နဆူၣ်ချ့တၢ်အုၣ်ကီၤန့ၣ် ဟ့ၣ်အပှ့ၤညီနုၢ်လၢ တၢ်ဒီသဒၢအတၢ်ကွၢ်ထွဲတၢ်မၤတဖၣ် ဒီးကသံၣ်တြီတၢ်ဒၢထီၣ်ဖိတဖၣ်န့ၣ်လီၤ. ကဘၣ်ရဲၣ်ကျဲၤတၢ်ကွၢ်သမံသမိးတဖၣ်လၢအဆၢကတီၢ်ဖဲလဲၣ် ဒ်သိးမဲမိၣ်ကရဲၢ်တဖၣ်ဒီး pap တၢ်သမံသမိးတဖၣ် လၢကဒီသဒၢစၢၤ မ့တမ့ၢ်ဃုထံၣ်စၢၤဆူၣ်ချ့တၢ်ဘၣ်ယိၣ်တဖၣ်ဒ်လဲၣ်န့ၣ် မၤလိတက့ၢ်. နကွၢ်ကဒါက့ၤစ့ၢ်ကီးတၢ်ကွၢ်ထွဲပိာ်မုၣ်တၢ်မၤတဖၣ်အဂ့ၢ်ဖုၣ်ကိာ် လၢ Blue Cross ဒီး Blue Shield လၢ Minnesota ဒီး Blue Plus အတၢ်တိာ်ကျဲၤတဖၣ် ဟ့ၣ်အဘူးအလဲလၢအဂီၢ်န့ၣ်လီၤ.
တၢ်ဒီသဒၢအတၢ်ကွၢ်ထွဲလၢပိာ်မုၣ်အဂီၢ်တၢ်ထံၣ်လိာ်သးန့ၣ် တၢ်မနုၤကဲထီၣ်လဲၣ်.
တၢ်ထံၣ်လိာ်သးလၢကဟ့ၣ်တၢ်ဒီသဒၢအတၢ်ကွၢ်ထွဲ မ့တမ့ၢ်ပိာ်မုၣ်ဆူၣ်ချ့အဂီၢ်န့ၣ် အါတက့ၢ် ကသံၣ်သရၣ်ကမၤတၢ်မၤကွၢ်တမံၤ (ပာ်ဃုာ်ဒီးတၢ်သမံသမိးနုၢ်ဒီးခံကီၢ်ဃံ), ထိၣ်ကွၢ်နသွံၣ်တၢ်ဆီၣ်သနံး, ဟ့ၣ်ကူၣ်ကသံၣ်ဒီသဒၢတဖၣ် မ့တမ့ၢ်ကသံၣ်ဒီသဒၢတိးကွ့တဖၣ် ဒီးဃုထံၣ်နီၤဖးတၢ်ကွၢ်သမံသမိးတၢ်မၤတဖၣ် လၢနသးအနံၣ်အလါဒီးနဟံၣ်ဃီတၢ်စံၣ်စိၤတဲစိၤအလိၤန့ၣ်လီၤ.
တၢ်ဒီသဒၢပိာ်မုၣ်အတၢ်ကွၢ်ထွဲတဖၣ်လၢ တၢ်အုၣ်ကီၤဟ့ၣ်အပှ့ၤန့ၣ် မ့ၢ်မနုၤတဖၣ်လဲ.
