တၢ်ဟ့ၣ်ဆိအဘူးအလဲစံးတၢ်န့ၣ် မ့ၢ်မနုၤလဲၣ်?

တၢ်ဟ့ၣ်ဆိအဘူးအလဲန့ၣ် မ့ၢ်ဒၣ်ကျိၣ်စ့လၢနဘၣ်ဟ့ၣ်ဆိ၀ဲဒၣ်တနံၣ်ဘၣ်တနံၣ် လၢနဆူၣ်ချ့တၢ်ကွၢ်ထွဲတၢ်ဘူးတၢ်လဲအဂီၢ် တချုးလၢနဆူၣ်ချ့တၢ်တိာ်ကျဲၤ ကဟ့ၣ်က့ၤတၢ်ဘူးတၢ်လဲဒံးဘၣ်န့ၣ်လီၤ.

ဃုသ့ၣ်ညါအါထီၣ်ဘၣ်ဃာ်ဒီး တၢ်ဟ့ၣ်ဆိအဘူးအလဲ ဒီးနကွၢ်နီၣ်ဃာ်အီၤကသ့ဒ်လဲၣ်အဂ့ၢ်လၢလာ်အံၤတက့ၢ်. တၢ်ဟ့ၣ်ဆိအဘူးအလဲ မၤဘၣ်ထွဲလိာ်သးဒီးဆူၣ်ချ့တၢ်ကွၢ်ထွဲအဘူးအလဲအဂၤတဖၣ်ဒ်လဲၣ်န့ၣ် ကွၢ်တၢ်ဟ့ၣ်က့ၤဆူၣ်ချ့တၢ်ကွၢ်ထွဲဘူးလဲတက့ၢ်.

တၢ်ဟ့ၣ်အပှ့ၤဘၣ်ဃးဆူၣ်ချ့တၢ်ကွၢ်ထွဲ

တၢ်ဟ့ၣ်ဆိအဘူးအလဲန့ၣ် မၤတၢ်ဒ်လဲၣ်.

ဆူၣ်ချ့တၢ်တိာ်ကျဲၤအါတက့ၢ်အိၣ်ဒီးဘူးလဲနနဘၣ်ဟ့ၣ်ဆိအီၤ, ဘၣ်ဆၣ် တၢ်တိာ်ကျဲၤ မၢနၤဟ့ၣ် ဆံးအါလဲၣ် ကလီၤဆီလိာ်အသးန့ၣ်လီၤ. တၢ်တိာ်ကျဲၤအိၣ်ဒီး တၢ်ဟ့ၣ်ဆိအဘူးအလဲလၢအအါပတီၢ်န့ၣ်ညီနုၢ်ကအိၣ်ဒီး တၢ်အုၣ်ကီၤအဘူးအလဲတလါဘၣ်တလါလၢအစှၤဒိၣ်ဝဲန့ၣ်လီၤ. တၢ်တိာ်ကျဲၤတဖၣ်လၢအိၣ်ဒီးတၢ်ဟ့ၣ်ဆိအဘူးအလဲလီၢ်စှၤန့ၣ် ညီနုၢ်တၢ်အုၣ်ကီၤအဘူးအလဲတလါဂီၢ်လၢအါဒိၣ်ဝဲန့ၣ်လီၤ.

တကးဒံးဘၣ်တၢ်ဘူးတၢ်လဲလၢနဟ့ၣ်ဆိအီၤန့ၣ် ကဒိးသန့ၤထီၣ်သးလၢနဆူၣ်ချ့တၢ်ကွၢ်ထွဲအလီၢ်န့ၣ်လီၤ. တၢ်တိာ်ကျဲၤတနီၤန့ၣ်အိၣ်ဒီးတၢ်ဘူးတၢ်လဲလၢနဘၣ်ဟ့ၣ်ဆိအီၤကလီၤဆီဖဲနမ့ၢ်ဒိးန့ၢ်တၢ်ကွၢ်ထွဲလၢကသံၣ်သရၣ် တအိၣ်လၢတၢ်တိာ်ကျဲၤဘျးစဲအပူၤဘၣ်တဂၤန့ၣ်လီၤ. ဖဲနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် လၢန တၢ်တိာ်ကျဲၤဘျးစဲပူၤတဂၤအခါန့ၣ်အါတက့ၢ်တၢ်ဘူးတၢ်လဲကစှၤလီၤ၀ဲလီၤ. 

တၢ်ဘူးတၢ်လဲလၢယဟ့ၣ်တ့ၢ်အီၤန့ၣ်ယဃုထံၣ်န့ၢ်အီၤကသ့ဒ်လဲၣ်.

