ပှၤဒိၣ်တုာ်ခိၣ်ပှဲၤလၢတၢ်ချၢတဂၤန့ၣ် ပုထီၣ်ဖိသၣ် ဒီးအဝဲခံဂၤ နံၤကမှံပၠးခဲမရၢ်

MinnesotaCare

မၤလိဘၣ်ဃး ဆူၣ်ချ့တၢ်တိာ်ကျဲၤ တၢ်ဟ့ၣ်အဘူးအလဲ, တၢ်တိစၢၤမၤစၢၤ ဒီး ခိၣ်ဖးလၢ Blue Plus MinnesotaCare ဆူၣ်ချ့တၢ်တိာ်ကျဲၤဟ့ၣ်လီၤ၀ဲဒၣ်တက့ၢ်.

ကရူၢ်ဖိအတၢ်နုာ်လီၤ

မၤန့ၢ်နတၢ်ကွၢ်နီၣ်ကွၢ်ဃါခးက့, တၢ်တိာ်ကျဲၤတၢ်ဂ့ၢ်တၢ်ကျိၤ, ဃုထံၣ်ကသံၣ်သရၣ်တဖၣ်ဒီး အါန့ၢ် လၢတၢ်ဘျးစဲအပူၤ

အိးထီၣ်နအကီး
နုာ်လီၤ

ပတံထီၣ်တၢ်ဒီးဆဲးလီၤနမံၤ

ဒ်သိးကဆဲးလီၤမံၤလၢ တၢ်တိာ်ကျဲၤတမံၤအပူၤအဂီၢ်, နကဘၣ်ထီၣ်ဘးဒီး တၢ်မၤစၢၤလၢ Minnesota ဝဲၤကျိၤဘၣ်ဃးဒီး တၢ်တိစၢၤမၤစၢၤ ပှၤကူပှၤကညီအအိၣ်န့ၣ်လီၤ. 

ကိးဘၣ် တၢ်ဆဲးကျိးကလီ 1-800-657-3739 မ့တမ့ၢ်  (651) 662-1811, TTY 711.

မၤသီထီၣ် နတၢ်အုၣ်ကီၤကျၢၢ်ဘၢ
ပတံထီၣ်တၢ် ဒီး ဆဲးလီၤနမံၤ လၢအ့ထၢၣ်နဲးဖီခိၣ်

တၢ်တိာ်ကျဲၤအဂ့ၢ်မိၢ်ပှၢ်

MinnesotaCare from Blue Plus မ့ၢ်ဆူၣ်ချ့တၢ်ကွၢ်ထွဲ တၢ်တိာ်ကျဲၤတမံၤလၢ ပှၤတဖၣ်လၢ လိၣ်ဘၣ် ဆူၣ်ချ့တၢ်ကွၢ်ထွဲလၢ အပှ့ၤဘၣ် သနာ်က့ တထီၣ်ဘးလၢ Medical Assistance, Minnesotaအ Medicaid တၢ်ရဲၣ်တၢ်ကျဲၤတဖၣ်အဂီၢ်န့ၣ်လီၤ.

နဒိးန့ၢ် MinnesotaCare from Blue Plus သ့ဖဲ Minnesota ခီးထံၣ်ခဲလၢာ်အပူၤန့ၣ်လီၤ.

တလါတဘျီ တၢ်လၢာ်ဘူၣ်လၢာ်စ့ၤ (တၢ်အုၣ်ကီၤအဘူးအလဲ)န့ၣ် ဒိးသန့ၤထီၣ်သးလၢ နစ့ဟဲနုာ်ဒီး နဟံၣ်ဖိဃီဖိအနီၣ်ဂံၢ် အဖီခိၣ်န့ၣ်လီၤ. ဘၣ်တဘၣ်နကလိၣ်ဟ့ၣ် တၢ်ဟ့ၣ်သဃဲၤ(တဒီလၣ်အတၢ်ထဲအံၤထဲနုၤ) လၢတၢ်တိစၢၤမၤစၢၤ မ့တမ့ၢ် ဖဲနဒိးန့ၢ်ဘၣ်နကသံၣ်ကသီန့ၣ်လီၤ.

