မၤလိသ့ၣ်ညါဘၣ်ဃး တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ် အဂ့ၢ် ဒီး ကဘၣ်လူၤပိာ်ကွၢ်ထွဲအီၤ ဒ်လဲၣ်အဂ့ၢ်တက့ၢ်.
တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်န့ၣ်မ့ၢ်ဝဲဒၣ် ကျိၣ်စ့အအါကတၢၢ်လၢနဟ့ၣ်သ့ ဒ်သိးကမၤလၢပှဲၤ ဆူၣ်ချ့တၢ်ဟ့ၣ်မၤစၢၤတၢ်မၤတဖၣ်အဂီၢ်ဒီး/မ့တမ့ၢ် ကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ်လီၤႉ
တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်န့ၣ် တပၣ်ဝဲလၢန တၢ်အုၣ်ကီၤအဘူးအလဲတလါဘၣ်တလါအဂီၢ်ဘၣ်န့ၣ်လီၤ.
တၢ်အံၤညီနုၢ် ပၣ်ဃုာ်လၢ န တၢ်ဟ့ၣ်ဆိအဘူးအလဲ,တၢ်အုၣ်ကီၤဟ့ၣ်သဃဲၤ ဒီး တၢ်ဟ့ၣ်သဃဲၤဘူးလဲတဖၣ်အပူၤ, သနာ်က့တၢ်အံၤလီၤဆီလိာ်အသး ခီဖျိနတၢ်တိာ်ကျဲၤသ့လီၤ.
ကသံၣ်ကသီတၢ်ကွၢ်ထွဲဒ် တၢ်အိၣ်ဆူၣ်အိၣ်ချ့အပတီၢ်အိၣ်ဝဲအဖၢမုာ်အသိး, ကသံၣ်ကသီလၢအပှ့ၤဒိၣ် မ့တမ့ၢ် တၢ်ကူးကွဲးယါဘျါလၢအတၢ်လၢာ်ဘူၣ်လၢာ်စ့အါ ကမၤပှဲၤဝဲနတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အဂီၢ်သ့ဝဲန့ၣ်လီၤႉ
နမ့ၢ်တုၤဃီၤဆူ တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ် ပတီၢ်လၢတၢ်ဘျးစဲအပူၤန့ၣ်ဒီး, နဆူၣ်ချ့တၢ်တိာ်ကျဲၤကမၤပှဲၤထီၣ်ဝဲ ဆူၣ်ချ့တၢ်ကွၢ်ထွဲအဘူးအလဲဒီး ကသံၣ်ကသီတဖၣ်လၢကသံၣ်သရၣ်ဟ့ၣ်တဖၣ်အဂီၢ် တုၤဃီၤဆူနံၣ်အကတၢၢ်တစုန့ၣ်လီၤႉ နတၢ်တိာ်ကျဲၤကဟ့ၣ်ဝဲတၢ်အဘူးအလဲဒ်သိးအံၤတဖၣ်အဂီၢ် ထဲလၢတၢ်ဟ့ၣ်မၤစၢၤတၢ်မၤဒီး ကသံၣ်ကသီတဖၣ်လၢကသံၣ်သရၣ်ဟ့ၣ်တဖၣ်န့ၣ် အလီၢ်အိၣ်သပှၢ်တၢၢ်လၢတၢ်ကူစါယါဘျါတၢ်အဂီၢ်အဃိန့ၣ်လီၤႉ
ဃုကွၢ် တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ် မၤတၢ်ဒီး ဆူၣ်ချ့တၢ်ကွၢ်ထွဲ တၢ်လၢာ်ဘူၣ်လၢာ်စ့ၤအဂၤတဖၣ်ဒ်လဲၣ်ဒီး မၤလိသ့ၣ်ညါ ကဘၣ်ဟ့ၣ်ဘူးလဲလၢ ဆူၣ်ချ့တၢ်ကွၢ်ထွဲအဂီၢ်ဒ်လဲၣ်ဒီး ဆူမတၤအအိၣ်လဲၣ်န့ၣ်တက့ၢ်.
