ဖဲနစူးကါန ဆူၣ်ချ့တၢ်တိာ်ကျဲၤ တၢ်န့ၢ်ဘျုးတဖၣ်ဝံၤဝဲအခါ, Blue Cross ကဆှၢန့ၢ်နၤတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) န့ၣ်လီၤ.
EOB မ့ၢ်ဝဲဒၣ် တၢ်ကွဲးဖျါတမံၤ လၢအပာ်ဖျါထီၣ် ဆူၣ်ချ့တၢ်ကွၢ်ထွဲတဖၣ်လၢနတူၢ်လိာ်န့ၣ်လီၤ. ပာ်ဖျါစ့ၢ်ကီးဝဲဒၣ် နဆူၣ်ချ့တၢ်တိာ်ကျဲၤ အဘူးအလဲလၢတၢ်ဟ့ၣ်တ့ၢ်ဒီးစ့အလၢ လၢနကဘၣ်ဟ့ၣ်န့ၣ်လီၤ.
EOB တမ့ၢ်ဝဲတၢ်ဃ့က့ၤတၢ်အဘူးအလဲ, ဘၣ်ဆၣ်ဒီးအဝဲမၤစၢၤနၤ လၢနကသ့ၣ်ညါတၢ်ဂ့ၢ်တၢ်ကျိၤအကါဒိၣ်တနီၤ-
တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) လၢ Blue Cross ဒီး Blue Shield လၢ Minnesota မ့တမ့ၢ် Blue Plus ပၣ်ဃုာ်ဒီး တၢ်ဂ့ၢ်တဖၣ်အံၤ:
မၤလိသ့ၣ်ညါနသး နကဘၣ်ဖး EOB တခါဒ်လဲၣ်အဂ့ၢ်
EOB ဟ့ၣ်နၤတၢ်ဂီၤလၢနကွၢ်အီၤညီလၢဘၣ်တၢ်ဒိအီၤလၢနစူးကါနဲ တၢ်န့ၢ်ဘျုးတဖၣ်ဒ်လဲၣ် ဒီးတၢ်ဃ့က့ၤအဘူးအလဲန့ၣ် ဘၣ်တၢ်မၤအီၤဒ်လဲၣ်အဂ့ၢ်လီၤ.
ထီဘိန့ၣ် ထိၣ်သတြီၤ EOB ဒီးတၢ်ဃ့က့ၤတၢ်အဘူးအလဲအလံာ်က့လၢနဒိးန့ၢ်အီၤလၢ နကသံၣ်သရၣ်အအိၣ်ဒ်သိးနကမၤလီၤတံၢ်က့ၤမ့ၢ်ဘၣ်လိာ်အသးကစီဒီဧါန့ၣ်လီၤ. ကသံၣ်သရၣ်အလံာ်ဃ့တၢ်အဘူးအလဲ မ့ၢ်ပာ်ဖျါထီၣ်ဝဲဒ်စ့အလၢ လၢနကဘၣ်ဟ့ၣ်နဲအဃိဒီး, ဟ့ၣ်အီၤဒၣ်ဆူကသံၣ်သရၣ်အအိၣ်တက့ၢ်. စ့အလၢလၢနကဘၣ်ဟ့ၣ်နဲမ့ၢ်တဘၣ်လိာ်ဒီး EOB ဘၣ်န့ၣ်, ဆဲးကျိးဆူနီၣ်ဂံၢ်လၢကရူၢ်ဖိ (ID) ခးအချၢမ့တမ့ၢ်ဆဲးကျိးဆူကသံၣ်သရၣ်အအိၣ်တက့ၢ်.
နတၢ်သံကွၢ်ဘၣ်ဃးဒီး EOB မ့ၢ်အိၣ်န့ၣ်, မ့တမ့ၢ်နမ့ၢ်ဆိကမိၣ်လၢတၢ်ကမၣ်အိၣ်ဝဲဘၣ်ဃးဒီး EOB န့ၣ်, ဆဲးကျိးနီၣ်ဂံၢ်လၢအိၣ်လၢ ကရူၢ်ဖိ (ID) ခးအချၢန့ၣ်တက့ၢ်.
နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.
တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.