ဒိးန့ၢ် တၢ်ဟ့ၣ်လၤကပီၤတဖၣ် ဃုာ်ဒီး Blue Care ပှၤဟ့ၣ်ကူၣ်တၢ်
ဟးကျဲ. မၤလိ. တၢ်လဲၤဒိးကွၢ်သးလၢ တၢ်ဒီသဒၢအတၢ်ကွၢ်ထွဲတဖၣ်အဂီၢ်. တၢ်မၤအဆီတဖၣ်အံၤဒီး တၢ်ဟ့ၣ်မၤစၢၤမၤဘူၣ်အါထီၣ် လၢတၢ်အိၣ်ဆူၣ်အိၣ်ချ့ ဂ့ၤအါထီၣ်အဂီၢ်န့ၣ်လီၤ.
နအိၣ်ဆိးတၢ်အလီၢ်, တၢ်မၤလီၢ်ဒီးလိာ်ကွဲတၢ်ဖဲလဲၣ်ဖဲလဲၣ်သနာ်က့ တနံၤဘၣ်တနံၤ နမၤတၢ်ဃုထၢတဖၣ်လၢကပာ်နသးဆူၣ်ချ့အဂီၢ်သ့၀ဲလီၤ. လၢတၢ်န့ၣ်အဃိ Blue Cross and Blue Shield of Minnesota (Blue Cross) ဆီၣ်ထွဲမၤစၢၤ တၢ်ဃုထၢအဂ့ၤတဖၣ် 24/7, 365 သီ လၢတနံၣ်အပူၤ ခီဖျိ တၢ်အိၣ်ဆူၣ်အိၣ်ချ့ဒီး တၢ်အိၣ်မုာ်ဆိးပၢၤ သန့ လၢအဘၣ်တၢ်ကိးအီၤလၢ Blue Care ပှၤဟ့ၣ်ကူၣ်တၢ်လီၤ. ဖဲနမၤဝံၤ တၢ်အိၣ်ဆူၣ်အိၣ်ချ့ အတၢ်ဟူးတၢ်ဂဲၤတဖၣ် လၢအဘၣ်တၢ်ဟ့ၣ်ကူၣ်အီၤလၢ Blue Care ပှၤဟ့ၣ်ကူၣ်တၢ်အပူၤ ဒီး ဘၣ်တၢ်ဆီလီၤအီၤလၢ နတၢ်မၤကစၢ်* အဆၢကတီၢ်, နကဒိးန့ၢ် တၢ်ဟ့ၣ်လၤကပီၤတဖၣ် လၢကမၤစၢၤနၤလၢ တၢ်အိၣ်ဆူၣ်အိၣ်ချ့ဒီး တိၢ်ထၢၣ်ဖံး န့ၣ်လီၤ.
နကထံၣ်ဘၣ် တၢ်ဟ့ၣ်ကူၣ်ဟ့ၣ်ဖးတဖၣ် ဒိးသန့ၤထီၣ်သးလၢ နတၢ်တိာ်ကျဲၤအတၢ်န့ၢ်ဘျုးတဖၣ် အဖီခိၣ်ဒီး နီၢ်ကစၢ် ဆူၣ်ချ့ တၢ်စံၣ်စိၤအဖီခိၣ် ဃုာ်ဒီး တၢ်မၤအဆီတဖၣ်လၢ တၢ်ဟ့ၣ်ကူၣ်တဖၣ် လၢနမၤအီၤသ့ ဒ်သိးနကမၤဂ့ၤထီၣ် နတၢ်အိၣ်ဆူၣ်အိၣ်ချ့ အဂီၢ်န့ၣ်လီၤ. နကဒိးန့ၢ်ဘၣ်စ့ၢ်ကီး န ဆူၣ်ချ့တၢ်တိာ်ကျဲၤ အဂ့ၢ်အကျိၤ, တၢ်ဃ့ထီၣ်အဘူးအလဲတဖၣ် ဒီး အဂၤတဖၣ် ဖဲနဆဲးလီၤမံၤနုာ်လီၤ အခါန့ၣ်လီၤ.
မၤလိအါထီၣ်တၢ်ဘၣ်ဃး Blue Care Advisor
ပာ်ဖှိၣ်ပာ်တံၤတၢ်ဒီး Blue365
လဲၤဃုပှ့ၤန့ၢ်ဆူၣ်ချ့တၢ်ပီးတၢ်လီဒီး တၢ်ဖံးတၢ်မၤတဖၣ်လၢကမၤဂ့ၤလၢပှဲၤထီၣ်နတၢ်အိၣ်ဆူၣ်အိၣ်ချ့အဂီၢ် ခီဖျိ Blue365 ဒီးနတၢ်ပှ့ၤကလံၤကလီၤစှၤ၀ဲလီၤ. တၢ်အံၤန့ၣ် ပၣ်ဃုာ်ဒီးတၢ်ဂဲၤလိနီၢ်ခိကူကၤတဖၣ်, ခီၣ်ဖံးခီၣ်ဖျီၣ်တဖၣ်, တၢ်အီၣ်န့ၢ်ဂံၢ်န့ၢ်ဘါတဖၣ် ဒီးအဂၤတဖၣ်လၢအပှ့ၤဘၣ် န့ၣ်လီၤ.
