ဒ်နသးအနံၣ်ဒံးယံာ်ဒံးပှၢ်ထီၣ် နထံၣ်ဘၣ်ဒီးတၢ်ဆီတလဲတဖၣ်လၢနီၢ်ခိဒီးနီၢ်သးတၢ်ဆိကမိၣ်တဖၣ်လီၤ.

န Medicare တၢ်တိာ်ကျဲၤန့ၣ်ပၣ်ဃုာ်ဒီး တၢ်ဒီသဒၢအတၢ်ကွၢ်ထွဲအကလုာ်ကလုာ်တၢ်ဖံးတၢ်မၤတဖၣ်လၢ အဟ့ၣ်မၤစၢၤနၤတၢ်ခွဲးတၢ်ယာ်ဒ်သိးကသံကွၢ်တၢ်သံကွၢ်တဖၣ်ဒီး ကအိၣ်စဲဘူးလိာ်သးဆူညါဒီး နဆူၣ်ချ့ကွၢ်ထွဲပှၤဟ့ၣ်မၤစၢၤတၢ်တဖၣ်လၢ နဆူၣ်ချ့ကွၢ်ထွဲတၢ်ပညိၣ်ဖီတၢၣ်တဖၣ်အဖီခိၣ်ဒီး နပလၢၢ်ဘၣ်နသးဒ်လဲၣ်န့ၣ်လီၤႉ

တၢ်ဒီသဒၢအတၢ်ကွၢ်ထွဲ တၢ်ဖံးတၢ်မၤတဖၣ်န့ၣ်မ့ၢ် တၢ်ထံၣ်လိာ်သးဒီးကသံၣ်သရၣ် မ့တမ့ၢ် ဆူၣ်ချ့တၢ်ကွၢ်ထွဲကသံၣ်သရၣ်အဂၤဖဲ နပလၢၢ်ဘၣ်တၢ်အိၣ်ဆူၣ်အိၣ်ချ့ဂ့ၤဂ့ၤဒ်ညီနုာ်အသိးအခါန့ၣ်လီၤႉ တၢ်လဲၤထံၣ်လိာ်သးတဖၣ်အံၤမ့ၢ်စ့ၢ်ကီး နီၣ်၀ံၢ်ခံလၢကမၤစၢၤပာ်ပနီၣ်တၢ်ဘၣ်ယိာ်အဂ့ၢ်အကျိၤတဖၣ် မ့တမ့ၢ် တၢ်ကီတၢ်ခဲတဖၣ်ဆိဆိ, ဒ်သိးနကမၤန့ၢ်တၢ်မၤစၢၤဒီး တၢ်ကွၢ်ထွဲလၢနလိၣ်ဘၣ်အီၤအဂီၢ်န့ၣ်လီၤႉ

တၢ်တအိၣ်ဒီးတၢ်သုးဘူးသးဆူတၢ်ဒီသဒၢအဂီၢ် ထဲတဘျီဃီဧိၤအ၀ံၤဘၣ်, ဘၣ်ဆၣ်ဖဲအံၤအိၣ်ဒီးတၢ်ထံၣ်လိာ်သးတဖၣ်လၢ ပဟ့ၣ်ကူၣ်ဟ့ၣ်ဖး၀ဲဒၣ်လၢနဆူၣ်ချ့တၢ်လဲၤကျဲအပူၤန့ၣ်လီၤႉ

တၢ်ဒီသဒၢအတၢ်ကွၢ်ထွဲတၢ်မၤစၢၤ

တၢ်တူၢ်လိာ်မုာ်နၤလၢ Medicare Visit န့ၣ်လီၤ

Medicare ကရူၢ်ဖိအသီတဖၣ်အဂီၢ်

ဆူၣ်ချ့တၢ်ကွၢ်ထွဲဒိၣ်ဒိၣ်မုာ်မုာ်န့ၣ် စးထီၣ်၀ဲဒၣ်လၢ တၢ်တူၢ်လိာ်မုာ်လၢ Medicare တၢ်ထံၣ်လိာ်သးန့ၣ်လီၤႉ တၢ်ထံၣ်လိာ်သးအံၤန့ၣ် ဘၣ်တၢ်ဟ့ၣ်အပှ့ၤလၢအဂီၢ်ဖဲလၢ အခီၣ်ထံး 12လါ လၢနအိၣ်ဒီး Medicare တၢ်နီၤဖး B န့ၣ်လီၤ. အဝဲပာ်ဂၢၢ်ပာ်ကျၢၤနဆူၣ်ချ့အဃိ လၢခံနထိၣ်သတြီၤကယဲၢ်ဆူၣ်ချ့တၢ်ဆီတလဲတဖၣ် လၢတၢ်ထံၣ်လိာ်သးအခီၣ်ထံးတဘျီအံၤသ့န့ၣ်လီၤ. 

