နၤဒီးနတၢ်အုၣ်ကီၤဟ့ၣ်ဆူၣ်ချ့တၢ်ကွၢ်ထွဲအဘူးအလဲဒ်လဲၣ်အဂ့ၢ်

မၤလိဘၣ်ဃး တၢ်လၢာ်ဘူၣ်လၢာ်စ့ၤလၢ ဆူၣ်ချ့တၢ်ကွၢ်ထွဲတဖၣ်အံၤအဂီၢ်ဒီး တၢ်ကဘၣ်ဟ့ၣ်အီၤဒ်လဲၣ်န့ၣ်တက့ၢ်.

ယကဘၣ်ဟ့ၣ်တၢ်ဘူးတၢ်လဲဆူ Blue Cross အအိၣ်လၢ ယဆူၣ်ချ့တၢ်ကွၢ်ထွဲအဂီၢ်ဧါ.

တလိၣ်ဘၣ်. ဖဲနထံၣ်လိာ်သးဒီးကသံၣ်သရၣ်, ထီၣ်တၢ်ဆါဟံၣ် မ့တမ့ၢ် လဲၤလၢကသံၣ်ကျးအခါန့ၣ် တၢ်ဘူးတၢ်လဲလၢနလိၣ်ဟ့ၣ်ဝဲဒၣ်တမံၤန့ၣ် ကဟ့ၣ်လီၤအီၤဒီးပှၤဟ့ၣ်တၢ်ကွၢ်ထွဲတဂၤန့ၣ်အအိၣ်န့ၣ်လီၤ.

ဆူၣ်ချ့တၢ်ကွၢ်ထွဲလၢတၢ်တိာ်ကျဲၤဘျးစဲပူၤအဂီၢ်, ယကဘၣ်ဟ့ၣ်တၢ်လၢာ်ဘူၣ်လၢာ်စ့ၤမနုၤတဖၣ်လဲၣ်.

နကဘၣ်ဟ့ၣ်ဆူၣ်ချ့တၢ်တိာ်ကျဲၤ တၢ်အုၣ်ကီၤအဘူးအလဲတလါဘၣ်တလါအဂီၢ် လၢနဆူၣ်ချ့တၢ်တိၤကျဲၤအဂီၢ် ဃုာ်ဒီးဆူၣ်ချ့တၢ်ကွၢ်ထွဲအဘူးအလဲတနီၤန့ၣ်လီၤ. နကဘၣ်ဟ့ၣ်တၢ်အုၣ်ကီၤအဘူးအလဲလိၤလိၤဆူနဆူၣ်ချ့တၢ်တိာ်ကျဲၤ မ့တမ့ၢ် နတၢ်မၤခိၣ်ကထုးကွံာ်အီၤလၢနတၢ်မၤဘူးလဲအကျါန့ၣ်လီၤ.

တၢ်ဘူးတၢ်လဲလၢနလိၣ်ဟ့ၣ်အီၤအဂၤ ဘၣ်သ့ၣ်သ့ၣ် ကမ့ၢ်ဝဲ:

  • တၢ်ဟ့ၣ်ဆိအဘူးအလဲ
  • တၢ်အုၣ်ကီၤဟ့ၣ်သဃဲၤ
  • တၢ်ဟ့ၣ်သဃဲၤအဘူးအလဲ
  • တၢ်ဟ့ၣ်အဘူးအလဲလၢနီၢ်ကစၢ်စ့အအါကတၢၢ်

 

ယကဘၣ်ကွၢ်ကီမၤနီၣ် ဆူၣ်ချ့တၢ်ကွၢ်ထွဲ တၢ်လၢာ်ဘူၣ်လၢာ်စ့ၤလၢ ကျိၤကျဲဒ်လဲၣ်.

Blue Cross ကရူၢ်ဖိတဖၣ် တ့ထီၣ်ကရူၢ်ဖိအကီးဒီး ဆဲးလီၤမံၤနုာ်လီၤဆူ ကျိၤကျဲလၢအ၀ဲသ့ၣ်တၢ်ဃ့က့ၤ ဒီးတၢ်သူတၢ်စွဲန့ၣ်လီၤ.

