တၢ်ကွၢ်ထွဲလၢဟံၣ်ပူၤ တၢ်ဃုထၢတဖၣ်

ပှၤစဲၣ်နီၤ အတၢ်ကွၢ်ထွဲလၢ တၢ်လီၢ်ဖဲ နအိၣ်နဲမုာ်ပၢၤကတၢၢ်

ကွဲမုာ်ဘၣ်နၤဆူ ခါဆူညါ ဆူၣ်ချ့တၢ်ကွၢ်ထွဲ, ဖဲလၢ တၢ်ကွၢ်ထွဲလၢ နလိၣ်ဘၣ်နဲန့ၣ် ကဟဲတုၤဆူနအိၣ်န့ၣ်လီၤ. Blue Cross and Blue Shield of Minnesota (Blue Cross) မၤသကိးဃုာ်တၢ်ဒီး ပှၤကွၢ်ထွဲတၢ်တဖၣ်လၢ အအိၣ်ဒီး ကံၢ်စီ လၢအကွၢ်ထွဲတၢ်လၢဟံၣ်ပူၤဃီပူၤ လၢကမၤစၢၤ အံးထွဲကွၢ်ထွဲက့ၤ နကသံၣ်ကသီတၢ်အိၣ်သးအသီဒီး လၢအမၤပာ်စၢၤအသးတဖၣ်, တၢ်ကွၢ်ထွဲ တၢ်ဆါနးနးကျံးကျံး, တၢ်အိၣ်ဆူၣ်အိၣ်ချ့ဂ့ၤထီၣ်က့ၤ ဒီး အဂၤတဖၣ်န့ၣ်လီၤ. 

ပှၤကွၢ်ထွဲတၢ်တဖၣ်အံၤ အုၣ်ကီၤကျၢၢ်ဘၢဝဲဒၣ် Blue Cross ကရူၢ်ဖိ တနီၤန့ၣ်လီၤ. တချုးနစူးကါဒံးဘၣ်န့ၣ် ပာ်ဂၢၢ်ပာ်ကျၢၤက့ၤ တၢ်အုၣ်ကီၤဟ့ၣ် အဘူးအလဲတဖၣ်တက့ၢ်. 

တၢ်ဘၣ်ဒိဘၣ်ထံးဒီး တၢ်ဆူးတၢ်ဆါတဖၣ်လၢ အမၤပျံၤသးသမူဒီး လီၤဘၣ်ယိၣ်လၢသးသမူအဂီၢ်တဖၣ်န့ၣ်, ကိးဘၣ် 911 မ့တမ့ၢ် လဲၤဆူ ဂ့ၢ်ဂီၢ်အူဒၢး လၢအဘူးကတၢၢ်ဒီးနၤတက့ၢ်. 

ဃုထံၣ်န့ၢ်ကသံၣ်သရၣ်

ဒိးန့ၢ်ဘၣ်တၢ်မၤစၢၤ လၢကဃုထံၣ်န့ၢ်တၢ်ကွၢ်ထွဲ လၢအဘၣ်အဂီၢ်တက့ၢ်. တၢ်ဃုကွၢ်တၢ်ပီးလီတမံၤအံၤ ပာ်ဖျါထီၣ် ပှၤကွၢ်ထွဲတၢ်တဖၣ် ဃုာ်ဒီး တၢ်အိၣ်ဆိးလီၢ်ကျဲန့ၣ်လီၤ. ဘၣ်သ့ၣ်သ့ၣ် နတၢ်တိာ်ကျဲၤ ကအုၣ်ကီၤကျၢၢ်ဘၢစ့ၢ်ကီး တၢ်ဃုထၢသဘျ့ တၢ်ကွၢ်ထွဲလၢအ့ထၢၣ်နဲးအပူၤ န့ၣ်လီၤ.