ကွၢ်သတြဲၤ ကရူၢ်ဖိ လံာ်စိာ်စု လၢကဃုသ့ၣ်ညါဘၣ် တၢ်ဟ့ၣ်အဘူးအလဲဒီး တၢ်တိာ်ကျဲၤအဂ့ၢ်တဖၣ်လီၤတံၢ်လီၤဆဲးအဂီၢ်တက့ၢ်-

ဃုထံၣ်န့ၢ် ကသံၣ်သရၣ်, ကသံၣ်ဒၢး, ဒီး ကသံၣ်ကျးတဖၣ်-

တၢ်တိာ်ကျဲၤအံၤန့ၣ်ကဟ့ၣ်စၢၤန့ၢ်နတၢ်အပှ့ၤလၢ -

ဂံၢ်ခီၣ်ထံး ကသံၣ်ကသီတၢ်ကွၢ်ထွဲ

တၢ်ထံၣ်လိာ်သးဒီးကသံၣ်သရၣ်, ကသံၣ်ကသီ, တၢ်ထီၣ်တၢ်ဆါဟံၣ်, ဒီးအဂၤ

ဂ့ၢ်ဂီၢ်အူတၢ်ကွၢ်ထွဲ

တၢ်အိၣ်သးနးနးကျံးကျံးတဖၣ်လၢ အလိၣ်ဘၣ် ကသံၣ်ကသီတၢ်ကူစါယါဘျါ တဘျီဃီ

မဲတၢ်ကွၢ်ထွဲ

တၢ်မၤကွၢ်တဖၣ်, တၢ်မၤကဆှီတဖၣ်ဒီး တၢ်ထၢနုာ်ပှဲၤတဖၣ်*

မဲာ်ချံ

မဲာ်ချံအတၢ်မၤကွၢ်တဖၣ် ဒီးမဲာ်ဒိး

သကဲာ်ပဝးဆူၣ်ချ့

တၢ်ကွၢ်ထွဲဘၣ်ဃးဒီးနီၢ်သးဆူၣ်ချ့တၢ်ဂ့ၢ်ကီတဖၣ်ဒီးတၢ်သးစဲကသံၣ်မူၤဘှီး

တၢ်ဒီသဒၢအတၢ်ကွၢ်ထွဲ

တၢ်ကွၢ်ထွဲလၢ ဘၣ်တၢ်ဟ့ၣ်ကူၣ် လၢအမ့ၢ်ဝဲ ကသံၣ်ဒီသဒၢတိးကွ့တၢ်ဆါဒီး တၢ်သမံသမိးတဖၣ်

မိၢ်အတၢ်အိၣ်ဆူၣ်အိၣ်ချ့

တၢ်ကူၣ်ဘၣ်ကူၣ်သ့ ဘၣ်ဃးဒီး တၢ်အိၣ်ဒီးဟုးသးဒီး တၢ်အိၣ်ဖျဲၣ်ဖိဝံၤ ဒီး တၢ်ဆီၣ်ထွဲမၤစၢၤ

ဆူၣ်ချ့တၢ်တိၤစၢၤမၤစၢၤဒီးတၢ်တိာ်ကျဲၤတဖၣ်

တၢ်ဟ့ၣ်မၤစၢၤတဖၣ်လၢအဘၣ်ထွဲဒီးသးအတၢ်အိၣ်ဆူၣ်အိၣ်ချ့ဒီး အတၢ်ရဲၣ်တၢ်ကျဲၤတဖၣ်ခဲလၢာ်န့ၣ် ဘၣ်တၢ်ဟ့ၣ်အီၤခီလီဆူ Medical Assistance (Medicaid) ကရူၢ်ဖိတဖၣ်န့ၣ်လီၤ. တလိၣ်စ့ကဒွဲခးက့အဂ့ၢ်အကျိၤနီတမံၤလၢ တၢ်ကဆဲးလီၤမံၤအဂီၢ်ဘၣ်ႉ

မၤလိလၢအဘၣ်ဃးဒီး တၢ်တိာ်ကျဲၤအတၢ်တိစၢၤမၤစၢၤ ဒီးတၢ်ရဲၣ်တၢ်ကျဲၤတဖၣ်

Healthy Rewards တၢ်ကွၢ်ထွဲတုၤလီၤ အတၢ်ရဲၣ်တၢ်ကျဲၤ

ဖဲနဃုထၢလၢ နကနုာ်လီၤဆူ Healthy Rewards အပူၤအခါ, နၤဒီး နဟံၣ်ဖိဃီဖိ ကဒိးန့ၢ်ဘၣ် တၢ်ဟ့ၣ်ကနၢၤတဖၣ် ဖဲလၢနမၤဝံၤနဲ တၢ်သမံသမိးကွၢ်တၢ်ဆါဒီးတၢ်ဆဲးကသံၣ်ဒီသဒၢ ဒီး ဆူၣ်ချ့ တၢ်ဟူးတၢ်ဂဲၤတဖၣ် န့ၣ်လီၤ.

