တၢ်အိၣ်ဆူၣ်အိၣ်ချ့တၢ်မၤစၢၤလၢအလိၣ်၀ဲတချုးတၢ်ဟ့ၣ်စိဟ့ၣ်ကမီၤ

တချုးတၢ်ဟ့ၣ်စိဟ့ၣ်ကမီၤစံးတၢ်န့ၣ် မ့ၢ်မနုၤလဲၣ်

တၢ်မၤန့ၢ်ဆိတၢ်ဟ့ၣ်စိတၢ်ကမီၤ, လၢတၢ်ကိးအီၤလၢ တၢ်အုၣ်ကီၤစိပာ်စၢၤသးန့ၣ် မ့ၢ်ကျဲလၢ Blue Cross ဒီး Blue Shield လၢ Minnesota မၤလီၤတံၢ် ဒ်သိးတၢ်ကူစါယါဘျါလၢကသံၣ်သရၣ်ကမၤ၀ဲန့ၣ် လိၣ်ဧါလၢနဆူၣ်ချ့ဒီး လၢနကဒိးန့ၢ်ဘၣ်တၢ်ကွၢ်ထွဲဘၣ်ဘျီးဘၣ်ဒါအဂီၢ်န့ၣ်လီၤ.

• ပသူ၀ဲဒၣ်ကသံၣ်ဒၢးအတၢ်ဟ့ၣ်နဲၣ်လၢအအိၣ်ပာ်စၢၤတဖၣ် လၢကပာ်ဂၢၢ်ပာ်ကျၢၤ၀ဲဒၣ်ကသံၣ်ကသီအတၢ်လိၣ်ဘၣ်ဖဲ နဆူၣ်ချ့တၢ်တိာ်ကျဲၤလိၣ်ဘၣ်၀ဲဒၣ် တၢ်ဟ့ၣ်ဆိဟ့ၣ်ကမီၤစိတၢ်အဂီၢ်န့ၣ်လီၤ.
• တၢ်ကူစါလၢအလိၣ်တၢ်ဟ့ၣ်စိဟ့ၣ်ကမီၤဆိအံၤ လၢဆူၣ်ချ့တၢ်တိာ်ကျဲၤတခါဘၣ်တခါ လီၤဆီလိာ်သး

မ့ၢ်တအိၣ်ဒီး တၢ်ဟ့ၣ်စိဟ့ၣ်ကမီၤလၢညါ:

• ဘၣ်သ့ၣ်သ့ၣ် တၢ်အုၣ်ကီၤတဟ့ၣ်တၢ်ကွၢ်ထွဲဘူးလဲဘၣ်
• နကဘၣ်ဟ့ၣ်၀ဲဒၣ်တၢ်လၢာ်ဘူးလၢာ်စ့ၤလၢနနီၢ်ကစၢ်ခဲလၢာ်ခဲဆ့လီၤ

ဘၣ်မနုၤအဃိတၢ်ဟံးန့ၢ်ဆိ တၢ်ဟ့ၣ်စိဟ့ၣ်ကမီၤအံၤမ့ၢ်တၢ်အရ့ဒိၣ်လဲၣ်. 

• တချုးတၢ်ဟ့ၣ်စိဟ့ၣ်ကမီၤ တၢ်ကိးအီၤလၢ တၢ်အုၣ်ကီၤစိပာ်စၢၤသးန့ၣ် မ့ၢ်ကျဲလၢ Blue Cross ဒီး Blue Shield လၢ Minnesota မၤလီၤတံၢ်လၢတၢ်ကူစါယါဘျါလၢကသံၣ်သရၣ်မၢနမၤန့ၣ် လိၣ်၀ဲဒၣ်လၢနတၢ်အိၣ်ဆူၣ်အိၣ်ချ့အဂီၢ် ဒ်သိးနဒိးန့ၢ်ဘၣ်တၢ်ကွၢ်ထွဲဘၣ်ဘျီးဘၣ်ဒါအဂီၢ်န့ၣ်လီၤ.
• တသ့ဖဲအသ့န့ၣ်, မၤန့ၢ်ဘၣ် တၢ်ဟ့ၣ်စိကဟ့ၣ်မီၤပာ်စၢၤတၢ်လၢညါ တချုးနဒိးကူစါယါဘျါသး မ့တမ့ၢ် သမံထံက့ၤမ့ၢ်နကသံၣ်သရၣ်ဒိးန့ၢ်ဘၣ်တၢ်အၢၣ်လီၤတူၢ်လိာ်ဧါန့ၣ်လီၤ. နမ့ၢ်တဒိးန့ၢ်ဘၣ်တၢ်အၢၣ်လီၤတူၢ်လိာ်ဆိ တချုးတၢ်ဆီၣ်ထွဲၤမၤစၢၤတၢ်ဘၣ်ဒီး, နကဘၣ်ဟ့ၣ်၀ဲတၢ်လၢာ်ဘူးလၢာ်စ့ၤလၢနနီၢ်ကစၢ်

ဆူၣ်ချ့တၢ်ကွၢ်ထွဲဖဲလဲၣ်တခါလၢအလိၣ်ဘၣ်၀ဲ တၢ်ဟ့ၣ်စိဟ့ၣ်ကမီၤစိတၢ်လဲၣ်.