ဃုထံၣ်န့ၢ်ကသံၣ်သရၣ်

dispatchhealth အပနီၣ်

တၢ်ကွၢ်ထွဲအညီဒီးအဂ့ၤလၢ ဟံၣ်ပူၤဃီပူၤ ခီဖျိလၢ DispatchHealth® 

Minnesota ကရူၢ်ဖိတဖၣ်လၢ ခီးထံၣ် နွံလီၢ် မဲာ်ထရိၣ် အဂီၢ်

အဝဲသ့ၣ် မၤစၢၤတၢ်ဒ်လဲၣ်

DispatchHealth မၤစၢၤ ကသံၣ်ကသီ တၢ်ကွၢ်ထွဲလၢ အပၣ်ဃုာ်ဒီး တၢ်ကိးမံၤဒီး လၢတၢ်နာ်န့ၢ်အီၤသ့ လၢဟံၣ်ပူၤဃီပူၤ လၢတၢ်ကွၢ်ထွဲလၢ တၢ်ဆူးတၢ်ဆါနးနးကျံးကျံးတဖၣ်အဂီၢ် ဖဲလၢ ခီးထံၣ်နွံလီၢ် လၢမဲာ်ထရိၣ် လီၢ်ကဝီၤအပူၤလီၤ.

မၤစၢၤပှၤကရူၢ်ဖိတဖၣ်လၢ Anoka, Carver, Dakota, Hennepin, Ramsey, Scott ဒီး Washington ခီးထံၣ်တဖၣ်န့ၣ်လီၤ.

တၢ်တိစၢၤမၤစၢၤတဖၣ်

  • ကသံၣ်ကသီတၢ်ကွၢ်ထွဲ တၢ်ဆါနး-ကသံၣ်ကသီ တၢ်ကွၢ်ထွဲတနံၤဃီလၢဟံၣ်ပူၤဃီပူၤ လၢတၢ်ဘၣ်ဒိဘၣ်ထံး မ့တမ့ၢ် တၢ်ဆူးတၢ်ဆါနးနးကျံးကျံးအဂီၢ်
  • တၢ်အိၣ်ဆူၣ်အိၣ်ချ့ထီၣ်က့ၤ တၢ်ကွၢ်ထွဲ-တၢ်လူၤပိာ်ကွၢ်ထွဲက့ၤတၢ် လၢ 72 နၣ်ရံၣ်အတီၢ်ပူၤ ဖဲအက့ၤလီၤလၢတၢ်ဆါဟံၣ် မ့တမ့ၢ် ဂ့ၢ်ဂီၢ်အူဒၢး ဝံၤအလီၢ်ခံ
  • ဟံၣ်ပူၤဃီပူၤ တၢ်အိၣ်ဆူၣ်အိၣ်ချ့ တၢ်သမံထံက့ၤ*- တၢ်သမံသမိးက့ၤ နီၢ်ကစၢ်ဒၣ်ဝဲ ဒ်သိး ကမၤစၢၤနၤလၢ နကသ့ၣ်ညါနၢ်ပၢၢ်ဂ့ၤထီၣ် နတၢ်အိၣ်ဆူၣ်အိၣ်ချ့ အက့ၢ်အဂီၤ အဂီၢ်န့ၣ်လီၤ

စးထီၣ်ခဲအံၤ

Dispatch အံၤအိးထီၣ်ဝဲ ကိးနံၤဒဲး စးထီၣ်လၢ ဂီၤ 8 နၣ်ရံၣ် တုၤ ဟါ 8 နၣ်ရံၣ်

ပာ်ဂၢၢ်ပာ်ကျၢၤက့ၤ Blue Cross တၢ်ဟ့ၣ်ဘူးလဲ ဒီးမ့ၢ်ဝံၤ မၤတၢ်သ့ၣ်ဆၢဖးကတီၢ်လၢ တၢ်ထံၣ်လိာ်သးလၢ အ့ထၢၣ်နဲးအပူၤ မ့တမ့ၢ် ကိး (952) 697-1854 တက့ၢ်.

ဘျးစဲဒီး Dispatch

*ထဲဒၣ် ကရူၢ်ဖိတဖၣ်လၢ အိၣ်ဒီးတၢ်ကြၢးဒိးန့ၢ်ခွဲးယာ်ဧိၤ အဂီၢ်လီၤ. DispatchHealth ကဆဲးကျၢ ကရူၢ်ဖိတဖၣ်လၢ ကရဲၣ်ကျဲၤလီၤတၢ်လၢ တၢ်တိစၢၤမၤစၢၤတဖၣ်အံၤအဂီၢ်လီၤ.

