ဖဲတၢ်ဆၢကတီၢ်ဘူးထီၣ်လၢနကဟံးတၢ်အိၣ်ဘှံးလၢတၢ်ဖံးတၢ်မၤမ့တမ့ၢ်ဘူးထီၣ်လၢတၢ်အိၣ်ဖျဲၣ်ဆၢက့ၤအနံၣ်65န့ၣ်, ဃုသ့ၣ်ညါဘၣ်ဃး Medicare တၢ်ကြၢးန့ၢ်ဘၣ်အခွဲးဒီး သးနံၣ်တၢ်ပာ်ပနီၣ်လၢနကဆဲးလီၤနမံၤအဂီၢ်န့ၣ်တက့ၢ်.
Medicare န့ၣ်မ့ၢ်ပဒိၣ် ဆူၣ်ချ့တၢ်အုၣ်ကီၤ အတၢ်ရဲၣ်တၢ်ကျၢၤလၢပှၤအမဲရကါဖိလၢ အသးအိၣ် 65 နံၣ် မ့တမ့ၢ် ဆူအဖီခိၣ်တဖၣ်အဂီၢ်ဒီး ပှၤသူၣ်စၢ်သးဘီၣ်
လၢအအိၣ်ဒီး နီၢ်ခိက့ၢ်ဂီၤတဆူၣ်ချ့လီၤတံၢ်တမံၤဒီး ဒိးန့ၢ်ဘၣ်ပှၤဂ့ၢ်၀ီတၢ်ဘံၣ်တၢ်ဘၢ အတၢ်န့ၢ်ဘျုးတဖၣ်အဂီၢ်လီၤႉ
Medicare န့ၣ်အဆိဘၣ်တၢ်တ့ထီၣ်အီၤလၢ တၢ်နီၤဖးခံမံၤ, တၢ်နီၤဖး A (တၢ်ဆါဟံၣ်တၢ်ဟ့ၣ်အဘူးအလဲ) ဒီး တၢ်နီၤဖး B (တၢ်ဟ့ၣ်အဘူးအလဲလၢ တၢ်ထံၣ်လိာ်သးဒီးကသံၣ်သရၣ်အဘျီတဖၣ်အဂီၢ်ဒီး တၢ်ကွၢ်ထွဲပှၤဆါလၢတလိၣ်ထီၣ်တၢ်ဆါဟံၣ်တဖၣ်အဂီၢ်) န့ၣ်လီၤႉ
ပာ်ဖှိၣ်ဒ်သိးသိးန့ၣ်, ဘၣ်တၢ်ကိးအီၤဒ်အမ့ၢ် ဂံၢ်ခီၣ်ထံး Medicare န့ၣ်လီၤႉ
နတၢ်ဆဲးလီၤမံၤအခီၣ်ထံးကတီၢ်လၢ ဂံၢ်ခီၣ်ထံး Medicare အဂီၢ်န့ၣ်မ့ၢ်၀ဲ တၢ်ဆၢကတီၢ်နွံလါအတီၢ်ပူၤ − စးထီၣ်ဖဲတချုးနနံၣ်အိၣ်ဖျဲၣ်ဆၢက့ၤပှဲၤထီၣ် 65 ၀ီတ၀ီအလါဟဲတုၤဒ်ဘၣ် အမဲာ်ညါသၢလါတုၤ နနံၣ်အိၣ်ဖျဲၣ်ဆၢက့ၤ 65 ၀ီတ၀ီပှဲၤထီၣ်အလါ အလီၢ်ခံသၢလါန့ၣ်လီၤႉ တၢ်ဟ့ၣ်အဘူးအလဲန့ၣ်စးထီၣ်သ့၀ဲဖဲ လါတလါအခီၣ်ထံးကတၢၢ်တသီလၢနပှဲၤထီၣ် 65 နံၣ်န့ၣ်လီၤႉ
