်ကီၤအဘူးအလဲတဘျီဝံၤတဘျီ လၢအကစၢ်ထုးကွံာ်ဒၣ်ဝဲ လၢနစ့စရီပူၤ ဘၣ်ဃးနဆူၣ်ချ့တၢ်ကွၢ်ထွဲ, မဲဒီး/မ့တမ့ၢ်မဲာ်ချံတၢ်ထံၣ်အဂီၢ်တဖၣ်သ့ညီညီန့ၣ်လီၤ.

တိၢ်နီၣ် - ဘျီဘၣ်သ့ၣ်သ့ၣ်တၢ်ဟ့ၣ်အဘူးအလဲတၢ်လဲၤတရံးအဆၢကတီၢ် ကယံာ်ဝဲဒၣ် 1-2 လၢတၢ်ကရဲၣ်ကျဲၤဖံးမၤလံာ်ကွဲးဒိတဖၣ်အဂီၢ်န့ၣ်လီၤ. ဟ့ၣ်နတၢ်အုၣ်ကီၤအဘူးအလဲခါဆူညါဒ်ညီနုၢ်အသိး တုၤလၢနဒိးန့ၢ်ဘၣ်လံာ်လၢဒုးသ့ၣ်ညါနၤလၢနတၢ်ဟ့ၣ်အဘူးအလဲအဆိကတၢၢ် ကဘၣ်တၢ်ထုးကွံာ်အီၤအကတီၢ်ဖဲလဲၣ်န့ၣ်တက့ၢ်.

ကွၢ်တၢ်သံကွၢ်လၢပှၤသံကွၢ်ညီနုၢ်တဖၣ်

ဟံးန့ၢ်ဒီးလိ (ဟ့ၣ်လဲညီ) Pay-It-Easy လံာ်ကွဲးဒိ

တၢ်အပတီၢ်လၢနကစးထီၣ်အဂီၢ်:

1. ဟံးန့ၢ်ဒီလိာ် ဒီးမၤပှဲၤ (ဟ့ၣ်လဲညီ) Pay-It-Easy လံာ်ကွဲးဒိတက့ၢ်တက့ၢ်.

2. ဆှၢထီၣ်လံာ်ကွဲးဒိလၢနမၤပှဲၤဝံၤဒီး လံာ်မၤလိာ်စ့ခၠဲးလီၤဟိလၢနကွဲးတြူာ်ကွံာ်၀ဲဒၣ် မ့တမ့ၢ် တၢ်ဆှၢနုာ်လီၤစ့လံာ်ဖီတဲာ်ဆူ:

  • တၢ်ပရၢ: Blue Cross ဒီး Blue Shield လၢ Minnesota, P.O. Box 982801, El Paso, TX, 79998-2801. (တၢ်အိၣ်ဆိးလီၢ်ကျဲတၢ်ဆဲးကျိးအံၤတမ့ၢ်တၢ်လီၢ်လၢနဆှၢနတၢ်ဟ့ၣ်အဘူးအလဲဘၣ်) - မ့တမ့ၢ်
  • စဲးကွဲးဒိဆှၢလံာ်-651-662-6439; မ့တမ့ၢ်
  • ဆှၢလီပရၢ: ဖဲအံၤ.Service.Center@bluecrossmn.com

3. ခိးကွၢ်လံာ်ပရၢဟဲလၢ Blue Cross လၢဘိးဘၣ်သ့ၣ်ညါနၤ လၢနတၢ်ဟ့ၣ်အဘူးအလဲအဆိကတၢၢ်ကဘၣ်တၢ်ထုးကွံာ်အီၤလၢအကစၢ်ဒၣ်ဝဲစးထီၣ်အကတီၢ်ဖဲလဲၣ်န့ၣ်တက့ၢ်.

  • ဟ့ၣ်နတၢ်အုၣ်ကီၤအဘူးအလဲခါဆူညါဒ်ညီနုၢ်အသိးတုၤလၢနဒိးန့ၢ်ဘၣ်လံာ်န့ၣ်တက့ၢ်.

