တၢ်တိာ်ကျဲၤဘျးစဲ စံးတၢ်န့ၣ် မ့ၢ်မနုၤလဲၣ်.

တၢ်တိာ်ကျဲၤဘျးစဲတခါန့ၣ်မ့ၢ်ဝဲဒၣ် ကသံၣ်သရၣ်တဖၣ်, ကသံၣ်ဒၢးတဖၣ်, တၢ်ဆါဟံၣ်တဖၣ်ဒီး ပှၤဆီၣ်ထွဲမၤစၢၤတၢ်အဂၤတဖၣ် အကရူၢ်တဖုလၢ နထံၣ်န့ၢ်အီၤသ့အိၣ်ဒီး တၢ်အဘူးအလဲအလီၤစှၤန့ၣ်လီၤ. 

နမ့ၢ်ဃုထၢဒ်သိး ကထံၣ်လိာ်သးဒီးဆူၣ်ချ့ပှၤဆီၣ်ထွဲမၤစၢၤတၢ်တဖၣ်လၢ အတအိၣ်လၢနတၢ်တိာ်ကျဲၤဘျးစဲပူၤန့ၣ် ဘၣ်သ့ၣ်သ့ၣ်နကဘၣ်ဟ့ၣ် တၢ်ဘူးအလဲလၢတၢ်ကွၢ်ထွဲအဂီၢ် အါန့ၢ်အန့ၢ် (မ့တမ့ၢ် ခဲလၢာ်ဒၣ်လၢာ်) လီၤ. 

နတၢ်ဘျးစဲန့ၣ်တၢ်ဆၢတဲာ်ပာ်ပနီၣ်လီၤဆီခီဖျိ Blue Cross and Blue Shield of Minnesota မ့တမ့ၢ် Blue Plus ဆူၣ်ချ့တၢ်တိာ်ကျဲၤ န့ၣ်လီၤ. တၢ်တိာ်ကျဲၤဘျးစဲတနီၤန့ၣ်ဒိၣ်၀ဲဒီး တနီၤန့ၣ်ဆံးန့ၢ်အီၤ အိၣ်ဒီးဆူၣ်ချ့ပှၤဆီၣ်ထွဲမၤစၢၤတၢ်စှၤဂၤလီၤ.

တၢ်အရ့ဒိၣ်လၢနကအိၣ်ဖဲနတၢ်ဘျးစဲပူၤန့ၣ်လီၤ.

ဖဲနနဒိးန့ၢ်ဘၣ်တၢ်ကွၢ်ထွဲအခါ နကဘၣ်ဟ့ၣ်အပှ့ၤအစှၤကတၢၢ်ခီဖျိတၢ်စူးကါ ကသံၣ်သရၣ်, ကသံၣ်ကျးဒီး ဆူၣ်ချ့ပှၤဆီၣ်ထွဲမၤစၢၤတၢ်အဂၤတဖၣ်လၢ အအိၣ်ဖဲနကရၢဘျးစဲအပူၤန့ၣ်လီၤ. Blue Cross ဒီး Blue Plus Blue သ့ၣ်တဖၣ်မၤသကိးတၢ်ဒီးကသံၣ်သရၣ်တဖၣ်, တၢ်ဆါဟံၣ်တဖၣ်, ဒီးကသံၣ်ဒၢးတဖၣ်လၢတၢ်ရဲၣ်ကျဲၤဘျးစဲအပူၤဒ်သိးကဒုးအိၣ်ထီၣ်တၢ်ကွၢ်ထွဲလၢတၢ်လၢာ်ဘူးလၢာ်စ့တဖၣ်အပှၤလီၤစှၤန့ၣ်လီၤ.

နလဲၤစူးကါလၢနတၢ်ဘျးစဲအချၢ

တၢ်ဟ့ၣ်ဘူးအလဲၤအါထီၣ်ဝဲဒၣ်ဖဲလၢ နစူးကါ ကသံၣ်သရၣ်လၢတၢ်တိာ်ကျဲၤဘျးစဲအချၢလၢတၢ်ကွၢ်ထွဲအဂီၢ်န့ၣ်လီၤ. တဘျီဘျီတၢ်ကွၢ်ကပာ်ကွံာ်ကအိၣ်ဝဲဒၣ်ဒ်သိးဂ့ၢ်ဂီၢ်အူတၢ်အိၣ်သးတဖၣ်အဂီၢ်န့ၣ်လီၤ. ဘၣ်ဆၣ်ဒီး, နကြၢးကွၢ်သမံသမိးနဆူၣ်ချ့တၢ်တိာ်ကျဲၤလံာ်ကွဲးနီၣ်ကွဲးဃါတဖၣ်ဒ်သိးနကနၢ်ပၢၢ်လီၤတံၢ်တၢ်ဂ့ၢ်လီၤလီၤဆီဆီတဖၣ်လၢဘၣ်ထွဲဒီးနတၢ်ဘျးစဲတဖၣ်န့ၣ်လီၤ.

