ကဘၣ်လဲၤဆူဂ့ၢ်ဂီၢ်အူတၢ်ကွၢ်ထွဲ, ဂ့ၢ်ဂီၢ်အူဒၢး မ့တမ့ၢ်ကသံၣ်သရၣ်ဝဲဒၢးအခါဖဲလဲၣ်

တၢ်အိၣ်ကတဲာ်ကတီၤသးလၢနကမၤတၢ်ဃုထၢလၢအဘၣ်ဖဲတၢ်ဘၣ်ဒိဘၣ်ထံးကဲထီၣ်လၢ တၢ်တပာ်သူၣ်ပာ်သးအကတီၢ် မ့တမ့ၢ်ဖဲနဘၣ်တၢ်ဆါသတူၢ်ကလာ်အခါန့ၣ် မ့ၢ်ဝဲတၢ်ဆိကမိၣ်လၢအဂ့ၤလီၤ.

ဃုဒိးန့ၢ်ကသံၣ်သရၣ်တဂၤ

ဂ့ၢ်ဂီၢ်အူဒၢးတဖၣ် (ER)

ဂ့ၢ်ဂီၢ်အူဒၢးတဖၣ်န့ၣ် အိးထီၣ်၀ဲဒၣ် 24/7 ဒီးမ့ၢ်ဒၣ်တၢ်ကွၢ်ထွဲအလီၢ် လၢနတၢ်ဘူးတၢ်လဲကအါကတၢၢ်အဂီၢ်လီၤ. စူးကါအဝဲသ့ၣ်ထဲလၢတၢ်ဆါနးအဂီၢ် မ့တမ့ၢ် တၢ်ဂ့ၢ်ကီလၢအကဲထီၣ်တၢ်ဘၣ်ယိာ်လၢသးသမူအဂီၢ်တဖၣ်, ဒ်အမ့ၢ်:  

• တၢ်ဘၣ်ဒိဘၣ်ထံးနးနးကျံးကျံး, ပၣ်ဃုာ်ဒီးသွံၣ်ထီၣ်ပီၤယုၤ, တၢ်ဆါမ့ၣ်အူအီၣ်တဖၣ် မ့တမ့ၢ်တၢ်အဃံကၢ်တဖၣ်

သးဖျၢၣ်တၢ်ဆါတၢ်အိၣ်အသးလၢအလိၣ်လၢကလဲၤပၠးလၢဂ့ၢ်ဂီၢ်အူဒၢး:

• တၢ်သါကတံာ်သါတထီၣ်
• တၢ်ထီၣ်
• သးဖျၢၣ်တၢ်ဆါအပနီၣ်တဖၣ်, ဒ်အမ့ၢ်သးနါပှၢ်ဆါ, သါတထီၣ်မ့တမ့ၢ်စု, ချၢဃံမ့တမ့ၢ်ခၣ်ဃံတမုာ်တလၤ
• နီၣ်ခိသံတခီပၤအပနီၣ်တဖၣ်, ဒ်အမ့ၢ်တၢ်ထံၣ်ဆီတလဲသးသတူၢ်ကလာ်, ဂံၢ်ဘါလီၤစၢ်မ့တမ့ၢ်တဲၤတၢ်ကီ၀ဲ

နသးသမူမ့ၢ်အိၣ်လၢတၢ်ဘၣ်ယိာ်အလီၢ်န့ၣ်, ဆဲးကျိးဆူ 911တဘျီဃီတက့ၢ်. 

ဂ့ၢ်ဂီၢ်အူတၢ်ကွၢ်ထွဲအလီၢ်ခၢၣ်သးတဖၣ်

ဂ့ၢ်ဂီၢ်အူတၢ်ကွၢ်ထွဲအလီၢ်ခၢၣ်သးတဖၣ်န့ၣ် အိးထီၣ်ဝဲဒ်တၢ်ဖံးတၢ်မၤအကတီၢ်အသိး ဒီးလၢနွံကတၢၢ်အနံၤတဖၣ် /နံၤသဘျ့တဖၣ် လၢတၢ်ကလဲၤဒိးပၠးသးအဂီၢ်န့ၣ်လီၤ. ဒိးပၠးသးလၢဂ့ၢ်ဂီၢ်အူတၢ်ကွၢ်ထွဲ လီၢ်ခၢၣ်သးဘၣ်ထွဲဒီး (တဘၣ်မ့ၢ်ဖဲတၢ်ဘၣ်ယိာ်အလီၢ်အိၣ်လၢသးသမူအဂီၢ်အခါဘၣ်) တၢ်ဘၣ်ဒိဘၣ်ထံးမ့တမ့ၢ်တၢ်ဆူးတၢ်ဆါလၢအလိၣ်ဘၣ်ဝဲတၢ်ကူစါယါဘျါတဘျီဃီဒ်အမ့ၢ်:  

