လၢ Blue Cross ကရူၢ်ဖိအါတက့ၢ်အဂီၢ်:
တၢ်ပာ်ပတုာ်ကွံာ်တၢ်အီညါသူးဒီး vaping (ဘဲး) တၢ်ဆီၣ်ထွဲမၤစၢၤအလီကျိၤ
ဆဲးကျိးကလီဆူ 1-888-662-BLUE (2583)
နၣ်ရံၣ်တဖၣ်: မုၢ်ဆၣ်-မုၢ်လ့ၤဧိၤ ဂီၤ 830 - ဟါ 530 ကီၢ်ခၢၣ်သးအဆၢကတီၢ်, မုၢ်ဖီဖး ဂီၤ 8 နၣ်ရံၣ် - ဟါ 6 နၣ်ရံၣ် ကီၢ်ခၢၣ်သးအဆၢကတီၢ်
လၢ Blue Advantage ဟံၣ်ဒူၣ်ဃီထၢတဖၣ်ဒီး ဖိဒံဖိသၣ်တဖၣ်အဂီၢ်, MinnesotaCare, Minnesota Senior Care Plus ဒီး SecureBlue ကရူၢ်ဖိတဖၣ်- ကိး 1-855-552-2583, TTY 711.
နတမ့ၢ်ကရူၢ်ဖိဘၣ်ဒီး:
နဒိးန့ၢ်၀ဲတၢ်ဆီၣ်ထွဲမၤစၢၤလၢတၢ်ပာ်ပတုာ်တၢ်သ့၀ဲ ခီဖျိတၢ်ပာ်ပတုာ်-လီကျိၤလၢနထံလီၢ်ကီၢ်ပူၤ, မ့ၢ်အိၣ်၀ဲတတီၤန့ၣ်လီၤ.
ဆဲးကျိး 1-800-QUIT NOW (1-800-784-8669)
စးထီၣ်မၤတၢ်ဒီးပတၢ်ဆီၣ်ထွဲမၤစၢၤတၢ်ရဲၣ်တၢ်ကျဲၤန့ၣ်တက့ၢ်
နမ့ၢ် Blue Cross အကရူၢ်ဖိ, ပတၢ်ပာ်ပတုာ်တၢ်အီညါသူးဒီး vaping (ဘဲး) တၢ်ဆီၣ်ထွဲမၤစၢၤတၢ်ရဲၣ်တၢ်ကျဲၤမၤစၢၤနၤသ့ လၢနခါထီၣ်ခီၣ်ခါအဆိကတၢၢ်တခါ ဒ်သိးကပူၤဖျဲးထီၣ်နၤဒီးညါသူးအစုၣ်န့ၣ်လီၤ. ဖဲအံၤန့ၣ် နကဒိးန့ၢ်ဘၣ်:
- တၢ်ဆဲးကျိးခီၣ်ထံးတဘျီ ဒ်သိးကကတိၤတၢ်ဘၣ်ဃးန တၢ်စူးကါတ့ၢ်ဂာ်နံၣ်ခိၣ်တ့(တၢ်အစုၣ်လၢအအိၣ်လၢညါသူးအကျါ) လၢညါအဂ့ၢ် ဒီးနတၢ်ထဲးဂံၢ်ထဲးဘါလၢတၢ်ပာ်ပတုာ်ကွံာ်တၢ်အဂီၢ်န့ၣ်လီၤ.
- တၢ်ဆဲးကျိးလိာ်သးဃုာ်ဒီး တၢ်အိၣ်မုာ်ဆိးပၢၤအပှၤနဲၣ်လိတၢ်ဖိလွံၢ်ဘျီ ဖဲတၢ်ဆၢကတီၢ်လၢအမၤတၢ်လၢနဂီၢ်န့ၣ်လီၤ.
- နနီၢ်ကစၢ်တၢ်ပာ်ပတုာ်ကွံာ်အတၢ်တိာ်ကျဲၤ
- လံာ်တၢ်နဲၣ်ကျဲလၢအဘၣ်တၢ်ဆှၢဆူနဟံၣ် ပၣ်ဃုာ်ဒီးတၢ်ဟ့ၣ်ကူၣ်တဖၣ်လၢအကမၤစၢၤနၤ ဒ်သိးနကစဲထီဒီးတၢ်တိာ်ကျဲၤ ဒီးကကွၢ်ဆၢၣ်မဲာ်ဒီးသးတၢ်ဃၢတၢ်စံာ်ဒီးတၢ်သးသူသးဃ့အီတၢ်တဖၣ်အဂီၢ်
- ဖဲနမၤလၢပှဲၤတၢ်ရဲၣ်တၢ်ကျဲၤ၀ံၤအလီၢ်ခံ နဒိးန့ၢ်ဘၣ်တၢ်ဆီၣ်ထွဲမၤစၢၤခီဖျိတၢ်ဆဲးကျိးခံဘျီ 30-ဒီး90နံၤ တၢ်ထံၣ်လိာ်သးပိာ်ထွဲထီၣ်ခံတဖၣ်)
- တၢ်ပီးတၢ်လီလၢအ့ထၢၣ်နဲးတဖၣ် ဒီးတၢ်တိစၢၤမၤစၢၤ လၢကဆီၣ်ထွဲမၤစၢၤနၤဒီး ဃုထံၣ်န့ၢ်နတၢ်လဲၤထီၣ်လဲၤထီလၢတၢ်ဆဲးကျိးတဖၣ်အဘၢၣ်စၢၤ
တၢ်ပာ်ပတုာ်ကွံာ်တၢ်မၤစၢၤပီးလီတဖၣ်မၤစၢၤ၀ဲသ့, စ့ၢ်ကီး
မ့ၢ်နအဲၣ်ဒိးစူးကါတၢ်ပာ်ပတုာ်ကွံာ်တၢ်မၤစၢၤပီးလီ (တၢ်ဆးကျး, ကသံၣ်အီၣ်ဆၢမ့တမ့ၢ် ကသံၣ်မၤစၢၤလိၣ်စၢၣ်)န့ၣ် နတၢ်အိၣ်မုာ်ဆိးပၢၤအပှၤနဲၣ်လိတၢ်ဖိကမၤစၢၤနၤ ဒ်သိးကဒုးနဲၣ်ဖျါထီၣ်တၢ်မနုၤတမံၤန့ၣ်ကမၤတၢ်အဂ့ၤကတၢၢ်လၢနဂီၢ်န့ၣ်လီၤ. ဆဲးကျိးပှၤစူးကါတၢ်တိစၢၤမၤစၢၤ အလီကျိၤလၢ နကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံ ဒ်သိးကဃုထံၣ်ဘၣ်ဃးဆူၣ်ချ့တၢ်တိာ်ကျဲၤ တၢ်ဟ့ၣ်အဘူးအလဲလၢတၢ်ပာ်ပတုာ်ကွံာ်တၢ်မၤစၢၤပီးလီတဖၣ်တမံၤလၢ်လၢ်အဂီၢ်န့ၣ်လီၤ.
