မုၣ်ခွါတၢ်ကဟုကယာ်ဒီးတၢ်ဟ့ၣ်အဘူးအလဲတၢ်ကွၢ်ကဒါက့ၤတၢ်

ဘၣ်ဃးဒီး တၢ်မၤဂၢၢ်ကျၢၤမုၣ်ခွါဂ့ၢ်ဝီတၢ်ကွၢ်ထွဲအဂီၢ် ယတၢ်အုၣ်ကီၤအံၤ ကျၢၢ်ဘၢတၢ်မနုၤလဲၣ်. 

ပလိၣ်ဘၣ် နကရူၢ်ဖိ ID ဒီးကရူၢ်နီၣ်ဂံၢ် ဒ်သိးကခံကွၢ်စီကွၢ် နတၢ်န့ၢ်ဘျုးလံာ်ဟံးဃာ် ဒ်သိးကသ့ၣ်ညါ မ့ၢ်တၢ်မၤဂၢၢ်ကျၢၤမုၣ်ခွါဂ့ၢ်ဝီတၢ်ကွၢ်ထွဲအံၤ ကျၢၢ်ဘၢဝဲ မ့တမ့ၢ် ပၣ်ဃုာ်ဒီးတၢ်မၤဂၢၢ်ကျၢၤမုၣ်ခွါဂ့ၢ်ဝီဧါန့ၣ်လီၤ. ဝံသးစူၤဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ် (နီၣ်ဂံၢ်လၢ နတၢ်အုၣ်ကီၤ ID ခးက့အလီၢ်ခံ) မ့တမ့ၢ် ပမုၣ်ခွါဂ့ၢ်ဝီတၢ်ကွၢ်ထွဲကရူၢ် လၢတၢ်ကစီၣ်ဂ့ၢ်ကျိၤအံၤအဂီၢ်တက့ၢ်.

ယမ့ၢ်တအိၣ်ဒီးတၢ်အုၣ်ကီၤကျၢၢ်ဘၢ, တၢ်အုၣ်ကီၤလၢယတၢ်မၤကစၢ်န့ၣ် မ့ၢ်တကျၢၢ်ဘၢတၢ် မ့တမ့ၢ် တၢ်တိစၢၤမၤစၢၤလၢယသးလီန့ၣ် မ့ၢ်တဘၣ်တၢ်ကျၢၢ်ဘၢအီၤန့ၣ် ယကဘၣ်မၤဒ်လဲၣ်. 

တၢ်လၢအပၣ်ဃုာ်လၢ တၢ်အုၣ်ကီၤပနံာ်လၢ အိၣ်ဒီးနၤ ဒီးပှၤဆၢတဲာ်တၢ်န့ၣ် လီၤဆီဝဲလၢ ကျဲလၢနဒိးန့ၢ်နတၢ်အုၣ်ကီၤအဖီခိၣ်န့ၣ်လီၤ. နဆဲးကျိးသ့ မုၣ်ခွါဂ့ၢ်ဝီတၢ်တိစၢၤမၤစၢၤ ထီဘိဒ်သိးကမၤလိအါထီၣ် ဘၣ်ဃးနတၢ်တိာ်ကျဲၤလီၤဆီ ဒီးနတၢ်ကွၢ်ထွဲတၢ်ဃုထၢတဖၣ် မ့ၢ်မနုၤလဲၣ်အဂီၢ်န့ၣ်လီၤ.

ပှၤပှ့ၤသ့ နီၢ်တဂၤတၢ်တိာ်ကျဲၤတဖၣ်သ့တမံၤမံၤဧါ. 

ဖဲန့ၣ် ဘၣ်သ့ၣ်သ့ၣ် ကအိၣ်ဒီးတၢ်ဃုထၢတမံၤ လၢကပှ့ၤနီၢ်တၢ်ၤတၢ်တိာ်ကျဲၤ ဒ်နဂံၢ်ခီၣ်ထံးတၢ်အုၣ်ကီၤဂ့ၤ တၢ်ထၢနုာ်အါထီၣ်တမံၤ ဆူတၢ်မၤကစၢ်သနူအပူၤတမံၤဂ့ၤ န့ၣ်လီၤ. ပဟ့ၣ်ကူၣ်လၢ နကမၤလီၤတံၢ်လၢ နကြၢးဘၣ်လၢ ကဒိးန့ၢ်တၢ်တိစၢၤမၤစၢၤတဖၣ် တချုးလၢနပှ့ၤအီၤန့ၣ်လီၤ. လၢတၢ်ဆဲးကျိးတၢ်ဂ့ၢ်တၢ်ကျိၤ ဒီးတၢ်ဂ့ၢ်ဆံးကိာ်လီၤတံၢ်အဂၤတဖၣ် ဘၣ်ထွဲဒီးတၢ်ပှ့ၤတၢ်တိာ်ကျဲၤတမံၤအဂီၢ် လဲၤနုာ်ကွၢ် bluecrossmn.com/contact ဒီးစံၣ်လီၤဆူ "ပှ့ၤတၢ်တိာ်ကျဲၤတမံၤ' သနၢၣ်တက့ၢ်.