Blue Cross ဒီး Blue Plus အတၢ်တိာ်ကျဲၤတဖၣ်န့ၣ် ဟ့ၣ်အဘူးအလဲလၢ တၢ်ဒီသဒၢအတၢ်ကွၢ်ထွဲတၢ်မၤတဖၣ်လၢပိာ်မုၣ် အသးအိၣ် 12-64 နံၣ်အဂီၢ် ဒီးဖဲအ၀ဲဒိးန့ၢ်ဘၣ်အီၤလၢ တၢ်တိာ်ကျဲၤဘျးစဲပူၤအပတီၢ်* အခါန့ၣ် ကရူၢ်ဖိတဘၣ်ဟ့ၣ်သကိးအပှ့ၤဘၣ်:
- တၢ်ဒိကနၣ်ကတိၤသကိးတၢ်လၢတၢ်သူကမၣ် သံးဒီးတၢ်အသံးအကာ်အဂ့ၢ်
- တၢ်ကွၢ်သမံသမိးသွံၣ်ဂံၢ်စၢ်ဘါစၢ်တၢ်ဆါ လၢပိာ်မုၣ်လၢအဒၢတဖၣ်အဂီၢ်
- တၢ်ကွၢ်သမံသမိးဘဲးတံရံယၤအိၣ်လၢဆံၣ်ပူၤ လၢပိာ်မုၣ်လၢအဒၢတဖၣ်အဂီၢ်
- တၢ်ကွၢ်သမံသမိးသွံၣ်တၢ်ဆီၣ်သနံး
- တၢ်မၤကွၢ်ဃံအတၢ်အိၣ်တံၢ် ဒ်သိးကမၤတၢ်ကွၢ်သမံသမိးလၢဃံစၢ်တၢ်ဆါအဂီၢ်
- BRCA တၢ်ကွၢ်သမံသမိး/တၢ်ဒိကနၣ်ကတိၤသကိးတၢ် (တိၢ်နီၣ်: တၢ်ကြၢးဃုထၢလၢ BRCA တၢ်ကွၢ်သမံသမိးန့ၣ် ဘၣ်ထွဲဒီးနီၣ်ထိၣ်လၢ Blue Cross ကသံၣ်ကသီကျဲသနူ: တၢ်သမံသမိးစၢၤသွဲၣ်သွံၣ်ထံး လၢစၢသွဲၣ်နုၢ် ဒီး/မ့တမ့ၢ်ပိာ်မုၣ်ဒံၣ်လီၢ်ခဲစၢၣ်တၢ်ဆါပနီၣ်ပာ်ဖှိၣ် (BRCA1 ဒီး BRCA2 စၢၤသွဲၣ်သွံၣ်ထံးက့ၢ်ဂီၤဆံး)" (VI-16))
- တၢ်ဟ့ၣ်ကသံၣ်လၢတၢ်ဒီသဒၢနုၢ်ခဲစၢၣ်အဂီၢ် တၢ်ဒိကနၣ်ကတိၤသကိးတၢ်
- တၢ်ကတိၤတၢၣ်ပီၣ်ဟ့ၣ်ကူၣ်ဘၣ်ဃး တၢ်ဒုးအီဖိနူၢ်ထံ ဒီးတၢ်ပှ့ၤတၢ်ဆူးထုးထီၣ်နူၢ်ထံ လၢနီၢ်ကစၢ်မ့တမ့ၢ် အံၣ်လဲးထြီနံးစဲးတဖျၢၣ်
- တၢ်ကွၢ်သမံသမိးဒၢလီၣ်ခိၣ်ထိးခဲစၢၣ်တၢ်ဆါ
- တၢ်ကွၢ်သမံသမိးတၢ်ဘၣ်ကူဘၣ်ဂာ်ခီဖျိမုၣ်ခွါမံဃုာ်လိာ်သး
- တၢ်ကွၢ်သမံသမိးခိၣ်လဲးစထြီတၢ်တမူာ်တနီၢ်တဖၣ်
- တၢ်ကွၢ်သမံသမိးပှံၢ်ပှာ်အ့ၣ်ကျိၤခဲစၢၣ်တၢ်ဆါ
- တၢ်ဒီသဒၢဟုးအကျဲတဖၣ်ဒီးတၢ်ဒိကနၣ်ကတိၤသကိးတၢ်
- တၢ်ကွၢ်သမံသမိးသးဟးဂီၤလီၤဘှံး
- တၢ်ကွၢ်သမံသမိးသွံၣ်ဆၢတၢ်ဆါ
- တၢ်မၤပှဲၤဖီလ့းအဲးစ့း (တိၢ်နီၣ်: ဖီလ့းအဲးစ့းတၢ်မၤပှဲၤတဖၣ်လၢပိာ်မုၣ်အသးအိၣ် 12 - 64 နံၣ်, ဖဲကရူၢ်ဖိတဂၤန့ၣ် အိၣ်ဒီးတၢ်ဟ့ၣ်ကသံၣ်အလံာ်က့ ဒီးပှ့ၤအီၤလၢကသံၣ်ကျးမ့တမ့ၢ်ပှၤဆါကသံၣ်လီၢ်)
- တၢ်သမံသမိးဒၢဖိကတီၢ်သွံၣ်ဆၢတၢ်ဆါ (GDM) (တိၢ်နီၣ်: ဖဲဒၢအခါ တၢ်ဘၣ်ယိၣ်ဂ့ၢ်ကျိၤဖးဒိၣ် အိၣ်မ့ၢ်ဂ့ၤတအိၣ်မ့ၢ်ဂ့ၤလီၤ. ခီၣ်ထံးတၢ်ထိၣ်ကလူကိး(စ) ဒီးမ့ၢ်ဖျါလၢတၢ်ဆါအိၣ်န့ၣ် တၢ်ထိၣ်မၤလီၤတံၢ်နီၢ်ခိအတၢ်အိၣ်စူၤကလူးကိး(စ)လီၤ.)
