စံးဆၢဘၣ်တၢ်သံကွၢ်တဖၣ်ဘၣ်ဃးဒီးန Blue Cross မ့တမ့ၢ် Blue Plus ဆူၣ်ချ့တၢ်တိာ်ကျဲၤ.
တၢ်ဂ့ၢ်တၢ်ကျိၤလၢအညီနုၢ်အံၤတၢ်စူးကါ၀ဲဒၣ်လၢဆူၣ်ချ့တၢ်တိာ်ကျဲၤအါတက့ၢ်တဖၣ်န့ၣ်သ့ဝဲလီၤႋ နမ့ၢ်တထံၣ်တၢ်လၢနဃုကွၢ်အီၤ ကိးလီတဲစိဆူ တၢ်တိစၢၤမၤစၢၤတၢ်လၢပှၤစူးကါတၢ်ဖိအဂီၢ် လီတဲစိနီၣ်ဂံၢ်အိၣ်ဖဲနကရူၢ်ဖိ ID ခးအလီၢ်ခံတက့ၢ်ႋ
တၢ်ကွၢ်နီၣ်ကွၢ်ဃါခးက့
ယကဒိးန့ၢ်ဘၣ်ယ တၢ်ကွၢ်နီၣ်ကွၢ်ဃါခးက့ အခါဖဲလဲၣ်ႋ
နကဒိးန့ၢ်ဘၣ် တၢ်ကွၢ်နီၣ်ကွၢ်ဃါခးက့ တဘ့ၣ်လၢနဂီၢ်ဒီးလၢ ဟံၣ်ဖိဃီဖိလၢတၢ်အုၣ်ကီၤဟ့ၣ်အဘူးအလဲ တဂၤစုာ်စုာ်အဂီၢ်လၢစှၤနွံတီၢ်ပူၤဖဲနတၢ်ရဲၣ်တၢ်ကျဲၤစးထီၣ်ဟံးမူဒါန့ၣ်လီၤႋ
မၤနၢ်ပၢၢ်အါထီၣ်းဘၣ်ဃးဒီး ID ခးတဖၣ်အဂ့ၢ်
ယဃ့မၤလိာ်ဘၣ် ID ခးလၢအဂၤတဘ့ၣ်ကသ့ဒ်လဲၣ်ႋ
ID ခးက့တဖၣ်လၢ တၢ်မၤအါထီၣ် မ့တမ့ၢ် တၢ်မၤပှဲၤက့ၤအီၤအဂီၢ်, ဆဲးလီၤမံၤနုာ်လီၤဆူ ကရူၢ်ဖိ သန့အပူၤ လၢနကဃ့ထီၣ်အဝဲအသ့ၣ် မ့တမ့ၢ် ကိးဘၣ် နီၣ်ဂံၢ်ဖဲ န ID ခးက့ အချၢန့ၣ်တက့ၢ်.
ယမၤန့ၢ်ဘၣ်ယ ID ခးလၢအ့ထၢၣ်နဲးအလိၤကသ့ဧါႋ
မ့ၢ်, နဆဲးလီၤမံၤနုာ်လီၤဆူ ကရူၢ်ဖိ ပှာ်သန့ အပူၤ ဒ်သိး နကထံၣ်ဘၣ် ဒီး ဆှၢလီၤဘၣ် န ID ခးက့ အဒံးကၠံၣ်တၢၣ် အသနၢၢ် တခါအဂီၢ်န့ၣ်တက့ၢ်.
