တၢ်သမံသမိးနီၢ်ခိန့ၣ် မ့ၢ်တၢ်မနုၤလဲၣ်. အဝဲသ့ၣ်တဖၣ်န့ၣ် မ့ၢ်တၢ်ဒ်သိးသိးဒီးတၢ်ဒီသဒၢအတၢ်ကွၢ်ထွဲတၢ်ထံၣ်လိာ်သးတဖၣ်ဧါ. တနံၣ်ဘၣ်တနံၣ်ဆူၣ်ချ့တၢ်ထံၣ်လိာ်သးန့ၣ် မ့ၢ်တၢ်မနုၤလဲၣ်. နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ် မ့ၢ်မတၤလဲၣ် ဒီးကဘၣ်ကွၢ်ဃုအီၤဒ်လဲၣ်. ပမၤစၢၤနၤသ့လီၤ.
ယကဘၣ်ဒိးန့ၢ်တၢ်သမံသမိးနီၢ်ခိ မ့တမ့ၢ်တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် တလါတနံၣ်ပှဲၤဘျီလဲၣ်.
နမ့မ့ၢ်သးပှၢ်တဂၤလၢအအိၣ်ဆူၣ်ချ့န့ၣ် လိၣ်ဘၣ်ထဲနကထံၣ်လိာ်သးဒီးကသံၣ်သရၣ်ကွၢ်ထွဲမိၢ်ပှၢ်တဂၤ တနံၣ်တဘျီလၢတၢ်သမံသမိးနီၢ်ခိအဂီၢ် လၢအဘၣ်တၢ်သ့ၣ်ညါအီၤဒ် တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ်လီၤ. နမ့ၢ်အိၣ်ဒီးတၢ်ဆါယံာ်ယံာ်ထၢထၢန့ၣ် ဘၣ်သ့ၣ်သ့ၣ် နကသံၣ်သရၣ်ကွၢ်ထွဲမိၢ်ပှၢ်န့ၣ် လိၣ်လၢကထံၣ်ဒီးနၤအဘျီအါထီၣ်လီၤ. လၢဖိသၣ်ဆံးတဖၣ်, ပိာ်မုၣ်လၢအဒၢတဖၣ် မ့တမ့ၢ်ပှၤသးပှၢ်ဒိၣ်တဖၣ်အဂီၢ် တၢ်ထံၣ်လိာ်သးဒီးကသံၣ်သရၣ်န့ၣ် ကြၢးတၢ်ရဲၣ်ကျဲၤအီၤအဘျီအါအါန့ၣ်လီၤ.
နမ့ၢ်လိၣ်ဘၣ်တၢ်ကူစါလီၤဆီန့ၣ် နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ် ကဟ့ၣ်ကူၣ်ကသံၣ်သရၣ်စဲၣ်နီၤတဂၤန့ၣ်လီၤ. နမ့ၢ်ဆဲးလီၤဃာ်မံၤလၢ ဆူၣ်ချ့တၢ်တိာ်ကျဲၤန့ၣ် နတလိၣ်ဘၣ်လံာ်ဆှၢခီလၢကလဲၤထံၣ်လိာ်သးဒီး ကသံၣ်သရၣ်စဲၣ်နီၤအအိၣ်ဘၣ်.
