ဒ်သိးနၤဒီးနဟံၣ်ဖိဃီဖိ ဒိးန့ၢ်ဘၣ်ဆူၣ်ချ့တၢ်ကွၢ်ထွဲ လၢနလိၣ်ဘၣ်အီၤကသ့အဂီၢ် မ့ၢ်ဒၣ်တၢ်လၢအရ့ဒိၣ်လၢနဆူၣ်ချ့တၢ်တိာ်ကျဲၤ ကအိၣ်ပာ်ဝဲဒၣ်လံန့ၣ်လီၤ.
မၤန့ၢ်နတၢ်ကွၢ်နီၣ်ကွၢ်ဃါခးက့, တၢ်တိာ်ကျဲၤတၢ်ဂ့ၢ်တၢ်ကျိၤ, ဃုထံၣ်ကသံၣ်သရၣ်တဖၣ်ဒီး အါန့ၢ် လၢတၢ်ဘျးစဲအပူၤ
ပအိၣ်ဒီးဆူၣ်ချ့တၢ်ကွၢ်ထွဲအတၢ်တိာ်ကျဲၤတဖၣ် လၢအမၤသကိးတၢ်ဒီး Minnesota Medical Assistance (Medicaid) တၢ်ရဲၣ်တၢ်ကျဲၤလီၤ. မ့မ့ၢ်လၢနကြၢးဘၣ်ဒီး တၢ်တိာ်ကျဲၤသ့ၣ်တဖၣ်အံၤဒီး အဝဲမၤစၢၤနၤ လၢနကဟ့ၣ်က့ၤဆူၣ်ချ့တၢ်ကွၢ်ထွဲဘူးလဲ သ့န့ၣ်လီၤ. Medical Assistance (Medicaid) တၢ်တိာ်ကျဲၤတမံၤစုာ်စုာ်န့ၣ် ပာ်ပနီၣ်သးနံၣ် ဒီး စ့ဟဲနုာ်ပတီၢ်လီၤဆီလိာ်သးန့ၣ်လီၤ.
ဆူၣ်ချ့တၢ်ကွၢ်ထွဲတၢ်တိာ်ကျဲၤအံၤ အိၣ်ဝဲဒၣ်လၢ ကမၤစၢၤပှၤကြၢးဘၣ်ဒီး Medical Assistance (Medicaid) အတၢ်ရဲၣ်တၢ်ကျဲၤသ့ၣ်တဖၣ် ပၣ်ဃုာ်စ့ၢ်ကီးဒီး ဟံၣ်ဖိဃီဖိတဖၣ်, ဖိသၣ်တဖၣ်, ပှၤလၢအဒၢတဖၣ်, ပှၤအိၣ်ဃုာ်ဒီးက့ကွဲၣ်တဖၣ် ဒီးပှၤဒိၣ်တုာ်ခိၣ်ပှဲၤလၢအဖိတအိၣ်ဒံးဘၣ်တဖၣ်အဂီၢ်န့ၣ်လီၤ.
ဆူၣ်ချ့တၢ်ကွၢ်ထွဲတၢ်တိာ်ကျဲၤအံၤ အိၣ်ဝဲဒၣ်လၢ ကမၤစၢၤ ပှၤတဖၣ် လၢအဟ့ၣ်ဆူၣ်ချ့တၢ်ကွၢ်ထွဲဘူးလဲတန့ၢ်ခဲလၢာ်ဘၣ် ဒီးတကြၢးဘၣ်ဒီး Medical Assistance (Medicaid) အဂီၢ်ဘၣ်. တၢ်အံၤမ့ၢ်စ့ၢ်ကီး ပှၤဒိၣ်တုာ်ခိၣ်ပှဲၤလၢတန့ၢ်ဘၣ် တၢ်တိာ်ကျဲၤ လၢအတၢ်မၤကစၢ်အဃိဘၣ်တဖၣ် အဂီၢ်န့ၣ်လီၤ.
ပှၤလၢအသးနံၣ်အိၣ် 65 နံၣ်ဆူအဖီခိၣ် ဒီး ဒိးန့ၢ်ဘၣ်Medical Assistance (Medicaid) န့ၢ်ဝဲတဖၣ်န့ၣ် ဒိးန့ၢ်ဘၣ်ဆူၣ်ချ့တၢ်တိာ်ကျဲၤ အံၤသ့န့ၣ်လီၤ.
ဆူၣ်ချ့တၢ်တိာ်ကျဲၤအံၤဘၣ်တၢ်ကိးအီၤလၢ SecureBlueSM (HMO SNP) အံၤ အိၣ်ဝဲဒၣ်လၢ ပှၤလၢအသးနံၣ်အိၣ် 65 နံၣ်ဆူအဖီခိၣ်တဖၣ်အဂီၢ်န့ၣ်လီၤ. Medicare ဒီးMedical Assistance (Medicaid) ဘၣ်တၢ်ဘျးစဲလိာ်သးလၢတၢ်ရဲၣ်တၢ်ကျဲၤတမံၤဃီလီၤ.
ဒ်သိးနတၢ်အိၣ်ဆူၣ်အိၣ်ချ့ကဂ့ၤကတၢၢ်အဂီၢ် ဃုကွၢ် တၢ်တိစၢၤမၤစၢၤ, တၢ်ရဲၣ်တၢ်ကျဲၤ, ဒီးတၢ်အိၣ်ယၢၤတဖၣ် လၢပတၢ်တိာ်ကျဲၤသ့ၣ်တဖၣ်ဟ့ၣ်န့ၣ်တက့ၢ်.
နMedical Assistance (Medicaid) မ့တမ့ၢ် MinnesotaCare မ့ၢ်အိၣ်ဝဲန့ၣ် နကဘၣ်မၤသီထီၣ်က့ၤ နဆူၣ်ချ့တၢ်အုၣ်ကီၤ တနံၣ်တဘျီလီၤ. ဒ်သိးနဆူၣ်ချ့တၢ်အုၣ်ကီၤ အသုတလီၢ်မၢ်ကွံာ်ဝဲတဂ့ၤအဂီၢ် အိၣ်ကတဲာ်ကတီၤပာ်စၢၤနသး လၢတၢ်ဆဲးလီၤကဒီးမံၤအဆၢကတီၢ် ခီဖျိတၢ်မၤလီၤတံၢ်က့ၤလၢ နအိၣ်ဆီးလီၢ်ကျဲ, လီတဲစိနီၣ်ဂံၢ် ဒီးအံမ့(လ)ပရၢအဂ့ၢ်န့ၣ် ချုးစိၤလံန့ၣ်လီၤ.