တၢ်ဟ့ၣ် နBlue Cross ဆူၣ်ချ့တၢ်တိာ်ကျဲၤတၢ်အုၣ်ကီၤအဘူးအလဲ

တၢ်ဃုထၢလၢ ဘၣ်ဟ့ၣ်အဘူးအလဲတဖၣ်မ့ၢ်၀ဲ Blue Cross ကရူၢ်ဖိတဖၣ် လၢအိၣ်ဒီးဒီး Medicare မ့တမ့ၢ် နီၤတဂၤစုာ်စုာ်ဒီး ဟံၣ်ဖိဃီဖိတၢ်တိာ်ကျဲၤအဂီၢ်န့ၣ်လီၤ.

တၢ်ဃုထၢ eBill

တၢ်ဟ့ၣ်အဘူးအလဲထဲတဘျီ မ့တမ့ၢ်တၢ်မၤအီၤတကတီၢ်ဘၣ်တကတီၢ်တဖၣ်

(eBill) မ့ၢ်ဝဲတၢ်ဃုထၢကျဲအညီကတၢၢ်, လၢနကဟ့ၣ်ဆူၣ်ချ့တၢ်ကွၢ်ထွဲ, မဲဒီး/မ့တမ့ၢ် မဲာ်ချံအတၢ်တိာ်ကျဲတၢ်အုၣ်ကီၤအဘူးအလဲအဂီၢ်တဖၣ်န့ၣ်လီၤ. နမၤသ့ဝဲဒၣ်:

  • ဟ့ၣ်နတၢ်အုၣ်ကီၤအဘူးအလဲ ခီဖျိနစ့တၢးအစ့စရီ, ကဒွဲ (credit) ခးက့မ့တမ့ၢ်ဒဲးဘ့း (debit) ခးက့
  • ကွၢ်ဒီးထုးထီၣ်နတၢ်အဘူးအလဲစ့စရီလၢအခဲအံၤဒီးအပူၤကွံာ်တဖၣ် ဒီးတၢ်မၤနီၣ်လၢနဟ့ၣ်တၢ်အဘူးအလဲဝံၤတ့ၢ်တဖၣ်
  • ပၢၤဃာ်န့ဆၢၣ်ခီဖျိတၢ်အုၣ်ကီၤအဘူးအလဲတၢ်ဒုးသ့ၣ်နီၣ်ဒီးတၢ်ဘိးဘၣ်သ့ၣ်ညါလၢတစူးကါလံာ်စးခိတက့ၢ်

တၢ်အပတီၢ်တဖၣ် ဒ်သိကစးထီၣ်အဂီၢ်

  1. ကတဲာ်ကတီၤပာ်စၢၤ နကရူၢ်ဖိတၢ်ကွၢ်နီၣ်ကွၢ်ဃါခးက့ # ဒီးတၢ်ဟ့ၣ်အဘူးအလဲစ့စရီနီၣ်ဂံၢ် (ထံၣ်လၢနတၢ်ဃ့အဘူးအလဲလံာ်က့အလိၤ*) န့ၣ်တက့ၢ်.
  2. ဆဲးလီၤမံၤမ့တမ့ၢ် ဆဲးလီၤမံၤနုာ်လီၤ ဆူနကရူၢ်ဖိအကီးတက့ၢ်.
  3. ဃု"တၢ်အုၣ်ကီၤအဘူးအလဲ တၢ်ဟ့ၣ်အပှ့ၤ" ဒီး နုာ်လီၤလၢလ့း(ခ)တဖၣ် ဒ်သိးကဟ့ၣ်အပှ့ၤလၢအ့ထၢၣ်နဲးအဂီၢ်တက့ၢ်.
  4. ဒုးအိၣ်ထီၣ် တၢ်ဟ့ၣ်အဘူးအလဲၤမံၤစရီ ခီဖျိတၢ်စူးကါတၢ်ဟ့ၣ်တၢ်အဘူးအလဲမံၤစရီနီၣ်ဂံၢ်န့ၣ်တက့ၢ်.
  5. နမၤတၢ်ဟ့ၣ်အဘူးအလဲ ထဲတဘျီလၢတၢ်ဃ့ထီၣ်နၤအဘူးအလဲတဖၣ်အဂီၢ်, ရဲၣ်ကျဲၤနအံမ့(လ) ဒီး/မ့တမ့ၢ်တၢ်ဆှၢလံာ်တၢ်ကစီၣ်ဖုၣ်လၢနဘၣ်သးတဖၣ်, မၤပာ်စၢၤတၢ်ဟ့ၣ်တၢ်အဘူးအလဲ တဝီဝံၤတဝီလၢအကစၢ်ဒၣ်ဝဲ ဒီးရဲၣ်ကျဲၤတၢ်ဟ့ၣ်အဘူးအလဲကျိၤကျဲလၢနဘၣ်သးတဖၣ်သ့န့ၣ်လီၤ. 

