သးခုတူၢ်လိာ်မုာ်ဘၣ်သုလီၤ, Allianz ပှၤမၤသကိးဃုာ်တၢ်တဖၣ်

နုာ်လီၤကွၢ်ပှာ်ယဲၤသန့အါဘျီ လၢကဒိးန့ၢ်တၢ်ဂ့ၢ်တၢ်ကျိၤ ဒီးတၢ်ကစီၣ်မၤသီထီၣ်လၢအကါဒိၣ် ဘၣ်ဃးဒီးနဆူၣ်ချ့တၢ်တိာ်ကျဲၤအဂီၢ်တက့ၢ်.

စးထီၣ်လၢ Blue Care Advisor

ဖဲ နဆဲးလီၤမံၤနုာ်လီၤဆူ ပကရူၢ်ဖိ အပှာ်သန့အပူၤအခါ, နကဘၣ်တၢ်နဲၣ်လီၤနၤဆူ Blue Care Advisor^SM အပူၤ လၢအမ့ၢ် တၢ်ဘျးစဲဆူ နတၢ်န့ၢ်ဘျုးတဖၣ်, တၢ်ဃ့ထီၣ်တဖၣ်, တၢ်ရဲၣ်တၢ်ကျဲၤဒီး တၢ်အဂၤတဖၣ်အအိၣ်န့ၣ်လီၤ. နကဒိးန့ၢ်ဘၣ်တၢ်ဂ့ၢ်တၢ်ကျိၤလၢ နတၢ်န့ၢ်ဘျုးတဖၣ်ဒီး နဂ့ၢ်နကျိၤအဖီခိၣ် တဘျီဃီဃုာ်ဒီး တၢ်ဟ့ၣ်ကူၣ်လၢနခီၣ်ကါလၢနကလဲၤတဖၣ်အဂီၢ်မ့ၢ်ဒ်သိး တၢ်ကမၤဂ့ၤထီၣ်နတၢ်အိၣ်ဆူၣ်အိၣ်ချ့အဂီၢ်န့ၣ်လီၤႉ

ဆဲးလီၤမံၤနုာ်လီၤဆူ ကရူၢ်ဖိ ပှာ်ဘျးစဲအပူၤ မ့တမ့ၢ် ထုးဟံးန့ၢ် Blue Care Advisor အဲး(ပ) လၢကစးထီၣ်အဂီၢ်န့ၣ်တက့ၢ်. 

နုာ်လီၤ      ဆဲးလီၤမံၤ 

BlueCard PPO - နပှၤဆီၣ်ထွဲတၢ်ပှာ်ဘျးစဲ

ပှၤကွၢ်ထွဲနၤလၢနတၢ်ရဲၣ်ကျဲၤဘျးစဲအပူၤ, BlueCard ပှၤကွၢ်ထွဲတၢ်ကသံၣ်သရၣ်လၢနဘၣ်သး အတၢ်ကရၢကရိ (PPO), မၤသကိးတၢ်ဒီး ကသံၣ်သရၣ်, တၢ်ဆါဟံၣ် ဒီးကသံၣ်ဒၢးလၢထံကီၢ်ဒီတဘ့ၣ်အပူၤန့ၣ်လီၤ. ဖဲနလဲၤကူစါနသးတဘျီလၢ်လၢ်, ဒုးနဲၣ်ဘၣ်နကရူၢ်ဖိ (ID) ခးတက့ၢ်.

နမ့ၢ်ဒိးန့ၢ်ဘၣ် တၢ်တိစၢၤမၤစၢၤလၢ ကသံၣ်သရၣ်လၢတၢ်တိာ်ကျဲၤဘျးစဲအချၢန့ၣ် နကအိၣ်ဒီးတၢ်န့ၢ်ဘျုးတၢ်ဟ့ၣ်အဘူးအလဲလၢအစှၤလီၤ ဃုာ်ဒီးပ HDHP တၢ်တိာ်ကျဲၤန့ၣ်လီၤ. မ့တမ့ၢ်လၢ ဂ့ၢ်ဂီၢ်အူတၢ်ကူစါခီဖျိပ EPO တၢ်တိာ်ကျဲၤန့ၣ် နတမ့ၢ်ကအိၣ်ဒီး တၢ်န့ၢ်ဘျုးတၢ်ဟ့ၣ်အဘူးအလဲနီတမံၤဘၣ်.

ကသံၣ်ကျး တၢ်ရဲၣ်တၢ်ကျဲၤ

နဃုကွၢ်နဲဒၣ် KeyRx ကသံၣ်ကသီ အမံၤကွဲးရဲၣ် ဒ်သိးနကထံၣ်ဘၣ် ကသံၣ်ကသီလၢကသံၣ်သရၣ်ဟ့ၣ်လီၤတဖၣ် လၢအဘၣ်တၢ်ကျၢၢ်ဘၢအီၤလၢ နတၢ်တိာ်ကျဲၤ, ဃုထၢ BCBSMN KeyRx ကသံၣ်ကသီ အမံၤကွဲးရဲၣ် တက့ၢ်. စူးကါပ ဃုကွၢ် ကသံၣ်ကျးတဖျၢၣ် အပီးအလီ လၢနကဃုထံၣ်န့ၢ်ဘၣ် ကသံၣ်ကျးလၢတၢ်တိာ်ကျဲၤဘျးစဲပူၤ လၢအဘူးဒီးနၤ, ဃုထၢ ပှာ်ယဲၤဘျးစဲလၢ တၢ်ဃုထၢန့ၣ်တက့ၢ်.

