1.တၢ်ဂ့ၢ်တၢ်ကျိၤလၢ ပထၢဖှိၣ်အီၤတဖၣ်
ပထၢဖှိၣ် နီၢ်ကစၢ်တၢ်ဂ့ၢ်တၢ်ကျိၤလၢနအိၣ်ဒီး လၢအဘၣ်ထွဲဒီးနၤ လၢကျိၤကျဲအါမံၤအပူၤန့ၣ်လီၤ. နီၢ်ကစၢ်တၢ်ဂ့ၢ်တၢ်ကျိၤန့ၣ် အခီပညီမ့ၢ်ဝဲ နီၢ်တဂၤ အတၢ်ဂ့ၢ်တၢ်ကျိၤလၢ အပာ်ဖျါအတၢ်မ့ၢ်တၢ် အဒိဒ်သိး နမံၤ, အံမ့(လ)အမံၤ, ဒီး ပှၤတကလုာ်အတၢ်မ့ၢ်တၢ် အဂ့ၢ်အကျိၤ ဖဲနဃုထၢလၢကမၤပှဲၤ အ့ထၢၣ်နဲး လံာ်ကွီၣ်ဒိတမံၤအခါန့ၣ်လီၤ. ပအိၣ်ဒီး ပီးလီတဖၣ်, တၢ်အက့ၢ်အဂီၤတဖၣ်, ဒီး တၢ်အဂ့ၢ်မိၢ်ပှၢ်တဖၣ် အါကလုာ် (ဒ်ဘၣ်တၢ်ပာ်ဖျါလၢလာ်အသိး), လၢအလုၤပိာ်မၤထွဲ သဲစးလၢအဘၣ်ထွဲ, ဒ်သိးကထၢဖှိၣ် နီၢ်ကစၢ် တၢ်ဂ့ၢ်တၢ်ကျိၤ လၢကနဲၣ်လီၤ ပမုၢ်ဝဲၤအတၢ်ဖံးတၢ်မၤတဖၣ်အဂီၢ်, ပာ်ဃုာ်ဒီး တၢ်သ့ၣ်ညါနၢ်ပၢၢ် ပပှၤစူးကါတၢ်တဖၣ်, ရဲၣ်သဲကတီၤဒီး စူးကါ ပအ့ထၢၣ်နဲးတၢ်တိစၢၤမၤစၢၤတဖၣ်အဂ့ၤကတၢၢ်ဒီး ဆီတလဲမၤဂ့ၤထီၣ် နပှၤစူးကါတၢ် အတၢ်လဲၤခီဖျိန့ၣ်လီၤ. တၢ်ဂ့ၢ်တၢ်ကျိၤအါတက့ၢ်လၢ ပထၢဖှိၣ်, စူးကါ, ဒီး ဘိးဘၣ်ရၤလီၤခီဖျိ တၢ်စူးကါ ပအ့ထၢၣ်နဲး တၢ်တိစၢၤမၤစၢၤတဖၣ်န့ၣ်မ့ၢ်ဝဲ PHI လီၤ.
နမၤဘၣ်ထွဲလိာ်သးဒီး Blue Cross and Blue Shield of Minnesota အ့ထၢၣ်နဲးပူၤ တၢ်တိစၢၤမၤစၢၤလီၤတ့ၢ်တမံၤ ဒ်လဲၣ်န့ၣ် ညီနုၢ်ကဆၢတဲာ် နီၢ်ကစၢ်တၢ်ဂ့ၢ်တၢ်ကျိၤလၢ ပထၢဖှိၣ်အကလုာ်ဒီး အအါအစှၤန့ၣ်လီၤ. လၢထီရီၤပှာ်ယဲၤသန့ တၢ်ဃုထံၣ်အဂီၢ်, ပဖီၣ်န့ၢ်ဂံၢ်ခီၣ်ထံးတၢ်ဂ့ၢ်တၢ်ကျိၤ အဒိဒ်သိး နဘြီစၢၣ် အကလုာ်, IP လီၢ်အိၣ်ဆိးထံး, ခီၣ်ဖၠူထၢၣ် ပီးလီ အက့ၢ်အဂီၤ, URL လၢကွၢ်သတြဲၤ, တကးဒံးဘၣ် စၢဘၢၣ် တၢ်နုာ်လီၤ အဂ့ၢ်အကျိၤ အဒိဒ်သိး တၢ်အဆၢကတီၢ်, စထရ့(မ)တဖၣ်လၢ စံၢ်လီၤ, ဒီး တၢ်ဘိးဘၣ်သ့ၣ်ညါ တၢ်လီၤပံာ်သတူာ်ကလာ်တဖၣ် စ့ၢ်ကီးန့ၣ်လီၤ. လၢက့ၢ်ဂီၤအဂၤတဖၣ်အဂီၢ်, အဒိဒ်သိး တၢ်စူးကါ လီသန့လၢအဘံၣ်အဘၢတမံၤ, ပကလိၣ်ဘၣ်လၢ ကမၤလီၤတ့ၢ် နတၢ်မၤတၢ် ခီဖျိ တၢ်နုာ်လီၤဆဲးလီၤမံၤ အတၢ်မၤအကျိၤအကျဲဒီး ထၢဖှိၣ် နီၢ်ကစၢ်တၢ်ဂ့ၢ်တၢ်ကျိၤ လၢလၢလီၢ်လီၢ် လၢကဟ့ၣ်ထီၣ် တၢ်စံးဆၢ မ့တမ့ၢ် ပၢဆှၢရဲၣ်ကျဲၤ တၢ်တိစၢၤမၤစၢၤလၢ ဘၣ်တၢ်ဃ့ထီၣ်အီၤ အဂီၢ်န့ၣ်လီၤ.
တၢ်လၢအပိာ်ထွဲလၢလာ်အံၤ မ့ၢ်တၢ်ဂ့ၢ်လီၤတံၢ်ဆူညါတဖၣ် လၢအဘၣ်ဃးဒီး နီၢ်ကစၢ် တၢ်ဂ့ၢ်တၢ်ကျိၤလၢ ပထၢဖှိၣ်, စူးကါ, ဒီးဘိးဘၣ်ပာ်ဖျါလၢ ပမုၢ်ဝဲၤတၢ်မၤ အဂီၢ်ဧိၤန့ၣ်လီၤ.