မၤလိအါထီၣ်ဒီး ဆဲးလီၤမံၤ

BlueRide တၢ်လဲၤတၢ်က့ၤ

BlueRide℠​​​​​​​ ဟ့ၣ်နၤတၢ်လဲၤတၢ်က့ၤ လၢတၢ်နာ်န့ၢ်သ့ ဒီးလၢအဘံၣ်အဘၢ လၢကအုၣ်ကီၤကျၢၢ်ဘၢ တၢ်လဲၤဒုးနဲၣ် ကသံၣ်ကသီ, မဲ, ကသံၣ်ကျး တဖၣ် ဃုာ်ဒီးကသံၣ်သရၣ်လၢနတၢ်တိာ်ကျဲၤဘျးစဲပူၤ ဒီးအဂၤတဖၣ်အဂီၢ်န့ၣ်လီၤ.

(တၢ်ဒိးန့ၢ်အီၤသ့လၢ ပိာ်မုၣ်အိၣ်ဒီးဟုးသးဒီး ပှၤကရူၢ်ဖိလၢ အသးနံၣ် 19 ဖီလာ်အဂီၢ်)

မၤလိသ့ၣ်ညါအါထီၣ်ဘၣ်ဃး BlueRide အဂ့ၢ်

ပှၤပၢဆှၢဆူၣ်ချ့တၢ်ဂ့ၢ်

နမ့ၢ်အိၣ်ဒီး တၢ်ဆူးတၢ်ဆါဒိၣ်ဒိၣ်မုၢ်မုၢ်, တၢ်ဘၣ်ဒိဘၣ်ထံး မ့တမ့ၢ် ဆူၣ်ချ့ တၢ်အိၣ်သးလၢယံာ်ထၢနးန့ၣ်, ပှၤပၢဆှၢသဲစးတၢ်ဂ့ၢ် မၤစၢၤနၤသ့လၢ နကဃုထံၣ် ပှၤမၤစၢၤဆီၣ်ထွဲတၢ်တဖၣ်, စံးဆၢတၢ်သံကွၢ်တဖၣ်လၢ တၢ်သ့ၣ်ဆၢဖးကတီၢ်လၢ တၢ်ထံၣ်လိာ်သကိးအဘၢၣ်စၢၤ ဒီး အဂၤတဖၣ်န့ၣ်လီၤ. 

မၤလိအါထီၣ်ဘၣ်ဃးဒီး တၢ်ဂ့ၢ်မူးရၢ် အမဲန့ကၠၢၣ်တဖၣ်တက့ၢ်

နၢး(စ) လီတဲစိကျိၤ

နး(စ)ကွၢ်ပှၤဆါ လၢအဖျိတၢ်မၤလိ ဒီးအတၢ်လဲၤခီဖျိအိၣ်ဝဲတဖၣ်န့ၣ် နဆဲးကျိးအီၤသ့ တနံၤ 24 နၣ်ရံၣ် တနွံ 7 သီ ဖဲနလိၣ်ဘၣ်တၢ်ဟ့ၣ်ကူၣ်ဘၣ်ဃးဒီးန တၢ်အိၣ်ဆူၣ်အိၣ်ချ့ မ့တမ့ၢ် လိၣ်လၢပှၤကနဲၣ်ကျဲ နတၢ်ကွၢ်ထွဲအလီၢ်အဂီၢ်န့ၣ်လီၤ.

ကိးအပှ့ၤကလီဆူ 1-888-275-3974, TTY 711.

