ယတၢ်အုၣ်ကီၤတၢ်တိာ်ကျဲၤန့ၣ်ဘၣ်တၢ်ဟ့ၣ်န့ၢ် တၢ်သမံသမိးတချုးအိၣ်ဖျဲၣ် ဒီးတၢ်ကွၢ်ထွဲတၢ်မၤမနုၤတဖၣ်အဘူးအလဲလဲၣ်.
ဆူၣ်ချ့တၢ်အုၣ်ကီၤကတဲာ်ကတီၤပာ်စၢၤတၢ်ဟ့ၣ်အဘူးအလဲတနီၤမ့တမ့ၢ်အပှဲၤ လၢ တချူးအိၣ်ဖျဲၣ်ထီၣ်တၢ်အံးထွဲကွၢ်ထွဲန့ၣ်လီၤ. မိၢ်ဒၢတၢ်အံးထွဲကွၢ်ထွဲပၣ်ဃုာ်ဒီးတၢ်ထံၣ်လိာ်သးဒီးကသံၣ်သရၣ်ဖဲသၢလါတလါ,ဃုလါတလါ ဒီး ခွံတလါတလါလၢအမ့ၢ်ဝဲသၢလါတဘျီဃုာ်ဒီး တၢ်မၤကွၢ်သမံသမိးတဖၣ် ဒီး တၢ်မၤကွၢ်ဒၢးတၢ်မၤန့ၣ်လီၤ. တၢ်ဆၢကတီၢ်လၢဟုးဆါထီၣ်,တၢ်အိၣ်ဖျဲၣ်ထီၣ် ဒီး တၢ်အိၣ်ဖျဲၣ်၀ံၤလီၢ်ခံ လၢတၢ်ဆါဟံၣ်အပူၤန့ၣ်ဘၣ်တၢ်ပာ်ပနီၣ်အီၤလၢမိၢ်ဒၢတၢ်ကွၢ်ထွဲန့ၣ်လီၤ. မၤလီၤတံၢ် ဒ်သိးကသမံသမိး နတၢ်တိာ်ကျဲၤလၢ တၢ်ဟ့ၣ်အဘူးအလဲလီၤတံၢ်လီၤဆဲးအဂီၢ် ဒီး တၢ်ဟ့ၣ်စၢၤတၢ်ပှ့ၤလၢနကဘၣ်ဟ့ၣ်,ဒ်သိး တၢ်ဟ့ၣ်ဆိအဘူးအလဲ, တၢ်ဟ့ၣ်သဃဲၤတဖၣ်မ့တမ့ၢ်တၢ်အုၣ်ကီၤဟ့ၣ်သဃဲၤ
မိၢ်ဒၢတၢ်ကွၢ်ထွဲတၢ်လဲၤထံၣ်လိာ်တဖၣ်သးအကတီၢ်န့ၣ်,ကသံၣ်သရၣ်ကသမံသမိးနနီၢ်ကစၢ်အတယၢၢ် ဒီး သွံၣ်တၢ်ဆီၣ်သနံး,ဒီးလူၤပိာ်ကျဲၤကပူၤလၢဖိသၣ်တၢ်ဒိၣ်ထီၣ်န့ၣ်လီၤ. ကသံၣ်သရၣ်ကဟ့ၣ်နၤတၢ်ဂ့ၢ်တၢ်ကျိၤ,တၢ်ဟ့ၣ်ကူၣ်ဟ့ၣ်ဖး ဒီး တၢ်မၤကွၢ်တဖၣ်ဒ်သိး ကမၤစၢၤ နၤဒီးနဖိဖိတၢ်အိၣ်ဆူၣ်အိၣ်ချ့အဂီၢ်န့ၣ်လီၤ.
နကဘၣ်တၢ်ဒိကွၢ်နနီၢ်ခိအက့ၢ်ဂီၤဒွဲ ဖဲနဒၢထီၣ်ဖိအဆၢကတီၢ်န့ၣ်လီၤ. တၢ်ကမၤကွၢ်ကဒိးတဘျီလၢတၢ်ဒၢထီၣ်ဖိလၢတၢ်ဘၣ်ယိာ်အိၣ်ဒိၣ်တဖၣ်အဂီၢ်,ဃုာ်ဒီး မိၢ်တဖၣ်အနံၣ်35ဒီ:ဆူဖီခိၣ်တဖၣ်အဂီၢ်န့ၣ်လီၤ.
