မဲမိၣ်ကရဲၣ်တမံၤမ့ၢ် မ့ၢ်ဒၣ်တၢ်ဒီသဒၢအတၢ်ကွၢ်ထွဲတၢ်သမံသမိးတမံၤ လၢအဃုထံၣ်စၢၤနုၢ်ခဲစၢၣ်တၢ်ဆါန့ၣ်လီၤ. မ့ၢ်ဃုထံၣ်နုၢ်ခဲစၢၣ်တၢ်ဆါဆိဆိန့ၣ် ညီဒိၣ်လၢကကူစါတၢ်ဆါအဂီၢ်န့ၣ်လီၤ.
Blue Cross စံးဆၢဝဲတၢ်သံကွၢ်ညီနုၢ်တဖၣ် ဘၣ်ဃးမဲမိၣ်ကရဲၣ်တဖၣ် ဒီးကဘၣ်ပာ်ဆူၣ်ချ့နသးလၢတၢ်ဒုးနုၢ်ခဲစၢၣ်တၢ်ဆါအပူၤန့ၣ်လီၤ. နမ့ၢ်ကြၢးဒီးတၢ်ဟ့ၣ်ကူၣ်လၢမဲမိၣ်ကရဲၣ်တၢ်ကွၢ်သမံသမိးန့ၣ် သုးကျဲၤတၢ်ဆၢကတီၢ်လၢနတၢ်ထံၣ်လိာ်သးဒီးကသံၣ်သရၣ်တနံၤအံၤတက့ၢ်.
မဲမိၣ်ကရဲၣ်န့ၣ် မ့ၢ်တၢ်မနုၤလဲၣ်.
မဲမိၣ်ကရဲၣ်န့ၣ် မ့ၢ်တၢ်ဒိယဲၤဖျါနုၢ်လၢအပိာ်လိာ်ထီၣ်အခံတမံၤဘၣ်တမံၤ အဃိကသံၣ်သရၣ်တဖၣ်န့ၣ် ကွၢ်ဝဲနုၢ်ထ့းရှူတဖၣ် လၢခဲ(လ)စံၣ်ယၢၣ်အသံးအကာ်အပနီၣ်တဖၣ် လၢအအိၣ်ဖျါဒ်တၢ်အဖီးဝါဖိတဖၣ်လၢ တၢ်ယဲၤဖျါအလိၤန့ၣ်လီၤ.
လၢ Minnesota န့ၣ် နုၢ်ခဲစၢၣ်တၢ်ဆါန့ၣ် ကဲထီၣ်အါထဲလဲၣ်.
Minnesota ဆူၣ်ချ့ဝဲၤကျိၤ စံးဝဲလၢ အါတက့ၢ် ပိာ်မုၣ်လၢအအိၣ်လၢ Minnesota လၢအဘၣ်တၢ်ဃုထံၣ်လၢအိၣ်ဒီးနုၢ်ခဲစၢၣ်တၢ်ဆါန့ၣ် တအိၣ်ဒီးတၢ်လီၤဘၣ်ယိၣ်လၢအသ့ၣ်ညါဝဲဘၣ်.
နုၢ်ခဲစၢၣ်တၢ်ဆါန့ၣ် မ့ၢ်တၢ်ဆါလၢအကဲထီၣ်အါကတၢၢ်လၢပိာ်မုၣ်တဖၣ် ဒီးမ့ၢ်ဝဲတၢ်ဂ့ၢ်ကျိၤလၢအဒုးအိၣ်ထီၣ်တၢ်သံလၢခဲစၢၣ်လၢပိာ်မုၣ်အကျါအဒိၣ်ကတၢၢ်ခံမံၤတမံၤန့ၣ်လီၤ. တၢ်ကစီၣ်လၢအဂ့ၤ: တၢ်ဒိမဲမိၣ်ကရဲၣ်န့ၣ် မၤစၢၤဃုထံၣ်တၢ်ဆါဒီးကူစါအီၤဆိဆိ လၢအမၤစှၤလီၤတၢ်သံအါမးန့ၣ်လီၤ.