Pay-It-Easy တၢ်ဃုထၢ

ဒုးအိၣ်ထီၣ်တၢ်ထုးထီၣ်ဆှၢစ့ လၢအစၢ်ဒၣ်ဝဲမၤတၢ်ခီဖျိ Pay-It-Easy

ဟ့ၣ်တၢ်အဘူးအလဲလၢအစၢ်ဒၣ်ဝဲမၤတၢ်တဘျီဝံၤတဘျီခီဖျိ စ့စရီ checking မ့တမ့ၢ် savings

နမ့ၢ်တအိၣ်ဒီးအ့ထၢၣ်နဲးထီဘိဘၣ်န့ၣ်, ဆိကမိၣ်ဃုထၢ Pay-It-Easy®အကျိၤကျဲန့ၣ်တက့ၢ်. နဒိးန့ၢ်ဘၣ်ဝဲတၢ်ဟ့ၣ်တၢ်အုၣ်ကီၤအဘူးအလဲတဘျီဝံၤတဘျီ လၢအကစၢ်ထုးကွံာ်ဒၣ်ဝဲ လၢနစ့စရီပူၤ ဘၣ်ဃးနဆူၣ်ချ့တၢ်ကွၢ်ထွဲ, မဲဒီး/မ့တမ့ၢ်မဲာ်ချံတၢ်ထံၣ်အဂီၢ်တဖၣ်သ့ညီညီန့ၣ်လီၤ.

တိၢ်နီၣ် - တၢ်အံၤကဟံးန့ၢ် 1-2 တၢ်ဟ့ၣ်အဘူးအလဲတၢ်လဲၤတရံးအဆၢကတီၢ် ကယံာ်ဝဲဒၣ် လၢတၢ်ကရဲၣ်ကျဲၤဖံးမၤလံာ်ကွဲးဒိတဖၣ်အဂီၢ်န့ၣ်လီၤ. ဟ့ၣ်နတၢ်အုၣ်ကီၤအဘူးအလဲခါဆူညါဒ်ညီနုၢ်အသိး တုၤလၢနဒိးန့ၢ်ဘၣ်လံာ်လၢဒုးသ့ၣ်ညါနၤလၢနတၢ်ဟ့ၣ်အဘူးအလဲအဆိကတၢၢ် ကဘၣ်တၢ်ထုးကွံာ်အီၤအကတီၢ်ဖဲလဲၣ်န့ၣ်တက့ၢ်. 

တၢ်အပတီၢ်တဖၣ် ဒ်သိကစးထီၣ်အဂီၢ်

  1. ဒီလိးဟံးန့ၢ်ဒီးမၤပှဲၤ Pay-It-Easy လံာ်ကွီၣ်ဒိတက့ၢ်.
  2. ဆှၢထီၣ်လံာ်ကွဲးဒိ လၢနမၤပှဲၤဝံၤဒီး လံာ်မၤလိာ်စ့ခၠဲးလီၤဟိလၢနကွဲးတြူာ်ကွံာ်၀ဲဒၣ် မ့တမ့ၢ် တၢ်ဆှၢနုာ်လီၤစ့လံာ်ဖီတဲာ်ဆူ တၢ်ဖီလာ်အကျါတခါ-

    လံာ်တၢး- Blue Cross ဒီး Blue Shield လၢ Minnesota, P.O. Box 982801, El Paso, TX, 79998-2801 (တၢ်အိၣ်ဆိးလီၢ်ကျဲတၢ်ဆဲးကျိးအံၤ တမ့ၢ်တၢ်လီၢ်လၢနဆှၢနတၢ်ဟ့ၣ်အဘူးအလဲဘၣ်)
    Fax: 651-662-6439
    အံမ့(လ):-အဟဲနုာ်.Service.Center@bluecrossmn.com

  3. ခိးကွၢ်လံာ်ပရၢ လၢအဟဲလၢ Blue Cross လၢဘိးဘၣ်သ့ၣ်ညါနၤ တၢ်ဆၢကတီၢ်လၢ တၢ်ကထုးစှၤလီၤ နတၢ်ဟ့ၣ်အဘူးအလဲအဆိကတၢၢ်တဘျီ လၢအကစၢ်ဒၣ်ဝဲန့ၣ်တက့ၢ်. ဟ့ၣ်နတၢ်အုၣ်ကီၤအဘူးအလဲခါဆူညါဒ်ညီနုၢ်အသိးတုၤလၢနဒိးန့ၢ်ဘၣ်လံာ်န့ၣ်တက့ၢ်.
  4. သမံသမိးလီၤတံၢ်က့ၤ တၢ်ထုးကွံာ်တၢ်ဟ့ၣ်အဘူးအလဲလၢ အကစၢ်ဒၣ်ဝဲတဖၣ် ဖဲတလါဘၣ်တလါနစ့တၢးတၢ်ပာ်ဖျါန့ၣ်တက့ၢ်.