Fitness Your Way ခီဖျိ Tivity ဆူၣ်ချ့န့ၣ် မ့ၢ်၀ဲဒၣ်တၢ်တမံၤလၢပှၤသ့ၣ်ညါအီၤအါ လၢအဒုးအိၣ်ဖျါလီၤဆီ $29ကိးလါဒဲးအဘူးအလဲ (ဃုာ်ဒီး $29 တၢ်ဆဲးလီၤမံၤတဘျီအဘူးအလဲ) လၢကဟ့ၣ်တၢ်လဲၤနုာ်လီၤအခွဲးဆူပှာ်ဘျးစဲဘၣ်ဃး 10,000 ကီၢ်ဒီဘ့ၣ်တၢ်ဂဲၤလိနီၢ်ခိတၢ်ဟူးဂဲၤအလီၢ်တဖၣ်, ဒ်သိးနမၤနီၢ်ခိတၢ်ဟူးတၢ်ဂဲၤလၢ အပှ့ၤကလံၤစှၤ၀ဲကသ့အဂီၢ်န့ၣ်လီၤ. နဒိးန့ၢ်ဆူၣ်ချ့ဒီးတၢ်အိၣ်မုာ်ဆိးပၢၤအပနံာ်တဖၣ် ဒီးပှၤစဲၣ်နီၤအါမး လၢအပှ့ၤဘၣ်သ့၀ဲန့ၣ်လီၤ.
ပှ့ၤန့ၢ်တၢ်ခီဖျိ တၢ်အိၣ်မုာ်ဆိးပၢၤတၢ်စှၤလီၤအပှ့ၤတၢ်ဆါတၢ်ပှ့ၤအလီၢ်
ဘၣ်ဃးဒီးယတၢ်ဂဲၤလိနီၢ်ခိတၢ်ဟူးတၢ်ဂဲၤအလီၢ် တၢ်စှၤလီၤအပှ့ၤန့ၣ် ဒ်လဲၣ်.
Blue 365 အတၢ်တိာ်ကျဲၤမ့ၢ်အိၣ်၀ဲန့ၣ် နကဲထီၣ်တၢ်ဂဲၤလိနီၢ်ခိတၢ်ဟူးတၢ်ဂဲၤအလီၢ်အကရူၢ်ဖိ ခီဖျိမၤဆူၣ်ချ့ဂံၢ်ဘါလၢပှဲၤနကျဲကျိ (Fitness Your Way) လၢအကဆါန့ၢ်နၤလၢအပှ့ၤဘၣ်အဂီၢ်န့ၣ်လီၤ.
ဆူၣ်ချ့တၢ်တိာ်ကျဲၤအါတက့ၢ်န့ၣ် ထုးယံၤထီၣ်အသးဒီး တၢ်ဂဲၤလိနီၢ်ခိတၢ်ဟူးတၢ်ဂဲၤအလီၢ်ထဲတမၠိဧိၤ မ့ၢ်လၢတၢ်အံၤန့ၣ် တဒုးပၣ်ဃုာ်တၢ်ဟူးဂဲၤဖံးမၤလၢနမၤ၀ဲဒၣ်လၢ တၢ်လီၢ်တပူၤဂ့ၤတပူၤဂ့ၤ ဒီးထဲကရူၢ်ဖိလၢအပှ့ၤန့ၢ်အီၤလံတဖၣ်သူ၀ဲသ့အဂီၢ်န့ၣ်လီၤ. နနုာ်လီၤမၤဃုာ်တၢ်လၢတၢ်ဂဲၤလိနီၢ်ခိတၢ်ဟူးတၢ်ဂဲၤအလီၢ်လၢတၢ်နဲၣ်လိစဲၣ်နီၤအဂီၢ်, တၢ်ဟ့ၣ်ဂံၢ်ဟ့ၣ်ဘါအဂီၢ် ဒီးတၢ်ပီးလီတဖၣ်လၢအကဆီၣ်ထွဲမၤစၢၤနဖီတၢၣ်တဖၣ်အဂီၢ်, ဂ့ၤ၀ဲ ဘၣ်ဆၣ်ပအဲၣ်ဒိးမၤလၤမၤကပီၤနၤ လၢနတၢ်ထဲးဂံၢ်ထဲးဘါအဂၤတဖၣ်အဂီၢ်စ့ၢ်ကီးန့ၣ်လီၤ. တၢ်မၤနီၢ်ခိတၢ်ဟူးတၢ်ဂဲၤ စဲထၢၣ် တၢ်မၤစှၤလီၤတၢ်အပှ့ၤတမံၤန့ၣ် တၢ်တဟ့ၣ်လီၤအီၤလၢၤဘၣ်.