ကရူၢ်ဖိတၢ်သံကွၢ်ညီနုၢ်တဖၣ်

ယဘၣ်တီၣ်ထီၣ် မ့တမ့ၢ် ထုးကွံာ်ပှၤဒိးသန့ၤထီၣ်သးထီၣ်လၢယၤတဂၤဒ်လဲၣ်ႋ

လၢတၢ်ဂ့ၢ်အါဒၣ်တက့ၢ်အပူၤ, နတီၣ်အါထီၣ်ပှၤဒိးသန့ၤထီၣ်သးလၢနၤတဖၣ် ဆူနတၢ်ရဲၣ်တၢ်ကျဲၤပူၤသ့ထဲလၢ တၢ်တူၢ်လိာ်ဆဲးလီၤမံၤ အဆၢကတီၢ်မ့ၢ်ဂ့ၤ မ့တမ့ၢ် လၢနမ့ၢ်ခွဲးတုၤထီၣ်ဘးလၢ တၢ်ဆဲးလီၤမံၤလီၤဆီ ဆၢကတီၢ်အဂီၢ်မ့ၢ်ဂ့ၤ န့ၣ်လီၤ. နမ့ၢ်မၤန့ၢ်ဘၣ်တၢ်အုၣ်ကီၤခီဖျိတၢ်မၤကစၢ် သံကွၢ်နတၢ်မၤကစၢ် ဘၣ်ဃးတၢ်ပာ်ဖှိၣ်အါထီၣ်ပှၤလၢအဒိး သန့ၤထီၣ်အသးလၢနၤဆူနတၢ်တိာ်ကျဲၤအဂ့ၢ်တက့ၢ်ႋ

နထုးထီၣ်ကွံာ်ပှၤလၢဒိးသန့ၤထီၣ်သးလၢနၤတဖၣ်ခီဖျိတၢ်ကိးလီတဲစိနီၣ်ဂံၢ်အိၣ်လၢန ကရူၢ်ဖိ ID ခးအလီၢ်ခံသ့ဝဲန့ၣ်လီၤႋ

မၤသ့ၣ်ညါအါထီၣ်သးဘၣ်ဃးဒီးပှၤလၢဒိးသန့ၤ ထီၣ်လၢနၤတဖၣ်ဒီးနတၢ်တိာ်ကျဲၤအဂ့ၢ်

ယကဃုကွၢ်ဘၣ်လၢမ့ၢ်တၢ်ကူးကွဲးယါဘျါ မ့တမ့ၢ် တၢ်ကူစါယါဘျါ တမံၤဘၣ်တၢ်ဟ့ၣ်အဘူးအလဲဧါကသ့ဒ်လဲၣ်ႋ

ဆဲးလီၤမံၤနုာ်လီၤဆူ န ကရူၢ်ဖိ အကီး လၢကကွၢ် နတၢ်အုၣ်ကီၤ တၢ်ဟ့ၣ်အဘူးအလဲ ဒီး တၢ်န့ၢ်ဘျုးတဖၣ် အဂ့ၢ်ကျၢၢ်တံၢ်အဂီၢ်တက့ၢ်.

နဒိးန့ၢ်ဘၣ်တၢ်မၤစၢၤသ့ ခီဖျိတၢ်ဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ခီဖျိတၢ်စူးကါနီၣ်ဂံၢ်လၢန ကရူၢ်ဖိ (ID) ခးအလီၢ်ခံန့ၣ်လီၤ.

ယကသ့ၣ်ညါလၢမ့ၢ်ယ ကသံၣ်လၢကသံၣ်သရၣ်ဟ့ၣ်လီၤ န့ၣ်တၢ်ဟ့ၣ်န့ၢ်အဘူးအလဲဧါသ့ဒ်လဲၣ်ႋ

ဆဲးလီၤမံၤနုာ်လီၤဆူ န ကရူၢ်ဖိ အကီး လၢကကွၢ် တၢ်ဂ့ၢ်တၢ်ကျိၤဘၣ်ဃးဒီး န တၢ်ဟ့ၣ်အဘူးအလဲ လၢကသံၣ်သရၣ်ဟ့ၣ်လီၤအဂီၢ် တက့ၢ်.