- တၢ်ကွၢ်သမံသမိးကနိၣ်တၢ်ဆါ
- တၢ်ဒိကနၣ်ကတိၤဟ့ၣ်ကူၣ်တၢ်ဘၣ်ဃးဆူၣ်ချ့တၢ်အီၣ်
- တၢ်ကွၢ်သမံသမိးသူၣ်တၢ်ဆါ B: ပိာ်မုၣ်လၢအဒၢတဖၣ်
- တၢ်ကွၢ်သမံသမိး HIV (တၢ်ဆါဃၢ်လၢအမၤစှၤလီၤနီၢ်ခိဂံၢ်တြီဆၢသဟီၣ်) ဒီးတၢ်ဒိကနၣ်ကတိၤဟ့ၣ်ကူၣ် (တိၢ်နီၣ်: ကရူၢ် မ့တမ့ၢ်နီၢ်တဂၤအကတီၢ်တဖၣ်, တကတီၢ်န့ၣ် ပၢၢ်လၢ 30 မံးနံး, တနံၣ်တဂၤ)
- ပှၤတဂၤဒီးတဂၤတၢ်ဘၣ်ထွဲရ့လိာ်သးဒီးဟံၣ်ဃီပူၤတၢ်မၤဒၢၣ်မၤဆါအဂီၢ် တၢ်ဒိကနၣ်ကတိၤဟ့ၣ်ကူၣ်
- မဲမိၣ်ကရဲၣ် လၢကကွၢ်သမံသမိးနုၢ်ခဲစၢၣ်တၢ်ဆါ (သး 40 နံၣ်ဒီးပှၢ်န့ၢ်အီၤ)
- တၢ်အီၣ်န့ၢ်ဂံၢ်န့ၢ်ဘါ, နီၢ်အဃၢလၢအကြၢးဒီး နီၢ်ခိတၢ်ဟူးဂဲၤအတၢ်တၢၣ်ပီၣ်ဟ့ၣ်ကူၣ်သကိးတၢ်
- တၢ်သမံသမိးတၢ်ဘီၣ်တလၢ ဒီးတၢ်ဒိကနၣ်ကတိၤဟ့ၣ်ကူၣ်
- တၢ်သမံသမိးဃံစၢ်တၢ်ဆါ (သး 65 နံၣ်ဒီးပှၢ်န့ၢ်အီၤ)
- Pap တၢ်မၤကွၢ် ဒ်သိးကကွၢ်သမံသမိး ဒၢလီၢ်ခိၣ်ထိးခဲစၢၣ်တၢ်ဆါ (စးထီၣ်လၢသး 21 နံၣ်)
- Pap တၢ်မၤကွၢ် ဒီး HPV (ပှၤကူပှၤကညီဖးဖံၣ်လိမါတၢ်ဆါဃၢ်)တၢ်မၤကွၢ် ဒ်သိးကကွၢ်သမံသမိးဒၢလီၢ်ခိၣ်ထိးတၢ်ဆါ (စးထီၣ်လၢသး 30)
- တၢ်ဒီသဒၢပိာ်မုၣ်ဒၢလီၢ်က့ၢ်ဂီၤတၢ်မၤကွၢ်
- တၢ်ကွၢ်သမံသမိး Rh (ရံဆၢးစ)တၢ်တဘၣ်လိာ်ဘၣ်စး: တၢ်ဒၢထီၣ်အခီၣ်ထံးတဘျီအတၢ်ထံၣ်လိာ်သး
- တၢ်ကွၢ်သမံသမိး Rh (ရံဆၢးစ)တၢ်တဘၣ်လိာ်ဘၣ်စး: 24 တုၤ 28 နွံတၢ်ဒၢထီၣ်အဆၢကတီၢ်
- တၢ်ကွၢ်သမံသမိးတၢ်ဆါလၢအရၤလီၤသးခီဖျိမုၣ်ခွါမံဃုာ်လိာ်သး
- STI (တၢ်ရၤလီၤတၢ်ဘၣ်ကူဘၣ်ဂာ်ခီဖျိမုၣ်ခွါမံဃုာ်လိာ်သး) တၢ်ဒိကနၣ်ကတိၤဟ့ၣ်ကူၣ် (တိၢ်နီၣ်: ကရူၢ် မ့တမ့ၢ်နီၢ်တဂၤအကတီၢ်တဖၣ်, တကတီၢ်န့ၣ် ပၢၢ်လၢ 60 မံးနံး, တနံၣ်တဂၤ)
