ပှၤသးပှၢ်ဒီမါ၀ၤ ဆ့ၣ်နီၤအိၣ်ဖဲ လီၢ်ဆ့ၣ်နီၤရိအဖီခိၣ်

မ့ၢ်ပှၤအသီလၢ Medicare

နမ့ၢ်အိၣ်ဘှံးက့ၤလၢတၢ်မၤ မ့တမ့ၢ် နနံၣ်အိၣ်ဖျဲၣ်ဆၢက့ၤ 65 ၀ီတ၀ီမ့ၢ်ဘူးထီၣ်အဃိ, တၢ်အံၤမ့ၢ်၀ဲတၢ်ဆၢကတီၢ်လၢ ကဘၣ်မၤလိဘၣ်ဃး Medicare အဂ့ၢ်န့ၣ်လီၤႉ

 

ဃုထံၣ်န့ၢ်တၢ်စံးဆၢတဖၣ်လၢ နလိၣ်ဘၣ်တက့ၢ်

နမ့ၢ်ကြၢးဒီးတၢ်ဃုထၢလၢ Medicare အဂီၢ်အဃိ, မ့တမ့ၢ် တယံာ်တမီၢ်နကကဲထီၣ်ဘၣ်အဃိ, ပသူၣ်ခုသးခုပ၀ဲလၢနဂီၢ်လီၤႉ ဒ်သိးကမၤဘၣ်ဘျီးဘၣ်ဒါ တၢ်ဟ့ၣ်အဘူးအလဲလၢ အဘၣ်လိာ်ဘၣ်စးဒီးနတၢ်လိၣ်တဖၣ်ဒီး နကျိာ်စ့တၢ်အိၣ်သးအဂီၢ်န့ၣ်, အရ့ဒိၣ်၀ဲဒၣ်လၢ တၢ်ကနၢ်ပၢၢ်နတၢ်န့ၢ်ဘျုးတဖၣ်အဂ့ၢ် အဂီၢ်န့ၣ်လီၤႉ

Medicare ဟ့ၣ်လီၤတၢ်ဒီသဒၢလုၢ်ဒိၣ်ပှ့ၤဒိၣ်လၢ ကထီဒါဆူၣ်ချ့အပှ့ၤကလံၤ, ဘၣ်ဆၣ်ကျၢၤဘၢတၢ်တၢ်ခဲလၢာ်ခဲဆ့တသ့ဘၣ်ႉ ပမၤစၢၤနၤလၢ နကဒိးန့ၢ်ဘၣ် တၢ်ဂ့ၢ်တၢ်ကျိၤဒီး အိၣ်ဒီးတၢ်နာ်န့ၢ်လီၤသးလၢ တၢ်ဃုထၢ Medicare တဖၣ်အပူၤလီၤ.

မၤလိသ့ၣ်ညါ Medicare မၤတၢ်ဒ်လဲၣ်အဂ့ၢ်

လူၤပိာ်မၤထွဲတၢ်မၤအဆီတဖၣ်အံၤတက့ၢ်

အပတီၢ် 1- ဃုသ့ၣ်ညါဂံၢ်ခီၣ်ထံး Medicare

Medicare န့ၣ်မ့ၢ်ပဒိၣ်ဆူၣ်ချ့တၢ်အုၣ်ကီၤ အတၢ်ရဲၣ်တၢ်ကျၢၤလၢပှၤအမဲရကါဖိလၢ အသးအိၣ် 65 နံၣ် မ့တမ့ၢ် ဆူအဖီခိၣ်တဖၣ်အဂီၢ်ဒီး ပှၤသူၣ်စၢ်သးဘီၣ်လၢအအိၣ်ဒီး နီၢ်ခိက့ၢ်ဂီၤတဆူၣ်ချ့လီၤတံၢ်တမံၤဒီး ဒိးန့ၢ်ဘၣ်ပှၤဂ့ၢ်၀ီတၢ်ဘံၣ်တၢ်ဘၢအတၢ်န့ၢ်ဘျုးတဖၣ်အဂီၢ်လီၤႉ Medicare န့ၣ်အဆိဘၣ်တၢ်ဒုးအိၣ်ထီၣ်အီၤလၢ တၢ်နီၤဖးခံမံၤ, တၢ်နီၤဖး A ဒီး တၢ်နီၤဖး B န့ၣ်လီၤႉ ပာ်ဖှိၣ်ဒ်သိးသိးန့ၣ်, ဘၣ်တၢ်ကိးအီၤဒ်အမ့ၢ် ဂံၢ်ခီၣ်ထံး Medicare န့ၣ်လီၤႉ

