မိၢ်ဒၢတဖၣ်အါဂၤအဲၣ်ဒိးသ့ၣ်ညါလၢမ့ၢ်တၢ်လဲၤထံၣ်မဲကသံၣ်သရၣ် လၢတၢ်ဒၢထီၣ်ဖိအဆၢကတီၢ်န့ၣ် တၢ်ဘၣ်ယိာ်ကအိၣ်စ့ၣ်ဧါန့ၣ်လီၤ. တၢ်မၤကဆှီမဲဘၣ်ဆၢဘၣ်ကတီၢ် ဒီးတၢ်သမံသမိးတဖၣ်န့ၣ်တၢ်ဘၣ်ယိၣ်တအိၣ်ဘၣ်တကးဘၣ်,အဝဲန့ၣ်ဘၣ်တၢ်ဟ့ၣ်ကူၣ်အီၤဒ်သိးကတြီဆၢမဲကုၤတၢ်ဆါန့ၣ်လီၤ. မ့ၢ်တကူစါအီၤန့ၣ် မဲအကူၤတၢ်ဆါန့ၣ်မၤဘၣ်ဒိနဖိအတၢ်အိၣ်ဆူၣ်အိၣ်ချ့န့ၣ်လီၤ. တၢ်ဒီသဒၢအတၢ်ကွၢ်ထွဲအကြၢးအဘၣ်န့ၣ် မၤစှၤလီၤမဲတၢ်ဆါတဖၣ်လၢ အအိၣ်ထီၣ်ဒီးတၢ်ဒၢထီၣ်ဖိန့ၣ်လီၤ.
မၤလီၤတံၢ်လၢ နအိၣ်ဒီးမဲအတၢ်တိာ်ကျဲၤ ဒ်သိးကမၤစၢၤတၢ်ကွၢ်မဲတၢ်လၢာ်ဘူၣ်လၢာ်စ့တဖၣ်တက့ၢ်.
တၢ်ဒၢထီၣ်ဖိန့ၣ်အမၤဘၣ်ဒိနကိာ်ပူၤဒ်လဲၣ်
ဖဲနဒၢထီၣ်ဖိအခါ နဟီၣ်မိအသဟီၣ်အပတီၢ်တဖၣ်ဆူၣ်ထီၣ်န့ၣ်လီၤ. အဝဲန့ၣ်အဃိ နမဲအကုၤတဖၣ်ညိးထီၣ်ဒီးအသွံၣ်လီၤသ့လီၤ. မ့ၢ်တကူစါအီၤန့ၣ် တၢ်တဘၣ်လိာ်ဘၣ်စးဝဲအံၤကဒုးကဲထီၣ်မဲအကုၤတၢ်ဆါ လၢအဘၣ်ထွဲဒီးအိၣ်ဖျဲၣ်ဖိဆိဒီးဖိသၣ်အတယၢၢ်စှၤန့ၣ်လီၤ.*အဃိအဝဲန့ၣ်အကါဒိၣ်မးလၢနကပာ်နမဲကဆှီဒီးနမဲအကုၤပှဲၤဒီးဆူၣ်ချ့ဖဲနဒၢဖိသၣ်အဆၢကတီၢ်န့ၣ်လီၤ.
တၢ်ကွၢ်ထွဲတၢ်ဟ့ၣ်ကူၣ်တဖၣ်လၢမဲအဂီၢ်ဖဲဒၢအကတီၢ်
ပိာ်ထွဲတၢ်ဟ့ၣ်ကူၣ်တဖၣ်ဒ်သိးကမၤဆူၣ်ချ့နမဲဖဲလၢနဒၢအကတီၢ်တက့ၢ်:
- ကတိၤတၢ်ဒီးနမဲကသံၣ်သရၣ်တက့ၢ်. နသ့ၣ်ညါလၢနဒၢထီၣ်ဖိသၣ်တဘျီဃီန့ၣ်ကတိၤတၢ်ဒီးနမဲကသံၣ်သရၣ်တက့ၢ်. နမဲကသံၣ်သရၣ်န့ၣ်ကမၤစၢၤနၤဒ်သိးနကသုးကျဲၤတၢ်လၢတၢ်ကွၢ်ထွဲမဲလၢနဒၢထီၣ်ဖိအတီၢ်ပူၤန့ၣ်လီၤ.
- မၤကဆှဲကဆှီနမဲတဖၣ်တက့ၢ်. တၢ်မၤကဆှီမဲ လၢတၢ်ဒၢဖိအဆၢကတီၢ်န့ၣ် တၢ်ဘၣ်ယိာ်တအိၣ်ဘၣ် ဒီးကမၤစၢၤနမဲတဖၣ်ဒီးနမဲအကူၤတဖၣ်အိၣ်ဆူၣ်န့ၣ်လီၤ.