ကဘၣ်မုၢ်လၢ်တၢ်မနုၤလၢတၢ်ဒီသဒၢအတၢ်ကွၢ်ထွဲတၢ်ထံၣ်လိာ်သးလဲၣ်
လၢနတၢ်ဒီသဒၢတၢ်ထံၣ်လိာ်သးန့ၣ် နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ် ကသံကွၢ်နၤတၢ်ဘၣ်ဃးနဆူၣ်ချ့ခဲအံၤ, နဟံၣ်ဃီတၢ်စံၣ်စိၤတဲစိၤ, တၢ်ဆါလၢအပူၤကွံာ်ဒီးတၢ်ကွဲးကူစါတဖၣ် ဒီးတၢ်ဆါယံာ်ယံာ်ထၢထၢတဖၣ် ဒ်သိးကခံကွၢ်စီကွၢ်နဆူၣ်ချ့တၢ်ဘၣ်ယိၣ်န့ၣ်လီၤ. အဝဲကမၤတၢ်သမံးသမိးနီၢ်ခိ ဒ်သိးတၢ်ကွၢ်နတၢ်ပနီၣ်တဖၣ်လၢအကါဒိၣ်မး, ဒိကနၣ်နသးဖျၢၣ်ဒီးပသိၣ်တဖၣ်လၢစတဲာ်သိၣ်စကိး(ကသံၣ်သရၣ်အပီးလီလၢကကနၣ်ပှၤဆါသးဖျၢၣ်စံၣ်ဒီးသါထီၣ်သါလီၤအဂီၢ်), ကွၢ်နနၢ်, မဲာ်ချံ, ကိာ်ယူၢ်, ဖံးဘ့ၣ်, ဟၢဖၢ ဒီးတၢ်အဂၤတဖၣ်န့ၣ်လီၤ.
တကးဒံးဘၣ် ဘၣ်သ့ၣ်သ့ၣ် နကသံၣ်သရၣ်ကမၤတၢ်ကွၢ်သမံသမိးတဖၣ် ကြၢးဒီးနသးအနံၣ်အလါဒီးမုၣ်ခွါအတၢ်မ့ၢ်တၢ် ဒ်သိး:
- ဖိသၣ်တဖၣ်လၢအသးအိၣ် 0-5နံၣ် - ကပာ်ဃုာ် နီၢ်အထီ/အဃၢ, တၢ်ဆဲးကသံၣ်ဒီသဒၢတဖၣ်ဒီးတၢ်ကွၢ်သမံသမိးတၢ်ဒိၣ်ထီၣ်
- ဖိသၣ်တဖၣ်လၢအသးအိၣ် 6-12နံၣ် - ကပာ်ဃုာ် နီၢ်အထီ/အဃၢ, တၢ်ဆဲးကသံၣ်ဒီသဒၢတဖၣ်ဒီးတၢ်သမံသမိးတၢ်ဒိၣ်ထီၣ်အပတီၢ်
- ပိာ်မုၣ်တဖၣ် - ကပာ်ဃုာ်တၢ်သမံသမိးနုၢ်ဒီး Pap တၢ်ခံကွၢ်စီကွၢ်
- သးပှၢ်တဖၣ် - ကပာ်ဃုာ်တၢ်ခံကွၢ်စီကွၢ်ခိၣ်လဲးစထြီဒီးတၢ်ကွၢ်သမံသမိးပှံာ်ပှၢ်ခဲစၢၣ်တၢ်ဆါ
ဒ်နတၢ်ဆါတၢ်ဘၣ်ယိၣ်အသိး နကသံၣ်သရၣ်ကဟ့ၣ်ကူၣ်နၤလၢနဆူၣ်ချ့တၢ်အိၣ်မူကျဲန့ၣ်လီၤ. ဖဲတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်အခါန့ၣ် တၢ်မၤအဘူးအလဲတနီၤန့ၣ် တဘၣ်တၢ်ဟ့ၣ်အီၤဘၣ်အဃိ သံကွၢ်နပှၤမၤဆီၣ်ထွဲတၢ်လၢတၢ်မၤအဆၢကတီၢ် မ့တမ့ၢ်ခံကွၢ်စီကွၢ်တၢ်လၢနဆူၣ်ချ့တၢ်တိာ်ကျဲၤတၢ်တိစၢၤမၤစၢၤလၢပှၤစူးကါတၢ်ဖိအဂီၢ်တက့ၢ်.