မ့ၢ်ယသးကဘၣ်အိၣ် 18 နံၣ် ဒ်သိးကမၤန့ၢ်ဘၣ်တၢ်အုၣ်ကီၤ လၢကကျၢၢ်ဘၢ ယတၢ်မၤဂၢၢ်ကျၢၤမုၣ်ခွါဂ့ၢ်ဝီ တၢ်ကူးကွဲးတဖၣ်အဂီၢ်ဧါ. 

တၢ်တိာ်ကျဲၤတဖၣ် လၢအစူးကါ Blue Cross တၢ်မၤဂၢၢ်ကျၢၤမုၣ်ခွါဂ့ၢ်ဝီသနူအဂီၢ် တၢ်ပာ်ပနီၣ်သးနံၣ် မ့တမ့ၢ်တၢ်သိၣ်တၢ်သီတဖၣ်န့ၣ် တၢ်ကကွဲးနုာ်ဃာ်အီၤလၢ သနူအပူၤန့ၣ်လီၤ. 

ယလဲၤဆူ ကရၢဆီၣ်ထွဲမနုၤတဖု လၢတၢ်လူၤတၢ်အဆူၣ်အဂီၢ် ကသ့လဲၣ်. တၢ်လူၤအဆူၣ်မုၢ်ကျိၤဝဲၤကွာ်တၢ်မၤတဖၣ် မ့ၢ်တတူၢ်လိာ်တၢ်အုၣ်ကီၤန့ၣ် ယကဘၣ်လူၤတၢ်အဆူၣ်ဒ်လဲၣ်. 

နတၢ်တိာ်ကျဲၤ မ့ၢ်ဟ့ၣ်တၢ်အုၣ်ကီၤကျၢၢ်ဘၢလၢ တၢ်မၤဂၢၢ်ကျၢၤမုၣ်ခွါဂ့ၢ်ဝီတၢ်ကွၢ်ထွဲအဂီၢ် ဒီးဖဲကရၢဆီၣ်ထွဲတၢ်န့ၣ် မ့ၢ်အိၣ်ဒီးတၢ်ဃံးဃာ်လၢ Blue Cross န့ၣ် အဝဲသ့ၣ်ကဆှၢထီၣ် တၢ်ဃ့က့ၤအဘူးအလဲ လၢနခၢၣ်စးန့ၣ်လီၤ. ဘၣ်ဆၣ် ကရၢဆီၣ်ထွဲတၢ်န့ၣ် မ့ၢ်တအိၣ်ဒီးတၢ်ဃံးဃာ်ဒီးပှၤန့ၣ် နဒိးန့ၢ်တၢ်လူၤအဆူၣ်တၢ်တိစၢၤမၤစၢၤတဖၣ် လၢကရၢဆီၣ်ထွဲတၢ်လၢနဃုထၢ ဘၣ်ဆၣ်နကဘၣ်ဟ့ၣ် အဘူးအလဲတချုးလၢတၢ်တိစၢၤမၤစၢၤ ဒီးဆှၢထီၣ်တၢ်ဃ့အဘူးအလဲတဖၣ် လၢကဒိးန့ၢ်က့ၤအလဲအဂီၢ်န့ၣ်လီၤ. ဝံသးစူၤဆဲးကျိး gender.services@bluecrossmn.com ဒ်သိးကဒိးန့ၢ်ဘၣ် တၢ်တိစၢၤမၤစၢၤ ဖဲတၢ်ဆှၢထီၣ်တၢ်ဃ့က့ၤအဘူးအလဲတဖၣ်အဂီၢ်တက့ၢ်.

ကရၢဆီၣ်ထွဲတၢ်လူၤတၢ်အဆူၣ်တဖုန့ၣ် တၢ်ကဆိကမိၣ်အီၤဒ် ပှာ်ဘျးစဲအပူၤ မ့တမ့ၢ် ပှာ်ဘျးစဲအချၢဧါ. 