MedsYourWay - တၢ်ဆါတၢ်ကစဲးကစီးဒီး တၢ်ဆှၢခီဆူဟံၣ်

ခီဖျိ MedsYourWay န့ၣ် နကဒိးန့ၢ်ဘၣ်တၢ်အဘူးအလဲအစှၤကတၢၢ်လၢ နဒိးန့ၢ်သ့လၢ ကသံၣ်ကသီလၢကသံၣ်သရၣ်ဟ့ၣ်လီၤတဖၣ် အဂီၢ်န့ၣ်လီၤ. MedsYourWay ထိၣ်သတြီၤဝဲ ကသံၣ်ခးက့တၢ်မၤစှၤလီၤအဘူးအလဲတဖၣ် ဒီးနဆူၣ်ချ့တၢ်တိာ်ကျဲၤကသံၣ်ကျးတၢ်န့ၢ်ဘျုး ဒ်သိးကဟ့ၣ်နၤ အဘူးအလဲစှၤကတၢၢ် အဂီၢ်န့ၣ်လီၤ. တၢ်မၤစှၤလီၤအဘူးအလဲခးက့တလိၣ်ဘၣ်. ဒုးနဲၣ်နကရူၢ်ဖိ (ID) ခးယိယိဖိ လၢနပှာ်ဘျးစဲပူၤကသံၣ်ကျးန့ၣ်တက့ၢ်. ကယဲၢ်တၢ်ဘူးအလဲလၢနဟ့ၣ် လၢနကသံၣ်ထံလဲတဖၣ်အဂီၢ် (တၢ်ဟ့ၣ်သဃဲၤ, တၢ်ထုးစှၤလီၤစ့, ဒီး/မ့တမ့ၢ် တၢ်အုၣ်ကီၤသဃဲၤ) န့ၣ်ဘၣ်ထွဲဒီးနတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်န့ၣ်လီၤ. နမ့ၢ်သးလီဒိးန့ၢ် တၢ်ဃုထၢလၢအဘၣ်ဘျီးဘၣ်ဒါဒိၣ်တမံၤန့ၣ် နစူးကါ MedsYourWay တၢ်ရဲၣ်တၢ်ကျဲၤခီဖျိ Amazon Home Delivery သ့ဝဲန့ၣ်လီၤ. ကသံၣ်ကသီတဖၣ်လၢ တၢ်ကျၢၢ်ဘၢပာ်အီၤန့ၣ် ကဘၣ်တၢ်မၤပှဲၤက့ၤအီၤခီဖျိ Amazon ကသံၣ်ကျးတဖၣ်န့ၣ် ကဘၣ်တၢ်ဆှၢန့ၢ်နၤဆူနဟံၣ် လၢအဘူးအလဲကလီန့ၣ်လီၤႉ လၢနကစးထီၣ်စူးကါ တၢ်ရဲၣ်တၢ်ကျဲၤ ခီဖျိ Amazon တၢ်ဆှၢခီဆူဟံၣ်အဂီၢ်, လဲၤကွၢ်ဖဲ amazon.com/bluecrossmnMYW မ့တမ့ၢ် ကိး1-855-206-2430 တက့ၢ်.