• စုချံးခီၣ်ချံး, ဖ့ၣ်ဆၢ, ဒီးတၢ်အဃံကၢ်ဆံးဆံးဖိတဖၣ်
• ဃဲာ်ဘၣ်ကူးပတီၢ်မုၢ်ဒီးတၢ်ပူၤလီၢ်မ့ၣ်အူအီၣ်အဆံးဖိတဖၣ်
• တၢ်က့ကွဲၣ်ယိယိတဖၣ်, ဒ်အမ့ၢ်ကိာ်ယူၢ်ဆါ, နၢ်ပူၤတၢ်ဆါနုာ်, ဆံၣ်ဒၢပူၤတၢ်ဆါဃၢ်နုာ်, မ့တမ့ၢ်တၢ်ကိၢ်တၢ်ဂိၢ်/တိးကွ့တၢ်ဆါအပနီၣ်တဖၣ်
• ဖံးဘ့ၣ်လိၤတၢ်ကပြုထီၣ်ဝဲဒီးတၢ်ဆါနုာ်လီၤဝဲ
• မဲာ်ချံဘၣ်ဒိဘၣ်ထံး

လဲၤဒိးပၠးသးလၢကသံၣ်သရၣ်ကွၢ်ပှၤဆါဝဲၤဒၢး 

ကသံၣ်သရၣ်ကွၢ်ထွဲပှၤဆါဝဲၤဒၢးတဖၣ်န့ၣ် ညီနုၢ်အိးထီၣ်ဝဲလၢမုၢ်ဆၣ်တုၤမုၢ်ဖီဖး, ဂီၤ8 နၣ်ရံၣ်တုၤဟါ 5နၣ်ရံၣ်ဒီးတဘျီတခီၣ်လၢ တၢ်ဖံးတၢ်မၤအကတီၢ်တဖၣ်န့ၣ်လီၤ. နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ် မ့ၢ်ဝဲတၢ်အဂ့ၤကတၢၢ်လၢနကလဲၤဒိးပၠးသးဒီးကကတဲာ်ကတီၤန့ၢ်နၤတၢ်အိၣ်ဆူၣ်အိၣ်ချ့အတၢ်လိၣ်တဖၣ်လၢနဂီၢ်ခါဆူညါန့ၣ်လီၤ. လဲၤဒိးပၠးနသးဒီးနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်လၢကသံၣ်ကသီတၢ်ကူစါယါဘျါလၢအလိၣ်တဖၣ် ဒ်အမ့ၢ်:  

• တၢ်ဘၣ်ဒိဘၣ်ထံးအဆံးတဖၣ် ဒ်သိးတၢ်ကိၢ်လီၤဘျုး, တၢ်ဘၣ်ကွးမ့တမ့ၢ်ဖံးကဖိထီၣ် လၢအဝဲသ့ၣ်အိၣ်ခိးတချုးလၢတၢ်ဆါဒၢးအိးထီၣ်
• တၢ်က့ကွဲၣ်ယိယိတဖၣ်, ဒ်အမ့ၢ်ကိာ်ယူၢ်ဆါ, နၢ်ပူၤတၢ်ဆါနုာ်, ဆံၣ်ဒၢပူၤတၢ်ဆါဃၢ်နုာ်, မ့တမ့ၢ်တၢ်ကိၢ်တၢ်ဂိၢ်/တိးကွ့တၢ်ဆါအပနီၣ်တဖၣ်
• သွံၣ်ထံတဘၣ်လိာ်ဘၣ်စးပနီၣ်တဖၣ်, ဖံးဂီၤထီၣ်မ့တမ့ၢ်ဖံးဘ့ၣ်ဘၣ်ကူဘၣ်ဂာ်တဖၣ်
• တၢ်ဒီသဒၢတၢ်ထံၣ်လိာ်သးတဖၣ်, တနံၣ်ဘၣ်တနံၣ်တၢ်သမံသမိး မ့တမ့ၢ်တၢ်လိာ်ခိၣ်လိာ်ကွဲနီၢ်ခိတဖၣ် ဒ်သိးကဃုထံၣ်ဆူၣ်ချ့တၢ်ဘၣ်ယိၣ်တဖၣ်မ့တမ့ၢ်တၢ်ဆါတဖၣ်တချုးလၢအဝဲသ့ၣ်ကဲထီၣ်တၢ်ဂ့ၢ်ကီဖးဒိၣ်တဖၣ်
• တၢ်ဆဲးကသံၣ်ဒီသဒၢတဖၣ်/တၢ်မၤဆူၣ်ထီၣ်နီၢ်ခိဂံၢ်တြီဆၢသဟီၣ်
• ကကတဲာ်ကတီၤန့ၢ်နၤကသံၣ်ကသီတၢ်ကူစါယါဘျါ
• တၢ်ပိာ်ထွဲတၢ်ကွၢ်ထွဲလၢတၢ်ဆါမ့တမ့ၢ်တၢ်ဘၣ်ဒိဘၣ်ထံးဝံၤလီၢ်ခံ