4. သမံသမိးလီၤတံၢ်က့ၤတၢ်ထုးကွံာ်တၢ်ဟ့ၣ်အဘူးအလဲလၢအကစၢ်ဒၣ်ဝဲတဖၣ် ဖဲတလါဘၣ်တလါနစ့စရီတၢ်ပာ်ဖျါန့ၣ်တက့ၢ်.

 

တၢ်ဟ့ၣ်အဘူးအလဲကျိၤကွာ်တၢ်ဃုထၢ အဂုၤအဂၤတဖၣ်

ဟ့ၣ်တၢ်အုၣ်ကီၤအဘူးအလဲ ခီဖျိလီတဲစိ

ကိးတၢ်တိစၢၤမၤစၢၤလၢပှၤစူးကါတၢ်ဖိအဂီၢ်နီၣ်ဂံၢ် လၢနကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံ ဒ်သိး-

  • ကစူးကါ 24/7 လီတဲစိအကျိၤအကွာ် ဒ်သိးကဟ့ၣ်အဘူးအလဲၤတမံၤ (ခီဖျိတၢ်စူးကါခြဲးဒ့းခး, ဒဲဘ့းခး မ့တမ့ၢ်စ့တၢးမံၤစရီ) မ့တမ့ၢ်ကမၤလီၤတံၢ် တၢ်ဒိးန့ၢ်တၢ်ဟ့ၣ်အဘူးအလဲတမံၤ
  • ကတိၤတၢ်ဒီးတၢ်တိစၢၤမၤစၢၤလၢပှၤစူးကါတၢ်ဖိအဂီၢ်ပှၤခၢၣ်စးတဂၤ လၢတၢ်မၤအဆၢကတီၢ်ပူၤ ဒ်သိးကဟ့ၣ်အဘူးအလဲ မ့တမ့ၢ်ကမၤလီၤတံၢ်နတၢ်ဟ့ၣ်အဘူးအလဲအဂီၢ်တက့ၢ်.

ဟ့ၣ်တၢ်အုၣ်ကီၤအဘူးအလဲ ခီဖျိ လံာ်ပရၢ

တၢ်ဟ့ၣ်တၢ်အဘူးအလဲလၢ Medicare တၢ်တိာ်ကျဲၤအဂီၢ်:

Blue Cross ဒီး Blue Shield လၢ MN ဒီး Blue Plus 
P.O. Box 860448
Minneapolis, MN 55486-0448

 

 

ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်:

Blue Cross ဒီး Blue Shield လၢ MN ဒီး Blue Plus
P.O. Box 860449
Minneapolis, MN 55486-0449

 

တၢ်သံကွၢ်လၢပှၤသံကွၢ်အီၤအါတဖၣ်

နကရူၢ်ဖိ ID ခးက့ # န့ၣ်, အိၣ်ဝဲဒၣ်လၢကရူၢ်ဖိ (ID) ခးက့အလီၢ်ခံလီၤ.

ကရူၢ်ဖိအသီတဖၣ်ကန့ၢ်ဘၣ်တၢ်ထုးထီၣ်န့ၢ်အီၤတၢ်ကွၢ်နီၣ်ကွၢ်ဃါခးက့(ID) ခီဖျိတၢ်ဆှၢပရၢလၢစှၤနွံအတီၢ်ပူၤ စးထီၣ်လၢအတၢ်တိာ်ကျဲၤ တၢ်ပာ်ဂၢၢ်ပာ်ကျၢၤဝံၤန့ၣ်လီၤ.

ပှၤကဲထီၣ်ကရူၢ်ဖိလံတဖၣ်လၢအအိၣ်ဒီးမံၤအခီးလၢအ့ထၢၣ်နဲးန့ၣ်, နုာ်လီၤလၢ ကရူၢ်ဖိအပှာ်ယဲၤဘျးစဲ မ့တမ့ၢ် ကရူၢ်ဖိအဲး(ပ) (app) ဒ်သိးကဃုကွၢ်ဒ့းကၠံးတၢၣ်(ID)တၢ်ကွၢ်နီၣ်ကွၢ်ဃါခးက့အဂီၢ်သ့ဝဲဒၣ်န့ၣ်လီၤ.

နမ့ၢ်တန့ၢ်ဘၣ်ခးက့, မ့တမ့ၢ်ကရူၢ်ဖိမံၤအခီးဘၣ်န့ၣ်,ဆဲးကျိး 651-662-8000 မ့တမ့ၢ် 1-800-382-2000, TTY 711.
 