နတၢ်တိာ်ကျဲၤ မ့ၢ်ဟ့ၣ်တၢ်အုၣ်ကီၤကျၢၢ်ဘၢလၢ တၢ်မၤဂၢၢ်ကျၢၤမုၣ်ခွါဂ့ၢ်ဝီတၢ်ကွၢ်ထွဲအဂီၢ် တၢ်ကဆိကမိၣ်အီၤလၢ ပှာ်ဘျးစဲအပူၤန့ၣ်လီၤ.

မ့ၢ်ယလိၣ်ဘၣ် သးသ့ၣ်ညါဆူၣ်ချ့ကသံၣ်သရၣ်အလံာ်လၢ ဟီၣ်မိ/HRT အဂီၢ်ဧါ. 

အဝဲန့ၣ် ဒိးသန့ၤအသးလၢ နဆူၣ်ချ့တၢ်တိာ်ကျဲၤ ဒီးကသံၣ်ထံလဲအလိၤန့ၣ်လီၤ. ဝံသးစူၤဆဲးကျိး နီၣ်ဂံၢ်လၢနတၢ်အုၣ်ကီၤခးက့အလီၢ်ခံ ဒီး/မ့တမ့ၢ် တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဒ်သိးကပာ်ဂၢၢ်ပာ်ကျၢၤ တၢ်န့ၢ်ဘျုးတဖၣ် ဒီးတၢ်အုၣ်ကီၤကျၢၢ်ဘၢ တၢ်လိၣ်ဘၣ်တဖၣ်အဂီၢ်တက့ၢ်.

ယကဘၣ်ဆှၢထီၣ် တၢ်လူၤအဆူၣ်တၢ်ဃ့က့ၤအဘူးအလဲတဖၣ် ဒ်လဲၣ်. 

နမ့ၢ်လိၣ်ဘၣ်တၢ်မၤစၢၤ လၢတၢ်ဆှၢထီၣ်တၢ်လူၤအဆူၣ်တၢ်ဃ့က့ၤအဘူးအလဲန့ၣ် ဝံသးစူၤဆဲးကျိး gender.services@bluecrossmn.com တက့ၢ်.

တၢ်ဒိးန့ၢ် တၢ်ဆီၣ်ထွဲအလံာ်(တဖၣ်)အကျဲကပူၤန့ၣ် မ့ၢ်တၢ်မနုၤလဲၣ်.

တၢ်မၤအပတီၢ်တဖၣ် -

1. နမ့ၢ်တအိၣ်ဒီး သးသ့ၣ်ညါဆူၣ်ချ့ကသံၣ်သရၣ်တဂၤန့ၣ် ဃုဒိးန့ၢ်တဂၤတက့ၢ်. နမ့ၢ်လိၣ်တၢ်မၤစၢၤန့ၣ်, ဆဲးကျိးပတၢ်တိစၢၤမၤစၢၤတၢ် ကရူၢ်လၢအဘၣ်ထွဲဒီး မုၣ်ခွါတၢ်အိၣ်သး တက့ၢ်.
2. နမ့ၢ်ဒိးန့ၢ်ဘၣ် တၢ်ကူးကွဲးလၢနီၢ်ခိအဖီလာ်တကပၤန့ၣ် ဃုဒိးန့ၢ်သးသ့ၣ်ညါဆူၣ်ချ့ကသံၣ်သရၣ် ခံဂၤတဂၤတက့ၢ်. ကသံၣ်သရၣ်ခံဂၤတဂၤန့ၣ် ကြၢးမ့ၢ်သးသ့ၣ်ညါဆူၣ်ချ့ပှၤစဲၣ်နီၤတဂၤ လၢတအိၣ်ဒီးတၢ်ဘၣ်ထွဲဒီးနၤ ဘၣ်ဆၣ်လၢအဟ့ၣ် တၢ်ခံကွၢ်စီကွၢ်သ့တဂၤန့ၣ်လီၤ.
3. စဲးကျံးထုးထီၣ် ဆူၣ်ချ့ဂ့ၢ်ဝီသနူတဘ့ၣ်အလံာ်ဒိ မ့တမ့ၢ်ဆှၢအီၤအံမ့(လ)ဆူ နသးသ့ၣ်ညါဆူၣ်ချ့ကသံၣ်သရၣ်အအိၣ် ဒီးမၢအကွဲးလံာ်တဘ့ၣ် လၢအစံးဆၢ တၢ်ထိၣ်တဲာ်တဖၣ်လၢအလိၣ်ဘၣ်ခဲလၢာ် လၢတၢ်ကွဲးရဲၣ်ဃာ်အီၤ လၢဆူၣ်ချ့ဂ့ၢ်ဝီသနူအပူၤတက့ၢ်.
4. ဃုဒိးန့ၢ်ကသံၣ်သရၣ်တဂၤ လၢနသးမံလၢ နတၢ်မၤကျိၤကျဲအဂီၢ်တက့ၢ်. နမ့ၢ်လိၣ်ဘၣ်တၢ်မၤစၢၤ မ့တမ့ၢ်တၢ်သံကွၢ်မ့ၢ်အိၣ်လၢ တၢ်ဃုထၢကသံၣ်သရၣ်အဂီၢ်န့ၣ်, ဆဲးကျိးပတၢ်တိစၢၤမၤစၢၤတၢ် ကရူၢ်လၢအဘၣ်ထွဲဒီး မုၣ်ခွါတၢ်အိၣ်သးတက့ၢ်.
5. ဆှၢလီၤနလံာ်(တဖၣ်) ဆူနကသံၣ်သရၣ်(တဖၣ်)အအိၣ်တက့ၢ်.
6. နကသံၣ်သရၣ်(တဖၣ်) ကဆှၢလီၤနလံာ်(တဖၣ်)ဆူ Blue Cross Blue Shield of Minnesota ဃုာ်ဒီးအဝဲသ့ၣ်အတၢ်ကူစါတၢ်ဆါတၢ်ဂ့ၢ်တၢ်ကျိၤ ဖဲအဆှၢထီၣ် တၢ်ဟ့ၣ်စိဟ့ၣ်ကမီၤဆိတၢ်ဃ့ထီၣ် လၢနတၢ်ကူးကွဲးအဂီၢ်န့ၣ်လီၤ.

