ပှၤဟ့ၣ်တၢ်ကွၢ်ထွဲအတၢ်တိစၢၤမၤစၢၤ
နမ့ၢ်ကွၢ်ထွဲနဟံၣ်ဖိဃီဖိတဂၤမ့ၢ်ဂ့ၤ နတံၤသကိးမ့ၢ်ဂ့ၤ သူတၢ်တိစၢၤမၤစၢၤသ့ၣ်တဖၣ်အံၤ လၢကရဲၣ်လီၤကျဲၤလီၤအဆူၣ်ချ့တၢ်တိာ်ကျဲၤ ဒီး တၢ်အံးထွဲကွၢ်ထွဲအဂီၢ်န့ၣ်တက့ၢ်.
ပှၤကွၢ်ထွဲတၢ်အတၢ်မၤစၢၤ
ပှၤကွၢ်ထွဲတၢ်အသနၢၣ်
တၢ်အံးထွဲကွၢ်ထွဲပှၤတဂၤန့ၣ် မၤသဘှံးတလၢနသးသ့ဒီးကီဝဲလၢနကစးထီၣ်ရဲၣ်ကျဲၤလီၤတၢ်အဂီၢ်န့ၣ်လီၤ. ပှၤကွၢ်ထွဲတၢ်အသနၢၣ်န့ၣ် မ့ၢ်ဒၣ်တၢ်လၢပှၤကွၢ်ထွဲတဖၣ် ဒုးအိၣ်ထီၣ်ဝဲဒၣ်လၢက ဟ့ၣ်လီၤတၢ်ဂ့ၢ်တၢ်ကျိၤ အနီၢ်နီၢ်ဒီးအလုၢ်ဒိၣ်ပှ့ၤဒိၣ် ဒ်သိးပှၤသူအီၤကညီဝဲသ့အဂီၢ်န့ၣ်လီၤ.
သူပှၤကွၢ်ထွဲတၢ်အသနၢၣ်အံၤ လၢက-
- ဃုထံၣ်န့ၢ်တၢ်ဂ့ၢ်အရ့ဒိၣ် ဘၣ်ဃးဒီး ပှၤကွၢ်ထွဲအဂ့ၢ်
- ကတဲာ်ကတီၤပာ်စၢၤနသး လၢတၢ်ဟ့ၣ်တၢ်ကွၢ်ထွဲအတၢ်ဂ့ၢ်ကီတဖၣ်အဂီၢ်
- မၤလိကျိၤကျဲအကလုာ်ကလုာ် လၢကပၢဆှၢကွၢ်ထွဲက့ၤ နတၢ်သူၣ်ကိၢ်သးဂီၤတဖၣ်
- ဃုသ့ၣ်ညါတၢ်တိစၢၤမၤစၢၤလၢ နမၤန့ၢ်အီၤန့ၢ်တဖၣ်အဂ့ၢ်
- ဒိကနၣ်ပှၤကွၢ်ထွဲအဂၤ အတၢ်လဲၤခီဖျိတဖၣ်
တၢ်သံကွၢ်တဖၣ်အိၣ်ဧါ.
ကိးဘၣ်-
(651) 662-6013
1-888-740-6013
TTY 711
ဂီၤ 8 နၣ်ရံၣ် တုၤ ဟါ 8 နၣ်ရံၣ် Central Time နီၣ်ထိၣ်, ကိးမုၢ်နံၤ.
မၤန့ၢ် ဆူၣ်ချ့တၢ်တိာ်ကျဲၤ
မၤန့ၢ်ဆူၣ်ချ့တၢ်တိာ်ကျဲၤ အတၢ်ဂ့ၢ်တၢ်ကျိၤ
ပှၤလၢနအဲၣ်ဘၣ်အီၤတဂၤ မ့မ့ၢ်နဟံၣ်ဖိဃီဖိဒၣ်လဲာ် ဒ်သိးနမၤန့ၢ်အဆူၣ်ချ့တၢ်တိာ်ကျဲၤ အဂ့ၢ်အကျိၤကန့ၢ်အဂီၢ် အဝဲကဘၣ်ကွဲးဝဲလံာ်လၢအပာ်ဖျါတၢ်ဟ့ၣ်အခွဲးလၢအဂီၢ်န့ၣ်လီၤ.