  • နီၢ်တဂၤ ဒီးဟံၣ်ဃီဆူၣ်ချ့တၢ်တိာ်ကျဲၤတဖၣ် န့ၣ်ဘၣ်တၢ်ဃ့အီၤအဘူးအလဲကိးလါဒဲးန့ၣ်လီၤ.
  • Medicare ဒီးမဲတၢ်တိာ်ကျဲၤတဖၣ် ဃုထၢအဝဲသ့ၣ်အနီၣ်ဂံၢ် - တနံၤဘၣ်တနံၣ်, တနံၣ်တဝာ်, လွံၢ်လါတဘျီ မ့တမ့ၢ်တလါတဘျီန့ၣ်လီၤ.
  • မဲာ်ချံတၢ်တိာ်ကျဲၤတဖၣ်န့ၣ် တၢ်ဃ့အီၤအဘူးအလဲဒီးတၢ်ဟ့ၣ်အီၤအဘူးအလဲတနံၣ်တဘျီန့ၣ်လီၤ.

နမ့ၢ်အိၣ်ဒီးတၢ်အုၣ်ကီၤအဘူးအလဲစ့အိၣ်တ့ၢ်န့ၣ် တၢ်တ့ထီၣ်ဘှီထီၣ်တၢ်ဃ့အဘူးအလဲစရီစးထီၣ်ဝဲ လၢ 7သီ လၢကိးလါဒဲး ဒီးတၢ်မၤဝံၤအီၤညီနုာ်လၢ 15သီလၢ ကိးလါဒဲးန့ၣ်လီၤ. ကရူၢ်ဖိအသီတၢ်ဆဲးလီၤမံၤ မ့တမ့ၢ်တၢ်တိာ်ကျဲၤဆီတလဲအဂၤတဖၣ် လၢဘၣ်တၢ်ဖံးမၤအီၤ ဖဲကိးလါဒဲး 7သီန့ၣ် ကဘၣ်တၢ်ပာ်ဖျါအီၤလၢ လၢခံတလါအတၢ်ဃ့အဘူးအလဲစရီပူၤ ဖဲနအိၣ်ဒီးတၢ်အုၣ်ကီၤအဘူးအလဲအခါန့ၣ်လီၤ. တိၢ်နီၣ်- အဝဲန့ၣ်ဘၣ်သ့ၣ်သ့ၣ်ကယံာ်ဝဲ တၢ်မၤအသီ 7-10သီ လၢနကဒိးန့ၢ်တၢ်ဃ့အဘူးအလဲစရီ လၢနလံာ်ပရၢဒၢအပူၤန့ၣ်လီၤ.

အဒိန့ၣ်- နမ့ၢ်ဒိးန့ၢ်နတၢ်တိာ်ကျဲၤတၢ်ဆဲးလီၤမံၤတၢ်ပာ်ဂၢၢ်ပာ်ကျၢၤ ဖဲလါဒံၣ်စ့ဘၢၣ်7သီအလီၢ်ခံ လၢလါယနူအါရံၤ1သီတၢ်ဟ့ၣ်အဘူးအလဲစးထီၣ်မုၢ်နံၤ ဒီးအိၣ်ဒီးတၢ်အုၣ်ကီၤအဘူးအလဲစ့အိၣ်တ့ၢ်န့ၣ် တၢ်ကဃ့နၤအဘူးအလဲလၢ လါယနူအါရံၤ 15 သီ လၢနတၢ်အုၣ်ကီၤအဘူးအလဲ လၢလါယနူအါရံၤဒီးလါဖ့ဘြူအါရံၤခံလါလိာ်အဂီၢ်န့ၣ်လီၤ.