_{1 Amazon ကသံၣ်ကျး တနီၤဟ့ၣ်တၢ်ဆၢကတီၢ်ရဲၣ်ကျဲၤ 2 ကသံၣ်မူၤဘှိးတဖၣ်ဘၣ်.
2 MedsYourWay ကသံၣ်လၢကသံၣ်သရၣ်ဟ့ၣ်လီၤအပှ့ၤစှၤခးက့ လၢအဘၣ်တၢ်သုးကျဲၤအီၤခီဖျိ Inside Rx LLC န့ၣ်တမ့ၢ်တၢ်အုၣ်ကီၤဘၣ်. နကဘၣ်ဟ့ၣ်ဝဲ ကသံၣ်ကသီလၢကသံၣ်သရၣ်ဟ့ၣ်နၤတဖၣ်အဘူးအလဲ ဖဲအစူးကါခးက့အခါန့ၣ်လီၤ. တၢ်ပနီၣ်တြီတဖၣ်အိၣ်ဝဲန့ၣ်လီၤ.
3 တၢ်ပာ်ဖှိၣ်အထိၣ်ဃူဒွးဃူ လၢအခီၣ်ထံးခီၣ်ဘိအိၣ်လၢ တၢ်သူဒီး Inside Rx တၢ်ဂ့ၢ်ထၢဖှိၣ် ဒ်အထိၣ်သတြီၤအီၤ ဒီးစ့အပှ့ၤတဖၣ်, တၢ်ပာ်ဖှိၣ်အထိၣ်ဃူဒွးဃူတဖၣ်န့ၣ် တုၤလၢ 80% လၢကသံၣ်ကသီပနံာ်မံၤတအိၣ် ဒီး37% လၢကသံၣ်ကသီပနံာ်မံၤအိၣ်တဖၣ်အဂီၢ်န့ၣ်လီၤ. တၢ်တြီဃာ်တဖၣ်အိၣ်ဝဲန့ၣ်လီၤ.
4 နကသံၣ်ကသီန့ၣ် အတၢ်လိၣ်တဖၣ်မ့ၢ်တလၢပှဲၤဘၣ်န့ၣ် အဘူးအလဲန့ၣ်တမ့ၢ်ကဘၣ်တၢ်ဂံၢ်အီၤ လၢန (တၢ်ပာ်ဖှိၣ်)စ့အါကတၢၢ်လၢအဟးထီၣ်လၢနအိၣ်လိၤလိၤန့ၣ်ဘၣ်န့ၣ်လီၤ. တၢ်လိၣ်ညီနုၢ်တဖၣ်န့ၣ် ပၣ်ဃုာ်ဒီး တၢ်ဟ့ၣ်စိဟ့ၣ်ကမီၤဆိ (PA)လၢအလိၣ်ဘၣ်, တၢ်နီၣ်ဂံၢ်ပနီၣ်အဘျဲၣ် မ့တမ့ၢ်တၢ်ကူစါယါဘျါအဆီလိၣ်ဘၣ်တဖၣ်န့ၣ်လီၤ.}

ကသံၣ်ကသီလၢကသံၣ်သရၣ်နဲၣ်လီၤ လီၤလီၤဆီဆီတဖၣ်

ကသံၣ်ကသီလီၤလီၤဆီဆီတဖၣ်လၢ တၢ်ဆူးတၢ်ဆါကီခဲသဘံၣ်ဘုၣ်တဖၣ်အဂီၢ်န့ၣ် အါဒၣ်တၢ်တက့ၢ် အပှ့ၤအါဒိၣ်ဒီးလိၣ်ဝဲဒၣ် တၢ်ဆီၣ်ထွဲအါန့ၢ်ညီနုၢ်န့ၣ်လီၤ. နမ့ၢ်စူးကါ ပှၤထုးထီၣ်ပနံာ် အစးခိက့လၢ တၢ်ထုးထီၣ်အီၤလၢ တၢ်ကဆီတလဲတၢ်အဂီၢ်အဃိ, ထဲဒၣ်စ့အအါအစှၤလၢ နထုးထီၣ်ဟ့ၣ်အီၤလၢ နစ့ထၢၣ်ပူၤလၢ ကသံၣ်ကသီလီၤလီၤဆီဆီတဖၣ်အဂီန့ၣ် ကဘၣ်ထွဲဝဲဒၣ်ဒီး န တၢ်ဟ့ၣ်ဆိအဘူးအလဲ ဒီး/မ့တမ့ၢ် တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်/တၢ်ပာ်ပနီၣ်န့ၣ်လီၤ. န တၢ်ဟ့ၣ်သဃဲၤ န့ၣ်ဘၣ်သ့ၣ်သ့ၣ် ကစှၤဝဲ ဖဲနဆဲးလီၤမံၤဖဲ FlexAccess တၢ်ရဲၣ်တၢ်ကျဲၤအပူၤန့ၣ်လီၤ. FlexAccess တၢ်ရဲၣ်တၢ်ကျဲၤအံၤန့ၣ် ဘၣ်တၢ်တ့လီၤအီၤ ဒ်သိးကမၤစၢၤနၤဒီး တၢ်တိာ်ကျဲၤပၢၤစ့ခံမံၤလိာ် လၢကသံၣ်ကသီလီၤလီၤဆီဆီတဖၣ်အဖီခိၣ် ခီဖျိတၢ်ဒိးန့ၢ်တၢ်ဟ့ၣ်သဃဲၤအဘူးအလဲ တၢ်မၤစၢၤ(စးခိက့လၢတၢ်ထုးထီၣ်ဟ့ၣ်အီၤလၢ တကဆီတလဲတၢ်အဂီၢ်၀ လၢပှၤထုးထီၣ်ကသံၣ်တဖၣ်အအိၣ် ဖဲနဒိးန့ၢ်အီၤသ့အခါန့ၣ်လီၤ. နမ့ၢ်အိၣ်ဒီးတၢ်သံကွၢ်ဘၣ်ဃး တၢ်ရဲၣ်တၢ်ကျဲၤအံၤအဂ့ၢ်ဒီး တၢ်ကဘၣ်ဆဲးလီၤမံၤဒ်လဲၣ်အဂ့ၢ်န့ၣ်, ဝံသးစူၤကိးဘၣ် Blue Cross တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဖဲ1-855-545-2583တက့ၢ်.

