တၢ်ထံၣ်လိာ်သးဒီးနကသံၣ်သရၣ်လၢတၢ်ဒီသဒၢအတၢ်ကွၢ်ထွဲ ကွၢ်လီၤတံၢ်၀ဲဒၣ် နတၢ်အိၣ်ဆူၣ်အိၣ်ချ့ထီရီၤဒီးကပှဲၤဒီးတၢ်အိၣ်ဆူၣ်အိၣ်ချ့အဂီၢ်ဒ်လဲၣ်န့ၣ်လီၤ. ဘၣ်ဆၣ်တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်မ့ၢ် ကဲထီၣ်တၢ်လဲၤထံၣ်လိာ်သးဒီးကသံၣ်သရၣ်ဘၣ်သ့ၣ်သ့ၣ် နကဘၣ်ဟ့ၣ်အဘူးအလဲန့ၣ်လီၤ. ဘၣ်မနုၤအဃိလဲၣ်န့ၣ် မၤလိတက့ၢ်.
စံးဆၢတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်တၢ်သံကွၢ်ပှိၤပှီၢ်
တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ် ကဲထီၣ် တၢ်လဲၤထံၣ်လိာ်သးဒီးကသံၣ်သရၣ်အခါဖဲလဲၣ်.
တၢ်ဒီသဒၢအတၢ်ကွၢ်ထွဲန့ၣ် လီၤဆီလိာ်သးဒီး တၢ်လဲၤထံၣ်လိာ်သးဒီးကသံၣ်သရၣ်:
-
တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်အတၢ်ပညိၣ် မ့ၢ်ဝဲတၢ်ကွၢ်ကဒါက့ၤနဆူၣ်ချ့ဒီဂၤညါ, ဃုထံၣ်န့ၢ်တၢ်ဘၣ်ယိၣ်တဖၣ်ဒီး ကွၢ်ဃုကျဲလၢကအိၣ်ပှဲၤဒီးဆူၣ်ချ့အဂီၢ်န့ၣ်လီၤ. နတၢ်တိာ်ကျဲၤန့ၣ် ဟ့ၣ်အပှ့ၤလၢ တၢ်လဲၤထံၣ်လိာ်သးလၢတၢ်ဒီသဒၢဆိ 100% အဂီၢ် ဖဲနထံၣ်ကသံၣ်သရၣ်လၢနတၢ်တိာ်ကျဲအတၢ်တိာ်ကျဲၤဘျးစဲအပူၤန့ၣ်လီၤ.*
-
တၢ်လဲၤထံၣ်လိာ်သးဒီးကသံၣ်သရၣ်အတၢ်ပညိၣ်မ့ၢ်ဝဲ ကကတိၤသကိးတၢ် မ့တမ့ၢ်ဘၣ်တၢ်ကူစါလၢ ဆူၣ်ချ့တၢ်ဘၣ်ယိၣ်မ့တမ့ၢ်တၢ်အိၣ်အသးတမံၤအဂီၢ်န့ၣ်လီၤ. ဘၣ်သ့ၣ်သ့ၣ်နကဘၣ်ဟ့ၣ်အလဲလၢ တၢ်လဲၤထံၣ်လိာ်သးအဂီၢ် ဒ်နတၢ်ဟ့ၣ်ဆိအဘူးအလဲ, တၢ်ဟ့ၣ်သဃဲၤ ဒီး/မ့တမ့ၢ် တၢ်အုၣ်ကီၤဟ့ၣ်သဃဲၤန့ၣ်လီၤ.
နမ့ၢ်သုးကျဲၤတၢ်ဒီသဒၢအတၢ်ကွၢ်ထွဲတၢ်လဲၤထံၣ်လိာ်သး ဒီးသံကွၢ်နကသံၣ်သရၣ်ဘၣ်ဃး ဆူၣ်ချ့တၢ်ဘၣ်ယိၣ်တမံၤ မ့တမ့ၢ်တၢ်အိၣ်အသးန့ၣ် နတၢ်ဆါဟံၣ်န့ၣ် ကကွဲးနီၣ်ဒီးဃ့အပှ့ၤလၢတၢ်သ့ၣ်ဆၢဖးကတီၢ်လၢတၢ်ထံၣ်လိာ်သးအဂီၢ် ဒ်တၢ်လဲၤထံၣ်လိာ်သးဒီးကသံၣ်သရၣ်န့ၣ်လီၤ.