တၢ်ဒီသဒၢအတၢ်ကွၢ်ထွဲတၢ်ဟ့ၣ်ကူၣ်တဖၣ် (PDF)
တၢ်ဒီသဒၢအတၢ်ကွၢ်ထွဲတၢ်မၤဆီၣ်ထွဲတၢ်ဂ့ၢ်ဆံးကိာ်တဖၣ် (PDF)
ကဘၣ်ကတဲာ်ကတီၤတၢ်လၢနတၢ်သမံသမိးနီၢ်ခိလၢခံတဘျီဒ်လဲၣ်
နသးကအိၣ်ကတဲာ်ကတီၤတၢ်လၢနတၢ်သမံသမိးနီၢ်ခိ ခီဖျိတၢ်ကွဲးမၤပှဲၤလံာ်အဒိတဖၣ်အဆိ, မၤကသံၣ်ကသီစရီလၢနကအီဘၣ်ဆၢဘၣ်ကတီၢ် ဒီးနီၤဖးတၢ်သံကွၢ်ဒီးတၢ်ဘၣ်ယိၣ်အဂၤတဖၣ်န့ၣ်လီၤ.
တၢ်ဘၣ်ယိၣ်အိၣ်ဘၣ်ဃးတၢ်ဆါပနီၣ်တဖၣ် မ့တမ့ၢ်သးတံာ်တာ်ဘၣ်ဃးနတၢ်အိၣ်ဆူၣ်အိၣ်ချ့ဧါ. သံကွၢ်တၢ်သံကွၢ်ဒ်အံၤတဖၣ်တက့ၢ်:
- တၢ်မနုၤဒုးကဲထီၣ်တၢ်ဂ့ၢ်ကီအံၤလဲၣ်.
- တၢ်ကူစါကျဲလၢပဃုထၢသ့ၣ်တဖၣ် လၢကမၤဆၢက့ၤတၢ်ဂ့ၢ်ကီအံၤန့ၣ် မ့ၢ်မနုၤလဲၣ်.
- ကသံၣ်ကသီလၢနအီတဖၣ်အတၢ်ဒိဘၣ်တဖၣ်န့ၣ် မ့ၢ်တၢ်မနုၤတဖၣ်လဲၣ်.
- တၢ်ကူစါအံၤကဲထီၣ်တၢ်မၤန့ၣ် ယသ့ၣ်ညါကသ့ဒ်လဲၣ်.
- လၢတၢ်မၤပိာ်ထွဲအဂီၢ်ယကဘၣ်ထံၣ်လိာ်သးဒီးနၤအခါဖဲလဲၣ်.
တၢ်ဒီသဒၢအတၢ်ကွၢ်ထွဲမနုၤန့ၣ် ဘၣ်တၢ်ဟ့ၣ်အဘူးအလဲလဲၣ် ဒီးအပှ့ၤထဲလဲၣ်.
ဖိသၣ်ဒီးသးပှၢ်တဖၣ်လၢအအိၣ်ဒီးဆူၣ်ချ့တၢ်အုၣ်ကီၤန့ၣ် အိၣ်ဒီးတၢ်ဒီသဒၢအတၢ်ကွၢ်ထွဲ လၢအပာ်ဃုာ်ဒ် ကီၢ်စၢဖှိၣ်ဟ့ၣ်အပှ့ၤကဲတၢ်ကွၢ်ထွဲသဲစး (လၢတၢ်တိာ်ကျဲၤတဖၣ်လၢအစးထီၣ်ဘၣ်ဃးလၢ မ့တမ့ၢ်လါစဲးပတ့ဘၢၣ် 23, 2010 အဝံၤ)န့ၣ်လီၤ. န ဒိးန့ၢ်သ့တၢ်ကစီၣ်ဘၣ်ဃးတၢ်ဒီသဒၢတၢ်မၤလၢအဘၣ်တၢ်ဟ့ၣ်အဘူးအလဲတဖၣ်လၢ hhs.gov န့ၣ်လီၤ.