အ့ထၢၣ်နဲးပူၤ လံာ်ကွီၣ်ဒိ
Blue Cross and Blue Shield of Minnesota ဟ့ၣ်ထီၣ် အ့ထၢၣ်နဲးပူၤ တၢ်သံကွၢ်သံဒိး လံာ်ကွီၣ်ဒိတဖၣ် လၢပှာ်ယဲၤသန့လၢ ပပၢသဃဲၤသကိးအဖီခိၣ် လၢမံၤစရီ တၢ်သံကွၢ်တၢ်ဖၣ်အဂီၢ် မ့တမ့ၢ် လၢကမၤလိသ့ၣ်ညါအါထီၣ်ဘၣ်ဃး ပပနံာ်ပီးလီတဖၣ်ဒီး တၢ်တိစၢၤမၤစၢၤတဖၣ်အဂီၢ်န့ၣ်လီၤ. နီၢ်ကစၢ်တၢ်ဂ့ၢ်တၢ်ကျိၤလၢ ပထၢဖှိၣ်လၢ တၢ်သံကွၢ်သံဒိး အလံာ်ကွီၣ်ဒိတဖၣ်အဖီခိၣ်န့ၣ် ညီနုၢ်ပာ်ဃုာ်ဒီး နမံၤ, နလီၢ်အိၣ်ဆိးထံး, နလီတဲစိနီၣ်ဂ့ၢ်, နအံမ့(လ)အမံၤ, ဒီး နတၢ်သံကွၢ်သံဒိးအဂ့ၢ်လီၤတံၢ်တဖၣ်န့ၣ်လီၤ. ခီဖျိနဆှၢထီၣ်နနီၢ်ကစၢ်တၢ်ဂ့ၢ်တၢ်ကျိၤန့ၣ်, နဟ့ၣ်လီၤ Blue Cross and Blue Shield of Minnesota ခွဲးယာ်လၢကရၤလီၤ, ခိးကွၢ်, ဃုမၤန့ၢ်က့ၤ, ပာ်ကီၤဃာ် ဒီး စူးကါ နတၢ်ဂ့ၢ်တၢ်ကျိၤ လၢတၢ်ဘျးစဲအီၤဒီး ပှာ်ယဲၤသန့ အတၢ်ဖံးတၢ်မၤအပူၤန့ၣ်လီၤ. ပကဘၣ်စူးကါ တၢ်ဂ့ၢ်တၢ်ကျိၤလၢကကွၢ်ကဒါဒီး ခီဆၢက့ၤနတၢ်ဃ့သကွံာ်ကညး မ့တမ့ၢ် တၢ်ဆဲးကျၢဆဲးကျိး မ့တမ့ၢ် စူးကါ ပှၤမၤစၢၤဆီၣ်ထွဲတၢ်တိစၢၤမၤစၢၤတၢ် လၢအမၤတၢ်အၢၣ်လီၤအီၤလီၤ လၢကမၤတၢ်အံၤလၢပဂီၢ်န့ၣ်လီၤ. ပကစူးကါစ့ၢ်ကီး တၢ်ဂ့ၢ်တၢ်ကျိၤလၢဘၣ်တၢ်ထၢဖှိၣ်အီၤ ခီဖျိအ့ထၢၣ်နဲးပူၤလံာ်ကွီၣ်ဒိ ဒ်တၢ်နီၤဖး 2 လၢလာ်အံၤ ပာ်ဖျါဝဲအသိးန့ၣ်လီၤ.
ပှာ်ယဲၤကျဲစၢၤလၢ အဘံၣ်အဘၢ
Blue Cross and Blue Shield of Minnesota ဒုးအိၣ်ထီၣ် ပှာ်ယဲၤကျဲစၢၤလၢ အဘံၣ်အဘၢတဖၣ် လၢပပှၤစူးကါတၢ်ဖိဒီး မုၢ်ဝဲၤတၢ်မၤ ပှၤမၤသကိးတၢ်တဖၣ် ကစူးကါအဂီၢ်န့ၣ်လီၤ. ဖဲ ပှာ်ယဲၤကျဲစၢၤလၢအဘံၣ်အဘၢတဖၣ် ဘၣ်တၢ်နုာ်ကွၢ်အီၤန့ၣ်, ပထၢဖှိၣ် နီၢ်ကစၢ် အဂ့ၢ်အကျိၤလီၤတံၢ်, အဒိဒ်သိး ပှၤစူးကါတၢ်ဖိ တၢ်အုၣ်သးဒီး လံာ်ဖျၢၣ်ခူသူၣ်, IP အလီၢ်အကျဲ, စထရ့(မ)လၢစံၢ်လီၤဝဲ, ဒီး တၢ်ဂ့ၢ်ထၢဖှိၣ်လၢအဘၣ်ထွဲတဖၣ်န့ၣ်လီၤ. တၢ်ဆဲးကျၢဆဲးကျိးတဖၣ်လၢ ပှၤစူးကါတၢ်ဖိတဖၣ်ဆှၢအီၤ ခီဖျိ ပှာ်ယဲၤကျဲစၢၤလၢအဘံၣ်အဘၢတဖၣ်အံၤန့ၣ် ဘၣ်သ့ၣ်သ့ၣ် ကဘၣ်တၢ်မၤနီၣ်မၤဃါအီၤလၢ တၢ်ဆှၢခီတၢ်အစရီတဖၣ်အပူၤ လၢကခိးကွၢ် တၢ်ဂ့ၢ်ခိၣ်တီ, တၢ်လုၤပိာ်မၤထွဲသဲစးဒီး တၢ်သိၣ်တၢ်ဘျၢလၢ အဘၣ်ထွဲ, မ့တမ့ၢ် တၢ်တိစၢၤမၤစၢၤ အတၢ်ဖံးတၢ်မၤန့ၣ်လီၤ. ပကစူးကါစ့ၢ်ကီး တၢ်ဂ့ၢ်တၢ်ကျိၤလၢ ဘၣ်တၢ်ထၢဖှိၣ်အီၤ ခီဖျိ ပှာ်ယဲၤကျဲစၢၤလၢ အဘံၣ်အဘၢတဖၣ်လၢ တၢ်နီၤဖး 2 လၢလာ်အံၤ ပာ်ဖျါဝဲအသိးန့ၣ်လီၤ.