ယကဘၣ်ဒိမဲမိၣ်ကရၣ်ဖဲလဲၣ်အဆၢကတီၢ်လဲၣ်.
ပိာ်မုၣ်ခဲလၢာ်လၢအသးပှၢ်န့ၣ် 40 နံၣ်န့ၣ် ကြၢးဘၣ်တၢ်ကွၢ်သမံသမိးအီၤ အစှၤကတၢၢ်တနံၣ်ခံဘျီန့ၣ်လီၤ. နဟံၣ်ဖိဃီဖိန့ၣ်မ့ၢ်အိၣ်ဒီး နုၢ်ခဲစၢၣ်အတၢ်စံၣ်စိၤတဲစိၤန့ၣ် နကသံၣ်သရၣ်ကဃ့ထီၣ် မဲမိၣ်ကရဲၣ်ဆိဆိမ့တမ့ၢ်ခဲအံၤခဲအံၤန့ၣ်လီၤ.
ယကဘၣ်လဲၤဒိးန့ၢ်တၢ်ကွၢ်သမံသမိးဖဲလဲၣ်.
လၢနကဒိးန့ၢ်တၢ်ကွၢ်သမံသမိလၢနပှၤတဝၢအပူၤန့ၣ် ညီ၀ဲလံ. ကွၢ်ဃုတၢ်လီၢ်လၢအဂ့ၤကတၢၢ်လၢနဂီၢ်တက့ၢ်:
- တၢ်ဆါဟံၣ်လၢပှၤဆါတအိၣ်လၢမုၢ်နၤ မ့တမ့ၢ်ယဲၤဖျါတၢ်ဆါဟံၣ်လီၢ်ခၢၣ်သးလၢပှၤဆါတအိၣ်လၢမုၢ်နၤ
- တၢ်ဒိမဲမိၣ်ကရဲၣ်လၢအသုးလီၢ်သုးကျဲသ့ လၢတၢ်မၤလီၢ်မ့တမ့ၢ်ကၠိ
- တၢ်ဆါဒၢးလီၤဆီလၢ တၢ်ကွၢ်သမံသမိးခဲစၢၣ် မ့တမ့ၢ်ပိာ်မုၣ်ဆူၣ်ချ့အဂီၢ်
လၢမဲမိၣ်ကရဲၣ်တၢ်ထံၣ်လိာ်သးဒီးကသံၣ်သရၣ်န့ၣ် တၢ်ကဲထီၣ်မနုၤလဲၣ်.
ဒ်သိးကကတဲာ်ကတီၤမဲမိၣ်ကရဲၣ်အဂီၢ်န့ၣ် ဟးဆှဲးတၢ်စူးကါကသံၣ်ဖှူတဖၣ် မ့တမ့ၢ်တၢ်နၢမူ တချုးလၢနတၢ်ထံၣ်လိာ်သးဒီးကသံၣ်သရၣ်တက့ၢ်. အဝဲန့ၣ်ယံာ် 30 န့ၣ်လီၤ.
လၢနတၢ်ထံၣ်လိာ်သးန့ၣ် ပှၤစဲၣ်နီၤစဲးဖီကဟၣ်တဂၤန့ၣ် ကဒိတၢ်ဂီၤခံဘ့ၣ် လၢနုၢ်ခံခီလိာ်လၢအနၢၣ်ကိးကပၤဒဲးန့ၣ်လီၤ. လၢခံန့ၣ် ပှၤဒိယဲၤဖျါတဂၤန့ၣ် ကကွၢ်ကဒါက့ၤတၢ်ယဲၤဖျါတဖၣ် ဒီးနမ့ၢ်ဘၣ်တၢ်ကွၢ်သမံသမိးလၢအပူၤကွံာ်န့ၣ် အဝဲကထိၣ်သတြီၤအီၤလၢ နတၢ်ယဲၤဖျါအဂၤတဖၣ်လၢအပူၤကွံာ်န့ၣ်လီၤ.