နမ့ၢ်သးအိၣ်သ့ၣ်ညါဘၣ်ဃးတၢ်အပှ့ၤတဖၣ်န့ၣ် သံကွၢ်နကသံၣ်သရၣ်လၢ တၢ်အလဲတယာ်ဃာ်တချုးလၢနတၢ်လဲၤထံၣ်လိာ်သးဒီးအီၤတက့ၢ်. နကိးစ့ၢ်ကီးလီတဲစိနီၣ်ဂံၢ် လၢနကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံန့ၣ်တက့ၢ်. တၢ်တပၢးလၢလာ်အံၤ ပာ်ဖျါဝဲတၢ်မၤဆီၣ်ထွဲတဖၣ်လၢဘၣ်တၢ်ဟ့ၣ်အပှ့ၤ လၢတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ်လီၤ.
လၢတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ် တၢ်လၢယကတိၤတၢ်သ့ ပူၤဖျဲးဒီးတၢ်ဟ့ၣ်အပှ့ၤန့ၣ်မ့ၢ်တၢ်ဂ့ၢ်မနုၤလဲၣ်.
လၢနတၢ်ဒီသဒၢအတၢ်ကွၢ်ထွဲအပူၤန့ၣ် နကသံၣ်သရၣ်န့ၣ်ကကွၢ်နဆူၣ်ချ့တၢ်ဘၣ်ယိၣ်တဖၣ် ဒီးကတိၤတၢ်ဒီးနၤဘၣ်ဃး:
- နတၢ်အိၣ်ဆူၣ်အိၣ်ချ့တၢ်အိၣ်သးခဲအံၤ
- နဟံၣ်ဖိဃီဖိအတၢ်အိၣ်ဆူၣ်အိၣ်ချ့အတၢ်စံၣ်စိၤတဲစိၤ
- တၢ်ဆူးတၢ်ဆါဒီးတၢ်ကွဲးယါဘျါသးလၢအပူၤကွံာ်တဖၣ်
- နအိၣ်ဒီးတၢ်ဘၣ်ယိၣ်ဘၣ်ဘှီလၢတၢ်အိၣ်သးတခါခါအဖီခိၣ်သ့
- နကပၢၤဃာ်၀ဲဒၣ်တၢ်အိၣ်မူအလုၢ်အလၢ် လၢအဆူၣ်အချ့ဒ်လဲၣ်
တၢ်ဒီသဒၢအတၢ်ကွၢ်ထွဲ ဒီးတၢ်လဲၤထံၣ်လိာ်သးဒီးကသံၣ်သရၣ်န့ၣ် လီၤဆီလိာ်သးဒ်လဲၣ်.
|
တၢ်ထံၣ်လိာ်သးလၢ တၢ်ဒီသဒၢအတၢ်ကွၢ်ထွဲအဂီၢ် |
တၢ်လဲၤထံၣ်လိာ်သးဒီးကသံၣ်သရၣ်တမံၤ |
|
|
တၢ်ဒီသဒၢအတၢ်ကွၢ်ထွဲလၢအကြၢးအဘၣ်န့ၣ် အကါဒိၣ်လၢကပျဲနအိၣ်မူ ထီထီဒီးလၢဆူၣ်ချ့လၢပှဲၤအဂီၢ်န့ၣ်လီၤ. တၢ်ဒီသဒၢတၢ်သမံသမိးမၤကွၢ်န့ၣ် ဒီသဒၢစၢၤတၢ်ဆါတချုးလၢအစးထီၣ် ဒီးဃုထံၣ်တၢ်ဂ့ၢ်ကီတဖၣ်ဆိဆိတချုးလၢအဝဲသ့ၣ်ဒုးကဲထီၣ်တၢ်ဆါဖးဒိၣ်န့ၣ်လီၤ.