မတၤကွဲးန့ၢ်ယၤ တၢ်ဆီၣ်ထွဲလံာ်အံၤသ့လဲၣ်. ပှၤဆီၣ်ထွဲတၢ်မတၤ/မနုၤတကလုာ်န့ၣ် ဖျိးစိဝဲဒ်ဆူၣ်ချ့ဂ့ၢ်ဝီသနူန့ၣ်လဲၣ်. 

ပှၤဆီၣ်ထွဲမၤစၢၤတၢ်တဖၣ် လၢအထီၣ်ဘးဒီး Minnesota ပှၤကညီတၢ်တိစၢၤမၤစၢၤတဖၣ်ဝဲၤကျိၤ (MDH) အတၢ်ဖျိးစိနီၣ်ထိၣ်တဖၣ် လၢသးသ့ၣ်ညါဆူၣ်ချ့ကသံၣ်သရၣ်တဂၤန့ၣ် ကွဲးလံာ်ဝဲအံၤ သ့န့ၣ်လီၤ. MDH န့ၣ်အိၣ်ဒီးကရူၢ်ခံမံၤ လၢတၢ်အံၤအဂီၢ်န့ၣ်လီၤ.

Minnesota Statutes §245.4871 Subd. 26 မ့ၢ်ဝဲသးသ့ၣ်ညါဆူၣ်ချ့ကသံၣ်သရၣ်တဂၤ လၢအဒိးန့ၢ်ဃာ်အစှၤကတၢၢ် ဖၠၣ်စိမိၤတီၤခီၣ်ထံးလံာ်အုၣ်သးတမံၤလၢ တၢ်ဒီသူၣ်ပာ်သးဆူၣ်ချ့ မ့တမ့ၢ်မၤတ့ၢ်တၢ်လၢ ပှၤလၢအိၣ်ဒီး သးသ့ၣ်ညါတၢ်ဘၣ်ယိၣ်တဖၣ် အစှၤကတၢၢ်4,000 နၣ်ရံၣ် ဒီးဒိးန့ၢ်ဘၣ် တၢ်ပၢဆှၢကွၢ်ကီလၢ တၢ်ကူစါတၢ်ဆါန့ၣ်လီၤ.