နတၢ်ယဲၤဖျါတဖၣ်န့ၣ် မ့ၢ်တပာ်ဖျါခဲ(လ)စံၣ်ယၢၣ်အသံးအကာ်ပနီၣ်န့ၣ် နကဘၣ်ဘိးဘၣ်သ့ၣ်ညါလၢလံာ်ပရၢ လၢနမဲမိၣ်ကရဲၣ်န့ၣ်ပာ်ဖျါဝဲ နုၢ်ထ့းရှူလၢအမူၤနီၢ်ဒီးဆူၣ်ချ့န့ၣ်လီၤ.
ကသံၣ်သရၣ်န့ၣ် မ့ၢ်အိၣ်ဒီးတၢ်ဘၣ်ယိၣ်ဘၣ်ဃး ယတၢ်ယဲၤဖျါတဖၣ်န့ၣ် ကဘၣ်မၤမနုၤလဲၣ်.
တၢ်ယဲၤဖျါတဖၣ်မ့ၢ်ပာ်ဖျါခဲ(လ)စံၣ်ယၢၣ်အသံးအကာ်ပနီၣ် မ့တမ့ၢ်နုၢ်ထ့းရှူတမူၤတနီၢ်န့ၣ် အ၀ဲကကိးလီတဲစိဆူနအိၣ် ဒီးကနဲၣ်နၤကျဲလၢတၢ်မၤလၢခံအဆီတဖၣ်အဂီၢ် ဒ်သိးတၢ်ဒိကဒီးမဲမိၣ်ကရဲၣ် မ့တမ့ၢ်တၢ်ဒိကွၢ်နီၢ်ခိက့ၢ်ဂီၤဒွဲ ဒ်သိးကထံၣ်နနုၢ်ထ့းရှူအါထီၣ်န့ၣ်လီၤ. တၢ်ယဲၤဖျါတဖၣ်န့ ၣ်မ့ၢ်ပာ်ဖျါနုၢ်ထ့းရှူတမူၤတနီၢ်န့ၣ် ကသံၣ်သရၣ်ကဃ့ထီၣ်တၢ်ထုးထီၣ်သမံးသမိးစဲ(လ)မိၢ်ပှၢ်န့ၣ်လီၤ.
နုၢ်ခဲစၢၣ်တၢ်ဆါအတၢ်ဘၣ်ယိၣ်တနီၤမ့ၢ်မနုၤလဲၣ် ဒီးဒ်သိးကမၤစှၤလီၤတၢ်ဘၣ်ယိၣ်အံၤအဂီၢ် ယမၤတၢ်မနုၤကသ့လဲၣ်.
တၢ်ဘၣ်ယိၣ်ဂ့ၢ်ကျိၤတဖၣ်လၢ နုၢ်ခဲစၢၣ်တၢ်ဆါအဂီၢ်တဖၣ် ပာ်ဃုာ်ဒီး:
- ပိာ်မုၣ်တဖၣ်လၢအသးအိၣ်ဘျဲၣ်50နံၣ်
- ဟံၣ်ဖိဃီဖိန့ၣ် မ့ၢ်အိၣ်ဒီး နုၢ်ခဲစၢၣ်အတၢ်စံၣ်စိၤတဲစိၤ
- တၢ်ကဲထီၣ်မုၣ်လိၣ်ဘိဆိဆိ (နပိာ်မုၣ်လုၢ်လၢ်ဟဲဆိန့ၢ်သး 13နံၣ်)
- တၢ်ဒၢထီၣ်ဖိအတၢ်စံၣ်စိၤတဲစိၤ လၢအပာ်ဃုာ်ဒီးနတဒၢထီၣ်ဖိနီတဘျီ မ့တမ့ၢ်နဒၢထီၣ်ဖိအခီၣ်ထံးတဘျီန့ၣ် ဖဲသး 35 နံၣ်အဘျဲၣ်