နကဘၣ်ဆဲးလီၤနမံၤဆူ Medicare တၢ်နီၤဖး A ဒီး တၢ်နီၤဖး B အပူၤတချုးလၢနဆဲးလီၤမံၤဆူ Medicare Advantage, Medicare Cost, Medicare Supplement (Medigap) အပူၤ မ့တမ့ၢ် တၢ်နီၤဖး D ကသံၣ်ကသီ လၢကသံၣ်သရၣ်ဟ့ၣ်လီၤတၢ်တိာ်ကျဲၤအပူၤဒ်ဘၣ်လီၤႉ
နမ့ၢ်ဒိးန့ၢ်ပာ်စၢၤ ပှၤဂ့ၢ်၀ီတၢ်ဘံၣ်တၢ်ဘၢအတၢ်န့ၢ်ဘျုးတဖၣ်အဃိ, နကဘၣ်တၢ်ဆဲးလီၤနမံၤအတၢ်ဒၣ်၀ဲလၢ Medicare တၢ်နီၤဖး A ဒီး တၢ်နီၤဖး B အပူၤန့ၣ်လီၤႉ
နမ့မ့ၢ်ပှၤလၢအအိၣ်ဒီး နီၢ်ခိၣ်က့ၢ်ဂီၤတဆူၣ်ချ့ဒီး သးအနံၣ်အလါစှၤန့ၢ် 65 နံၣ်အဃိ, နကဒိးန့ၢ်ဘၣ် တၢ်နီၤဖး A ဒီး တၢ်နီၤဖး B နတၢ်ဒၣ်၀ဲဖဲနဒိးန့ၢ်ဘၣ် က့ကွဲၣ်တၢ်န့ၢ်ဘျုးလၢ ပှၤဂ့ၢ်၀ီတၢ်ဘံၣ်တၢ်ဘၢအတၢ်န့ၢ်ဘျုးအအိၣ် 24 လါ၀ံၤအလီၢ်ခံန့ၣ်လီၤႉ
နၤ မ့တမ့ၢ် နမါ/၀ၤမ့ၢ်သုးကျဲၤဒ်သိး ကမၤတၢ်လဲၤတလၢကွံာ်သးအနံၣ်အလါ 65 နံၣ်အဃိ, တလိၣ်နဆဲးလီၤမံၤဆူ Medicare အပူၤဖဲနသးပှဲၤထီၣ် 65 နံၣ်ဘၣ်ႉ
နမ့ၢ်ပတံထီၣ်တၢ်လၢ Medicare အဂီၢ်တချုးမုၢ်နံၤဖဲ တၢ်နီၤဖး A ဒီး တၢ်နီၤဖး B တၢ်မၤစးထီၣ်ဒံးဘၣ်အဃိ, နတၢ်ဟ့ၣ်အဘူးအလဲန့ၣ် ကမၤတၢ်လၢ နတၢ်နီၤဖး A ဒီး တၢ်နီၤဖး B စးထီၣ်အမုၢ်နံၤအဖီခိၣ်လီၤႉ
နမ့ၢ်ပတံထီၣ်တၢ်လၢ Medicare အဂီၢ်ဖဲမုၢ်နံၤလၢ တၢ်နီၤဖး A ဒီး တၢ်နီၤဖး B တၢ်မၤစးထီၣ်ဝံၤအလီၢ်ခံအဃိ, နတၢ်ဟ့ၣ်အဘူးအလဲန့ၣ် ကမၤတၢ်ဖဲ 1တသီလၢလါတလါအပူၤလၢ အပိာ်ထွဲထီၣ်လံာ်တူၢ်လိာ်စ့အမုၢ်နံၤန့ၣ်လီၤႉ
ပှၤတဂၤလၢ်လၢ်လၢဒိးန့ၢ်ဘၣ်ပှၤဂ့ၢ်ဝီတၢ်ဘံၣ်တၢ်ဘၢတၢ်အိၣ်ဘှံး မ့တမ့ၢ် က့ကွဲၣ်တၢ်န့ၢ်ဘျုးတဖၣ်န့ၣ်ဘၣ်တၢ်ဆဲးလီၤန့ၢ်အီၤအမံၤဖဲ Original Medicare အပူၤအတၢ်ဒၣ်ဝဲန့ၣ်လီၤ.