Minnesota Statutes §245.4871 Subd. 27 မ့ၢ်ဝဲသးသ့ၣ်ညါဆူၣ်ချ့ကသံၣ်သရၣ်တဂၤ လၢအန့ၢ်ဃာ်လံာ်အုၣ်သး ပူၤပူၤဖျဲးဖျဲးန့ၣ်လီၤ. အဝဲန့ၣ် ပၣ်ဃုာ်သ့ သးသ့ၣ်ညါဆူၣ်ချ့ကသံၣ်သရၣ်တဖၣ်, မုၣ်ကွၢ်ပှၤဆါလၢအဆဲလီၤဃာ်မံၤတဖၣ် လၢအမၤလိလီၤဆီဃာ်လၢ သးသ့ၣ်ညါဆူၣ်ချ့, သးသ့ၣ်ညါကသံၣ်သရၣ်တဖၣ်, ပှၤဂ့ၢ်ဝီပှၤမၤတၢ်ဖိတဖၣ်, ပှၤတၢၣ်ပီၣ်ဟ့ၣ်ကူၣ်တၢ်တဖၣ် မတ့မ့ၢ်ပှၤမၤစၢၤဆီၣ်ထွဲ တၢ်တ့တၢ်ဖျီ ဒီးဟံၣ်ဃီတဖၣ်န့ၣ်လီၤ. တၢ်ပာ်ပနီၣ်ညီနုာ်တဖၣ် (လံာ်တဖၣ်) လၢအဘၣ်ထွဲဒီး သးသ့ၣ်ညါဆူၣ်ချ့ကသံၣ်သရၣ်စဲၣ်နီၤတဖၣ်လၢ Minnesota န့ၣ်မ့ၢ်ဝဲ LICW, LMFT, LPCC, LP, MD, PMHNP ဒီး FNP န့ၣ်လီၤ.

ယပှၤဆီၣ်ထွဲသးသ့ၣ်ညါဆူၣ်ချ့န့ၣ် ကဘၣ်အိၣ်ဒီးလံာ်ဖျၢၣ်တနီၤ လၢအမံၤအလီၢ်ခံ ဒ်သိးကကွဲးန့ၢ်ယၤလံာ်တဘ့ၣ် လၢဆူၣ်ချ့ဂ့ၢ်ဝီတၢ်လိၣ်ဘၣ်အဂီၢ်ဧါ. 

ဝံသးစူၤကွၢ်တၢ်လၢထးတက့ၢ်.

ဖဲယဒိးန့ၢ်ဘၣ် ပှၤဆီၣ်ထွဲတၢ်အလံာ် (တၢ်ဆီၣ်ထွဲလံာ်)တဘျီဃီန့ၣ် ယကြၢးဆှၢအီၤဆူ မတၤအအိၣ်လဲၣ်. 

ဟံးဃာ်လံာ်ဒိတဘ့ၣ် လၢနတၢ်မၤနီၣ်တဖၣ်အဂီၢ်တက့ၢ်. တၢ်အံၤမ့မ့ၢ်ထဲ တၢ်လူၤတၢ်အဆူၣ်တၢ်တိစၢၤမၤစၢၤအဂီၢ်န့ၣ် ဝံသးစူၤဆှၢလံာ်အံၤလၢ အံမ့(လ)ဆူ gender.services@bluecrossmn.comတက့ၢ်. တၢ်အံၤမ့မ့ၢ်လၢတၢ်ကူးကွဲးအဂီၢ်န့ၣ် ဝံသးစူၤဆှၢအံမ့(လ)/ဟ့ၣ်လီၤလံာ်ဆူ နတၢ်ကူးကွဲးကသံၣ်သရၣ်အဝဲၤဒၢး ဒီးအဝဲကဆှၢလီၤလံာ်(တဖၣ်) ဆူ Blue Cross ဃုာ်ဒီးအဝဲသ့ၣ်တၢ်ဟ့ၣ်စိဟ့ၣ်ကမီၤဆိ အလံာ်တီလံာ်မီန့ၣ်လီၤ.

ကဒိးန့ၢ်ဘၣ် တၢ်အုၣ်ကီၤကျၢၢ်ဘၢ လၢတၢ်မၤဂၢၢ်ကျၢၤမုၣ်ခွါဂ့ၢ်ဝီတၢ်ကွၢ်ထွဲ မ့တမ့ၢ် တၢ်တိစၢၤမၤစၢၤ(တဖၣ်)အဂီၢ် လိၣ်ဘၣ်လံာ်တီလံာ်မီဒ်လဲၣ်တကလုာ်လဲၣ်. 

