တၢ်ဟ့ၣ်သဃဲၤစံးတၢ်န့ၣ် မ့ၢ်မနုၤလဲၣ်?
မၤလိသ့ၣ်ညါ ဘၣ်ဃးတၢ်ဟ့ၣ်သဃဲၤဘူးလဲတဖၣ် ဒီး ဆၢကတီၢ်လၢတၢ်ကဘၣ်ဟ့ၣ်က့ၤအီၤန့ၣ်တက့ၢ်ႉ
တၢ်ဟ့ၣ်သဃဲၤ ဘူးလဲ (ခီပနံာ်ဟ့ၣ်သဃဲၤဘူးလဲ) န့ၣ်မ့ၢ်ကျိၣ်စ့လၢအဘၣ်တၢ်ပာ်ပနီၣ်ဃာ်အီၤလၢ နကဟ့ၣ်လၢနတၢ်လဲၤထံၣ်လိာ်သးဒီး ကသံၣ်သရၣ်တဘျီအဂီၢ် မ့တမ့ၢ် တၢ်ဟ့ၣ်ကသံၣ်အလံာ်က့အဂီၢ်န့ၣ်လီၤ .
ညီနုၢ်နကဘၣ်ဟ့ၣ်တၢ်အဝဲန့ၣ်ဖဲနအိၣ်ဒီးတၢ်သ့ၣ်ဆၢဖးကတီၢ်အခါ မ့တမ့ၢ် ဖဲနလဲဟံးန့ၢ်ကသံၣ်လၢကသံၣ်သရၣ်ဟ့ၣ်လီၤနၤအခါန့ၣ်လီၤ.
ယကဘၣ်ဟ့ၣ်တၢ်ဟ့ၣ်သဃဲၤလၢအဆၢကတီၢ်ဖဲလဲၣ်ႉ
ဆူၣ်ချ့တၢ်တိာ်ကျၢၤခဲလၢာ်န့ၣ်တအိၣ်ဝဲဒီး တၢ်ဟ့ၣ်သဃဲၤတဖၣ်ဘၣ်ႉ တၢ်အကါဒိၣ်န့ၣ်မ့ၢ်ဒ်သိးတၢ်ကကွၢ်လီၢ်တံၢ်တၢ်ပီးတၢ်လီၤတဖၣ်လၢတၢ်တိာ်ကျၢၤတၢ်ဆဲးလီၤမံၤအဂီၢ်ဒ်သိးကဃုထံၣ်လၢမ့ၢ်တၢ်တိာ်ကျဲၤန့ၣ်အိၣ်ဒီးတၢ်ဟ့ၣ်သဃၢၤတဖၣ်စ့ၣ်ဧါန့ၣ်လီၤႉ
တၢ်တဖၣ်အံၤမ့ၢ်ဝဲ ဆူၣ်ချ့တၢ်ဟ့ၣ်မၤစၢၤတဖၣ်လၢပှၤသူအီၤညီနုၢ်လၢ အလိၣ်ဘၣ်ဝဲဒၣ်တၢ်ဟ့ၣ်သဃဲၤန့ၣ်လီၤ:
- တၢ်လဲၤထံၣ်လိာ်သးဒီးကသံၣ်သရၣ် မ့တမ့ၢ် ကသံၣ်သရၣ်လီၤဆီတဂၤ
- တၢ်လဲၤထံၣ်လၢဂ့ၢ်ဂီၤအူတၢ်ကွၢ်ထွဲအဂီၢ်
- တၢ်လဲၤဆူဂ့ၢ်ဂီၢ်အူဒၢး
- ကသံၣ်ကသီလၢကသံၣ်သရၣ်ဟ့ၣ်လီၤတဖၣ်
အါဒၣ်တၢ်တက့ၢ်, တၢ်တိာ်ကျဲၤတဖၣ်လၢအအိၣ်ဒီးတၢ်ဟ့ၣ်ဆိအဘူးအလဲလၢအအါတဖၣ်န့ၣ် တလိၣ်ဘၣ်ဝဲ တၢ်ဟ့ၣ်သဃဲၤလၢအဘၣ်ဃးဒီး တၢ်လဲၤထံၣ်လိာ်သးဒီးကသံၣ်သရၣ် မ့တမ့ၢ် ကသံၣ်လၢကသံၣ်သရၣ်ဟ့ၣ်လီၤအီၤအဂီၢ်ဘၣ်န့ၣ်လီၤႉ
ယကဘၣ်ဟ့ၣ်တၢ်ဟ့ၣ်သဃဲၤလၢဆၢကတီၢ်ဖဲလဲၣ်ႉ
နဘၣ်ဟ့ၣ်တၢ်ဟ့ၣ်သဃဲၤဖဲ နဒိးန့ၣ်ဘၣ်တၢ်ကွၢ်ထွဲအကတီၢ်န့ၣ်လီၤႉ တၢ်ဟ့ၣ်သဃဲၤဘူးလဲတဖၣ်န့ၣ် တဘၣ်တၢ်ထိၣ်ဒွးဃုာ်အီၤဆူ တၢ်ဟ့ၣ်ဆိအဘူးအလဲဘၣ်ႉ တၢ်အံၤအခီပညီန့ၣ်မ့ၢ်ဝဲဒၣ် တဘျီဖဲနမၤတၢ်ဟ့ၣ်ဆိအဘူးအလဲဝံၤတစုသနါက့, နကဘၣ်ဟ့ၣ်ဒံးတၢ်ဟ့ၣ်သဃၢၤတဖၣ်လီၤႉ နတၢ်ဟ့ၣ်သဃဲၤန့ၣ်ကပတုာ်ကွံာ်ဝဲဒၣ်ထဲလၢ နတုၤဃီၤဆူတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အကတီၢ်န့ၣ်လီၤႉ
ကဃုသ့ၣ်ညါအါထီၣ်
ဃုသ့ၣ်ညါ တၢ်ဟ့ၣ်သဃဲၤဘူးလဲတဖၣ်မၤတၢ်ဒီး ဆူၣ်ချ့တၢ်ကွၢ်ထွဲ ဘူးလဲဒ်လဲၣ်ဒီး မၤလိသ့ၣ်ညါ ကဘၣ်ဟ့ၣ်တၢ်လၢ ဆူၣ်ချ့တၢ်ကွၢ်ထွဲအဂီၢ်ဒ်လဲၣ်ဒီး ဆူမတၤအအိၣ်လဲၣ်တက့ၢ်.