တၢ်န့ၢ်ဘျုးဒီးတၢ်ဟ့ၣ်အဘူးအလဲ
ယကဃုကွၢ်ဘၣ်လၢမ့ၢ်တၢ်ကူးကွဲးယါဘျါ မ့တမ့ၢ် တၢ်ကူစါယါဘျါ တမံၤဘၣ်တၢ်ဟ့ၣ်အဘူးအလဲဧါကသ့ဒ်လဲၣ်ႋ
နုာ်လီၤလၢ ကရူၢ်ဖိပှာ်ယဲၤသန့ လၢကကွၢ်ဘၣ်နတၢ်ဟ့ၣ်အဘူးအလဲဒီးတၢ်န့ၢ်ဘျုး အဂ့ၢ်ဖုၣ်ကီာ်တဘ့ၣ်တက့ၢ်ႋ
နဒိးန့ၢ်ဘၣ်တၢ်မၤစၢၤသ့ ခီဖျိတၢ်ဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ခီဖျိတၢ်စူးကါနီၣ်ဂံၢ်လၢန ကရူၢ်ဖိ (ID) ခးအလီၢ်ခံန့ၣ်လီၤ.
သ့ၣ်ညါအါထီၣ်ဘၣ်ဃးတၢ်ရဲၣ်တၢ်ကျဲၤတၢ်ဟ့ၣ်အဘူးအလဲ
ယကသ့ၣ်ညါလၢမ့ၢ်ယ ကသံၣ်လၢကသံၣ်သရၣ်ဟ့ၣ်လီၤ န့ၣ်တၢ်ဟ့ၣ်န့ၢ်အဘူးအလဲဧါသ့ဒ်လဲၣ်ႋ
နုာ်လီၤဆူ ကရူၢ်ဖိပှာ်ယဲၤသန့ လၢကကွၢ်ဘၣ်တၢ်ဂ့ၢ်တၢ်ကျၤဘၣ်ဃးဒီးန တၢ်ဟ့ၣ်အဘူးအလဲ လၢကသံၣ်ကသံၣ်သရၣ်ဟ့ၣ်လီၤအဂီၢ် တက့ၢ်ႋ
နဆဲးလီၤမံၤနုာ်လီၤဆူ နကရူၢ်ဖိ အဲး(ပ)အပူၤသ့ဝဲစ့ၢ်ကီး လၢနကကွၢ်ဘၣ် တၢ်ဟ့ၣ်ကသံၣ်အလံာ်က့ တၢ်ဟ့ၣ်အဘူးအလဲ ဒီး တၢ်လၢာ်ဘူၣ်လၢာ်စ့ၤအဂီၢ်န့ၣ်လီၤ. တၢ်လၢအတယာ်ကွၢ် ကသံၣ်ကသီအတၢ်လၢာ်ဘူၣ်လၢာ်စ့ၤ အိၣ်လၢကရၢဖိတဖၣ်န့ၣ်အဂီၢ်လၢအိၣ်ဒီးကသံၣ်ကသီတၢ်န့ၢ်ဘျုးလၢဘၣ်တၢ်ပၢဆှၢရဲၣ်ကျဲၤဘၣ်အီၤခီဖျိ Prime Therapeutics န့ၣ်လီၤႋ
မၤန့ၢ်တၢ်မၤစၢၤလၢတၢ်နၢ်ပၢၢ်ဘၣ်န ကသံၣ်ကသီလၢကသံၣ်သရၣ်ဟ့ၣ်လီၤတဖၣ် တၢ်ဟ့ၣ်အဘူးအလဲအဂ့ၢ်
တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် မ့ၢ်မနုၤလဲၣ်ႋ