တၢ်နီၤဖး A- တၢ်အုၣ်ကီၤလၢအဟ့ၣ် တၢ်ဆါဟံၣ်အဘူးအလဲတဖၣ်

Medicare အခီၣ်ထံးတပတီၢ်

တၢ်ဟ့ၣ်အဘူးအလဲတနီၤလၢ-

  • ပှၤဆါအတၢ်ထီၣ်တၢ်ဆါဟံၣ်
  • တၢ်ကဟုကယာ်ကွၢ်ထွဲပှၤဆါသ့ဘၣ်စဲၣ်နီၤ
  • တၢ်ဆါဟံၣ်လၢပှၤဆါ(ဘူးကသံ)အဂီၢ်
  • ဟံၣ်ဃီအတၢ်ကွၢ်ထွဲ
မၤလိအါထီၣ်ဘၣ်ဃး တၢ်နီၤဖး A

တၢ်နီၤဖး B- တၢ်အုၣ်ကီၤလၢအဟ့ၣ် ကသံၣ်တၢ်ကူစါအဘူးအလဲတဖၣ်

Medicare အခီၣ်ထံးတပတီၢ်

တၢ်ဟ့ၣ်အဘူးအလဲတနီၤလၢ-

  • တၢ်လဲၤဒုးနဲၣ်သးလၢ ကသံၣ်သရၣ်တဖၣ်
  • တၢ်ကူးကွဲးယါဘျါ
  • တၢ်မၤကွၢ်ဒၢး အတၢ်ဃုမၤကွၢ်တဖၣ်
  • ကသံၣ်ကသီ ပီးလီ
  • တၢ်သမံသမိးကွၢ် တၢ်ဆူးတၢ်ဆါတဖၣ်
မၤလိအါထီၣ်ဘၣ်ဃး တၢ်နီၤဖး B အဂ့ၢ်

အပတီၢ် 2- မၤလိသ့ၣ်ညါ ကဘၣ်ကျၢၢ်ဘၢ တၢ်မနုၤလဲၣ်
ဂံၢ်ခီၣ်ထံး Medicare တမၤ

နပာ်ဖှိၣ်အါထီၣ် တၢ်ဟ့ၣ်အဘူးအလဲသ့၀ဲ, ဘၣ်တၢ်ဟ့ၣ်လီၤခီဖျိလၢ Blue Cross and Blue Shield of Minnesota, ဒ်သိးကမၤစၢၤဟ့ၣ်န့ၢ်တၢ်အပှ့ၤကလံၤတဖၣ်လၢ Medicare မၤ၀ဲတသ့န့ၣ်လီၤႉ

ဒိးသန့ၤထီၣ်သးလၢနတၢ်အိၣ်ဆိးလီၢ်အဖီခိၣ်, နကအိၣ်ဒီး Medicare တၢ်တိာ်ကျဲၤတၢ်ဃုထၢ အကလုာ်ကလုာ်လၢ တၢ်ဒိးန့ၢ်အီၤသ့န့ၣ်လီၤ.​​​​​​​

ကွၢ်ပ Medicare တၢ်တိာ်ကျဲၤတဖၣ်တက့ၢ်

တၢ်နီၤဖး C- Medicare Advantage

လၢတၢ်ဟ့ၣ်လီၤခီဖျိ တၢ်အုၣ်ကီၤခီပနံာ်သဘျ့တဖၣ်န့ၣ်, Medicare တၢ်နီၤဖး C ပာ်ဖှိၣ်ထီၣ် န Medicare တၢ်နီၤဖး A, တၢ်နီၤဖး B, ဒီး ဒ်ညီနုၢ်အသိး တၢ်နီၤဖး D တၢ်န့ၢ်ဘျုးတဖၣ်လၢ Medicare Advantage တၢ်တိာ်ကျဲၤတခါအဖီလာ်လီၤ.