ဖဲလၢနဟ့ၣ်တၢ်အုၣ်ကီၤအဘူးအလဲ, မ့တမ့ၢ် တၢ်တိာ်ကျဲၤအဂီၢ်အါတလၢကွံာ်န့ၣ်, နမ့ၢ်တဃ့ကဒါက့ၤဘပှၤဘၣ်ဒီးတၢ်အဘူးအလဲတဖၣ်န့ၣ် ပကပာ်က့ၤအီၤလၢဆူညါတၢ်အုၣ်ကီးအဘူးအလဲအဂီၢ်လီၤ. ဖဲလၢနဟ့ၣ်တလၢကွံာ်တၢ်အုၣ်ကီၤအဘူးအလဲလၢနကဘၣ်ဟ့ၣ် မ့တမ့ၢ် ပတုာ်ကွံာ်တၢ်တိာ်ကျဲၤန့ၣ်, ပကဆှၢဟ့ၣ်က့ၤနၤစ့တဖၣ်န့ၣ်လီၤ. တၢ်ဟ့ၣ်က့ၤစ့လၢတၢ်အုၣ်ကီၤအဘူးအလဲလၢနဟ့ၣ်ဝံၤလၢပှၤဂ့ၢ်ဝီတၢ်ဘံၣ်တၢ်ဘၢတဖၣ်, မ့တမ့ၢ်လ့ၣ်မ့ၣ်အူကျဲတၢ်အိၣ်ဘှံးလၢတၢ်မၤတၢ်န့ၢ်ဘျုးတဖၣ်န့ၣ်, Blue Cross ဟ့ၣ်ကဒါက့ၤစ့တသ့ဘၣ်.

တၢ်ဒိးန့ၢ်တၢ်မၤစၢၤဘၣ်ဃးလၢနဟ့ၣ်တလၢကွံာ်တၢ်အဘူးအလဲအဂီၢ်န့ၣ်, နနုာ်လီၤလၢနကရူၢ်ဖိအပှာ်ယဲၤဘျးစဲ ဒီးဆှၢလံာ်တၢ်ကွဲးဘံၣ်ဘံၣ်ဘၢဘၢ မ့တမ့ၢ်ဆဲးကျိးတၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဖဲနီၣ်ဂံၢ်အိၣ်ဖျါဖဲကရူၢ်ဖိ (ID) ခးအလီၢ်ခံသ့ဝဲလီၤ.

ဆူၣ်ချ့တၢ်ကွၢ်ထွဲ, မဲာ်ချံတၢ်ထံၣ်မ့တမ့ၢ်မဲအတၢ်တိာ်ကျဲၤတၢ်အုၣ်ကီၤအဘူးအလဲန့ၣ်, တၢ်ကဘၣ်ဟ့ၣ်ဆိအီၤတချုးလၢနတၢ်တိာ်ကျဲၤတၢ်ဟ့ၣ်အဘူးအလဲစးထီၣ် မ့တမ့ၢ်တၢ်တိာ်ကျဲၤလဲၤကဒီးဆူညါန့ၣ်လီၤ. နတၢ်ဟ့ၣ်အဘူးအလဲန့ၣ် ဘၣ်သ့ၣ်သ့ၣ်ကအိၣ်ဒီးတၢ်ဟ့ၣ်အါထီၣ်အကတီၢ်န့ၣ်လီၤ. တၢ်အံၤမ့ၢ်ဝဲဖဲတၢ်ဆဲးန့ၢ်တၢ်ဟ့ၣ်အဘူးအလဲဖဲနဟ့ၣ်ဘၣ်ဝဲ တၢ်အုၣ်ကီၤအဘူးအလဲ လၢအကဟဲကဒီးအဂီၢ်အခါဒံးဘၣ်သနာ်က့န့ၣ်လီၤ.

ဆူၣ်ချ့တၢ်ကွၢ်ထွဲ, မဲာ်ချံတၢ်ထံၣ်မ့တမ့ၢ်မဲအတၢ်တိာ်ကျဲၤတၢ်အုၣ်ကီၤအဘူးအလဲန့ၣ်, တၢ်ကဘၣ်ဟ့ၣ်ဆိအီၤတချုးလၢနတၢ်တိာ်ကျဲၤတၢ်ဟ့ၣ်အဘူးအလဲစးထီၣ် မ့တမ့ၢ်တၢ်တိာ်ကျဲၤလဲၤကဒီးဆူညါန့ၣ်လီၤ. နတၢ်ဟ့ၣ်အဘူးအလဲန့ၣ် ဘၣ်သ့ၣ်သ့ၣ်ကအိၣ်ဒီးတၢ်ဟ့ၣ်ဘျုးကတီၢ် လၢစးထီၣ်လၢမုၢ်နံၤလၢတၢ်အုၣ်ကီၤအဘူးအလဲခီၣ်ထံး တုၤဝဲၤအမုၢ်နံၤလီၢ်ခံန့ၣ်လီၤ. တၢ်ဟ့ၣ်အဘူးအလဲန့ၣ် လဲၤအသးဆူမဲာ်ညါလၢ တၢ်ဟ့ၣ်ဘျုးကတီၢ် ဖဲနဟ့ၣ်နတၢ်အုၣ်ကီၤအဘူးအလဲအဘူးအလဲ လၢတၢ်ဟ့ၣ်ဘျုးကတီၢ်အကတၢၢ်န့ၣ်လီၤ.

