ဘၣ်မနုၤအဃိယဒိးန့ၢ်တၢ်လၢာ်ဘူၣ်လၢာ်စ့အစရီလၢတၢ်ဒီသဒၢအတၢ်ကွၢ်ထွဲ
တၢ်ထံၣ်လိာ်သးအဂီၢ်န့ၣ်လဲၣ်.

တၢ်ထံၣ်လိာ်သးဒီးနကသံၣ်သရၣ်လၢတၢ်ဒီသဒၢအတၢ်ကွၢ်ထွဲ ကွၢ်လီၤတံၢ်၀ဲဒၣ် နတၢ်အိၣ်ဆူၣ်အိၣ်ချ့ထီရီၤဒီးကပှဲၤဒီးတၢ်အိၣ်ဆူၣ်အိၣ်ချ့အဂီၢ်ဒ်လဲၣ်န့ၣ်လီၤ. ဘၣ်ဆၣ်တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်မ့ၢ် ကဲထီၣ်တၢ်လဲၤထံၣ်လိာ်သးဒီးကသံၣ်သရၣ်ဘၣ်သ့ၣ်သ့ၣ် နကဘၣ်ဟ့ၣ်အဘူးအလဲန့ၣ်လီၤ. ဘၣ်မနုၤအဃိလဲၣ်န့ၣ် မၤလိတက့ၢ်.

တၢ်ကွၢ်ကဒါက့ၤ

တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ် ကဲထီၣ် တၢ်လဲၤထံၣ်လိာ်သးဒီးကသံၣ်သရၣ်အခါဖဲလဲၣ်.

တၢ်ဒီသဒၢအတၢ်ကွၢ်ထွဲန့ၣ် လီၤဆီလိာ်သးဒီး တၢ်လဲၤထံၣ်လိာ်သးဒီးကသံၣ်သရၣ်:

  • တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် အတၢ်ပညိၣ်န့ၣ်မ့ၢ်ဒ်သိး ကမၤတၢ်ကွၢ်ကဒါက့ၤ နနီၢ်ဒီတဂၤညါအတၢ်အိၣ်ဆူၣ်အိၣ်ချ့, ကဃုထံၣ်န့ၢ်တၢ်ဘၣ်ယိၣ်တဖၣ်ဒီး ကဃုထံၣ်န့ၢ်တၢ် ဒ်သိးကအိၣ်ဆူၣ်အိၣ်ချ့အဂီၢ် ကဘၣ်မၤဒ်လဲၣ်န့ၣ်လီၤ. နတၢ်တိာ်ကျဲၤန့ၣ် ဟ့ၣ်အပှ့ၤလၢ တၢ်လဲၤထံၣ်လိာ်သးလၢတၢ်ဒီသဒၢဆိ 100% အဂီၢ် ဖဲနထံၣ်ကသံၣ်သရၣ်လၢနတၢ်တိာ်ကျဲအတၢ်တိာ်ကျဲၤဘျးစဲအပူၤန့ၣ်လီၤ.*
  • တၢ်လဲၤထံၣ်လိာ်သးဒီးကသံၣ်သရၣ် အတၢ်ပညိၣ်န့ၣ်မ့ၢ်ဒ်သိး ကကတိၤသကိးတၢ် မ့တမ့ၢ် ကဒိးန့ၢ်တၢ်ကူစါယါဘျါလၢ ဆူၣ်ချ့တၢ်ဘၣ်ယိၣ် မ့တမ့ၢ် တၢ်အိၣ်သး လီၤဆီတမံၤအဂီၢ်န့ၣ်လီၤ. ဘၣ်သ့ၣ်သ့ၣ်နကဘၣ်ဟ့ၣ်အလဲလၢ တၢ်လဲၤထံၣ်လိာ်သးအဂီၢ် ဒ်နတၢ်ဟ့ၣ်ဆိအဘူးအလဲ, တၢ်ဟ့ၣ်သဃဲၤ ဒီး/မ့တမ့ၢ် တၢ်အုၣ်ကီၤဟ့ၣ်သဃဲၤန့ၣ်လီၤ.

နမ့ၢ်သုးကျဲၤတၢ်ဒီသဒၢအတၢ်ကွၢ်ထွဲတၢ်လဲၤထံၣ်လိာ်သး ဒီးသံကွၢ်နကသံၣ်သရၣ်ဘၣ်ဃး ဆူၣ်ချ့တၢ်ဘၣ်ယိၣ်တမံၤ မ့တမ့ၢ်တၢ်အိၣ်အသးန့ၣ် နတၢ်ဆါဟံၣ်န့ၣ် ကကွဲးနီၣ်ဒီးဃ့အပှ့ၤလၢတၢ်သ့ၣ်ဆၢဖးကတီၢ်လၢတၢ်ထံၣ်လိာ်သးအဂီၢ် ဒ်တၢ်လဲၤထံၣ်လိာ်သးဒီးကသံၣ်သရၣ်န့ၣ်လီၤ.