တၢ်တိာ်ကျဲၤတဖၣ်ကဟ့ၣ်လီၤ၀ဲဒၣ် တၢ်န့ၢ်ဘျုးတဖၣ်လၢ-

  • ဘၣ်ဃးဒီးမဲ
  • မဲာ်ချံ
  • တၢ်နၢ်ဟူတၢ်
  • တၢ်ဆဲးထးယါဘျါတၢ်ဆါဒီး အဂုၤအဂၤ

ဒိးန့ၢ်အီၤသ့လၢ 35 Minnesota ခီးထံၣ်တဖၣ်အပူၤလီၤ.

မၤလိအါထီၣ်ဘၣ်ဃး တၢ်နီၤဖး C

တၢ်နီၤဖး D- တၢ်အုၣ်ကီၤလၢအဟ့ၣ် ကသံၣ်ကသီအဘူးအလဲတဖၣ်

Medicare တၢ်နီၤဖး D ဟ့ၣ်စၢၤ၀ဲ ကသံၣ်လၢကသံၣ်သရၣ်ဟ့ၣ်လီၤ အပှ့ၤတဖၣ်လီၤ.

တၢ်ထၢနုာ်လီၤဆူ Original Medicare မ့တမ့ၢ် Medicare Supplement မ့တမ့ၢ် Medicare Cost တၢ်တိာ်ကျဲၤအပူၤလၢ အတအိၣ်ဘၣ်ဒီး ကသံၣ်လၢကသံၣ်သရၣ်ဟ့ၣ်လီၤတၢ်န့ၢ်ဘျုးတဖၣ် သ့၀ဲလီၤႉ

တၢ်နီၤဖး D ကသံၣ်ကသီ လၢကသံၣ်သရၣ်ဟ့ၣ်လီၤ တၢ်တိာ်ကျဲၤတဖၣ်န့ၣ် ဘၣ်တၢ်ဟ့ၣ်လီၤခီဖျိ တၢ်အုၣ်ကီၤခီပနံာ်သဘျ့တဖၣ်လီၤ.

မၤလိအါထီၣ်ဘၣ်ဃး တၢ်နီၤဖး D

Medicare Supplement (Medigap)

Medicare Supplement, ဘၣ်တၢ်သ့ၣ်ညါအီၤစ့ၢ်ကီးလၢ Medigap, တဖၣ်န့ၣ်မ့ၢ်၀ဲဒၣ် တၢ်တိာ်ကျဲၤတဖၣ်လၢအဘၣ်ထွဲဒၣ်ထဲကသံၣ်ဧိၤ လၢအဘၣ်တၢ်ဟ့ၣ်လီၤခီဖျိ တၢ်အုၣ်ကီၤခီပနံာ်သဘျ့တဖၣ် လၢအဟ့ၣ်စၢၤတၢ်အဘူးအလဲလၢ Original Medicare တဟ့ၣ်လီၤတဖၣ်အဂီၢ်, ပၣ်ဃုာ်ဒီး-