- နဆူၣ်ချ့တၢ်အိၣ်သးခဲအံၤ လီၤဆီဒၣ်တၢ် နမ့ၢ်အိမီၣ် မ့တမ့ၢ်ဘီၣ်တလၢ မ့တမ့ၢ်အီသံးတလၢ
နမၤစှၤလီၤနနုၢ်ခဲစၢၣ်တၢ်ဘၣ်ယိၣ် ခီဖျိတၢ်ဃုထၢဆူၣ်ချ့တၢ်မၤတဖၣ်ဒ်သိး:
- တဘၣ်အိမီၣ်တဂ့ၤ
- တြီသံးအတၢ်ပှဲၤအံၤပှဲၤနုၤလၢနအီ
- အီၣ်တၢ်အီၣ်ဆူၣ်ချ့ ဒီးပၢၤဃာ်နီၢ်အဃၢလၢအကြၢးအဘၣ်
- ဟူးဂဲၤဖံးမၤနီၢ်ခိဘၣ်ဆၢဘၣ်ကတီၢ်
- မၤညီနုၢ်နသးလၢနနုၢ်တဖၣ် ဒီးနမ့ၢ်ပာ်သူၣ်ပာ်သးတၢ်ဆီတလဲတဖၣ် ဒ်သိးတၢ်ကိၢ်လိၣ်တဖၣ်, တၢ်ဆီတလဲလၢအက့ၢ်အဂီၤမ့တမ့ၢ်တၢ်ထံဟးထီၣ်တဖၣ်မ့ၢ်အိၣ်န့ၣ် ကတိၤတၢ်ဒီးနကသံၣ်သရၣ်
ယဆူၣ်ချ့တၢ်တိာ်ကျဲၤန့ၣ် ဟ့ၣ်အဘူးအလဲလၢမဲမိၣ်ကရဲၣ်တဖၣ်အဂီၢ်ဧါ.
Blue Cross ဒီး Blue Plus ဆူၣ်ချ့တၢ်တိာ်ကျဲၤတဖၣ်န့ၣ် ဟ့ၣ်အဘူးအလဲလၢ 2D ဒီး 3D တၢ်ဒီသဒၢတၢ်ကွၢ်သမံသမိးမဲမိၣ်ကရဲၣ်ခံမံၤလၢာ် ဒီးကရူၢ်ဖိတဖၣ်န့ၣ် တလိၣ်ဟ့ၣ်အပှ့ၤဖဲနစူးကါကသံၣ်သရၣ်လၢတၢ်တိာ်ကျဲၤဘျးစဲပူၤန့ၣ်လီၤ. မဲမိၣ်ကရဲၣ်အဂၤတဖၣ်န့ၣ် ဘၣ်သ့ၣ်သ့ၣ်ကလိၣ်ဘၣ်တၢ်ဟ့ၣ်သဃဲၤအဘူးအလဲန့ၣ်လီၤ. ဒ်ညီနုၢ်အသိး မၤလီၤတံၢ်လၢကခံကွၢ်စီကွၢ်နတၢ်တိာ်ကျဲၤတၢ်ဟ့ၣ်အဘူးအလဲလီၤဆီ ဒီးဃုဒိးန့ၢ်ကသံၣ်သရၣ်လၢတၢ်တိာ်ကျဲၤဘျးစဲပူၤတက့ၢ်.
တၢ်ဂ့ၢ်အဂၤဘၣ်ဃးဒီးတၢ်ဒီသဒၢအတၢ်ကွၢ်ထွဲ
တၢ်ဟ့ၣ်ကူၣ်ဟ့ၣ်ဖး ဘၣ်ဃးဒီးတၢ်ဒီသဒၢအတၢ်ကွၢ်ထွဲတၢ်မၤ
တၢ်ဒီသဒၢအတၢ်ကွၢ်ထွဲ လၢပိာ်မုၣ်တဖၣ်အဂီၢ်