တၢ်သ့ၣ်ညါ နတၢ်န့ၢ်ဘျုးတဖၣ်န့ၣ် မၤတၢ်ဒီး ကသံၣ်ကသီလၢကသံၣ်သရၣ်ဟ့ၣ်လီၤ အကလုာ်တဖၣ်ဒ်လဲၣ်န့ၣ် မၤစၢၤနၤလၢ နကသုးကျဲၤ နတၢ်လၢာ်ဘူၣ်လၢာ်စ့ၤ သ့ဝဲလီၤ.
ဆူၣ်ချ့တၢ်တိာ်ကျဲၤခဲလၢာ်တဟ့ၣ်တၢ်အပှ့ၤလၢ ကသံၣ်လၢကသံၣ်သရၣ်ဟ့ၣ်လီၤလၢ အဒ်သိးလိာ်သးတဖၣ်အဂီၢ်ဘၣ်ႉ နဆူၣ်ချ့တၢ်တိာ်ကျဲၤ န့ၣ်အိၣ်ဝဲဒီးကသံၣ်ကသီအမံၤကွဲးရဲၣ်စရီလၢအကဟ့ၣ်န့ၢ်အပှ့ၤအဂီၢ်,လၢအဘၣ်တၢ်ကိးအီၤလၢ ကသံၣ်မံၤကွဲးရဲၣ်လၢအဖိးသဲစးလီၤႉ နမ့ၢ်လိၣ်ဘၣ်ကသံၣ်ဖီၣ်လၢ နတၢ်တိာ်ကျဲတဟ့ၣ်န့ၢ်အပှ့ၤဘၣ်အဃိဒီး, နကဘၣ်ဒုးဟ့ၣ်အါထီၣ်တၢ် − ဘၣ်သ့ၣ်သ့ၣ်ကမ့ၢ်လၢတၢ်အပှ့ၤကလံၤခဲလၢာ်အဂီၢ် − လၢနတိၢ်ထၢၣ်ဒၣ်နဲအပူၤန့ၣ်လီၤႉ
နကဘၣ်နီၤဟ့ၣ်တၢ်အပှ့ၤဘၣ်ထွဲဒီး ကသံၣ်ဖီၣ်တနီၤလၢနတၢ်တိာ်ကျဲၤဟ့ၣ်န့ၢ်ဝဲအပှ့ၤတဖၣ်အဂီၢ်စ့ၢ်ကီးလီၤႉ နကဘၣ်ဟ့ၣ်အပှ့ၤဆံးအါဆံးအါန့ၣ် ဒိးသန့ၤထီၣ်သးလၢ ကသံၣ်ဖီၣ်အကလုာ်ဒီး ကသံၣ်ဖီၣ်အပတီၢ်တၢ်ဂ့ၢ်တဖၣ်အဖီခိၣ်န့ၣ်လီၤႉ
နလဲၤဒိးန့ၢ်ကသံၣ်လၢကသံၣ်သရၣ်ဟ့ၣ်လီၤနၤတဖၣ်ဖဲလဲၣ် အဂ့ၢ်စ့ၢ်ကီးကဲထီၣ်ဝဲတၢ်ဒိဘၣ်သ့လၢ နကဘၣ်ဟ့ၣ်ကသံၣ်ဖီၣ်အပှ့ၤဆံးအါဆံးအါအဂီၢ်လီၤႉ စူးကါ ကသံၣ်ကျးတဖျၢၣ် လၢအအိၣ်လၢ နတၢ်တိာ်ကျဲၤ ဘျးစဲအပူၤ လၢနကဒိးန့ၢ်ဘၣ် တၢ်အုၣ်ကီၤဟ့ၣ် တၢ်အဘူးအလဲ အပတီၢ် အထီကတၢၢ် အဂီၢ်န့ၣ်တက့ၢ်.