  • ခိၣ်ဖ့ (စ့လၢပှၤဆါဒီးတၢ်အုၣ်ကီၤခီပနံာ်ဟ့ၣ်သဃဲၤ တၢ်ကွၢ်ထွဲဆူၣ်ချ့တဘျီစုာ်စုာ်အဘူးအလဲအဂီၢ်)
  • တၢ်အုၣ်ကီၤဟ့ၣ်သဃဲၤ
  • ဒံၣ်ဒၢးထဘၢၣ် (စ့လၢပှၤဆါဘၣ်ဟ့ၣ်ဆိ တချုးတၢ်အုၣ်ကီၤခီပနံာ်ဟ့ၣ်စ့ လၢတနံၣ်အတီၢ်ပူၤ)
မၤလိသ့ၣ်ညါအါထီၣ်ဘၣ်ဃး Medicare Supplement အဂ့ၢ်

Medicare Cost

Medicare Cost တၢ်တိာ်ကျဲၤတဖၣ် ဟ့ၣ်နၤတၢ်န့ၢ်ဘျုးခဲလၢာ်လၢ အဘၣ်ဃးဒီး Original Medicare, ဃုာ်ဒီး တၢ်န့ၢ်ဘျုးအဂၤတဖၣ်ဒ်အမ့ၢ် မဲ, မဲာ်ချံတၢ်ထံၣ်, တၢ်နၢ်ဟူဒီး အဂၤတဖၣ်လီၤ.

Cost တၢ်တိာ်ကျဲၤ တနီၤန့ၣ် ဟ့ၣ်ထီၣ်စ့ၢ်ကီး၀ဲ တၢ်နီၤဖး D တၢ်ဟ့ၣ်အဘူးအလဲ လၢကသံၣ်လၢကသံၣ်သရၣ်ဟ့ၣ်လီၤ အဂီၢ်ဒ် တၢ်ဃုထၢတခါအသိးလီၤႉ

ဒိးန့ၢ်အီၤသ့လၢ 21 Minnesota ခီးထံၣ်တဖၣ်အပူၤလီၤ.

မၤလိသ့ၣ်ညါအါထီၣ်ဘၣ်ဃး Medicare Cost အဂ့ၢ်

အပတီၢ် 3- ဆဲးလီၤမံၤဖဲ အဆၢဘၣ်အကတီၢ်ဘၣ်

နတၢ်ဆဲးလီၤမံၤအခီၣ်ထံးကတီၢ်လၢ ဂံၢ်ခီၣ်ထံး Medicare အဂီၢ်န့ၣ်မ့ၢ်၀ဲ တၢ်ဆၢကတီၢ်နွံလါအတီၢ်ပူၤ − စးထီၣ်ဖဲတချုးနနံၣ်အိၣ်ဖျဲၣ်ဆၢက့ၤပှဲၤထီၣ် 65 ၀ီတ၀ီအလါဟဲတုၤဒ်ဘၣ် အမဲာ်ညါသၢလါတုၤ နနံၣ်အိၣ်ဖျဲၣ်ဆၢက့ၤ 65 ၀ီတ၀ီပှဲၤထီၣ်အလါ အလီၢ်ခံသၢလါန့ၣ်လီၤႉ တၢ်ဟ့ၣ်အဘူးအလဲန့ၣ်စးထီၣ်သ့၀ဲဖဲ လါတလါအခီၣ်ထံးကတၢၢ်တသီလၢနပှဲၤထီၣ် 65 နံၣ်န့ၣ်လီၤႉ

မၤလိသ့ၣ်ညါအါထီၣ်ဘၣ်ဃး Medicare တၢ်ဆဲးလီၤမံၤအဂ့ၢ်

 

Medicare တၢ်ဆဲးလီၤမံၤ အကတီၢ်တကွီၣ်ဒိ အက့ၢ်အဂီၤ

တၢ်ဆဲးလီၤမံၤ အကျိၤအကျဲ

နကဘၣ်ဆဲးလီၤနမံၤဆူ Medicare တၢ်နီၤဖး A ဒီး တၢ်နီၤဖး B အပူၤတချုးလၢနဆဲးလီၤမံၤဆူ Medicare Advantage, Medicare Cost, Medicare Supplement (Medigap) အပူၤ မ့တမ့ၢ် တၢ်နီၤဖး D ကသံၣ်ကသီ လၢကသံၣ်သရၣ်ဟ့ၣ်လီၤတၢ်တိာ်ကျဲၤအပူၤဒ်ဘၣ်လီၤႉ