နမ့ၢ်သးအိၣ်သ့ၣ်ညါဘၣ်ဃးတၢ်အပှ့ၤတဖၣ်န့ၣ် သံကွၢ်နကသံၣ်သရၣ်လၢ တၢ်အလဲတယာ်ဃာ်တချုးလၢနတၢ်လဲၤထံၣ်လိာ်သးဒီးအီၤတက့ၢ်. နကိးစ့ၢ်ကီးလီတဲစိနီၣ်ဂံၢ် လၢနကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံန့ၣ်တက့ၢ်. တၢ်ကွဲးရဲၣ်လၢလာ်အံၤ ပာ်ဖျါဝဲတၢ်တိစၢၤမၤစၢၤတဖၣ်လၢဘၣ်တၢ်ဟ့ၣ်အပှ့ၤ လၢတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် အဖၢမုၢ်န့ၣ်လီၤ.

လၢတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ် တၢ်လၢယကတိၤတၢ်သ့ ပူၤဖျဲးဒီးတၢ်ဟ့ၣ်အပှ့ၤန့ၣ်မ့ၢ်တၢ်ဂ့ၢ်မနုၤလဲၣ်.

လၢနတၢ်ဒီသဒၢအတၢ်ကွၢ်ထွဲအပူၤန့ၣ် နကသံၣ်သရၣ်န့ၣ်ကကွၢ်နဆူၣ်ချ့တၢ်ဘၣ်ယိၣ်တဖၣ် ဒီးကတိၤတၢ်ဒီးနၤဘၣ်ဃး:

  • နတၢ်အိၣ်ဆူၣ်အိၣ်ချ့တၢ်အိၣ်သးခဲအံၤ
  • နဟံၣ်ဖိဃီဖိအတၢ်အိၣ်ဆူၣ်အိၣ်ချ့အတၢ်စံၣ်စိၤတဲစိၤ
  • တၢ်ဆူးတၢ်ဆါဒီးတၢ်ကွဲးယါဘျါသးလၢအပူၤကွံာ်တဖၣ်
  • နအိၣ်ဒီးတၢ်ဘၣ်ယိၣ်ဘၣ်ဘှီလၢတၢ်အိၣ်သးတခါခါအဖီခိၣ်သ့
  • နကပၢၤဃာ်၀ဲဒၣ်တၢ်အိၣ်မူအလုၢ်အလၢ် လၢအဆူၣ်အချ့ဒ်လဲၣ်

တၢ်လီၤဆီလိာ်သး

တၢ်ထံၣ်လိာ်သးလၢ တၢ်ဒီသဒၢအတၢ်ကွၢ်ထွဲအဂီၢ်

နတၢ်တိာ်ကျဲၤန့ၣ် ဟ့ၣ်အပှ့ၤလၢတၢ်မၤဆီၣ်ထွဲတဖၣ် 100% န့ၣ်

  • ထိၣ်ကွၢ်၀ဲန​နီၢ်တယၢၢ်အဃၢ, အထီ, တၢ်ကိၢ်တၢ်ခုၣ်, သွံၣ်တၢ်ဆီၣ်သနံး ဒီးသွံၣ်စံၣ်
  • ကနၢ်ကွၢ်၀ဲဒၣ်နသးဒီးပသိၣ်
  • သမံသမိးကွၢ်၀ဲ နနၢ်, မဲာ်ချံ, ကိးယုၢ်ဘိ, ဘ့ၣ်, ဒီးဟၢဖၢ
  • တၢ်ဆဲးကသံၣ်ဒီသဒၢအကလုာ်ကလုာ်
  • တၢ်ကွၢ်သမံသမိးခဲစၢၣ်တၢ်ဆါအကလုာ်ကလုာ် ဒ်သိးလၢနုၢ်, ပှံာ်ပှၢ်ဒီးအ့ၣ်ကျိၤ, ဒၢလီၢ်ခိၣ်ထိး ဒီးဆှိးထံအချံခဲစၢၣ်တၢ်ဆါတဖၣ်
  • တၢ်သမံသမိးသွံၣ်တနီၤ ဒ်သိးကခံကွၢ်စီကွၢ်ခိၣ်လဲးစထြီမ့တမ့ၢ်တၢ်ဆၢဂာ်လၢသွံၣ်ကျါ

