နကဒီသဒၢနဟံၣ်ဖိဃီဖိဒီးဆူၣ်ချ့တၢ်အုၣ်ကီၤန့ၣ်မ့ၢ်ဒၣ်တၢ်လၢအရ့ဒိၣ်လီၤ. ဘၣ်ဆၣ်နဆူၣ်ချ့တၢ်တိာ်ကျဲၤန့ၣ် ကအုၣ်ကီၤ နဟံၣ်ဖိဃီဖိကိးဂၤဒဲးစ့ၣ်ဧါ. တၢ်သံကွၢ်လၢပှၤသံကွၢ်အီၤညီနုၢ်တဖၣ်ဘၣ်ဃး ဒီး တၢ်အုၣ်ကီၤဟံၣ်ဖိဃီဖိအဂ့ၢ်န့ၣ်လီၤ.
တၢ်သံကွၢ်ညီနုၢ် FAQs Blue Cross ကရူၢ်ဖိအဂီၢ်
တၢ်သံကွၢ်: မတၤဒိးန့ၢ်ဘၣ် တၢ်အုၣ်ကီၤခီဖျိ ယဆူၣ်ချ့တၢ်အုၣ်ကီၤန့ၢ်ဝဲလဲၣ်.
တၢ်စံဆၢး နဟံၣ်ဖိဃီဖိအါတက့ၢ်လၢမ့ၢ်တုၤထီၣ်ဘးဒီးဆူၣ်ချ့တၢ်တိာ်ကျဲၤအလံာ်အၢၣ်လီၤအီလီၤအတၢ်ဘျၢလၢအအိၣ်ဖျါဝဲဒၣ်ဖဲန့ၣ်န့ၣ် အဝဲသ့ၣ်ဒိးန့ၢ်ဘၣ်တၢ်အုၣ်ကီၤန့ၢ်ဝဲန့ၣ်လီၤ. ညီနုၢ်ဟံၣ်ဖိဃီဖိတဖၣ်အံၤကပၣ်ဃုာ်ဝဲဒီး:
- မါမ့တမ့ၢ်ဝၤလၢအဖိးသဲစး
- ဖိဟဲလီၤစၢၤလီၤသွၣ်လၢနၤ ဒီး ဖိယၢ်
- ဖိလၢနလုၢ်ဖိအီၤ ဒီ:ဖိလၢနၤ မ့တမ့ၢ် နသးသမူတံၤသကိးကလုၢ်ဖိအီၤတဂၤ
- ဖိသၣ်လၢနၤ မ့တမ့ၢ် နမါနဝၤ န့ၢ်စိန့ၢ်ကမီၤဝဲဒၣ်လၢကကွၢ်ထွဲအီၤလၢအဖိးသဲစး
- ဖိၣ်သၣ်ပှၤကွၢ်လုၢ်အီၤလၢနၤမ့တမ့ၢ်နမါနဝၤန့ၢ်စိန့ၢ်ကမီၤလၢကကွၢ်ထွဲအီအဂီၢ်
- လံၤဖိလၢနၤမ့တမ့ၢ်နမါနဝၤကွၢ်ဒိၣ်ထီၣ်အီၤစးထီၣ်လၢအအိၣ်ဖျဲၣ်ထီၣ်လံၤလံၤ ဒီးအဝဲဒိးသန့ၤထီၣ်သးလၢနၤလၢကျိၣ်စ့အကပၤ*
- ဖိသၣ်လၢအဒိးန့ၢ်ဘၣ် နဆူၣ်ချ့တၢ်အုၣ်ကီၤန့ၢ်ဝဲတဖၣ်ခီဖျိလံာ်လၢရူၢ်ထုးထီၣ်အီၤ ဒီးဟ့ၣ်စိဟ့ၣ်ကမီၤနၤလၢကကွၢ်ထွဲအီၤလၢဆူၣ်ချ့ကပၤ
- ဖိသၣ်ဒိးသန့ၤထီၣ်သးလၢနၤအိၣ်ဒီးနီၢ်ခိက့ၢ်ဂီၤတလၢတပှဲၤတဂၤ ဒီးအသးနံၣ်အါန့ၢ်26လၢကြၢးဝဲဘၣ်ဝဲ
- နသးသမူတံၤသကိးလၢတဖျီသးဘၣ်ဒီး နၤတဂၤ*
- သးသမူတံၤသကိးလၢတဖျီဘၣ်သးတဂၤအဖိ*
*တၢ်မၤကစၢ်လၢအဟ့ၣ်နီၢ်ကစၢ်တၢ်အုၣ်ကီၤအတၢ်တိာ်ကျဲၤတဖၣ်န့ၣ် ဘၣ်သ့ၣ်သ့ၣ် တအုၣ်ကီၤပှၤဒိးသန့ၤသးသ့ၣ်တဖၣ်အံၤဘၣ်.
