တၢ်ဆီၣ်ထွဲမၤစၢၤဖဲမိၢ်တဖၣ်အိၣ်ဟုးအိၣ်သးအဆၢကတီၢ်
တၢ်ဆီၣ်ထွဲမၤစၢၤတၢ်ကွၢ်ထွဲရဲၣ်ကျဲၤမိၢ်ဖိဆံးတချုးတၢ်အိၣ်ဖျဲၣ်ဖိ ဟ့ၣ် Blue Cross ဒီး Blue Shield လၢမံၣ်နံၣ်စိတၤအကရူၢ်ဖိတဖၣ်လၢ တၢ်ကူၣ်ဘၣ်ကူၣ်သ့ပီးလီတဖၣ်ဒီးအဂၤတဖၣ်အါမးန့ၣ်လီၤ.
နကစးထီၣ်ဒီးတၢ်သမံသမိး, မ့ၢ်၀ံၤဒိးန့ၢ် တဂၤ-ဒီး-တဂၤ အတၢ်ဆီၣ်ထွဲမၤစၢၤ လၢတၢ်ကဲထီၣ်မိၢ်နၢး(စ)အပှၤပၢဆှၢတၢ်တဂၤလၢ:
- အစံးဆၢတၢ်သံကွၢ်တဖၣ် ဒီးဟ့ၣ်တၢ်ကူၣ်တၢ်ဖးတဖၣ်ဘၣ်ဃးတၢ်ဒၢထီၣ်ဖိဒီးတၢ်အိၣ်မူဆူၣ်ချ့အဂီၢ်
- ဆဲးကျၢပာ်ဖှိၣ်ဃုာ်နၤဒီးအ့ထၢၣ်နဲးအပီးလီတဖၣ် (လံာ်တၢ်ကစီၣ်, တၢ်ဂီၤမူတဖၣ်ဒီးအဂၤတဖၣ်) ဘၣ်ဃးတၢ်ဒၢထီၣ်ဖိဒီးတၢ်အံးထွဲကွၢ်ထွဲဖိသၣ်အိၣ်ဖျဲၣ်ထီၣ်သီ
- မၤစၢၤနၤလၢတၢ်ကတဲာ်ကတီၤလၢဖိသၣ်သီအတၢ်ဟဲတုၤအဂီၢ်
- ဟ့ၣ်နီၢ်ကစၢ်တၢ်ဆီၣ်ထွဲမၤစၢၤ
- ဟ့ၣ်တၢ်ကူၣ်တၢ်ဖးတဖၣ်လၢ ကပာ်နသးမုာ်မုာ်ခုၣ်ခုၣ်ဒီးဆူၣ်ချ့ ဖဲအိၣ်ဖျဲၣ်ထီၣ်ဖိ၀ံၤအလီၢ်ခံ
ဆဲးကျၢဆဲးကျိးလိာ်သးဒီးကရူၢ်ဖိလၢအတၢ်ဘၣ်ယိၣ်ဘၣ်ဘီအိၣ်အါတဖၣ်
ကရူၢ်ဖိလၢအဒၢထီၣ်ဖိတဂၤစုာ်စုာ်န့ၣ် နုာ်လီၤမၤဃုာ်သကိးတၢ်လၢ တၢ်ကဲမိၢ်အတၢ်ရဲၣ်တၢ်ကျဲၤအပူၤအံၤသ့န့ၣ်လီၤ. နမ့မ့ၢ် Blue Cross ကရူၢ်ဖိလၢအဒၢထီၣ်ဖိ ဒီးတၢ်ဘၣ်ယိၣ်ဘၣ်ဘီအိၣ်အါလၢနဂီၢ်န့ၣ်, ပှၤပၢဆှၢတၢ်ကဲထီၣ်မိၢ်အပှၤဘၣ်မူဘၣ်ဒါတဂၤ ကဆဲးကျိးနၤန့ၣ်လီၤ. အအံၤ မၤလီၤတံၢ်လၢနကဒိးန့ၢ်တၢ်အံးထွဲကွၢ်ထွဲလၢနလိၣ်ဘၣ်၀ဲန့ၣ်လီၤ.