တၢ်ပျဲပူၤလီၤဆီအဆၢကတီၢ်အယံာ်န့ၣ် လီၤဆီဝဲဒၣ်လၢတၢ်တိာ်ကျဲၤဒီးကျိၤကျဲလၢနပှ့ၤအီၤအဖီခိၣ်န့ၣ်လီၤ.

  • နီၢ်တဂၤဒီးဟံၣ်ဃီဆူၣ်ချ့တၢ်တိာ်ကျဲၤတဖၣ်-
    • နမ့ၢ်ပှ့ၤဃာ်နဆူၣ်ချ့တၢ်တိာ်ကျဲၤ ခီဖျိ MNsure ဒီးဒိးန့ၢ်ဘၣ် တၢ်အုၣ်ကီၤအဘူးအလဲတၢ်ဟ့ၣ်ခိဟ့ၣ်သွဲခရဲးဒံးအတၢ်ဟ့ၣ်အဘူးအလဲဆိန့ၣ် နအိၣ်ဒီးတၢ်ဟ့ၣ်ဘျုးကတီၢ် 90သီတဘျီဃီ ဖဲနဟ့ၣ်ဃာ်ကယဲၢ်အပူၤကွံာ်တၢ်အုၣ်ကီၤအဘူးအလဲခဲလၢာ် လၢတလါအံၤအတီၢ်ပူၤန့ၣ်လီၤ.
    • နမ့ၢ်ပှ့ၤဝဲဆူၣ်ချ့တၢ်တိာ်ကျဲၤခီဖျိပအိၣ်လိၤလိၤ, မ့တမ့ၢ်နပှ့ၤခီဖျိ MNsure ဒီးနတဒိးန့ၢ်ဘၣ်တၢ်ဟ့ၣ်ဆိတၢ်အုၣ်ကီၤအဘူးအလဲ, တၢ်ဟ့ၣ်ခိဟ့ၣ်သွဲခရဲးဒံးဘၣ်န့ၣ်, နဒိးန့ၢ်ဘၣ်တၢ်ပျဲပူၤလီၤဆီအဆၢကတီၢ်31သီ, လၢနကဟ့ၣ်တၢ်အုၣ်ကီၤအဘူးအလဲ (တမ့ၢ်90သီဘၣ်) န့ၣ်လီၤ.
  • Medicare ကသံၣ်ကသီတၢ်တိာ်ကျဲၤတဖၣ်: 
    • ပဟ့ၣ်ပျဲ တၢ်ဟ့ၣ်ဘျုးကတီၢ်လၢ လံာ်နံၣ်လံာ်လါအသီ 31သီ လၢ Medicare Supplemental တၢ်အုၣ်ကီၤအဘူးအလဲတၢ်ဟ့ၣ်အဘူးအလဲအဂီၢ်န့ၣ်လီၤ. (နတၢ်ဃံးဃာ်မ့ၢ်ကတၢၢ်ကွံာ်န့ၣ် ပကဘၣ်ဒိးန့ၢ်တၢ်ဃံးဃာ်က့ၤတၢ်ဃ့ထီၣ်အတၢ်ကွဲး လၢလံာ်နံၣ်လံာ်လါအသီ 63 သီ စးထီၣ်လၢနတၢ်ဃံးဃာ်ကတၢၢ်အမုၢ်နံၤန့ၣ်လီၤ.)
    • ပဟ့ၣ်ပျဲ တၢ်ဟ့ၣ်ဘျုးကတီၢ်လၢ လံာ်နံၣ်လံာ်လါအသီ 90 လၢ Medicare တၢ်တိာ်ကျဲၤအဂၤတဖၣ်အဂီၢ်န့ၣ်လီၤ.
  • မဲဒီးမဲာ်ချံတၢ်ထံၣ်တၢ်တိာ်ကျဲၤတဖၣ်-
    • ပဟ့ၣ်ပျဲ တၢ်ဟ့ၣ်ဘျုးကတီၢ်လၢ လံာ်နံၣ်လံာ်လါအသီ 31သီ လၢတၢ်တိာ်ကျဲၤတၢ်အုၣ်ကီၤအဘူးအလဲတဖၣ်အဂီၢ်န့ၣ်လီၤ.