DispatchHealth မ့ၢ်ခီပနံာ်တခါလၢ တဒိးသန့ၤသးဒီးပှၤဂၤ လၢအဟ့ၣ်မၤစၢၤ ကသံၣ်ကသီတၢ်တိစၢၤမၤစၢၤတဖၣ်လၢ ဟံၣ်ပူၤဃီပူၤလီၤ. တၢ်ဒိးပၠးသးလၢ DispatchHealth အအိၣ်တမံၤန့ၣ် အါဒၣ်တၢ်တက့ၢ် တၢ်ဃ့အပှ့ၤဒၣ်ထဲသိး တၢ်လဲၤဒိးပၠးသးလၢ ဂ့ၢ်ဂီၢ်အူတၢ်ကွၢ်ထွဲ လီၢ်ခၢၣ်သး အပူၤန့ၣ်လီၤ. 

 

Homeward အပနီၣ်

တၢ်ကွၢ်ထွဲ တၢ်နဲၣ်ကျဲလၢ Homeward အအိၣ်

လၢ Medicare Advantage ကရူၢ်ဖိတဖၣ် လၢခိခိၣ် Minnesota ခီးထံၣ်တဖၣ် လၢတၢ်ဃုထၢအီၤအပူၤ အဂီၢ်

အဝဲသ့ၣ် မၤစၢၤတၢ်ဒ်လဲၣ်

နအိၣ်ပာ်စၢၤဒီး ကသံၣ်သရၣ်တဂၤမ့ၢ်ဂ့ၤ အလီၢ်အိၣ်လၢ နကဃုကွၢ်နဲ တဂၤမ့ၢ်ဂ့ၤန့ၣ်, Homeward အပှၤစဲၣ်နီၤ ကရူၢ်ဖိလၢ လီၢ်ကဝီၤ တၢ်ကွၢ်ထွဲ ပှၤနဲၣ်လီၤတၢ်တဖၣ်န့ၣ် အိၣ်ဝဲဘူးဘူးတံၢ်တံၢ် ထီဘိလီၤ. ဃုကွၢ် လီၢ်ကဝီၤ ကသံၣ်သရၣ်တဖၣ်ဒီး တၢ်ဆီၣ်ထွဲ တၢ်တိစၢၤမၤစၢၤတဖၣ် လၢကဆဲးကျိးတုၤအိၣ် နတၢ်အိၣ်ဆူၣ်အိၣ်ချ့ အဂ့ၤကတၢၢ်အဂီၢ်န့ၣ်တက့ၢ်.

မၤစၢၤ ကရူၢ်ဖိတဖၣ်လၢ Kandiyohi, Renville, Chippewa, Stearns, Douglas, Grant, Pope, Morrison, Todd ဒီး Benton ခီးထံၣ်တဖၣ် အပူၤလီၤ.

တၢ်တိစၢၤမၤစၢၤတဖၣ်

  • တၢ်ဟ့ၣ်ခီဟ့ၣ်နီၤ တၢ်ဒိးန့ၢ်တဖၣ် ဆူလီၢ်ကဝီၤ တၢ်အိၣ်ယၢၤတဖၣ် အဒိဒ်သိး တၢ်အီၣ်တၢ်အီ, တၢ်ဝံစိာ်တီဆှၢ ဒီး ပှၤဂ့ၢ်ဝီ မူးပွဲတဖၣ်
  • ဘျးစဲနၤဒီး ကသံၣ်သရၣ်တဂၤ ဒီးမၤစၢၤနၤလၢ တၢ်ဆှၢခီဆူ ကသံၣ်သရၣ် လီၤဆီတဂၤအအိၣ်
  • ဒုးအိၣ်ထီၣ်ဒီး မၤစၢၤနၤလၢ တၢ်အံးကွၢ်ပၢဆှၢက့ၤ တၢ်အိၣ်ဆူၣ်အိၣ်ချ့ဒီး တၢ်အိၣ်မုာ်ဆိးပၢၤ တၢ်တိာ်ကျဲၤအဂီၢ်
  • နတၢ်သံကွၢ်တဖၣ် ဒိၣ်ဂ့ၤ ဆံးဂ့ၤ စံးဆၢဝဲသ့