• တမ့ၢ်ဆူၣ်ချ့တၢ်ကွၢ်ထွဲကိးခါဒဲးလိၣ်ဘၣ်၀ဲဒၣ်ဘၣ်. တၢ်ဟ့ၣ်စိဟ့ၣ်ကမိၤလၢညါပာ်စၢၤတၢ်န့ၣ် လိၣ်ဘၣ်၀ဲတၢ်မၤစၢၤအကလုာ်ကလုာ်, တၢ်ဖံးတၢ်မၤအကျိၤကွာ်တဖၣ်, ကသံၣ်ကသီလၢကသံၣ်သရၣ်ဟ့ၣ်လီၤတဖၣ်, ဒီး ကသံၣ်ကသီတၢ်ပီးတၢ်လီတဖၣ်
• တၢ်သံဒိးသံကွၢ်မ့ၢ်ဘၣ်ဃးဒီး တၢ်မၤန့ၢ်တၢ်စိကမီၤဆိလၢညါန့ၣ် ဆဲးကျိးဘၣ် Blue Cross တၢ်တိစၢၤမၤစၢၤလၢပှၤစူးကါတၢ်ဖိအဂီၢ် တက့ၢ်.

တၢ်မၤစၢၤလၢနလိၣ်အီၤန့ၣ် ဘၣ်ဟ့ၣ်စိကမီၤဆိအီၤလၢညါဧါ ကွၢ်၀ဲဒၣ်တက့ၢ်

တၢ်မၤစၢၤလၢအလိၣ်ဘၣ်၀ဲ တၢ်ဟ့ၣ်စိကမီၤဆိပာ်စၢၤလၢညါ အတၢ်ကွၢ်ကဒါက့ၤလဲၣ်. 

တၢ်ကူစါအကျိၤအကွာ်လၢလာ်အံၤ မ့ၢ်တၢ်အဒိတနီၤလၢအလိၣ်ဘၣ်၀ဲဒၣ် တၢ်ဟ့ၣ်စိကမီၤလၢညါ, ခီဖျိတၢ်ဘၣ်ဘျုးလၢနဒိးန့ၢ်ဘၣ်၀ဲလီၤ. တၢ်အမံၤရဲၣ်သ့ၣ်တဖၣ်အံၤ တလၢတပှဲၤဘၣ်, ဒီးဆီတလဲအသးခဲအံၤခဲအံၤ, လၢတၢ်န့ၣ်အဃိ မ့ၢ်တၢ်အရ့ဒိၣ်လၢကဘၣ်မၤလီၤတံၢ်က့ၤ၀ဲဒၣ် တၢ်လၢာ်ဘူးလၢာ်စ့ၤတဖၣ်အံၤ ဘၣ်တၢ်ဟံၣ်ဃာ်အီၤ တချုးနဒိးန့ဘၣ်တၢ်ကွၢ်ထွဲန့ၣ်လီၤ.