တၢ်ဃုထၢအဂုၤအဂၤတဖၣ်

တၢ်ဟ့ၣ်တၢ်အုၣ်ကီၤအဘူးအလဲအတၢ်ဃုထၢကျိၤကျဲ အဂုၤအဂၤတဖၣ်

ဟ့ၣ်တၢ်အုၣ်ကီၤအဘူးအလဲ ခီဖျိလီတဲစိ

ကိးတၢ်တိစၢၤမၤစၢၤလၢပှၤစူးကါတၢ်ဖိအဂီၢ်နီၣ်ဂံၢ် လၢနကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံ ဒ်သိး-

  • ကစူးကါ 24/7 လီတဲစိအကျိၤအကွာ် ဒ်သိးကဟ့ၣ်အဘူးအလဲၤတမံၤ (ခီဖျိတၢ်စူးကါခြဲးဒ့းခး, ဒဲဘ့းခး မ့တမ့ၢ်စ့တၢးမံၤစရီ) မ့တမ့ၢ်ကမၤလီၤတံၢ် တၢ်ဒိးန့ၢ်တၢ်ဟ့ၣ်အဘူးအလဲတမံၤ
  • ကတိၤတၢ်ဒီးတၢ်တိစၢၤမၤစၢၤလၢပှၤစူးကါတၢ်ဖိအဂီၢ်ပှၤခၢၣ်စးတဂၤ လၢတၢ်မၤအဆၢကတီၢ်ပူၤ ဒ်သိးကဟ့ၣ်အဘူးအလဲ မ့တမ့ၢ်ကမၤလီၤတံၢ်နတၢ်ဟ့ၣ်အဘူးအလဲအဂီၢ်တက့ၢ်.

ဟ့ၣ်တၢ်အုၣ်ကီၤအဘူးအလဲ ခီဖျိ လံာ်ပရၢ

Medicare တၢ်တိာ်ကျဲၤ တၢ်ဟ့ၣ်အဘူးအလဲတဖၣ်:

Blue Cross ဒီး Blue Shield လၢ MN ဒီး Blue Plus 
P.O. Box 860448
Minneapolis, MN 55486-0448

ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်:

Blue Cross ဒီး Blue Shield လၢ MN ဒီး Blue Plus
P.O. Box 860449
Minneapolis, MN 55486-0449

FAQ

တၢ်သံကွၢ်လၢပှၤသံကွၢ်အီၤအါတဖၣ်

နကရူၢ်ဖိ IDနီၢ်ဂံၢ် ဃုထံၣ်န့ၢ်သ့လၢ နကရူၢ်ဖိ(ID) ခး အလီၢ်ခံန့ၣ်လီၤ.

ကရူၢ်ဖိအသီတဖၣ်ကန့ၢ်ဘၣ်တၢ်ထုးထီၣ်န့ၢ်အီၤတၢ်ကွၢ်နီၣ်ကွၢ်ဃါခးက့(ID) ခီဖျိတၢ်ဆှၢပရၢလၢစှၤနွံအတီၢ်ပူၤ စးထီၣ်လၢအတၢ်တိာ်ကျဲၤ တၢ်ပာ်ဂၢၢ်ပာ်ကျၢၤဝံၤန့ၣ်လီၤ.

ကရူၢ်ဖိတဖၣ်ဆဲးလီၤမံးနုာ်လီၤလၢ အ၀ဲသ့ၣ်ကရူၢ်ဖိ အကီး ဒ်သိးကကွၢ်အ၀ဲသ့ၣ်ဒံၣ်ကၠ့ၣ်တၢၣ် တၢ်ကွၢ်နီၢ်ကွၢ်ဃါခးက့ သ့၀ဲန့ၣ်လီၤ. ဒုးအိၣ်ထီၣ်န ကရူၢ်ဖိ အကီးဖဲအံၤတက့ၢ်.

နမ့ၢ်တအိၣ်ဒီး နတၢ်ကွၢ်နီၣ်ကွၢ်ဃါခးက့ မ့တမ့ၢ် ကရူၢ်ဖိအကီး, ကိး 651-662-8000 မ့တမ့ၢ်1-800-382-2000, TTY 711 တက့ၢ်.

တၢ်ဟ့ၣ်အဘူးအလဲစ့စရီနီၣ်ဂံၢ်န့ၣ် နဃုကွၢ်ဖဲတၢ်ဃ့ထီၣ်နၤတၢ်အုၣ်ကီၤအဘူးအလဲအစရီပူၤသ့ဝဲဒၣ်န့ၣ်လီၤ. နဆဲးကျိးဆူတၢ်တိစၢၤမၤစၢၤလၢပှၤစူးကါတၢ်ဖိအဂီၢ်နီၣ်ဂံၢ်အိၣ်လၢကရူၢ်ဖိ (ID) ခးက့အလီၢ်ခံ, ဒ်သိးနကဆဲးကျိးပှၤလၢမၤစၢၤနၤသ့ ဘၣ်ဃးနတၢ်တိာ်ကျဲၤလီၤလီၤဆီဆီအဂီၢ်န့ၣ်လီၤ. တၢ်အံၤမ့ၢ်တတုၤခဲအံၤန့ၣ်, ဆဲးကျိးဆူ 651-662-8000 မ့တမ့ၢ် 1-800-382-2000 တက့ၢ်. TTY 711.