- တၢ်ကွၢ်သမံသမိးဆ့းဖလ့းတၢ်ဆါ
- တၢ်စူးကါညါသူး တၢ်ဒိကနၣ်ဟ့ၣ်ကူၣ်ကတိၤတၢ်ဒီးတၢ်နုာ်လီၤမၤန့ၢ်တၢ် (တိၢ်နီၣ်: OTC (တၢ်ဆါကသံၣ်လီၢ်)တနီၤ ဒီးတၢ်ဟ့ၣ်ကသံၣ်အလံာ်က့ တၢ်မၤပတုာ်ညါသူးပနံာ်တဖၣ် ဖဲကရူၢ်ဖိအိၣ်ဒီး တၢ်ဟ့ၣ်ကသံၣ်အလံာ်က့ဒီးပှ့ၤတၢ်လၢကသံၣ်ကျးမ့တမ့ၢ်တၢ်ဆါကသံၣ်လီၢ်)
တၢ်ဒီသဒၢအတၢ်ကွၢ်ထွဲတၢ်မၤလၢပိာ်မုၣ်တဖၣ်အဂီၢ် (PDF)
တၢ်ဒီသဒၢတချုးအိၣ်ဖျဲၣ်ဖိအဘျုးတဖၣ် (PDF)
တၢ်တြီတၢ်ဒၢထီၣ်ဖိန့ၣ် ဘၣ်တၢ်ဟ့ၣ်အဘူးအလဲလၢတၢ်အုၣ်ကီၤဧါ.
တၢ်ဒီသဒၢဟုးတဖၣ်န့ၣ် ဘၣ်တၢ်ဟ့ၣ်အဘူးအလဲညီနုၢ်လၢတၢ်အုၣ်ကီၤ ဒ်တၢ်နဲၣ်ကျဲအီၤအသိး, ဖဲပှၤဟ့ၣ်အီၤလၢတၢ်တိာ်ကျဲၤဘျးစဲအပူၤန့ၣ်လီၤ. တၢ်ဒီသဒၢဟုးအကလုာ်တဖၣ်န့ၣ် ကဘၣ်တၢ်ဟ့ၣ်အဘူးအလဲလၢတၢ်ဒီသဒၢဟုးအဘျုးအဖီလာ် (ကဆီတလဲ):
- တၢ်တြီဃာ်ကျဲတဖၣ် ဒ်သိးသးနါပှၢ်ဒီးဟၢဖၢညၣ်ထူၣ်, ကုၤပီၣ်လဲၣ်, ဒၢလီၢ်ခိၣ်ထိးအဒၢ, တၢ်ဒီသဒၢပိာ်ခွါဆှိးထံတဖၣ်ဒီးတၢ်ဖျီၣ်လၢအပူၤတဖၣ်
- ဟီၣ်မိသဟီၣ်ကျဲတဖၣ် ဒ်သိးတၢ်တြီတၢ်ဒၢထီၣ်ဖိကသံၣ်တဖၣ်/ကသံၣ်ဒီသဒၢဟုးလၢပှၤအီလၢကိာ်ပူၤတဖၣ်, ကသံၣ်ကးဘၢဖံးဘ့ၣ်တဖၣ်, တၢ်ဆဲးကသံၣ်တဖၣ်မ့တမ့ၢ်ပိာ်မုၣ်က့ၣ်ဂီၤအကွီၤ (ထဲဒၣ်ကသံၣ်ကျး)
- ပီးလီတဖၣ်လၢဒၢလီၢ်အကိပူၤ/IUD (ထဲဒၣ်ကသံၣ်ကသီ)
- တၢ်တြီတၢ်ဒၢထီၣ်ဖိလီၤစိၤ (ထဲဒၣ်ကသံၣ်ကသီ)
- ဂ့ၢ်ဂီၢ်အူတၢ်ဒီသဒၢဟုး (ထဲဒၣ်ကသံၣ်ကျး)
တၢ်သမံသမိးတနီၤလၢပှၤမၤဆီၣ်ထွဲကသံၣ်ဃ့ထီၣ် လၢတၢ်ဒီသဒၢတၢ်မၤကွၢ်တမံၤန့ၣ် တမ့ၢ်ကဘၣ်တၢ်ဟ့ၣ်အပှ့ၤလၢအဂီၢ်ဘၣ်.