မၤန့ၢ်တၢ်မၤစၢၤလၢတၢ်နၢ်ပၢၢ်ဘၣ်န ကသံၣ်ကသီလၢကသံၣ်သရၣ်ဟ့ၣ်လီၤတဖၣ် တၢ်ဟ့ၣ်အဘူးအလဲအဂ့ၢ်

တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် မ့ၢ်မနုၤလဲၣ်ႋ

တၢ်တဲနၢ်ပၢၢ်တၢ်န့ၢ်ဘျုးအဂ့ၢ်အကျိၤတဖၣ် (EOB) မ့ၢ်လံာ်တဘ့ၣ်လၢပာ်ဖျါထီၣ် တၢ်ပဲာ်ဖးနီၤဖးလီၤ ဆူၣ်ချ့တၢ်ကွၢ်ထွဲ တၢ်ဖံးတၢ်မၤအဂ့ၢ်တဖၣ် လၢနဒိးန့ၢ်ဘၣ်အီၤဖဲတၢ်ဒိးကွၢ်သးဒီးကသံၣ်သရၣ်အကတၢၢ်တဘျီန့ၣ်လီၤႋ အဝဲပာ်ဖျါ၀ဲဒၣ် နဆူၣ်ချ့တၢ်တိာ်ကျဲၤ မနုၤတဖၣ်လၢတၢ်ဟ့ၣ်ဘၣ်အဘူးလဲ ဒီးနတၢ်ဘူးတၢ်လဲတဖၣ်လၢနဟံးမူဒါဟ့ၣ်ဘၣ်အီၤအဂ့ၢ်န့ၣ်လီၤႋ

မၤလိအါထီၣ်ဘၣ်ဃးဒီး EOB အဂ့ၢ်တဖၣ်

တၢ်ဒီသဒၢအတၢ်ကွၢ်ထွဲ မ့ၢ်မနုၤလဲၣ်. တလၢာ်ဒီးအဘူးလဲဧါႋ

တၢ်ဒီသဒၢအတၢ်ကွၢ်ထွဲ ပၣ်ဃုာ်ဒီးတၢ်သမံထံကွၢ်ဒီးတၢ်မၤကွၢ် လၢဒုးအိၣ်ဆူၣ်အိၣ်ချ့ဘၣ်နၤတသ့ဖဲအသ့န့ၣ်လီၤႋ အါတက့ၢ်ဘၣ်တၢ်အုၣ်ကီၤအီၤလၢနဆူၣ်ချ့တၢ်တိာ်ကျဲၤန့ၣ်လီၤႋ တၢ်ကွၢ်ထွဲလၢနလိၣ်ဘၣ်ဒိးသန့ၤထီၣ်သးလၢနသးနံၣ်, မုၣ်ခွါ ဟံၣ်ဖိဃီဖိအတၢ်စံၣ်စိၤတဲစိၤ ဒီးတၢ်မၤသးအဂုၤဂၤတဖၣ်န့ၣ်လီၤ.

မၤလိသ့ၣ်ညါ တၢ်လၢ တၢ်ဒီသဒၢသမံသမိးတၢ်ဆါ တၢ်ကွၢ်ထွဲ ကျၢၢ်ဘၢန့ၣ် မ့ၢ်မနုၤလဲၣ်တက့ၢ်

ထံၣ်လိၣ်သးဒီး တၢ်ဟ့ၣ်ကူၣ်ဟ့ၣ်ဖးဘၣ်ဃးဒီးတၢ်ဒီသဒၢအတၢ်ကွၢ်ထွဲ

ယကထံၣ်ဘၣ်ယတၢ်ဃ့အီၣ်လိးအဂ့ၢ်သ့ဒ်လဲၣ်ႋ

ဆဲးလီၤမံၤနုာ်လီၤဆူ န ကရူၢ်ဖိ အကီး လၢကထံၣ်ဘၣ် နတၢ်ဃ့ထီၣ်လၢတယံာ်ဒံးဘၣ် အစရီအဂီၢ်တက့ၢ်.

ယတီၣ်ထီၣ်တၢ်ဃ့က့ၤအဘူးအလဲအဂ့ၢ်တထံၣ်ကသ့ဒ်လဲၣ်ႋ

စူးကါ ကသံၣ်ကသီ တၢ်ဃ့က့ၤအဘူးအလဲ အလံာ်ဒိ အံၤမ့တမ့ၢ် လဲၤကွၢ် ကသံၣ်ကသီလၢကသံၣ်သရၣ်ဟ့ၣ်လီၤတဖၣ် အပှာ်သန့ ဒ်သိးနကဒိးန့ၢ် ကသံၣ်ကသီလၢကသံၣ်သရၣ်ဟ့ၣ်လီၤတဖၣ် တၢ်ဃ့က့ၤအဘူးအလဲ အလံာ်ဒိ လၢ တၢ်ဟ့ၣ်လိးက့ၤစ့လၢ န ဆူၣ်ချ့တၢ်တိာ်ကျဲၤ အပူၤတက့ၢ်. ဆှၢထီၣ်အီၤဆူ လီၢ်အိၣ်ဆိးထံးအိၣ်ဖျါလၢလံာ်ကွီၣ်ဒိတက့ၢ်ႋ