နီၢ်တဂၤ ဒီးဟံၣ်ဃီဆူၣ်ချ့တၢ်တိာ်ကျဲၤတဖၣ် န့ၣ်ဘၣ်တၢ်ဃ့အီၤအဘူးအလဲကိးလါဒဲးန့ၣ်လီၤ.

Medicare ဒီးမဲတၢ်တိာ်ကျဲၤတဖၣ် ဃုထၢအဝဲသ့ၣ်အနီၣ်ဂံၢ် - တနံၤဘၣ်တနံၣ်, တနံၣ်တဝာ်, လွံၢ်လါတဘျီ မ့တမ့ၢ်တလါတဘျီန့ၣ်လီၤ.

မဲာ်ချံတၢ်တိာ်ကျဲၤတဖၣ်န့ၣ် တၢ်ဃ့အီၤအဘူးအလဲဒီးတၢ်ဟ့ၣ်အီၤအဘူးအလဲတနံၣ်တဘျီန့ၣ်လီၤ.

နမ့ၢ်အိၣ်ဒီးတၢ်အုၣ်ကီၤအဘူးအလဲစ့အိၣ်တ့ၢ်န့ၣ် တၢ်တ့ထီၣ်ဘှီထီၣ်တၢ်ဃ့အဘူးအလဲစရီစးထီၣ်ဝဲ လၢ 7သီ လၢကိးလါဒဲး ဒီးတၢ်မၤဝံၤအီၤညီနုာ်လၢ 15သီလၢ ကိးလါဒဲးန့ၣ်လီၤ. ကရူၢ်ဖိအသီတၢ်ဆဲးလီၤမံၤ မ့တမ့ၢ်တၢ်တိာ်ကျဲၤဆီတလဲအဂၤတဖၣ် လၢဘၣ်တၢ်ဖံးမၤအီၤ ဖဲကိးလါဒဲး 7သီန့ၣ် ကဘၣ်တၢ်ပာ်ဖျါအီၤလၢ လၢခံတလါအတၢ်ဃ့အဘူးအလဲစရီပူၤ ဖဲနအိၣ်ဒီးတၢ်အုၣ်ကီၤအဘူးအလဲအခါန့ၣ်လီၤ. တိၢ်နီၣ်- အဝဲန့ၣ်ဘၣ်သ့ၣ်သ့ၣ်ကယံာ်ဝဲ တၢ်မၤအသီ 7-10သီ လၢနကဒိးန့ၢ်တၢ်ဃ့အဘူးအလဲစရီ လၢနလံာ်ပရၢဒၢအပူၤန့ၣ်လီၤ.

အဒိန့ၣ်- နမ့ၢ်ဒိးန့ၢ်နတၢ်တိာ်ကျဲၤတၢ်ဆဲးလီၤမံၤတၢ်ပာ်ဂၢၢ်ပာ်ကျၢၤ ဖဲလါဒံၣ်စ့ဘၢၣ်7သီအလီၢ်ခံ လၢလါယနူအါရံၤ1သီတၢ်ဟ့ၣ်အဘူးအလဲစးထီၣ်မုၢ်နံၤ ဒီးအိၣ်ဒီးတၢ်အုၣ်ကီၤအဘူးအလဲစ့အိၣ်တ့ၢ်န့ၣ် တၢ်ကဃ့နၤအဘူးအလဲလၢ လါယနူအါရံၤ 15 သီ လၢနတၢ်အုၣ်ကီၤအဘူးအလဲ လၢလါယနူအါရံၤဒီးလါဖ့ဘြူအါရံၤခံလါလိာ်အဂီၢ်န့ၣ်လီၤ.