ပှၤဂ့ၢ်ဝီတၢ်ဘံၣ်တၢ်ဘၢအတၢ်န့ၢ်ဘျုးတဖၣ်

နမ့ၢ်ဒိးန့ၢ်ပာ်စၢၤ ပှၤဂ့ၢ်၀ီတၢ်ဘံၣ်တၢ်ဘၢအတၢ်န့ၢ်ဘျုးတဖၣ်အဃိ, နကဘၣ်တၢ်ဆဲးလီၤနမံၤအတၢ်ဒၣ်၀ဲလၢ Medicare တၢ်နီၤဖး A ဒီး တၢ်နီၤဖး B အပူၤန့ၣ်လီၤႉ

နီၢ်ခိၣ်က့ၢ်ဂီၤတဆူၣ်ချ့ဒီး သးအနံၣ်အလါစှၤန့ၣ် 65 နံၣ်

နမ့မ့ၢ်ပှၤလၢအအိၣ်ဒီး နီၢ်ခိၣ်က့ၢ်ဂီၤတဆူၣ်ချ့ဒီး သးအနံၣ်အလါစှၤန့ၢ် 65 နံၣ်အဃိ, နကဒိးန့ၢ်ဘၣ် တၢ်နီၤဖး A ဒီး တၢ်နီၤဖး B နတၢ်ဒၣ်၀ဲဖဲနဒိးန့ၢ်ဘၣ် က့ကွဲၣ်တၢ်န့ၢ်ဘျုးလၢ ပှၤဂ့ၢ်၀ီတၢ်ဘံၣ်တၢ်ဘၢအတၢ်န့ၢ်ဘျုးအအိၣ် 24 လါ၀ံၤအလီၢ်ခံန့ၣ်လီၤႉ

မၤတၢ်လဲၤတလၢကွံာ် 65 နံၣ်

နၤ မ့တမ့ၢ် နမါ/၀ၤမ့ၢ်သုးကျဲၤဒ်သိး ကမၤတၢ်လဲၤတလၢကွံာ်သးအနံၣ်အလါ 65 နံၣ်အဃိ, တလိၣ်နဆဲးလီၤမံၤဆူ Medicare အပူၤဖဲနသးပှဲၤထီၣ် 65 နံၣ်ဘၣ်ႉ

မၤလိသ့ၣ်ညါဘၣ်ဃး တၢ်မၤတၢ်လဲၤတလၢကွံာ် 65 နံၣ်အဂ့ၢ်

အပတီၢ် 4- ကဘၣ်ဆဲးလီၤမံၤလၢ Blue Cross Medicare တၢ်တိာ်ကျဲၤတခါအပူၤဒ်လဲၣ်

နဃုထၢထီၣ်ဒ်သိး နကဆဲးလီၤမံၤလၢ Medicare Advantage (တၢ်နီၤဖး C), Medicare Supplement (Medigap), Medicare Cost မ့တမ့ၢ် တၢ်နီၤဖး D ကသံၣ်ကသီ လၢကသံၣ်သရၣ်ဟ့ၣ်လီၤ တၢ်တိာ်ကျဲၤအပူၤ ဒ်လဲၣ်န့ၣ်သ့၀ဲလီၤႉ

မၤလိသ့ၣ်ညါအါထီၣ်ဘၣ်ဃး တၢ်ဆဲးလီၤမံၤလၢတၢ်တိာ်ကျဲၤတခါအပူၤအဂ့ၢ်

တၢ်ဆီၣ်ထွဲမၤစၢၤဒီးတၢ်တိစၢၤမၤစၢၤ

တၢ်သံကွၢ်တဖၣ်အိၣ်ဧါ.

ဆဲးကျိးပှၤဒ်သိး နကကတိၤဘၣ်တၢ်ဒီး Medicare အပှၤစဲၣ်နီၤတဂၤအဂီၢ်တက့ၢ်.