နဒၢထီၣ်ဖိတၢ်ဘၣ်ယိၣ်အလီၢ်မ့ၢ်တအိၣ်ဘၣ်သနာ်က့ နဆိမိၣ်လၢနကကဲဘျုး လၢပတၢ်တိစၢၤမၤစၢၤတဖၣ်န့ၣ်, နပာ်ဃုာ်သကိးနသးသ့စ့ၢ်ကီးလီၤ.
ဆိကမိၣ်လၢနကဒုးအီနုၢ်နဖိဧါ.
နီၢ်ကစၢ် တၢ်ဖှိးထုးထီၣ်နုၢ်ထံလီၤမ့ၣ်ပီးလီဒီး တၢ်ဖှိးထုးထီၣ်နုၢ်ထံစုပီးလီတဖၣ်န့ၣ် ဘၣ်တၢ်ကျၢၢ်ဘၢအီၤခီဖျိ န Blue Cross and Blue Shield of Minnesota ဆူၣ်ချ့တၢ်တိာ်ကျဲၤလီၤ. တၢ်ဖှိးထုးထီၣ်နုၢ်ထံပီးလီအဂၤတဖၣ်, ပာ်ဃုာ်ဒီး ပလီတဖၣ်, ပီၤဘိတဖၣ်, ကတီၤတဖၣ် ဒီး တၢ်မၤခုၣ်သကၤအဘိၣ်တဖၣ်န့ၣ် တၢ်တဟ့ၣ်န့ၢ်အဘူးအလဲ ခီဖျိနဆူၣ်ချ့တၢ်တိာ်ကျဲၤဘၣ်.
နမ့ၢ်လိၣ်ဘၣ် တၢ်မၤစၢၤလၢကဃုထံၣ်န့ၢ် တၢ်ဖှိးဆူးထုးထီၣ်နုၢ်ထံပီးလီတခါန့ၣ်, ဆဲးလီၤမံၤ နုာ်လီၤ ဒီး ဃုကွၢ် "ဆူၣ်ချ့ပီးလီလၢအကျၢၤ", မ့တမ့ၢ် ကိးဘၣ် တၢ်တိစၢၤမၤစၢၤလၢပှၤစူးကါတၢ်ဖိအဂီၢ် လီတဲစိနီၣ်ဂံၢ် အိၣ်ဖဲနကရူၢ်ဖိ ID ခးက့ အန့ၣ်လီၢ်ခံတက့ၢ်.
စးထီၣ်ခဲအံၤ
နမ့ၢ် Blue Cross အကရူၢ်ဖိ လၢအဘူးကအိၣ်ဖျဲၣ်လီၤဖိလံတဂၤန့ၣ်, နဆဲးကျိးပှၤဒ်သိးကစးထီၣ်သ့န့ၣ်လီၤ.
ဆဲးကျိးကလီဆူ 1-800-793-6916, ဖဲ ဂီၤ 8 နၣ်ရံၣ် - ဟါ 4:30 နၣ်ရံၣ်, Central Time တက့ၢ်.
တၢ်ဂ့ၢ်အါထီၣ်ဘၣ်ဃးတၢ်ဒၢထီၣ်ဖိအတၢ်အံးထွဲကွၢ်ထွဲ
တၢ်ဒီသဒၢအတၢ်ကွၢ်ထွဲလၢမိၢ်တဖၣ်ဒီးဖိသၣ်အိၣ်ဖျဲၣ်ထီၣ်သီတဖၣ်အဂီၢ်
8တၢ်ဟ့ၣ်ကူၣ်တ
ဖၣ်လၢတၢ်ကွၢ်ထွဲမဲဖဲတၢ်ဒၢထီၣ်ဖိအဆၢကတီၢ်
တၢ်ဒၢထီၣ်ဖိဆူၣ်ချ့တၢ်ကွၢ်ထွဲလၢ မိၢ်သီတဖၣ်အဂီၢ်