လၢကမၤန့ၢ်ဆူၣ်ချ့တၢ်တိာ်ကျဲၤ အဂ့ၢ်အကျိၤလၢလံာ်လဲၢ်လၢအိၣ်ဒီးတၢ်ဂ့ၢ်တၢ်ကျိၤလၢပထၢဖှိၣ်ဃာ်အဂီၢ် ဃုာ်ဒီး အဝဲဟ့ၣ်အတၢ်အကြၢးအဘၣ်, တၢ်ဟ့ၣ်တၢ်ဘူးတၢ်လဲဒီးတၢ်ဃ့က့ၤအဘူးအလဲအဂ့ၢ်, ပှၤလၢနအဲၣ်ဘၣ်အီၤတဂၤ ကဘၣ်ဆဲးလီၤမံၤဒီးက့ၤဆှၢကဒါက့ၤ တၢ်ဟ့ၣ်စိဟ့ၣ်ကမီၤလၢတၢ်ကပာ်ဖျါထီၣ်တၢ်အိၣ်ဆူၣ်အိၣ်ချ့အဂ့ၢ်အကျိၤအဂီၢ်တဘ့ၣ်န့ၣ်လီၤ.
နဃုထၢတၢ်လၢတၢ်ဃုထၢသ့ၣ်တဖၣ်အံၤအကျါသ့:
တီထီၣ်လံာ်တကွီၣ်ဒိ လၢအ့ထၢၣ်နဲးအလိၤ
မၤပှဲၤထီ ဒီးတီထီၣ် တၢ်ဟ့ၣ်စိဟ့ၣ်ကမီၤလၢအ့ၣ်ထၢၣ်နဲးအလိၤ လၢတၢ်ကပာ်ဖျါထီၣ်တၢ်အိၣ်ဆူၣ်အိၣ်ချ့အဂ့ၢ်အကျိၤအဂီၢ်တဘ့ၣ်တက့ၢ်.
ပၢဆှၢသုးကျဲၤတၢ်အံးထွဲကွၢ်ထွဲ
ပၢဆှၢရဲၣ်ကျဲၤစၢၤ ပှၤလၢနအဲၣ်ဘၣ်အီၤတဂၤအတၢ်ကွၢ်ထွဲအဂီၢ်
တၢ်ဟ့ၣ်စိဟ့ၣ်ကမီၤပီၢ်ရီအလံာ်ကွဲးဒိန့ၣ် မ့ၢ်ဒၣ်ပီၢ်ရီအလံာ်ကွဲးဒိလၢအ ဟ့ၣ်စိဟ့ၣ်ကမီၤနၤ ဒ်သိးကမၤခၢၣ်စးတၢ်လၢ ပှၤလၢနအဲၣ်ဘၣ်အီၤတဂၤအလီၢ်န့ၣ်လီၤ.
ပှၤလၢနအဲၣ်ဘၣ်အီၤတဂၤ အခိၣ်နူာ်မ့ၢ်တမၤတၢ်တုၤထီၣ်ဘးလၢအဆၢတဲာ်တၢ်ဘၣ်န့ၣ် ဒ်သိးနမၤတၢ်ဆၢတဲာ်တဖၣ်ဘၣ်ဃးဒီး ပှၤလၢနအဲၣ်ဘၣ်အီၤတဂၤ အဆူၣ်ချ့တၢ်ကွၢ်ထွဲမ့တမ့ၢ် ကျိၣ်စ့တကပၤကန့ၢ်အဂီၢ် နဘၣ်တၢ်ထၢနုာ်ပှဲၤထီၣ်တၢ်ဟ့ၣ်စိဟ့ၣ်ကမီၤပီၢ်ရီအလံာ်ကွဲးဒိ ဒီးဆှိးထီၣ်အီၤဆူကီၢ်စဲၣ်အပဒိၣ်န့ၣ်လီၤ.