ယဃုထံၣ်န့ၢ်ယတၢ်တိာ်ကျဲၤဘျးစဲ ကသ့ဒ်လဲၣ်.

နမ့မ့ၢ် Blue Cross မ့တမ့ၢ် Blue Plus အကရူၢ်ဖိန့ၣ်,  ဆဲးလီၤမံၤ မ့တမ့ၢ်  နုာ်လီၤ ဆူနကရူၢ်ဖိအကီးအပူၤ, ကွၢ်သတဃဲၤ နတၢ်တိာ်ကျဲၤ လံာ်တၢ်ကွဲးနီၣ်အပီးအလီတဖၣ် မ့တမ့ၢ် ဆဲးကျိး လီတဲစိနီၣ်ဂံၢ်အိၣ်ဖျါဖဲ ကရူၢ်ဖိ (ID) ခးအလီၢ်ခံ ဒ်သိးနကဃုသ့ၣ်ညါ နပှာ်ဘျးစဲအမံၤမ့ၢ်မနုၤလဲၣ်န့ၣ်တက့ၢ်. ဖဲနနုာ်လီၤဆူ ဃုထံၣ် ပှၤဆီၣ်ထွဲမၤစၢၤတၢ်တဖၣ်အခါ, နခါခဲအံၤတၢ်တိာ်ကျဲၤဘျးစဲန့ၣ် ကဘၣ်တၢ်ဃုထၢပာ်၀ဲဒၣ်လီၤ. 

ထံလီၢ်ကီၢ်ပူၤဒီးထံဂၤကီၢ်ဂၤတၢ်ဟ့ၣ်အဘူးအလဲလၢတၢ်မၤကစၢ်အတၢ်တိာ်ကျဲတဖၣ်

Blue Cross န့ၣ်ဘၣ်ထွဲဒီး ထံလီၢ်ကီၢ်ပူၤ BlueCard တၢ်ဘျးစဲန့ၣ်လီၤ. ဒ်ကရူၢ်ဖိတဂၤလၢဒိးန့ၢ်တၢ်မၤကစၢ်အတၢ်တိာ်ကျဲၤန့ၣ်, နဃုမၤန့ၢ်ကသံၣ်သရၣ်လၢကီၢ်အမဲရကၤ (U.S.)တၢ်ဘျးစဲအပူၤသ့န့ၣ်လီၤ.ဒ်န့ၣ်အသိး, BlueCard တၢ်ဘျးစဲအပူၤပၣ်ဃုာ်ဝဲဒီးပှၤဟ့ၣ်တၢ်ကွၢ်ထွဲ 95% လၢကီၢ်အမဲရကၤအပူၤန့ၣ်လီၤ.

Blue Cross Blue Shield Global Core တၢ်ဘျးစဲလၢတၢ်မၤကစၢ်အတၢ်တိာ်ကျဲၤဟ့ၣ်ဝဲဒၣ်တၢ်ဒိးန့ၢ်ဘၣ်ကသံၣ်သရၣ်ဒီးတၢ်ဆါဟံၣ် တဖၣ်ဖဲထံကီၢ်အါန့ၣ်200ဘ့ၣ် န့ၣ်လီၤ. လၢတၢ်ဃုသ့ၣ်ညါအါထီၣ်ဘၣ်ဃးနတၢ်ဘၣ်ဘျုးတၢ်ဟ့ၣ်အဘူးအလဲဘၣ်ဃးတၢ်ကွၢ်ထွဲလၢနဒိးန့ၢ်ဘၣ်ဖဲထံဂၤကီၢ်ဂၤအပူၤအဂီၢ်န့ၣ်, ကွၢ်ဖဲနဆူၣ်ချ့တၢ်တိာ်ကျဲၤအဂ့ၢ်လံာ်ကွဲးနီၣ်တဖၣ်မ့တမ့ၢ် ၀ံသးစူၤဆဲးကျိးဘၣ် တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအအိၣ်လၢ ကရူၢ်ဖိ (ID)ခးက့အလီၢ်ခံ န့ၣ်တက့ၢ်.