တၢ်ဟ့ၣ်သဃဲၤဘူးလဲန့ၣ် မၤတၢ်ဒ်လဲၣ်.
တၢ်ဟ့ၣ်သဃဲၤဘူးလဲ မၤတၢ်ဒ်လဲၣ် အဒိအတဲာ်
Maryလဲၤထံၣ်လိာ်အသးဒီး နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်တဂၤ လၢကကတိၤသကိးတၢ်အိၣ်ဒီးတၢ်တကံပဝံတၢ်ဆါပနီၣ်တဖၣ်အဂ့ၢ်လီၤႉ အတၢ်တိာ်ကျဲၤန့ၣ်လိၣ်ဘၣ်ဝဲ $25 တၢ်ဟ့ၣ်သဃဲၤလၢတၢ်ကလဲၤထံၣ်အီၤအဂီၢ်လီၤႉ Maryဟ့ၣ်လီၤဝဲ $25 တၢ်ဟ့ၣ်သဃဲၤဆူပှၤတူၢ်လိာ်တၢ်အအိၣ်ဖဲ အဝဲဟဲတုၤလ၊တၢ်သ့ၣ်ဆၢဖးကတီၢ်အဂီၢ်န့ၣ်လီၤႉ
ဖဲအတၢ်လဲၤထံၣ်လိာ်သးဒီးကသံၣ်သရၣ်အဖၢမုာ်န့ၣ်, မဲရံၣ်အကသံၣ်သရၣ်န့ၣ်ဆှၢအီၤဆူ တၢ်မၤကွၢ်ဒၢးဒ်သိးတၢ်ကထုးထီၣ်အသွံၣ်အဂီၢ်လီၤႉ မ့ၢ်လၢMary $25 အတၢ်ဟ့ၣ်သဃဲၤန့ၣ်တလၢဝဲလၢတၢ်မၤကွၢ်အဒၢးတၢ်ဖံးတၢ်မၤအဂီၢ်အဃိ, အဝဲကဘၣ်ဟ့ၣ်အါထီၣ်တၢ်လၢာ်ဘူၣ်လၢာ်စ့တဖၣ်အဂီၢ်လီၤ:
Mary မ့ၢ်တမၤပှဲၤထီၣ် တၢ်ဟ့ၣ်ဆိအဘူးအလဲဘၣ်န့ၣ်...
အဝဲကဒိးန့ၢ်ဘၣ် တၢ်ဃ့ကဒွဲစရီလၢ တၢ်မၤကွၢ်ဒၢးတၢ်တိစၢၤမၤစၢၤတဖၣ် အဘူးအလဲ အဂီၢ်န့ၣ်လီၤ. အဝဲအဆူၣ်ချ့တၢ်တိာ်ကျဲၤန့ၣ်ကဟ့ၣ်ထီၣ်ဝဲ တၢ်ဟ့ၣ်ဆိအဘူးအလဲလၢMaryအဂီၢ်ထဲအံၤထဲနူၤလီၤႉ
Mary မ့ၢ်မၤပှဲၤထီၣ် တၢ်ဟ့ၣ်ဆိအဘူးအလဲန့ၣ်...
အဝဲ ကဟ့ၣ်ထဲမျးကယၤတခါလၢ တၢ်လၢာ်ဘူၣ်လၢာ်စ့အဂီၢ် (ဘၣ်တၢ်သ့ၣ်ညါအီၤဒ်အမ့ၢ် တၢ်အုၣ်ကီၤဟ့ၣ်သဃဲၤ)လၢတၢ်မၤကွၢ်ဒၢးတၢ်ဖံးတၢ်မၤတဖၣ်အဂီၢ်ဒီး အဆူၣ်ချ့တၢ်တိာ်ကျဲၤန့ၣ်ဟ့ၣ်လီၤဝဲတၢ်အိၣ်လီၤတဲာ်သ့ၣ်တဖၣ်အဂီၢ်လီၤႉ
နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.
*တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.