စးထီၣ်ခဲအံၤ

ပာ်ဂၢၢ်ပာ်ကျၢၤ Blue Cross တၢ်ဟ့ၣ်အဘူးအလဲ မ့ၢ်ဝံၤန့ၣ် ကိးဘၣ် Homeward ဖဲ (320) 216-7781 လၢကဃ့ထီၣ် တၢ်ထံၣ်လိာ်သကိးသး မ့တမ့ၢ် တၢ်မၤလိအါထီၣ်ဘၣ်ဃးဒီး အဝဲသ့ၣ် အတၢ်တိစၢၤမၤစၢၤတဖၣ်အဂီၢ်န့ၣ်တက့ၢ်. မ့တမ့ၢ် မၤပှဲၤ ပှၤဆူးပှၤဆါ အလံာ်မၤပှဲၤလၢ အ့ထၢၣ်နဲးအဖီခိၣ် ဒီး Homeward ကကိးက့ၤနၤလီၤ.

ဘျးစဲဒီး Homeward

Homeward မ့ၢ်ခီပနံာ်တခါလၢ တဒိးသန့ၤသးဒီးပှၤဂၤ လၢအဟ့ၣ်မၤစၢၤ ကသံၣ်ကသီတၢ်တိစၢၤမၤစၢၤတဖၣ်လၢ ဟံၣ်ပူၤဃီပူၤလီၤ. 

 

Lifespark တၢ်ပနီၣ်

မၤလၢပှဲၤ ဟံၣ်ပူၤဃီပူၤ တၢ်ကွၢ်ထွဲလၢ ပှၤသူၣ်က့သးပှၢ်အဂီၢ် ခီဖျိလၢ Lifespark

လၢဝ့ၢ်ပူၤ Medicare Advantage ကရူၢ်ဖိတဖၣ် ကအိၣ်ဆူၣ်အိၣ်ချ့လၢဟံၣ်ပူၤဃီပူၤအဂီၢ်

အဝဲသ့ၣ် မၤစၢၤတၢ်ဒ်လဲၣ်

Lifespark ဆီၣ်ထွဲပှၤကရူၢ်ဖိတဖၣ်, လီၤဆီဒၣ်တၢ် ပှၤတဖၣ်လၢအအိၣ်ဒီးဆူၣ်ချ့ တၢ်လိၣ်ဘၣ် လၢအသဘံၣ်ဘုၣ်, ဒီးအဝဲသ့ၣ်အဟံၣ်ဖိဃီဖိတဖၣ်အဂီၢ် ခီဖျိဟဲစိာ်န့ၢ်ဝဲဒၣ် ဆူၣ်ချ့တၢ်တိစၢၤမၤစၢၤတဖၣ်လၢ ပှၤသူၣ်က့သးပှၢ်အဂီၢ် ၢလၢပှဲၤပှဲၤ လၢပှၤတဂၤ, လၢဟံၣ်ပူၤဃီပူၤ, လၢတၢ်ဒုးဘၣ်လိာ်ဖိးဒ့တၢ်လဲၤခီဖျိအဂီၢ်န့ၣ်လီၤ. Lifespark အနီၢ်ဒီတဂၤ အဒိအတဲာ်လၢအဘၣ်တၢ်ကိးလၢ Lifespark COMPLETETMန့ၣ် ပညိၣ်ဝဲဒၣ်တၢ်မၤစၢၤ ပှၤကရူၢ်ဖိတဖၣ်လၢ သးအနံၣ်အလါတဖၣ်အပူၤအဂီၢ် ဖဲတၢ်ကိးဆူဟံၣ်တဘျီလၢ်လၢ်န့ၣ်လီၤ.

မၤစၢၤ မဲာ်ထရိၣ် ပှၤကရူၢ်ဖိတဖၣ်လၢ Anoka, Carver, Dakota, Hennepin, Ramsey, Scott ဒီး Washington ခီးထံၣ်တဖၣ်န့ၣ်လီၤ.