ကသံၣ်ကသီတၢ်ကဟုကယာ် တၢ်ဃုထၢအဂုၤအဂၤတဖၣ်

နနီၢ်ကစၢ်ဆူၣ်ချ့ကသံၣ်သရၣ်မ့ၢ်တၢ်ဃုထၢအဂ့ၤကတၢၢ်လၢနကဒိးန့ၢ်တၢ်ကူစါယါဘျါညီနုၢ်အဂီၢ်လီၤ. ဘၣ်ဆၣ်ဒီး, တၢ်ဃုထၢတဖၣ်အံၤ ကမၤစၢၤနၤလၢကျိၤကျဲလၢညီဒီးချ့ဒီးတၢ်လၢာ်ဘူၣ်လၢာ်စ့ၤ-လၢနပှ့ၤကဲၤ လၢနကဒိးန့ၢ်တၢ်ကဟုကယာ်လၢ တၢ်ဘၣ်ဒိဘၣ်ထံးအဆံးတဖၣ် ဒီးတၢ်က့ကွဲၣ်ယိယိတဖၣ်အဂီၢ်လီၤ.

ဆိကမိၣ်တဲာ် ကသံၣ်ဒၢးလၢတလိၣ်တၢ်သ့ၣ်ဆၢဖးကတီၢ် ဟ့ၣ်တၢ်ကဟုကယာ်လၢအချ့, အညီဒီးတၢ်လၢာ်ဘူၣ်လၢာ်စ့ၤ-ပှ့ၤကဲဝဲတက့ၢ်. ဃုကွၢ်ကသံၣ်ဒၢးလၢတလိၣ်တၢ်သ့ၣ်ဆၢဖးကတီၢ် လၢတၢ်ဆါတၢ်ပှ့ၤအကျးဖးဒိၣ်, ကျးဖးဒိၣ်မ့တမ့ၢ်ကသံၣ်ကသီကျး, မ့တမ့ၢ်လၢတၢ်ဖံးတၢ်မၤအပူၤတက့ၢ်. တၢ်လၢာ်ဘူၣ်လၢာ်စ့ၤန့ၣ် ကအိၣ်ဒၣ်ထဲတၢ်လဲၤဒိးပၠးသးလၢကသံၣ်သရၣ်ကွၢ်ပှၤဆါဒၢးအဘူးအလဲတဝာ်ဧိၤလီၤ.

ဃုာ်ဒီးကသံၣ်သရၣ် လၢအ့ထၢၣ်နဲးလိၤတၢ်တိစၢၤမၤစၢၤတဖၣ်, နကတိၤသကိးတၢ်ဒီးကသံၣ်သရၣ်လၢ ကမံးတံာ်မိၢ်ပှၢ်ဟ့ၣ်တၢ်အုၣ်ကီၤ ခီဖျိတၢ်ဂီၢ်မူအပူၤလၢတၢ်အဘူးအလဲစှၤဝဲ, မ့တမ့ၢ် တဘျီတခီၣ် တၢ်လၢာ်ဘူၣ်လၢာ်စ့ၤတအိၣ်ဝဲဒိးသန့ၤထီၣ်သးလၢန ဆူၣ်ချ့တၢ်တိာ်ကျဲၤ အဖီခိၣ်န့ၣ်လီၤ.  မၤလိအါထီၣ် ဘၣ်ဃး Doctor On Demand တၢ်ဒုးနဲၣ်သးလၢ အ့ထၢၣ်နဲးပူၤ အဂ့ၢ်တက့ၢ်.

ဘၣ်သ့ၣ်သ့ၣ်န ဆူၣ်ချ့တၢ်တိာ်ကျဲၤ ကဟ့ၣ်နၤအခွဲးလၢကတဲတၢ်ဒီးနၢး(စ)လၢဖျိတၢ်ဒိးစဲးမၤကွၢ်တဂၤ ခီဖျိလီတဲစိ ဒီးအချုး၀ဲ 24-နၣ်ရံၣ်လၢ နၢး(စ) လီတဲစိကျိၤ ဘၣ်ဃးဒီး နဆူၣ်ချ့တၢ်ဘၣ်ယိၣ်တဖၣ်အဂီၢ်န့ၣ်လီၤ.