တၢ်မၤဘၣ်ထွဲခီဆၢ ကတိၤသကိးတၢ်
ပအ့ထၢၣ်နဲး အတၢ်ဖံးတၢ်မၤတဖၣ်န့ၣ် ကဟ့ၣ်ထီၣ် တၢ်မၤဘၣ်ထွဲခီဆၢ ကတိၤသကိးတၢ် အစဲးဖီကဟၣ်ပီညါ လၢကမၤစၢၤ ပှၤစူးကါတၢ်ဖိတဖၣ်အဂီၢ်န့ၣ်လီၤ. တၢ်မၤဘၣ်ထွဲခီဆၢလိာ်သး စဲးဖီကဟၣ်ပီညါအံၤ ကထၢဖှိၣ် နီၢ်ကစၢ်တၢ်ဂ့ၢ်တၢ်ကျိၤ အဒိဒ်သိး မံၤ, အိၣ်ဖျဲၣ်မုၢ်နံၤ, လီၢ်အိၣ်ဆိးထံး, ဒီး အကီးနီၣ်ဂံၢ်လၢ အုၣ်အသးလၢအမ့ၢ်အတီအဂီၢ် မ့တမ့ၢ် လၢကဟ့ၣ် တၢ်ဂ့ၢ်လီၤတံၢ်လၢ ဘၣ်တၢ်ဆီတလဲမၤဂ့ၤထီၣ် ဒ်ပှၤစူးကါတၢ်ဖိ ဃ့သကွံာ်ကညးအသိး ဒီး ကဖီၣ်ဘၣ်စ့ၢ်ကီး တၢ်ဂ့ၢ်တၢ်ကျိၤလၢအဘၣ်ထွဲဒီး တၢ်အဆၢကတီၢ်ဝဲန့ၣ် အဒိဒ်သိး ပှာ်ယဲၤအစရီတဖၣ် လၢကမၤနီၣ်မၤဃါ တၢ်မၤဘၣ်ထွဲအဂီၢ်န့ၣ်လီၤ. ပှၤစူးကါတၢ်ဖိတဖၣ်န့ၣ် ဘၣ်တၢ်ဒုးသ့ၣ်နီၣ်အီၤလၢ တၢ်စူးကါတၢ်ပာ်ဖှိၣ်မၤပှဲၤအါထီၣ်တၢ် အတၢ်သိၣ်တၢ်ဘျၢတဖၣ်န့ၣ် ကဘၣ်ထွဲဒီး တၢ်ပာ်ကဲ တၢ်ဘၣ်ထွဲခီဆၢလိာ်သး တၢ်တဲသကိးတၢ် အက့ၢ်အဂီၤ လၢအမ့ၢ်ဝဲ တၢ်ဂ့ၢ်ခူသူၣ်အသနူအံၤ အတၢ်အါထီၣ်, ဒီး ပှၤစူးကါတၢ်ဖိတဖၣ်န့ၣ် ဘၣ်တၢ်ဟ့ၣ်ဂံၢ်ဟ့ၣ်ဘါအီၤလၢ ကဖးတၢ်သိၣ်တၢ်ဘျၢတဖၣ်အံၤစ့ၢ်ကီးန့ၣ်လီၤ. ပကသူစ့ၢ်ကီး တၢ်ပာ်ဖှိၣ်တၢ်ဂ့ၢ်တၢ်ကျိၤ ခီဖျိလၢအဘၣ်ထွဲခီဆၢလိာ်သးယၢ်ခီယၢ်ခီ တၢ်တဲသကိးတၢ်ဒ်အမ့ၢ် တၢ်ပာ်ဖျါထီၣ်လၢ တၢ်ဘျၢ 2ဒ်လာ်အံၤအသိးန့ၣ်လီၤ.
တၢ်ဆဲးလီၤမံၤနုာ်လီၤ ခီဖျိ နနီၢ်ကစၢ်က့ၢ်ဂီၤလီၤဆီ (biometric)
နကဘၣ်တၢ်ကွဲမုာ်နၤခီဖျိ နလီတဲစိတၢ်ပီးတၢ်လီ ဒ်သိးကသူ စုပနီၣ်, မဲာ်တၢ်ပာ်ပနီၣ်, မ့တမ့ၢ်လီၤဂာ်ဒီး biometric စဲးဖီကဟၣ်ပီညါ ဒ်သိးကနုာ်လီၤဆူ ပဆဲးကျိးန့ၢ်တီၤ တၢ်တိစၢၤမၤစၢၤန့ၣ်လီၤ. ဖဲbiometric တၢ်နုၣ်လီၤအံၤဘၣ်တၢ်အိးထီၣ်န့ၣ် ပဆဲးကျိးန့ၢ်တီၤ တၢ်တိစၢၤမၤစၢၤတဖၣ် တၢ်ပာ်ပနီၣ်လၢ နဘၣ်တၢ်ဃုထၢတၢ်အံၤဒ်အမ့ၢ် တၢ်သးစဲအါန့ၢ်တၢ်အဂၤဒီး အိၣ်ဒီးတၢ်ဒုးနဲၣ်ဖျါအိၣ်ဒီးတၢ်အုၣ်သး ခီဖျိနလီတဲစိတၢ်ပီးတၢ်လီ, ဒီးနဘၣ်တၢ်ပျဲနၤဒ်သိးကဒိးန့ၢ် ပဆဲးကျိးန့ၢ်တီၤတၢ်တိစၢၤမၤစၢၤတဖၣ် ဒ်န့ၣ်အသိးန့ၣ်လီၤ. ဖဲနစူးကါ တၢ်ဆဲးလီၤမံၤနုာ်လီၤ ခီဖျိ နနီၢ်ကစၢ်က့ၢ်ဂီၤလီၤဆီ (biometric) လၢပအ့ထၢၣ်နဲး တၢ်တိစၢၤမၤစၢၤတဖၣ်အဖီခိၣ်အခါ, ပကထၢဖှိၣ် နနီၢ်ကစၢ်က့ၢ်ဂီၤလီၤဆီ နီတမံၤ (အဒိ, စုတဝံးပနီၣ် မ့တမ့ၢ် မဲာ်သၣ်အဂီၤ), လၢအဘၣ်တၢ်ပၢဆှၢသုးကျဲၤအီၤဒီး ပၢၤဃာ်အီၤလၢ နမိၣ်ဘဲ(လ)ပီးလီအပူၤဒီး လၢပှၤထုးထီၣ် နမိၣ်ဘဲ(လ)ပီးလီ (အဒိ, Apple, Samsung) ဘၣ်လီၤ.