လံာ်နဲၣ်လိဆူၣ်ချ့

ဆူၣ်ချ့ တၢ်နဲၣ်ကျဲ တမံၤန့ၣ် စံးဆၢ နဆူၣ်ချ့ တၢ်တိာ်ကျဲၤ တၢ်သံကွၢ်တဖၣ် လၢအဘၣ်ထွဲဒီး နတၢ်တိာ်ကျဲၤ တၢ်န့ၢ်ဘျုးတဖၣ်, တၢ်ဟ့ၣ်အဘူးအလဲ, တၢ်ဃ့ထီၣ်တၢ်အဘူၤအလဲတဖၣ်သ့ဝဲ, ဒီး တၢ်ဃုကွၢ် ကသံၣ်သရၣ်လၢ တၢ်တိာ်ကျဲၤဘျးစဲ တမံၤအပူၤ (ကသံၣ်သရၣ်) သ့လီၤ.

ကိး တၢ်တိစၢၤမၤစၢၤ ကရူၢ်ဖိ အနီၣ်ဂံၢ်လၢ န ကရူၢ်ဖိ (ID) ခးအလိၤတက့ၢ်

မၤလိလၢကအိၣ်မူ

Learn to Live န့ၣ်မ့ၢ်၀ဲ တၢ်ရဲၣ်တၢ်ကျဲၤလၢအ့ထၢၣ်နဲၣ်အဖီခိၣ် လၢအအိၣ်ဝဲဒၣ်ကိးဆၢကတီၢ်ဒဲးလၢကမၤစၢၤနၤ လၢနကကွၢ်ဆၢၣ်မဲာ် သးအတၢ်ဃၢတၢ်စံၢ်, တၢ်မံတန့ၢ်, တၢ်သးဟးဂီၤတၢ်ဆါ, တၢ်စဲကသံၣ်မူၤဘှိးဒီး တၢ်သူၣ်ကိၢ်သးဂီၤတဖၣ်န့ၣ်လီၤ.

စူးကါ တၢ်နုာ်လီၤနီၣ်ဂံၢ်ခူသူၣ်blueplus

မၤလိအါထီၣ်ဘၣ်ဃးဒီး မၤလိအိၣ်မူတၢ် (Learn to Live)

Omada

နပာ်ဆူၣ်ချ့ထီၣ်နသး, မၤဃဲၤလီၤနသး, ဒီးတြီဆၢ မ့တမ့ၢ် ပၢဆှၢကွၢ်ထွဲက့ၤဆံၣ်ဆၢတၢ်ဆါ မ့တမ့ၢ် သွံၣ်ဂံၢ်ထီၣ်တၢ်ဆါ ဃုာ်ဒီး Omada တၢ်ရဲၣ်တၢ်ကျဲၤလၢအ့ထၢၣ်နဲးအဖီခိၣ်သ့လီၤ.

မၤလိသ့ၣ်ညါအါထီၣ် Omada အဂ့ၢ်ဒီး စးထီၣ်

သကဲာ်ပဝးဆူၣ်ချ့ တၢ်တိစၢၤမၤစၢၤ

တၢ်တိာ်ကျဲၤအံၤအပူၤ ပၣ်ဃုာ်ဒီး တၢ်ကွၢ်ထွဲ သးသ့ၣ်ညါတၢ်ဆူၣ်ချ့ဒီး တၢ်စူးကါ ကသံၣ်မူၤဘှိး တၢ်ဘၣ်ယိၣ်အလီၢ်တဖၣ်, လၢအပၣ်ဃုာ်ဒီး တၢ်ဒုးနဲၣ်သးလၢ အ့ထၢၣ်နဲးဖီခိၣ် ဒီး လၢ ဆူၣ်ချ့တၢ်ကွၢ်ထွဲ ခီဖျိလီတဲစိ telehealth, တၢ်ထီၣ်ကူစါသးလၢ တၢ်ဆါဟံၣ် ဒီး တၢ်ကူစါသးလၢ တၢ်ဆါဟံၣ်ချၢ အတၢ်မၤစၢၤတဖၣ် ဒီး အဂၤတဖၣ်န့ၣ်လီၤ.

ဃုသ့ၣ်ညါဘၣ်ဃး သကဲာ်ပဝးဆူၣ်ချ့အဂ့ၢ်
ပှၤဒိၣ်တုာ်ခိၣ်ပှဲၤတဂၤ ပာ်လီၤဖိသၣ်ဆံးတဂၤလၢ သိလ့ၣ်လီၢ်ဆ့ၣ်နီၤဖီခိၣ်.

