တၢ်ဆဲးထးကူစါယါဘျါန့ၣ်အိၣ်ထီၣ်ဝဲယံာ်တ့ၢ်မးစးထီၣ်ဖဲအဘၣ်တၢ်ဟ့ၣ်ဒုးသ့ၣ်ညါအီၤဆူကီၢ်အမဲရကါအပူၤလီၤႉ မုၢ်မဆါတနံၤအံၤန့ၣ်, ဆူၣ်ချ့တၢ်ကွၢ်ထွဲကူစါတၢ်ကျဲအဂၤလၢအဘၣ်တၢ်ပာ်ဖှိၣ်အီၤဒီးကသံၣ်တၢ်ကွၢ်ထွဲညီနုၢ်တဖၣ်တလီၢ်လီၢ်န့ၣ်လီၤႉ
ကသံၣ်သရၣ်စဲၣ်နီၣ်တဖၣ်ကနဲၣ်လီၤဝဲတၢ်ဆဲးထးကူစါတၢ်လၢတၢ်ကကူစါယါဘျါတၢ်ဆါအပနီၣ်အါမံၤအဂီၢ်သ့ဝဲန့ၣ်လီၤႉ ပှၤဘၣ်သးအီၤအါဝဲလၢပှၤအိၣ်ဒီး ပျိၢ်ဆါ, ကိာ်ဆါ မ့တမ့ၢ် ခီၣ်လ့ၢ်ခိၣ်ဆါဖးယံာ်သ့ၣ်တဖၣ်အကျါန့ၣ်လီၤႉ တၢ်ဆဲးထးကူစါယါဘျါန့ၣ်မၤစၢၤဝဲဒ်သိးကဒီသဒၢတၢ်သးကလဲၤလၢအပိာ်ထွဲထီၣ်တၢ်သြီကသံၣ်ကူစါခဲစၢၣ်ဒီး တၢ်ကွဲးကါတဖၣ်အခံအဂီၢ်စ့ၢ်ကီးလီၤႉ
ဆူၣ်ချ့တၢ်တိာ်ကျဲၤတဖၣ်လၢတဟ့ၣ်တၢ်အဘူးအလဲလၢတၢ်ဆဲးထးကူစါယါဘျါတၢ်အဂီၢ်န့ၣ်အိၣ်ဝဲလီၤႉ တၢ်တိာ်ကျဲၤလၢဟ့ၣ်ဝဲတဖၣ်အိၣ်လီၤဆီလိာ်အသးဘၣ်ထွဲဒီး အဟ့ၣ်န့ၢ်အဘူးအလဲဒ်လဲၣ် ဒီး လၢအဆၢကတီၢ်ဖဲလဲၣ်အဂ့ၢ်တဖၣ်လီၤႉ*
ဃုထံၣ်န့ၣ်ပှၤသ့တၢ်ဆဲးထးကူစါယါဘျါတဂၤ
တၢ်ဆဲးထးကူစါယါဘျါန့ၣ်မ့ၢ်တၢ်မနုၤလဲၣ်ႉ
တၢ်ဆဲးထးကူစါယါဘျါန့ၣ်မ့ၢ် ဆူၣ်ချ့တၢ်မၤတခါလၢအစးထီၣ်အိၣ်ဝဲဒၣ်လၢတရူးကီၢ်အပူၤလီၤႉ တၢ်ဆဲးထးကူစါယါဘျါအိၣ်ဝဲ အကလုာ်ကလုာ်န့ၣ်လီၤႉ အဝဲသ့ၣ်ခဲလၢာ်ပာ်ဃုာ်ဒီး တၢ်စူးကါထးတဖၣ်ခီဖျိဘၣ်တၢ်ဆဲးလီၤအီၤဆူဖံးဘ့ၣ်အဖီလာ် ဒ်သိးကထိၣ်ဟူးထိၣ်ဂဲၤထီၣ်တၢ်လီၢ်ဖိတဖၣ်လၢနီၢ်ခိပူၤဒီး ကဒုးကိညၢ်ထီၣ်ဝဲတၢ်ဆါအပနီၣ်တဖၣ်အဂီၢ်လီၤႉ