မိၢ်ဒၢတၢ်ကွၢ်ထွဲဆီၣ်ထွဲမၤစၢၤညီနုၢ်တဖၣ်,တၢ်မၤကွၢ်တဖၣ် မ့တမ့ၢ်တၢ်တၢၣ်ပီၣ်ဟ့ၣ်သကိးတၢ်ဂ့ၢ်ခိၣ်တီတဖၣ်မ့ၢ်ဝဲ:
- အိၣ်ဘူးဒီးပှၤလၢစူးကါသံးဒီးညါသူးဒီးနီၢ်ကစၢ်စူးကါသံးဒီးညါသူး
- တၢ်အီၣ်န့ၢ်ဂံၢ်န့ၢ်ဘါ, တၢ်ဃၢအကြၢးအဘၣ်ဒီးနီၢ်ခိတၢ်ဟူးတၢ်ဂဲၤ
- တၢ်ဒုးအီနုၢ်ထံ
- တၢ်အီဖီလ့းအဲးစ့းကသံၣ်တဖၣ် ဒီး ကသံၣ်န့ၢ်ဂံၢ်န့ၢ်ဘါ(ဝံးတမံၤ)လၢမိဒၢအဂီၢ်တဖၣ်
- တၢ်သမံသမိးဆံၣ်ဆၢတၢ်ဆါလၢဒၢကတီၢ် (GDM)
- တၢ်သမံသမိးကွၢ်တၢ်ဘၣ်ကူဘၣ်ဂာ် (ကရူၢ် B စထြဲးဘဲးတံရံယါ,သူၣ်ညိး ဆါ B, HIV ဒီးတၢ်ဆါအဂၤတဖၣ်)
- တၢ်သမံသမိးကွၢ် သွံၣ်ဂံၢ်စၢ်ဘါစၢ်တၢ်ဆါဒီး Rh တၢ်ဘၣ်လိာ်ဘၣ်စး
- တၢ်ဆဲးကသံၣ်ဒီသဒၢလၢအဘၣ်တၢ်ဃုထၢဃာ်တဖၣ် (မ့ၢ်ဘၣ်တၢ်ဟ့ၣ်ခွဲးလၢ FDA ဒ်တၢ်ဘၣ်ယိာ်တအိၣ်လၢပိာ်မုၣ်တဖၣ်အဂီၢ်)
တၢ်မၤကွၢ်ဒီးတၢ်ဂဲၤဒိကွၢ်ဒ်လဲၣ်တဖၣ်န့ၣ်ကလိၣ်၀ဲလၢယဖိအိၣ်ဖျဲၣ်ဝံၤတဘျီဃီန့ၣ်လဲၣ်?
- တၢ်ကွၢ်သမံသမိးမဲးထၢၣ်ဘီလံးစၢၣ် (နီၢ်ခိပူၤဂာ်တၢ်ဆီတလဲကဲထီၣ်လၢအဆီတလဲတၢ်အီၣ်ဆူဂံၢ်ဘါ)ဒီးတၢ်နၢ်ဟူ
- အဲၣ်သရိၣ်မဲၣ်စ့ၣ်မဲာ်ချံကသံၣ်သိပံာ်
- တၢ်ဆဲးဝံးတမံၣ် K ဒ်သိးကဒီသဒၢတၢ်သွံၣ်ယွၤတၢ်ဆါအဂီၢ်
- တၢ်ကွၢ်သမံသမိးဖံးဘီတၢ်ဆါ
- ကသံၣ်ဒီသဒၢသူၣ်ညိးတၢ်ဆါ B
တချုးလၢနဟးထီၣ်လၢတၢ်ဆါဟံၣ်န့ၣ် နကဒိးန့ၢ်တၢ်ဟ့ၣ်ကူၣ်လၢတၢ်အီၣ်န့ၢ်ဂံၢ်ဘါ,တၢ်ဆဲးန့ၢ်ကသံၣ်ဒီသဒၢတၢ်ဆါတဖၣ် ဒီး နဖိအိၣ်ဖျဲၣ်သီအတၢ်ဆူၣ်ချ့ဒိၣ်ထီၣ်အဂီၢ်န့ၣ်လီၤ. သုးကျဲၤတၢ်သမံသမိးပိာ်ထွဲတဖၣ်လၢနဖိလၢဖိသၣ်ကသံၣ်သရၣ် မ့တမ့ၢ်ဟံၣ်ဖိဃီဖိကသံၣ်သရၣ်တက့ၢ်.
