တၢ်တြီဆၢတၢ်ဃ့ဆူၣ်ချ့အဘူးအလဲ သတူာ်ကလာ်တၢ်သိၣ်တၢ်သီ

ဖဲနတၢ်တိာ်ကျဲၤအသီစးထီၣ်ဝံၤအလီၢ်ခံန့ၣ် နကဘၣ်နၢ်ပၢၢ်ဘၣ်ဃး နခွဲးနယာ်တဖၣ်ဒီး တၢ်ဒီသဒၢဆူၣ်ချ့အဘူးအလဲသတူာ်ကလာ်တဖၣ်န့ၣ်လီၤ

တၢ်ဃ့အဘူးအလဲ

တၢ်ဃ့အဘူးအလဲအိၣ်တ့ၢ်လၢပှၤဆါဘၣ်ဟ့ၣ် ဒီးတၢ်ဃ့အဘူးအလဲသတူၢ်ကလာ် မ့ၢ်မနုၤလဲၣ်.

ဖဲနထံၣ်လိာ်နသးဒီးကသံၣ်သရၣ်တဂၤ မ့တမ့ၢ် ဆူၣ်ချ့တၢ်ကွၢ်ထွဲကသံၣ်သရၣ်အဂၤန့ၣ်, စ့အိၣ်လီၤတဲာ်ဘၣ်ထွဲဒီး တၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ်, ဒ်အမ့ၢ် ဟ့ၣ်တၢ်အဘူးအလဲသဃဲၤ, တၢ်အုၣ်ကီၤဟ့ၣ်သဃဲၤ, ဒီး/မ့တမ့ၢ် တၢ်ဟ့ၣ်ဆိအဘူးအလဲတခါ အိၣ်ဝဲဒၣ်လီၤႉ

နအိၣ်ဒီးတၢ်အပှ့ၤလီၤတဲာ်အဂုၤအဂၤ မ့တမ့ၢ် နဘၣ်ဟ့ၣ်တၢ်အဘူးအလဲလၢလၢပှဲၤပှဲၤဖဲ နလဲၤထံၣ်လိာ်နသးဒီးကသံၣ်သရၣ် မ့တမ့ၢ် လဲၤဆူဆူၣ်ချ့တၢ်ကွၢ်ထွဲအိၣ်တၢ်အလီၢ်လၢ အတပာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဘၣ်လီၤႉ

တၢ်ဃ့အဘူးအလဲအိၣ်တ့ၢ်လၢပှၤဆါဘၣ်ဟ့ၣ်​​​​​​​

"လၢတၢ်တိာ်ကျဲၤဘျုးစဲးအချၢ" န့ၣ်ပာ်ဖျါဝဲဒ်အမ့ၢ်ကသံၣ်သရၣ်ဒီး တၢ်ဟ့ၣ်မၤစၢၤအလီၢ်တဖၣ် လၢအတဆဲးလီၤစုပနီၣ်ဒ်ဘၣ်လၢလံာ်ဟံးဃာ်တခါအပူၤ ဘၣ်ထွဲဒီးဆူၣ်ချ့တၢ်တိာ်ကျဲၤ လၢအအိၣ်ဒီးနၤန့ၣ်လီၤႉ

ကသံၣ်သရၣ်လၢတၢ်တိာ်ကျဲၤဘျးစဲအချၢတဖၣ်န့ၣ် အိၣ်ဒီးခွဲးယာ်ဒ်သိးဒီးကဃ့နၤတၢ်အဘူးအလဲအိၣ်လီၤတဲာ်ဖဲ နဆူၣ်ချ့တၢ်တိာ်ကျဲၤအၢၣ်လီၤလၢအကဟ့ၣ်နဂီၢ်ဒီး တၢ်အဘူးအလဲအလၢအပှဲၤလၢာ်လၢတၢ်ဖံးတၢ်မၤအဂီၢ် အဘၢၣ်စၢၤန့ၣ်လီၤႉ တၢ်န့ၣ်ဘၣ်တၢ်ကိးအီၤဒ်အမ့ၢ် "တၢ်အဘူးအလဲအဂၤလၢအလဲၤတလၢကွံာ်ဆူၣ်ချ့တၢ်တိာ်ကျဲၤ" န့ၣ်လီၤႉ