ဟီၣ်ဒွဲပီညါတၢ်အိၣ်ဆိးလီၢ် အတၢ်ဖံးတၢ်မၤတဖၣ်
ပဆဲးကျိးန့ၢ်တီၤတၢ်တိစၢၤမၤစၢၤတဖၣ် သူ၀ဲတၢ်အိၣ်ဆိးလီၢ်တၢ်တိစၢၤမၤစၢၤတဖၣ် အတၢ်ဖံၤတၢ်မၤလၢ နလီတဲစိတၢ်ပီးတၢ်လီတဖၣ်ဒီး ဖဲန့ၣ်ပာ်ဖှိၣ်နဟီၣ်ဒွဲပီညါတၢ်အိၣ်ဆိးလီၢ် တၢ်ဂ့ၢ်န့ၣ်လီၤ. ပသူဟီၣ်ဒွဲပီညါ တၢ်အိၣ်ဆိးလီၢ်တၢ်ဂ့ၢ်ဒ်သိးကမၤစၢၤနၤလၢတၢ်ဃုထံၣ် ဘၣ်ထွဲဒီးဟီၣ်ဒွဲပီညါ အိၣ်သူလီၤအသးလၢ တၢ်ဖိတၢ်လံၤတဖၣ်ဒီး တၢ်တိစၢၤမၤစၢၤတဖၣ် ဒီး ဒ်သိးကဟ့ၣ်မၤစၢၤနၤဃုာ်ဒီး တၢ်ဂ့ၢ်ခိၣ်တီလၢအဘၣ်လီၢ်ဘၣ်စး အိၣ်သူၣ်လီၤသူလၢ နတၢ်အိၣ်ဆိးလီၢ်န့ၣ်လီၤ. ပကစူးကါစ့ၢ်ကီး တၢ်ဂ့ၢ်တၢ်ကျိၤလၢ ဘၣ်တၢ်ထၢဖှိၣ်အီၤ ခီဖျိ တၢ်လီၢ်တၢ်ကျဲ တၢ်တိစၢၤမၤစၢၤတဖၣ် ဒ်အဘၣ်တၢ်ပာ်ဖျါအီၤလၢ တၢ်နီၤဖး 2 လၢလာ်အံၤအသိးန့ၣ်လီၤ.
မိၣ်ဘဲ(လ) ပီးလီ
ပအ့ထၢၣ်နဲးတၢ်တိစၢၤမၤစၢၤတဖၣ်န့ၣ် ထၢဖှိၣ် နီၢ်ကစၢ် တၢ်ဂ့ၢ်တၢ်ကျိၤလီၤတံၢ် ဖဲစးထီၣ်မၤတၢ်ဖဲ မိၣ်ဘဲ(လ)ပီးလီတခါအပူၤ, အဒိ, ပမိၣ်ဘဲ(လ)အဖလံၣ်ခ့ရှၢၣ်အကျါတမံၤ မ့ၢ်ဘၣ်တၢ်ထုးဟံးန့ၢ်ဒီလိးအီၤန့ၣ်, ပထၢဖှိၣ် တၢ်ဂ့ၢ်တၢ်ကျိၤ ဘၣ်ဃးဒီး ပီးလီအကလုာ်, အဝဲအစီးဝဲ/ဖံးတၢ်မၤတၢ် အကျိၤအကျဲ, ဒီး ပီးလီ အတၢ်ပနီၣ်န့ၣ်လီၤ. ပစူးကါတၢ်ဂ့ၢ်တၢ်ကျိၤ လၢကနုာ်လီၤမၤန့ၢ် ပထီရီၤပှၤစူးကါတၢ်ဖိ အဂံၢ်ထံး ဒီး မၤဂ့ၤထီၣ် စဲးဖီကဟၣ်ပီညါ တၢ်ဆီၣ်ထွဲမၤစၢၤ အတၢ်သ့န့ၢ်အိၣ်န့ၢ်တဖၣ်န့ၣ်လီၤ. ပကစူးကါစ့ၢ်ကီး တၢ်ဂ့ၢ်တၢ်ကျိၤလၢ အဘၣ်တၢ်ထၢဖှိၣ်အီၤလၢ နမိၣ်ဘဲ(လ)ပီးလီအပူၤ ဒ် ဘၣ်တၢ်ပာ်ဖျါအီၤလၢ တၢ်နီၤဖး 2 လၢလာ်အံၤအသိးန့ၣ်လီၤ.
လီတဲစိစိာ်စုအတၢ်ဂ့ၢ်တၢ်ကျိၤ တဘၣ်တၢ်ဆါလီၤအီၤ မ့တမ့ၢ် ဟ့ၣ်ခီဟ့ၣ်နီၤအီၤ နီတမံၤဆူ ပှၤသၢဖုတဖု/မၤဘၣ်ထွဲလိာ်သးလၢ တၢ်ဆါတၢ်ပှ့ၤ/တၢ်ပညိၣ်လၢ တၢ်သုးထီထီၣ်အဂီၢ်ဘၣ်.