အိးထီၣ်အကိး

နုာ်လီၤ

တၢ်ကတိၤလၢပှၤသူညီနုၢ်အီၤတဖၣ်

တၢ်အုၣ်ကီၤအဘူးအလဲ

တၢ်အုၣ်ကီၤအဘူးအလဲ ဖရံမံယၢၣ်စံးတၢ်န့ၣ် မ့ၢ်၀ဲ တၢ်ဘူးတၢ်လဲလၢနဘၣ်ဟ့ၣ်၀ဲဒၣ်တလါဘၣ်တလါလၢဆူၣ်ချ့တၢ်အုၣ်ကီၤအဂီၢ်လီၤ.

ကဃုသ့ၣ်ညါအါထီၣ်

တၢ်ဟ့ၣ်ဆိအဘူးအလဲ

တချုးနဆူၣ်ချ့တၢ်တိာ်ကျဲၤကဟ့ၣ်က့ၤ ဆူၣ်ချ့တၢ်ကွၢ်ထွဲလၢတၢ်ကျၢၢ်ဘၢအီၤ အဘူးအလဲဒံးဘၣ်န့ၣ် နကဘၣ်ဟ့ၣ်ဆိတၢ်ဘူးတၢ်လဲအံၤ တနံၣ်ဘၣ်တနံၣ်လီၤ.

ကဃုသ့ၣ်ညါအါထီၣ်

တၢ်အုၣ်ကီၤဟ့ၣ်သဃဲၤ

ဖဲနဟ့ၣ်တၢ်ဟ့ၣ်ဆိအဘူးအလဲဝံၤဝဲအခါ အအံၤမ့ၢ်ကျိၣ်စ့အတၢ်ပှဲၤအံၤပှဲၤနုၤ လၢနကဘၣ်ဟ့ၣ်ဒံး လၢဆူၣ်ချ့တၢ်ကွၢ်ထွဲလၢတၢ်ကျၢၢ်ဘၢအီၤ အဘူးလဲအဂီၢ်န့ၣ်လီၤ.

ကဃုသ့ၣ်ညါအါထီၣ်

တၢ်ဟ့ၣ်အဘူးအလဲလၢနီၢ်ကစၢ်စ့အအါကတၢၢ်

ကျိၣ်စ့အအါကတၢၢ် လၢနကဟ့ၣ်လၢ တနံၣ်ဘၣ်တနံၣ်လီၤ.

ကဃုသ့ၣ်ညါအါထီၣ်

တၢ်ဟ့ၣ်သဃဲၤ မ့တမ့ၢ် တၢ်အုၣ်ကီၤဟ့ၣ်သဃဲၤ

ကျိၣ်စ့လၢ အဘၣ်တၢ်ပာ်ပနီၣ်ဃာ်အီၤလၢ နကဟ့ၣ်လၢနတၢ်လဲၤထံၣ်လိာ်သးဒီး ကသံၣ်သရၣ်တဘျီအဂီၢ် မ့တမ့ၢ် တၢ်မၤပှဲၤကသံၣ်လၢကသံၣ်သရၣ်ဟ့ၣ်လီၤတဖၣ်အဂီၢ်.

ကဃုသ့ၣ်ညါအါထီၣ်

တၢ်တိစၢၤမၤစၢၤအဒိ

ဟ့ၣ်တၢ်အဘူးအလဲလၢ ဆူၣ်ချ့တၢ်ကဟုကယာ်အဂီၢ် အဒိ

  1. လဲၤဟးဆူကသံၣ်သရၣ်လၢ အအိၣ်လၢနတၢ်တိာ်ကျဲၤပှာ်ဘျးစဲ* ဒီးဟ့ၣ်ဒုးနဲၣ်ဖျါ နကရူၢ်ဖိ (ID) ခးတက့ၢ်. နတၢ်တိာ်ကျဲၤအတၢ်ဟ့ၣ်သဃဲၤမ့ၢ်အိၣ်န့ၣ်နဘၣ်ဟ့ၣ်အီၤဖဲနဒိးန့ၢ်ဘၣ်တၢ်ကူစါယါဘျါအကတီၢ်န့ၣ်တက့ၢ်.

  1. ဖဲန့ၣ်ဝံၤအလီၢ်ခံနကသံၣ်သရၣ်ကဆှၢ နတၢ်ထံၣ်လိာ်သးအဂ့ၢ်အကျိၤဆူBlue Crossလၢကတီၣ်ထီၣ်တၢ်ဃ့က့ၤအဘူးအလဲန့ၣ်လီၤ.