တၢ်အဘူးအလဲအံၤဘၣ်တဘၣ်ကအါန့ၢ်ဒံးတၢ်အပှ့ၤလီၤတဲာ်လၢတၢ်ဘျးစဲအပူၤလၢတၢ်ကွၢ်ထွဲဒ်သိးသိးအဂီၢ်ဒီး တဘၣ်တၢ်ဒွးဃုာ်အီၤလၢတၢ်အဘူးအလဲလၢ လၢနီၢ်ကစၢ်စ့ကဘၣ်ဟ့ၣ်လၢတနံၣ်ဘၣ်တနံၣ်အတၢ်ပာ်ပနီၣ်န့ၣ်လီၤႉ

တၢ်ဃ့အဘူးအလဲသတူာ်ကလာ်

"တၢ်ဆှၢဆူၣ်ချ့အဘူးအလဲစ့စရီသတူာ်ကလာ်" န့ၣ်မ့ၢ်တၢ်ဒိးန့ၢ်ဘၣ်တၢ်လၢာ်ဘူၣ်လၢာ်စ့စရီလၢတၢ်တပာ်သူၣ်ပာ်သးန့ၣ်လီၤ. တၢ်အံၤမၤအသးသ့ဖဲ နဆိိကမီၤတအိၣ်လၢနကဃုထၢပှၤလၢကဟ့ၣ်နၤတၢ်ကွၢ်ထွဲဒ်အမ့ၢ်ဖဲနဘၣ်ကွၢ်ဆၢၣ်မဲာ်ဒီးဂ့ၢ်ဂီၤအူတၢ်အိၣ်သးတခါအကတီၢ် မ့တမ့ၢ် ဖဲနသုးကျဲၤသ့ၣ်ဖးဆၢကတီၢ်လၢနကလဲၤဆူတၢ်လီၢ်အိၣ်လၢတၢ်ဘျးစဲအပူၤ ဘၣ်ဆၣ်လၢတၢ်တပာ်သူၣ်ပာ်သးအပူၤ နဘၣ်တၢ်ကူစါယါဘျါနၤလၢ ကသံၣ်သရၣ်လၢတၢ်တိာ်ကျဲၤဘျးစဲအချၢအခါန့ၣ်လီၤႉ

တၢ်ဒီသဒၢတဖၣ်

နဘၣ်တၢ်ဒီသဒၢနၤလၢ တၢ်အဘူးအလဲအဂၤလၢအလဲၤတလၢကွံာ်ဆူၣ်ချ့တၢ်တိာ်ကျဲၤ အဂ့ၢ်မ့ၢ်လၢ:

ဖဲလၢနဒိးန့ၢ်ဘၣ်ဂ့ၢ်ဂီၢ်အူတၢ်ကွၢ်ထွဲ မ့တမ့ၢ် ဖဲလၢနဘၣ်တၢ်ကူစါယါဘျါနၤလၢ ကသံၣ်သရၣ်လၢတၢ်တိာ်ကျဲၤဘျးစဲအချၢ လၢတၢ်ဆါဟံၣ်အိၣ်လၢတၢ်တိာ်ကျဲၤဘျးစဲအပူၤ မ့တမ့ၢ် ဖဲဝဲၤလီၢ်ဟးဝ့ၤဝီၤကွဲးကါတၢ်အပူအခါန့ၣ်, နဘၣ်တၢ်ဒီသဒၢနၤလၢဆူၣ်ချ့အဘူးအလဲသတူာ်ကလာ် မ့တမ့ၢ် တၢ်အဘူးအလဲအဂၤလၢအလဲၤတလၢကွံာ်ဆူၣ်ချ့တၢ်တိာ်ကျဲၤန့ၣ်လီၤႉ