နမ့ၢ်လိၣ်ဘၣ်တၢ်ဆဲးလီၤမံၤလၢMedicareတၢ်နီၤဖး A ဒီး/မ့တမ့ၢ်တၢ်နီၤဖး Bန့ၣ်, ကျိၤကျဲတဖၣ်အံၤလၢနကဘၣ်မၤအီၤန့ၣ်မ့ၢ်ဝဲ:
ဆဲးကျိးဆူ 1-800-772-1213
ကိး TTY 1-800-325-0778
မုၢ်ဆၣ် - မုၢ်ဖီဖး, ဂီၤ 8 နၣ်ရံၣ် - ဟါ 7 နၣ်ရံၣ်
လဲၤဘၣ်ဆူ ပှၤဂ့ၢ်၀ီ၀ဲၤဒၢးလၢအအိၣ်အဘူးကတၢၢ်ဒီးနၤတက့ၢ်ႉ ဟဲစိာ်ဘၣ်တၢ်အုၣ်သးလၢနသးအနံၣ်အလါအဂီၢ်ဒီး W-2 လံာ်အဒိတဖၣ်လၢ အပူၤကွံာ်ခံနံၣ်အဂီၢ်တက့ၢ်ႉ
ဖဲနမ့ၢ်ပှၤလၢအကြၢးန့ၢ်ဘၣ်ခွဲးအသီလၢ Medicare အဂီၢ်အဃိဒီး နထၢနုာ်အါထီၣ်တၢ်အဘူးအလဲအဂၤသ့, လၢအဘၣ်တၢ်ဟ့ၣ်လီၤအီၤခီဖျိ ပှၤဟ့ၣ်တၢ်အုၣ်ကီၤသဘျ့, ဒ်သိးကမၤစၢၤနၤဘၣ်ဃးတၢ်လၢာ်ဘူၣ်လၢာ်စ့တဖၣ်လၢ Original Medicare တဟ့ၣ်န့ၢ်ဝဲအဘူးအလဲတဖၣ်အဂီၢ်န့ၣ်လီၤ.
တၢ်အဒိလၢ Blue Cross and Blue Shield of Minnesota တၢ်တိာ်ကျဲၤတဖၣ်န့ၣ်မ့ၢ်၀ဲဒၣ်-
နမ့ၢ်ဃုထၢလၢနကဆဲးလီၤမံၤဖဲပ Medicare တၢ်တိာ်ကျဲၤတဖၣ်အကျါတခါအဃိဒီး, နမၤအီၤသ့ဖဲတၢ်ဆဲးလီၤမံၤအဆိကတၢၢ်အဆၢကတီၢ်အတီၢ်ပူၤ (မ့တမ့ၢ် တနံၣ်တဘျီ Medicare အိးထီၣ်တၢ်ဆဲးလီၤမံၤအဆၢကတီၢ်)သ့န့ၣ်လီၤ.
ပ Blue Cross ပှၤဟ့ၣ်ကူၣ်တၢ်တဖၣ် အိၣ်ဖဲအံၤဒ်သိး-
ဆဲးကျိးပှၤဒ်သိး နကကတိၤဘၣ်တၢ်ဒီး Medicare အပှၤစဲၣ်နီၤတဂၤအဂီၢ်တက့ၢ်.
1-855-579-7658
(TTY ကိး 711)
နဃ့န့ၢ်တၢ်မၤစၢၤသ့ဖဲ
ဂီၤ 8 နၣ်ရံၣ် တုၤ ဟါ 8 နၣ်ရံၣ် Central Time နီၣ်ထိၣ်, ကိးမုၢ်နံၤ.
ပှၤခၢၣ်စးတဂၤန့ၣ် နဲၣ်ကျဲစၢၤန့ၢ်နၤဒီး တၢ်ဆၢတဲာ်အပူၤသ့, ဒီးမၤစၢၤနၤလၢ နကထံၣ်န့ၢ်ဘၣ် တၢ်အလုၢ်အပှ့ၤအဂ့ၤကတၢၢ်လၢ ကကွၢ်ထွဲနဆူၣ်ချ့ အဂီၢ်သ့လီၤ.
Blue Cross ဟ့ၣ်တၢ်တိစၢၤမၤစၢၤဘၣ်ဃး တၢ်လၢာ်ဘူၣ်လၢာ်စ့,PPO ဒီးPDPတၢ်တိာ်ကျဲၤတဖၣ်ဃုာ်ဒီးMedicareလံာ်ဃံးဃာ်န့ၣ်လီၤ. တၢ်ဆဲးလီၤမံၤလၢ Blue Cross တၢ်တိာ်ကျဲၤတဖၣ် န့ၣ်ဒိးသန့ၤထီၣ်သးလၢတၢ်မၤသီထီၣ်လံာ်ဃံးဃာ်န့ၣ်လီၤ.
S5743_091024_N01_M
Y0138_091024_N01_M