တၢ်လဲၤထံၣ်လိာ်သးဒီးကသံၣ်သရၣ်တမံၤ

နကဘၣ်ဟ့ၣ်အပှ့ၤလၢတၢ်မၤဆီၣ်ထွဲဝဲသ့ၣ်တဖၣ်အံၤအဂီၢ်

  • တၢ်ကတိၤသကိးတၢ် မ့တမ့ၢ်တၢ်ဒိးန့ၢ်တၢ်ကူစါလၢ ဆူၣ်ချ့တၢ်ဘၣ်ယိၣ်, တၢ်အိၣ်အသး မ့တမ့ၢ်တၢ်ဘၣ်ဒိဘၣ်ထံးတမံၤ
  • တၢ်မၤလၢစဲအ့ၣ်တၢ်မၤကွၢ်ဒၢအပူၤ, ဒိယဲၤဖျါတဖၣ်မ့တမ့ၢ်တၢ်သမံသမိးအဂၤတဖၣ် လၢအဘၣ်ဃးဆူၣ်ချ့တၢ်ဘၣ်ယိၣ်, တၢ်အိၣ်အသးမ့တမ့ၢ်တၢ်ဘၣ်ဒိဘၣ်ထံးတမံၤ

တၢ်ဟ့ၣ်အဘူးအလဲ

တၢ်ဒီသဒၢအတၢ်ကွၢ်ထွဲလၢအကြၢးအဘၣ်န့ၣ် အကါဒိၣ်လၢကပျဲနအိၣ်မူ ထီထီဒီးလၢဆူၣ်ချ့လၢပှဲၤအဂီၢ်န့ၣ်လီၤ. တၢ်ဒီသဒၢတၢ်သမံသမိးမၤကွၢ်န့ၣ် ဒီသဒၢစၢၤတၢ်ဆါတချုးလၢအစးထီၣ် ဒီးဃုထံၣ်တၢ်ဂ့ၢ်ကီတဖၣ်ဆိဆိတချုးလၢအဝဲသ့ၣ်ဒုးကဲထီၣ်တၢ်ဆါဖးဒိၣ်န့ၣ်လီၤ.

နလိၣ်ဘၣ်တၢ်ဒီသဒၢပှဲၤဘျီလဲၣ်ဒီးအကလုာ်ဒ်လဲၣ်န့ၣ် ဒိးသန့ၤအသးလၢ နသးအနံၣ်အလါ, မုၣ်ခွါအတၢ်မ့ၢ်တၢ်, ဆူၣ်ချ့ဒီးဟံၣ်ဃီဆူၣ်ချ့တၢ်စံၣ်စိၤတဲစိၤန့ၣ်လီၤ. ဖးကွၢ်ဘၣ် တၢ်ဟံးစုနဲၣ်ကျဲတဖၣ်လၢ ပိာ်ခွါ, ပိာ်မုၣ်, ဒီးဖိသၣ်တဖၣ်အဂီၢ်လၢ ပ တၢ်ဒီသဒၢအတၢ်ကွၢ်ထွဲလၢပပာ်နီၣ်ဃာ်အီၤတဖၣ် (PDF)န့ၣ်လီၤ.

တၢ်ဒီသဒၢအတၢ်ကွၢ်ထွဲလၢ Blue Cross ဒီး Blue Plus ဟ့ၣ်အပှ့ၤန့ၣ် လီၤဆီလိာ်သး ဒ်တၢ်တိာ်ကျဲၤအသိးန့ၣ်လီၤ. ကိးလီတဲစိနီၣ်ဂံၢ် လၢအအိၣ်လၢနကရူၢ်ဖိတၢ်ကွၢ်နီၣ်ကွၢ်ဃါခးက့ ဒ်သိးကဃုသ့ၣ်ညါလၢ နတၢ်တိာ်ကျဲၤဟ့ၣ်အပှ့ၤမနုၤလဲၣ်အဂီၢ်တက့ၢ်.

ဃုဒိးန့ၢ်ကသံၣ်သရၣ်တဂၤ ဒီးရဲၣ်ကျဲၤနတၢ်ဒီသဒၢအတၢ်ကွၢ်ထွဲတၢ်ထံၣ်လိာ်သးတနံၤညါအံၤတက့ၢ်.

ဃုကွၢ်တၢ်ကွၢ်ထွဲကဟုကယာ်

ကွၢ်ဃု ပှာ်ဘျးစဲပူၤကသံၣ်သရၣ်တဖၣ် ဒီးပှၤမၤစၢၤတၢ်တဖၣ်လၢ နလီၢ်က၀ီၤအပူၤတက့ၢ်. နုာ်လီၤတၢ်တိာ်ကျဲၤခဲအံၤတၢ်ဟ့ၣ်အဘူးအလဲအဂီၢ်

ဃုကွၢ်တၢ်ကွၢ်ထွဲကဟုကယာ်

နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.

တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.