တၢ်သံကွၢ်: ဖိသၣ်လၢအဒိးသန့ၤသးလၢယၤတဂၤန့ၣ် ဒိးန့ၢ်ဘၣ်ယဆူၣ်ချ့တၢ်အုၣ်ကီၤကသ့ယံာ်ထဲလဲၣ်.
တၢ်စံးဆၢ: နဖိကြၢးဝဲဘၣ်ဝဲတဂၤန့ၣ် ဆဲးပၣ်ဃုာ်ဒီးနတၢ်တိာ်ကျဲၤ သ့တုၤလၢအသးနံၣ်အိၣ် 26 နံၣ်န့ၣ်လီၤ. နဆူၣ်ချ့တၢ်တိာ်ကျဲၤ လၢအအုၣ်ကီၤနဖိန့ၣ် ကကတၢၢ်ကွံာ်ဝဲလၢနဖိ 26 th တၢ်အိၣ်ဖျဲၣ်မုၢ်နံၤန့ၣ်လီၤ.
နဖိလၢအဒိၣ်တုာ်ခိၣ်ပှဲၤ ဒီးအသးနံၣ်အိၣ်26တဂၤန့ၣ် ကဘၣ်ဆဲးလီၤမံၤလၢအနီၢ်ကစၢ်တၢ်တိာ်ကျဲၤပူၤ တချုးအသးပှဲၤထီၣ်26နံၣ် လၢ60သီအတီၢ်ပူၤန့ၣ်လီၤ. အအံၤမၢ်ဒၣ်တၢ်လၢအရ့ဒိၣ်တမံၤလၢနကနီၢ်ဘၣ်အီၤအဂီၢ်
မ့ၢ်လၢတၢ်ဆဲးလီမံၤလီၤဆီအကတီၢ်အံၤမ့ၢ်လၢာ်ကွံာ်ဝဲန့ၣ်
ဘၣ်သ့ၣ်သ့ၣ်အဝဲဘၣ်ခိးတုၤလၢတၢ်ဆဲးလီၤမံၤအကဟီၢ်အိးထီၣ်အသး လၢခံတဘျီန့ၣ်လီၤ. မ့ၢ်ဒ်န့ၣ်န့ၣ် ဘၣ်သ့ၣ်သ့ၣ်တၢ်တအုၣ်ကီၤအီၤလၢအကတီၢ်ဖုၣ်ကိာ်ဖိအဂီၢ်လီၤ.
တၢ်သံကွၢ်း ယဖိလၢအဖျီအသးဝံၤလံတဂၤန့ၣ်ဆဲးလီၤမံၤလၢယတၢ်တိာ်ကျဲၤအကျါသ့ဧါ.
