မၤလိသ့ၣ်ညါအါထီၣ်ဘၣ်ဃးတၢ်ဟ့ၣ်သဃဲၤတဖၣ် ဒီး ဆၢကတီၢ်လၢတၢ်ကဘၣ်ဟ့ၣ်က့ၤအီၤလၢလာ်အံၤန့ၣ်တက့ၢ်ႉ ဒ်သိးကဃုသ့ၣ်ညါတၢ်ဘၣ်ဃး တၢ်ဟ့ၣ်သဃဲၤမၤတၢ်မၤဃုာ်ဒီးဆူၣ်ချ့တၢ်တိာ်ကျၢၤအဂၤတဖၣ်ဒ်လဲၣ်, ကွၢ်တၢ်ဟ့ၣ်ဆူၣ်ချ့တၢ်ကွၢ်ထွဲအဘူးအလဲ.
တၢ်ဟ့ၣ်အပှ့ၤဘၣ်ဃးဆူၣ်ချ့တၢ်ကွၢ်ထွဲ
ယကဘၣ်ဟ့ၣ်တၢ်ဟ့ၣ်သဃဲၤလၢအဆၢကတီၢ်ဖဲလဲၣ်ႉ
ဆူၣ်ချ့တၢ်တိာ်ကျၢၤခဲလၢာ်န့ၣ်တအိၣ်ဝဲဒီး တၢ်ဟ့ၣ်သဃဲၤတဖၣ်ဘၣ်ႉ တၢ်အကါဒိၣ်န့ၣ်မ့ၢ်ဒ်သိးတၢ်ကကွၢ်လီၢ်တံၢ်တၢ်ပီးတၢ်လီၤတဖၣ်လၢတၢ်တိာ်ကျၢၤတၢ်ဆဲးလီၤမံၤအဂီၢ်ဒ်သိးကဃုထံၣ်လၢမ့ၢ်တၢ်တိာ်ကျဲၤန့ၣ်အိၣ်ဒီးတၢ်ဟ့ၣ်သဃၢၤတဖၣ်စ့ၣ်ဧါန့ၣ်လီၤႉ
တၢ်တဖၣ်အံၤမ့ၢ်ဝဲ ဆူၣ်ချ့တၢ်ဟ့ၣ်မၤစၢၤတဖၣ်လၢပှၤသူအီၤညီနုၢ်လၢ အလိၣ်ဘၣ်ဝဲဒၣ်တၢ်ဟ့ၣ်သဃဲၤန့ၣ်လီၤ:
- တၢ်လဲၤထံၣ်လိာ်သးဒီးကသံၣ်သရၣ် မ့တမ့ၢ် ကသံၣ်သရၣ်လီၤဆီတဂၤ
- တၢ်လဲၤထံၣ်လၢဂ့ၢ်ဂီၤအူတၢ်ကွၢ်ထွဲအဂီၢ်
- တၢ်လဲၤဆူဂ့ၢ်ဂီၢ်အူဒၢး
- ကသံၣ်ကသီလၢကသံၣ်သရၣ်ဟ့ၣ်လီၤတဖၣ်
အါဒၣ်တၢ်တက့ၢ်, တၢ်တိာ်ကျဲၤတဖၣ်လၢအအိၣ်ဒီးတၢ်ဟ့ၣ်ဆိအဘူးအလဲလၢအအါတဖၣ်န့ၣ် တလိၣ်ဘၣ်ဝဲ တၢ်ဟ့ၣ်သဃဲၤလၢအဘၣ်ဃးဒီး တၢ်လဲၤထံၣ်လိာ်သးဒီးကသံၣ်သရၣ် မ့တမ့ၢ် ကသံၣ်လၢကသံၣ်သရၣ်ဟ့ၣ်လီၤအီၤအဂီၢ်ဘၣ်န့ၣ်လီၤႉ
ယကဘၣ်ဟ့ၣ်တၢ်ဟ့ၣ်သဃဲၤလၢဆၢကတီၢ်ဖဲလဲၣ်ႉ
နဘၣ်ဟ့ၣ်တၢ်ဟ့ၣ်သဃဲၤဖဲ နဒိးန့ၣ်ဘၣ်တၢ်ကွၢ်ထွဲအကတီၢ်န့ၣ်လီၤႉ တၢ်ဟ့ၣ်သဃဲၤန့ၣ်တဘၣ်တၢ်ထိၣ်ဒွးဃုာ်အီၤဆူ တၢ်ဟ့ၣ်ဆိအဘူးအလဲဘၣ်ႉ တၢ်အံၤအခီပညီန့ၣ်မ့ၢ်ဝဲဒၣ် တဘျီဖဲနမၤတၢ်ဟ့ၣ်ဆိအဘူးအလဲဝံၤတစုသနါက့, နကဘၣ်ဟ့ၣ်ဒံးတၢ်ဟ့ၣ်သဃၢၤတဖၣ်လီၤႉ နတၢ်ဟ့ၣ်သဃဲၤန့ၣ်ကပတုာ်ကွံာ်ဝဲဒၣ်ထဲလၢ နတုၤဃီၤဆူတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အကတီၢ်န့ၣ်လီၤႉ
တၢ်ဟ့ၣ်သဃဲၤအဒိ
တၢ်အံၤမ့ၢ်တၢ်အဒိတခါလၢအပာ်ဖျါထီၣ် တၢ်ဟ့ၣ်သဃဲၤမၤတၢ်မၤဒ်လဲၣ်အဂ့ၢ်န့ၣ်လီၤ:
Maryလဲၤထံၣ်လိာ်အသးဒီး နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်တဂၤ လၢကကတိၤသကိးတၢ်အိၣ်ဒီးတၢ်တကံပဝံတၢ်ဆါပနီၣ်တဖၣ်အဂ့ၢ်လီၤႉ အတၢ်တိာ်ကျဲၤန့ၣ်လိၣ်ဘၣ်ဝဲ $25 တၢ်ဟ့ၣ်သဃဲၤလၢတၢ်ကလဲၤထံၣ်အီၤအဂီၢ်လီၤႉ Maryဟ့ၣ်လီၤဝဲ $25 တၢ်ဟ့ၣ်သဃဲၤဆူပှၤတူၢ်လိာ်တၢ်အအိၣ်ဖဲ အဝဲဟဲတုၤလ၊တၢ်သ့ၣ်ဆၢဖးကတီၢ်အဂီၢ်န့ၣ်လီၤႉ
ဖဲအတၢ်လဲၤထံၣ်လိာ်သးဒီးကသံၣ်သရၣ်အဖၢမုာ်န့ၣ်, မဲရံၣ်အကသံၣ်သရၣ်န့ၣ်ဆှၢအီၤဆူ တၢ်မၤကွၢ်ဒၢးဒ်သိးတၢ်ကထုးထီၣ်အသွံၣ်အဂီၢ်လီၤႉ မ့ၢ်လၢMary $25 အတၢ်ဟ့ၣ်သဃဲၤန့ၣ်တလၢဝဲလၢတၢ်မၤကွၢ်အဒၢးတၢ်ဖံးတၢ်မၤအဂီၢ်အဃိ, အဝဲကဘၣ်ဟ့ၣ်အါထီၣ်တၢ်လၢာ်ဘူၣ်လၢာ်စ့တဖၣ်အဂီၢ်လီၤ:
- Maryမ့ၢ်တမၤပှဲၤထီၣ်ဒ်ဘၣ်တၢ်ဟ့ၣ်ဆိအဘူးအလဲဘၣ်ဒီး, အဝဲဒၣ်ကဒိးန့ၢ်ဘၣ်ဝဲတၢ်ဃ့ကဒွဲစရီလၢတၢ်မၤကွၢ်ဒၢး အတၢ်ဟ့ၣ်မၤစၢၤတဖၣ်အဂီၢ်လီၤႉ အဝဲအဆူၣ်ချ့တၢ်တိာ်ကျဲၤန့ၣ်ကဟ့ၣ်ထီၣ်ဝဲ တၢ်ဟ့ၣ်ဆိအဘူးအလဲလၢMaryအဂီၢ်ထဲအံၤထဲနူၤလီၤႉ
- အဝဲမ့ၢ်ဟ့ၣ်တၢ်ဟ့ၣ်ဆိအဘူးအလဲဝံၤအဃိသတးဒီး Maryကဟ့ၣ်ထဲမျးကယၤတခါလၢ တၢ်လၢာ်ဘူၣ်လၢာ်စ့အဂီၢ် (ဘၣ်တၢ်သ့ၣ်ညါအီၤဒ်အမ့ၢ် တၢ်အုၣ်ကီၤဟ့ၣ်သဃဲၤ )လၢတၢ်မၤကွၢ်ဒၢးတၢ်ဖံးတၢ်မၤတဖၣ်အဂီၢ်ဒီး အဆူၣ်ချ့တၢ်တိာ်ကျၢၤန့ၣ်ဟ့ၣ်လီၤဝဲတၢ်အိၣ်လီၤတဲာ်သ့ၣ်တဖၣ်အဂီၢ်လီၤႉ
တၢ်ဂ့ၢ်အါထီၣ်ဘၣ်ဃးဒီးဆူၣ်ချ့တၢ်ကွၢ်ထွဲအဘူးအလဲ
ယလူၤပိာ်ဒီးကွၢ်ယတၢ်ဃ့က့ၤအဘူးအလဲကသ့ဒ်လဲၣ်.
ယကဘၣ်ဖးတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) ဒ်လဲၣ်
ကျဲလၢကမၤစှၤလီၤဆူၣ်ချ့တၢ်ကွၢ်ထွဲအဘူးအလဲ အိၣ်ဝဲ7 ဘိညါလီၤ
တချုးတၢ်ဟ့ၣ်စိဟ့ၣ်ကမီၤစံးတၢ်န့ၣ် မ့ၢ်မနုၤလဲၣ်.
တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် ကဘၣ်ဆီတလဲက့ၤအီၤလၢ တၢ်လဲၤထံၣ်လိာ်သးဒီးကသံၣ်သရၣ် လၢအဆၢကတီၢ်ဖဲလဲၣ်.