တိၢ်နီၣ်- နတဘၣ်တီၣ်ထီၣ် တၢ်ဃ့က့ၤအဘူးအလဲ ဖဲနမ့ၢ်ထံၣ်လိာ်တ့ၢ်သးဒီးကသံၣ်သရၣ်တဂၤ ကသံၣ်ဒၢး မ့တမ့ၢ် တၢ်ဆါဟံၣ် လၢနဆူၣ်ချ့တၢ်တိာ်ကျဲၤ အကရၢမၤသကိးတၢ် န့ၣ်လီၤႋ အ၀ဲသ့ၣ်ကတီၣ်ထီၣ်န့ၢ်တၢ်ဃ့က့ၤအဘူးအလဲလၢနဂီၢ်န့ၣ်လီၤႋ

မၤလိအါထီၣ်ဘၣ်ဃးဒီးတၢ်ဃ့က့ၤအဘူးအလဲတဖၣ်

ယဒိးန့ၢ်ဘၣ် တၢ်ဟ့ၣ်ဆိခွဲးစိကမီၤ ကသ့ဒ်လဲၣ်.

မၤနၢ်ပၢၢ်အါထီၣ်သးဘၣ်ဃးဒီး တၢ်ဟ့ၣ်ဆိခွဲးစိကမီၤအဂ့ၢ်- ဘၣ်မနုၤဃိလၢမ့ၢ်တၢ်အလီၢ်အိၣ်ဒီးကဘၣ်တီၣ်ထီၣ်တၢ်ပတံသကွံာ်ကညးဒ်လဲၣ်ႋ

နမ့ၢ်အိၣ်ဒီးတၢ်သံကွၢ်တဖၣ်ဘၣ်ဃးဒီး တၢ်ဟ့ၣ်ဆိခွဲးစိကမီၤအဂ့ၢ် ၀ံသးစူၤ ကိးလီတဲစိဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ် လီတဲစိနီၣ်ဂံၢ်အိၣ်လၢနကရူၢ်ဖိ ID ခးအလီၢ်ခံတက့ၢ်ႋ

ယမၤန့ၢ်ဘၣ်လံာ်ကွီၣ်ဒိတဖၣ်သ့ဖဲလဲၣ်ႋ

နထံၣ်ဘၣ်ထီရီၤလံာ်ကွီၣ်ဒိတဖၣ်သ့ဖဲ လံာ်ကွီၣ်ဒိကဘျံးပၤန့ၣ်လီၤႋ

ဘၣ်မနုၤအဃိယဘၣ်ဟ့ၣ်၀ဲဒၣ်တၢ်ဘူးတၢ်လဲလၢ တၢ်လဲၤထံၣ်လိာ်သးလၢတၢ်ဒီသဒၢအတၢ်ကွၢ်ထွဲလဲၣ်.

တၢ်ထံၣ်လိာ်သးဒီးနကသံၣ်သရၣ်လၢတၢ်ဒီသဒၢအတၢ်ကွၢ်ထွဲ ကွၢ်လီၤတံၢ်၀ဲဒၣ် နတၢ်အိၣ်ဆူၣ်အိၣ်ချ့ထီရီၤဒီးကပှဲၤဒီးတၢ်အိၣ်ဆူၣ်အိၣ်ချ့အဂီၢ်ဒ်လဲၣ်န့ၣ်လီၤ. ဘၣ်ဆၣ်တဘျီဘျီ တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် ကဲထီၣ်၀ဲဒၣ် တၢ်လဲၤထံၣ်လိာ်သးဒီးကသံၣ်သရၣ် လၢနဘၣ်လၢာ်အဘူးလဲန့ၣ်လီၤႋ မၤလိ ဘၣ်မနုၤ တၢ်အံၤကဲထီၣ်အသးလဲၣ်တက့ၢ်

ပသ့ၣ်ညါပ၀ဲလၢ တၢ်ဆီတလဲကသံၣ်သရၣ်န့ၣ် တမ့ၢ်တၢ်ညီဘၣ်. လီၤဆီဒၣ်တၢ်ဖဲ နဒိးန့ၢ်တၢ်ကူစါယါဘျါကတီၢ်အဖၢမုၢ်လီၤ. လၢတၢ်န့ၢ်အဃိပဟ့ၣ်လီၤ တၢ်ကွၢ်ထွဲဆူညါကွ့ၢ်ကွ့ၢ်တၢ်ရဲၣ်တၢ်ကျဲၤလၢ ကရူၢ်ဖိတဖၣ်အဂီၢ် ဖဲအ၀ဲသ့ၣ်အပှၤဆီၣ်ထွဲတၢ်ဟးထီၣ်လၢ ပတၢ်တိာ်ကျဲၤဘျးစဲအခါန့ၣ်လီၤ. 