Medicare တနံၣ်တဘျီဆူၣ်ချ့တၢ်ထံၣ်လိာ်သးတဖၣ်
နမ့ၢ်အိၣ်ဒီး Medicare န့ၣ်, နကသ့ၣ်ညါတၢ်အမံၤ "ပတူၢ်လိာ်မုာ်နၤလၢ Medicare တၢ်ထံၣ်လိာ်သး" ဒီး "တနံၣ်တဘျီဆူၣ်ချ့တၢ်ထံၣ်လိာ်သး" န့ၣ်လီၤ. Medicare ဟ့ၣ်အဘူးအလဲလၢတၢ်ထံၣ်လိာ်သးတဖၣ်အံၤ ဒီးနတၢ်နီၤဖး B တၢ်ဟ့ၣ်ဆိအဘူးအလဲတမံၤန့ၣ် တဘၣ်ထွဲဒီးအီၤဘၣ်.
နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်တဖၣ်န့ၣ် မ့ၢ်မတၤလဲၣ်.
နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်တဂၤန့ၣ် မ့ၢ်ပှၤဖံးမၤတၢ်ဘၣ်ဃးဆူၣ်ချ့တၢ်ကွၢ်ထွဲ လၢနထံၣ်လိာ်သးလၢတၢ်သမံသမိးနီၢ်ခိ မ့တမ့ၢ်တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် ဒီးကသံၣ်သရၣ်လၢနလဲၤဆူအအိၣ်ဘၣ်ဆၢဘၣ်ကတီၢ်လၢ ဆူၣ်ချ့တၢ်ကွၢ်ထွဲအဂီၢ်န့ၣ်လီၤ. ဃုထၢကသံၣ်သရၣ်တဂၤလၢနနာ်အီၤ ဒီးထံၣ်လိာ်သးဒီးအီၤထီဘိ အဃိဒီးနဆူၣ်ချ့တၢ်ကွၢ်ထွဲန့ၣ် လီၤဂာ်လိာ်သးဒီးဘၣ်လိာ်ဖိးဒ့လိာ်သးန့ၣ်လီၤ.
နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်အိၣ်အကလုာ်ကလုာ်:
- တၢ်မၤထီရီၤ: စဲၣ်နီၤလၢဘၣ်ဆၢဘၣ်ကတီၢ်ဒီးတၢ်ဒီသဒၢအတၢ်ကွၢ်ထွဲ
- တၢ်မၤလၢဟံၣ်ဒူၣ်ဃီထၢအဂီၢ်: စဲၣ်နီၤလၢဘၣ်ဆၢဘၣ်ကတီၢ်ဒီးတၢ်ဒီသဒၢအတၢ်ကွၢ်ထွဲလၢဟံၣ်ဃီအဂီၢ်
- သရၣ်ကူစါက့ၢ်ဂီၤလၢမိၢ်ပှၢ်ပူၤ: စဲၣ်နီၤလၢတၢ်ဒီသဒၢဒီးတၢ်ကူစါသးဖျၢၣ်, ပသိၣ်ဒီးသးပှၢ်တၢ်အိၣ်သးအဂၤတဖၣ်
- ကသံၣ်သရၣ်အိၣ်ဖျဲၣ်န့ၢ်ဖိ/ပှၤစဲၣ်နီၤလၢပိာ်မုၣ်ဒၢလီၢ်က့ၢ်ဂီၤ: စဲၣ်နီၤလၢတၢ်ဒၢထီၣ်ဖိဒီးပိာ်မုၣ်အတၢ်ဒုးလီၤစၢၤလီၤသွဲၣ်
- ဖိသၣ်ကသံၣ်သရၣ်တဖၣ်: စဲၣ်နီၤလၢတၢ်ကူစါဖိသၣ်ဒီးသးစၢ်တဖၣ်, 18 နံၣ်ဒီးစၢ်န့ၢ်အီၤ