- ထူးမဲဒီးမၤကဆှဲကဆှီမဲကဆူးဒီးလုၣ်ယဲၤမၤကဆှီမဲတဖၣ်တက့ၢ်. တၢ်ကွၢ်ထွဲကိးမုၢ်နံၤဒဲးဂ့ၤဂ့ၤန့ၣ် မၤစၢၤတြီဆၢမဲအကူၤတၢ်ဆါဒီးမဲကျၣ်န့ၣ်လီၤ. တနံၤန့ၣ်ထူးမဲအစှၤကတၢၢ်ခံဘျီဒီးဖလိၣ်ရဲၣ်မဲကသံၣ် ဒီးမၤကဆှဲကဆှီနမဲကဆူးလၢတၢ်မၤကဆှီပျံၤဘိကိးမုၢ်နံၤဒဲးတက့ၢ်.
- သုးကွံာ်တၢ်ဒိ X-ray တဖၣ်တက့ၢ်. တၢ်ဒိမဲ X-ray တဖၣ်န့ၣ်တၢ်ဘၣ်ယိာ်တအိၣ်လၢ ဒၢထီၣ်ဖိအတီၢ်ပူၤဘၣ်ဆၣ် ကတိၤတၢ်ဒီးနမဲကသံၣ်သရၣ်ဘၣ်ဃးဒီး တၢ်သုးကွံာ်အီၤတုၤလၢနအိၣ်ဖျဲၣ်ဖိတက့ၢ်. နမ့ၢ်တလိၣ်ဒိ X-ray ဒ်ဂ့ၢ်ဂီၢ်အူတၢ်ကူစါအဂီၢ်န့ၣ် နမဲကသံၣ်သရၣ်န့ၣ်ကပိာ်ထွဲတၢ်ပတီၢ်အါန့ၢ်ဒံးညီနုၢ်ဒ်သိးကဒီသဒၢနၤဒီးနဖိအဂီၢ်န့ၣ်လီၤ.
- ထုးယံာ်ထီၣ်တၢ်ကူစါမဲဆူ နဒၢထီၣ်ပှဲၤထီၣ်သၢလါခံဘျီတဘျီ(ဃုလါ)ဝံၤအလီၢ်ခံတက့ၢ်. သ့ၣ်နံၤဖးသီနတၢ်ကူစါတဖၣ်လၢအလိၣ် တၢ်စူးကါကသံၣ်သးသပ့ၤ, ဒ်သိးတၢ်ထၢနုာ်မဲကဆူးပူၤ, တၢ်ဖျီၣ်မဲ မ့တမ့ၢ် တၢ်ဘှီက့ၤမဲ လၢနဒၢထီၣ်ပှဲၤဃုလါဖဲတၢ်ဘၣ်ယိာ်တအိၣ်လၢနဖိအဂီၢ်တက့ၢ်. တၢ်ကူစါယါဘျါတဖၣ်န့ၣ် ဘၣ်သ့ၣ်သ့ၣ်နတူၢ်တမုာ်ဖဲနဒၢထီၣ်ပှဲၤခွံလါခီဖျိနမံနီၤလၢနချၢကကီဒိၣ်ထီၣ်ဝဲန့ၣ်လီၤ.
- ပတုာ်ဃာ်တၢ်ကူဆါယါဘျါတဖၣ်လၢနဃုထၢအီၤသ့တက့ၢ်. ပာ်ကီၤဃာ်တၢ်မၤဝါမဲ ဒီးတၢ်ကယၢကယဲတၢ်ကူစါအဂီၤတဖၣ်တုၤလၢနအိၣ်ဖျဲၣ်နဖိဝံၤတက့ၢ်.
- ဒီသဒၢနမဲလၢတၢ်ဒၢထီၣ်တၢ်တမုာ်တက့ၢ်. နမ့ၢ်အိၣ်ဒီးတၢ်ဒၢထီၣ်ဖိတၢ်တမုာ်န့ၣ် သ့စီနကိာ်ပူၤလၢ တၢ်တ့ကိၣ်ဆီၣ်ဒၣ်ကမူၣ် လၢလၣ်ဖးထံနီၣ်တၢၤတတၢကျဲၣ်ကျီဃာ်ဒီးထံ ဒ်သိးကဒီသဒၢနမဲလၢနကဖုအဲးဆ့းတဖၣ်အတၢ်မၤဟးဂီၤန့ၣ်တက့ၢ်.