ကီၢ်ရ့ၣ်အသိလ့ၣ်ဒီး တၢ်မၤအါထီၣ်လီၢ်ဆ့ၣ်နီၤတၢ်ရဲၣ်တၢ်ကျဲၤ

Blue Plus ကရူၢ်ဖိ လၢအိၣ်ဒီးဟုးသးဒီး ဖိသၣ်တဖၣ်လၢ သးနံၣ် 9 ဖီလာ်တဖၣ်န့ၣ် ကြၢးဒီးခွဲးယာ်လၢ ကဒိးန့ၢ်ဘၣ် သိလ့ၣ်အလီၢ်ဆ့ၣ်နီၤဒီး ခးကပုာ်တဖၣ်န့ၣ်လီၤ.

ပှၤအိၣ်ဒီး တၢ်ကြၢးဒိးန့ၢ်ခွဲးယာ်လၢ အအိၣ်အဆိးလၢ Anoka, Dakota, Hennepin, St. Louis, ဒီး Blue Earth ခီးထံၣ်တဖၣ်န့ၣ် ဆဲးကျိး Everyday Miracles လိၤလိၤသ့လီၤ. ပှၤအဂၤခဲလၢာ်န့ၣ် ဆဲးကျိး အဝဲသ့ၣ် အလီၢ်ကဝီၤ ခီးထံၣ် ကမျၢၢ်ဆူၣ်ချ့ ဝဲၤဒၢးသ့လီၤ.

ဆဲးကျိး Everyday Miracles

ဃုကွၢ်တၢ်ကွၢ်ထွဲကဟုကယာ်

ကသံၣ်သရၣ်တဖၣ်, ကသံၣ်ကျးတဖၣ်, ကသံၣ်ဖီၣ်တဖၣ်ဒီး တၢ်ဘၣ်ဃးဒီးမဲ

ပှၤသူၣ်က့သးပှၢ် ဆ့ၣ်နီၣ်အိၣ်လၢ ကသံၣ်ကသီလီၢ်ဆ့ၣ်နီၤအဖီခိၣ် ဖဲ ကသံၣ်သရၣ် မၤကွၢ်အဝဲသ့ၣ်အခါ.

ဃုဒိးန့ၢ်ကသံၣ်သရၣ်တဂၤလၢနတၢ်တိာ်ကျဲၤဘျးစဲပူၤတဂၤ

ဒ် MinnesotaCare အပှၤကရူၢ်ဖိတဂၤအသိး, နဃုထၢ ကသံၣ်သရၣ် မ့တမ့ၢ် ကသံၣ်ဒၢးလၢ ပပှာ်ယဲၤသန့အပူၤ လၢကကဲထီၣ် နတၢ်ကွၢ်ထွဲမိၢ်ပှၢ်ကသံၣ်ဒၢး သ့လီၤ. အဝဲသ့ၣ် ကသ့ၣ်ညါအါထီၣ်နဂ့ၢ်ဒီး ဟံးဃာ် နကသံၣ်ကသီ တၢ်ကွဲးနီၣ်ကွဲးဃါ ခဲလၢာ် လၢတၢ်လီၢ်တပူၤဃီန့ၣ်တက့ၢ်.

ဃုဒိးန့ၢ်ကသံၣ်သရၣ်တဂၤ

ဃုထံၣ်ဘၣ်ကသံၣ်ကျးလၢအအိၣ်ဖဲ ပှာ်ဘျးစဲအပူၤတက့ၢ်

ကသံၣ်ကျး ပှာ်ဘျးစဲတခါန့ၣ် မ့ၢ်ကသံၣ်ကျးတဖၣ် အတၢ်ကွဲးရဲၣ်တမံၤ (ကသံၣ်ကျးတဖၣ်) ဖဲနဒိးန့ၢ် ကသံၣ်ကသီလၢ အပှ့ၤဘၣ်န့ၣ်လီၤ. ဃုထၢကသံၣ်ကျးအါတီၤလၢအအိၣ်လၢပတၢ်ဘျးစဲပူၤအကျါန့ၣ်တက့ၢ်.