တၢ်ဟ့ၣ်တၢ်အုၣ်ကီၤအဘူးအလဲလၢ ဆူၣ်ချ့တၢ်ကွၢ်ထွဲ, မဲဒီး/မ့တမ့ၢ်မဲာ်ချံတၢ်ထံၣ်တၢ်တိာ်ကျဲၤတဖၣ်န့ၣ်, ကဘၣ်ဟ့ၣ်ဝံၤဝဲဖဲတၢ်ပျဲပူၤလီၤဆီအဆၢကတီၢ်ဝံၤတဘျီဃီ ဒ်သိးကဟးဆှဲးတၢ်ထုးကွံာ်တၢ်ပတုာ်ကွံာ်နဆူၣ်ချ့တၢ်တိာ်ကျဲၤ ခီဖျိနတဟ့ၣ်တၢ်အပှ့ၤအဃိန့ၣ်လီၤ. တၢ်ကစီၣ်ဂ့ၢ်ကျိၤအဂၤတဖၣ် လၢဘၣ်ထွဲဒီးတၢ်မၤကတၢၢ်/တၢ်ထုးထီၣ်ကွံာ် နဆူၣ်ချ့တၢ်တိာ်ကျဲၤအဂီၢ် ကွၢ်နတၢ်တိာ်ကျဲၤလံာ်ဃံးဃာ် မ့တမ့ၢ် ဆဲးကျိၤတၢ်တိစၢၤမၤစၢၤလၢပှၤစူးကါတၢ်ဖိအဂီၢ် ခီဖျိနီၣ်ဂံၢ်လၢ နကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံတက့ၢ်.

နမ့ၢ်စူးကါ eBill န့ၣ်, နုာ်လီၤ (log in) ဒ်သိးနကမၤပတုာ်ကွံာ်တၢ်ဟ့ၣ်အဘူးလဲလၢအကစၢ်ဒၣ်ဝဲတဖၣ်န့ၣ်တက့ၢ်.

နမ့ၢ်စူးကါ Pay-It-Easy တၢ်ရဲၣ်တၢ်ကျဲၤန့ၣ်ဒုးသ့ၣ်ညါ Blue Cross ခီဖျိဆဲးကျိးတၢ်တိစၢၤမၤစၢၤလၢ ပှၤစူးကါတၢ်ဖိအဂီၢ် မ့တမ့ၢ်ဆှၢထီၣ်တၢ်ပရၢ ဖဲနဆၢတဲာ်လၢနကပတုာ်ကွံာ် Pay-It-Easy တၢ်ဟ့ၣ်အဘူးအလဲမ့တမ့ၢ် နကဘၣ်ဆီတလဲနပှာ်ယဲၤသန့အတၢ်ဂ့ၢ်တၢ်ကျိၤတဖၣ်န့ၣ်လီၤ. ဟ့ၣ်တၢ်ပျဲတုၤလၢတၢ်မၤမုၢ်နံၤ 14 သီလၢကသုးကျဲၤဖံးမၤနတၢ်ဃ့ထီၣ်စးထီၣ်လၢတၢ်ဒိးန့ၢ်ဘၣ်အီၤအနံၤန့ၣ်လီၤ.