နုာ်လီၤလၢနကရူၢ်ဖိအကီး လၢကဃုကွၢ်ဝဲ ကသံၣ်ကသီ လၢနကသံၣ်ကသီလၢတၢ်ဟ့ၣ်အဘူးအလဲ အမံၤကွဲးရဲၣ်အပူၤ ဒီးတၢ်ဟ့ၣ်ကသံၣ်ဒၢး လၢနတၢ်ဘျးစဲပူၤန့ၣ်တက့ၢ်.
Blue Cross ဒီး Blue Shield လၢ Minnesota ဒီး Blue Plus ဆူၣ်ချ့တၢ်တိာ်ကျဲၤတဖၣ်န့ၣ် အါဒၣ်တၢ်တက့ၢ်ပာ်ဖှိၣ်က့ၤကသံၣ်ဖီၣ်လၢအဒုးဟ့ၣ်တၢ်အပှ့ၤတဖၣ်အဂီၢဆူ ကသံၣ်ဖီၣ်အပတီၢ်တဖၣ်လၢအအိၣ်ဒီးအနီၣ်ဂံၢ်တဖၣ်, လၢအဆီတလဲဝဲဒ်တၢ်တိာ်ကျဲၤအကလုာ်အသိးန့ၣ်လီၤႉ
ကသံၣ်ဖီၣ်အပတီၢ်အနီၣ်ဂံၢ်မ့ၢ်စှၤဒီး, ကသံၣ်ဖီၣ်အပှ့ၤလၢနကဘၣ်ဟ့ၣ်န့ၣ်ညီနုၢ်ကစှၤဝဲဒၣ်လီၤႉ
ကသံၣ်ဖီၣ်အပတီၢ်တခါဘၣ်တခါန့ၣ် အိၣ်ဒီးကသံၣ်ဖီၣ်လၢအကလုာ်လီၤဆီလိာ်အသးတဖၣ်လီၤႉ
လၢလာ်အံၤ ကမ့ၢ်တၢ်အဒိအတဲာ်တနီၤလၢကသံၣ်ကသီတဖၣ် အပတီၢ် ဒီး အကလုာ်တဖၣ်လၢနကထံၣ်ဘၣ်လၢနတၢ်တိာ်ကျဲၤအတၢ်ပီးတၢ်လီတဖၣ်အပူၤန့ၣ် ကမ့ၢ်ဝဲဒ်အံၤလီၤ-
ကသံၣ်ဖီၣ်အိၣ်ဒီးအမံၤအမ့ၢ်အတီလၢအတမ့ၢ်ဘၣ်ပနံာ်မံၤတဖၣ်န့ၣ် အိၣ်ဒီးတၢ်ပာ်ဖှိၣ်အမူအဂဲၤလၢအဒ်သိးလိာ်အသးဒီး မၤတၢ်မၤလီၤဂာ်ဒ်ကသံၣ်ဖီၣ်တမံၤဃီလၢအဟဲဒီးပနံာ်မံၤတဖၣ်လၢ အကဲဒိးတၢ်တဖၣ်အသိးန့ၣ်လီၤႉ
အဝဲသ့ၣ်အပှ့ၤန့ၣ်အါတက့ၢ်စှၤန့ၣ်ဒံး ကသံၣ်ဖီၣ်အိၣ်ဟဲလၢပနံာ်မံၤတဖၣ်န့ၣ်လီၤႉ
နကဘၣ်ဟ့ၣ်ကသံၣ်ဖီၣ်တဖၣ်အံၤအပှ့ၤအါန့ၣ်ဒ် ကသံၣ်ဖီၣ်လၢအတအိၣ်ဒီးပနံာ်မံၤတဖၣ်လၢဘၣ်တၢ်သူအီၤအါတဖၣ်န့ၣ်လီၤႉ