တၢ်ဆဲးထးကူစါန့ၣ် ဆီတလဲသးတဆီဘၣ်တဆီလၢအါနံၣ်အတီၢ်ပူၤနံၣ်လီၤႉ မုၢ်မဆါတနံၤအံၤန့ၣ် အဝဲဒၣ်ကလီၤဆီလိာ်သးအါမး ဒီး နံၣ်လၢအကထိတဖၣ်အပူၤကွံာ်တၢ်အိၣ်သးအသိးဒီး ကဘၣ်တၢ်စူးကါအီၤပူၤပူၤဖျဲးဖျဲးအါထီၣ်ဝဲလံန့ၣ်လီၤႉ အဒိ, သရၣ်လၢအကူစါတၢ်တဖၣ်သူဝဲ ထးတဖၣ်လၢပှၤသူအီၤသ့ထဲတဘျီဧိၤလၢအပူၤဖျဲးဒိၣ်န့ၢ်ဒံးထးထူထးစ့တဖၣ်ဘၣ်တၢ်သူအီၤတဘျီဝံၤတဘျီအလီၢ်န့ၣ်လီၤ. သရၣ်လၢအကူစါတၢ်တဖၣ်န့ၣ် မုၢ်မဆါတနံၤအံၤသူစ့ၢ်ကီးဝဲ တၢ်ကိၢ် ဒီး လီမ့ၣ်သဟီၣ်အစၢ်တဖၣ်လၢထးတဖၣ်အလိၤဒ်သိးကမၤဂ့ၤထီၣ်တၢ်ကူစါယါဘျါအဂီၢ်န့ၣ်လီၤႉ
တၢ်ဘၣ်ယိၣ်အလီၢ်လၢတၢ်ဆဲးထးကူစါယါဘျါတဖၣ်န့ၣ်မ့ၢ်မနုၤသ့ၣ်တဖၣ်လဲၣ်ႉ
တၢ်ဘၣ်ယိၣ်အလီၢ်လၢတၢ်ဆဲးထးကူစါယါဘျါတဖၣ်န့ၣ်တၢ်ဘၣ်ကွၢ်ဆၢၣ်မဲာ်အီၤစှၤဒိၣ်မးဖဲနထံၣ်ဒီးသရၣ်လၢအဒိးန့ၢ်လံာ်အုၣ်ကီၤလၢကူစါတၢ်အဂီၢ်လီၤႉ ဘၣ်ဆၣ်တၢ်ကူစါယါဘျါတၢ်န့ၣ် ဒုးကဲထီၣ်တၢ်ဒိဘၣ်ဒိၣ်ဒိၣ်မုၢ်မုၢ်သ့ဝဲဖဲအဘၣ်တၢ်မၤအီၤလၢတဘၣ်ကျိၤကျဲန့ၣ်လီၤႉ တၢ်ဒိဘၣ်တဖၣ်န့ၣ်မ့ၢ်ဝဲ တၢ်ဒိးန့ၢ်တၢ်ဆါကူဂာ်, တၢ်သွံၣ်ဟဲထီၣ်, က့ၢ်ဂီၤဒွဲတဖၣ်အတၢ်ဘၣ်ဆဲးလၢထး ဒီး တၢ်လဲၤမၤဘၣ်ဒိလီၢ်ခၢၣ်သးနၢာ်အကရူၢ်တဖၣ်န့ၣ်လီၤႉ
နကြၢးဟးဆှဲးတၢ်ဆဲးထးကူစါယါဘျါ ဖဲနမ့ၢ်:
- အိၣ်ဒီးစဲးဘျၢလီၤသးလၢသးဖျၢၣ်ပူၤအဃိလီၤႉ လီၤမ့ၣ်အသဟီၣ်တဖၣ်မၤတံာ်တာ်ဝဲ စဲးအတၢ်မၤလၢသးဖျၢာ်အပူၤသ့ဝဲဒၣ်လီၤႉ
- အိၣ်ဒီးအဟုးအသး : မိၢ်ဒၢတနီၤလၢဒိးန့ၢ်တၢ်ဆဲးထးကူစါယါဘျါန့ၣ်အဘၣ်တၢ်ဒုးအိၣ်ထီၣ်တၢ်ဟုးဆါလၢကအိၣ်ဖျဲၣ်ထီၣ်ဖိအဂီၢ်ဒီး ဒုးကဲထီၣ်တၢ်အိၣ်ဖျဲၣ်ဖိလၢအဆိန့ၣ်ဒံးအိၣ်ဖျဲၣ်လါသ့ဝဲန့ၣ်လီၤ.