တၢ်အံၤပျဲ၀ဲဒၣ်ကရူၢ်ဖိလၢ အအိၣ်ဒီးကံၢ်စီပတီၢ်ဂ့ၤဂ့ၤတဖၣ် ကထံၣ်လိာ်ဘၣ်အသး ဒ်အ၀ဲသ့ၣ်အကသံၣ်သရၣ်ဆၢကတီၢ်ဖုၣ်ကိာ် ဒ်သိးကမၤလီၤတံၢ်လၢ တၢ်ကွၢ်ထွဲလၢအ၀ဲသ့ၣ်အဂီၢ် သုတဘၣ်တၢ်တြီမၤတံာ်တာ်တဂ့ၤန့ၣ်လီၤ.

နမ့ၢ်နုာ်လီၤမၤသကိးတၢ်လၢ ခါခဲအံၤတၢ်ကူစါယါဘျါပတီၢ်တခါ မ့တမ့ၢ် အါန့ၢ်တခါဒ်လၢအဖီလာ်အသိးအဃိ နကအိၣ်ဒီးကံၢ်စီပတီၢ်လၢ ကဒိးန့ၢ်ဘၣ်တၢ်ကွၢ်ထွဲတပယူၢ်ဃီအဂီၢ် ခီဖျိတၢ်ဟ့ၣ်လီၤတၢ်ဃ့က့ၤအဘူးအလဲ ဒ်ကသံၣ်သရၣ်လၢတၢ်တိာ်ကျဲၤဘျးစဲပူၤတဂၤအသိးအဃိ-

• နအိၣ်ဒီးတၢ်ဆါလၢ အကဲထီၣ်ဖုၣ်ကိာ်
• နအိၣ်ဒီး သးတၢ်ဆါ မ့တမ့ၢ် နီၢ်ခိတၢ်ဆူးတၢ်ဆါ လၢအလီၤဘၣ်ယိၣ်၀ဲ
• နအိၣ်ဒီးနီၢ်ခိ မ့တမ့ၢ် သးဂ့ၢ်၀ီက့ကွဲၢ် လၢအတဒုးနနုာ်လီၤမၤသကိးတၢ်လၢ သးသမူတၢ်ဟူးဂဲၤဖံးမၤဖးဒိၣ်တခါ (1) မ့တမ့ၢ် အါန့ၢ်တခါ လၢအဒုးကဲထီၣ်က့ကွဲၢ်လၢ အမၤအသးယံာ်ထၢ မ့တမ့ၢ် လၢတၢ်တယာ်အီၤလၢကမၤအသးအစှၤကတၢၢ်တ (1) နံၣ်, မ့တမ့ၢ် လၢလီၢ်ခံကတၢၢ်သံ၀ဲသ့
• နအိၣ်ဒီးက့ကွဲၢ် မ့တမ့ၢ် တၢ်အိၣ်သးလၢကဲထီၣ်သးယံာ် လၢကတီၢ်ခဲအံၤ မ့တမ့ၢ် လၢတၢ်တယာ်အီၤလၢကမၤအသးထီဘိတဘိယူၢ်ဃီ
• နကဒိးန့ၢ်ဘၣ် တၢ်တိစၢၤမၤစၢၤကၢကီၢ်ဒီးတၢ်ဆဲးတၢ်လၤတဖၣ်လၢ နပှၤဟ့ၣ်မၤစၢၤတၢ်တဂၤလၢအအိၣ်ဒီး တၢ်သ့တၢ်ဘၣ်လီၤဆီ လၢတၢ်စိာ်ဆှၢတၢ်တိစၢၤမၤစၢၤတဖၣ်အံၤအဂီၢ်
• နကဒိးန့ၢ်ဘၣ် တၢ်တိစၢၤမၤစၢၤတဖၣ်လၢ ပှၤတိစၢၤမၤစၢၤတၢ်တဂၤလၢ အကတိၤကျိာ်အဂၤလၢ အတမ့ၢ်အဲကလံးကျိာ်
• တၢ်မၤအသးတပယူၢ်ဃီလၢ အိၣ်ဖျဲၣ်ဖိ၀ံၤကတီၢ် (အိၣ်ဖျဲၣ်ဖိ၀ံၤ ဃု (6) နွံအလီၢ်ခံ) လၢအလဲၤတလၢကွံာ် အဟုးအသးအခီၣ်ထံးသၢလါအဂီၢ်
• တၢ်မၤအသးတပယူၢ်ဃီလၢ ပှၤဆါတဖၣ်လၢအဘၣ်ဟံးန့ၢ်တၢ်ကူစါယါဘျါ ဖဲအဟုးအသးအခီၣ်ထံးသၢလါအတီၢ်ပူၤအဂီၢ်လီၤ. ဆဲးကျၢဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အအိၣ် ဒ်သိးကဆၢတဲာ်ဘၣ်ဃး နကဒိးန့ၢ်တၢ်ဟ့ၣ်အဘူးအလဲမုၢ်နံၤထဲလဲၣ်အဂ့ၢ်

