ဃုသ့ၣ်ညါအါထီၣ် ဆူၣ်ချ့တၢ်အုၣ်ကီၤအဘူးအလဲဖရံမံယၢၣ် မ့ၢ်မနုလဲၣ်ဒီး နဟ့ၣ်အီၤအပှ့ၤကသ့ဒ်လဲၣ်အဂ့ၢ်န့ၣ်တက့ၢ်.
တၢ်အုၣ်ကီၤအဘူးအလဲဘၣ်ထွဲဝဲဒီးတၢ်န့ၢ်ဘျုးတဖၣ်လၢနဆူၣ်ချ့တၢ်တိာ်ကျဲၤ အပူၤန့ၣ်လီၤ. ညီနုၢ်န့ၣ် နတၢ်ဟ့ၣ်ဆိအဘူးအလဲမ့ၢ်အါဒိၣ်န့ၣ် နတၢ်အုၣ်ကီၤအဘူးအလဲကလီၤစှၤ ဒီးတၢ်အုၣ်ကီၤဘူးလဲမ့ၢ်ထီၣ်ဝဲန့ၣ် ဘူးလဲလၢနဟ့ၣ်ဆိအီၤကစှၤလီၤဝဲန့ၣ်လီၤ.
ဖဲနဃုထၢထီၣ်နတၢ်အုၣ်ကီၤတၢ်တိာ်ကျဲၤအခါ မ့ၢ်ဒၣ်တၢ်အရ့ဒိၣ်လၢ နကဆိကမိၣ်ထံလၢ တၢ်အုၣ်ကီၤအဘူးအလဲဒီး တၢ်ဘူးတၢ်လဲလၢနဟ့ၣ်ဆိအီၤ ကလၢာ်ဝဲထဲလဲၣ်အဂ့ၢ်န့ၣ်လီၤ.
တၢ်ဟ့ၣ်ဆိအဘူးအလဲ တၢ်တိာ်ကျဲ အစှၤဒီးအအါ အဒိ
Janet န့ၣ်အိၣ်ဆူၣ်အိၣ်ချ့ဒီးလဲၤလၢကသံၣ်သရၣ်ဖးယံာ်တဘျီန့ၣ်လီၤ. အ၀ဲဆၢတဲာ်၀ဲဒၣ်လၢ တၢ်တိာ်ကျဲၤအိၣ်ဒီးတၢ်ဟ့ၣ်ဆိအဘူးအလဲထီၣ်ထီန့ၣ် မ့ၢ်ဒၣ်တၢ်တိာ်ကျဲအဂ့ၤကတၢၢ်လၢအဂီၢ်န့ၣ်လီၤ.
အ၀ဲ ဃုထၢ ဒ်သိးကဟ့ၣ် တလါဘၣ်တလါ တၢ်အုၣ်ကီၤအဘူးအလဲလၢအစှၤ, ဘၣ်ဆၣ် အ၀ဲမ့ၢ်လိၣ်ဘၣ်ဒ်သိးကဒိးန့ၢ် ကသံၣ်ကသီတၢ်ကွၢ်ထွဲ လၢတၢ်ဂ့ၢ်မိၢ်ပှၢ်တနီၤနီၤအဂီၢ်န့ၣ် ကအိၣ်ဒံးဒီး တၢ်ဒီသဒၢန့ၣ်လီၤ.
Davidအိၣ်ဒီးတၢ်ဆါယံာ်ယံာ်ထၢထၢအဃိဘၣ်လဲၤဝဲဆူကသံၣ်ကရၣ်တလီၢ်လီၢ်န့ၣ်လီၤ. အ၀ဲဃုထၢ တၢ်ဟ့ၣ်ဆိအဘူးအလဲ လၢအစှၤန့ၣ်လီၤ.
အဝဲသ့ၣ်ညါဝဲလၢ တၢ်အုၣ်ကီၤအဘူးအလဲတလါဘၣ်တလါကအါဝဲသနာ်က့ အဝဲတၢ်ဟ့ၣ်ဆိအဘူးအလဲ လၢအပတီၢ်ထီအလီၢ်န့ၣ် အဆူၣ်ချ့တၢ်တိာ်ကျဲၤ ကစးထီၣ်ပှ့ၤစၢၤန့ၢ်အဆူၣ်ချ့တၢ်ကွၢ်ထွဲအဘူးအလဲချ့န့ၢ်ဒံးန့ၣ်လီၤ.
တၢ်အုၣ်ကီၤအဘူးအလဲန့ၣ် ဒိးသန့ၤထီၣ်သးလၢနဒိးန့ၢ်နတၢ်တိာ်ကျဲၤဒ်လဲၣ်အဖီခိၣ်လီၤ. နမ့ၢ်ဒိးန့ၢ်ဆူၣ်ချ့တၢ်အုၣ်ကီၤလၢတၢ်မၤကစၢ်မ့ၢ်ဟ့ၣ်နၤန့ၣ်နတၢ်မၤကစၢ်ကထုးကွံာ် တၢ်အုၣ်ကီၤအဘူးအလဲ လၢနခၠဲး တဘျီဃီန့ၣ်လီၤ. နမ့ၢ်ပှ့ၤန့ၢ်ဆူၣ်ချ့တၢ်တိာ်ကျဲၤ လၢနနီၢ်ကစၢ်န့ၣ် နကဆှၢတၢ်ဘူးတၢ်လဲလိၤလိၤဆူ နတၢ်အုၣ်ကီၤခီပနံၣ်န့ၣ်လီၤ.
နတၢ်တိာ်ကျဲၤအမူအဂဲၤထဲဒၣ်ဖဲနဟ့ၣ်တၢ်အုၣ်ကီၤအဘူးအလဲအခါအဃိ မ့ၢ်ဒၣ်တၢ်အရ့ဒိၣ်လၢနဟ့ၣ်ဘူးလဲလၢအဘၣ်ဆၢဘၣ်ကတီၢ်လီၤ. နမ့ၢ်ဟ့ၣ်တၢ်ဘူးတၢ်လဲလိၤလိၤန့ၣ် Blue Cross ဒီး Blue Shield လၢ Minnesota ဒီး Blue Plus အိၣ်ဒီးတၢ်ဟ့ၣ်ဘူးလဲအတၢ်ဃုထၢတဖၣ်လၢ နဟ့ၣ်ဝဲလၢအ့ထၢၣ်နဲးဖီခိၣ် မ့တမ့ၢ် ထုးထီၣ်အီၤလၢနစ့ဒၢးပူၤန့ၣ်လီၤ.
ဖြံမံၣ်ယၢၣ်တၢ်အုၣ်ကီၤအဘူးအလဲ ဘၣ်လိာ်ဒီးဆူၣ်ချ့တၢ်ကွၢ်ထွဲအဘူးအလဲအဂၤတဖၣ် ဒ်လဲၣ်ဒီး ကဘၣ်ဟ့ၣ်ဆူၣ်ချ့တၢ်ကွၢ်ထွဲ ဆူမတၤအအိၣ်လဲၣ်န့ၣ် ဃုသ့ၣ်ညါတက့ၢ်.
နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.
တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.