ဖဲလၢနဟ့ၣ်တၢ်အုၣ်ကီၤအဘူးအလဲ, မ့တမ့ၢ် တၢ်တိာ်ကျဲၤအဂီၢ်အါတလၢကွံာ်န့ၣ်, နမ့ၢ်တဃ့ကဒါက့ၤဘပှၤဘၣ်ဒီးတၢ်အဘူးအလဲတဖၣ်န့ၣ် ပကပာ်က့ၤအီၤလၢဆူညါတၢ်အုၣ်ကီးအဘူးအလဲအဂီၢ်လီၤ. ဖဲလၢနဟ့ၣ်တလၢကွံာ်တၢ်အုၣ်ကီၤအဘူးအလဲလၢနကဘၣ်ဟ့ၣ် မ့တမ့ၢ် ပတုာ်ကွံာ်တၢ်တိာ်ကျဲၤန့ၣ်, ပကဆှၢဟ့ၣ်က့ၤနၤစ့တဖၣ်န့ၣ်လီၤ. တၢ်ဟ့ၣ်က့ၤစ့လၢတၢ်အုၣ်ကီၤအဘူးအလဲလၢနဟ့ၣ်ဝံၤလၢပှၤဂ့ၢ်ဝီတၢ်ဘံၣ်တၢ်ဘၢတဖၣ်, မ့တမ့ၢ်လ့ၣ်မ့ၣ်အူကျဲတၢ်အိၣ်ဘှံးလၢတၢ်မၤတၢ်န့ၢ်ဘျုးတဖၣ်န့ၣ်, Blue Cross ဟ့ၣ်ကဒါက့ၤစ့တသ့ဘၣ်.

တၢ်မၤစၢၤဃုာ်ဒီးတၢ်ဟ့ၣ်တလၢကွံာ်အဂီၢ်, နဆဲးလီၤမံၤဆူနကရူၢ်ဖိအကီးဒီးဆှၢလံာ်ပရၢလၢအဘံၣ်ဘၢ မ့တမ့ၢ်ဆဲးကျိးဆူ နီၢ်ဂံၢ်လၢန တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဖဲနကရုၢ်ဖိ (ID) ခး အလီၢ်ခံတက့ၢ်.

ဆူၣ်ချ့တၢ်ကွၢ်ထွဲ, မဲာ်ချံတၢ်ထံၣ်မ့တမ့ၢ်မဲအတၢ်တိာ်ကျဲၤတၢ်အုၣ်ကီၤအဘူးအလဲန့ၣ်, တၢ်ကဘၣ်ဟ့ၣ်ဆိအီၤတချုးလၢနတၢ်တိာ်ကျဲၤတၢ်ဟ့ၣ်အဘူးအလဲစးထီၣ် မ့တမ့ၢ်တၢ်တိာ်ကျဲၤလဲၤကဒီးဆူညါန့ၣ်လီၤ. နတၢ်ဟ့ၣ်အဘူးအလဲန့ၣ် ဘၣ်သ့ၣ်သ့ၣ်ကအိၣ်ဒီးတၢ်ဟ့ၣ်အါထီၣ်အကတီၢ်န့ၣ်လီၤ. တၢ်အံၤမ့ၢ်ဝဲဖဲတၢ်ဆဲးန့ၢ်တၢ်ဟ့ၣ်အဘူးအလဲဖဲနဟ့ၣ်ဘၣ်ဝဲ တၢ်အုၣ်ကီၤအဘူးအလဲ လၢအကဟဲကဒီးအဂီၢ်အခါဒံးဘၣ်သနာ်က့န့ၣ်လီၤ.

ဆူၣ်ချ့တၢ်ကွၢ်ထွဲ, မဲာ်ချံတၢ်ထံၣ်မ့တမ့ၢ်မဲအတၢ်တိာ်ကျဲၤတၢ်အုၣ်ကီၤအဘူးအလဲန့ၣ်, တၢ်ကဘၣ်ဟ့ၣ်ဆိအီၤတချုးလၢနတၢ်တိာ်ကျဲၤတၢ်ဟ့ၣ်အဘူးအလဲစးထီၣ် မ့တမ့ၢ်တၢ်တိာ်ကျဲၤလဲၤကဒီးဆူညါန့ၣ်လီၤ. နတၢ်ဟ့ၣ်အဘူးအလဲန့ၣ် ဘၣ်သ့ၣ်သ့ၣ်ကအိၣ်ဒီးတၢ်ဟ့ၣ်ဘျုးကတီၢ် လၢစးထီၣ်လၢမုၢ်နံၤလၢတၢ်အုၣ်ကီၤအဘူးအလဲခီၣ်ထံး တုၤဝဲၤအမုၢ်နံၤလီၢ်ခံန့ၣ်လီၤ. တၢ်ဟ့ၣ်အဘူးအလဲန့ၣ် လဲၤအသးဆူမဲာ်ညါလၢ တၢ်ဟ့ၣ်ဘျုးကတီၢ် ဖဲနဟ့ၣ်နတၢ်အုၣ်ကီၤအဘူးအလဲအဘူးအလဲ လၢတၢ်ဟ့ၣ်ဘျုးကတီၢ်အကတၢၢ်န့ၣ်လီၤ.

တၢ်ပျဲပူၤလီၤဆီအဆၢကတီၢ်အယံာ်န့ၣ် လီၤဆီဝဲဒၣ်လၢတၢ်တိာ်ကျဲၤဒီးကျိၤကျဲလၢနပှ့ၤအီၤအဖီခိၣ်န့ၣ်လီၤ.