• သးဖျၢၣ်တၢ်အိၣ်ဆူၣ်အိၣ်ချ့အဂ့ၢ် (တၢ်ခွဲးထုးထီၣ်၀ဲထူၣ်ညါလၢပမိၢ်ပှၢ်ပူၤ, သးတၢ်ဃၢတၢ်စံၣ်တၢ်မၤကွၢ်, ဒီးတၢ်ဆီတလဲတၢ်ပီးလီတၢ်မၤစၢၤတဖၣ်)
• ခဲစၢၣ်တၢ်ဆူးတၢ်ဆါ (ကံမိၤ(chemo) ဒီးကသံၣ်ကသီလၢအဆီၣ်ထွဲကူစါယါဘျါ၀ဲဒၣ် ခဲစၢၣ်လၢအကဲထီၣ်သးအခဲအံၤ)
• မီၣ်လံၣ်ခယူတၢ်မၤကွၢ်လီၢ် (တၢ်မၤကွၢ်၀ဲ စၢၤသွဲၣ်ဂံၢ်ထံး နုၢ်ခဲစၢၣ် (BRCA), ဖိသၣ်လၢဒၢလီၢ်ပူၤအစၢၤသွဲၣ်ဂံၢ်ထံၤခြိၣ်မိၣ်စိ(Chromosomal) တၢ်မၤကွၢ်, မီၣ်လံၣ်ခယူလၤ တၢ်ဆူးတၢ်ဆါပီညါ)
• ယူၢ်ညါထူၣ် (တၢ်ဆဲး၀ဲပျိၣ်ဃံကသံၣ်လၢကတူၢ်၀ဲတၢ်ဆါ; ခီၣ်လ့ၣ်ခိၣ်, ယီၢ်တဲာ်ခိၣ် ဒီးတၢ်ခွဲးဖံဘၣ်ခိၣ်; ပာ်ဖှိၣ်ထီၣ်အသးတမံၤဃီ)
• တၢ်ကူစါယါဘျါတၢ်ဒီးဂာ် (တၢ်ခွဲးတၢ်အကျိၤအကွာ်ဒ်အမ့ၢ် တၢ်ကွဲးထုးထီၣ်၀ဲဖိလီၢ်; တၢ်ဒိဂာ် (ဒၣ်မၤ)အကျိၤအကွာ်ဒ်အမ့ၢ်3D CRT ဒီး IMRT; တၢ်ခွဲး မ့တမ့ၢ် ဂာ်တၢ်ကူစါယါဘျါ၀ဲဒၣ် ခဲစၢၣ်တဖၣ်)
• အဲၣ်စရ့တၢ်ဂီၤလၢအပတီၢ်ထီ (တၢ်ဃုကွၢ်တၢ်ဆါလၢထးနါတၢ်ဂီၤ (MRI), ထးနါတၢ်ဖးကွၢ်သွံၣ်ကျိၤလၢနမိၢ်ပှၢ်အပူၤ (MRA), တၢ်ဖးကွၢ်၀ဲဒၣ်နီခိမိၢ်ပှၢ်ဒီးထူၣ်ပျၢ်တၢ်ဟူးတၢ်ဂဲၤလၢမိၢ်ပှဲၤအၢပူၤ (PET), သွံၣ်ကျိၤဖိဒီး ညၣ်ထူၣ်ကပုာ်လၢနမိၢ်ပှၢ်အပူၤ(CT), ဒီးနယူခံယါတၢ်မၤလိတဖၣ်)
• တၢ်မံ (တၢ်မၤတၢ်မံ, စဲၤဖီကဟၣ် ဒီးတၢ်ပီးတၢ်လီ; တၢ်မၤကွၢ်၀ဲတၢ်ကသါကီ)
• တၢ်ဆီတလဲကူစါယါဘျတၢ်မၤစၢၤ
• တၢ်ကူးကွဲယါဘျါအကျိၤအကွာ်တနီၤ 
• တၢ်သမံသမိးဒီးတၢ်ကူစါယါဘျါ သကဲာ်ပဝးဆူၣ်ချ့တၢ်နီၤ
• ပၣ်ဃုာ်တၢ်ဆဲးဒီးတၢ်သွီနုာ်ကသံၣ်သွံၣ်ကျိၤအတၢ်ကူစါယါဘျါတၢ်ကသံၣ်ကသီတနီၤ
• စုပျီၢ်ခီၣ်ပျီၢ်တၢ်ပီးတၢ်လီတဖၣ် 
• ကသံၣ်ကသီတၢ်ပီးတၢ်လီတဖၣ်ဃုာ်ဒီး ကလံၤဒၢ ဒီးခးလ့ၣ်
• တၢ်မၤစၢၤတနီၤအကျါန့ၣ် အလိၣ်ဘၣ်၀ဲဒၣ် တချုးတၢ်ဟ့ၣ်စိဟ့ၣ်ကမီၤတၢ် လၢနကဆဲးဒိးန့ၢ်ကဒီးတၢ်မၤစၢၤဆူညါ ဖဲနလဲၤဟးဘၣ်၀ဲ၀ံၤတဘျီအလီၢ်ခံ, ဒ်အမ့ၢ် တၢ်ဆဲးထးယါဘျါတၢ်ဆါ ဒီးကသံၣ်သရၣ်တၢ်လဲၤဟးအိၣ်သကိးနၤလၢဟံၣ်

လၢတၢ်ဂ့ၢ်တၢ်ကျိၤအဂုၤအဂၤအဂီၢ်, ကွၢ်ဘၣ်တၢ်ရဲၣ်တၢ်ကျဲၤလၢလာ်အံၤဒီး နဆဲးကျိးစ့ၢ်ကီး Blue Cross အတၢ်တိစၢၤမၤစၢၤလၢပှၤစူးကါတၢ်ဖိအဂီၢ်လၢကမၤစၢၤနၤသ့၀ဲန့ၣ်လီၤ. 

တချုးတၢ်ဟ့ၣ်စိဟ့ၣ်ကမီၤအမံၤရဲၣ်တဖၣ်:

နကွၢ်ကဒါက့ၤစ့ၢ်ကီး တၢ်မၤစၢၤအမံၤရဲၣ်လၢအလိၣ်ဘၣ်၀ဲ တၢ်ဟ့ၣ်စိကမီၤလၢညါ သ့၀ဲစ့ၢ်ကီးန့ၣ်လီၤ. နကဘၣ်ဆၢတဲာ်၀ဲ နဆူၣ်ချ့တၢ်တိာ်ကျဲၤအံၤ အကြၢးအဘၣ်ဒီး တၢ်မံၤရဲၣ်ဖဲလဲၣ်တကလုာ်န့ၣ်လီၤ. တိၢ်နီၢ်ဃာ်လၢ တၢ်မံၤရဲၣ်သ့ၣ်တဖၣ်အံၤဆီတလဲအသးခဲအံၤခဲအံၤဒီး လၢကမၤလီၤတံၢ်တၢ်အဂီၢ် ကိးလီၤတဲစိဆူတၢ်တိစၢၤမၤစၢၤလၢပှၤစူးကါတၢ်ဖိအဂီၢ်အအိၣ်န့ၣ် မ့ၢ်တၢ်အဂ့ၤကတၢၢ်လီၤ.