တၢ်တဲနၢ်ပၢၢ်တၢ်န့ၢ်ဘျုးအဂ့ၢ်အကျိၤတဖၣ် (EOB) မ့ၢ်လံာ်တဘ့ၣ်လၢပာ်ဖျါထီၣ် တၢ်ပဲာ်ဖးနီၤဖးလီၤ ဆူၣ်ချ့တၢ်ကွၢ်ထွဲ တၢ်ဖံးတၢ်မၤအဂ့ၢ်တဖၣ် လၢနဒိးန့ၢ်ဘၣ်အီၤဖဲတၢ်ဒိးကွၢ်သးဒီးကသံၣ်သရၣ်အကတၢၢ်တဘျီန့ၣ်လီၤႋ အဝဲပာ်ဖျါ၀ဲဒၣ် နဆူၣ်ချ့တၢ်တိာ်ကျဲၤ မနုၤတဖၣ်လၢတၢ်ဟ့ၣ်ဘၣ်အဘူးလဲ ဒီးနတၢ်ဘူးတၢ်လဲတဖၣ်လၢနဟံးမူဒါဟ့ၣ်ဘၣ်အီၤအဂ့ၢ်န့ၣ်လီၤႋ
မၤလိအါထီၣ်ဘၣ်ဃးဒီး EOB အဂ့ၢ်တဖၣ်
တၢ်ဒီသဒၢအတၢ်ကွၢ်ထွဲ မ့ၢ်မနုၤလဲၣ်. တလၢာ်ဒီးအဘူးလဲဧါႋ
တၢ်ဒီသဒၢအတၢ်ကွၢ်ထွဲ ပၣ်ဃုာ်ဒီးတၢ်သမံထံကွၢ်ဒီးတၢ်မၤကွၢ် လၢဒုးအိၣ်ဆူၣ်အိၣ်ချ့ဘၣ်နၤတသ့ဖဲအသ့န့ၣ်လီၤႋ အါတက့ၢ်ဘၣ်တၢ်အုၣ်ကီၤအီၤလၢနဆူၣ်ချ့တၢ်တိာ်ကျဲၤန့ၣ်လီၤႋ တၢ်ကွၢ်ထွဲလၢနလိၣ်ဘၣ်ဒိးသန့ၤထီၣ်သးလၢနသးနံၣ်, မုၣ်ခွါ ဟံၣ်ဖိဃီဖိအတၢ်စံၣ်စိၤတဲစိၤ ဒီးတၢ်မၤသးအဂုၤဂၤတဖၣ်န့ၣ်လီၤ.
ကသံၣ်သရၣ်, ကသံၣ်ဒၢး ဒီးတၢ်ဆါဟံၣ်တဖၣ်
ယဃုဒိးန့ၢ်ကသံၣ်သရၣ်တဂၤကသ့ဒ်လဲၣ်ႋ
မၤလီၤတံၢ်လၢကဃုထၢဘၣ်နကရၢမၤသကိးတၢ် တချုးလၢနဃုကွၢ်တၢ်အဂီၢ် ဒ်သိးနကထံၣ်ဘၣ်ထဲပှၤလၢနဆူၣ်ချ့တၢ်တိာ်ကျဲၤအုၣ်ကီၤဘၣ်အီၤန့ၣ်လီၤႋ Blue Cross အိၣ်ဒီးဆူၣ်ချ့တၢ်တိာ်ကျဲၤတဖၣ်အါမး ဒီးကသံၣ်ကသရၣ်ကရၢမၤသကိးတၢ်တဖၣ် ကလီၤဆီလိာ်သးလၢတၢ်ရဲၣ်တၢ်ကျဲၤတခါစုာ်စုာ်န့ၣ်လီၤႋ
ဃုကွၢ် ကသံၣ်သရၣ်တဂၤ လၢအ့ထၢၣ်နဲးအပူၤနမ့ၢ်ဒိးန့ၢ် တၢ်အုၣ်ကီၤ လၢနဂီၢ်ဒၣ်နဲအဃိ, ခီဖျိ တၢ်မၤကစၢ်တဂၤ မ့တမ့ၢ် နၤ အိၣ်ဒီး Medicare တၢ်တိာ်ကျဲၤ အခါန့ၣ်လီၤ.
ကမျၢၢ်တၢ်ရဲၣ်တၢ်ကျဲၤကရူၢ်ဖိတဖၣ် ဃုကွၢ်ကသံၣ်သရၣ်တဖၣ်ဖဲအံၤ သ့လီၤ.