- အိၣ်ဒီးသွံၣ်တၢ်ဆါတဖၣ် မ့တမ့ၢ် ဘၣ်အီကသံၣ်တဖၣ်လၢအမၤဆှံသွံၣ်ႉ တၢ်တဖၣ်အံၤဒုးအါထီၣ်နၤလၢတၢ်သွံၣ်ကဟဲထီၣ်အဂီၢ် မ့တမ့ၢ် တၢ်လုးထီၣ်လါထီၣ်လၢထးဘၣ်ဆဲးအလီၢ်တဖၣ်န့ၣ်လီၤႉ
တၢ်ဆဲးထးကူစါယါဘျါန့ၣ်အကြၢးအဘၣ်လၢနဂီၢ်ကစ့ၣ်ဧါ.
တၢ်ဆဲးထးကူစါယါဘျါန့ၣ်ဘၣ်သ့ၣ်ဟ့ၣ်တကြၢးတဘၣ်ဝဲလၢနဂီၢ်သ့ဝဲန့ၣ်လီၤႉ ကျဲလၢတၢ်ဃုထံၣ်လၢနကဘၣ်ဘျုးလၢ အကူစါယါဘျါတၢ်အဂီၢ်မ့ၢ်ဒ်သိးအံၤလီၤ:
- ကတိၤသကိးတၢ်ဒီးနကသံၣ်သရၣ်တက့ၢ်ႉ တၢ်ဆဲးထးကူစါယါဘျါန့ၣ် ကြၢးဝဲထဲလၢတၢ်ကမၤလၢပှဲၤထီၣ်ကသံၣ်သရၣ်ကူစါယါဘျါတၢ်အဂီၢ်ဒီး တဘၣ်မ့ၢ်ဒ်သိးတၢ်ကလဲလိာ်အီၤအဂီၢ်ဘၣ်လီၤႉ နကသံၣ်သရၣ်မၤစၢၤနၤသ့ဒ်သိးနကဆၢတဲာ်ဝဲလၢတၢ်ဆဲးထးကူစါယါဘျါန့ၣ်အကြၢးအဘၣ်လၢနဂီၢ်ဧါန့ၣ်လီၤႉ
- ဃုထံၣ်န့ၣ်သရၣ်ကူစါတၢ်လၢအကြၢးအဘၣ်တက့ၢ်. အိၣ်ပှဲၤဒီးတၢ်ပလီၢ်နသးဖဲနဃုထၢမိၢ်လုၢ်ပၢ်လၢဆူၣ်ချ့တၢ်ကွၢ်ထွဲ သရၣ်သမါတဂၤန့ၣ်တက့ၢ်ႉ ဖးပှၤဂၤအတၢ်ကွဲးဖျါတဖၣ်, ကွၢ်ထံသမံသမိးဆူၣ်ချ့လံာ်နဲၣ်တဖၣ်, မ့တမ့ၢ် သံကွၢ်သံဒိးနကသံၣ်သရၣ်လၢ အကဒုးနဲၣ်နၤဆူတၢ်လီၢ်လၢနကဘၣ်လဲၤအအိၣ်န့ၣ်တက့ၢ်ႉ
နကဘၣ်မုၢ်လၢ်တၢ်မနုၤဖဲနဟံးန့ၢ်တၢ်ကူစါအခါန့ၣ်လဲၣ်ႉ
နတလိၣ်ကတဲာ်ကတီၤနသးလီၢ်လီၢ်ဆီဆီလၢတၢ်ဟံးန့ၢ်တၢ်ကူစါအကျိၤအကျဲၤအဂီၢ်ဘၣ်ႉ သရၣ်ကူစါတၢ်ကသံကွၢ်နၤတၢ်သံကွၢ်တဖၣ်လၢအဘၣ်ဃးဒီး တၢ်ဆါအတၢ်ပနီၣ်တဖၣ်အဂ့ၢ်ဒီး အဝဲကမၤကွၢ်နနီၢ်ခိအလီၢ်တဖၣ်လၢနတူၢ်ဘၣ်ဆါဖဲနဒိးန့ၢ်ဘၣ်တၢ်ကူစါအကတီၢ်န့ၣ်လီၤႉ
တၢ်ကူစါတၢ်ဒုးကဲထီၣ်တၢ်အိၣ်တမုာ်တလၤတဆံးတက့ၢ်လီၤႉ အဝဲမၤတၢ်လၢကျဲဒ်အံၤလီၤ:
- နကဘၣ်အိၣ်မံလီၤနသးလၢ စီၤနီၤခိၣ်ကပုာ်လုးတခါအဖီခိၣ် ဖဲနဘၣ်တၢ်ကူစါနၤဒီတကတီၢ်ဒီး နကဘၣ်ကူသိးဝဲနကူနသိးဒၣ်နဲ မ့တမ့ၢ် ဆ့ကၤဖးထီ မ့တမ့ၢ် ယၣ်ဒါတခါန့ၣ်လီၤႉ
- သရၣ်ကူစါတၢ်ကတဲဖျါနၤဘၣ်ဃး ဖဲလၢအကူစါတၢ်အဖၢမုာ်န့ၣ် အဝဲကဆဲးလီၤထးတဖၣ်ဆူတၢ်လီၢ်ဖဲလဲၣ်အဂ့ၢ်လီၤႉ
- နမ့ၢ်အိၣ်မုာ်ကစီဒီန့ၣ်သရၣ်ကူစါတၢ်ကစဲးလီၤဝဲ 5-20 ထးဘုတလါဖိတဖၣ်လၢနဖံးဘ့ၣ်အဖီလာ်န့ၣ်လီၤႉ နကပလၢၢ်ဘၣ်တၢ်တၢအသး မ့တမ့ၢ် တၢ်ဆါ တဆံးတက့ၢ်လီၤႉ
- နသးမ့ၢ်ထိၣ်ကဆှၣ်လီၤအခါန့ၣ် သရၣ်ကသုးဝဲထးတဖၣ်ဆူညါ မ့တမ့ၢ် သုဝဲတၢ်ကိၢ်ဒီးလီၤမ့ၣ်သဟီၣ်လၢအစၢ်တဖၣ်လီၤႉ
- 10-20 မံးနံးဝံၤအလီၢ်ခံ, သရၣ်ကူစါတၢ်ကထုးထီၣ်ဝဲဒၣ်နထးတဖၣ်လီၤႉ
နကလိၣ်ဘၣ်အါန့ၣ်တၢ်ကူစါယါဘျါကျိၤကျဲတခါ ဒ်သိးနကကူစါနတၢ်ဆါအပနီၣ်တဖၣ်အဂီၢ်န့ၣ်လီၤႉ ကအါထဲသိးဒီးတၢ်ကူစါကျိၤကျဲ ဃုဘျီတုၤဃိးဘျီန့ၣ်လီၤႉ နလိၣ်ဘၣ်တၢ်ကူစါနၤပှဲၤဘျီပှဲၤဘျီအဂ့ၢ်န့ၣ် ဒိးသန့ၤထီၣ်အသးလၢနဆူၣ်ချ့တၢ်အိၣ်သး ဒီး နတၢ်ဆါအပနီၣ်တဖၣ်အဖီခိၣ်န့ၣ်လီၤႉ
ဖဲဘၣ်တၢ်ကူစါယါဘျါဝံၤအလီၢ်ခံ
ပှၤတနီတဲဝဲလၢအဝဲသ့ၣ်အသးထိၣ်ကဆှၣ်လီၤဝဲဒၣ်ဖဲတၢ်ကူစါတၢ်ဝံၤအလီၢ်ခံန့ၣ်လီၤႉ ပှၤအဂၤတဖၣ်စံးဝဲလၢအဒိးန့ၢ်တၢ်ဂံၢ်တၢ်ဘါအါထီၣ်လီၤႉ တၢ်ဆၢကတီၢ်ကယံာ်ဝဲဒၣ်စှၤသီဖဲတချုးလၢနပာ်သူၣ်ပာ်သးလၢနတၢ်ဆါတၢ်ပနီၣ်တဖၣ်အတၢ်ဆီတလဲတဖၣ်န့ၣ်လီၤႉ နကဘၣ်မၤကွၢ်တၢ်ကူစါယါဘျါကျဲအဂၤဖဲတၢ်ဂ့ၤထီၣ်မ့ၢ်တအိၣ်ဝဲလၢစှၤနွံဝံၤအလီၢ်ခံန့ၣ်လီၤ.