နမ့ၢ်တစူးကါကသံၣ်ကျးလၢပပှာ်ဘျးစဲအပူၤဘၣ်န့ၣ် နကဘၣ်ဟ့ၣ်အါထီၣ်ကသံၣ်ကသီအပှ့ၤလီၤႉ

ဃုကွၢ်ကသံၣ်ကျးတဖၣ်

မ့တမ့ၢ်ကိး တၢ်ဆဲးကျိးအပှ့ၤကလီဖဲ  1-844-765-5939, TTY 711
တနံၤ 24 နၣ်ရံၣ်, တနွံနွံသီလီၤ.

ကသံၣ်ကသီလၢကသံၣ်သရၣ်ဟ့ၣ်လီၤတဖၣ်

Blue Plus ဆူၣ်ချ့တၢ်တိာ်ကျဲၤန့ၣ်အိၣ်ဒီး ကသံၣ်ကသီအမံၤကွဲးရဲၣ်လၢအဝဲဒၣ်ဟ့ၣ်စ့အုၣ်ကီၤန့ၣ်လီၤႉ အဝဲအံၤဘၣ်တၢ်ကိးအီၤလၢ ကသံၣ်မံၤကွဲးရဲၣ်လၢအဖိးသဲစးလီၤ. ကသံၣ်အမံၤမ့ၢ်တပၣ်လၢကသံၣ်မံၤကွဲးရဲၣ်လၢအဖိးသဲစးအပူၤဘၣ်ဒီး ဘၣ်တဘၣ်နကဘၣ်ဟ့ၣ်တၢ်ဘူးတၢ်လဲကအါထီၣ်၀ဲလီၤ.

ဃုကွၢ် ကသံၣ်မံၤကွဲးရဲၣ်လၢအဖိးသဲစး(ကသံၣ်ကသီ အမံၤကွဲးရဲၣ်)

ကွၢ် 2025 ကသံၣ်မံၤကွဲးရဲၣ်

မဲအတၢ်တိစၢၤမၤစၢၤတဖၣ်

တၢ်တိာ်ကျဲၤအံၤ ကျၢၢ်ဘၢ ဂံၢ်ခီၣ်ထံးမဲတၢ်အိၣ်ဆူၣ်အိၣ်ချ့အဂီၢ်, လၢအပၣ်ဃုာ်ဒီးတၢ်သမံသမိးကွၢ်မဲတဖၣ်အတၢ်အိၣ်သး, တၢ်မၤကဆှဲကဆှီဒီး တၢ်မၤပှဲၤက့ၤမဲအတၢ်လီၤဟိတၢ်ဖံးတၢ်မၤတဖၣ်အဂီၢ်လီၤ.

ကိးကလီတၢ်ဖဲ 1-800-774-9049, TTY 711
မုၢ်ဆၣ် − မုၢ်ဖီဖး ဂီၤခီ 8 နၣ်ရံၣ် တုၤဟါခီ 5 နၣ်ရံၣ် Central Time နီၣ်ထိၣ်

လၢမဲတၢ်ကွၢ်ထွဲအဂီၢ်, သူ Delta Dental မဲကသံၣ်ဝဲၤဒၢးအမံၤကွဲးရဲၣ်လၢအ့ထၢၣ်နဲးဖီခိၣ်တက့ၢ်. နကဘၣ်ထၢနုာ် နဟီၣ်ကဝီၤနီၣ်ဂ့ၢ် ဒီး ဃုထၢ "Minnesota Select Dental Network" ဒ်သိးကကွၢ်ဘၣ် မဲကသံၣ်သရၣ်လၢ ပှာ်ဘျးစဲအပူၤအဂီၢ်န့ၣ်လီၤ.

ဃုကွၢ်လၢမဲကသံၣ်သရၣ်အမံၤကွဲးရဲၣ်

ပှၤသးပှၢ် ဆဲးကျိးလိာ်သးဒီးကသံၣ်သရၣ် ခီဖျိဘံၢ်ဒံၢ်အိၣ်တၢ်အိၣ်ဖှိၣ် လၢ အတမှံၤဒၢးပူၤလီၤ.