ဂ့ၢ်ဂီၤအူတၢ်ကွၢ်ထွဲတဖၣ်

နမ့ၢ်အိၣ်ဒီးဆူၣ်ချ့ဂ့ၢ်ဂီၤအူတၢ်အိၣ်သးဒီး ဒိးန့ၢ်ဘၣ်ဂ့ၢ်ဂီၤအူတၢ်ကွၢ်ထွဲတဖၣ်ခီဖျိလၢ ကသံၣ်သရၣ်လၢတၢ်တိာ်ကျဲၤဘျးစဲအချၢတဂၤ မ့တမ့ၢ် တၢ်မၤလီၢ်အဃိန့ၣ်, ကသံၣ်သရၣ်ဒီး တၢ်မၤလီၢ်ကထၢန့ၢ်နၤတၢ်အဘူးအလဲအအါကတၢၢ်န့ၣ်ကမ့ၢ်ဝဲ ဒ်သိးဒီးကျိာ်စ့အိၣ်ဖဲနတၢ်တိာ်ကျဲၤလၢတၢ်နီၤဟ့ၣ်တၢ်အဘူးအလဲတၢ်ဘျးစဲအပူၤအိၣ်ဝဲအသိးလီၤ (ဒ်အမ့ၢ် ဟ့ၣ်တၢ်အဘူးအလဲသဃဲဒီး တၢ်အုၣ်ကီၤဟ့ၣ်သဃဲၤ).

နတဘၣ်တၢ်ထၢနၤ တၢ်အဘူးအလဲအဂၤလၢအလဲၤတလၢကွံာ်ဆူၣ်ချ့တၢ်တိာ်ကျဲၤ လၢဂ့ၢ်ဂီၤအူတၢ်ဟ့ၣ်မၤစၢၤဒ်သိးအံၤတဖၣ်အဃိဘၣ်ႉ

လၢတၢ်အံၤအပူၤပာ်ဃုာ်ဒီး တၢ်ကွၢ်ထွဲတဖၣ်လၢနကဒိးန့ၢ်ဝဲ ဖဲနတၢ်အိၣ်ဆူၣ်အိၣ်ချ့တၢ်အိၣ်သးဂၢၢ်ထီၣ်အခါ, မ့တမ့ၢ်လၢနကွဲးလံာ်အုၣ်သးလၢနကညိကွံာ်တၢ်ဒီသဒၢန့ၢ်နၤတဖၣ်လၢ တၢ်အဘူးအလဲအဂၤလၢအလဲၤတလၢကွံာ်ဆူၣ်ချ့တၢ်တိာ်ကျဲၤ လၢတၢ်ကိညၣ်ထီၣ်ကတီၢ်တၢ်ဟ့ၣ်မၤစၢၤတဖၣ်အဂီၢ်အဃိဘၣ်လီၤႉ

တၢ်ဆါဟံၣ် မ့တမ့ၢ် တၢ်ကွဲးကါကူစါလီၢ်တနီၤ အတၢ်တိစၢၤမၤစၢၤတဖၣ်

ဖဲနဒိးန့ၢ်ဘၣ်တၢ်ဟ့ၣ်မၤစၢၤတဖၣ်လၢ တၢ်ဆါဟံၣ်အိၣ်လၢတၢ်ဘျးစဲအပူၤ မ့တမ့ၢ် ဝဲၤကျိၤဟးဝ့ၤဝီၤကွဲးကါတၢ်အခါန့ၣ်, ကသံၣ်သရၣ်တနီၤနီၤလၢအအိၣ်ဖဲန့ၣ်တဖၣ်ကမ့ၢ်ဝဲဒၣ် ပှၤအိၣ်လၢတၢ်ဘျးစဲအချၢတဖၣ်လီၤႉ လၢတၢ်မၤအသးဒ်အံၤအပူၤ, ကသံၣ်သရၣ်ကထၢန့ၢ်နၤတၢ်အဘူးအလဲအအါကတၢၢ်န့ၣ်ကမ့ၢ်ဝဲ ဒ်သိးဒီးကျိာ်စ့အိၣ်ဖဲနတၢ်တိာ်ကျဲၤလၢတၢ်နီၤဟ့ၣ်တၢ်အဘူးအလဲတၢ်ဘျးစဲအပူၤအိၣ်ဝဲအသိးလီၤႉ

တၢ်အံၤန့ၣ်မ့ၢ်ဝဲလၢ ဂ့ၢ်ဂီၤအူကသံၣ်ပီညါ, တၢ်ကူစါမၤသးသပ့ၤတၢ်ပီညါ, တၢ်ဆူးတၢ်ဆါပီညါ, ယဲၤဖျါပီညါ, တၢ်မၤကွၢ်ဒၢး, တၢ်ကူစါဖိသၣ်အိၣ်ဖျဲၣ်လီၤသီပီညါ, ကသံၣ်သရၣ်မၤစၢၤတၢ်, ကသံၣ်သရၣ်လီၤဆီလၢအမၤတၢ်လၢတၢ်ဆါဟံၣ် မ့တမ့ၢ် တၢ်ဟ့ၣ်မၤစၢၤတၢ်မၤလ့ၤတုၤလ့ၤတီၤတဖၣ်အဂီၢ်လီၤႉ