အ့ထၢၣ်နဲးကိးကံ(Cookies)
ကိးကံတမံၤမ့ၢ် လံာ်ကွဲးဒိဆှၢအလံာ်တြံာ်ဆံးဖိတဘ့ၣ်လၢ အဘၣ်တၢ်ပာ်ကီၤဃာ်အီၤလၢ ခီၣ်ဖၠူထၢၣ် မ့တမ့ၢ် ပီးလီလၢ ဘျးစဲဒီး အ့ထၢၣ်နဲးတမံၤ အပူၤ ဖဲအဝဲနုာ်လီၤမၤန့ၢ် ဒံးကၠံးတၢၣ် တၢ်အိၣ်ယၢၤတဖၣ်အခါန့ၣ်လီၤ. ကိးကံတဖၣ်န့ၣ် ဖီၣ်န့ၢ်ဝဲဒၣ်ပှၤစူးကါတၢ်ဖိအတၢ်ဂ့ၢ်တၢ်ကျိၤ အဒိဒ်သိး IP အလီၢ်အကျဲ, အ့ထၢၣ်နဲး ဘြီစၢၣ် ဒီး ဖံးတၢ်မၤတၢ် အကျိၤအကျဲ အကလုာ်, နံၤသီဒီးတၢ်ဆၢကတီၢ်ဖဲ အနုာ်လီၤဘျးစဲအသးဒီးအ့ထၢၣ်နဲး, တၢ်ဂ့ၢ်တၢ်ကျိၤဖဲတၢ်ဆၢကတီၢ်အပူၤ အဒိဒ်သိး လံာ်ကဘျံး အတၢ်ခီဆၢ အဆၢကတီၢ်တဖၣ်, နတၢ်ဃုထံၣ်န့ၢ် အတၢ်ကွဲးနီၣ်, တၢ်လၢနဘၣ်သးပာ်ကီၤဃာ်တဖၣ်ဒီး လံာ်ဖျၢၣ်ခူသူၣ် အဂ့ၢ်အကျိၤ (ဖဲပှၤစူးကါတၢ်ဖိ ဃုထၢလၢ ကမၢပှာ်ယဲၤသန့ ဒုးသ့ၣ်နီၣ်ထီၣ်အီၤ တၢ်ဂ့ၢ်တၢ်ကျိၤအံၤအခါ), တၢ်ဂ့ၢ်တၢ်ကျိၤဘၣ်ဃးဒီး URLလၢအဆှၢခီတၢ်, စထရ့(မ)လၢဘၣ်တၢ်စံၢ်လီၤ လၢကနုာ်လီၤ ဒီး ကခီဖျိဒီး ကဟးထီၣ်လၢ ပအ့ထၢၣ်နဲး တၢ်တိစၢၤမၤစၢၤတဖၣ်န့ၣ်လီၤ.
Blue Cross and Blue Shield of Minnesota အအ့ထၢၣ်နဲး တၢ်တိစၢၤမၤစၢၤတဖၣ်န့ၣ်စူးကါ ကိးကံလၢအခီၣ်ထံးကတၢၢ်တခါ (တၢ်တမံၤလၢ ပဒုးအိၣ်ထီၣ်ဒီးပာ်ဂၢၢ်ပာ်ကျၢၤအီၤ) လၢကဆီၣ်ထွဲမၤစၢၤ ပဒံးကၠံးတၢၣ် တၢ်အိၣ်ယၢၤတဖၣ်, ကခိးကွၢ် အဝဲသ့ၣ် အတၢ်ဖံးတၢ်မၤ, မၤဂ့ၤထီၣ် ပပှၤစူးကါတၢ်ဖိ အတၢ်လဲၤခီဖျိ, ဒီး နုာ်လီၤဒိးန့ၢ်တၢ်ဂ့ၢ်တၢ်ကျိၤ ဘၣ်ဃးဒီး ပပှၤစူးကါတၢ်ဖိ အဂံၢ်ခီၣ်ထံးန့ၣ်လီၤ. ပကထၢဖှိၣ်ဒီးစူးကါ တၢ်ဂ့ၢ်တၢ်ကျိၤလၢအဘၣ်တၢ်ဒိးန့ၢ်အီၤလၢ ကိးကံအခီၣ်ထံးတမံၤအအိၣ်လၢ ကဟ့ၣ်ထီၣ်ပှၤပှ့ၤစူးကါတၢ်ဖိတဖၣ်ဒီး ပှၤလၢကကဲထီၣ်ပှၤပှ့ၤစူးကါတၢ်ဖိတဖၣ် တၢ်ဂ့ၢ်ခိၣ်တီတဖၣ်လၢ ဘၣ်တၢ်ပၢဆှၢသုးကျဲၤဒီး စူးကါဘၣ် ပတၢ်ဟ့ၣ်ထီၣ်အဂ့ၤကတၢၢ်အဂီၢ်န့ၣ်လီၤ.
ပစူးကါစ့ၢ်ကီး ကိးကံလၢအမ့ၢ်သၢပတီၢ်တပတီၢ် (တၢ်တမံၤလၢ ပကဒုးအိၣ်ထီၣ် မ့တမ့ၢ် ပာ်ဂၢၢ်ပာ်ကျၢၤ), ဒ်သဲစးလၢအဘၣ်ထွဲဒီးအီၤ အတၢ်မၤလိာ်အသိး, ဒ်သိးကမၤစၢၤ ပပှၤပှ့ၤစူးကါတၢ်ဖိ အဂံၢ်ထံး တၢ်နုာ်လီၤမၤန့ၢ်တၢ်, ကသ့ၣ်ညါနၢ်ပၢၢ် ပှၤစူးကါတၢ်ဖိတဂၤ အဒံးကၠံးတၢၣ် တၢ်လဲၤကျဲလၢ ဂံၢ်ထံးလၢတၢ်ချၢတဖၣ် ဆူပအ့ထၢၣ်နဲး တၢ်တိစၢၤမၤစၢၤတဖၣ်အပူၤ, ဒီး ကစူးကါဘၣ် ပတၢ်ဟ့ၣ်ထီၣ်အဂ့ၤကတၢၢ်လၢ တၢ်ဆါတၢ်ပှဲၤအပူၤ အဂီၢ်န့ၣ်လီၤ. ကိးကံလၢတဘၣ်ဃးဒီးပှၤဒီးပှၤစူးကါတၢ်ဖိတဖၣ်န့ၣ် မ့ၢ်ဘၣ်တၢ်စူးကါအီၤလၢ ကဟ့ၣ်ထီၣ် တၢ်ဘိးဘၣ်သ့ၣ်ညါတဖၣ်လၢ အကြၢးအဘၣ်ဒီး တၢ်သးစဲအဃိ, နသမံထံဒီး ပၢဆှၢသုးကျဲၤ ကိးကံလၢတဘၣ်ဃးဒီးပှၤဒီးပှၤစူးကါတၢ်ဖိတဖၣ် အတၢ်ဘိးဘၣ်သ့ၣ်ညါသ့ဝဲ ခီဖျိ နဲၣ်လီၤအီၤဆူ လ့း(ခ)လၢလာ်အံၤ လၢအဘၣ်တၢ်ဟ့ၣ်လီၤအီၤလၢ ပှာ်ယဲၤဘျးစဲ တၢ်ဘိးဘၣ်သ့ၣ်ညါ တၢ်စးထီၣ်မၤတၢ်ဒီး ဒံးကၠံးတၢၣ် တၢ်ဘိးဘၣ်သ့ၣ်ညါ ပှၤမၤသကိးတၢ်န့ၣ်လီၤ.
