မ့ၢ်ယဆူၣ်ချ့တၢ်အုၣ်ကီၤ ကအုၣ်ကီၤဃုာ်ပှၤဒိးသန့ၤထီၣ်သး လၢယၤတဖၣ်ဧါ.

မ့ၢ်မတၤကြၢးဒိးန့ၢ် တၢ်အုၣ်ကီၤတၢ်ဟ့ၣ်အဘူးအလဲ လၢယဆူၣ်ချ့တၢ်တိာ်ကျဲၤ အဖီလာ်လဲၣ်.

အါဒၣ်တၢ်တက့ၢ်, ဟံၣ်ဖိဃီဖိတဖၣ် မ့ၢ်ကြၢးဒီးဆူၣ်ချ့တၢ်တိာ်ကျဲၤလံာ်ဃံးဃာ် အနီၣ်ထိၣ်ဒီး အတၢ်ပာ်ဖျါတဖၣ်အသိး လီၤတံၢ်လီၤဆဲးအဃိ အဝဲသ့ၣ်အိၣ်ဒီးကံၢ်စီပတီၢ်လၢ ကန့ၢ်ဘၣ်တၢ်ဟ့ၣ်အဘူးအလဲအဂီၢ်န့ၣ်လီၤ. ညီနုၢ်ဟံၣ်ဖိဃီဖိတဖၣ်အံၤကပၣ်ဃုာ်ဝဲဒီး:

• မါမ့တမ့ၢ်ဝၤလၢအဖိးသဲစး
• ဖိဟဲလီၤစၢၤလီၤသွၣ်လၢနၤ ဒီး ဖိယၢ်
• ဖိလၢနလုၢ်ဖိအီၤ ဒီ:ဖိလၢနၤ မ့တမ့ၢ် နသးသမူတံၤသကိးကလုၢ်ဖိအီၤတဂၤ
• ဖိသၣ်လၢနၤ မ့တမ့ၢ် နမါနဝၤ န့ၢ်စိန့ၢ်ကမီၤဝဲဒၣ်လၢကကွၢ်ထွဲအီၤလၢအဖိးသဲစး
• ဖိၣ်သၣ်ပှၤကွၢ်လုၢ်အီၤလၢနၤမ့တမ့ၢ်နမါနဝၤန့ၢ်စိန့ၢ်ကမီၤလၢကကွၢ်ထွဲအီအဂီၢ်
• လံၤဖိလၢနၤမ့တမ့ၢ်နမါနဝၤကွၢ်ဒိၣ်ထီၣ်အီၤစးထီၣ်လၢအအိၣ်ဖျဲၣ်ထီၣ်လံၤလံၤ ဒီးအဝဲဒိးသန့ၤထီၣ်သးလၢနၤလၢကျိၣ်စ့အကပၤ*
• ဖိသၣ်လၢအဒိးန့ၢ်ဘၣ် နဆူၣ်ချ့တၢ်အုၣ်ကီၤန့ၢ်ဝဲတဖၣ်ခီဖျိလံာ်လၢရူၢ်ထုးထီၣ်အီၤ ဒီးဟ့ၣ်စိဟ့ၣ်ကမီၤနၤလၢကကွၢ်ထွဲအီၤလၢဆူၣ်ချ့ကပၤ
• ဖိသၣ်ဒိးသန့ၤထီၣ်သးလၢနၤအိၣ်ဒီးနီၢ်ခိက့ၢ်ဂီၤတလၢတပှဲၤတဂၤ ဒီးအသးနံၣ်အါန့ၢ်26လၢကြၢးဝဲဘၣ်ဝဲ
• နသးသမူတံၤသကိးလၢတဖျီသးဘၣ်ဒီး နၤတဂၤ*
• သးသမူတံၤသကိးလၢတဖျီဘၣ်သးတဂၤအဖိ*

*နဆူၣ်ချ့တၢ်တိာ်ကျဲၤ မ့ၢ်ဟဲခိဖျိလၢတၢ်မၤကစၢ်ကရူၢ်တခါအဃိ, တၢ်ဟ့ၣ်အဘူးအလဲအံၤ ကမၤအသးအမၠိမၠိ, ဒီး အလီၢ်အိၣ်လၢနကဘၣ်တၢၣ်ပီၣ်ကတိၤတၢ်ဒီး နတၢ်မၤကစၢ်ဘၣ်ထွဲဒီး တၢ်ကြၢး၀ဲဘၣ်၀ဲဒီးတၢ်ဃုထၢ လၢတၢ်ဟ့ၣ်အဘူးအလဲဒ်န့ၣ်အဂီၢ်လီၤ.

