Medicare ဒီး တၢ်မၤတၢ်လဲၤတလၢကွံာ် 65

နမ့ၢ်သုးကျဲၤဒ်သိးကမၤတၢ်လဲၤတလၢကွံာ် 65 နံၣ်

နၤ မ့တမ့ၢ် နမါ/၀ၤ သုးကျဲၤတၢ်ဒ်သိး ကမၤတၢ်လဲၤတလၢကွံာ် 65 နံၣ်အဃိ, ဖဲနသးပှဲၤထီၣ် 65 နံၣ်န့ၣ်တလိၣ်နဆဲးလီၤမံၤဖဲ Medicare လၢဘၣ်ႉ

နတၢ်မၤကစၢ်မ့ၢ်အိၣ်ဒီး ပှၤမၤတၢ်ဖိအါန့ၣ် 20 ဂၤအဃိ

နတၢ်မၤကစၢ်မ့ၢ်အိၣ်ဒီး ပှၤမၤတၢ်ဖိအါန့ၣ် 20 ဂၤအဃိဒီး နကဘၣ်တၢ်ကျၢၢ်ဘၢန့ၢ်နၤလၢ တၢ်မၤကစၢ်အဆူၣ်ချ့တၢ်အုၣ်ကီၤ, နဆဲးလီၤမံၤစဲၤခံသ့လၢ Medicare တၢ်နီၤဖး A ဒီး တၢ်နီၤဖး B အပူၤလီၤႉ

• နတၢ်မၤကစၢ်အတၢ်တိာ်ကျဲၤန့ၣ် ကဘၣ်ကျၢၢ်ဘၢ၀ဲတၢ်ဒိးပြးသးဒီးကသံၣ်သရၣ်အဘျီတဖၣ်အဂီၢ်ဒီး ပှၤဆါလၢတလိၣ်ထီၣ်တၢ်ဆါဟံၣ်တၢ်ဟ့ၣ်မၤစၢၤတဖၣ်အဂီၢ်ဒီး ကဘၣ်အိၣ်ဒီး ကသံၣ်လၢကသံၣ်သရၣ်ဟ့ၣ်လီၤ တၢ်ရဲၣ်တၢ်ကျဲၤလၢအဘၣ်တၢ်ဆိကမိၣ်နာ်န့ၢ်အီၤခီဖျိလၢ Medicare န့ၣ်လီၤ
• ဖဲနအိၣ်ဘှံးက့ၤလၢတၢ်မၤ မ့တမ့ၢ် ဟးထီၣ်လၢတၢ်မၤအခါ, နကကြၢး၀ဲဘၣ်၀ဲလၢ တၢ်ဆဲးလီၤမံၤလီၤလီၤဆီဆီလၢဃိးလါအတီၢ်ပူၤအဂီၢ်ဒ်သိး နကဟ့ၣ်လီၤနမံၤဖဲ တၢ်နီၤဖး B ပူၤဖျဲးဒီးတၢ်ဘၣ်လိးက့ၤတၢ်န့ၣ်လီၤႉ

နတၢ်မၤကစၢ်မ့ၢ်အိၣ်ဒီးပှၤမၤတၢ်ဖိစှၤန့ၣ် 20 ဂၤအဃိ

နမ့ၢ်သုးကျဲၤဒ်သိးကမၤဒ်တၢ်ဆူညါဒၣ်လဲၣ်, နကဘၣ်ဟ့ၣ်လီၤနမံၤလၢ Medicare တၢ်နီၤဖး A ဒီး တၢ်နီၤဖး B အပူၤဖဲနသးပှဲၤထီၣ် 65 နံၣ်န့ၣ်လီၤႉ Medicare ကကဲထီၣ်နဂံၢ်ခီၣ်ထံး တၢ်ဟ့ၣ်အဘူးအလဲဒီး နတၢ်မၤကစၢ်အတၢ်တိာ်ကျဲၤန့ၣ် ကမ့ၢ်တၢ်ခံထံၣ်လၢ Medicare ၀ံၤအလီၢ်ခံန့ၣ်လီၤႉ

ယကဘၣ်တၢ်ဟ့ၣ်ခွဲးယာ်လၢ Medicare တၢ်ဆဲးလီၤမံၤလီၤဆီဒ်လဲၣ်?