Blue Cross ဟ့ၣ်တၢ်အဘူးအလဲလၢ တၢ်ဆဲးထးကူစါယါဘျါအဂီၢ်ဒ်လဲၣ်
Blue Cross ဆူၣ်ချ့တၢ်တိာ်ကျဲၤတနီၤဟ့ၣ်တၢ်အဘူးအလဲလၢ တၢ်ဆဲးထးကူစါယါဘျါအဂီၢ်ဖဲ အလိၣ်နီၢ်နီၢ်လၢတၢ်ကူစါတၢ်အဂီၢ်ဒီး ဘၣ်တၢ်မၤလိာ်အီၤခီဖျိနကသံၣ်သရၣ်အဃိလီၤႉ နကသံၣ်သရၣ်ကနဲၣ်လိာ်နၤတၢ်ဆဲးထးကူစါယါဘျါအဂီၢ်ဒ်သိးကကူစါဝဲ:
- တၢ်ဆါယံာ်ယံာ်ထၢထၢလၢ အတစှၤန့ၣ်ဝဲဃုလါဘၣ် ဒီး ဖဲတၢ်လီၤဆီတအိၣ်လၢ တၢ်ကူစါတၢ်ဆါအပနီၣ်လၢအဘၣ်တၢ်ကူဆါအီၤဒ်ကကျိၤကျဲညီနုၢ်တဖၣ် မ့တမ့ၢ် တၢ်မၤဟူးဂဲၤနီၢ်ခိက့ၢ်ဂီၢ်အတၢ်ကူစါယါဘျါ
- တၢ်သးကလဲၤခီဖျိလၢ တၢ်ကွဲးကါတၢ် မ့တမ့ၢ် ကသံၣ်ကူစါခဲစၢၣ်အဃိ
Blue Cross အံၤအိၣ်ဝဲလၢနတၢ်အိၣ်ဆူၣ်အိၣ်ချ့အဂီၢ်လီၤ
Blue Cross ဒီး Blue Plus မၤစၢၤနၤဒ်သိးနကဒိးန့ၢ်တၢ်စံးဆၢညီညီလၢနဆူၣ်ချ့တၢ်သံကွၢ်တဖၣ်အဂီၢ်န့ၣ်လီၤ. နမ့မ့ၢ်ကရူၢ်ဖိတဂၤအဃိဒီး, နထံၣ်လိာ်နသးဒီးကသံၣ်သရၣ်သ့လၢအ့ထၢၣ်နဲးအလိၤ ဒီး နဒိးန့ၢ်ဆူၣ်ချ့တၢ်အိၣ်ယၢၤအါမံၤလၢနစုမုၢ်စုနၢအစိးနါန့ၣ်လီၤႉ နုာ်လီၤဆူနကရူၢ်ဖိအိၣ်အလီၢ် ဒ်သိးကဃုဒိးန့ၢ်ကသံၣ်သရၣ်တဂၤဒီး ဃုထံၣ်န့ၢ် 'တၢ်အိၣ်မုာ်စိာ်ပၢၤ' လၢနအဂံၢ်အထံးတဖၣ်အဂီၢ်တက့ၢ်ႉ