ပိာ်မုၣ်တဖၣ်အတၢ်ဒီသဒၢဟုးအဘျုးတဖၣ် (PDF)
တၢ်တြီဟုးသးတၢ်သုးကျဲၤပၢဆှၢတၢ်ဟ့ၣ်က့ၤအဘူးအလဲလံာ်ကွီၣ်ဒိ (PDF)
ဒ်သိးယကအိၣ်ဆူၣ်အဂီၢ် ယကဘၣ်မၤတၢ်မနုၤလဲၣ်.
တနံၣ်ဘၣ်တနံၣ်တၢ်မၤကွၢ်တဖၣ် ဒီးတၢ်ဒီသဒၢတၢ်ကွၢ်သမံသမိးဘၣ်ဆၢဘၣ်ကတီၢ်တဖၣ်န့ၣ် အကါဒိၣ်လၢနဆူၣ်ချ့ဒီးတၢ်အိၣ်မုာ်ဆိးပၢၤအဂီၢ်န့ၣ်လီၤ. လၢခံတမံၤမ့ၢ်ဝဲ တနံၤဘၣ်တနံၤနဆူၣ်ချ့လုၢ်လၢ်တဖၣ်န့ၣ် မၤဘၣ်ဒိဘၣ်ထံးနဆူၣ်ချ့ဖးဒိၣ် ဒ်နသး: တၢ်သုးကျဲၤသးဘၣ်ယိၣ်လီၤဘှံး, တၢ်အီၣ်ဘၣ်ဘၣ်, တၢ်အိၣ်ဟူးဂဲၤ, တၢ်သုးကျဲၤနီၢ်အဃၢဒီးတၢ်ပာ်ကတီၢ်ကွံာ်တၢ်အိမီၣ်န့ၣ်လီၤ.
ကွၢ်ပီးလီတဖၣ်ဒီးတၢ်တိစၢၤမၤစၢၤတဖၣ် ဒ်သိးကမၤဆူၣ်ချ့နသးတက့ၢ်.
နမ့ၢ်လိၣ်ဘၣ်တၢ်မၤစၢၤလၢတၢ်ကွၢ်ဃု တၢ်ကွၢ်ထွဲမိၢ်ပှၢ်မ့တမ့ၢ်ကသံၣ်သရၣ်ကွၢ်ထွဲနၤ လၢနတၢ်ဒၢထီၣ်ဒီးအိၣ်ဖျဲၣ်ဖိ လၢတနံၣ်ဘၣ်တနံၣ်တၢ်မၤကွၢ်တဖၣ်အဂီၢ်န့ၣ် နနုာ်လီၤဒီး ဃုကသံၣ်သရၣ်တဂၤသ့န့ၣ်လီၤ.
တၢ်ဂ့ၢ်အဂၤဘၣ်ဃးတၢ်ဒီသဒၢအတၢ်ကွၢ်ထွဲလၢပိာ်မုၣ်တဖၣ်အဂီၢ်
တၢ်ဒီသဒၢအတၢ်ကွၢ်ထွဲလၢပိာ်မုၣ်ဒၢထီၣ်တဖၣ် ဒီးဖိသၣ်အိၣ်ဖျဲၣ်သီတဖၣ်အဂီၢ်
တၢ်မၤကွၢ်နီၢ်ခိဒီးတၢ်ဒီသဒၢအတၢ်လဲၤထံၣ်လိာ်တနံၣ်တဘျီ
တၢ်ဒၢထီၣ်ဖိပှဲၤဒီးတၢ်အိၣ်ဆူၣ်အိၣ်ချ့
တတၢ်ဒီသဒၢဒၢလီၢ်ခိၣ်
ထိးခဲစၢၣ်တၢ်ဆါ
မဲမိၣ်ကရဲၣ်တဖၣ်န့ၣ် ဃုထံၣ်စၢၤနုၢ်ခဲစၢၣ်တၢ်ဆါသ့
Osteoporosis ဒုးကဲထီၣ်ဒီးတၢ်ဒီသဒၢ
ဘၣ်မနုၤအဃိယဘၣ်ဟ့ၣ်၀ဲဒၣ်တၢ်ဘူးတၢ်လဲလၢ တၢ်လဲၤထံၣ်လိာ်သးလၢတၢ်ဒီသဒၢအတၢ်ကွၢ်ထွဲလဲၣ်.