ကသံၣ်သရၣ်တဖၣ်အံၤ ထၢန့ၢ်နၤတၢ်အဘူးအလဲအဂၤလၢအလဲၤတလၢကွံာ်ဆူၣ်ချ့တၢ်တိာ်ကျဲၤတန့ၢ်ဘၣ် ဒီး တမ့ၢ်ကသံကွၢ်နၤဒ်သိးနကညိကွံာ် တၢ်ဒီသဒၢန့ၢ်နၤတဖၣ်လၢ တၢ်အဘူးအလဲအဂၤလၢအလဲၤတလၢကွံာ်ဆူၣ်ချ့တၢ်တိာ်ကျဲၤအဂီၢ်ဘၣ်ႉ

မ့မ့ၢ်လၢနဒိးန့ၢ်ဘၣ်တၢ်ဟ့ၣ်မၤစၢၤအဂၤတဖၣ်လၢတၢ်လီၢ်တဖၣ်လၢအအိၣ်ဖဲတၢ်ဘျးစဲအပူၤအဃိဒီး, ကသ့ၣ်သရၣ်လၢတၢ်ဘျးစဲးအချၢတဖၣ်န့ၣ်ထၢန့ၣ်တၢ်ဘူးတၢ်လဲတန့ၢ် မ့တမ့ၢ်လၢနဆဲးလီၤမံၤလၢနကညိကွံာ်နတၢ်ဒီသဒၢအခွဲးယာ်တဖၣ်န့ၣ်လီၤ.

"တလိၣ်နညိကွံာ် တၢ်ဒီသဒၢန့ၢ်နၤတဖၣ်လၢ တၢ်ဃ့အဘူးအလဲအိၣ်တ့ၢ်လၢပှၤဆါဘၣ်ဟ့ၣ် နီတဘျီဘၣ်ႉ နတလိၣ်ဃုစ့ၢ်ကီး တၢ်ကွၢ်ထွဲမၤစၢၤလၢတၢ်ဘျးစဲအချၢန့ၣ်ဘၣ်ႉ နဃုထၢကသံၣ်သရၣ်တဂၤ မ့တမ့ၢ် တၢ်ဒုးမၤညီထီၣ်တၢ်တခါလၢ တၢ်တိာ်ကျဲၤဘျးစဲအပူၤသ့ဝဲန့ၣ်လီၤႉ"

တၢ်ဒီသဒၢအသီတဖၣ်

ဖဲတၢ်တပျဲဘၣ်တၢ်ဒီသဒၢဘၣ်ထွဲဒီး တၢ်အဘူးအလဲအဂၤလၢအလဲၤတလၢကွံာ်ဆူၣ်ချ့တၢ်တိာ်ကျဲၤဘၣ်ဒီး, နကအိၣ်ဒ်စ့ၢ်ကီးဒီးတၢ်ဒီသဒၢတဖၣ်ဒ်လၢလာ်အံၤအသိးလီၤ:

နအိၣ်ဒီးမူဒါထဲလၢနကဟ့ၣ်တၢ်အဘူးအလဲလၢဘၣ်တၢ်နီၤဖးန့ၢ်နဂီၢ်အိၣ်ဝဲအသိးလီၤ (လီၤဂာ်ဒ်ဟ့ၣ်တၢ်အဘူးအလဲသဃဲၤ, တၢ်အုၣ်ကီၤဟ့ၣ်သဃဲၤ, ဒီး တၢ်ဟ့ၣ်ဆိအဘူးအလဲတဖၣ်လၢ အလီၢ်အိၣ်လၢနကဟ့ၣ်ဝဲ မ့မ့ၢ်ကသံၣ်ကရၣ် မ့တမ့ၢ် တၢ်မၤလီၢ်န့ၣ်အိၣ်ဝဲဒၣ်ဖဲတၢ်ဘျးစဲးပူၤအဃိလီၤ). နဆူၣ်ချ့တၢ်တိာ်ကျဲၤ ကဟ့ၣ်ဝဲတၢ်အဘူးအလဲလၢ ကသံၣ်သရၣ်ဒီးတၢ်ကွၢ်ထွဲတၢ်လီၢ်တဖၣ်လၢအအိၣ်လၢ တၢ်ဘျးစဲအချၢအဂီၢ်လိၤလိၤန့ၣ်လီၤႉ