နနီၢ်သးဆူၣ်ချ့န့ၣ် မ့ၢ်တၢ်မၤအကါဒိၣ်ကတၢၢ်လၢပမၤဆိအီၤန့ၣ်လီၤ

အခဲအံၤ ပဆီၣ်ထွဲနနီၢ်သးဆူၣ်ချ့ဒ်လဲၣ်န့ၣ် မၤလိလၢလာ်အံၤတက့ၢ် -

• တၢ်တြီဆၢ-တၢ်သးဟးဂီၤတၢ်ဆါအကသံၣ်ကသီတဖၣ်လၢအပနံာ်အမံၤတအိၣ်တဖၣ်အဂီၢ် ဘၣ်တၢ်ကျၢၢ်ဘၢအီၤ100%
• တၢ်ဟ့ၣ်အဘူးအလဲလၢပှၤဆူးပှၤဆါလၢတၢ်ဆါဟံၣ်အချၢတဖၣ် သကဲာ်ပဝးဆူၣ်ချ့အဂီၢ်န့ၣ် တၢ်တိစၢၤမၤစၢၤအံၤဘၣ်တၢ်မၤလဲၢ်ထီၣ်အီၤ:
  • ပှၤလၢအဆဲးလီၤအမံၤလၢပတၢ်မၤလဲၢ်ထီၣ်ဒိၣ်ထီၣ်ဒီးပတၢ်တိာ်ကျဲၤမိၢ်ပှၢ်အပူၤတဖၣ်န့ၣ် ဖဲအဝဲသ့ၣ်ဟ့ၣ်ဆိတၢ်ဘူးတၢ်လဲမ့ၢ်၀ံၤဒီး တလိၣ်ဟ့ၣ်ဘၣ်ဝဲတၢ်အုၣ်ကီၤဟ့ၣ်သဃဲၤလၢၤဘၣ်န့ၣ်လီၤ.
  • ပှၤလၢအဆဲးလီၤအမံၤလၢတၢ်အုၣ်ကီၤအဘူးအလဲတၢ်တိာ်ကျဲၤအပူၤတဖၣ်န့ၣ် ကဒိးန့ၢ်ဘၣ်ဝဲ100%တၢ်ဟ့ၣ်အဘူးအလဲ, ဒီးတၢ်ဟ့ၣ်ဆိအဘူးအလဲးမ့တမ့ၢ်တၢ်ဟ့ၣ်သဃဲၤတအိၣ်ဘၣ်န့ၣ်လီၤ.