မၤလိနၢ်ပၢ်အါထီၣ်ကရၢမၤသကိးတၢ်အဂ့ၢ် မ့တမ့ၢ် ကွၢ်ဘၣ် တၢ်ဟ့ၣ်ကူၣ်ဟ့ၣ်ဖးတဖၣ် လၢတၢ်ဃုထၢတၢ်ကွၢ်ထွဲအဂီၢ်တက့ၢ်.
ယဃုကွၢ်ကသံၣ်ကျးတဖျၢၣ်ဒ်လဲၣ်ႋ
လၢကမၤန့ၢ်ဘၣ်တၢ်အစၢအဂ့ၤကတၢၢ်အဂီၢ် နုာ်လီၤဆူ ကရူၢ်ဖိပှာ်ယဲၤသန့တက့ၢ်. နမ့ၢ်အိၣ်ဒီးတၢ်မၤကစၢ်တၢ်ဟ့ၣ်အဘူးအလဲ ဒီးနအိၣ်ဒီး တၢ်ဟ့ၣ်ကသံၣ်အလံာ်က့ ကရူၢ်ဖိ ID ခးအဂၤလီၤဆီတဘ့ၣ်န့ၣ် မၤလီၤတံၢ်လၢ ကကွၢ်ဘၣ်ပှာ်ယဲၤသန့တၢ်ကွဲးနီၣ်အီၤလၢခးအလိၤန့ၣ်တက့ၢ်ႋ
ကွၢ်အါထီၣ်ဘၣ်ဃး တၢ်ဃုနၢ်ပၢၢ်တၢ်ဟ့ၣ်အဘူးအလဲလၢကသံၣ်ကသံၣ်သရၣ်ဟ့ၣ်လီၤအဂီၢ် တက့ၢ်.
ယကဘၣ်ဃုကွၢ်မဲကသံၣ်သရၣ်ဒ်လဲၣ်.
တၢ်ဃုကွၢ်မဲကသံၣ်သရၣ်လၢတၢ်ဟ့ၣ်န့ၢ်ဝဲတၢ်အဘူးအလဲန့ၣ်,ဒိးသန့ၤထီၣ်သးလၢ မ့ၢ်နအိၣ်ဒီးBlue Crossမဲအတၢ်တိာ်ကျဲလီၤဆီဧါ(တၢ်ကွၢ်နီၣ်ကွၢ်ဃါခးက့IDလီၤဆီ), တအိၣ်ဘၣ်ဧါန့ၣ်လီၤ. န ဃုကွၢ် မဲကသံၣ်သရၣ်ဖဲအံၤသ့လီၤ.
ယကဘၣ်ဃုကွၢ်မဲာ်ချံကသံၣ်သရၣ်တဂၤဒ်လဲၣ်.
တၢ်ဃုကွၢ်ပှၤဟ့ၣ်တၢ်ကွၢ်ထွဲမၤစၢၤဘၣ်ဃးမဲာ်ချံလၢတၢ်ဟ့ၣ်န့ၢ်ဝဲတၢ်အဘူးအလဲန့ၣ်,ဒိးသန့ၤထီၣ်သးလၢ မ့ၢ်နအိၣ်ဒီး Blue Cross မဲာ်ချံအတၢ်တိာ်ကျဲလီၤဆီဧါ(တၢ်ကွၢ်နီၣ်ကွၢ်ဃါခးက့ ID လီၤဆီ)တအိၣ်ဘၣ်ဧါန့ၣ်လီၤ. န ဃုကွၢ် မဲာ်ချံကသံၣ်သရၣ်ဖဲအံၤသ့န့ၣ်လီၤ.
ဆူၣ်ချ့တၢ်ရဲၣ်တၢ်ကျဲၤတဖၣ် ဒီးတၢ်စှၤလီၤအပှ့ၤတဖၣ်
ဆူၣ်ချ့တၢ်ရဲၣ်တၢ်ကျဲၤဒီးတၢ်ထုးစှၤလီၤအဘူးအလဲဖဲယဆူၣ်ချ့တၢ်တိာ်ကျဲၤအပူၤတဖၣ်မနုၤအိၣ်လဲၣ်.