ကိးကံတဖၣ်လၢ အဘၣ်တၢ်မၢအီၤလၢ ပအ့ထၢၣ်နဲးတၢ်တိစၢၤမၤစၢၤတဖၣ်အပူၤန့ၣ် ပာ်ဃုာ်ဒီး တၢ်အကလုာ်တဖၣ်လၢလာ်အံၤလီၤ-
- တၢ်မၤအက့ၢ်အဂီၤလၢ ကဘၣ်တၢ်မၤအီၤဘၣ်ဘၣ်- ကိးကံတဖၣ်လၢ ဒုးညီထီၣ် တၢ်အိၣ်ယၢၤလၢ အဒုးအိၣ်ထီၣ်တၢ် အက့ၢ်အဂီၤတဖၣ်ဒီး အတၢ်ဖံးတၢ်မၤတဖၣ် အဒိဒ်သိး အုၣ်အသးလၢပှၤစူးကါတၢ်ဖိအံၤအမ့ၢ်အတီ န့ၣ်လီၤ.
- လၢတၢ်ဖံးမၤအီၤသ့- ကိးကံတဖၣ်လၢ အဆီၣ်ထွဲ တၢ်မၤထီထီၣ် တၢ်ဃုကွၢ်တၢ် အတၢ်လဲၤခီဖျိဒီး တၢ်နဲၣ်လီၤတၢ်ဒ်ပှၤတဂၤအတၢ်လိၣ်အသိး
- တၢ်ဖံးတၢ်မၤ/တၢ်ပဲာ်ထံနီၤဖး-ကိးကံတဖၣ်လၢ အမၤစၢၤပှၤလၢ ပကသမံထံ ဒံးကၠံးတၢၣ်တၢ်အိၣ်ယၢၤတဖၣ် အတၢ်တုၤလီၤ, ပကသ့ၣ်ညါနၢ်ပၢၢ် ပှၤစူးကါတၢ်ဖိ အက့ၢ်အဂီၤ, ဒီး ထိၣ်ဒွး တၢ်ကမၣ်တဖၣ်အဂီၢ်န့ၣ်လီၤ.
အ့ထၢနဲးဘြီစၢၣ် အတၢ်ဆီလီၤပာ်လီၤ အါတက့ၢ်န့ၣ် တၢ်ဘှီဘၣ်မၤသီထီၣ်အီၤသ့ ခီဖျိပှၤစူးကါတၢ်ဖိတဖၣ် လၢကဘျီဃာ် ကိးကံတဖၣ်အဂီၢ်( အဒိ, စူးကါ " တဘၣ်လူၤပိာ်တဂ့ၤ" မ့တမ့ၢ် "ဟီၣ်ခိၣ်ဒီဘ့ၣ် တၢ်ပၢၤဃာ် ပှၤတၢ်ဂ့ၢ်ခူသူၣ်" အတၢ်ဆီလီၤပာ်လီၤန့ၣ်လီၤ). တကးဒံးဘၣ်, နကြၢးပာ်သူၣ်ပာ်သးလၢ ကိးကံတဖၣ်လၢအဘျီတၢ်န့ၣ် တြီဃာ် အ့ထၢၣ်နဲးတၢ်တိစၢၤမၤစၢၤ လီၤတံၢ်တမံၤ မ့တမ့ၢ် အက့ၢ်အဂီၤလီၤတံၢ်တဖၣ် လၢကမၤတၢ်လၢလၢပှဲၤပှဲၤသ့န့ၣ်လီၤ. ပတအိၣ်ဒီးမူဒါလၢ တၢ်အံၤအဂီၢ် ဒီး ပတကဲန့ၢ်တၢ်ခၢၣ်စးတဖၣ် မ့တမ့ၢ် ဃ့န့ၢ်တၢ်တဖၣ် လၢအဘၣ်ဃးဒီး စဲးဖီကဟၣ်တဖၣ် မ့တမ့ၢ် တၢ်ရဲၣ်တၢ်ကျဲၤတဖၣ်လၢ တဘၣ်ဃးဒီးပှၤ အတၢ်တုၤလီၤအဂီၢ်န့ၣ်လီၤ. ဝံသးစူၤတိၢ်နီၣ်လၢ နမ့ၢ်ထုးသံကွံာ် နကိးကံတဖၣ် မ့တမ့ၢ် မၤထီထီၣ် နဘြီစၢၣ်အပတီၢ်ဖဲ နဟးထီၣ်လၢတၢ်ရဲၣ်တၢ်ကျဲၤအပူၤဝံၤအလီၢ်ခံန့ၣ်, အလီၢ်ကအိၣ်လၢ နကဟးထီၣ်က့ၤကဒီးကတဘျီ လၢကပာ်ဂၢၢ်ပာ်ကျၢၤက့ၤ နတၢ်ဃုထၢအဂီၢ်န့ၣ်လီၤ.
