ကသံၣ်ကသီလီၤဆီအတၢ်တိာ်ကျဲၤ

ကသံၣ်ကသီလီၤဆီတဖၣ်န့ၣ် ဘၣ်တၢ်သူအီၤလၢကကူစါယါဘျါတၢ်ဆါယံာ်ယံာ်ထၢထၢအဂီၢ် လီၤဂာ်ဒ် ဖံးဘ့ၣ်ထံးရှူကျၢၤထီၣ်တၢ်ဆါ, သွံၣ်တကိၢ်လိၣ်ထီၣ်သးတၢ်ဆါ, သူၣ်တၢ်ဆါ, ဒီးဃံအဆၢညိးတၢ်ဆါန့ၣ်လီၤ. ကသံၣ်ကသီသ့ၣ်တဖၣ်အံၤ အါတက့ၢ်ဘၣ်ဆဲးန့ၢ်အီၤ လၢပှၤဆါတဂၤန့ၣ် မ့တမ့ၢ် အဟံၣ်ဖိဃီဖိမၤသ့ဝဲဒၣ်လီၤ. နကသံၣ်သရၣ်တဲဘၣ်နၤသ့ဖဲကသံၣ်လၢနသူအီၤန့ၣ်မ့ၢ်ကသံၣ်ကသီလီၤဆီဧါန့ၣ်လီၤ.

နမ့ၢ်ဟံးန့ၢ်ကသံၣ်ဖီၣ်လီၤဆီအဃိဒီး တၢ်ရဲၣ်တၢ်ကျဲၤအံၤပၣ်ဃုၥ်၀ဲလၢ နကသံၣ်ကျးတၢ်န့ၢ်ဘျုးတဖၣ်, နမၤသကိးတၢ်ဒီး ကသံၣ်ဖီၣ်လီၤဆီကသံၣ်ကျးလၢ တၢ်အၢၣ်လီၤန့ၢ်အီၤသ့ ဒ်သိးကန့ၢ်ဘၣ်နကသံၣ်ကသီတဖၣ်အဂီၢ်လီၤ.

ဆူၣ်ချ့တၢ်တိၥ်ကျဲၤခဲလၢၥ်န့ၣ် တပၣ်ဃုၥ်ဒီးကသံၣ်ဖီၣ်လီၤဆီတၢ်ရဲၣ်တၢ်ကျဲၤဘၣ်. နုၥ်လီၤဆူ နကရူၢ်ဖိအကီးပူၤ ဒ်သိးကမၤတၢ်ကွၢ်ကဒါက့ၤဘၣ်ဃး နကသံၣ်ကျးအတၢ်န့ၢ်ဘျုးတဖၣ်အဂ့ၢ်အဂီၢ် မ့တမ့ၢ် ဆဲးကျိးနီၣ်ဂံၢ်အိၣ်ဖဲ နကရူၢ်ဖိ (ID) ခးအလီၢ်ခံ လၢတၢ်ကပၥ်ဂၢၢ်ပၥ်ကျၢၤ တၢ်ကြၢး၀ဲဘၣ်၀ဲဒီး တၢ်ဃုထၢခွဲးယၥ်အဂီၢ်တက့ၢ်.

ကသံၣ်ဖီၣ်လီၤဆီတၢ်ရဲၣ်တၢ်ကျဲၤ မၤစၢၤနၤသ့လၢကျဲဒ်လဲၣ်.

ကသံၣ်ဖီၣ်လီၤဆီကသံၣ်ကျးတဖၣ်န့ၣ် စဲၣ်နီၤ၀ဲလၢ တၢ်မၤန့ၢ်ကသံၣ်ဖီၣ်ဒီးတၢ်တိစၢၤမၤစၢၤတဖၣ်လၢ ပှၤဆါလၢအအိၣ်ဒီးတၢ်လိၣ်ဘၣ်လၢအဘံဘူကီခဲတဖၣ်အဂီၢ်-

• အဝဲသ့ၣ်ဟ့ၣ်နၤ တၢ်ဟ့ၣ်ကူၣ်ဒုးနၢ်ပၢၢ်တၢ်ဖိတၢ်လံၤတဖၣ် လၢအဘၣ်ထွဲဒီးနတၢ်အိၣ်သးဒီး နကသံၣ်ကသီတဖၣ်အဂ့ၢ်လီၤ
• အ၀ဲသ့ၣ်ဟ့ၣ်လီၤ တၢ်စိၥ်ဆှၢဆူဟံၣ်ညီညီဘှါဘှါ လၢတလိၣ်ဟ့ၣ်အါထီၣ်အပှ့ၤတဖၣ်လၢ ဆှၢတၢ်အဂီၢ်ဒီး ဟံးထီၣ်ဖီၣ်ထီၣ်တၢ်အဂီၢ်ဘၣ်လီၤ
• နဒိးန့ၢ်ဘၣ် တၢ်ဆဲးကျိးခွဲးယၥ် 24-နၣ်ရံၣ်ဆူ ပှၤဖီၣ်ကသံၣ်တဖၣ်အအိၣ်လၢ အစံးဆၢနတၢ်သံကွၢ်တဖၣ်သ့န့ၣ်လီၤ
• နကဘၣ်ဟ့ၣ်ထဲ နတၢ်တိၥ်ကျဲၤတၢ်ဟ့ၣ်ဆိအဘူးအလဲ, တၢ်အုၣ်ကီၤဟ့ၣ်သဃဲၤ မ့တမ့ၢ် တၢ်ဟ့ၣ်သဃဲၤဆံးအါဆံးအါဧိၤ ဖဲတၢ်စူးကါကသံၣ်ဖီၣ်လီၤဆီကသံၣ်ကျးတခါလၢ ဘၣ်တၢ်အၢၣ်လီၤအီၤအခါန့ၣ်လီၤ