ကသံၣ်ဖီၣ်တဖၣ်အံၤပာ်ဝဲဒၣ်လၢ ကသံၣ်ကသီစရီလၢတၢ်တိာ်ကျဲၤဒုးဟ့ၣ်န့ၢ်အပှ့ၤဒီး တအိၣ်ဒီးကသံၣ်လီၤဂာ်ဒ်အီၤလၢ ကသံၣ်ဖီၣ်လၢအတအိၣ်ဒီးပနံာ်မံၤတဖၣ်အကျါသ့ဝဲန့ၣ်လီၤႉ
အပှ့ၤအိၣ်အါန့ၣ်ဒ်ကသံၣ်ဖီၣ်လၢအတအိၣ်ဒီးပနံာ်မံၤတဖၣ် ဘၣ်ဆၣ်သနာ်က့ အပှ့ၤအိၣ်စှၤန့ၣ်ဒ်ကသံၣ်ဖီၣ်လၢအအိၣ်ဒီးပနံာ်မံၤတဖၣ်လၢဘၣ်တၢ်သူအီၤစှၤတဖၣ်လီၤႉ
နကဘၣ်ဟ့ၣ်ကသံၣ်ဖီၣ်တဖၣ်အံၤအပှ့ၤအါန့ၣ်ဒ် ကသံၣ်ဖီၣ်လၢအအိၣ်ဒီးပနံာ်မံၤတဖၣ်လၢဘၣ်တၢ်သူအီၤအါတဖၣ်လီၤႉ
နဟံးန့ၢ်ကသံၣ်တအိၣ်ဒီးပနံာ်မံၤတခါလၢအလီၢ်သ့ဝဲ အဃိဒီးနကဘၣ်ဟ့ၣ်အပှ့ၤကစှၤဒိၣ်ဝဲန့ၣ်လီၤႉ
ကသံၣ်ဖီၣ်တဖၣ်အံၤဘၣ်တၢ်သုအီၤလၢ ဆူၣ်ချ့တၢ်အိၣ်သးတဖၣ်လၢအလဲၤသးတပယူၢ်ဃီအဂီၢ်ဒီး အပှ့ၤလီၤတဲာ်ဝဲဒၣ်အါမးန့ၣ်လီၤႉ
အဝဲသ့ၣ်တဖၣ်လိၣ်ဘၣ်ဒ်သိး တၢ်ကသုးကျဲၤကတဲာ်ကတီၤအီၤလီၤလီၤဆီဆီဒီး ဘၣ်တၢ်ပှ့ၤန့ၢ်အီၤခီဖျိကသံၣ်လီၤဆီအကျးတဖၣ်လီၤႉ
ကသံၣ်ကသီလၢကသံၣ်သရၣ်ဟ့ၣ်လီၤတဖၣ် အပှ့ၤလီၤတဲာ်အါဝဲသ့ ဖဲနဆူၣ်ချ့တၢ်တိာ်ကျဲၤ ဟ့ၣ်န့ၢ်အပှ့ၤအခါလီၤ.
နတၢ်အိၣ်ဆူၣ်အိၣ်ချ့တအိၣ်ဒီးတၢ်ဘၣ်ယိၣ်အလီၢ်ဘၣ်အမဲာ်ညါ နမၤစှၤလီၤနတၢ်လၢာ်ဘူၣ်လၢာ်စ့တဖၣ်သ့ဝဲလၢကျဲဒ်အံၤလီၤ:
စးထီၣ်ဒီးကသံၣ်ဖီၣ်လၢအတအိၣ်ဒီးပနံာ်မံၤ
နကသံၣ်ဖီၣ်န့ၣ်ဒိးန့ၢ်ဘၣ်မ့ၢ်သ့ဒ် ကသံၣ်ဖီၣ်လၢအတအိၣ်ဒီးပနံာ်မံၤတခါအသိးန့ၣ်,သူကွၢ်ဆိအီၤတက့ၢ်.