မၤတၢ်ဆၢတဲာ်ဘၣ်ဃးဒီး ပှၤလၢနအဲၣ်ဘၣ်အီၤတဂၤ အဆူၣ်ချ့တၢ်ကွၢ်ထွဲဒီးကျိၣ်စ့တကပၤ
ဆီတလဲ ပှၤလၢနအဲၣ်ဘၣ်အီၤတဂၤ အဂ့ၢ်အကျိၤ ဒ်သိးဒီး အိၣ်တၢ်လီၢ် မ့တမ့ၢ်လီတဲစိနီၣ်ဂံၢ်
ဆဲးလီၤစုပနီၣ် လၢအဝဲသ့ၣ်အခၢၣ်စး
တၢ်တိစၢၤမၤစၢၤတဖၣ်
တၢ်တိစၢၤမၤစၢၤလၢကကဲဘျုးအါထီၣ်အဂီၢ်
တၢ်ကရၢကရိလၢ ကီၢ်စဲၣ်ဒီးဟီၣ်ကဝီၤပူၤသ့ၣ်တဖၣ်အံၤ ဟ့ၣ်ဘၣ်ပှၤအိၣ်ဒီးနီၢ်ခိက့ၢ်ဂီၤအတၢ်လၢတပှဲၤတဖၣ် တၢ်တိစၢၤမၤစၢၤ လၢအပှ့ၤတအိၣ် မ့တမ့ၢ်အပှ့ၤစှၤန့ၣ်လီၤ.
Minnesota ကီၢ်စဲၣ်
ဟ့ၣ်တၢ်တိစၢၤမၤစၢၤဆူ Minnesota အပှၤသးပှၢ်တဖၣ်, အဟံၣ်ဖိဃီဖိ ဒီး ပှၤကွၢ်ထွဲအီၤတဖၣ်လီၤ.
Minnesota ကမံးတံာ်မိၢ်ပှၢ်လၢပှၤသးပှၢ်ဂီၢ်
အဝဲသ့ၣ် ဟ့ၣ်ဝဲတၢ်မၤစၢၤကလီလၢကဒုးဘၣ်ထွဲဝဲ ပှၤသူၣ်က့သးပှၢ်ဒီးတၢ်တိစၢၤမၤစၢၤတဖၣ်လၢ အပှၤတဝၢပူၤ, ပၣ်ဃုာ်ဒီး တၢ်ဆှၢထီၣ်ဆှၢလီၤ, တၢ်မၤစၢၤဟံၣ်တၢ်မၤ,တၢ်အီၣ်တၢ်အီ, တၢ်အိၣ်ဆိးလီၢ်အတၢ်ဃုထၢတဖၣ်, သဲစးအတၢ်တိစၢၤမၤစၢၤဒီး အဂၤန့ၣ်လီၤ.
Medicare.gov
ဟ့ၣ်တၢ်တိစၢၤမၤစၢၤအဘိၣ်အစှၢလၢ ကမၤစၢၤနၤမၤသကိးတၢ်ဒီး Medicare တုၤလီၤတီၤလီၤ ဒီးမၤလီၤတံၢ်လၢနဟံၣ်ဖိဃီဖိ ဒီးတံၤသကိးတဖၣ် ဒိးန့ၢ်ဘၣ်တၢ်ကွၢ်ထွဲအဂ့ၤကတၢၢ်အဂီၢ်လီၤ.
ပှၤသးပှၢ် LinkAge အလီကျိၤ
တိစၢၤမၤစၢၤပှၤသးပှၢ်, ပှၤလၢအနီၢ်ခိက့ၢ်ဂီၤတလၢတပှဲၤ, ဒီးပှၤလၢအကွၢ်ထွဲအဝဲသ့ၣ်တဖၣ် ခီဖျိတၢ်ဂ့ၢ်တၢ်ကျိၤ, တၢ်ဆီၣ်ထွဲမၤစၢၤ, တၢ်သိၣ်လိနဲၣ်လိ, တၢ်တိစၢၤမၤစၢၤ ဒီးတၢ်ကွၢ်ထွဲဒၢးဆူဟံၣ်အတၢ်မၤစၢၤပၣ်ဃုာ်ဝဲဒၣ်လၢပတၢ်ရဲၣ်တၢ်ကျဲၤတဖၣ်အပူၤန့ၣ်လီၤ.
Disability Hub MN
မ့ၢ်ဒၣ်တၢ်တိာ်ကျဲၤဘျးစဲ ပှဲၤဒီးတၢ်တိစၢၤမၤစၢၤလၢ နမၤန့ၢ်ကလီဝဲဒၣ် ဒ်သိးကဘှါဆှဲက့ၤ တၢ်ဂ့ၢ်ကီလၢက့ကွဲၣ်တကပၤ, နဲၣ်ကျဲၤလီၤနသးလၢတၢ်ရဲၣ်တၢ်ကျဲၤအပူၤဒီး ရဲၣ်ကျဲၤလီၤတၢ်လၢခါဆူညါ အဂီၢ်န့ၣ်လီၤ.