နမ့ၢ်ဆိကမိၣ်လၢ နအိၣ်ဒီးကံၢ်စီလၢပှဲၤလၢ တၢ်ကွၢ်ထွဲတပယူၢ်ဃီအဂီၢ်အဃိ ဆဲးကျၢပှၤတဘျီဃီတက့ၢ်.

ယဃုဒိးန့ၢ်ကသံၣ်သရၣ်တဂၤကသ့ဒ်လဲၣ်ႋ

Blue Cross အိၣ်ဒီးဆူၣ်ချ့တၢ်တိာ်ကျဲၤတဖၣ်အါမး ဒီးကသံၣ်ကသရၣ်ကရၢမၤသကိးတၢ်တဖၣ် ကလီၤဆီလိာ်သးလၢတၢ်ရဲၣ်တၢ်ကျဲၤတခါစုာ်စုာ်န့ၣ်လီၤႋ မၤလီၤတံၢ်လၢ နကဃုထၢ နပှာ်ဘျးစဲသန့ ဖဲတချုး နနဲၣ်လီၤ နတၢ်ဃုကွၢ် ဒ်သိး နကထံၣ်ဘၣ်ထဲ ပှၤလၢ အဘၣ်တၢ်ဟ့ၣ်စၢၤဘူးလဲလၢ နတၢ်တိာ်ကျဲၤအဂီၢ်တက့ၢ်.

ဃုကွၢ် ကသံၣ်သရၣ်တဂၤ လၢအ့ထၢၣ်နဲးအပူၤနမ့ၢ်ဒိးန့ၢ် တၢ်အုၣ်ကီၤ လၢနဂီၢ်ဒၣ်နဲအဃိ, ခီဖျိ တၢ်မၤကစၢ်တဂၤ မ့တမ့ၢ် နၤ အိၣ်ဒီး Medicare တၢ်တိာ်ကျဲၤ အခါန့ၣ်လီၤ.

Medical Assistance(Medicaid) ကရူၢ်ဖိတဖၣ်န့ၣ် ဃုကွၢ် ကသံၣ်သရၣ်တဖၣ် ဖဲအံၤသ့လီၤ.

ဃုသ့ၣ်ညါအါထီၣ်ဘၣ်ဃးတၢ်ဘျးစဲတဖၣ်အဂ့ၢ်

ယဃုကွၢ်ကသံၣ်ကျးတဖျၢၣ်ဒ်လဲၣ်ႋ

လၢတၢ်အစၢအဂ့ၤကတၢၢ်အဂီၢ်, ဆဲးလီၤမံၤနုာ်လီၤဆူ န ကရူၢ်ဖိ အကီးတက့ၢ်. နမ့ၢ်အိၣ်ဒီးတၢ်မၤကစၢ်တၢ်ဟ့ၣ်အဘူးအလဲ ဒီးနအိၣ်ဒီး တၢ်ဟ့ၣ်ကသံၣ်အလံာ်က့ ကရူၢ်ဖိ ID ခးအဂၤလီၤဆီတဘ့ၣ်န့ၣ် မၤလီၤတံၢ်လၢ ကကွၢ်ဘၣ်ပှာ်ယဲၤသန့တၢ်ကွဲးနီၣ်အီၤလၢခးအလိၤန့ၣ်တက့ၢ်ႋ

မၤလိအါထီၣ်ဘၣ်ဃး တၢ်သ့ၣ်ညါနၢ်ပၢၢ် တၢ်ဟ့ၣ်အဘူးအလဲ လၢ ကသံၣ်ဖီၣ်လၢကသံၣ်သရၣ်ဟ့ၣ်လီၤအဂီၢ် တက့ၢ်

ယကဘၣ်ဃုကွၢ်မဲကသံၣ်သရၣ်ဒ်လဲၣ်.