  1. Blue Cross ကကွၢ်ကဒါက့ၤနတၢ်ဃ့က့ၤအဘူးအလဲ ဒီး ကဆၢတဲာ်တၢ်ဘူးတၢ်လဲ(တၢ်အပှ့ၤ) လၢနကြၢးဟ့ၣ်က့ၤအီၤလၢတၢ်ကူစါယါဘျါအကျိၤကျဲန့ၣ်လီၤ. စ့ပာ်ပနီၣ်န့ၣ်မ့ၢ်တၢ်အပှ့ၤလၢ Blue Cross ဒီး နကသံၣ်သရၣ်အသးလီၤပလိာ်ဝဲလၢအဝဲသ့ၣ်အဘၢၣ်စၢၤန့ၣ်လီၤ.

  1. Blue Cross ကဆှၢန့ၢ်နကသံၣ်သရၣ်တၢ်ဂ့ၢ်ကျၢၢ်တံၢ်လၢကတဲနၢ်ပၢၢ်စ့နီၢ်ဂံၢ်လၢအလီၤတဲာ်လၢ ဆူၣ်ချ့တၢ်တိာ်ကျဲၤ ဒီး ကရူၢ်ဖိ အကဘၣ်ဟ့ၣ်ဝဲလၢတၢ်ဃ့က့ၤအဘူးအလဲအဂီၢ်န့ၣ်လီၤ. Blue Cross ကဆှၢစ့ၢ်ကီးနၤလၢ တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) ဃုာ်ဒီးတၢ်ဂ့ၢ်တမံၤဃီန့ၣ်လီၤ.
    ဃုသ့ၣ်ညါအါထီၣ် ဘၣ်ဃးဒီး တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ်

  1. နကသံၣ်သရၣ်ကဆှၢန့ၣ်နၤလၢတၢ်ဃ့စ့အလံာ်ဖီ လၢစ့နီၢ်ဂံၢ်လၢနကဘၣ်ဟ့ၣ်ဒ်အမံၢ်ဝဲနတၢ်ဟ့ၣ်ဆိအဘူးအလဲ မ့တမ့ၢ် တၢ်အုၣ်ကီၤဟ့ၣ်သဃဲၤ ဖဲနကသံၣ်သရၣ်ဒိးန့ၢ်ဘၣ် တၢ်ဃ့က့ၤအဘူးအလဲ ဒီးတၢ်ဘူးတၢ်လဲလၢ Blue Cross ဟ့ၣ်လီၤဝဲန့ၣ်လီၤ.

  1. ထိၣ်သတြီၤတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) လၢ Blue Cross ဟ့ၣ်နၤဒီးကဒွဲစရီလၢနကသံၣ်သရၣ်ဟ့ၣ်နၤ ဒ်သိးကမၤလီၤတံၢ်လၢတၢ်ဂ့ၢ်ကလီၤပလိာ်သးအဂီၢ်န့ၣ်လီၤ.

  1. ဆှၢနတၢ်ဟ့ၣ်တၢ်ဘူးတၢ်လဲဆူနကသံၣ်သရၣ်လိၤလိၤတက့ၢ်.

တိၢ်နီၣ်: - နမ့ၢ်ဒိးန့ၢ်ဘၣ်တၢ်တိစၢၤမၤစၢၤတဖၣ်လၢ ကသံၣ်သရၣ်လၢနတၢ်တိာ်ကျဲၤဘျးစဲအချၢန့ၣ် Blue Cross ကဆှၢန့ၢ်နၤခၠဲး လၢကဟ့ၣ်က့ၤတၢ်ဘူးတၢ်လဲ လၢနဆူၣ်ချ့တၢ်တိာ်ကျဲၤ လိၣ်ဟ့ၣ်လီၤဝဲဒၣ်အဂီၢ်န့ၣ်လီၤ. နကဘၣ်ဟ့ၣ်က့ၤကသံၣ်သရၣ်လၢကဒွဲစရီပူၤစ့အလီၤတဲာ်ခဲလၢာ်န့ၣ်လီၤ

နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.
 

*တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.