တၢ်တိစၢၤမၤစၢၤတဖၣ်

  • ပှၤမၤစၢၤဆီၣ်ထွဲတၢ်လၢ အသ့ဘၣ်စဲၣ်နီၤလၢ ပှၤသူၣ်က့သးပှၢ်တဖၣ် အတၢ်လိၣ်ဘၣ်တဖၣ်အပူၤန့ၣ် ဟ့ၣ်တၢ်ကွၢ်ထွဲလၢဟံၣ်ပူၤ, ကသံၣ်ကသီတၢ်ကွၢ်ကဒါက့ၤဒီး တၢ်ပၢဆှၢရဲၣ်ကျဲၤတၢ်, တၢ်နုာ်လီၤပၢဆှၢရဲၣ်ကျဲၤတၢ်အိၣ်သး ဟံၣ်ဖိဃီဖိတၢ်ကွၢ်ထွဲ တၢ်ထံၣ်လိာ်အိၣ်ဖှိၣ်သကိးတဖၣ်
  • တၢ်ဂ့ၢ်ထဲတဘီဧိၤ လၢအဘၣ်ဃးဒီး တၢ်ဆဲးကျၢလၢ တၢ်လိၣ်ဘၣ်လၢ ဆူၣ်ချ့လၢ ကိးနံၤဒဲး/ဆူၣ်ချ့လၢတအိၣ်တသ့ ဒီး တၢ်နုာ်လီၤရဲၣ်ကျဲၤမၤ တၢ်မၤဘၣ်လိာ်ဖိးဒ့အဂီၢ်
  • ဆူၣ်ချ့ လၢဟံၣ်ဃီလၢအိၣ်ဒီး ကံၢ်စီ, တၢ်ဟ့ၣ်ဒၣ်တၢ် တၢ်ကွၢ်ထွဲလၢဟံၣ်ဃီ, တၢ်ကွၢ်ထွဲ ပှၤလၢတၢ်ဆါနးတဖၣ်, ပှၤသူၣ်က့သးပှၢ်အိၣ်ဆိၣ်အလီၢ်, ဒီးတၢ်ဝံစိာ်တီဆှၢ
  • တၢ်ဆီၣ်ထွဲလၢ ဆူၣ်ချ့တၢ်မၤအသးဒိၣ်ဒိၣ်မုာ်မုာ်, လၢအပၣ်ဃုာ်ဒီးတၢ်ဆီတလဲလၢ တၢ်ဆါဟံၣ်ဆူဟံၣ်

စးထီၣ်ခဲအံၤ

ပှၤကရူၢ်ဖိတဖၣ်လၢအအိၣ်ဒီးခွဲးယာ်တဖၣ်န့ၣ် အိၣ်ဒီး 24/7 တၢ်နုာ်ကွၢ် ဆူ ပှၤဆီၣ်ထွဲတၢ်တဖၣ်န့ၣ်လီၤ. 

Lifespark COMPLETE န့ၣ်တၢ်ဒိးန့ၢ်အီၤသ့ဃုာ်ဒီး Blue Cross တၢ်တိာ်ကျဲၤတဖၣ် လၢတလၢာ်ဘၣ်ဘူးလဲဘၣ်လီၤ. ပာ်ဂၢၢ်ပာ်ကျၢၤ Blue Cross တၢ်ဟ့ၣ်အဘူးအလဲ ဒီးမ့ၢ်ဝံၤန့ၣ် ကိး (952) 345-8770 မ့တမ့ၢ် မၤပှဲၤ အ့ထၢၣ်နဲး လံာ်မၤပှဲၤ အဖုၣ်ဖိတခါ လၢတၢ်ကရဲၣ်ကျဲၤ တၢ်ထံၣ်လိာ်ဟ့ၣ်ကူၣ်ဟ့ၣ်ဖး လၢဘူးလဲကလီတမံၤအဂီၢ် လၢကမၤလိအါထီၣ် နတၢ်ဃုထၢတဖၣ်လၢ ကအိၣ်ဆူၣ်အိၣ်ချ့လၢ ဟံၣ်ဃီ ဃုာ်ဒီး Lifespark တၢ်တိစၢၤမၤစၢၤတဖၣ်အဂီၢ်န့ၣ်တက့ၢ်.

ဘျးစဲဒီး Lifespark

 

Lifespark မ့ၢ် ခီပနံာ်တခါလၢ တဒိးသန့ၤသးဒီးပှၤဂၤ လၢအမၤလၢပှဲၤ တၢ်မၤစၢၤ ပှၤသူၣ်က့သးပှၢ် အတၢ်အိၣ်ဆူၣ်အိၣ်ချ့ ဖဲ Minnesota အပူၤလီၤ.