တၢ်ဒၢထီၣ်ဖိတၢ်အံးထွဲကွၢ်ထွဲ ဒီး တၢ်ကဲထီၣ်မိၢ်တၢ်ပၢဆှၢရဲၣ်ကျဲၤ
Blue Cross and Blue Shield of Minnesota မ့တမ့ၢ် Blue Plus ကရူၢ်ဖိတဂၤစုာ်စုာ်ဆဲးလီၤအမံၤသ့လၢပ တၢ်ကထီၣ်မိၢ်တၢ်ပၢဆှၢရဲၣ်ကျဲၤတၢ်ရဲၣ်တၢ်ကျဲၤန့ၣ်လီၤ. တၢ်ရဲၣ်တၢ်ကျဲၤလၢအဟ့ၣ်မိၢ်တဖၣ်လၢအဒၢထီၣ်လၢအအိၣ်ဒီးတၢ်လဲၤနုာ်အခွဲးဆူ အ့ထၢၣ်နဲၣ်လိၤတၢ်ပီးတၢ်လီဒီးတၢ်အိၣ်ယၢၤတဖၣ် ဒီး ဆူ တၢ်ကဲထီၣ်မိၢ်အပှၤနဲၣ်လိတၢ်န့ၣ်လီၤ. ပှၤနဲၣ်လိတၢ်ဖိန့ၣ်မ့ၢ်၀ဲနၢး(စ)လၢဖျိတၢ်ဒိးစဲးမၤကွၢ်လၢအအိၣ်ဒီးတၢ်လဲၤခီဖျိလၢဘၣ်ဃးဒီးတၢ်အိၣ်ဖျဲၣ်ဖိပီညါန့ၣ်လီၤ. မ့မ့ၢ်တၢ်ဒၢတဒၢန့ၣ်အိၣ်ဒီးတၢ်ဘၣ်ယိၣ်ဒိၣ် ဒီး တၢ်ကဲထီၣ်မိၢ်အပှၤနဲၣ်လိတၢ်ဖိန့ၣ်ကဆဲးကျိးနၤခီဖျိလီတဲစိန့ၣ်လီၤ. တၢ်ဆီၣ်ထွဲမၤစၢၤပာ်ဃုာ်ဒီးတၢ်စံးဆၢတၢ်သံကွၢ်တဖၣ် မ့တမ့ၢ် ဟ့ၣ်တၢ်ဟ့ၣ်ကူၣ်ဟ့ၣ်ဖးတဖၣ်ဘၣ်ဃးဒီးတၢ်ဒၢထီၣ်ဖိ ဒီး ကဘၣ်ပၢၤဃာ်တၢ်အိၣ်ဆူၣ်ချ့ဒ်လဲၣ်,ဆဲးကျၢပာ်ဖှိၣ်ဃုာ်နၤဆူတၢ်ကရၢလၢစူးကါသ့တဖၣ်,မၤစၢၤကတဲာ်ကတီတၢ်လၢ နဖိအတၢ်ဟဲတုၤဃီအဂီၢ်,ဒီးတၢ်ဟ့ၣ်ကူၣ်တဖၣ်လၢကဘၣ်အိၣ်သူၣ်ဖှံသးညီ ဒီးဆူၣ်ချ့ ဒ်လဲၣ် ဖဲ နအိၣ်ဖျဲၣ်ထီၣ်ဖိ၀ံၤအလီၢ်ခံန့ၣ်လီၤ.
ဆူၣ်ချ့ကရၢလၢစူးကါသ့အဂၤအါထီၣ်တဖၣ်လၢမိၢ်တဖၣ်ဒီးဖိလၢအအိၣ်ဖျဲၣ်ထီၣ်သီတဖၣ်အဂီၢ်
Blue Cross ဆူၣ်ချ့တၢ်ရဲၣ်တၢ်ကျဲၤတဖၣ်
ဆူၣ်ချ့တၢ်အုၣ်ကီၤတၢ်ဃုထၢတဖၣ်လၢဖိသၣ်အိၣ်ဖျဲၣ်သီအဂီၢ်
8တၢ်ဟ့ၣ်ကူၣ်တ
ဖၣ်လၢတၢ်ကွၢ်ထွဲမဲဖဲတၢ်ဒၢထီၣ်ဖိအဆၢကတီၢ်
တၢ်ဒီသဒၢအတၢ်ကွၢ်ထွဲလၢဖိသၣ်အိၣ်ဖျဲၣ်သီတဖၣ်အဂီၢ်
ကသံၣ်ဒီသဒၢတဖၣ်လၢဖိသၣ်တဖၣ်အဂီၢ်
တၢ်ဒီသဒၢအတၢ်ကွၢ်ထွဲ လၢပိာ်မုၣ်တဖၣ်အဂီၢ်