နလိၣ်ဘၣ်လံာ်တဘ့ၣ် လၢနသးသ့ၣ်ညါဆူၣ်ချ့ပှၤဆီၣ်ထွဲတၢ်တဂၤအအိၣ် လၢတၢ်ကွဲးအီၤလၢ ကစံးဆၢဒီးပာ်ဂၢၢ်ပာ်ကျၢၤ တၢ်လိၣ်ဘၣ်တဖၣ်လၢတၢ်ကွဲးရဲၣ်ဃာ်အီၤလၢ ဆူၣ်ချ့ဂ့ၢ်ဝီသနူလၢအလိၣ်ဘၣ် ဒ်သိးကတုၤထီၣ်ထီၣ်ဘးဒီး နီၣ်ထိၣ်တဖၣ် လၢတၢ်တိစၢၤမၤစၢးအဂီၢ်န့ၣ်လီၤ.

နမ့ၢ်ကွၢ်ဃု တၢ်ကူးကွဲနီၢ်ခိဖီလာ်တကပၤန့ၣ် နကလိၣ်ဘၣ်လံာ်ခံဘ့ၣ်လီၤ - တဘ့ၣ်လၢနသးသ့ၣ်ညါဆူၣ်ချ့ကသံၣ်သရၣ်အအိၣ် ဒီးခံဘ့ၣ်တဘ့ၣ်လၢ သးသ့ၣ်ညါကသံၣ်သရၣ် လၢတအိၣ်ဒီးတၢ်ဘၣ်ထွဲလိာ်သးဒီးနၤ ဘၣ်ဆၣ်ဟ့ၣ်ထဲတၢ်ခံကွၢ်စီကွၢ်တမံၤန့ၣ်လီၤ.

ယကဘၣ်မၤဖျိးစိယသးလၢ ကလုၢ်တၢ်ကူးကွဲးအဂီၢ်ဒ်လဲၣ်. မ့ၢ်ယလိၣ်ဘၣ် လံာ်တဘ့ၣ်လၢ ယတၢ်ကတိၤကသံၣ်သရၣ်တဂၤ (တၢ်ထၢနုာ်အီၤအါထီၣ်လၢ ယသးသ့ၣ်ညါဆူၣ်ချ့ကသံၣ်သရၣ်) အအိၣ်ဧါ. 

နတၢ်တိာ်ကျဲၤ မ့ၢ်ဟ့ၣ်တၢ်အုၣ်ကီၤကျၢၢ်ဘၢလၢ တၢ်မၤဂၢၢ်ကျၢၤမုၣ်ခွါဂ့ၢ်ဝီတၢ်ကွၢ်ထွဲအဂီၢ်န့ၣ် တၢ်ကဘၣ်ကွဲးနီၣ်ဆူၣ်ချ့ဂ့ၢ်ဝီတၢ်လိၣ်ဘၣ်န့ၣ်လီၤ. နကဘၣ်မၤအီၤ ခီဖျိလံာ်တဘ့ၣ်လၢ နတၢ်ကတိၤတၢ်ယါဘျါကသံၣ်သရၣ်အအိၣ် (ပှၤလၢကဒုးနဲၣ်လၢ တၢ်မၤကွၢ်တၢ်ကတိၤတၢ်ယါဘျါ ဒီးတထီၣ်ဘးဘၣ် ဒီးတၢ်ကူးကွဲးန့ၣ် ကဟ့ၣ်ဝဲတၢ်န့ၢ်ဘျုးအါထီၣ်) ဒီးနသးသ့ၣ်ညါဆူၣ်ချ့ကသံၣ်သရၣ်အအိၣ်န့ၣ်လီၤ.

ယတၢ်ကူးကွဲးကသံၣ်သရၣ် မ့တမ့ၢ်ကသံၣ်သရၣ်အဂၤတဖၣ် ဒိးန့ၢ်ဘၣ်ယလံာ် လၢယသးသ့ၣ်ညါဆူၣ်ချ့ကသံၣ်သရၣ်အအိၣ် ဘၣ်ဃးဒီးဆူၣ်ချ့ဂ့ၢ်ဝီတၢ်လိၣ်ဘၣ် ဒ်လဲၣ်. 

နကဘၣ်ဟ့ၣ် လံာ်အဒိတဘ့ၣ်လၢ လံာ်ပရၢ, လီပရၢ မ့တမ့ၢ် လၢနီၢ်ကစၢ်န့ၣ်လီၤ. ဝံသးစူၤသံကွၢ် နတၢ်ကူးကွဲးကသံၣ်သရၣ်အဝဲၤဒၢး ကျဲလၢအဝဲသ့ၣ်သးလီဒိးန့ၢ် လံာ်အဒိတဘ့ၣ်ဒ်လဲၣ်န့ၣ်တက့ၢ်.