တၢ်ဃုကွၢ်မဲကသံၣ်သရၣ်လၢတၢ်ဟ့ၣ်န့ၢ်ဝဲတၢ်အဘူးအလဲန့ၣ်,ဒိးသန့ၤထီၣ်သးလၢ မ့ၢ်နအိၣ်ဒီးBlue Crossမဲအတၢ်တိာ်ကျဲလီၤဆီဧါ(တၢ်ကွၢ်နီၣ်ကွၢ်ဃါခးက့IDလီၤဆီ), တအိၣ်ဘၣ်ဧါန့ၣ်လီၤ.

ဃုထံၣ်န့ၢ်မဲကသံၣ်သရၣ်

ယကဘၣ်ဃုကွၢ်မဲာ်ချံကသံၣ်သရၣ်တဂၤဒ်လဲၣ်.

တၢ်ဃုကွၢ်ပှၤဟ့ၣ်တၢ်ကွၢ်ထွဲမၤစၢၤဘၣ်ဃးမဲာ်ချံလၢတၢ်ဟ့ၣ်န့ၢ်ဝဲတၢ်အဘူးအလဲန့ၣ်,ဒိးသန့ၤထီၣ်သးလၢ မ့ၢ်နအိၣ်ဒီး Blue Cross မဲာ်ချံအတၢ်တိာ်ကျဲလီၤဆီဧါ(တၢ်ကွၢ်နီၣ်ကွၢ်ဃါခးက့ ID လီၤဆီ)တအိၣ်ဘၣ်ဧါန့ၣ်လီၤ.

ဃုထံၣ်န့ၢ်မဲာ်ချံကသံၣ်သရၣ်

ဆူၣ်ချ့တၢ်ရဲၣ်တၢ်ကျဲၤဒီးတၢ်ထုးစှၤလီၤအဘူးအလဲဖဲယဆူၣ်ချ့တၢ်တိာ်ကျဲၤအပူၤတဖၣ်မနုၤအိၣ်လဲၣ်.

လၢကကွၢ် ဆူၣ်ချ့ တၢ်ရဲၣ်တၢ်ကျဲၤဒီး တၢ်မၤစှၤလီၤအပှ့ၤတဖၣ်လၢ အဟဲပာ်ဃုာ်ဒီး နတၢ်တိာ်ကျဲၤအဂီၢ် ဆဲးလီၤမံၤနုာ်လီၤဆူ နကရူၢ်ဖိ အကီး အပူၤတက့ၢ်.

ယကဒိးန့ၢ်ဘၣ်ယ တၢ်ကွၢ်နီၣ်ကွၢ်ဃါခးက့ အခါဖဲလဲၣ်ႋ

နကဒိးန့ၢ်ဘၣ် တၢ်ကွၢ်နီၣ်ကွၢ်ဃါခးက့ တဘ့ၣ်လၢနဂီၢ်ဒီးလၢ ဟံၣ်ဖိဃီဖိလၢတၢ်အုၣ်ကီၤဟ့ၣ်အဘူးအလဲ တဂၤစုာ်စုာ်အဂီၢ်လၢစှၤနွံတီၢ်ပူၤဖဲနတၢ်ရဲၣ်တၢ်ကျဲၤစးထီၣ်ဟံးမူဒါန့ၣ်လီၤႋ

မၤနၢ်ပၢၢ်အါထီၣ်းဘၣ်ဃးဒီး ID ခးတဖၣ်အဂ့ၢ်

ယဃ့မၤလိာ်ဘၣ် ID ခးလၢအဂၤတဘ့ၣ်ကသ့ဒ်လဲၣ်ႋ

လၢတၢ်ဂ့ၢ်တၢ်ကျိၤအဂၤတဖၣ် မ့တမ့ၢ် တၢ်မၤပှဲၤက့ၤ ID ခးတဖၣ်အဂီၢ်, ဆဲးလီၤမံၤနုာ်လီၤဘၣ်ဆူ ကရူၢ်ဖိ အပှာ်ယဲၤသန့ ဒ်သိးကဃ့သကွံာ်ကညးထီၣ်အဝဲသ့ၣ်အဂီၢ် မ့တမ့ၢ် ကိးဘၣ် နီၣ်ဂံၢ်လၢ န ID ခးက့အချၢတက့ၢ်.

ယမၤန့ၢ်ဘၣ်ယ ID ခးလၢအ့ထၢၣ်နဲးအလိၤကသ့ဧါႋ

မ့ၢ်, န ဆဲးလီၤမံၤနုာ်လီၤဆူ န ကရူၢ်ဖိ အကီး သ့ဝဲဒ်သိး ကကွၢ်ဒီး ဆှၢလီၤ ဒံးကၠံးတၢၣ်တၢ်ကွဲးဘၣ်ဃးဒီး နတၢ်ကွၢ်နီၣ်ကွၢ်ဃါခးက့ အဂီၢ်န့ၣ်လီၤ. 