Pixels ဒီး Web Beacons
ကဘျံးပၤတဖၣ်လၢ ပအ့ထၢၣ်နဲး တၢ်တိစၢၤမၤစၢၤအဖီခိၣ်, မ့တမ့ၢ် ပအံမ့(လ)အပူၤန့ၣ်, ကပာ်ဃုာ်ဒီး အံၣ်လဲးထြီနံးအလံာ်တြံာ် လၢအဘၣ်တၢ်သ့ၣ်ညါအီၤလၢ ဝဲး(ဘ)ဘံကိၣ်တဖၣ် (web beacons) (ဘၣ်တၢ်ကိးယၢၤစ့ၢ်ကီးအီၤလၢ က့း(ဖ), ဖံစၢၣ် ထဲး(က), ဒီး စ့ကၢၣ်-ဖံစၢၣ် က့း(ဖ)တဖၣ်) လၢအဟ့ၣ်ပှၤတၢ်ပျဲ, အဒိ, လၢကဂံၢ်ဒွး ပှၤစူးကါတၢ်ဖိတဖၣ်လၢ အလဲၤနုာ်ကွၢ် လံာ်ကဘျံးဒ်န့ၣ်တဖၣ် မ့တမ့ၢ် အိးထီၣ် အံမ့(လ)တခါ ဒီး တၢ်အဂၤလၢအဘၣ်ထွဲဒီး ဒံးကၠံးတၢၣ် တၢ်တိစၢၤမၤစၢၤ အစရီတဖၣ် (အဒိ, တၢ်မၤနီၣ်မၤဃါ ဒံးကၠံးတၢၣ် တၢ်တိစၢၤမၤစၢၤတဖၣ် အဂ့ၢ်ခိၣ်တီ လီၤတံၢ် အနီၣ်ဂံၢ်နီၣ်ဒွး ဒီး တၢ်ကွၢ်နီၣ် တၢ်မၤအကျိၤအကျဲဒီး စၢဘၢၣ် အတၢ်မ့ၢ်တၢ်တီ)တဖၣ်န့ၣ်လီၤ.
တၢ်ပဲာ်ထံနီၤဖးလၢ တၢ်မၤထီထီၣ် ဒီး တၢ်လူၤပိာ်ကွၢ်ထွဲဒီး တၢ်အိးထီၣ်ကဒါက့ၤတၢ်ဂ့ၢ် ဒီး တၢ်မၤနီၣ်မၤဃါ စဲးဖီကဟၣ်ပီညါတဖၣ်
ပစူးကါ တၢ်လူၤပိာ်ကွၢ်ထွဲဒီး တၢ်အိၣ်ထီၣ်ကဒါက့ၤတၢ်ဂ့ၢ်ဒီး တၢ်မၤနီၣ်မၤဃါ စဲးဖီကဟၣ်ပီညါတဖၣ် လၢကမၤနီၣ် နတၢ်ဟူးတၢ်ဂဲၤ, တၢ်လၢနစံၢ်လီၤတဖၣ်, လံာ်ဖျၢၣ်လၢနကွဲးလီၤတဖၣ်, တၢ်ဂ့ၢ်ထၢဖှိၣ်လၢ နထၢနုာ်တဖၣ်, ဒီး တၢ်ဟူးတၢ်ဂဲၤအဂၤတဖၣ် ဖဲနဒုးလီၤမၤဘၣ်ထွဲလိာ်သးဒီး ပဒံးကၠံးတၢၣ် တၢ်တိစၢၤမၤစၢၤတဖၣ်အခါန့ၣ်လီၤ.
ဝံးကၠဲး သၢဖုတဖု
ပှၤစူးကါတၢ်တဖၣ်န့ၣ် ဘၣ်သ့ၣ်သ့ၣ် ကဘၣ်သဂၢၢ်လိာ်သးဒီး ဝံးကၠဲး သၢဖုတဖု လၢပအ့ထၢၣ်နဲး တၢ်တိစၢၤမၤစၢၤတဖၣ်အပူၤ, ဝံးကၠဲးတဖၣ်အံၤ (တၢ်ပနီၣ်) ဘၣ်တၢ်ပၢဘၣ်အီၤဒီး ပၢၤဃာ်အီၤခီဖျိ ပှၤတဖၣ်လၢတမ့ၢ်ဘၣ်ပဝဲဒီးပပှၤစူးကါတၢ်ဖိ ဒီးတမ့ၢ်ဘၣ် Blue Cross and Blue Shield of Minnesota ဘၣ်န့ၣ်လီၤ. ဝံးကၠဲးတဖၣ်အံၤ ဘၣ်တၢ်ဟ့ၣ်ထီၣ်အီၤလၢ တၢ်ကမၤညီထီၣ်တၢ်အဂီၢ်ဧိၤ, ဒီးတမ့ၢ်ဘၣ်လၢ တၢ်ကမၤဖျါကဒါက့ၤ တၢ်မၤသကိးတၢ်တမံၤမံၤ ဃုာ်ဒီး မ့တမ့ၢ် တၢ်အၢၣ်လီၤအီလီၤဒီး ပှၤသၢဖုတဖု အခီပနံာ်ဘၣ်န့ၣ်လီၤ. ပှၤစူးကါတၢ်ဖိတဂၤ မ့ၢ်စံၢ်လီၤ ဝံးကၠံးတခါန့ၣ်, အဝဲကဘၣ်တၢ်နဲၣ်ကဒါက့ၤအီၤဆူ ခီပနံာ်လၢတဘၣ်ဃးဒီးပှၤဒီးပှၤစူးကါတၢ်ဖိ အကဘျံးပှၤမိၢ်ပှၢ်အပူၤ, ဒီး တၢ်ဂ့ၢ်ထၢဖှိၣ်တမံၤလၢ်လၢ်, တၢ်စူးကါဒီး တၢ်ဘိးဘၣ်ပာ်ဖျါ တၢ်ဟူးတၢ်ဂဲၤတဖၣ် န့ၣ်ကဘၣ်ထွဲဒီး ပှၤသၢဖုတဖု အတၢ်ဂ့ၢ်ခူသူၣ် အနီၣ်ထိၣ်တဖၣ် (ဒီးတမ့ၢ်ဘၣ် တၢ်ဂ့ၢ်ခူသူၣ် အသနူအံၤဘၣ်)န့ၣ်လီၤ. အအံၤမ့ၢ်တၢ်အဒိအတဲာ်တမံၤ- Blue Cross and Blue Shield of Minnesota ပၢၤဃာ် LinkedIn အကဘျံးပၤတမံၤ, သနာ်က့ ပတပၢဘၣ် ဒ်ပှၤသၢဖုတဖုအသိး LinkedIn ထၢဖှိၣ်, စူးကါ, မ့တမ့ၢ် ဘိးဘၣ်ပာ်ဖျါ တၢ်ဂ့ၢ်တၢ်ကျိၤလၢ အဘၣ်တၢ်ဒိးန့ၢ်အီၤလၢ ပှၤစူးကါတၢ်ဖိတဖၣ်အအိၣ် ဖဲအဝဲသ့ၣ်နုာ်ကွၢ် LinkedIn အပှာ်သန့အခါ ဒ်လဲၣ်ဘၣ်.