သမံသမိး နတၢ်တိာ်ကျဲၤအ ကသံၣ်ကသီလၢတၢ်ဟ့ၣ်အဘူးအလဲ အမံၤကွဲးရဲၣ်
နကသံၣ်ဖီၣ်မ့ၢ်တအိၣ်လၢအမံၤကွဲးရဲၣ်အစရီပူၤဘၣ်ဒီး, သံကွၢ်သံဒိးနကသံၣ်သရၣ်ဘၣ်ဃး ကသံၣ်ဂာ်လိာ်သးအဂၤတခါလၢနတၢ်တိာ်ကျဲၤဟ့ၣ်န့ၢ်အီၤသ့အဂီၢ်န့ၣ်တက့ၢ်ႉ ကသံၣ်ကသီလၢတၢ်ဟ့ၣ်အဘူးအလဲစရီတဖၣ် (ကသံၣ်ကသီလၢအဖိးသဲစးတဖၣ်)န့ၣ်ဆီတလဲသ့ဒီတနံၣ်ကျၢၤညါန့ၣ်လီၤ.
ကွၢ်ဃုကသံၣ်ကျးလၢ နပှာ်ဘျးစဲအပူၤ
နကဘၣ်ဟ့ၣ်အပှ့ၤအါဒိၣ်ဝဲလၢကသံၣ်လၢကသံၣ်သရၣ်ဟ့ၣ်လီၤနၤတဖၣ်လၢ နမၤပှဲၤအီၤဖဲကသံၣ်ကျးတဖၣ်လၢ အတဘၣ်တၢ်ဃုထၢအီၤအါအါလၢနတၢ်ဘျးစဲအပူၤန့ၣ်လီၤႉ
ကွၢ်ထံသမံသမိးနတၢ်တိာ်ကျဲၤဒ်သိး နကဃုကွၢ်ကသံၣ်ကျးလၢတၢ်တိာ်ကျဲၤဘျးစဲပူၤလၢ အဘူးဒီးနဟံၣ် မ့တမ့ၢ် နတၢ်မၤလီၢ်န့ၣ်တက့ၢ်ႉ
နုာ်လီၤလၢနကရူၢ်ဖိအကီးအပူၤ လၢကဃုကွၢ်ဝဲ ကသံၣ်ကသီလၢတၢ်ဟ့ၣ်အဘူးအလဲ ဒီးကသံၣ်ကျး အမံၤကွဲးရဲၣ် လၢနနီၢ်ကစၢ်အဂီၢ်န့ၣ်တက့ၢ်.
စူးကါ တၢ်ဆှၢကသံၣ်လၢကသံၣ်သရၣ်နဲၣ်လီၤ အတၢ်တိစၢၤမၤစၢၤ
နဘၣ်စူးကါကျိၣ်စ့ ကစှၤလီၤဝဲဒၣ် ခီဖျိ နစူးကါ ကသံၣ်ကျး လၢတၢ်မၤလိာ်ကသံၣ်လၢတၢ်ပရၢသ့ လၢနကသံၣ်ကသီတဖၣ်လၢ နဘၣ်အီအီၤလၢ တၢ်ဆါယံာ်ထၢနးတဖၣ်အဂီၢ် အဒိဒ်သိး သွံၣ်ဂံၢ်ထီၣ်တၢ်ဆါတဖၣ် မ့တမ့ၢ် ဆံၣ်ဆၢတၢ်ဆါတဖၣ်အဂီၢ်န့ၣ်လီၤ. နကသံၣ်ကသီလၢကသံၣ်သရၣ်ဟ့ၣ်လီၤတဖၣ်န့ၣ် ကဘၣ်တၢ်ဆှၢအီၤဆူနအိၣ်လိၤလိၤခီဖျိ တၢ်ဆှၢလံာ်ပရၢသနူန့ၣ်လီၤႉ
မၤလိသ့ၣ်ညါဘၣ်ဃး တၢ်ဆှၢတၢ်ဟ့ၣ်ကသံၣ်အလံာ်က့အဂ့ၢ်အကျိၤတက့ၢ်