Hinge Health - ဒံးကၠ့တၢၣ်နီၢ်ခိတၢ်ကူစါယါဘျါတၢ်ရဲၣ်တၢ်ကျဲၤ

Hinge Health စူးကါ တၢ်ကွၢ်ထွဲ ဘၣ်ဃးဒီး ကသံၣ်ကသီ အကရူၢ်တဖုလၢ အဟ့ၣ်လီၤသးနီၢ်နီၢ် လၢအအိၣ်ဒီး ကမံးတံာ်ဖးဒိၣ် ဟ့ၣ်တၢ်အုၣ်သး ဆူၣ်ချ့ တၢ်နဲၣ်လီၤတဖၣ်ဒီး တၢ်ကူစါယါဘျါ နီၢ်ခိ ဒ်သိး ကဟ့ၣ်ထီၣ် ပှၤတဂၤဘၣ်တဂၤ တၢ်မၤနီၢ်ခိတၢ်ဟူးတၢ်ဂဲၤ တၢ်ကူစါယါဘျါ တၢ်ရဲၣ်တၢ်ကျဲၤလၢ တၢ်မၤအီၤလၢ နဟံၣ်နဃီဒၣ်ဝဲ ကသ့အဂီၢ်န့ၣ်လီၤ. တၢ်ရဲၣ်တၢ်ကျဲၤအံၤ ကမ့ၢ်ဝဲဒၣ်ဖဲ အဲး(ပ)အပူၤ ဒီး ကစူးကါ စဲအ့ၣ်ဒီးစဲးဖီကဟၣ်ပီညါ ဒ်သိး ကလူၤပိာ်ကွၢ်ထွဲ နီၢ်ခိ အကူာ်တဖၣ်ခဲလၢာ် လၢတဘျီအပူၤ (ပာ်ဃုာ်ဒီး စုကမဲာ်ခီၣ်ကမဲာ်တဖၣ်) ဒ်သိး ကဟ့ၣ်ထီၣ် တၢ်ထံၣ်လိာ်သးလၢ အ့ထၢၣ်နဲးဖီခိၣ် လၢမၤအသး တၢ်ဆၢကတီၢ်ကတီၢ်ဃီ ဒီး တၢ်ဟ့ၣ်ထီၣ် တၢ်ထံၣ်တၢ်ဆိကမိၣ်တဖၣ်လၢ တၢ်ဖီၣ်န့ၢ်တၢ်ကလုၢ် ဖဲနဒုးနဲၣ် နတၢ်မၤနီၢ်ခိတၢ်ဟူးတၢ်ဂဲၤ အခါလီၤ. တကးဒံးဘၣ် လၢကကူစါယါဘျါ စုကမဲာ်ခီၣ်ကမဲာ်ဒီး ထူၣ်ပျၢ် တၢ်ဆါအ့ၣ်စိၢ်အ့ၣ်ထုး စးထီၣ်လၢ ခိၣ် တုၤ ခီၣ်အဂီၢ်, Hinge Health ဟ့ၣ်ထီၣ် ပိာ်မုၣ်တဖၣ် အခံတကွီၣ်ဃံ ဆူၣ်ချ့ တၢ်ရဲၣ်တၢ်ကျဲၤ လၢ ခံတကွီၣ်ဃံ တၢ်ဆါအ့ၣ်စိၢ်အ့ၣ်ထုးအဂီၢ်, တၢ်သ့ပၢၤဃာ် ဟၢဖၢဒီး ဆံၣ်ဒၢအဂီၢ်, ဒီး ခံတကွီၣ်ဃံ အဂံၢ်အဘါ ဖဲ တၢ်အိၣ်ဟုးအိၣ်သး, တၢ်အိၣ်ဖျဲၣ်ဖိဝံၤ, ပိာ်မုၣ်လုၢ်လၢ်ပတုာ် ဒီး ဆူမဲာ်ညါတဖၣ် အဂ့ၢ်န့ၣ်လီၤ. နမ့ၢ်တူၢ်ဘၣ် တၢ်ဆါအ့ၣ်စိၢ်အ့ၣ်ထုး လၢကတီၢ်ယံာ်, အိၣ်ဆူၣ်အိၣ်ချ့ထီၣ်က့ၤလၢ တၢ်ကူးကွဲးယါဘျါ, ဘၣ်ကွၢ်ဆၢၣ်မဲာ် တၢ်ဘၣ်ဒိဘၣ်ထံး တယံာ်ဒံးဘၣ်, မ့တမ့ၢ် နမ့ၢ်အဲၣ်ဒိး ဒီသဒၢ တၢ်ဆါအ့ၣ်စိၢ်အ့ၣ်ထုးတဖၣ်အဃိ, Hinge အိၣ်ဒီး တၢ်ရဲၣ်တၢ်ကျဲၤ လၢနဂီၢ်လီၤ. လၢတၢ်ခဲလၢာ်အကျါတၢ်အဂ့ၤကတၢၢ်န့ၣ်မ့ၢ်ဝဲဒၣ်, ပှၤမၤတၢ်ဖိတဖၣ် ဒီးပှၤလၢအဒိးသန့ၤအသးတဖၣ် လၢအဆဲးလီၤဃာ်အမံၤလၢ ပ Allianz Blue Cross Blue Shield ဆူၣ်ချ့တၢ်တိာ်ကျဲၤတဖၣ်န့ၣ် ဒိးန့ၢ်ဝဲ Hinge Health အတၢ်တိစၢၤမၤစၢၤတဖၣ်သ့အခီလီန့ၣ်လီၤ. ဒ်သိးကမၤလိန့ၢ်အါထီၣ်တၢ် ဒီးကစးထီၣ်တၢ်အဂီၢ်, လဲၤနုာ်ကွၢ် hinge.health/allianz တက့ၢ်.

Doctor On Demand - အ့ၣ်ထၢၣ်နဲးအလိၤတၢ်ကွၢ်ထွဲလၢ အပှ့ၤဘၣ်ကိးဆၢကတီၢ်ဒဲး

ထံၣ်လိာ်သကိးသးမဲာ်သကိးမဲာ် ဃုာ်ဒီးကသံၣ်သရၣ်လၢ ကမံးတံာ်မိၢ်ပှၢ်ဟ့ၣ်တၢ်အုၣ်ကီၤ, ကသံၣ်သရၣ်ကူစါယါဘျါသးတၢ်ဆိကမိၣ်တၢ်ဆါ မ့တမ့ၢ် သးဂ့ၢ်၀ီအကသံၣ်သရၣ် ခီဖျိအ့ထၢၣ်နဲး ဖဲနအိၣ်တပူၤလၢ်လၢ်န့ၣ်တက့ၢ်. ပှၤကွၢ်ထွဲတၢ်ကသံၣ်သရၣ်တဖၣ်ချုး၀ဲဖဲ 24/7, တနံၣ် 365 သီလၢလီတဲစိပူၤ, ထဲဘလဲးပူၤ, မ့တမ့ၢ် ခီၤဖၠူထၢၣ်အပူၤန့ၣ်လီၤ. မၤလိဘၣ်ဃးကသံၣ်သရၣ်လၢလိၣ်ဘၣ်ဝဲ (Doctor On Demand) လီၤ.