နစ့စရီအခီးပူၤစ့မ့ၢ်တအိၣ်လၢပှဲၤလၢနကဟ့ၣ်နတၢ်အုၣ်ကီးအဘူးအလဲန့ၣ်, နစ့တၢးကနဃ့နၤစ့အီၣ်လိးဒီး ဘၣ်သ့ၣ်သ့ၣ်နကဘၣ်တၢ်ထုးကွံာ်နၤလၢ Pay-It-Easy တၢ်ရဲၣ်တၢ်ကျဲၤန့ၣ်လီၤ.

နတၢ်ကီတၢ်ခဲမ့ၢ်အိၣ်ဝဲလၢတၢ်ဟ့ၣ်တၢ်အုၣ်ကီၤအဘူးအလဲဘၣ်ဆၢဘၣ်ကတီၢ်န့ၣ်, ဆဲးကျိးတၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဒီးသံကွၢ်မ့ၢ်ပဒုးနဲၣ်နၤဆူတၢ်ရဲၣ်တၢ်ကျဲၤတခါခါ လၢကမၤစၢၤနၤဘၣ်ဃးနတၢ်တိာ်ကျဲၤတၢ်အုၣ်ကီၤအဘူးအလဲအဂီၢ်န့ၣ်တက့ၢ်.

မ့ၢ်. နကဒိးန့ၢ်ဘၣ်တၢ်ပရၢလၢတၢ်ဃ့နၤတၢ်ဟ့ၣ်အဘူးအလဲစရီတုၤလၢနမၤပတုာ်ကွံာ် လံာ်စးခိတၢ်ဃ့တၢ်အဘူးအလဲစရီဖဲ eBill တၢ်ဘှီဘၣ်ကရူၢ်ဖိအဂ့ၢ်အကျိၤလၢနပှာ်ယဲၤဘျးစဲပူၤ, မ့တမ့ၢ်တၢ်တိစၢၤမၤစၢၤလၢပှၤစူးကါတၢ်ဖိအဂီၢ်မၤထီၣ်န့ၢ်ဝဲတၢ်ဟ့ၣ်အဘူးအလဲတဘျီဝံၤတဘျီလၢနခၢၣ်စးခီဖျိနစ့စရီန့ၣ်လီၤ.

မ့ၢ်လီၤ. ဖဲလၢနပာ်ပနီၣ်လီၤတံၢ်နလီပရၢမံၤတၢ်ဆဲးကျိးလၢန eBill ကရူၢ်ဖိအဂ့ၢ်အကျိၤပှာ်ယဲၤကဘျံးပီးလီ ဝံၤန့ၣ်, နဘၣ်တၢ်ဆှၢနုာ်နၤတဘျီဃီလၢ လီပရၢတၢ်ကစီၣ်ဒုးသ့ၣ်ညါတဖၣ်အဂီၢ်န့ၣ်လီၤ. တၢ်သ့ၣ်တဖၣ်အကျါ ပၣ်ဃုာ်ဒီးတၢ်ဟ့ၣ်အဘူးအလဲထီရီၤတၢ်ကစီၣ် (ဒ်အမ့ၢ်ဝဲတၢ်ဟ့ၣ်အဘူးအလဲတၢ်ဖံးတၢ်မၤ, တၢ်ဒိးန့ၢ်ဘၣ်သ့ၣ်တဖၣ်), တၢ်အဘူးအလဲတၢ်ကစီၣ် (ဒ်အမ့ၢ်တၢ်အဘူးအလဲလၢအအိၣ်, ကဒွဲခးက့လၢတၢ်ပာ်ပနီၣ်မုၢ်နံၤမုၢ်သီတလၢကွံာ်တဖၣ်) ဒီးတၢ်ဟ့ၣ်အဘူးအလဲ တဘျီဝံၤတဘျီတၢ်ဒုးသ့ၣ်ညါတၢ်ကစီၣ်ဒ်အလီၢ်အိၣ်အသိးတဖၣ်န့ၣ်လီၤ.

နဘှီဘၣ်က့ၤတၢ်ကစီၣ်ဒုးသ့ၣ်ညါတဖၣ်သ့ဝဲထီဘိလၢန ပှာ်ယဲၤကဘျံး (eBill) ပီးလီသ့ထီဘိန့ၣ်လီၤ.