နီၢ်တဂၤဒီးဟံၣ်ဃီဆူၣ်ချ့တၢ်တိာ်ကျဲၤတဖၣ်-

  • နမ့ၢ်ပှ့ၤဃာ်နဆူၣ်ချ့တၢ်တိာ်ကျဲၤ ခီဖျိ MNsure ဒီးဒိးန့ၢ်ဘၣ် တၢ်အုၣ်ကီၤအဘူးအလဲတၢ်ဟ့ၣ်ခိဟ့ၣ်သွဲခရဲးဒံးအတၢ်ဟ့ၣ်အဘူးအလဲဆိန့ၣ် နအိၣ်ဒီးတၢ်ဟ့ၣ်ဘျုးကတီၢ် 90သီတဘျီဃီ ဖဲနဟ့ၣ်ဃာ်ကယဲၢ်အပူၤကွံာ်တၢ်အုၣ်ကီၤအဘူးအလဲခဲလၢာ် လၢတလါအံၤအတီၢ်ပူၤန့ၣ်လီၤ.
  • နမ့ၢ်ပှ့ၤဝဲဆူၣ်ချ့တၢ်တိာ်ကျဲၤခီဖျိပအိၣ်လိၤလိၤ, မ့တမ့ၢ်နပှ့ၤခီဖျိ MNsure ဒီးနတဒိးန့ၢ်ဘၣ်တၢ်ဟ့ၣ်ဆိတၢ်အုၣ်ကီၤအဘူးအလဲ, တၢ်ဟ့ၣ်ခိဟ့ၣ်သွဲခရဲးဒံးဘၣ်န့ၣ်, နဒိးန့ၢ်ဘၣ်တၢ်ပျဲပူၤလီၤဆီအဆၢကတီၢ်31သီ, လၢနကဟ့ၣ်တၢ်အုၣ်ကီၤအဘူးအလဲ (တမ့ၢ်90သီဘၣ်) န့ၣ်လီၤ.

Medicare ကသံၣ်ကသီတၢ်တိာ်ကျဲၤတဖၣ်:

  • ပဟ့ၣ်ပျဲ တၢ်ဟ့ၣ်ဘျုးကတီၢ်လၢ လံာ်နံၣ်လံာ်လါအသီ 31သီ လၢ Medicare Supplemental တၢ်အုၣ်ကီၤအဘူးအလဲတၢ်ဟ့ၣ်အဘူးအလဲအဂီၢ်န့ၣ်လီၤ.
  • ပဟ့ၣ်ပျဲ တၢ်ဟ့ၣ်ဘျုးကတီၢ်လၢ လံာ်နံၣ်လံာ်လါအသီ 90 လၢ Medicare တၢ်တိာ်ကျဲၤအဂၤတဖၣ်အဂီၢ်န့ၣ်လီၤ.

မဲဒီးမဲာ်ချံတၢ်ထံၣ်တၢ်တိာ်ကျဲၤတဖၣ်-

  • ပဟ့ၣ်ပျဲ တၢ်ဟ့ၣ်ဘျုးကတီၢ်လၢ လံာ်နံၣ်လံာ်လါအသီ 31သီ လၢတၢ်တိာ်ကျဲၤတၢ်အုၣ်ကီၤအဘူးအလဲတဖၣ်အဂီၢ်န့ၣ်လီၤ.

တၢ်ဟ့ၣ်တၢ်အုၣ်ကီၤအဘူးအလဲလၢ ဆူၣ်ချ့တၢ်ကွၢ်ထွဲ, မဲဒီး/မ့တမ့ၢ်မဲာ်ချံတၢ်ထံၣ်တၢ်တိာ်ကျဲၤတဖၣ်န့ၣ်, ကဘၣ်ဟ့ၣ်ဝံၤဝဲဖဲတၢ်ပျဲပူၤလီၤဆီအဆၢကတီၢ်ဝံၤတဘျီဃီ ဒ်သိးကဟးဆှဲးတၢ်ထုးကွံာ်တၢ်ပတုာ်ကွံာ်နဆူၣ်ချ့တၢ်တိာ်ကျဲၤ ခီဖျိနတဟ့ၣ်တၢ်အပှ့ၤအဃိန့ၣ်လီၤ. တၢ်ကစီၣ်ဂ့ၢ်ကျိၤအဂၤတဖၣ် လၢဘၣ်ထွဲဒီးတၢ်မၤကတၢၢ်/တၢ်ထုးထီၣ်ကွံာ် နဆူၣ်ချ့တၢ်တိာ်ကျဲၤအဂီၢ် ကွၢ်နတၢ်တိာ်ကျဲၤလံာ်ဃံးဃာ် မ့တမ့ၢ် ဆဲးကျိၤတၢ်တိစၢၤမၤစၢၤလၢပှၤစူးကါတၢ်ဖိအဂီၢ် ခီဖျိနီၣ်ဂံၢ်လၢ နကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံတက့ၢ်.