ဆူၣ်ချ့တၢ်တိာ်ကျဲၤလၢအအိၣ်ဒီးနၤန့ၣ် ညီနုာ်ကဘၣ်မ့ၢ်ဒ်:

  • မၤလၢမၤပှဲၤ ဂ့ၢ်ဂီၤအူတၢ်ဟ့ၣ်မၤစၢၤတဖၣ်အဂီၢ် လၢနတလိၣ်ဒိးန့ၢ်တၢ်ပျဲဒ်သိး တၢ်ကဟ့ၣ်မၤစၢၤအါထီၣ်နၤအဂီၢ်ဘၣ် (တချုးတၢ်ဟ့ၣ်စိဟ့ၣ်ကမီၤ)
  • မၤလၢမၤပှဲၤ ဂ့ၢ်ဂီၤအူတၢ်ဟ့ၣ်မၤစၢၤတဖၣ်ခီဖျိ ကသံၣ်ကရၣ်တဖၣ်လၢတၢ်တိာ်ကျဲၤဘျးစဲအချၢ
  • နကဘၣ်ဟ့ၣ် ကသံၣ်သရၣ် မ့တမ့ၢ် တၢ်ဒုးမၤညီထီၣ်တၢ်အဘူးအလဲတဖၣ် (တၢ်နီၤဟ့ၣ်တၢ်အဘူးအလဲ) ဒ်တၢ်လၢာ်ဘူၣ်လၢာ်စ့လၢ ကဘၣ်ဟ့ၣ်ကသံၣ်သရၣ်လၢတၢ်တိာ်ကျဲၤဘျးစဲပူၤ မ့တမ့ၢ် တၢ်ဒုးမၤညီထီၣ်တၢ်လၢတၢ်တိာ်ကျဲၤဘျးစဲပူၤအသိး ဒီးဒုးနဲၣ်တၢ်လၢာ်ဘူၣ်လၢာ်စ့ဖဲ နတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ်အပူၤလီၤ
  • ဂံၢ်ထီၣ်ဒွးထီၣ်က့ၤတၢ်လၢာ်ဘူၣ်လၢာ်စ့တခါလၢ်လၢ်လၢ နဟ့ၣ်လီၤဂ့ၢ်ဂီၤအူတၢ်တိစၢၤမၤစၢၤတဖၣ်အဂီၢ် မ့တမ့ၢ် တၢ်တိစၢၤမၤစၢၤလၢတၢ်ဘျးစဲအချၢတဖၣ်အဂီၢ် လၢနတၢ်ဟ့ၣ်ဆိအဘူးအလဲလၢတၢ်တိာ်ကျဲၤဘျးစဲပူၤ အဖီခိၣ်ဒီး တၢ်ဟ့ၣ်အဘူးအလဲလၢနီၢ်ကစၢ်စ့တၢ်ပာ်ပနီၣ်အဆၢ

တၢ်ဃ့န့ၢ်တၢ်အဘူးအလဲ ကမၣ်လံဧါ.

နမ့ၢ်နာ်လၢ နဘၣ်တၢ်ဃ့န့ၢ်တၢ်အဘူးအလဲ ကမၣ်လံအဃိ, နကဘၣ်ဆဲးကျၢဆူ No Surprises Help Desk (NSHD) အအိၣ်ဖဲ 1-800-985-3059န့ၣ်လီၤ.

လဲၤကွၢ် cms.gov/nosurprises လၢတၢ်ဂ့ၢ်တၢ်ကျိၤအဂုၤအဂၤလၢအဘၣ်ထွဲဒီး နခွဲးနယာ်တဖၣ်လၢအအိၣ်ဖဲ ကီၢ်စၢဖှိၣ်သဲစးအဖီလာ်န့ၣ်တက့ၢ်ႉ