နကဒိးန့ၢ်ခွဲးယာ်လၢ Medicare တၢ်ဆဲးလီၤမံၤလီၤဆီအကတီၢ်ဖဲနမ့ၢ်:

• နဒုးစဲၤခံ Medicare တၢ်နီၤဖး B မ့ၢ်လၢနၤ မ့တမ့ၢ် နသကိးလၢအအိၣ်ဃုာ်ဒီးနၤန့ၣ် အိၣ်၀ဲဒီးကသံၣ်ကသီတၢ်ဟ့ၣ်အဘူးအလဲခီဖျိ တၢ်မၤကစၢ် မ့တမ့ၢ် ပှၤမၤတၢ်ဖိကရၢအဃိလီၤ
• နပတုာ်ကွံာ်၀ဲဒၣ် တၢ်နီၤဖး Bတၢ်ဟ့ၣ်အဘူးအလဲ မ့ၢ်လၢ နက့ၤမၤကဒါက့ၤတၢ်မၤ ဒီး နဆူၣ်ချ့တၢ်လၢာ်ဘူးလၢာ်စ့န့ၣ်ဘၣ်တၢ်ဟ့ၣ်အီၤလၢ ပှၤကွၢ်ထွဲဆူၣ်ချ့တၢ်တိာ်ကျဲၤတဖုန့ၣ်လီၤ.

တၢ်ဆဲးလီၤမံၤလီၤဆီအံၤအိးထီၣ်ဝဲယံာ် ဃိးလါန့ၣ်လီၤ. အစးထီၣ်၀ဲဒၣ်ဖဲ နတၢ်မၤကစၢ်တၢ်ဟ့ၣ်အဘူးအလဲကတၢၢ် မ့တမ့ၢ် ဖဲနတၢ်မၤအနံၣ်ကတၢၢ်-ကတၢၢ်လၢဆိဒိၣ်တခါန့ၣ်လီၤ.

ဃ့ထီၣ်လံာ်ဒိလၢ နတၢ်မၤကစၢ်အအိၣ်လၢနကစးထီၣ်၀ဲဒၣ် နတၢ်ဆဲးလီၤမံၤလီၤဆီအကတီၢ်, ဒီးဆှၢဘၣ်နလံာ်ဃုာ်ဒီး Medicare တၢ်နီၤဖး B အတၢ်ဆဲးလီၤမံၤလံာ်ဒိဆူ ပှၤဂ့ၢ်ဝီတၢ်ဘံၣ်တၢ်ဘၢ အအိၣ်န့ၣ်တက့ၢ်. နမ့အဲၣ်ဒိး ဒိးန့ၢ်ဘၣ်ဒံး နတၢ်မၤကစၢ်တၢ်ဟ့ၣ်အဘူးအလဲလၢဆူညါခီဖျိ COBRA န့ၣ်, နကြၢးဆဲးလီၤနမံၤဆူ မဲးဒံၤခဲ (Medicare) တၢ်နီၤဖး B နကဘၣ်ဆဲးလီၤဘၣ်မံၤဖဲ COBRA အတၢ်ဟ့ၣ်အဘူးအလဲအခီၣ်ထံၤသၢလါ ဒ်သိးနတဘၣ်ဟ့ၣ်၀ဲဒၣ်တၢ်ဆဲးလီၤမံၤအတၢ်စံၣ်ညီၣ်န့ၣ်လီၤ.

မၤလိသ့ၣ်ညါအါထီၣ်ဘၣ်ဃး တၢ်ကြၢးဒိးန့ၢ်ဘၣ် ဒီး တၢ်ဆဲးလီၤမံၤလၢ Medicare အဂ့ၢ်

ကတိၤသကိးတၢ်ဒီးနတၢ်မၤကစၢ် အတၢ်န့ၢ်ဘျုးမူဒါခိၣ်ဒ်သိး ကဃုထံၣ်အါထီၣ်, မ့တမ့ၢ် ကဆဲးကျၢလိာ်သးဒီး ပ Blue Cross ပှၤဟ့ၣ်ကူၣ်တၢ်အကျါတဂၤဒ်သိး ကတၢၣ်ပီၣ်ကတိၤသကိးဘၣ်ဃး နတၢ်အိၣ်သးအဂ့ၢ်ဒီး ဟးဆှဲးတၢ်ဘၣ်လိးက့ၤတဖၣ်အဂီၢ်တက့ၢ်.