ယကဘၣ်ဆီတလဲ တၢ်အမံၤမ့တမ့ၢ်မုၣ်ခွါဂ့ၢ်ဝီလၢ တၢ်ကွဲးရဲၣ်ဃာ်လၢ ယတၢ်အုၣ်ကီၤလံာ်တြံၢ်အပူၤဖဲလဲၣ်.

အဝဲန့ၣ် သန့ၤအသးလၢ နတၢ်တိာ်ကျဲၤအဃိ ဝံသးစူၤ ဆဲးကျိးပကရၢလၢ gender.services@bluecrossmn.com or (866) 694-9361 လၢတၢ်စံးဆၢလၢ တၢ်သုးကျဲၤအီၤလၢနီၢ်တဂၤအဂီၢ်န့ၣ်လီၤ.

ယအိၣ်ဒီး BluePlus/Medicaid လီၤ. နမၤစၢၤယၤသ့ဧါ.

မ့ၢ်, ပအိၣ်ဒီးကရူၢ်ဖိလၢအဟ့ၣ်လီၤသးနီၢ်နီၢ် လၢအမၤတၢ်ဒီး Minnesota Health Care Programs (Medicaid) ကရူၢ်ဖိတဖၣ်န့ၣ်လီၤ. ဝံသးစူၤဆှၢလီပရၢဆူ  gender.services@bluecrossmn.com မ့တမ့ၢ် (866) 694-9361 ဒီးဟ့ၣ်နမံၤ, အမံၤလၢတၢ်ကွဲးရဲၣ်ဃာ်အီၤလၢ နဆူၣ်ချ့တၢ်အုၣ်ကီၤခးက့, ကရူၢ်ဖိ ID, အိၣ်ဖျဲၣ်မုၢ်နံၤ ဒီးတၢ်လၢနလိၣ်ဘၣ်တၢ်မၤစၢၤအဂ့ၢ်တက့ၢ်.

ယကဘၣ်ကွၢ်ဃု ကသံၣ်သရၣ်လၢဘၣ်ဘျီးဘၣ်ဒါဒီး ပှၤဆီတလဲက့း လၢတၢ်လီၢ်ဖဲလဲၣ်.

ပမၤစၢၤဝဲဒၣ်နတၢ်ကွၢ်ဃု ပှၤဟ့ၣ်မၤစၢၤတၢ်တဂၤလၢ အရ့တံၤရ့သကိးသ့ဒီးပှၤလၢအဆီတလဲဃာ်မုၣ်ခွါတၢ်အိၣ်သး မ့တမ့ၢ် ပှၤလၢအတမ့ၢ်ပိာ်မုၣ်ပိာ်ခွါ သ့န့ၣ်လီၤႉ ဆှၢပှၤအံမ့(လ)လၢ  gender.services@bluecrossmn.com မ့တမ့ၢ် ကိး (866) 694-9361 တက့ၢ်.

မ့ၢ် Minnesota Health Care Programs (Medicaid) တၢ်တိာ်ကျဲၤတဖၣ် လၢတၢ်သုးကျဲၤဖံးမၤအီၤလၢ Blue Cross န့ၣ်စူးကါဝဲ DHS သနူ မ့တမ့ၢ် BCBSMN သနူ လၢတၢ်မၤဂၢၢ်ကျၢၤမုၣ်ခွါဂ့ၢ်ဝီတၢ်ကွၢ်ထွဲအဂီၢ်ဧါ.

နမ့ၢ်အိၣ်ဒီး Minnesota Health Care Programs တၢ်တိာ်ကျဲၤခီဖျိ Blue Cross န့ၣ် BCBSMN သနူန့ၣ်မ့ၢ်တၢ်လၢအဘၣ်ထွဲဒီးန Medicaid တၢ်တိာ်ကျဲၤန့ၣ်လီၤ. 