ဖိသၣ်လၢအဘၣ်ဒိးသန့ၤသးလၢ ပှၤဂၤအဖီခိၣ်တဂၤ ဒိးန့ၢ်ဘၣ်ယဆူၣ်ချ့တၢ်အုၣ်ကီၤကသ့ယံာ်ယံာ်ထဲလဲၣ်.

နဒုးပၣ်ဃုာ် ဖိသၣ်လၢအကြၢး၀ဲဘၣ်၀ဲဒီးတၢ်ဃုထၢတဖၣ်လၢ နတၢ်တိာ်ကျဲၤအပူၤသ့ တုၤလၢအဝဲသ့ၣ်အသးနံၣ်ပှဲၤထီၣ် 26 နံၣ်လီၤ. နဆူၣ်ချ့တၢ်တိာ်ကျဲၤ လၢအအုၣ်ကီၤနဖိန့ၣ် ကကတၢၢ်ကွံာ်ဝဲလၢနဖိ 26 ^th တၢ်အိၣ်ဖျဲၣ်မုၢ်နံၤန့ၣ်လီၤ.
 
နဖိလၢအဒိၣ်တုာ်ခိၣ်ပှဲၤ ဒီးအသးနံၣ်အိၣ်26တဂၤန့ၣ် ကဘၣ်ဆဲးလီၤမံၤလၢအနီၢ်ကစၢ်တၢ်တိာ်ကျဲၤပူၤ တချုးအသးပှဲၤထီၣ်26နံၣ် လၢ60သီအတီၢ်ပူၤန့ၣ်လီၤ. အအံၤမၢ်ဒၣ်တၢ်လၢအရ့ဒိၣ်တမံၤလၢနကနီၢ်ဘၣ်အီၤအဂီၢ် မ့ၢ်လၢတၢ်ဆဲးလီမံၤလီၤဆီအကတီၢ်အံၤမ့ၢ်လၢာ်ကွံာ်ဝဲန့ၣ် ဘၣ်သ့ၣ်သ့ၣ်အဝဲဘၣ်ခိးတုၤလၢတၢ်ဆဲးလီၤမံၤအကဟီၢ်အိးထီၣ်အသး လၢခံတဘျီန့ၣ်လီၤ. မ့ၢ်ဒ်န့ၣ်န့ၣ် ဘၣ်သ့ၣ်သ့ၣ်တၢ်တအုၣ်ကီၤအီၤလၢအကတီၢ်ဖုၣ်ကိာ်ဖိအဂီၢ်လီၤ.

မ့ၢ်ယထၢနုာ်ယဖိလၢအထီၣ်ပှၢ်၀ံၤတဂၤ ဆူယတၢ်တိာ်ကျဲၤအပူၤသ့ဧါ.

ဖိလၢအကြၢး၀ဲဘၣ်၀ဲဒီးတၢ်ဃုထၢ လၢအမ့ၢ်ပှၤသဘျ့ မ့တမ့ၢ် ပှၤထီၣ်ပှၢ်တဂၤန့ၣ် ဒိးန့ၢ်နဆူၣ်ချ့တၢ်တိာ်ကျဲၤ တုၤအသးနံၣ်အိၣ် 26 နံၣ်သ့၀ဲန့ၣ်လီၤ. အသးနံၣ်မ့ၢ်တုၤ 26 နံၣ်န့ၣ် ကဝဲကဘၣ်ဆဲးလီၤမံၤလၢ ဆူၣ်ချ့တၢ်တိာ်ကျဲၤတမံၤအပူၤ ခီဖျိအတၢ်မၤ, အမါ/ဝၤအတၢ်မၤ မ့တမ့ၢ် ခီဖျိ ဆူၣ်ချ့တၢ်တိာ်ကျဲၤတမံၤန့ၣ်လီၤ.

မ့ၢ်ယထၢနုာ်ယမိၢ်ယပၢ် မ့တမ့ၢ် ယမၤ/၀ၤ အမိၢ်အပၢ်တဖၣ် ဆူယတၢ်တိာ်ကျဲၤအပူၤသ့ဧါ.

တသ့ဘၣ်, နတဘၣ်ဒုးပၣ်ဃုာ်နမိၢ်နပၢ်တဖၣ်လၢ နတၢ်တိာ်ကျဲၤအပူၤဘၣ်. အဝဲသ့ၣ်ဘၣ်ဆဲးလီၤအမံၤ လၢနီၢ်ကစၢ် ဆူၣ်ချ့တၢ်တိာ်ကျဲၤအပူၤ ခီဖျိအတၢ်ဖံးတၢ်မၤ, နီၢ်တဂၤစုာ်စုာ်ဆူၣ်ချ့တၢ်တိာ်ကျဲၤ မ့တမ့ၢ် Medicare (အ၀ဲသ့ၣ် မ့ၢ်ကြၢးဝဲဘၣ်ဝဲ) န့ၣ်လီၤ.