1-866-249-7944
(TTY ကိး 711)

နဃ့န့ၢ်တၢ်မၤစၢၤသ့ဖဲ
ဂီၤ 8 နၣ်ရံၣ် တုၤ ဟါ 8 နၣ်ရံၣ် Central Time နီၣ်ထိၣ်, ကိးမုၢ်နံၤ.

တၢ်နၢ်ပၢၢ်ဘၣ်ဃးMedicare

သူတၢ်နဲၣ်ကျဲတၢ်မၤတခါဝံၤတခါအံၤ လၢကဃုသ့ၣ်ညါအါထီၣ် ဘၣ်ဃးဒီး Medicare တၢ်ဂ့ၢ်အရ့ဒိၣ်တဖၣ်အဂီၢ်တက့ၢ်. တၢ်ကတဲနၢ်ပၢၢ်နၤ Medicare အကူာ်လွံၢ်မံၤအဂ့ၢ်, နကဘၣ်ဆဲးလီၤမံၤဖဲလဲၣ်ဆၢကတီၢ်လဲၣ်, ဒီးဒ်သိးပှၤသုတအီၣ်လိးနၤတဂ့ၤအဂီၢ် နကဘၣ်မၤဒ်လဲၣ် ဒီးတၢ်ဂ့ၢ်အဂၤလီၤ.

ဟံးန့ၢ်တၢ်နဲၣ်ကျဲ (အဲကလံးကျိၥ်) လၢအ့ထၢၣ်နဲးဖီခိၣ်

ဟံးန့ၢ်တၢ်နဲၣ်ကျဲ (စပ့ၣ်ကျိၥ်)

ပှၤဟ့ၣ်ကူၣ်တၢ်ဖိ မၤစၢၤသးပှၢ်ဒီမၤ၀ါ

တလိၣ်တၢ်မၤအီၤကီကီခဲခဲဘၣ်

ပ Blue Cross ပှၤဟ့ၣ်ကူၣ်တၢ်တဖၣ် အိၣ်ဖဲအံၤဒ်သိး-

  • ကမၤစၢၤနၤလၢ တၢ်မၤလိသ့ၣ်ညါဘၣ်ဃး Medicare အခီၣ်ထံးခီၣ်ဘိဒီး ပတၢ်တိာ်ကျဲၤတဖၣ်အဂ့ၢ်
  • ကမၤစၢၤနၤလၢ ကဃုထံၣ်န့ၢ်တၢ်တိာ်ကျဲၤတမံၤလၢ အဘၣ်လိာ်ဖိးဒ့လိာ်သးဒီးနတၢ်လိၣ်တဖၣ်
  • ကမၤစၢၤနၤလၢ တၢ်ဆဲးလီၤမံၤဆူတၢ်တိာ်ကျဲၤတမံၤအပူၤ
မၤဘၣ်ထွဲသးဒီး Blue Cross ပှၤဟ့ၣ်ကူၣ်ဟ့ၣ်ဖးတၢ်တဂၤ

ဆဲးလီၤမံၤတနံၤအံၤ

Blue Cross ဟ့ၣ်တၢ်တိစၢၤမၤစၢၤဘၣ်ဃး တၢ်လၢာ်ဘူၣ်လၢာ်စ့ၤ,PPO ဒီး PDP တၢ်တိာ်ကျဲၤတဖၣ်ဃုာ်ဒီး Medicare လံာ်ဃံးဃာ်န့ၣ်လီၤ. တၢ်ဆဲးလီၤမံၤလၢ Blue Cross တၢ်တိာ်ကျဲၤတဖၣ် န့ၣ်ဒိးသန့ၤထီၣ်သးလၢတၢ်မၤသီထီၣ်လံာ်ဃံးဃာ်အဖီခိၣ်န့ၣ်လီၤ.

S5743_090926_P01_M
Y0138_090926_P01_M