တၢ်သုးကျဲၤတၢ်ဒၢဖိသၣ် - တၢ်ဆီၣ်ထွဲလၢ တၢ်အိၣ်ဒီးဟုးသးလၢအပှဲၤဒီးဆူၣ်ချ့အဂီၢ်

တၢ်သုးကျဲၤတၢ်ဒၢဖိသၣ်တၢ်ရဲၣ်တၢ်ကျဲၤန့ၣ် ဟ့ၣ်ဝဲမိၢ်ပၢ်တဖၣ် တဂၤဆူတဂၤတၢ်ဆီၣ်ထွဲလၢ ဟုးသးဆူၣ်ချ့ပှၤနဲၣ်လိတၢ် ဖဲတၢ်အိၣ်ဒီးဟုးသး, လၢတၢ်ဆါဟံၣ်, ဒီးဖဲအိၣ်ဖျဲၣ်ဖိဝံၤကတီၢ်န့ၣ်လီၤ. နကဒိးန့ၢ်တၢ်နဲၣ်ကျဲလၢ နနီၢ်တဂၤအဂီၢ်, တၢ်ဟ့ၣ်ကူၣ်တီၤထီ, တၢ်နဲၣ်ကျဲ, ဒီးတၢ်အိၣ်ယၢၤတဖၣ်ဘၣ်ဃး တချုးအိၣ်ဖျဲၣ်ဖိဒီး တၢ်ကွၢ်ထွဲဖိသၣ်, တၢ်ကတဲာ်ကတီၤနဖိအတၢ်ဟဲအိၣ်ဖျဲၣ်ထီၣ်, ဒီးအိၣ်မံသူၣ်မံသး ဒီးသးခုဖဲ အိၣ်ဖျဲၣ်နဖိဝံၤန့ၣ်လီၤ.

နကကဲကြၢးဘၣ်စ့ၢ်ကီးလၢ ကဒိးန့ၢ်စ့တၢ်ဟ့ၣ်ကနၢၤတဖၣ် ခီဖျိ Allianz Partners Healthy Me ဆူၣ်ချ့တၢ်ရဲၣ်တၢ်ကျဲၤန့ၣ်လီၤ.

Omada - ပၢဆှၢရဲၣ်ကျဲၤ နတၢ်အိၣ်ဆူၣ်အိၣ်ချ့

Omada® န့ၣ်ဘၣ်တၢ်ဒိးန့ၢ်အီၤသ့အကလီဒီး မ့ၢ်ဝဲတၢ်တြီဆၢဆံၣ်ဆၢတၢ်ဆါ လၢနီၢ်တဂၤအဂီၢ်ဒီးတၢ်သုးကျဲၤဆံၣ်ဆၢတၢ်ဆါတၢ်ရဲၣ်တၢ်ကျဲၤ လၢဘၣ်တၢ်တ့အီၤဒ်သိး ကမၤစၢၤနတၢ်တုၤဃီၤဆူ နဆူၣ်ချ့ဖီတၢၣ်တဖၣ်အဂီၢ်န့ၣ်လီၤ.  နကဒိးန့ၢ်နဲဒၣ်ဆူၣ်ချ့ပှၤနဲၣ်လိတၢ်ဖိလၢအမၤတၢ်လ့ၤတုၤလ့ၤတီၤတဂၤ ဒီးတၢ်သ့တၢ်ဘၣ်လၢအဟဲထီၣ်အသီတဖၣ် လၢကမၤစၢၤဆီၣ်ထွဲ သးသမူအတၢ်ဆီတလဲကြၢးဒီးနၤ တဆီဘၣ်တဆီလီၤ. ပဒုးအိၣ်ထီၣ်ကျဲဒ်နဘၣ်သး၀ဲအသိး ကမၤစၢၤနၤလၢနကတုၤလၢနဖီတၢၢ်အဂီၢ် ဒ်သိးကပၣ်ဃုာ်မၤသကိးတၢ်လၢ တၢ်ဒီသဒၢတၢ်ရဲၣ်တၢ်ကျဲၤအဂီၢ်, နကဘၣ်အိၣ်ဒီးတၢ်ဘၣ်ယိၣ်လၢ အကဲထီၣ်သးဖျၢၣ်တၢ်ဆါ/ဆံၣ်ဆၢတၢ်ဆါ မ့တမ့ၢ် တၢ်ဃုထံၣ်န့ၢ်နၤလၢ တချုးဆံၣ်ဆၢတၢ်ဆါကဲထီၣ်အပတီၢ်န့ၣ်လီၤ. ဒ်သိးကပၣ်ဃုာ်မၤသကိးတၢ်လၢ တၢ်ပၢဆှၢသုးကျဲၤ ဆံၣ်ဆၢတၢ်ဆါတၢ်ရဲၣ်တၢ်ကျဲၤအဂီၢ်, နကဘၣ်တၢ်ဃုထံၣ်န့ၢ်လၢ နအိၣ်ဒီးဆံၣ်ဆၢတၢ်ဆါအဂ့ၢ်လီၤ.