Jennyလိၣ်ဘၣ်တၢ်ကူးကွဲးယါဘျါ ဒီး သးအိၣ်မၤလီၤတံၢ်ဝဲလၢအကဒိးန့ၢ်ဘၣ်ဝဲ တၢ်ဟ့ၣ်အဘူးအလဲအအါကတၢၢ်အဂီၢ်လီၤႉ
တချုးဒိး တၢ်ကူးကွဲးယါဘျါသးဒံးဘၣ်န့ၣ်, အဝဲဃုထံၣ်သမံသမိးတၢ်ဒ်သိးကမၤလီၤတံၢ်ဝဲ အကသံၣ်သရၣ်ဒီးတၢ်ဆါဟံၣ်န့ၣ်အိၣ်ဝဲလၢအတၢ်တိာ်ကျဲၤ တၢ်ဘျးစဲအပူၤ* ဒီးလူၤပိာ်ထွဲဝဲဒ်တၢ်နဲၣ်ကျဲအပတီၢ်အိၣ်အသိးလၢအလိၣ်ဘၣ်ဝဲလၢ တၢ်ကဟ့ၣ်စိဟ့ၣ်ကမီၤပာ်စၢၤအီၤအဂီၢ်န့ၣ်လီၤႉ
တၢ်လၢာ်ဘူၣ်လၢာ်စ့ၤခဲလၢာ်ပာ်ဖှိၣ်လၢ Jennyကကွဲးကါအသးအဂီၢ်န့ၣ်မ့ၢ်ဝဲဒၣ် $10,000 ဖဲတၢ်တိာ်ကျဲၤမၤဝံၤဝဲတၢ်ဃ့က့ၤအဘူးအလဲဝံၤန့ၣ်လီၤ.
Jenny အိၣ်ဒီး $1,500 တၢ်ဟ့ၣ်ဆိအဘူးအလဲ ဃုာ်ဒီး20% တၢ်အုၣ်ကီၤဟ့ၣ်သဃဲၤ
Jenny အိၣ်ဒီး တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ် $3,500
Jenny ဟ့ၣ်အကသံၣ်သရၣ်ဒီးတၢ်ဆါဟံၣ် $3,200 ($1,500 တၢ်ဟ့ၣ်ဆိအဘူးအလဲဃုာ်ဒီး $1,700 တၢ်အုၣ်ကီၤဟ့ၣ်သဃဲၤ)
အဝဲအိၣ်ဒီး $300 လၢအကဘၣ်ဟ့ၣ်အါထီၣ်ဝဲ တချုးဖဲအတုၤဃီၤဆူတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အပတီၢ် ဒံးဘၣ်န့ၣ်လီၤ
မ့မ့ၢ်လၢကၠဲနံၣ်အကျိာ်အစ့တဖၣ်လၢတၢ်တိာ်ကျဲၤတၢ်ဘျးစဲအပူၤ လၢာ်ကွံာ်ဝဲလၢတၢ်ကွဲးကါတၢ်အဂီၢ်အဃိဒီး, လၢအဝဲအဂီၢ် တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အပတီၢ်န့ၣ်ကအါထီၣ်ဝဲဒၣ်လီၤႉ အတၢ်တၢ်ဟ့ၣ်ဆိအဘူးအလဲစ့ၢ်ကီး ကအါထီၣ်ဝဲဒၣ်လၢတၢ်အံးထွဲကွၢ်ထွဲ လၢတၢ်တိာ်ကျဲၤဘျးစဲပူၤန့ၣ်လီၤႉ
လၢတၢ်န့ၣ်အဃိအရ့ဒိၣ်လၢနကဃုထံၣ်န့ၢ် တၢ်ကွၢ်ထွဲလၢနတၢ်တိာ်ကျဲၤတၢ်ဘျးစဲအပူၤ, အဂ့ၢ်မ့ၢ်လၢနကအိၣ်ဒီးတၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ် လၢအစှၤအဂီၢ်လီၤႉ ကၠဲနံၣ်ကဘၣ်ဟ့ၣ်လီၤတၢ်အဘူးအလဲခဲလၢာ်လၢ Blue Cross တမၤစၢၤဝဲဒၣ်တဖၣ်အဂီၢ် မ့မ့ၢ်လၢအတူၢ်လိာ်ဝဲ တၢ်ကွၢ်ထွဲလၢအတၢ်တိာ်ကျဲၤတၢ်ဘျးစဲအချၢအဃိလီၤႉ
တၢ်အဘူးအလဲတဖၣ်အံၤ တဘၣ်တၢ်ဂံၢ်ထၢနုာ်အီၤလၢ အတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်တၢ်ဘျးစဲအပူၤဘၣ်ႉ
နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.
*တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.