နဆူၣ်ချ့တၢ်တိာ်ကျဲၤ ကကွဲးနီၣ်ဃာ်ကျိၣ်စ့လၢနဟ့ၣ်တ့ၢ်၀ဲဒၣ် လၢအတုၤထီၣ်ဘးဒီးနတၢ်ဟ့ၣ်ဆိအဘူးအလဲ အပတီၢ်န့ၣ်လီၤ. ဖဲနဒိးန့ၢ်ဘၣ်တၢ်ကွၢ်ထွဲတဘျီလၢ်လၢ်အခါ နတၢ်တိာ်ကျဲၤ ကဆှၢနၤဒီးတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB)လီၤ.တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) န့ၣ် ကပာ်ဖျါထီၣ်န့ၢ်နၤလၢနတၢ်ဟ့ၣ်ဆိအဘူးအလဲ အိၣ်ဒံးဆံးအါလဲၣ်အဂ့ၢ်လီၤ.

အဝဲအံၤမ့ၢ်တၢ်အဒိတခါလၢကဒုးနဲၣ်ဖျါတၢ်ဟ့ၣ်ဆိအဘူးအလဲမၤတၢ်ဒ်လဲၣ်: 

  • တၢ်ဟ့ၣ်ဆိအဘူးအလဲပၣ်ဃုာ်ဝဲဒၣ်လၢစီၤအၤဒၣ်အတၢ်တိာ်ကျဲၤအကျါန့ၣ် မ့ၢ်ဝဲ $2,500
  • အဝဲလဲၤလၢဂ့ၢ်ဂီၢ်အူဒၢးဖဲတၢ်ဆါဟံၣ်ဘျးစဲဝဲဒီးအတၢ်တိာ်ကျဲၤပူၤလီၤ.
  • Blue Cross ဆှၢတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) ဆူစီၤအၤဒၣ်အအိၣ်လၢအတဲဝဲဒၣ်လၢ အဝဲဘၣ်ဟ့ၣ် $500 လၢဂ့ၢ်ဂီၢ်အူဒၢးတၢ်ယါဘျါအဘူးအလဲအဂီၢ်န့ၣ်လီၤ. စီၤအၤဒၣ်န့ၣ် ဆှၢစ့ $500 ဆူတၢ်ဆါဟံၣ်လီၤ.
  • Blue Cross ကွဲးနီၣ်ဃာ်တၢ်ဘူးတၢ်လဲ $ 500လၢစီၤအၤဒၣ်ဟ့ၣ်ဝဲဒၣ် ဒီးထုးကွံာ်အီၤလၢ $2,500 တၢ်ဟ့ၣ်ဆိအဘူးအလဲအကျါန့ၣ်လီၤ. စီၤအၤဒၣ်မ့ၢ်ဒိးန့ၢ်ဘၣ်ဆူၣ်ချ့တၢ်ကွၢ်ထွဲလၢခါဆူညါန့ၣ် အဝဲဘၣ်ဟ့ၣ်ဒံး $2,000 လၢကတုၤထီၣ်ဘးဒီးတၢ်ဟ့ၣ်ဆိအဘူးအလဲတပတီၢ်န့ၣ်လီၤ. အဝဲတၢ်ဟ့ၣ်ဆိအဘူးအလဲအပတီၢ်မ့ၢ်တုၤဝံၤအလီၢ်ခံ,တၢ်ကွၢ်ထွဲလၢအဒိးန့ၢ်ဘၣ်၀ဲလၢခံအဘူးအလဲန့ၣ်အကဘၣ်ဟ့ၣ်စၢၤဝဲဒၣ်အတၢ်တိာ်ကျဲၤအုၣ်ကီၤန့ၣ်လီၤ. တၢ်ဟ့ၣ်စၢၤတၢ်အပှ့ၤအံၤ ဘၣ်တၢ်သ့ၣ်ညါအီၤဒ် တၢ်အုၣ်ကီၤဟ့ၣ်သဃဲၤလီၤ.

တၢ်ဂ့ၢ်အါထီၣ်ဘၣ်ဃးဒီးဆူၣ်ချ့တၢ်ကွၢ်ထွဲအဘူးအလဲ

ယလူၤပိာ်ဒီးကွၢ်ယတၢ်ဃ့က့ၤအဘူးအလဲကသ့ဒ်လဲၣ်.
တၢ်တိာ်ကျဲၤဘျးစဲစံးတၢ်န့ၣ် မ့ၢ်မနုၤလဲၣ် ဒီးဘၣ်မနုၤအဃိအရ့ဒိၣ်လဲၣ်.
ကျဲလၢကမၤစှၤလီၤဆူၣ်ချ့တၢ်ကွၢ်ထွဲအဘူးအလဲ အိၣ်ဝဲ7 ဘိညါလီၤ
ဘၣ်မနုၤအဃိနကလီၣ်ဘၣ်တချုးတၢ်ဟ့ၣ်စိဟ့ၣ်ကမီၤသ့ဝဲဒ်လဲၣ်အဂ့ၢ်
တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် ကဘၣ်ဆီတလဲက့ၤအီၤလၢ တၢ်လဲၤထံၣ်လိာ်သးဒီးကသံၣ်သရၣ် လၢအဆၢကတီၢ်ဖဲလဲၣ်.

နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.

တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.