ယဟ့ၣ်ယ တၢ်အုၣ်ကီၤအဘူးအလဲခီဖျိအ့ၣ်ထၢၣ်နဲးသ့ဧါႋ

ပတူၢ်လိာ်တၢ်ဟ့ၣ်တၢ်ဘူးတၢ်လဲခီဖျိအ့ထၢၣ်နဲၣ်လၢဆူၣ်ချ့တၢ်ရဲၣ်တၢ်ကျဲၤတနီၤအဂီၢ်န့ၣ်လီၤႋ ကွၢ် မ့ၢ်နအိၣ်ဒီး အ့ထၢၣ်နဲးကဒွဲစရီ ဖဲန ဆဲးလီၤမံၤနုာ်လီၤဆူ န ကရူၢ်ဖိ အကီးအခါတက့ၢ်. တၢ်ဃုထၢကျဲအဂၤ မ့ၢ်ဒ်သိးကဆီလီၤပာ်လီၤ တၢ်ဟ့ၣ်တၢ်ဘူးတၢ်လဲမၤတၢ်လၢအနီၢ်ကစၢ်ဒၣ်၀ဲ ခီဖျိတၢ်ဆှၢထီၣ်န့ၢ်ပှၤ လံာ်တကွီၢ်လၢတၢ်မၤလၢပှဲၤအီၤဝံၤ တဘ့ၣ်န့ၣ်လီၤ.

ဃုသ့ၣ်ညါအါထီၣ်ဘၣ်ဃးတၢ်ဟ့ၣ်နတၢ်အုၣ်ကီၤအဘူးအလဲ လၢပှာ်ယဲၤဖီခိၣ်

ယမၤသီထီၣ်ယတၢ်တိာ်ကျဲၤကသ့ဒ်လဲၣ်ႋ

နမ့ၢ်ပှ့ၤနနီၢ်ကစၢ်ဂီၢ် ဆူၣ်ချ့တၢ်တိာ်ကျဲၤ မ့တမ့ၢ် အိၣ်ဒီး Medicare တၢ်ရဲၣ်တၢ်ကျဲၤတခါန့ၣ် နတၢ်ရဲၣ်တၢ်ကျဲၤကမၤသီထီၣ်သးလၢအနီၢ်ကစၢ်ဒၣ်၀ဲန့ၣ်လီၤႋ နမ့ၢ်အိၣ်ဒီးကမျၢၢ်တၢ်ရဲၣ်တၢ်ကျဲၤတဖၣ်"န့ၣ် နကဘၣ်မၤပှဲၤဘၣ်ကွီၣ်ဒိတဖၣ်လၢကဒုးမူဘၣ်နတၢ်ရဲၣ်တၢ်ကျဲၤဆူညါအဂီၢ်န့ၣ်လီၤႋ ပကဆဲးကျၢနၤတချုးလၢတၢ်မၤသီထီၣ်နတၢ်ရဲၣ်တၢ်ကျဲၤလၢအဂ့ၢ်အကျိၤတဖၣ်န့ၣ်လီၤႋ နကိးလီတဲစိနီၣ်ဂံၢ်အိၣ်လၢန ကရူၢ်ဖိ ID ခးအလီၢ်ခံလၢကသံကွၢ်အါထီၣ်တၢ်ဂ့ၢ်တၢ်ကျိၤအဂီၢ်သ့န့ၣ်လီၤႋ

နမ့ၢ်မၤန့ၢ်ဘၣ် ဆူၣ်ချ့တၢ်တိာ်ကျဲၤတခါခီဖျိနတၢ်မၤကစၢ် နတၢ်ရဲၣ်တၢ်ကျဲၤကမၤသီထီၣ်သးလၢနီၢ်ကစၢ်ဒၣ်လၢတနံၣ်တဘျီသ့န့ၣ်လီၤႋ နဆီတလဲကွံာ်န ဆူၣ်ချ့တၢ်တိာ်ကျဲၤ ဖဲတၢ်တူၢ်လိာ်တၢ်ဆဲးလီၤမံၤဆၢကတီၢ်သ့န့ၣ်လီၤႋ ဆဲးကျိးနတၢ်မၤကစၢ်လၢတၢ်ဂ့ၢ်လီၤတံၢ်လီၤဆဲးအဂီၢ်တက့ၢ်ႋ