ယထၢနုာ်လီၤ ပှၤလၢအဒိးသန့ၤသးဒီးယၤတဖၣ်ဆူ ယဆူၣ်ချ့တၢ်တိာ်ကျဲၤပူၤကသ့ဆံးယံာ်လဲၣ်.

လၢတၢ်အိၣ်သးလီၤလီၤဆီဆီတဖၣ်အပူၤ နထၢနုာ်လီၤနဟံၣ်ဖိဃီဖိအသီတဖၣ်ဆူ နတၢ်တိာ်ကျဲၤအပူၤသ့ဝဲ-

• ဖိအိၣ်ဖျဲၣ်လီၤသီ: ထၢနုာ်အမံၤဖဲအအိၣ်ဖျဲၣ်ထီၣ်လၢ 60 သီအတီၢ်ပူၤ
• တၢ်လုၢ်ထီၣ်ဖိ: ဖဲနလုၢ်ထီၣ်အီၤလၢ 60 သီအတီၢ်ပူၤ
• တၢ်ဖျီသးသီသီးဖဲနဖျီနသးလၢ60နံၤအတီၢ်ပူၤ
• တၢ်မၤတအိၣ်လၢၤဘၣ်း နမါနဝၤ မ့တမ့ၢ် နဖိ(လၢအသးနံၣ်အိၣ်26အဖီလာ်) အတၢ်အုၣ်ကီၤခီဖျိအတၢ်မၤကစၢ် မ့ၢ်လီၤမၢ်ကွံာ်လၢ60နံၤအတီၢ်ပူၤ
• ဖိသၣ်ဒိးသန့ၤလၢနၤတဂၤအသးအိၣ်အနံၣ်26ဆူဖီခိၣ် ဒီး နီၢ်ခိက့ၢ်ဂီၤတလၢတပှဲၤ

*တၢ်မၤလီၤမၢ်ကွံာ်လၢတၢ်တပာ်သူၣ်ပာ်သးအပူၤ မ့တမ့ၢ် တၢ်ဟ့ၣ်အပှ့ၤဘၣ် မ့တမ့ၢ် တၢ်မၤကမၣ်နၤအဃိ

ဒ်သိးကထၢနုာ်အါထီၣ် ပှၤလၢအဒိးသန့ၤအသးလၢနၤတဖၣ်အဂီၢ်, ဆဲးကျိးဆူနီၣ်ဂံၢ်လၢအအိၣ်ဖဲနကရူၢ်ဖိ (ID) ခးအလီၢ်ခံ, ကတိၤတၢ်ဒီး ပှၤခၢၣ်စးတဂၤ မ့တမ့ၢ် ထံၣ်လိာ်သးဒီး Blue Cross ပှၤဟ့ၣ်ကူၣ်တၢ် တဂၤန့ၣ်တက့ၢ်ႉ

ယကဘၣ်ထုးထီၣ်ကွံာ် ဟံၣ်ဖိဃီဖိတဂၤလၢ ယဆူၣ်ချ့တၢ်တိာ်ကျဲၤဒ်လဲၣ်.

နထုးထီၣ်ကွံာ် ဟံၣ်ဖိဃီဖိတဖၣ်လၢနတၢ်တိာ်ကျဲၤ ဖဲတၢ်ဆၢကတီၢ်တခါခါဂ့ၤသ့၀ဲလီၤ. ညီနုၢ် တၢ်ကဲထီၣ်သးဒ်န့ၣ် ဖဲအဝဲသ့ၣ်ဒိးန့ၢ်ဘၣ်တၢ်အုၣ်ကီၤလၢခီပနံၣ်အဂၤတတီၤအခါန့ၣ်လီၤ. လၢကဟံးန့ၢ်က့ၤပှၤလၢအဒိးသန့ၤထီၣ်သးလၢနတဂၤအမံၤလၢနတၢ်တိာ်ကျဲၤအဂီၢ်န့ၣ် ကိးလီတဲစိနီၣ်ဂံၢ်အိၣ်လၢန ကရူၢ်ဖိ ID ခးအလီၢ်န့ၣ်လီၤ.

နမ့ၢ်အိၣ်ဒီး ဆူၣ်ချ့တၢ်တိာ်ကျဲၤတမံၤ ခီဖျိတၢ်မၤကစၢ်န့ၣ်, ဆဲးကျိး ပှၤကူပှၤကညီတၢ်အိၣ်ယၢၤတဖၣ် ဒ်သိးကမၤလိ ကျဲလၢကဘၣ်ထၢနုာ် မ့တမ့ၢ် ကဘၣ်တြူာ်ကွံာ် ပှၤအိၣ်သန့ၤတဂၤဒ်လဲၣ်န့ၣ် တက့ၢ်.