နမ့ၢ်သူ eBill န့ၣ် ဆဲးလီၤမံၤနုာ်လီၤ ဆူနကရူၢ်ဖိအကီး ဒ်သိးကဆိကတီၢ် နတၢ်ဟ့ၣ်လၢနီၢ်ကစၢ်ဒၣ်၀ဲအဂီၢ်တက့ၢ်.

နမ့ၢ်သူ Pay-It-Easy တၢ်ရဲၣ်ကျဲၤဒီး မ့ၢ်အဲၣ်ဒိးဆိကတီၢ် နတၢ်ဟ့ၣ်တဖၣ် မ့တမ့ၢ် ဆီတလဲနအကီးတၢ်ဂ့ၢ်တၢ်ကျိၤန့ၣ် နဒုးသ့ၣ်ညါ Blue Cross ခီဖျိ ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ် လၢနီၣ်ဂံၢ်လၢနဃုထံၣ် ဖဲနကရူၢ်ဖိ (ID) ခးအလီၢ်ခံသ့န့ၣ်လီၤ. ဟ့ၣ်တၢ်ပျဲတုၤလၢတၢ်မၤမုၢ်နံၤ 14 သီလၢကသုးကျဲၤဖံးမၤနတၢ်ဃ့ထီၣ်စးထီၣ်လၢတၢ်ဒိးန့ၢ်ဘၣ်အီၤအနံၤန့ၣ်လီၤ.

နစ့စရီအခီးပူၤစ့မ့ၢ်တအိၣ်လၢပှဲၤလၢနကဟ့ၣ်နတၢ်အုၣ်ကီးအဘူးအလဲန့ၣ်, နစ့တၢးကနဃ့နၤစ့အီၣ်လိးဒီး ဘၣ်သ့ၣ်သ့ၣ်နကဘၣ်တၢ်ထုးကွံာ်နၤလၢ Pay-It-Easy တၢ်ရဲၣ်တၢ်ကျဲၤန့ၣ်လီၤ.

နမ့ၢ်အိၣ်ဒီးတၢ်ကီတၢ်ခဲလၢ ဖြံမံၣ်ယၢၣ်တၢ်ဟ့ၣ်တၢ်အုၣ်ကီၤအဘူးအလဲ ချုးဆၢချုးကတီၢ်န့ၣ် ဆဲးကျိးနတၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဖဲနကရူၢ်ဖိ (ID) ခး ဒ်သိးကသ့ၣ်ညါဘၣ် မ့ၢ်ပနဲၣ်နၤဆူတၢ်ရဲၣ်တၢ်ကျဲၤတဖၣ်လၢ ကမၤစၢၤနၤဃုာ်ဒီး နတၢ်တိာ်ကျဲၤ တၢ်အုၣ်ကီၤအဘူးအလဲ ကသ့ဧါန့ၣ်တက့ၢ်.

မ့ၢ်လီၤ. ဖဲလၢနပာ်ပနီၣ်လီၤတံၢ်နလီပရၢမံၤတၢ်ဆဲးကျိးလၢန eBill ကရူၢ်ဖိအဂ့ၢ်အကျိၤပှာ်ယဲၤကဘျံးပီးလီ ဝံၤန့ၣ်, နဘၣ်တၢ်ဆှၢနုာ်နၤတဘျီဃီလၢ လီပရၢတၢ်ကစီၣ်ဒုးသ့ၣ်ညါတဖၣ်အဂီၢ်န့ၣ်လီၤ.

တၢ်သ့ၣ်တဖၣ်အကျါ ပၣ်ဃုာ်ဒီးတၢ်ဟ့ၣ်အဘူးအလဲထီရီၤတၢ်ကစီၣ် (ဒ်အမ့ၢ်ဝဲတၢ်ဟ့ၣ်အဘူးအလဲတၢ်ဖံးတၢ်မၤ, တၢ်ဒိးန့ၢ်ဘၣ်သ့ၣ်တဖၣ်), တၢ်အဘူးအလဲတၢ်ကစီၣ် (ဒ်အမ့ၢ်တၢ်အဘူးအလဲလၢအအိၣ်, ကဒွဲခးက့လၢတၢ်ပာ်ပနီၣ်မုၢ်နံၤမုၢ်သီတလၢကွံာ်တဖၣ်) ဒီးတၢ်ဟ့ၣ်အဘူးအလဲ တဘျီဝံၤတဘျီတၢ်ဒုးသ့ၣ်ညါတၢ်ကစီၣ်ဒ်အလီၢ်အိၣ်အသိးတဖၣ်န့ၣ်လီၤ.

နဘှီဘၣ်က့ၤတၢ်ကစီၣ်ဒုးသ့ၣ်ညါတဖၣ်သ့ဝဲထီဘိလၢန ပှာ်ယဲၤကဘျံး (eBill) ပီးလီသ့ထီဘိန့ၣ်လီၤ.