တၢ်စံးဆၢး ဖိသၣ်ကြၢးဝဲဘၣ်ဝဲတဂၤ အဝဲမ့ၢ်အိၣ်သဘျ့မ့ၢ်ဂ့ၤ ဖျီတ့ၢ်အသးလံမ့ၢ်ဂ့ၤ ဆဲးဒိးန့ၢ်ဘၣ်တၢ်အုၣ်ကီၤခီဖျိ နတၢ်တိာ်ကျဲၤသ့ဝဲတုၤလၢအသးအိၣ်အနံၣ်26နံၣ်လီၤ. အသးမ့ၢ်ပှၢ်ထီၣ်26နံၣ်ဖဲန့ၣ်အခါန့ၣ်အဝဲဘၣ်ဆဲးလီၤမံၤလၢအနီၢ်ကစၢ်(မ့တမ့ၢ် အမါအဝၤ) တၢ်မၤလီၢ်အဆူၣ်ချ့တၢ်တိာ်ကျဲၤပူၤ, မ့တမ့ၢ်ခီဖျိအနီၢ်ကစၢ်တၢ်အုၣ်ကီၤအတၢ်တိာ်ကျဲၤန့ၣ်လီၤ.
တၢ်သံကွၢ်း ယဆဲးလီၤယမိၢ်ယပၢ် မ့တမ့ၢ် မံၤပှၢ်ပိာ်မုၣ်ဒီးမံၤပှၢ်ပိာ်ခွါလၢယတၢ်တိာ်ကျဲအပူၤသ့ဝဲဧါ.
တၢ်စံးဆၢး တသ့ဘၣ်. နဆဲးလီၤနမိၢ်နပၢ်အမံၤလၢ နတၢ်တိာ်ကျဲၤပူၤတသ့ဘၣ်. အဝဲသ့ၣ်ဘၣ်ဆဲးလီၤအမံၤ လၢအနီၢ်ကစၢ် ဆူၣ်ချ့တၢ်တိာ်ကျဲၤ ခီဖျိတၢ်မၤကစၢ်အနီၢ်ကစၢ်တၢ်အုၣ်ကီၤတၢ်တိာ်ကျဲၤ မ့တမ့ၢ် Medicare (မ့ၢ်ကြၢးဝဲဘၣ်ဝဲ) န့ၣ်လီၤ.
တၢ်သံကွၢ်: ပှၤဒိးသန့ၤသးလၢယၤတဖၣ်န့ၣ် ယထၢနုာ်လီၤအမံၤလၢ ယဆူၣ်ချ့တၢ်တိာ်ကျဲၤ ပူၤ ကသ့လၢအဆၢကတီၢ်ဖဲလဲၣ်.
တၢ်စံးဆၢး လၢတၢ်အိၣ်သးလီၤလီၤဆီဆီတဖၣ်အပူၤန့ၣ် နထၢနုာ်အါထီၣ်နဟံၣ်ဖိဃီဖိအသီတဖၣ်လၢနတၢ်တိာ်ကျဲၤအကျါသ့ဝဲဖဲ :
- ဖိအိၣ်ဖျဲၣ်လီၤသီ: ထၢနုာ်အမံၤဖဲအအိၣ်ဖျဲၣ်ထီၣ်လၢ 60 သီအတီၢ်ပူၤ
- တၢ်လုၢ်ထီၣ်ဖိ: ဖဲနလုၢ်ထီၣ်အီၤလၢ 60 သီအတီၢ်ပူၤ
- တၢ်ဖျီသးသီသီးဖဲနဖျီနသးလၢ60နံၤအတီၢ်ပူၤ
- တၢ်မၤတအိၣ်လၢၤဘၣ်း နမါနဝၤ မ့တမ့ၢ် နဖိ(လၢအသးနံၣ်အိၣ်26အဖီလာ်) အတၢ်အုၣ်ကီၤခီဖျိအတၢ်မၤကစၢ် မ့ၢ်လီၤမၢ်ကွံာ်လၢ60နံၤအတီၢ်ပူၤ