- သးပှၢ်ကသံၣ်သရၣ်တဖၣ်: စဲၣ်နီၤလၢတၢ်ကူစါသးပှၢ်တဖၣ်, 65 နံၣ်ဒီးပှၢ်န့ၢ်အီၤ
ဃုနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်တဂၤ လၢဘၣ်ဆၢဘၣ်ကတီၢ်တၢ်လိၣ်ဘၣ်တၢ်ကူစါ ဒ်သိး:
- တၢ်ဒီသဒၢတၢ်ထံၣ်လိာ်သးတဖၣ်, တနံၣ်ဘၣ်တနံၣ်တၢ်သမံသမိး မ့တမ့ၢ်တၢ်လိာ်ခိၣ်လိာ်ကွဲနီၢ်ခိတဖၣ် ဒ်သိးကဃုထံၣ်ဆူၣ်ချ့တၢ်ဘၣ်ယိၣ်တဖၣ်မ့တမ့ၢ်တၢ်ဆါတဖၣ်တချုးလၢအဝဲသ့ၣ်ကဲထီၣ်တၢ်ဂ့ၢ်ကီဖးဒိၣ်တဖၣ်
- တၢ်ဘၣ်ဒိဘၣ်ထံးအဆံးတဖၣ် ဒ်သိးတၢ်ကိၢ်လီၤဘျုး, တၢ်ဘၣ်ကွးမ့တမ့ၢ်ဖံးကဖိထီၣ် လၢအဝဲသ့ၣ်အိၣ်ခိးတချုးလၢတၢ်ဆါဒၢးအိးထီၣ်
- တၢ်အိၣ်တမုာ်အဆံးတဖၣ် ဒ်သိးကိာ်ယူၢ်ညိး, နၢ်ဘၣ်ကူဘၣ်ဂာ်တဖၣ်, ဆံၣ်ဒၢဘၣ်ကူဘၣ်ဂာ်တဖၣ်မ့တမ့ၢ်တၢ်ခုၣ်ဘၣ်/တိးကွ့တၢ်ဆါပနီၣ်တဖၣ်
- သွံၣ်ထံတဘၣ်လိာ်ဘၣ်စးပနီၣ်တဖၣ်, ဖံးဂီၤထီၣ်မ့တမ့ၢ်ဖံးဘ့ၣ်ဘၣ်ကူဘၣ်ဂာ်တဖၣ်
- တၢ်ဆဲးကသံၣ်ဒီသဒၢတဖၣ်/တၢ်မၤဆူၣ်ထီၣ်နီၢ်ခိဂံၢ်တြီဆၢသဟီၣ်
- တၢ်အံးကွၢ်ပၢၤဃာ်က့ၤကသံၣ်ကသီ
- တၢ်ပိာ်ထွဲတၢ်ကွၢ်ထွဲလၢတၢ်ဆါမ့တမ့ၢ်တၢ်ဘၣ်ဒိဘၣ်ထံးဝံၤလီၢ်ခံ
ယကဘၣ်ကွၢ်ဃု နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်တဂၤ လၢတၢ်သမံသမိးနီၢ်ခိအဂီၢ်ဒ်လဲၣ်.
တၢ် Find a Doctor ပီးလီန့ၣ် ဃုစၢၤနၤကသံၣ်သရၣ်တဂၤသ့ - လၢနတၢ်တိာ်ကျဲၤဘျးစဲအပူၤ, လၢနခိၣ်ဃၢၤအပူၤ, ဒီးလၢပှၤသ့ၣ်ညါဘၣ်ဃးနဆူၣ်ချ့တၢ်ကွၢ်ထွဲတၢ်ဘၣ်ယိၣ်တဖၣ်အဂ့ၢ်န့ၣ်လီၤ. ကွဲးနုာ်လီၤနအိၣ်အလီၢ်ဒီးပာ်ဖျါတၢ်ကွၢ်ထွဲမိၢ်ပှၢ် ဒီးနကထံၣ် နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်စရီန့ၣ်လီၤ. လိၣ်လၢနကဘၣ်ဃုထၢနတၢ်တိာ်ကျဲၤဘျးစဲ ဒ်သိးကထံၣ်ကသံၣ်သရၣ်တဖၣ်လၢအပၣ်ဃုာ်လၢနဆူၣ်ချ့တၢ်တိာ်ကျဲၤဘျးစဲပူၤန့ၣ်လီၤ.