ကတိၤတၢ်ဒီးနကသံၣ်သရၣ်
နမ့ၢ်ဆိကမိၣ်တၢ်ကီလၢနဂီၢ်ဒ်သိး နကသုးကျဲၤနကသံၣ်ကသီလၢကသံၣ်သရၣ်ဟ့ၣ်လီၤတဖၣ်အပှ့ၤအဂီၢ်အဃိဒီး, သံကွၢ်သံဒိးနကသံၣ်သရၣ်ဘၣ်ဃး ကသံၣ်အဂၤတဖၣ်လၢဘၣ်တၢ်သူအီၤသ့ လၢအပှ့ၤစှၤတဖၣ်အဂ့ၢ်န့ၣ်တက့ၢ်ႉ
အီကသံၣ်ဖီၣ်တဖၣ် ဒ်နဘၣ်တၢ်မၤလိာ်နၤအသိးတက့ၢ်
တၢ်သူကသံၣ်ဖီၣ်ထဲအဘျီတဝာ် မ့တမ့ၢ် ကသံၣ်ဖီၣ်ထဲတဝာ် ဒ်သိးတၢ်ကမၤစှၤလီၤတၢ်လၢာ်ဘူၣ်လၢာ်စ့အဂီၢ်န့ၣ် ဒုးကဲထီၣ်တၢ်တံာ်တာ်တဖၣ်လၢနတၢ်အိၣ်ဆူၣ်အိၣ်ချ့အဂီၢ်သ့ဝဲဒီး ကဒုးလၢာ်နကျိၣ်စ့အါန့ၣ်အန့ၣ်တက့ၢ်လၢ နတၢ်ကူစါယါဘျါကျဲဒိဘိန့ၣ်လီၤႉ
မၤန့ၢ်ကလီဝဲ Contour®Next တၢ်ထိၣ်နီၣ်ပီးလီ
ဒ် ပတၢ်အၢၣ်လီၤတမံၤလၢ နတၢ်အိၣ်ဆူၣ်အိၣ်ချ့အဂီၢ်အသိး, ပဟ့ၣ်ထီၣ်နၤ တၢ်ဃုထၢ ဘၣ်ဃးဒီး သွံၣ်ပူၤကလူကိး(စ) တၢ်ထိၣ်နီၣ်တဖၣ် လၢတအိၣ်ဘၣ်ဒီး တၢ်ပာ်တၢ်အပှ့ၤဘၣ် န့ၣ်လီၤ.
မၤပိာ်ထွဲ တၢ်အပတီၢ်တဖၣ်အံၤဒ်သိး နကဒိးန့ၢ်ကလီနနီၣ်ထိၣ်အဂီၢ်တက့ၢ်
နဆူၣ်ချ့တၢ်တိာ်ကျဲၤကအိၣ်ဝဲဒီး တၢ်ရဲၣ်တၢ်ကျဲၤတဖၣ်လၢ အကမၤစၢၤနတၢ်သုးကျဲၤတၢ်လၢာ်ဘူၣ်လၢာ်စ့တဖၣ်အဂီၢ်ဒီး မၤလီၤတံၢ်ဒ်သိးကအိၣ်ဒီး တၢ်သူကသံၣ်ကသီလၢကသံၣ်သရၣ်ဟ့ၣ်လီၤတဖၣ် ပူၤပူၤဖျဲးဖျဲးအဂီၢ်လီၤႉ
တၢ်ရဲၣ်တၢ်ကျဲၤတဖၣ်အံၤပာ်ဃုာ်ဝဲဒီး:
ခီဖျိလၢတၢ်ရဲၣ်တၢ်ကျဲၤအံၤအဃိ, နတၢ်တိာ်ကျဲၤန့ၣ်လိၣ်ဘၣ်နကသံၣ်သရၣ် ဒ်သိးအကဟ့ၣ်ကသံၣ်ကသီပူၤပူၤဖျဲးဖျဲးလၢအဆိ, ကသံၣ်ဖီၣ်လၢအပှ့ၤဘၣ်တချုးဖဲ အထီၣ်ဆူအဖီခိၣ်တဆီလၢ အအိၣ်ဒီးကသံၣ်တခါလၢအမ့ၢ်တၢ်အသီ မ့တမ့ၢ် လၢအအိၣ်ဒီးအပှ့ၤဖးဒိၣ်အဂီၢ်လီၤႉ