ယမ့ၢ်ဘၣ်ဟးထီၣ်လၢ ကီၢ်စဲၣ်အချၢ ဒ်သိးကကွၢ်ဃုကသံၣ်သရၣ်တဂၤအဂီၢ်န့ၣ် ယကဘၣ်မၤဒ်လဲၣ်. ယတၢ်အုၣ်ကီၤဟ့ၣ်န့ၢ် တၢ်လဲၤတၢ်က့ၤအပှ့ၤတဖၣ်ဧါႉ

တၢ်တခါအံၤဒိးသန့ၤထီၣ်အသးလၢ နတၢ်တိာ်ကျဲၤဖီခိၣ်အဃိ ဝံသးစူၤဆဲးကျိးဆူနကရူၢ်အအိၣ်ဖဲ gender.services@bluecrossmn.com မ့တမ့ၢ် (866) 694-9361 လၢတၢ်စံးဆၢနတၢ်သံကွၢ်အဂီၢ်တက့ၢ်ႉ

မ့ၢ်ယကဘၣ်အီဟီၣ်မိကသံၣ်ဖီၣ်တဖၣ်ဒ် တၢ်ဆၢကတီၢ်လိၣ်ဘၣ်အသိးလီၤတံၢ်လီၤဆဲးဒ်သိး "အပတီၢ်ကထီၣ်ဘး" လၢတၢ်ကွဲးကါအဂီၢ်န့ၣ်ဧါႉ 

တၢ်စံးဆၢလၢတၢ်သံကွၢ်အံၤအဂီၢ်န့ၣ် ဒိးသန့ၤအသးလၢ နတၢ်တိာ်ကျဲၤအဖီခိၣ်အဃိ ဝံသးစူၤဖးတၢ်စံးဆၢလၢလာ်အံၤ လၢအဘၣ်ထွဲဒီးနတၢ်တိာ်ကျဲၤန့ၣ်တက့ၢ်.

• တၢ်တိာ်ကျဲၤတဖၣ်လၢအစူးကါ BCBSMN တၢ်မၤဂၢၢ်ကျၢၤမုၣ်ခွါဂ့ၢ်ဝီဆူၣ်ချ့သနူ- တၢ်ကူစါဟီၣ်မိန့ၣ် တလိၣ်ဝဲလၢ တၢ်ကူးကွဲတနီၤအဂီၢ်ဘၣ် ဒီးတၢ်ဟ့ၣ်ကူၣ်အီၤလၢ တၢ်ဆၢကတီၢ်12 လါလၢတၢ်အဂၤအဂီၢ် (ဒ်အကြၢးဒီးနမုၣ်ခွါဂ့ၢ်ဝီဖီတၢၣ်တဖၣ်)န့ၣ်လီၤ. အဝဲအံၤန့ၣ် ပၣ်ဃုာ်ဒီး Advantage အတၢ်တိာ်ကျဲၤတဖၣ်န့ၣ်လီၤ.
• Medicare: ဖဲအံၤန့ၣ်အိၣ်ဒီး တၢ်ကွဲးဖုၣ်တမံၤ ဃုာ်ဒီး တၢ်ကစီၣ်ဂ့ၢ်ကျိၤတနီၤ လၢတၢ်သံကွၢ်အံၤအဂီၢ်န့ၣ်လီၤ. ဘၣ်ဆၣ် ပဟ့ၣ်ကူၣ်နၤဆူၣ်ဆူၣ်လၢ နကဆဲးကျိး Medicare ဒ်သိးကဒိးန့ၢ်ဘၣ် တၢ်စံးဆၢလၢတၢ်သံကွၢ်အံၤအဂီၢ်န့ၣ်လီၤ.
• ကီၢ်စၢဖှိၣ်ပှၤမၤတၢ်ဖိတၢ်တိာ်ကျဲၤတဖၣ် (FEP) - ကရူၢ်ဖိကဘၣ်ထီၣ်ဘးဒီး နီၣ်ထိၣ်လၢအပိာ်ထွဲတဖၣ်န့ၣ်လီၤ -
  • တၢ်အိၣ်မူ 12 လါလၢအဆၢတတဲာ်, ဆၢကတီၢ်ပှဲၤ, တၢ်အိၣ်မူတၢ်လဲၤခီဖျိနီၢ်နီၢ် ဒ်မုၣ်ခွါတၢ်မ့ၢ်တၢ်လၢအသးလီ (ပၣ်ဃုာ်ဒီးတၢ်မၤလီၢ်, ဟံၣ်ဃီ, ပှၤဂ့ၢ်ဝီ ဒီးပှၤတဝၢတၢ်ဟူးဂဲၤဖံးမၤတဖၣ်)
  • 12 လါလၢတၢ်ကူစါဟီၣ်မိ လၢအကြၢးဘၣ်ဒီးကရူၢ်ဖိတဖၣ် အမုၣ်ခွါတၢ်မ့ၢ်တၢ် (တလိၣ်လၢတၢ်ကူးကွဲးနူၢ်အဂီၢ်)