ဖဲနစံၢ်လီၤ ဝံးကၠဲး သၢမံၤတမံၤဒီး ဟးထီၣ်လၢ ပပှာ်သန့အခါ, Blue Cross and Blue Shield of Minnesota တကဲထီၣ် ပှၤခၢၣ်စး မ့တမ့ၢ် တအုၣ်ကီၤတၢ် ဘၣ်ဃးဒီး ပှၤသၢဖုတဖု အပှာ်သန့တဖၣ် မ့တမ့ၢ် တၢ်ဂ့ၢ်မိၢ်ပှၢ်တဖၣ်, အဝဲသ့ၣ်အတၢ်ဂ့ၢ်ခိၣ်တီ, တၢ်ပၢဆှၢရဲၣ်ကျဲၤ တၢ်ဂ့ၢ်ထၢဖှိၣ်, မ့တမ့ၢ် တၢ်ဘံၣ်တၢ်ဘၢ ဘၣ်န့ၣ်လီၤ. ဒ်သိးကကဲထီၣ်ပှၤစူးကါတၢ်ဖိလၢဒိးန့ၢ်တၢ်ဂ့ၢ်တဂၤအဂီၢ်, နကြၢးကွၢ်ကဒါက့ၤ တၢ်ဂ့ၢ်ခူသူၣ် အနီၣ်ထိၣ်တဖၣ်လၢအဘၣ်ဃးဒီး ပှၤသၢဖုတဖုလၢအဘၣ်ထွဲန့ၣ်လီၤ.
တၢ်နဲၣ်ကဒါက့ၤ Hyperlink တဖၣ်ဒီး မံဒယၣ် သၢဖုတဖု လၢအဘျးစဲထီဃာ်သး
ပအ့ထၢၣ်နဲး တၢ်တိစၢၤမၤစၢၤတဖၣ်န့ၣ် ကပာ်ဃုာ်ဒီး တၢ်နဲၣ်ကဒါက့ၤတၢ် hyperlink တဖၣ် မ့တမ့ၢ် မံဒယၣ်သၢဖုတဖုလၢ အဂ့ၢ်ခိၣ်တီတဖၣ်လၢ ဘၣ်တၢ်ဘျးစဲထီဃာ်, ဒ်အဘၣ်ထွဲအသိး, အဒိအတဲာ်တမံၤအကျါပာ်ဃုာ်ဒီး YouTube ဘံၢ်ဒံၢ်အိၣ်တဖၣ်လၢ ကအိၣ်ပာ်စၢၤဝဲဒၣ်ဒ် တၢ်ဂီၤတဖၣ်လၢ ဘၣ်တၢ်ရဲၣ်ကျဲၤအီၤလၢ ခီၣ်ဖၠူထၢၣ်အလိၤအသိး လၢအနဲၣ်ကဒါက့ၤတၢ်ဆူ YouTube ဖဲအစံၢ်လီၤတ့ၢ်ဝဲဒၣ်အခါ, မ့တမ့ၢ် ဒ် လံာ်တြံာ်တဖၣ်လၢ ဘၣ်တၢ်ဘျးစဲထီအီၤလၢ အစးထီၣ်အိးထီၣ်အသးလၢ ပပှာ်ယဲၤသန့အဖီခိၣ် ဖဲဘၣ်တၢ်စံၢ်လီၤအီၤအခါန့ၣ်လီၤ. ပှၤသၢဖုတဖု တၢ်ဂ့ၢ်ခိၣ်တီအံၤ တဘၣ်တၢ်ပၢဆှၢသုးကျဲၤအီၤ မ့တမ့ၢ် ပာ်ဂၢၢ်ပာ်ကျၢၤအီၤလၢ Blue Cross and Blue Shield of Minnesota ဘၣ်, လၢအခီပညီမ့ၢ်ဝဲ ပတပၢဃာ် နီၣ်ဂံၢ်တမံၤလၢ်လၢ်လၢ အဘၣ်တၢ်ဘျးစဲအီၤဒီး တၢ်ဂ့ၢ်ခိၣ်တီအံၤ ခီဖျိ ပှၤပၢဆှၢမံဒယၣ်ဘၣ်, ဒီး ပတပၢဘၣ် တၢ်ဂ့ၢ်ထၢဖှိၣ်တမံၤလၢ်လၢ်လၢ အကဲထီၣ်သး မ့ၢ်လၢ နီၣ်ဂံၢ်ဒ်န့ၣ်အသိးအဃိဘၣ်န့ၣ်လီၤ. ခီဖျိကွၢ် မံဒယၣ်သၢဖုတဖုလၢ ဘၣ်တၢ်ဘျးစဲထီဃာ်အီၤ အခိၣ်တီလၢ ပအ့ထၢၣ်နဲးတၢ်တိစၢၤမၤစၢၤတဖၣ်အဖီခိၣ်န့ၣ်, ဒ်အဘၣ်ထွဲအသိး, ပှၤစူးကါတၢ်ဖိတဖၣ် သ့ၣ်ညါအၢၣ်လီၤ, တူၢ်လိာ်, ဒီး အၢၣ်လီၤဟ့ၣ်ခွဲးဖျိဖျိဖျါဖျါဆူ တၢ်ထၢဖှိၣ်တၢ်ဂ့ၢ်, တၢ်စူးကါ, တၢ်ဘိးဘၣ်ဂၤလီၤလၢ အဘၣ်ထွဲတမံၤလၢ်လၢ် လၢအကဲထီၣ်လၢ Blue Cross and Blue Shield of Minnesota ဒီး ပှၤပၢဆှၢ မံဒယၣ် အဘၢၣ်စၢၤန့ၣ်လီၤ.