• မုၢ်ကျိၤဝဲၤကွာ် တၢ်တိာ်ကျဲၤတဖၣ် (တၢ်ဟ့ၣ်အဘူးအလဲလၢ နပှ့ၤအီၤလၢနတၢ်ဒၣ်နဲ မ့တမ့ၢ် ခီဖျိ နတၢ်မၤကစၢ်)
• Medicare Advantage (PPO) တၢ်တိာ်ကျဲၤတဖၣ်
• Platinum Blue^SM Medicare Cost အတၢ်တိာ်ကျဲၤတဖၣ်
• Minnesota Health Care Programs - MHCP (ဟံၣ်ဖိဃီဖိတဖၣ်ဒီး ဖိဒံဖိသၣ်တဖၣ်(PMAP), MNCare, MSC+)
• Minnesota သးပှၢ်ဆူၣ်ချ့တၢ်ဃုထၢတဖၣ်(MSHO)
• ကီၢ်စၢဖှိၣ်တၢ်မၤဖိ တၢ်ရဲၣ်တၢ်ကျဲၤ(ကသံၣ်ကသီအမံၤရဲၣ်တဖၣ်န့ၣ် အိၣ်၀ဲဒၣ်လၢ တၢ်မၤစၢၤ အတၢ်ဘၣ်ဘျုးဘၣ်ဖှိၣ်တၢ်တိာ်ကျဲၤ အလံာ်ဖိဆံးတဘ့ၣ်အပူၤ)

ယဒိးန့ၢ်ဘၣ် တၢ်ဟ့ၣ်ဆိခွဲးစိကမီၤ ကသ့ဒ်လဲၣ်.

တဘျီတခီန့ၣ်, နကသံၣ်သရၣ်ဟ့ၣ်ထီၣ်၀ဲ လံာ်တၢ်ဟ့ၣ်စိကမီၤလၢညါလၢနဂီၢ်န့ၣ်လီၤ. တဘျီၣ်တခီန့ၣ် နကဘၣ်ဃ့န့ၢ်အီၤန့ၣ်လီၤ. ၀ံသးစူၤကိးဘၣ်လီတဲစိဆူတၢ်တိစၢၤမၤစၢၤလၢပှၤစူးကါတၢ်ဖိအဂီၢ်ဖဲလီတဲစိအနီၣ်ဂံၢ်တဖျၢၣ်လၢနကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံလၢတၢ်မၤစၢၤအဂီၢ်န့ၣ်လီၤ.

နကဒိးန့ၢ်ဘၣ်လံာ်ပရၢတဘ့ၣ်လၢ ကဒုးသ့ၣ်ညါနၤမ့ၢ် တချုးတၢ်ဟ့ၣ်စိဟ့ၣ်ကမီၤ တူၢ်လိအီၤဧါ, တၢ်ဂ့ၢ်လိာ်ကွံာ်အီၤ မ့တမ့ၢ် တၢ်လိၣ်ဘၣ်အါထီၣ်တၢ်ဂ့ၢ်တၢ်ကျိၤလၢနကသံၣ်သရၣ်အအိၣ်ဧါန့ၣ်လီၤ. ဆဲးကျိးဘၣ် Blue Cross အတၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဖဲနမ့ၢ်တဒိးန့ၢ်ဘၣ်လံာ်ပရၢတချုးနတၢ်သ့ၣ်နံၤဖးသီတၢ်ထံၣ်လိာ်သးဒီး ကသံၣ်သရၣ်တုၤဒံးဘၣ်န့ၣ်ဒီး ပကသမံထံက့ၤနတၢ်ဃ့ထီၣ်န့ၣ်လီၤ. 

နသူ၀ဲဒၣ် တၢ်ဟ့းနဲၣ်ကျဲၤဖဲလဲၣ်တခါလဲၣ်.

Blue Cross ဒီး Blue Shield လၢ Minnesota အံၤသူ၀ဲဒၣ် ဟီၣ်ခိၣ်ဆူၣ်ချ့တၢ်ကရၢကရိ တၢ်အုၣ်သး-ဂံၢ်ခီၣ်ထံးတၢ်ဟံးနဲၣ်ကျဲၤလၢ တၢ်ကဃ့၀ဲဒၣ် တၢ်ဟ့ၣ်စိကမီၤဆိ တၢ်ဆၢတဲာ်အဂီၢ်န့ၣ်လီၤ. ပသံၣ်သရၣ်\မုၣ် ဒီး နၢး(စ်)တဖၣ် ညီနုၢ်ကွၢ်ကဒါက့ၤ၀ဲဒၣ်တၢ်နဲၣ်ကျဲတဖၣ်အံၤန့ၣ်လီၤ.

ဘၣ်မနုၤအဃိတၢ်တဟ့ၣ်န့ၢ်ယၤတၢ်ကူစါယါဘျါအဘူးအလဲလၢ ယကသံၣ်သရၣ်\မုၣ် အုၣ်ကီၤ၀ဲတခါန့ၣ်လဲၣ်.

နဆူၣ်ချ့တၢ်တိာ်ကျဲၤ အံၤဟ့ၣ်စၢၤနၤဆူၣ်ချ့တၢ်မၤစၢၤဒီးတၢ်ပီးတၢ်လီအဘူးအလဲလၢကသံၣ်ကသီအဂီၢ်လၢအလီၢ်အိၣ်တဖၣ်န့ၣ်လီၤ.