ဒ်သိးတၢ်ကမၤလီၤတံၢ်က့ၤ တၢ်သူကသံၣ်ပူၤပူၤဖျဲးဖျဲးဒီးလၢ အကျဲဘၣ်အကတီၢ်ဘၣ်အဂီၢ်န့ၣ်, ကသံၣ်ကသီတနီၤန့ၣ် တၢ်ကဘၣ်အၢၣ်လီၤတူၢ်လိာ်အီၤလၢနဆူၣ်ချ့တၢ်တိာ်ကျဲၤ တချုးဖဲကသံၣ်တဖၣ်တဘၣ်တၢ်ဟ့ၣ်န့ၢ်အီၤအဘူးအလဲဒ်ဘၣ်လီၤႉ
တၢ်ရဲၣ်တၢ်ကျဲၤတမံၤအံၤဟ့ၣ်ထီၣ်ဝဲဒၣ် တၢ်သူကသံၣ်ပူၤပူၤဖျဲးဖျဲး ဒီး တၢ်တြီဃာ်တၢ်အဆၢလၢအတၢ်ဒၣ်ဝဲဘၣ်ထွဲဒီး နမၤပှဲၤက့ၤနကသံၣ်တဖၣ်သ့ပှဲၤဘျီလဲာ် မ့တမ့ၢ် နဒိးန့ၢ်ဘၣ်ကသံၣ်အါအါသ့ထဲလဲၣ်လၢ နတၢ်မၤပှဲၤက့ၤအီၤတဘျီအဂီၢ်န့ၣ်လီၤႉ
န ကသံၣ်ကျး တၢ်န့ၢ်ဘျုးတဖၣ်န့ၣ် ဟ့ၣ်နၤ တၢ်နုာ်လီၤခွဲးယာ်လၢ တၢ်ဃုထၢ ကသံၣ်ကျး ညီညီအဂီၢ်, ကဟ့ၣ်နၤတၢ်ပျဲလၢ နကမၤပှဲၤ ထးခိၣ်ခဲစၢၣ် ကသံၣ်ကသီလၢ ကသံၣ်သရၣ်နဲၣ်လီၤ ဖဲ နလီၢ်ကဝီၤ ကသံၣ်ကျးလၢ အပၣ်ဃုာ်မၤသကိးတၢ်အပူၤ ဒ် ကသံၣ်ဒၢး, တၢ်ဆါဟံၣ်, ဒီး /မ့တမ့ၢ် ဆူၣ်ချ့ တၢ်မၤအကျဲကပူၤ အဒ့တဖၣ် အသိးန့ၣ်လီၤ.
တၢ်အံၤ ကမၤစၢၤနၤလၢ နကလဲၤဟံးန့ၢ် နကသံၣ်ဖီၣ်လၢ ကသံၣ်သရၣ်နဲၣ်လီၤ ဖဲ ကသံၣ်ဒၢးအပူၤ န့ၣ်လီၤ.
ကသံၣ်ကျးတဖၣ်လၢ အပၣ်ဃုာ်တၢ် အသီ လၢတၢ်တဖၣ်အကျါ တခါန့ၣ် မ့ၢ်ညီဒိၣ်ဝဲဒၣ်လၢနဂီၢ်အဃိ, သံကွၢ်ဘၣ် ကသံၣ်သရၣ်လၢနဲၣ်လီၤနၤ ကသံၣ်ဖီၣ် ဘၣ်ဃးဒီး နကသုးကွံာ် န တၢ်ဟ့ၣ်ကသံၣ်အလံာ်က့ အဂီၢ်န့ၣ်တက့ၢ်.
ကတိၤတၢ်ဒီး Blue Cross အပှၤဘၣ်မူဘၣ်ဒါတဂၤ
1-800-262-0823 (TTY 711)