Gianna Lassiter, a Blue Cross ဒီး Blue Shield လၢ Minnesota တၢ်အိၣ်မုာ်ဆိးပၢၤအပှၤနဲၣ်လိတၢ်ဖိ, ဟ့ၣ်နီၤဒုးသ့ၣ်ညါ၀ဲဒၣ်ဘၣ်ဃာ်တၢ်အကျိၤအကျဲတဖၣ်ဒ်သိးနနီၢ်ခိမိၢ်ပှၢ်ကပ့ၢ်ချ့, ဖဲနမ့ၢ်ဘၣ်ဆ့ၣ်နီၤမၤတၢ်သနာ်က့န့ၣ်လီၤ.
တၢ်သံကွၢ် - ဘၣ်မနုၤအဃိတၢ်မၤဟူး၀းသးန့ၣ်အဂ့ၤလၢနဂီၢ်လဲၣ်.
တၢ်စံးဆၢ: ဖဲနဟူး၀းအခါ, ပခိၣ်နူၤန့ၣ်ဒုးဟးထီၣ်ကွံာ်ဂာ်တဖၣ်လၢကမၤမုာ်ထီၣ်နတၢ်လၢနတူၢ်ဘၣ်အီၤတဖၣ်. အထုးထီၣ်ကွံာ်စ့ၢ်ကီး "တၢ်ခိၣ်တယူၤနါတယူၤ" လၢပတူၢ်ဘၣ်၀ဲခီဖျိပဆ့ၣ်နီၤ၀ဲအကတီၢ်ယံာ်အဃိန့ၣ်လီၤ. တၢ်ဟးဟူး၀းသးန့ၣ် ဂ့ၤစ့ၢ်ကီးလၢပနီၢ်ခိတၢ်အိၣ်ဆူၣ်အိၣ်ချ့အဂီၢ်န့ၣ်လီၤ. ခီဖျိနီၢ်ခိပ့ၢ်ချ့အဃိန့ၢ် ကမၤဂ့ၤထီၣ်၀ဲနနီၢ်ခိတၢ်ဟူးတၢ်ဂဲၤဒီး မၤကျၢၤထီၣ်နဃံ ဒီးနထူၣ်ညၣ်သ့ၣ်တဖၣ်န့ၣ်လီၤ.
တၢ်သံကွၢ်- ဆ့ၣ်နီၤမၤတၢ်ဒီတနံၤကျၢၤအဃိန့ၣ်တၢ်ဘၣ်ယိၣ်လၢတၢ်အိၣ်ဆူၣ်အိၣ်ချ့အဂီၢ် မ့ၢ်မနုၤသ့ၣ်တဖၣ်လဲၣ်.
စံးဆၢ : မ့လၢနဆ့ၣ်နီၤ၀ဲတဘျုးနၣ်ရံၣ်လၢတနံၤအတီၤအပူၤန့ၣ်,နနီၢ်ခိမိၢ်ပှၢ်န့ၣ်တဟူးတဂဲၤနီတမံၤဘၣ်, နကိးဘိကထီၣ်ဒီးကဖ့ၣ်ဆၢ ဒီးနညၣ်ထူၣ်ပျၢ်စ့ၢ်ကီးကစၢ်လီၤ၀ဲၤဒၣ်န့ၣ်လီၤ. တၢ်ဂုၤဂၤလၢအလီၤဘၣ်ယိၣ်လၢတၢ်အိၣ်ဆူၣ်အိၣ်ချ့အဂီၢ်လၢအဘၣ်ထွဲလိာ်သးဒီး တၢ်ဆ့ၣ်နီၤယံာ်အဃိန့ၣ်အိၣ်၀ဲအါမးန့ၣ်လီၤ. တနီၤကျါန့ၣ်ပာ်ဃုာ်၀ဲဒၣ်:
တၢ်သံကွၢ်-ယကဘၣ်မၤဟူးသးတနံၤပှဲၤဘျီလဲၣ်.
တၢ်စံးဆၢ-နမ့ဆၢထၢၣ်ဆ့ၣ်နီၣ်န့ၣ်ဂ့ၤဒိၣ်, ဘၣ်ဆၣ်တၢ်ဂ့ၢ်ခိၣ်သ့ၣ်န့ၣ် မံၢ်၀ဲဒ်သိးနကအိၣ်ဒီးနီၢ်ခိတၢ်ဟူးတၢ်ဂဲၤဒီတနံၤကျၢၤန့ၣ်လီၤ. နကြၢးဆ့ၣ်နီၤ, ဆၢထၢၣ်ဒီး ဟး၀့ၤ၀ီၤလၢ နမိၢ်ပှၢ်တၢ်ဟူးတၢ်ဂဲၤအဂီၢ်လၢတနၣ်ရံၣ်တဘျီန့ၣ်လီၤ. ဒ်သိးနတိၢ်န့ၢ်၀ဲဒၣ်တၢ်သ့ၣ်တဖၣ်အံၤကန့ၢ်ညီအဂီၢ်, နကြၢးထၢနုာ်ဃုာ်လၢနတနံၤဘၣ်တနံၤတၢ်ဟူးတၢ်ဂဲၤအတၢ်ရဲၣ်လီၤန့ၣ်လီၤ.