တသ့ဘၣ်. နကဘၣ်မၤပှဲၤ (Pay-It-Easy) လံာ်ကွဲးဒိလီၤဆီလၢကရူၢ်တဂၤ/သနူတၢ်ဘျၢတခါစုာ်စုာ်အဂီၢ်န့ၣ်လီၤ.

လံာ်ပရၢလၢအတဲဖျါတၢ်မၤတလၢတပှဲၤန့ၣ် ကဘၣ်တၢ်ထုးထီၣ်အီၤလၢ ကိးလါဒဲးအသီ10သီကပိာ်ကပၤ ဖဲပတဒိးန့ၢ်ဘၣ်နတၢ်ဟ့ၣ်အဘူးအလဲ လၢတၢ်ဃ့အဘူးအလဲလံာ်က့အလိၤ မုၢ်နံၤလီၢ်ခံကတၢၢ်န့ၣ်လီၤ. 

နမ့ၢ်ဟ့ၣ်နအဘူးအလဲဝံၤ မ့တမ့ၢ်ဆီလီၤပာ်လီၤဃာ် တၢ်ဟ့ၣ်အဘူးအလဲအတၢ်ကစၢ်တဝီဘၣ်တဝီန့ၣ် တလိၣ်လၢနကမၤတၢ်တမံၤမံၤဘၣ်. တၢ်ဟ့ၣ်အဘူးအလဲတဖၣ်လၢ တၢ်မၤအီၤလၢ တၢ်ဃ့အဘူးအလဲလံာ်က့မုၢ်နံၤအလီၢ်ခံန့ၣ် တၢ်ကပာ်ဖျါအီၤလၢ နအဘူးအလဲလၢခံတလါအပူၤန့ၣ်လီၤ.

နမ့ၢ်အိၣ်ဒီးတၢ်သံကွၢ်တဖၣ် လၢဘၣ်ထွဲဒီးတၢ်ဟ့ၣ်အဘူးအလဲတုၤဧါ တတုၤဧါန့ၣ် ဝံသးစူၤဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ခီဖျိတၢ်စူးကါ နီၣ်ဂံၢ်လၢနကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံတက့ၢ်.

SVG

တၢ်သံကွၢ်တဖၣ်အိၣ်ဧါ.

ဆဲးကျိးဆူတၢ်တိစၢၤမၤစၢၤလၢပှၤစူးကါတၢ်ဖိအဂီၢ်, နီၣ်ဂံၢ်အိၣ်လၢကရူၢ်ဖိ (ID) ခးက့အလီၢ်ခံ, ဒ်သိးနကဆဲးကျိးပှၤလၢမၤစၢၤနၤသ့ ဘၣ်ဃးနတၢ်တိာ်ကျဲၤလီၤလီၤဆီဆီအဂီၢ်န့ၣ်တက့ၢ်.

*နမ့ၢ်အိၣ်ဒီးတၢ်အုၣ်ကီၤအဘူးအလဲစ့အိၣ်တ့ၢ်လၢ အဆၢကတီၢ်ဘၣ် ဒီးမ့ၢ်ထံၣ်သ့ၣ်ညါဘၣ် Medicare မ့တမ့ၢ် နီၢ်တဂၤဒီးဟံၣ်ဃီတၢ်တိာ်ကျဲၤန့ၣ် နကဒိးန့ၢ်နတၢ်ဟ့ၣ်အဘူးအလဲလံာ်က့ ခီဖျိလံာ်ပရၢန့ၣ်လီၤ. (နမ့ၢ်တဃုထၢစးခိပူၤဖျဲးတၢ်ဘိးဘၣ်သ့ၣ်ညါလၢ Blue Cross တၢ်တိာ်ကျဲၤလၢအပူၤကွံာ်န့ၣ် နတမ့ၢ်ကဒိးန့ၢ်တၢ်ဒ်အံၤဘၣ်.) 

နမ့မ့ၢ်ကရူၢ် Medicare တၢ်တိာ်ကျဲၤကရူၢ်ဖိန့ၣ် တၢ်ကဃ့နၤအဘူးအလဲလိၤလိၤ ခီဖျိနတၢ်မၤကစၢ် မ့တမ့ၢ်နပှၤပၢဆှၢသုးကျဲၤတၢ်န့ၣ်လီၤ.  

နမ့ၢ်အိၣ်ဒီး Blue Cross တၢ်အုၣ်ကီၤအတၢ်တိာ်ကျဲၤလၢတၢ်မၤလီၢ်ဟ့ၣ်လီၤန့ၣ်, ကတိၤတၢ်ဒီးနတၢ်မၤကစၢ်ဘၣ်ဃး တၢ်ဟ့ၣ်တၢ်အုၣ်ကီၤအဘူးအလဲလၢနဂီၢ်န့ၣ်တက့ၢ်.