Doctor On Demand

တကးဒံးဘၣ် နအိၣ်ဒီးတၢ်ခွဲးတၢ်ယာ် လၢနကစဲးဘူးနသးဒီး ကသံၣ်သရၣ်လၢ ကမံးတံာ်မိၢ်ပှၢ်ဟ့ၣ်တၢ်အုၣ်ကီၤ ဒီး ပှၤကူစါယါဘျါတၢ်လၢ အိၣ်ဒီးတၢ်ဟ့ၣ်ပျဲသ့ၣ်တဖၣ် ခီဖျိဘံၢ်ဒံၢ်အိၣ်တၢ်အိၣ်ဖှိၣ်လၢအ့ထၢၣ်နဲးအဖီခိၣ် ဃုာ်ဒီး Doctor On Demand တနံၤ 24 နၣ်ရံၣ်, တ​နွံ 7 သီ လၢကထံၣ်လိာ်သးဒီးကသံၣ်သရၣ်မ့တမ့ၢ် သးဂ့ၢ်၀ီကသံၣ်သရၣ် လၢအ့ထၢၣ်နဲးဖီခိၣ်အဂီၢ်န့ၣ်လီၤ.

ထံၣ်လိာ်သးဒီးကသံၣ်သရၣ်, ကသံၣ်သရၣ်ကူစါယါဘျါသးတၢ်ဆိကမိၣ်တၢ်ဆါ မ့တမ့ၢ် ပှၤကူစါယါဘျါတၢ်

တၢ်ဆီၣ်ထွဲမၤစၢၤဒီးတၢ်တိစၢၤမၤစၢၤ

တၢ်သံကွၢ်အိၣ်ဧါ. ပမၤစၢၤနၤသ့လီၤ

ဆဲးကျိး ကလီတၢ်ဆူ ကရူၢ်ဖိတၢ်တိစၢၤမၤစၢၤ အလီကျိၤဖဲ-

1-800-711-9862, TTY 711
ဂီၤ8 နၣ်ရံၣ်. တုၤ ဟါ5 နၣ်ရံၣ် လီၢ်ခၢၣ်သးတၢ်ဆၢကတီၢ် (Central Time)
မုၢ်ဆၣ်တုၤမုၢ်ဖီဖး

တၢ်ကိးအံၤ ကမ့ၢ်ဘူးလဲကလီလီၤ.

လီတဲစိနီၣ်ဂံၢ်အံၤ အိၣ်ဝဲဒၣ်လၢနကရူၢ်ဖိ (ID) ခး အလီၢ်ခံန့ၣ်လီၤ.

ပှၤတဲကျိးထံတၢ်အတၢ်မၤစၢၤ

နတဲအဲကလံးကျိာ်မ့ၢ်တဘၣ်ဘၣ်န့ၣ် ကိးန့ၢ်ပှၤတဲကျိာ်တၢ်တဂၤ လၢကလဲၤဒီးနၤ ဖဲနထံၣ်လိာ်သးဒီးကသံၣ်သရၣ်အခါန့ၣ်တက့ၢ်.

ဆဲးကျိး 1-800-711-9862, TTY 711.
နကိးတၢ်န့ၣ်တလၢာ်၀ဲတၢ်ဘူးတၢ်လဲဘၣ်.

မၤလိအါထီၣ်ဘၣ်ဃးဒီးပှၤတဲကျိးထံတၢ်အတၢ်မၤစၢၤ

တၢ်ဃ့ကညးတဖၣ်

နသးမ့ၢ်တလီၤပလိာ်ဒီးပတၢ်ဆၢတဲာ် လၢတၢ်ဂ့ၢ်လိာ်, တၢ်မၤစှၤလီၤမ့တမ့ၢ်တၢ် မၤပတုာ်ကွံာ်နတၢ်တိစၢၤမၤစၢၤ န့ၣ် နအိၣ်ဒီးတၢ်ခွဲးတၢ်ယာ်လၢ နကပတံသကွံာ်ကညးသ့ဝဲလီၤ.

တၢ်ပတံသကွံကညးတၢ်န့ၣ်မ့ၢ်ဝဲ ဖဲနမၢပကွၢ်ကဒါက့ၤ တၢ်ကွၢ်ထွဲလၢပသမၢတ့ၢ် ဒ်သိးကမၤလီၤတံၢ်လၢ ပဆၢတဲာ်တ့ၢ်တၢ်မ့ၢ်မ့ၢ်တီတီအဂီၢ်န့ၣ်လီၤ.