အဒိ, နမ့အဲၣ်ဒိးအီထံ, လဲၤဟးအဖှံဒီး လဲၤစဲးကျံးလံာ်န့ၣ်, နကြၢးမၤအီၤတဘျီတခါန့ၣ်လီၤ. နတဘၣ်မၤ၀ဲဒၣ်တဘျီဃီကိးခါဒဲးဘၣ်န့ၣ်လီၤ. လဲၤဟးအဖှံ၀ံၤဟဲက့ၤတဘျီဃီလၢနလီၢ်ဆ့ၣ်နီၤဒီး ဆၢထၢၣ်အမံးနံးစှၤကီးဖိတက့ၢ်. ၀ံၤဒီး, လဲၤလၢတၢ်အီထံအလီၢ်ဒီးအီထံတခွး၀ံၤက့ၤကဒါက့ၤလၢနလီၢ်ဆ့ၣ်နီၤလၢနကဆ့ၣ်နီၤ၀ဲမံးနံးစှၤကိးဖိ, ဒီးဒ်အံၤဒ်နုၤန့ၣ်လီၤ. နီၤဖးလီၤ၀ဲဒၣ်တၢ်မၤသ့ၣ်တဖၣ်အံၤလၢဒီတနံၤကျၢၤအဂီၢ်န့ၣ် ကမၤစၢၤနၤနၤဒ်သိးနကအိၣ်ဒီးတၢ်ဟူးတၢ်ဂဲၤလၢနမိၢ်ပှၢ်အဂီၢ် သုတကဲထီၣ်တၢ်မၤတံာ်တာ်ဒီးမၤတံာ်တာ်နၤလၢနတၢ်မၤပူၤအဂီၢ်န့ၣ်လီၤ.
တၢ်သံကွၢ်-လီၢ်ဆ့ၣ်နီၤတၢ်ဟူးတၢ်ဂဲၤလၢပမၤအီၤသ့တဖၣ်မ့ၢ်မနုၤသ့ၣ်တဖၣ်လဲၣ်.
တၢ်စံးဆၢ ဖဲအံၤန့ၣ် အိၣ်ဒီးတၢ်မၤဘၣ်ဆၢဘၣ်ကတီၢ်တဖၣ် လၢအညီလၢကမၤလၢနစီၢ်နီၤခိၣ် ဒီးမၤဟူးဂဲၤစၢၤနၤ လၢနတၢ်မၤမုၢ်နံၤန့ၣ်လီၤ -
- တဘၣ်ဖီၣ်တၢ်ဘၣ် -ဖဲနဂဲၤဆၢထၢၣ်လၢနလီၢ်ဆ့ၣ်နီၤခိၣ်အခါ, တဘၣ်ဆီၣ်လီၤခူၣ်ဒီးဂဲၤဆၢထၢၣ်ဘၣ်. လၢန့ၢ်အလီၢ်, ဖဲနဂဲၤဆၢထၢၣ်လၢလီၢ်ဆ့ၣ်နီၤခိၣ်အခါ ဂဲၤဆၢထၢၣ်လၢနခီၣ်အဂံၢ်အဘါတက့ၢ်. မၤပိာ်ထွဲတၢ်ဟ့ၣ်ကူ၀ဲအံၤ10မံးနံးတဘျီ လၢဒီတနံၤန့ၣ်လီၤ.
- အလီၢ်ဆ့ၣ်နီၤ -ဖဲနဆ့ၣ်နီၤလၢနလီၢ်ဆ့ၣ်နီၤခိၣ်အခါ,တဘၣ်ဆ့ၣ်နီၤတုၤလီၤအီၤတဘျီဃီတဂ့ၤ. မးဘူးနသးဒီးအီၤဖဲအသ့, ဒီး၀ံၤဆၢၣ်ထၢၣ်ကဒါက့ၤအသီတ၀ီတက့ၢ်. မၤဒ်အံၤတနၣ်ရံၣ်ဃုဘျီ ဒီတနံၤကျၢၤတက့ၢ်.
- 8-မံးနံးလၢၢ်ထူၣ် -ဂဲၤဆၢထၢၣ်လၢနလီၢ်ဆ့ၣ်နီၤအခိၣ် ဃိးမံးနံးဒီးမၤဘၣ်ထီၣ်နသွံၣ်တၢ်လဲၤတရံးအသးတက့ၢ်. ဆၢထၢၣ်တစှီၤခီၣ်, မၤဖုၣ်လီၤနသး, ပာ်နကိးဘိဘျၢဘျၢ, ပာ်နဖံဘၣ်ခိၣ်ဃီဃီ, ပာ်၀ဲနခံကိၢ်လၢအမဲာ်ညါဒီး ဆဲၣ်က့ၣ်လီၤနခီၣ်လ့ၣ်ခိၣ်ကယီကယီဖိ အဃိသတာ်ဒီၤ အ၀ဲသ့ၣ်တဆိၣ်ပျၢ်ဘၣ်န့ၣ်လီၤ.