ယဆိကတီၢ်ကွံာ်ယဆူၣ်ချ့တၢ်တိာ်ကျဲၤကသ့ဒ်လဲၣ်ႋ

နဘၣ်ဆိကတီၢ်ကွံာ်နတၢ်ဟ့ၣ်အဘူးအလဲလၢလံာ်တၢ်ကွဲးန့ၣ်လီၤႋ မၤလီၤတံၢ်လၢကသမံသမိးကွၢ်လီၤတံၢ်ဘၣ်နတၢ်ရဲၣ်တၢ်ကျဲၤအတၢ်ဆိကတီၢ်ကွံာ်တၢ်ကျဲသနူတက့ၢ်ႋ နမ့ၢ်မၤန့ၢ်ဘၣ်ဆူၣ်ချ့တၢ်တိာ်ကျဲၤတခါလၢနတၢ်မၤကစၢ် ဆဲးကျၢဘၣ်နပှၤဂ့ၢ်၀ီ၀ဲၤကျိၤတက့ၢ်ႋ

တၢ်သံကွၢ်တဖၣ်အဂီၢ် ကိးလီတဲစိဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်​​​​​​​ လီတဲစိနီၣ်ဂံၢ်အိၣ်လၢန ကရူၢ်ဖိ (ID) ခး အလီၢ်ခံ မ့တမ့ၢ် ကွၢ်အါထီၣ်တၢ်ဂ့ၢ်တၢ်ကျိၤဘၣ်ဃး တၢ်တြူာ်ကွံာ်နတၢ်တိာ်ကျဲၤ တက့ၢ်.

မ့ၢ်နသးပ့ၤနီၣ် နကရူၢ်ဖိ အကီး အလံာ်ဖျၢၣ်ခူသူၣ်ဧါ.

နဒိးန့ၢ်တၢ်မၤစၢၤ ဘၣ်ဃးဒီး နကရူၢ်ဖိ အကီး လံာ်ဖျၢၣ်ခူသူၣ် ဖဲအံၤသ့လီၤ.

စဲအ့ၣ်တၢ်ကူၣ်သ့တၢ်မၤစၢၤအဂီၢ်ယဆဲးကျိးမတၤကသ့လဲၣ်.

ကိး တၢ်မၤစၢၤ အလီတဲစိနီၣ်ဂံၢ်ဖဲ နကရူၢ်ဖိ ID ခးက့ အချၢ​ တက့ၢ်. စဲအ့ၣ်တၢ်ကူၣ်သ့တၢ်မၤစၢၤအဂီၢ်န့ၣ်ဒိးန့ၢ်ဘၣ်သ့ဖဲတၢ်တိစၢၤမၤစၢၤလၢပှၤစူးကါတၢ်ဖိအဂီၢ်တၢ်မၤအဆၢကတီၢ်ညီနုၢ်န့ၣ်လီၤ.
ဂီၤ 8 နၣ်ရံၣ် တုၤ ဟါ 8 နၣ်ရံၣ် Central Time တၢ်ဆၢကတီၢ်, ကိးမုၢ်နံၤ.

ယကဘၣ်ထုးစှၤလီၤကွံာ်တၢ်ဆှၢန့ၢ်ယၤလံာ်ပရၢခီဖျိ Blue Cross တဖၣ်ဒ်လဲၣ်.

ပလိၣ်ဘၣ်ဝဲဒၣ်တၢ်ဆှၢန့ၢ်နၤတၢ်ဂ့ၢ်တၢ်ကျိၤတနီၤခီဖျိတၢ်ပရၢဒီး, ဒီးတၢ်ဆဲးကျိးအဂုၤအဂၤတဖၣ်အဂီၢ်န့ၣ်တၢ်ကဆှၢန့ၣ်နၤဆူနကစၢ်လီပရၢတၢ်ဆဲးကျိးန့ၣ်လီၤ. ဆဲးလီၤမံၤနုာ်လီၤဆူ န ကရူၢ်ဖိ အကီး ဒီး ဃုကွၢ် နတၢ်ဆဲးကျၢ တၢ်ဘၣ်သးတဖၣ်ဒီး "Go Paperless တက့ၢ်.မ့ၢ်ဝံၤဒီး နဃုထၢဝဲဒၣ်နအဲၣ်ဒိးန့ၢ်ဘၣ်တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOBs),တၢ်တိာ်ကျဲၤတၢ်ဒုးသ့ၣ်ညါတဖၣ်ဒီးတၢ်အဂုၤအဂၤတဖၣ်လၢကျိၤကျဲဒ်လဲၣ် သ့ဝဲလီၤ. တၢ်ဘျုးလၢနမၤစၢၤပှၤဒ်သိးတၢ်တမၤဘၣ်ဒိန့ဆၢၣ်ခိၣ်ဃၢၤအဃိန့ၣ်လီၤ.