နမ့ၢ်တအိၣ်ဒီးဆူၣ်ချ့တၢ်အုၣ်ကီၤန့ၣ်, Blue Cross ဒီး Blue Plus ဟ့ၣ်နၤဆူၣ်ချ့တၢ်အုၣ်ကီၤအကလုာ်ကလုာ် လၢကကြၢးဒီးနတၢ်လိၣ်တဖၣ်ဒီးနစ့တိာ်ပာ်န့ၣ်လီၤ. ဆူၣ်ချ့တၢ်အုၣ်ကီၤခဲလၢာ်န့ၣ်ပၣ်ဃုာ်ဒီးတၢ်ဒီသဒၢအတၢ်ကွၢ်ထွဲတၢ်ဟ့ၣ်အဘူးအလဲ ဒီး ပီးလီတဖၣ်ဒီးတၢ်အိၣ်ယၢၤတဖၣ် ဒ်သိးကမၤဆူၣ်ချ့နၤဒီးဒီသဒၢနဟံၣ်ဖိဃီဖိတဖၣ်အတၢ်အိၣ်ဆူၣ်အိၣ်ချ့န့ၣ်လီၤ. ကတိၤတၢ်ဒီး ပှၤခၢၣ်စး/a> တဂၤ မ့တမ့ၢ် ဆဲးကျိးဒီး Blue Cross Advisor ဒ်သိးကမၤလိအါထီၣ်အဂီၢ်တက့ၢ်.
ဃုသ့ၣ်ညါအါထီၣ်ဘၣ်ဃးတၢ်ကူစါယါဘျါကျိၤကျဲတဖၣ်ဒီး ဆူၣ်ချ့တၢ်တိာ်ကျဲၤတၢ်ဟ့ၣ်အဘူးအလဲ
တၢ်ဟ့ၣ်အဘူးအလဲလၢအဘၣ်ဃးဒီး သးအတၢ်အိၣ်ဆူၣ်အိၣ်ချ့တၢ်အိၣ်သးတဖၣ်အဂီၢ်
တၢ်သးဟးဂီၤနးနးတၢ်ဆါအပနီၣ်,တၢ်ကူစါယါဘျါဒီး
ဆူၣ်ချ့တၢ်တိာ်ကျဲၤ တၢ်န့ၢ်ဘျူးတဖၣ်
တၢ်သူၣ်ကိၢ်သးဂီၤတၢ်ဆါအပနီၣ်တဖၣ်,တၢ်ကူစါယါဘျါ ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျူးတဖၣ်
ဘၣ်မနုၤအဃိယဘၣ်ဟ့ၣ်၀ဲဒၣ်တၢ်ဘူးတၢ်လဲလၢ တၢ်လဲၤထံၣ်လိာ်သးလၢတၢ်ဒီသဒၢအတၢ်ကွၢ်ထွဲလဲၣ်.
ကနၢ်ပၢၢ်ဘၣ် ကသံၣ်လၢကသံၣ်သရၣ်ဟ့ၣ်လီၤ တၢ်န့ၢ်ဘျုးအဂ့ၢ်သ့ဒ်လဲၣ်
တၢ်အုၣ်ကီၤသးန့ၣ်မ့ၢ်အဟ့ၣ်ဝဲတၢ်လၢာ်ဘူၣ်လၢာ်စ့လၢတၢ်ကူစါဃံအဆၢတၢ်အံးထွဲကွၢ်ထွဲအဂီၢ်စ့ၣ်ဧါ.
ကသံၣ်လၢတၢ်ဃုထၢအီၤသ့: တၢ်မနုၤတဖၣ်န့ၣ် ပူၤဖျဲး၀ဲဒၣ် ဒီးတၢ်မနုၤတဖၣ်န့ၣ် ဘၣ်တၢ်ကျၢၢ်ဘၢအီၤလဲၣ်