တၢ်အီဘ့း (vaping) န့ၣ် ကမ့ၢ်တၢ်လီၤဘၣ်ယိၣ်ထဲလဲ.
တၢ်အီဘ့း (vaping)န့ၣ် မ့ၢ်၀ဲတၢ်ကတိၤဖုၣ်လၢတၢ်ဒုးသ၀ံထီၣ်(vaporize)အဂီၢ်န့ၣ်လီၤ. လီမ့ၣ်မိာ်ထူ၀ါမၤတၢ်ဒ်န့ၣ်လီၤ. တၢ်န့ၣ် မၤကိၢ်ထီၣ်တၢ်အထံ ဒ်သိးကဟ့ၣ်အဲးရိၣ်စိ(လ) လၢအဘၣ်တၢ်သါနုာ်ဆူပသိၣ်ပူၤန့ၣ်လီၤ. ညါသူးအစုၣ်ဂာ်နံၣ်ခိၣ်တံလၢပှၤစဲထီ၀ဲချ့ဒိၣ်မးတကးဘၣ်, ဘ့း (vape) အထံန့ၣ် ပၣ်ဃုာ်ဒီးဂာ်အဂၤတဖၣ်လၢအလီၤဘၣ်ယိၣ်တဖၣ် လီၤဂာ်ဒ်:
- အီဂာ်လၢအသ၀ံထီၣ်ညီတၢ်ဂာ်ဖှိၣ်တဖၣ်
- ဂာ်တၢ်ဖိတၢ်လံၤတဖၣ်လၢအဒုးကဲထီၣ်ခဲစၢၣ်တၢ်ဆါ
- စၢၢ်ထးအဃၢတဖၣ်လၢအမ့ၢ်နံးကၢၣ်(လ), ထး၀ါဒီးစၢၢ်သူ
- တၢ်ကမှံဖိတဖၣ်လၢဂံၤကဲၣ်စိး
- တၢ်နၢမူနၢဆှီလီၤဆီတဖၣ်လၢအမ့ၢ်ဒဲၣ်ယၣ်စံၣ်တဲ(လ), ဂာ်တၢ်ဖိတၢ်လံၤလၢအဘၣ်ထွဲဒီးပသိၣ်တၢ်ဆူးတၢ်ဆါ
တၢ်အီဘ့း (Vaping) မၤဘၣ်ဒိပတၢ်ဆူၣ်ချ့အဂ့ၢ်
လၢအခဲအံၤန့ၣ် ပှၤလၢအပသိၣ်ဘၣ်ဒိ၀ဲ လၢတၢ်အီဘ့း (vaping) အဃိ အိၣ်၀ဲဒၣ်1604 ဂၤညါဒီးအ၀ဲသ့ၣ်အကျါအါဂၤ သံ၀ဲလံန့ၣ်လီၤ. အ၀ဲသံလၢတၢ်ဂ့ၢ်မနုၤအဃိလဲၣ်န့ၣ် ပှၤဃုသ့ၣ်ညါ၀ဲတလီၤတံၢ်ဒံးဘၣ်. ဘၣ်ဆၣ်တၢ်ဃုသ့ၣ်ညါအီၤအဆၢကတီၢ်မ့ၢ်တတုၤဘၣ်သနာ်က့ တၢ်ဟးဆှဲးဘ့း(vaping)ပနံာ်တဖၣ်န့ၣ် မ့ၢ်ဒၣ်တၢ်ပူၤဖျဲးအကျဲလီၤ.
တၢ်ဂ့ၢ်အါထီၣ်ဘၣ်ဃးတၢ်ပတုာ်ကွံာ် တၢ်အီၣ်ညါသူးဒီးတၢ်အီဘ့း (vaping )
Blue Cross န့ၣ် မၤစၢၤပှၤကညီတဖၣ် ဒ်သိးအကပာ်ပတုာ်ကွံာ်တၢ်အီညါသူးဒ်လဲၣ်