"ကသံၣ်ကသီလၢအလီၢ်အိၣ်"စံးတၢ်န့ၣ်မ့ၢ်၀ဲ ဆူၣ်ချ့တၢ်ကွၢ်ထွဲတၢ်မၤစၢၤ မ့တမ့ၢ် တၢ်ဒီသဒၢတၢ်ပီးလီ, တၢ်မၤကွၢ်တၢ်ဆါ မ့တမ့ၢ် တၢ်ကူစါ၀ဲ:

• တၢ်ဆူးတၢ်ဆါ
• တၢ်ဘၣ်ဒိဘၣ်ထံး
• နတၢ်အိၣ်ဆူၣ်အိၣ်ချ့တၢ်အိၣ်သးဖီခိၣ်
• တၢ်ဆါ မ့တမ့ၢ် အတၢ်ဆါပနီၣ်

တၢ်ဖံးတၢ်မၤဒီး တၢ်ပီးလီတဖၣ်ကဘၣ်လီၤဘၣ်ဒီး ကသံၣ်ကသီပတီၢ်လၢတၢ်တူၢ်လိာ်အီၤသ့န့ၣ်လီၤ. နတၢ်ဆါပနီၣ်လၢအမၤဆါနၤသ့ၣ်တဖၣ် မ့တမ့ၢ် တၢ်ဂ့ၢ်ကီပိာ်ထွဲထီၣ်အခံသ့တဖၣ်မ့ၢ်အိၣ်န့ၣ်, နတၢ်အုၣ်ကီၤကထံၣ်အီၤဒ်တၢ်လိၣ်၀ဲဒၣ်လၢနဆူၣ်ချ့အဂီၢ်စ့ၢ်ကီးန့ၣ်လီၤ.

တၢ်ပီးတၢ်လီဒီးတၢ်မၤစၢၤလၢနကသံၣ်သရၣ်မၢနမၤအီၤတနီၤန့ၣ် နဆူၣ်ချ့တၢ်တိာ်ကျဲၤတဟ့ၣ်စၢၤ၀ဲဒၣ်အဘူးအလဲဘၣ်.

သမံထံကွၢ်နဆူၣ်ချ့တၢ်တိာ်ကျဲလံာ်ကွဲးနီၣ်တၢ် မ့တမ့ၢ် ကိးဘၣ်လီတဲစိဆူလီနီၣ်ဂံၢ်အအိၣ်ဖဲကရူၢ်ဖိ (ID) ခးအလီၢ်ခံတဖျၢၣ်န့ၣ်ဖဲ နမ့ၢ်အဲၣ်ဒိးဃုသ့ၣ်ညါအါထီၣ်ဘၣ်ဃးဒီးတၢ်အဘူးအလဲလၢနဆူၣ်ချ့တၢ်တိာ်ကျဲၤဟ့ၣ်စၢၤ၀ဲတဖၣ်န့ၣ်လီၤ.

အဒိ ယဆူၣ်ချ့တၢ်တိာ်ကျဲၤမ့တဟ့ၣ်န့ၢ်ယၤတၢ်လၢာ်ဘူးလၢာ်စ့ၤဘၣ်န့ၣ် ယဒိးကူစါယါဘျါသးသ့ဒံးဧါ.

နဆူၣ်ချ့တၢ်တိာ်ကျဲၤမ့ၢ်တဟ့ၣ်န့ၢ်နၤ တၢ်ကူစါယါဘျါအဘူးအလဲဘၣ်, မ့တမ့ၢ် Blue Cross မ့ၢ်ဂ့ၢ်လိာ်ဟ့ၣ်လီၤ၀ဲတၢ်လၢာ်ဘူးလၢာ်စ့ၤတဖၣ်အံၤန့ၣ် နဃုထၢသ့၀ဲဒၣ်မ့ၢ်နကဒိးကူစါနသးဒီးဟ့ၣ်လီၤနနီၢ်ကစၢ်စ့န့ၣ်လီၤ. တဲသကိးတၢ်ဒီး နကသံၣ်သရၣ် ဒ်သိးနကသ့ၣ်ညါဘၣ်၀ဲ တၢ်မၤစၢၤအဘူးအလဲလၢနဆူၣ်ချ့တၢ်တိာ်ကျဲၤတဟဲလီၤ၀ဲတဖၣ်န့ၣ် အလုၢ်အပှ့ၤအိၣ်ဆံးအါလဲၣ်န့ၣ်လီၤ. 