လၢနကထံၣ်ဘၣ် ဆူၣ်ချ့ တၢ်ရဲၣ်တၢ်ကျဲၤတဖၣ်ဒီး တၢ်မၤစှၤလီၤတၢ်အပှ့ၤတဖၣ် လၢအပာ်ဃုာ်ဒီး နတၢ်တိာ်ကျဲၤအဂီၢ်, ဆဲးလီၤမံၤ နုာ်လီၤဆူ နကရူၢ်ဖိ သန့ အပူၤတက့ၢ်.
စဲအ့ၣ်တၢ်ကူၣ်သ့တၢ်မၤစၢၤ
ယသးပ့ၤနီၣ် ယလံာ်မဲာ်ဖျၢၣ်ခူသူၣ်လီၤ.
ပှၤကရူၢ်ဖိအါတက့ၢ် ဒိးန့ၢ်တၢ်မၤစၢၤလၢ နကရူၢ်ဖိ ပှာ်ယဲၤသန့ လံာ်မဲာ်ဖျၢၣ်ခူသူၣ် အဂီၢ်ဖဲအံၤလီၤ.
စဲအ့ၣ်တၢ်ကူၣ်သ့တၢ်မၤစၢၤအဂီၢ်ယဆဲးကျိးမတၤကသ့လဲၣ်.
ကိး တၢ်မၤစၢၤ အလီတဲစိနီၣ်ဂံၢ်ဖဲ နကရူၢ်ဖိ ID ခးက့ အချၢ တက့ၢ်. စဲအ့ၣ်တၢ်ကူၣ်သ့တၢ်မၤစၢၤအဂီၢ်န့ၣ် ဒိးန့ၢ်ဘၣ်သ့ဖဲတၢ်တိစၢၤမၤစၢၤလၢပှၤစူးကါတၢ်ဖိအဂီၢ်တၢ်မၤအဆၢကတီၢ်ညီနုၢ်န့ၣ်လီၤ.
ယကဘၣ်ထုးစှၤလီၤကွံာ်တၢ်ဆှၢန့ၢ်ယၤလံာ်ပရၢခီဖျိ Blue Cross တဖၣ်ဒ်လဲၣ်.
ပလိၣ်ဘၣ်ဝဲဒၣ်တၢ်ဆှၢန့ၢ်နၤတၢ်ဂ့ၢ်တၢ်ကျိၤတနီၤခီဖျိတၢ်ပရၢဒီး, ဒီးတၢ်ဆဲးကျိးအဂုၤအဂၤတဖၣ်အဂီၢ်န့ၣ်တၢ်ကဆှၢန့ၣ်နၤဆူနကစၢ်လီပရၢတၢ်ဆဲးကျိးန့ၣ်လီၤ. ဆဲးလီၤမံၤနုာ်လီၤဆူ ကရူၢ်ဖိ ပှာ်ယဲၤသန့ ဒီး ကွၢ်ဃုဘၣ် နတၢ်ဆဲးကျၢ လၢနဘၣ်နသး ဒီး "Go Paperless တက့ၢ်.မ့ၢ်ဝံၤဒီး နဃုထၢဝဲဒၣ်နအဲၣ်ဒိးန့ၢ်ဘၣ်တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOBs),တၢ်တိာ်ကျဲၤတၢ်ဒုးသ့ၣ်ညါတဖၣ်ဒီးတၢ်အဂုၤအဂၤတဖၣ်လၢကျိၤကျဲဒ်လဲၣ် သ့ဝဲလီၤ. တၢ်ဘျုးလၢနမၤစၢၤပှၤဒ်သိးတၢ်တမၤဘၣ်ဒိန့ဆၢၣ်ခိၣ်ဃၢၤအဃိန့ၣ်လီၤ.