- ဖိသၣ်ဒိးသန့ၤလၢနၤတဂၤအသးအိၣ်အနံၣ်26ဆူဖီခိၣ် ဒီး နီၢ်ခိက့ၢ်ဂီၤတလၢတပှဲၤ
*တၢ်မၤလီၤမၢ်ကွံာ်လၢတၢ်တပာ်သူၣ်ပာ်သးအပူၤ မ့တမ့ၢ် တၢ်ဟ့ၣ်အပှ့ၤဘၣ် မ့တမ့ၢ် တၢ်မၤကမၣ်နၤအဃိ
ဒ်သိးကထၢနုာ်အါထီၣ် ပှၤလၢအဒိးသန့ၤအသးလၢနၤတဖၣ်အဂီၢ်, ဆဲးကျိးဆူနီၣ်ဂံၢ်လၢအအိၣ်ဖဲနကရူၢ်ဖိ (ID) ခးအလီၢ်ခံ, ကတိၤတၢ်ဒီး ပှၤခၢၣ်စးတဂၤ မ့တမ့ၢ် ထံၣ်လိာ်သးဒီး Blue Cross ပှၤဟ့ၣ်ကူၣ်တၢ် တဂၤန့ၣ်တက့ၢ်ႉ
တၢ်သံကွၢ်: ယဟံၣ်ဖိဃီဖိမ့ၢ်ပၣ်ဃုာ်လၢယဆူၣ်ချ့တၢ်တိာ်ကျဲၤ န့ၣ် ယဟံးန့ၢ်က့ၤ အမံၤကသ့ဒ်လဲၣ်.
တၢ်စံးဆၢ:နဟံးန့ၢ်က့ၤနဟံၣ်ဖိဃီဖိအမံၤလၢနတၢ်တိာ်ကျဲၤပူၤတဘျီလၢ်လၢ်သ့လီၤ. ညီနုၢ် တၢ်ကဲထီၣ်သးဒ်န့ၣ် ဖဲအဝဲသ့ၣ်ဒိးန့ၢ်ဘၣ်တၢ်အုၣ်ကီၤလၢခီပနံၣ်အဂၤတတီၤအခါန့ၣ်လီၤ. လၢကဟံးန့ၢ်က့ၤပှၤလၢအဒိးသန့ၤထီၣ်သးလၢနတဂၤအမံၤလၢနတၢ်တိာ်ကျဲၤအဂီၢ်န့ၣ် ကိးလီတဲစိနီၣ်ဂံၢ်အိၣ်လၢန ကရူၢ်ဖိ ID ခးအလီၢ်န့ၣ်လီၤ.
နမ့ၢ်ပှ့ၤန့ၢ်နဆူၣ်ချ့တၢ်အုၣ်ကီၤလၢနတၢ်မၤကစၢ်အဃိဆဲးကျိးတၢ်ဆူ ပှၤစူးကါတၢ်ဖိအဝဲၤကျိၤ ဒီးဃုသ့ၣ်ညါလၢ နထၢနုာ်လီၤမ့တမ့ၢ်ဟံးန့ၢ်က့ၤပှၤဒိးသန့ၤသးလၢနၤတဂၤအမံၤကသ့ဒ်လဲၣ်အဂ့ၢ်န့ၣ်လီၤ.
ဆူၣ်ချ့တၢ်တိာ်ကျဲၤ တၢ်တိစၢၤမၤစၢၤ အါထီၣ်
ပှၤဟ့ၣ်တၢ်ကွၢ်ထွဲအတၢ်တိစၢၤမၤစၢၤ
တၢ်သံကွၢ်ညီနုၢ် FAQs Blue Cross ကရူၢ်ဖိအဂီၢ်
ဘၣ်မနုၤအဃိယဒိးန့ၢ်တၢ်ဃ့စရီအလံာ်ဖီလၢတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ်လဲၣ်.
ကျဲ 7 ဘိလၢ ကမၤစှၤလီၤဆူၣ်ချ့တၢ်ကွၢ်ထွဲအဘူးအလဲအဂီၢ်