နနုာ်လီၤဆူ 24/7ဘံၣ်ဘံၣ်ဘၢဘၢ:

မၤလိအါထီၣ်တၢ် ဒီးစးထီၣ်တနံၤအံၤဖဲ omadahealth.com/allianz တက့ၢ်

တၢ်ကဟုကယာ် ဘၣ်ထွဲဒီး မုၣ်ခွါ

Blue Cross အံၤ အၢၣ်လီၤလၢကဆီၣ်ထွဲပှၤလၢအဆီတလဲမုၣ်ခွါတၢ်အိၣ်သး, ပှၤမုၣ်တအိၣ်ခွါတအိၣ်(non-binary) ဒီးအဝဲသ့ၣ်အဟံၣ်ဖိဃီဖိတဖၣ်လီၤ. ပပှၤစဲၤနီၣ်တဖၣ်ကဟံးစုနဲၣ်ကျဲ၀ဲနၤဒ်သိး နကပၢဆှၢရဲၣ်ကျဲၤ၀ဲ တၢ်ကဟုကယာ် ဒီးကဃုထံၣ်န့ၢ်တၢ်အုၣ်ကီၤအဂီၢ်လီၤ. နတၢ်သံကွၢ်မ့အိၣ်၀ဲဘၣ်ဃာ်ဒီး မုၣ်-ခွၢ်တၢ်ကဟုကယာ်တၢ်အဂ့ၢ်တၢ်ကျိၤဒီး, ပဟ့ၣ်ဂံၢ်ဟ့ၣ်ဘၣ်နၤလၢ နကဆဲးကျိးဒီး ပှၤမၤစၢၤတၢၢ်ပီၢ်သကိးမုၣ်ခွါတၢ်အဂ့ၢ်အအိၣ်, အနီၢ်ကစၢ်ဒၣ်၀ဲမ့ၢ်စ့ၢ်ကီးပှၤပိာ်ခွါသးလိာ်ပိာ်မုၣ်, ဖဲ1-866-694-9361လီၤ. ပကဒိကနၣ်, တၢၣ်ပီၣ်ကတိၤသကိးဒီးဆီၣ်ထွဲမၤစၢၤကယဲၢ်တၢ်မၤစၢၤလၢနလိၣ်ဘၣ်န့ၣ်လီၤ.

လၢနကမၤလိအါထီၣ်တၢ်ဂ့ၢ်တၢ်ကျိၤအဂီၢ်, ၀ံသးစူၣ်အိၣ်သကိးဘၣ်ပတၢ်ဟုကယာ်မုၣ်ခွါအပှာ်ယဲာ်သန့ ဒီးကွၢ်ဘၣ်ပတၢ်ဆီၣ်ထွဲမၤစၢၤမုၣ်ခွၢ် ကရူၢ်ဖိ လံာ်ဘိဘၣ်ရၤလီၤ (PDF).

အီးထံၤစၢၣ် (Autism) အတၢ်ရဲၣ်တၢ်ကျဲၤ

ဟံၣ်ဖိဃီဖိတဖၣ်လၢအတူၢ်ဘၣ်တၢ် ခီဖျိအီၣ်တံးစၣ်တၢ်ဆါအဂီၢ်, ဆူၣ်ချ့တၢ်ကွၢ်ထွဲတၢ်နဲၣ်ကျဲ ကဲထီၣ်တၢ်တၤတၢ်သ့ဝဲန့ၣ်လီၤႉ Blue Cross ဒီး Blue Shield လၢ Minnesota ကဃုန့ၢ်နၤ ကသံၣ်သရၣ်လၢအစဲၤနီၣ်တဖၣ်လၢ ကဆီၣ်ထွဲမၤစၢၤကူစါယါဘျါနဖိအဂီၢ်န့ၣ်လီၤ. လၢနီၢ်ခိခိၣ်နူးတၢ်လီၤစၢၤလီၤသွဲက့ကွဲၤတၢ်ဆါ (Autism) အတၢ်ရဲၣ်တၢ်ကျဲၤ(PDF)အဃိ, နကဒိးန့ၢ်ဘၣ်တၢ်ဆီၣ်ထွဲမၤစၢၤလၢ ပကမံးတံာ်လၢအပာ်ဂၢပာ်ကျၢၤ၀ဲနီၢ်သကဲးပ၀ာ်တၢ်ပဲာ်ထံနီၤဖး (BCBA)ပှၤပၢဆှၢသဲစးတၢ်ဂ့ၢ်တဂၤလၢ ကနဲၣ်လိနၤတပတီၢ်ဘၣ်တပတီၢ်န့ၣ်လီၤ. မၤလိအါထီၣ်အီၤဖဲbluecrossmn.com/autism မ့တမ့ၢ် ကိးဘၣ် Blue Cross တၢ်တိစၢၤမၤစၢၤလၢပှၤစူးကါတၢ်ဖိအဂီၢ်ဖဲ 1-855-545-2583ဒီးကတတိၤသကိးတၢ်ဒီး နီၢ်သကဲးပ၀ာ်တၢ်အိၣ်ဆူၣ်အိၣ်ချ့ပှၤပၢဆှၢသဲစးတၢ်ဂ့ၢ်တဂၤန့ၣ်တက့ၢ်.