• ကွၢ်ဘၣ်ဆူၣ်ချ့ကသံၣ်ကသီသနူ

ယလိၣ်လၢတၢ်ကဆှၢဃီၤယၤလၢကလဲၤထံၣ်လိာ်သးဒီးကသံၣ်သရၣ်စဲၤနီၣ်တဖၣ်အဂီၢ်စ့ၣ်ဧါ

နထံၣ်လိာ်သးဒီးကသံၣ်သရၣ်လီၤဆီကလိၣ်တၢ်ဆှၢခီဧါန့ၣ် ဒိးသန့ၤထီၣ်သးလၢနဆူၣ်ချ့တၢ်တိာ်ကျဲၤပူၤလီၤ. တၢ်တိာ်ကျဲၤတနီၤန့ၣ် ဟ့ၣ်နၤအခွဲးလၢနကထံၣ်လိာ်သးဒီး ကသံၣ်သရၣ် မ့တမ့ၢ်ကသံၣ်သရၣ်စဲၤနီၣ်ဒီးတလိၣ်ဆှၢခီနၤဆူအအိၣ်လၣ်န့ၣ်လီၤ.  နမ့ၢ်ထံၣ်လိာ်သးဒီးကသံၣ်သရၣ် မ့တမ့ၢ်ကသံၣ်သရၣ်စဲၣ်နီၤလၢ အတဘျးစဲဒီးနတၢ်တိာ်ကျဲၤဘၣ်န့ၣ်, နဘၣ်ဟ့ၣ်အါထီၣ်တၢ်လၢာ်ဘူးလၢာ်စ့ၤလီၤ. ဒ်သိၤကဃုန့ၢ်ကသံၣ်သရၣ် မ့တမ့ၢ် ကသံၣ်သရၣ်စဲၣ်နီၤလၢနတၢ်ဘျးစဲအပူၤအဂီၢ်, သူ ဃုဒိးန့ၢ်ကသံၣ်သရၣ်တဂၤ ပီးလီတက့ၢ်. နုာ်လီၤဒီး ဃုထၢနတၢ်ဘျးစဲအမံၤဒ်သိးလၢနဃု၀ဲဒၣ်ကသံၣ်သရၣ်\မုၣ်လၢနတၢ်ဘျးစဲအပူၤကဘၣ်လီၤတံၢ်အဂီၢ်န့ၣ်လီၤ.

နမ့ၢ်လဲၤထံၣ်လိာ်သးဒီးကသံၣ်သရၣ်စဲၣ်နီၤလၢအတအိၣ်ဒီးတၢ်ဆှၢခီဘၣ်န့ၣ် ဒုးသ့ၣ်ညါဘၣ်၀ဲနနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ်တက့ၢ်. တၢ်ဂ့ၢ်တၢ်ကျိၤ၀ဲအံၤကမၤစၢၤနကသံၣ်သရၣ် လၢအကွၢ်ထွဲနတၢ်အိၣ်ဆူၣ်အိၣ်ချ့တဂၤ ဒ်သိးကအံၤထွဲကွၢ်ထွဲနၤလၢအဂ့ၤကတၢၢ်န့ၣ်လီၤ.

လံာ်ဆှၢခီတၢ်တဘ့ၣ်န့ၣ် ပၣ်ဃုာ်ဒီးတၢ်မနုၤလဲၣ်.

လံာ်နဲၣ်ဆှၢခီတၢ်န့ၣ် ညီနုၢ် ပၣ်ဃုာ်၀ဲဒၣ်တၢ်လဲၤထံၣ်လိာ်သးဒီးကသံၣ်သရၣ်ဒီး တၢ်မၤကွၢ်သးတၢ်မၤလၢနကသံၣ်သရၣ်ကလိၣ်ဘၣ်အီၤ, ဒ်သိးဒီး အဲး(စ်)ရ့ မ့တမ့ၢ် တၢ်မၤကွၢ်သွံၣ်ဒီး ဆံၣ်ဃၢ်န့ၣ်လီၤ. တၢ်မၤစၢၤလၢအဂၤ ဒ်သိးဒီး တၢ်ဆဲးကသံၣ် မ့တမ့ၢ် တၢ်ကွဲးဖံးဆံးဆံးဖိ, ကလိၣ်ဘၣ်၀ဲဒၣ်တၢ်မ့ၢ်၀ဲ တချုးတၢ်ဟ့ၣ်စိဟ့ၣ်ကမီၤန့ၣ်လီၤ.

အရ့ဒိၣ်:မ့ၢ်အဲၣ်ဒိးသ့ၣ်ညါ တၢ်မၤစၢၤလၢအလိၣ်ဘၣ်၀ဲဒၣ် တချုးတၢ်ဟ့ၣ်စိဟ့ၣ်ကမီၤန့ၣ်, သမံသမိးဘၣ်နဆူၣ်ချ့တၢ်တိာ်ကျဲၤ လံာ်ကွဲနီၣ်တၢ်, မ့တမ့ၢ် ကိးဘၣ်လီတဲစိဖဲနီၣ်ဂံၢ်အိၣ်ဖဲကရူၢ်ဖိ (ID) ခးအလီၢ်ခံတဘ့ၣ်န့ၣ်တက့ၢ်.

နပတံထီၣ်လံဃ့ကညး အတၢ်ဆၢတဲာ်သ့ဧါ.

နပတံထီၣ်၀ဲဒၣ်လံာ်ပတံဃ့ကညး တချုးတၢ်ဟ့ၣ်စိဟ့ၣ်ကမီၤ အတၢ်ဆၢတဲာ်သ့၀ဲဒၣ်န့ၣ်လီၤ. ဖးအါထီၣ်ဘၣ်ဃးဒီးတၢ်ပတံထီၣ်၀ဲဒၣ် တချုးတၢ်ဟ့ၣ်စိဟ့ၣ်ကမီၤလၢလာ်တက့ၢ်. လၢနကပတံထီၣ်၀ဲဒၣ်လံာ်ဃ့ကညးအဂီၢ်, ကွၢ်ဘၣ် လံာ်လိာ်ကွီၢ်တဖၣ် ဒီးလံာ်ပတံဃ့ကညးတဖၣ်တက့ၢ်.