နလိၣ်ဘၣ်တၢ်ဒီသဒၢပှဲၤဘျီလဲၣ်ဒီးအကလုာ်ဒ်လဲၣ်န့ၣ် ဒိးသန့ၤအသးလၢ နသးအနံၣ်အလါ, မုၣ်ခွါအတၢ်မ့ၢ်တၢ်, ဆူၣ်ချ့ဒီးဟံၣ်ဃီဆူၣ်ချ့တၢ်စံၣ်စိၤတဲစိၤန့ၣ်လီၤ. ဖးကွၢ်ဘၣ် တၢ်ဟံးစုနဲၣ်ကျဲတဖၣ်လၢ ပိာ်ခွါ, ပိာ်မုၣ်, ဒီးဖိသၣ်တဖၣ်အဂီၢ်လၢ ပ တၢ်ဒီသဒၢအတၢ်ကွၢ်ထွဲလၢပပာ်နီၣ်ဃာ်အီၤတဖၣ် (PDF)န့ၣ်လီၤ.
တၢ်ဒီသဒၢအတၢ်ကွၢ်ထွဲလၢ Blue Cross ဒီး Blue Plus ဟ့ၣ်အပှ့ၤန့ၣ် လီၤဆီလိာ်သး ဒ်တၢ်တိာ်ကျဲၤအသိးန့ၣ်လီၤ. ကိးလီတဲစိနီၣ်ဂံၢ် လၢအအိၣ်လၢနကရူၢ်ဖိတၢ်ကွၢ်နီၣ်ကွၢ်ဃါခးက့ ဒ်သိးကဃုသ့ၣ်ညါလၢ နတၢ်တိာ်ကျဲၤဟ့ၣ်အပှ့ၤမနုၤလဲၣ်အဂီၢ်တက့ၢ်.
ဃုဒိးန့ၢ်ကသံၣ်သရၣ်တဂၤ ဒီးရဲၣ်ကျဲၤနတၢ်ဒီသဒၢအတၢ်ကွၢ်ထွဲတၢ်ထံၣ်လိာ်သးတနံၤညါအံၤတက့ၢ်.
တၢ်ဂ့ၢ်အဂုၤအဂၤဘၣ်ဃး တၢ်ဒီသဒၢအတၢ်ကွၢ်ထွဲဒီတၢ်ဟ့ၣ်အဘူးအလဲ
တၢ်မၤကွၢ်နီၢ်ခိဒီးတၢ်ဒီသဒၢအတၢ်လဲၤထံၣ်လိာ်တနံၣ်တဘျီ
တၢ်ဒီသဒၢအတၢ်ကွၢ်ထွဲလၢပိာ်ခွါတဖၣ်အဂီၢ်
တၢ်ဒီသဒၢအတၢ်ကွၢ်ထွဲ လၢပိာ်မုၣ်တဖၣ်အဂီၢ်
တၢ်ဒီသဒၢအတၢ်ကွၢ်ထွဲဒ်နသးပှၢ်ထီၣ်အသိး
ကသံၣ်လၢတၢ်ဃုထၢအီၤသ့: တၢ်မနုၤတဖၣ်န့ၣ် ပူၤဖျဲး၀ဲဒၣ် ဒီးတၢ်မနုၤတဖၣ်န့ၣ် ဘၣ်တၢ်ကျၢၢ်ဘၢအီၤလဲၣ်
တၢ်ဆဲးထးကူစါယါဘျါ:ဆူၣ်ချ့တၢ်အုၣ်ကီၤကျၢၢ်ဘၢပၣ်ဃုာ်မနုၤတဖၣ်လဲၣ်?
တၢ်အုၣ်ကီၤသးန့ၣ်မ့ၢ်အဟ့ၣ်ဝဲတၢ်လၢာ်ဘူၣ်လၢာ်စ့လၢတၢ်ကူစါဃံအဆၢတၢ်အံးထွဲကွၢ်ထွဲအဂီၢ်စ့ၣ်ဧါ.
ကျဲလၢဆူၣ်ချ့လံာ်နဲၣ်ကျဲတဖၣ်မၤစၢၤနၤသ့