COVID-19

COVID-19 ကသံၣ်ဒီသဒၢတဖၣ်ဒီး တၢ်ပၢဆှၢရဲၣ်ကျဲၤအဂ့ၢ်န့ၣ်အိၣ်၀ဲဒၣ်ဖဲ တၢ်ဒီသဒၢအတၢ်ကွၢ်ထွဲတၢ်န့ၢ်ဘျုးတဖၣ်အဖီလာ်ဒီး ဟ့ၣ်န့ၢ်၀ဲဒၣ် 100% လၢပှာ်ဘျးစဲအပူၤန့ၣ်လီၤႉ လၢတၢ်ကစီၣ်အဂုၤအဂၤအဂီၢ်, လဲၤဘၣ်ဆူပ COVID-19 တၢ်အိၣ်ယၢၤတဖၣ်အကဘျံးပၤ မ့တမ့ၢ် ဆဲးကျၢဆဲးကျိးဘၣ် တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဖဲ 1-855-545-2583 န့ၣ်တက့ၢ်ႉ

စဲးဖီကဟၣ်ဖးသ့လံာ်တြံာ်တဖၣ်

ကီၢ်စၢဖှိၣ်တၢ်ထံၣ်ဖျိထံၣ်ဖျါလၢ တၢ်အုၣ်ကီၤဟ့ၣ်အဘူးအလဲတၢ်သိၣ်တၢ်သီတဖၣ်န့ၣ် လိၣ်ဘၣ်ဝဲပကရူၢ်ဆူၣ်ချ့တၢ်တိာ်ကျဲၤ လၢကအဘူးအလဲ ဒီးတၢ်ဟ့ၣ်အဃဲၤအဘူးအလဲတၢ်ဂ့ၢ်တၢ်ကျိၤ ဆူပှၤပၣ်ဃုာ်မၤသကိးတၢ်တဖၣ်အအိၣ်န့ၣ်လီၤ. ကဖိးမံဒီးတၢ်သိၣ်တၢ်သီအဂီၢ် Allianz Partners န့ၣ်တီၣ်ထီၣ်ဝဲတၢ်ဘျးစဲတခါဆူ Blue Cross Blue Shield Minnesota ပှာ်ယဲၤသန့ လၢအဟ့ၣ်တၢ်ဆဲးကျိးဆူ တၢ်အဘူးအလဲဂ့ၢ်ကျိၤခီဖျိ File တဖၣ်လၢစဲးဖးအီၤသ့န့ၣ်လီၤ. ဒ်သိးကမၤလိအါထီၣ် ဒီးကွၢ်ကဒါက့ၤတၢ်ဘျးစဲတဖၣ်အဂီၢ် ဝံသးစူၤနုာ်လီၤကွၢ် ပှာ်ယဲၤသန့ကဘျံးလၢစဲးဖးအီၤသ့တက့ၢ်.

တၢ်ဘိးဘၣ်သ့ၣ်ညါဘၣ်ဃး တၢ်ဒီသဒၢပှၤဆါတဖၣ် ဒ်သိးအသုတဘၣ်တၢ်ဃ့အီၤအဘူးအလဲ လၢတၢ်ကမၢကမၣ်ပူၤအဂီၢ်

ဖဲနဒိးန့ၢ်ဘၣ် ဂ့ၢ်ဂီၢ်အူတၢ်ကွၢ်ထွဲ မ့တမ့ၢ်တၢ်ကူစါနၤခီဖျိ ကသံၣ်သရၣ်လၢတၢ်တိာ်ကျဲၤဘျးစဲအချၢ လၢပှာ်ဘျးစဲပူၤတၢ်ဆါဟံၣ် မ့တမ့ၢ်တၢ်ကွဲးကါလီၢ်ခၢၣ်သးလၢ တၢ်ဟးကျဲအဂီၢ်န့ၣ် နဘၣ်တၢ်ဒီသဒၢနၤလၢ "တဘၣ်မၤကမၢကမၣ်တၢ်သိၣ်ဘျၢ," လၢအမ့ၢ်တၢ်ဆီၣ်ထွဲတမံၤလၢ တၢ်သုးကျဲၤကြၢးဘၣ်တၢ်သိၣ်ဘျၢ (CAA) 2021 အဖီလာ်န့ၣ်လီၤ. လၢကမၤလိအါထီၣ်တၢ်ဘၣ်ဃး တၢ်ဒီသဒၢတဖၣ် လၢနဒိးန့ၢ်သ့အဂီၢ် ကွၢ်  Blue Cross တဘၣ်မၤကမၢကမၣ် တၢ်သိၣ်တၢ်ဘျၢ ပှာ်ယဲၤကဘျံးပၤတက့ၢ်.

တၢ်သံကွၢ်အိၣ်ဧါ.

ကိးဘၣ် Blue Cross တၢ်တိစၢၤမၤစၢၤလၢပှၤစူးကါတၢ်ဖိအဂီၢ်ဖဲ 1-855-545-2583 (မုၢ်ဆၣ်-မုၢ်ဖးဖီ, ဂီၤခီ7နၣ်ရံၣ် တုၤ ဟါခီ8နၣ်ရံၣ် ကီၢ်ခၢၣ်သးတၢ်ဆၢကတီၢ်).