- 20-8-2 တၢ်သိၣ်တၢ်သီ-ဆ့ၣ်နီၤတဘၣ်အါန့ၢ်ဒီးပှၤတဘျီ20 မံးနံး, ဆၢထၢၣ်အက့ၢ်အဂီၤတခါဃါတဘၣ်အါန့ၢ် 8မံးနံးဘၣ်ဒီး ဟးကသုၣ်ကသီသး 2-မံးနံး ခံဘျီလၢတသီအတီၢ်ပူၤလၢနကမၤစၢ်လီၤနထူၣ်ပျၢ်တက့ၢ်.
တၢ်သံကွၢ်- Blue Cross န့ၣ်အိၣ်ဒီးတၢ်ရဲၣ်တၢ်ကျဲၤလၢကမၤစၢၤပှၤလၢ ပကအိၣ်ပ့ၢ်ချ့အဂီၢ်န့ၣ်ဧါ.
တၢ်စံးဆၢ:Blue Cross အကရူၢ်ဖိတဖၣ်အိၣ်ဒီးဆူၣ်ချ့တၢ်ရဲၣ်တၢ်ကျဲၤအကလုာ်ကလုာ်လၢအကမၤစၢၤနၤ ဒ်သိးနကအိၣ်မူဆူၣ်ချ့အဂီၢ်, ပၣ်ဃုာ်ဒီးဆူၣ်ချ့လၢပှဲၤဂံၢ်ဘါအဂီၢ်တၢ်ဆှိးလီၤအဘူးအလဲ*ဒီးတၢ်အိၣ်မုာ်ဆိးပၢၤအဂီၢ်တၢ်ဆှိးလီၤအဘူးအလဲတၢ်ဆါတၢ်ပှ့ၤအလီၢ်*တဖၣ်န့ၣ်လီၤ.
Blue Cross န့ၣ်အိၣ်စ့ၢ်ကီးဒီး တၢ်အိၣ်မုာ်ဆိးပၢၤပှၤနဲၣ်တၢ်အတၢ်ရဲၣ်တၢ်ကျဲၤ*န့ၣ်လီၤ. တတၢ်အိၣ်မုာ်ဆိးပၢၤအပှၤနဲၣ်လိတၢ်ဖိဟ့ၣ်လီၤမၤစၢၤနၤတၢ်ဂ့ၢ်တၢ်ကျိၤအထိးနွံ, ဒုးအိၣ်ထီၣ်တၢ်ပညိၣ်ဖီတၢၢ်, ဒီးဟ့ၣ်လီၤမၤစၢၤ၀ဲပီညါအတၢ်ပီးတၢ်လီလၢအဘၣ်ဃာ်ဒီး နီၢ်ခိမိၢ်ပှၢ်တၢ်ဟူးတၢ်ဂဲၤလၢအရ့ဒိၣ်တဖၣ်န့ၣ်လီၤ.
တၢ်အိၣ်ဆူၣ်အိၣ်ချ့ဒီးတၢ်အိၣ်မုာ်ဆိးပၢၤတၢ်ဟ့ၣ်ကူၣ်တဖၣ်ဒီးတၢ်ရဲၣ်တၢ်ကျဲၤအဂၤတဖၣ်
တၢ်သးဟးဂီၤနးနးတၢ်ဆါအပနီၣ်,တၢ်ကူစါယါဘျါဒီး
ဆူၣ်ချ့တၢ်တိာ်ကျဲၤ တၢ်န့ၢ်ဘျူးတဖၣ်
ဆူၣ်ချ့တၢ်ရဲၣ်တၢ်ကျဲၤတဖၣ် ဒီးတၢ်စှၤလီၤအပှ့ၤတဖၣ်
5တၢ်ဟ့ၣ်ကူၣ်တဖၣ်လၢ ကအိၣ်လၢပှဲၤဒီးထံအကံၢ်အစီ
ကျိၤကျဲအညီတဖၣ်လၢတၢ်မၤစှၤလီၤတၢ်ဃၢတၢ်စံာ်
တၢ်ဟ့ၣ်ကူၣ်တဖၣ်လၢကြၢးသ့ၣ်ညါဘၣ်ဃးတၢ်အီၣ်တၢ်အီတၢ်လၢအပှဲၤဒီးတၢ်ဆူၣ်ချ့အဂီၢ်
စးထီၣ်သ့ၣ်ညါBlue Crossတၢ်အိၣ်မုာ်ဆိးပၢၤပှၤနဲၣ်လိတၢ်ဖိတဖၣ်