နပတံထီၣ်လံဃ့ကညး အတၢ်ဆၢတဲာ်ဒ်လဲၣ်.

နၤ, မ့တမ့ၢ် နကသံၣ်သရၣ် မ့တမ့ၢ် ပှၤကွၢ်ထွဲနၤတဂၤ ဃ့ထီၣ်၀ဲဒၣ်တၢ်ပတံထီၣ်တၢ်ဃ့ကညးလၢနခၢၣ်စးသ့၀ဲန့ၣ်လီၤ.

နစးထီၣ်ပတံ၀ဲဒၣ် လံာ်ဃ့ကညးတၢ်သ့လၢ ကျဲခံဘိအကျါတဘိအံၤ:

• ကိးလီတဲစိနီၣ်ဂံၢ်အိၣ်လၢ နကရူၢ်ဖိ (ID) ခး အလီၢ်ခံတဖျၢၣ်န့ၣ်တကၢ်
• ဆှၢလံာ်ပရၢဃ့ကညးတၢ်

လၢလံာ်ပတံဃ့ကညးတၢ်အပူၤန့ၣ် ယကဘၣ်ထၢနုာ်တၢ်ဂ့ၢ်မနုၤလဲၣ်.

• နမံၤ, နအိၣ်ဆိးလီၢ်ကျဲ ဒီးကရၢဖိခး (ID) နီၣ်ဂံၢ်
• တၢ်ဂ့ၢ်တၢ်ကျိၤလၢ နတသးလီၤပလိာ်တူၢ်လိာ်၀ဲဒၣ် ဒီး ပတၢ်ဆၢတဲာ်အဂ့ၢ်
• တၢ်အုၣ်ကီၤလၢအပာ်ဖျါထီၣ် ပကြၢးတူၢ်လိာ်နတၢ်ဃ့ကညးလၢတၢ်ဂ့ၢ်မနုၤအဃိလဲၣ်, ပၣ်ဃုာ်ဒီးဆူၣ်ချ့တၢ်ကွဲးနီၣ်ကွဲးဃါ, လံာ်ပရၢလၢနကသံၣ်သရၣ်အိၣ် ဒီးတၢ်ဂ့ၢ်ဘၣ်ထွဲလၢအဂၤန့ၣ်လီၤ. နမ့ၢ်လိၣ်တၢ်ဂ့ၢ်အံၤမ့တမ့ၢ် မၢနကသံၣ်သရၣ် ပတံးထီၣ်စၢၤန့ၢ်နၤလံာ်ပတံဃ့ကညးအဂီၢ် ကိးဘၣ်နကသံၣ်သရၣ်

အဒိနမ့ၢ်အဲၣ်ဒိးလၢကသံၣ်သရၣ် မ့တမ့ၢ် ပှၤကွၢ်ထွဲနၤကရဲၣ်ကျဲၤနၤအဂီၢ်န့ၣ်, နကဘၣ်ဆဲးလီၤ၀ဲတၢ်ဟ့ၣ်စိကမီၤအလံာ်ဒိလၢ နဟ့ၣ်၀ဲဒၣ်ပှၤသ့ၣ်တဖၣ်န့ၣ် အခွဲးလၢ နကဟ့ၣ်လီၤ၀ဲဒၣ်တၢ်ဂ့ၢ်တၢ်ကျိၤဆူ နခၢၣ်စးတဖၣ်အအိၣ်န့ၣ်လီၤ. နမၤပှဲၤလီၤ၀ဲဒၣ် တၢ်ပာ်ဖျါထီၣ်၀ဲဒၣ်နနီၢ်တဂၤဆူၣ်ချ့တၢ်ဂ့ၢ်တၢ်ကျိၤလံာ်ဟ့ၣ်ခွဲး လၢအီၤလဲ (online)သ့၀ဲဒၣ်န့ၣ်လီၤ.

ယကဘၣ်ဆှၢထီၣ်၀ဲဒၣ် ယလံာ်ပတံဃ့ကညးတၢ်လၢအဆၢကတီၢ်ဖဲလဲၣ်.

• ပကဘၣ်ဒိးန့ၢ်ဘၣ်၀ဲဒၣ် နလံာ်ပတံဃ့ကညးတၢ်လၢ180သီအတီၢ်ပူၤ စးထီၣ်လၢနဒိးန့ၢ်ဘၣ်၀ဲပလံာ်ပရၢဂ့ၢ်လိာ်တၢ်လၢပအိၣ်တနံၤန့ၣ်လီၤ. ပမ့ၢ်ဂ့ၢ်လိာ်၀ဲဒၣ် တချုးတၢ်ဟ့ၣ်စိဟ့ၣ်ကမီၤန့ၣ်, ပဆှၢလံာ်ပရၢဂ့ၢ်လိာ်တဘ့ၣ်န့ၣ် ဆူနၤဒီးနကသံၣ်သရၣ်အအိၣ်
• အါဒၣ်တက့ၢ် Blue Cross ကဆၢတဲာ်၀ဲ နလံာ်ပတံဃ့ကညးတၢ်လၢ 15 သီအတီၢ်ပူလီၤ. လံာ်ပတံဃ့ကညးအတၢ်ဆၢတဲာ်ခဲလၢာ်န့ၣ် တၢ်ကမၤအီၤလၢ30သီအတီၢ်ပူၤ

ယတၢ်ဃ့ထီၣ်တဖၣ်မ့ၢ်တၢ်အရ့ဒိၣ်သပှၢ်ကတၢၢ်မီၤ.