မၤလိဘၣ်ဃး နတၢ်ပတံသကွံာ်ကညးခွဲးယာ်တဖၣ်
ပှၤဒိၣ်တုာ်ခိၣ်ပှဲၤ ဒီးဖိသၣ်ခံဂၤ လိာ်ကွဲသကိးတၢ်ဒီး တၢ်လိာ်ကွဲလၢတၢ်မၤအီၤလၢသ့ၣ်တဖၣ် ဖဲဟံၣ်ဒါ

မၤသီထီၣ် နတၢ်အုၣ်ကီၤကျၢၢ်ဘၢ

နMedical Assistance (Medicaid) မ့တမ့ၢ် MinnesotaCare မ့ၢ်အိၣ်ဝဲန့ၣ် နကဘၣ်မၤသီထီၣ်က့ၤ နဆူၣ်ချ့တၢ်အုၣ်ကီၤ တနံၣ်တဘျီလီၤ. ဒ်သိးနဆူၣ်ချ့တၢ်အုၣ်ကီၤ အသုတလီၢ်မၢ်ကွံာ်ဝဲတဂ့ၤအဂီၢ် အိၣ်ကတဲာ်ကတီၤပာ်စၢၤနသး လၢတၢ်ဆဲးလီၤကဒီးမံၤအဆၢကတီၢ် ခီဖျိတၢ်မၤလီၤတံၢ်က့ၤလၢ နအိၣ်ဆီးလီၢ်ကျဲ, လီတဲစိနီၣ်ဂံၢ် ဒီးအံမ့(လ)ပရၢအဂ့ၢ်န့ၣ် ချုးစိၤလံန့ၣ်လီၤ. 

နဘၣ်မၤသီထီၣ်က့ၤ တၢ်အုၣ်ကီၤဒ်လဲၣ်န့ၣ် ဃုသ့ၣ်ညါတက့ၢ်

DHS_100424_K01 DHS အၢၣ်လီၤတူၢ်လိာ်11/19/2024

*Delta Dental လၢ Minnesota န့ၣ် မ့ၢ်ဒၣ်ကရၢအိၣ်သဘျ့ဝဲဒၣ်ဒီး Blue Cross ဒီး Blue Shield လၢ Minnesota မ့တမ့ၢ် Blue Plus လီၤ. Delta Dental ဟ့ၣ်ထီၣ်မဲတၢ်န့ၢ်ဘျုးအတၢ်တိစၢၤမၤစၢၤတဖၣ် ပၣ်ဃုာ်ဒီး တၢ်ပျဲနုာ်လီၤပှၤလၢ Minnesota Select℠ မဲတၢ်တိာ်ကျဲၤဘျးစဲပူၤန့ၣ်လီၤ.

Learn to Live, Inc. အံၤမ့ၢ်၀ဲ ခီပနံာ်သဘျ့တဖျၢၣ်လၢအဟ့ၣ်မၤစၢၤတၢ် ဘၣ်ဃာ်ဒီး တၢ်သကဲးပ၀ာ်လုၢ်လါတၢ်ဆိၣ်ကမိၣ်အတၢ်ကူဆါယါဘျါအတၢ်ရဲၣ်တၢ်ကျဲၤဒီးတၢ်တိစၢၤမၤစၢၤလၢအ့ထၢၣ်နဲၣ်အဖီခိၣ်န့ၣ်လီၤ.

Omada တၢ်ရဲၣ်တၢ်ကျဲၤအံၤအိၣ်ဟဲ၀ဲလၢ Omada Health, Inc., မ့ၢ်၀ဲခီပနံာ်သဘျ့တဖျၢၣ်လၢအဟ့ၣ်လီၤ၀ဲဒၣ် ဒံးကၠံးတၢၣ် တၢ်ကွၢ်ထွဲ တၢ်ရဲၣ်တၢ်ကျဲၤတဖၣ်န့ၣ်လီၤ.

Prime Therapeutics LLC န့ၣ် မ့ၢ်ဒၣ် ခီပနံာ်သဘျ့တဖျၢၣ်လၢအဃုစၢၤန့ၢ်နၤလၢ ကသံၣ်ကျးတၢ်န့ၢ်ဘျုးအတၢ်ပၢဆှၢတၢ်န့ၣ်လီၤ.