- အီၣ်တၢ်အီၣ်ကျၢၤသးလၢတၢ်ကူၣ်သ့တက့ၢ်. ဃုထၢတၢ်အီၣ်တဖၣ်လၢအဂ့ၤလၢတၢ်အိၣ်ဆူၣ်အိၣ်ချ့အဂီၢ် ဒ်သိးတၢ်ဒိးတၢ်လၣ်တဖၣ်, တၢ်နုၢ်ထံဆံၣ် မ့တမ့ၢ်တၢ်နုၢ်ထံလီၤသကၤတက့ၢ်. ဂုာ်ကျဲးစၢးတြီဆၢနတၢ်သးအိၣ်အီၣ် တၢ်အီၣ်ကျၢၤသးခဲအံၤခဲအံၤတက့ၢ်. တၢ်အီၣ်တၢ်အီကျၢၤသးခဲအံၤခဲအံၤန့ၣ် ဒုးကဲထီၣ်မဲကျၣ်သ့ ခီဖျိဖလ့း လၢအမ့ၢ်တၢ်သဘျံးစဲဘူးတမံၤ လၢအကဲထီၣ်လၢမဲအလိၤန့ၣ်လီၤ.
Blue Cross မဲအတၢ်တိာ်ကျဲၤတဖၣ်
Blue Cross and Blue Shield of Minnesota န့ၣ်မၤညီန့ၢ်နၤတၢ်ဒီသဒၢနကိာ်ပူၤဆူၣ်ချ့န့ၣ်လီၤ. ပဟ့ၣ်သုမဲအတၢ်တိာ်ကျဲၤတဖၣ် ဒ်သိးကကြၢးဘၣ်ဝဲဒီးနတၢ်လိၣ်တဖၣ်ဒီးတိၢ်စ့န့ၣ်လီၤ.
Blue Cross မဲအတၢ်တိာ်ကျဲၤခဲလၢာ်န့ၣ် ပာ်ဃုာ်ဒီးတၢ်ဒီသဒၢအတၢ်ကွၢ်ထွဲ, ဃုာ်ဒီးတၢ်သမံသမိးဘၣ်ဆၢဘၣ်ကတီၢ်, တၢ်ဒိအဲးစရ့ဒီးတၢ်မၤကဆှဲကဆှီတဖၣ်န့ၣ်လီၤ. လၢတၢ်ဟ့ၣ်အဘူးအလဲအတၢ်ရဲၣ်ကျဲၤလၢနဃုထၢအဖီခိၣ်န့ၣ်, နတၢ်တိာ်ကျဲၤန့ၣ်ကမၤစၢၤဟ့ၣ်အလဲစ့ၢ်ကီးလၢတၢ်မၤပှဲၤ,တၢ်ဖျီၣ်မဲဒီးတၢ်မၤအဂုၤအဂၤတဖၣ်အဂီၢ်လီၤ.
ဒ် Blue Cross မဲကရူၢ်ဖိတဂၤအသိး နကအိၣ်ဒီးတၢ်ဒိးန့ၢ် တၢ်ကွၢ်ထွဲမဲဆူၣ်ချ့ညီညီ လၢထံကီၢ်ပူၤမဲတၢ်ဘျးစဲကရၢဒိၣ်ကတၢၢ်တဖၣ်အကျါတခါန့ၣ်လီၤ. မဲကသံၣ်သရၣ်10ဂၤအကျါ ခွံဂၤလၢကရၢကရိအပူၤန့ၣ် ဟ့ၣ်စ့ၢ်ကီးတၢ်မၤစှၤလီၤအပှ့ၤလၢတၢ်မၤတဖၣ်လၢတပၣ်ဃုာ်လၢနတၢ်တိာ်ကျဲၤအပူၤအတၢ်ဟ့ၣ်တၢ်ဘူးတၢ်လဲပူၤ, အိၣ်ဃုာ်ဒီးတၢ်ကွၢ်ထွဲတဖၣ်လၢနဒိးန့ၢ်ဖဲလၢနတုၤဆူတနံၣ်ဘၣ်တနံၣ်နဘျုးအဒိၣ်ကတၢၢ်န့ၣ်လီၤ.
ပှၤလၢတအိၣ်ဒီးBlue Cross ဆူၣ်ချ့တၢ်အုၣ်ကီၤ မ့တမ့ၢ် အိၣ်ထဲ Medicare တၢ်ကွၢ်ထွဲဆူၣ်ချ့ကိးဆဲးလီၤဒၣ်လဲၤဆဲးလီၤမံၤလၢBlue Crossမဲအတၢ်တိာ်ကျဲၤသ့ဝဲလီၤ. Blue Cross မဲအတၢ်တိာ်ကျဲၤတဖၣ်န့ၣ် မ့ၢ်ကျဲတဘိလၢ အကြၢးဒီးအပှ့ၤ ဒီးညီလၢကဒိးန့ၢ်တၢ်ကွၢ်ထွဲမဲအကြၢးအဘၣ်လၢနၤဒီးနဟံၣ်ဖိဃီဖိအဂီၢ်န့ၣ်လီၤ.