နမ့ၢ်လိၣ်ဘၣ်လၢတၢ်ကမၤ၀ံၤ၀ဲဒၣ် နတၢ်လံာ်ပတံဃ့ကညးချ့ချ့အဂီၢ်န့ၣ်, ကိးဘၣ်လီတဲစိအနီၣ်ဂံၢ်အိၣ်လၢကရူၢ်ဖိ (ID) ခးအလီၢ်ခံတဖျၢၣ်န့ၣ်တက့ၢ်. နတၢ်ဃ့ထီၣ်တဖၣ်တၢ်မ့ၢ်တူၢ်လိာ်အီၤန့ၣ်, ပကမၤတၢ်ဆၢတဲာ်ဒီး ဒုးသ့ၣ်ညါဘၣ်နၤဒီးနကသံၣ်သရၣ်လၢ 72သီအတီၢ်ပူၤ ဖဲပဒိးန့ၢ်ဘၣ်နတၢ်ဃ့ထီၣ်၀ံၤအလီၢ်ခံန့ၣ်လီၤ.

ညီနုၢ်န့ၣ်, တၢ်အိၣ်သးလၢအရ့ဒိၣ်သပှၢ်ကတၢၢ်စံးတၢ်န့ၣ်မ့ၢ်၀ဲ နတၢ်အိၣ်ဆူၣ်အိၣ်ချ့န့ၣ် အလီၤဘၣ်ယိၣ် မ့တမ့ၢ် နကတူၢ်ဘၣ်၀ဲဒၣ်နးနးကျံးကျံးလၢနမၤတသ့နီၢ်တပူၤဘၣ် ဖဲနခိး၀ဲဒၣ်တၢ်ဆၢတဲာ်အဆၢကတီၢ်န့ၣ်လီၤ.

နတၢ်ဃ့ထီၣ်အံၤတၢ်မ့ၢ်အၢၣ်လီၤတူၢ်လိာ်အီၤ ဒ်အရ့ဒိၣ်သပှၢ်ကတၢၢ်ဒီး, နဃ့ထီၣ်၀ဲဒၣ်လံာ်ဃ့ကညးပတံဆူ ကရၢသဘျ့အအိၣ်သ့၀ဲန့ၣ်လီၤ. တၢ်ဂ့ၢ်တၢ်ကျိၤအဂၤလၢဘၣ်ဃးဒီးနလံာ်ပတံဃ့ကညးအခွဲးအယာ်န့ၣ်, လဲၤကွၢ်ဘၣ်၀ဲဒၣ်ဆူၣ်ချ့တၢ်ကွၢ်ထွဲအလံာ်ကွဲးနီၣ် မ့တမ့ၢ် ကိးဘၣ်လီတဲစိဆူအနီၣ်ဂံၢ်အိၣ်လၢကရူၢ်ဖိ (ID) ခးအလီၢ်ခံတဖျၢၣ်န့ၣ်တက့ၢ်.

နမ့ၢ်အဲၣ်ဒိးစးထီၣ်လံာ်ပတံဃ့ထီၣ်တၢ်အကျိၤအကွာ်န့ၣ်, ကွၢ်ဘၣ် လံာ်လိာ်ကွီၢ်တဖၣ် ဒီးလံာ်ပတံဃ့ကညးတဖၣ် အတၢ်နဲၣ်ကျဲတဖၣ်တက့ၢ်.

ယကမၤန့ၢ်၀ဲဒၣ်ယတၢ်ကွဲးနီၣ်ကွဲးဃာ်အစဲးကျံးဒ်လဲၣ်.

လၢနကဃ့န့ၢ်၀ဲဒၣ်လံာ်ကွဲးနီၣ်ကွဲးဃါလၢပသူအီၤလၢတၢ်မၤ၀ဲတၢ်ဆၢတဲာ်လၢလံာ်ပတံဃ့ကညးတၢ်အဂီၢ်န့ၣ်, ကိးဘၣ်လီတဲစိဆူအနီၣ်ဂံၢ်အိၣ်လၢကရူၢ်ဖိ (ID) ခးအလီၢ်ခံတဖျၢၣ်န့ၣ်တက့ၢ်. နဃ့ထီၣ်စ့ၢ်ကီးတၢ်မၤကွၢ်တၢ်ဆါအမံၤရဲၣ်တဖၣ်ဒီး တၢ်ကူစါယါဘျါနီၣ်ဂံၢ်လၢပသူအီၤတဖၣ်သ့၀ဲဒၣ်န့ၣ်လီၤ.