တသ့ဘၣ်. နကဘၣ်မၤပှဲၤ (Pay-It-Easy) လံာ်ကွဲးဒိလီၤဆီလၢကရူၢ်တဂၤ/သနူတၢ်ဘျၢတခါစုာ်စုာ်အဂီၢ်န့ၣ်လီၤ.

တၢ်ဟ့ၣ်အဘူးအလဲစ့စရီနီၣ်ဂံၢ်န့ၣ် နဃုကွၢ်ဖဲတၢ်ဃ့ထီၣ်နၤတၢ်အုၣ်ကီၤအဘူးအလဲအစရီပူၤသ့ဝဲဒၣ်န့ၣ်လီၤ. နဆဲးကျိးဆူတၢ်တိစၢၤမၤစၢၤလၢပှၤစူးကါတၢ်ဖိအဂီၢ်နီၣ်ဂံၢ်အိၣ်လၢကရူၢ်ဖိ (ID) ခးက့အလီၢ်ခံ, ဒ်သိးနကဆဲးကျိးပှၤလၢမၤစၢၤနၤသ့ ဘၣ်ဃးနတၢ်တိာ်ကျဲၤလီၤလီၤဆီဆီအဂီၢ်န့ၣ်လီၤ. မ့ၢ်တဟဲတုၤဒံးဘၣ်န့ၣ် ဆဲးကျိးဆူ 651-662-8000 မ့တမ့ၢ် 1-800-382-2000 TTY 711လီၤ.

လံာ်ပရၢလၢအတဲဖျါတၢ်မၤတလၢတပှဲၤန့ၣ် ကဘၣ်တၢ်ထုးထီၣ်အီၤလၢ ကိးလါဒဲးအသီ10သီကပိာ်ကပၤ ဖဲပတဒိးန့ၢ်ဘၣ်နတၢ်ဟ့ၣ်အဘူးအလဲ လၢတၢ်ဃ့အဘူးအလဲလံာ်က့အလိၤ မုၢ်နံၤလီၢ်ခံကတၢၢ်န့ၣ်လီၤ. နမ့ၢ်ဟ့ၣ်နအဘူးအလဲဝံၤ မ့တမ့ၢ်ဆီလီၤပာ်လီၤဃာ် တၢ်ဟ့ၣ်အဘူးအလဲအတၢ်ကစၢ်တဝီဘၣ်တဝီန့ၣ် တလိၣ်လၢနကမၤတၢ်တမံၤမံၤဘၣ်. တၢ်ဟ့ၣ်အဘူးအလဲတဖၣ်လၢ တၢ်မၤအီၤလၢ တၢ်ဃ့အဘူးအလဲလံာ်က့မုၢ်နံၤအလီၢ်ခံန့ၣ် တၢ်ကပာ်ဖျါအီၤလၢ နအဘူးအလဲလၢခံတလါအပူၤန့ၣ်လီၤ.

နမ့ၢ်အိၣ်ဒီးတၢ်သံကွၢ်တဖၣ် လၢဘၣ်ထွဲဒီးတၢ်ဟ့ၣ်အဘူးအလဲတုၤဧါ တတုၤဧါန့ၣ် ဝံသးစူၤဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ခီဖျိတၢ်စူးကါ နီၣ်ဂံၢ်လၢနကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံတက့ၢ်. နစူးကါသ့ အတၢ်ကစၢ်မၤဝဲ 24/7တၢ်မၤကျဲ မ့တမ့ၢ် ကတိၤတၢ်ဒီးပှၤတဂၤဂၤလိၤလိၤ လၢတၢ်မၤနၣ်ရံၣ်တဖၣ်အပူၤန့ၣ်လီၤ.

တၢ်သံကွၢ်အိၣ်ဧါ.

ဆဲးကျိးဆူတၢ်တိစၢၤမၤစၢၤလၢပှၤစူးကါတၢ်ဖိအဂီၢ်, နီၣ်ဂံၢ်အိၣ်လၢကရူၢ်ဖိ (ID) ခးက့အလီၢ်ခံ, ဒ်သိးနကဆဲးကျိးပှၤလၢမၤစၢၤနၤသ့ ဘၣ်ဃးနတၢ်တိာ်ကျဲၤလီၤလီၤဆီဆီအဂီၢ်န့ၣ်တက့ၢ်.