လၢ တၢ်တူၢ်လိာ်မုာ်နၤလၢ Medicare တၢ်ထံၣ်လိာ်သး န့ၣ် ပှၤဆီၣ်ထွဲမၤတၢ်န့ၣ် ညီနုၢ် :

• ကွၢ်နကသံၣ်ကသီဒီးဟံၣ်ဃီအတၢ်စံၣ်စိၤတဲစိၤ
• ကွၢ်ကဒါက့ၤကယဲၢ်ဆူၣ်ချ့တၢ်အိၣ်သးတဖၣ်လၢနအိၣ် ဒီးကသံၣ်ဖီၣ်မ့တမ့ၢ်ကသံၣ်မၤလၢပှဲၤလၢနအီအီၤတဖၣ်
• ခံကွၢ်စီကွၢ်နသွံၣ်တၢ်ဆီၣ်သနံး, မဲာ်ချံတၢ်ထံၣ်, နီၢ်အဃၢဒီးနီၢ်အထီ
• မၤလီၤတံၢ်လၢနဒိးန့ၢ်ဘၣ်ခါခဲအံၤ တၢ်ဒီသဒၢအတၢ်သမံသမိးဒီး ကသံၣ်ဒီသဒၢတဖၣ်လံ
• ဃ့ထီၣ်တၢ်သမံသမိးအဂၤတဖၣ်လၢနလိၣ်ဘၣ်အီၤ ဒိးသန့ၤထီၣ်သးလၢန ဆူၣ်ချ့တၢ်စံၣ်စိၤတဲစိၤအဖီခိၣ်

ဆဲးကျၢဆဲးကျိးဘၣ်ဆူနပှၤဟ့ၣ်မၤစၢၤတၢ် (ကသံၣ်သရၣ်) အအိၣ်ဒ်သိး ကပာ်လီၤတၢ်ဆၢကတီၢ်လၢ တၢ်တူၢ်လိာ်မုာ်လၢ Medicare အတၢ်ထံၣ်လိာ်သးအဂီၢ်န့ၣ်လီၤႉ

တၢ်မၤတၢ်ထံၣ်စီၤစိလိာ်သးလၢ တၢ်အိၣ်မုာ်ဆိးပၢၤအဂီၢ်လၢအ့ထၢၣ်နဲးဖီခိၣ် တၢ်ဃုထၢ

ပဟ့ၣ်ထီၣ်တၢ်ဖံးတၢ်မၤတခါအံၤလၢ အ့ထၢၣ်နဲးပူၤစ့ၢ်ကီးန့ၣ်လီၤႉ နပာ်လီၤတၢ်ဆၢကတီၢ်လၢ တၢ်မၤတၢ်ထံၣ်စီၤစိလိာ်သးလၢအ့ထၢၣ်နဲးဖီခိၣ် ဒီးကတိၤတၢ်ဒီးကသံၣ်သရၣ်တဂၤခီဖျိ တၢ်ဂီၤမူလၢခီၣ်ဖၠူထၢၣ်, ထဲးဘလဲး မ့တမ့ၢ် လီတဲစိစိာ်စုသ့န့ၣ်လီၤ. ပျဲ Signify အပှၤသ့ၣ်ဆၢဖးကတီၢ်တဂၤသ့ၣ်ညါ ဖဲနမ့ၢ်သးအိၣ်ဒီးန့ၢ် ဆူၣ်ချ့တၢ်ထံၣ်လိာ်သးဒီးကသံၣ်သရၣ် လၢအ့ၣ်ထၢၣ်နဲးအလိၤတက့ၢ်.

ဖဲနတၢ်အိၣ်မုာ်ဆိးပၢၤတၢ်ထံၣ်လိာ်သး ၀ံၤ၀ဲလၢလၢပှဲၤပှဲၤအခါ −

နကဒိးန့ၢ်ဘၣ်တၢ်ကွဲးကျၢၢ်တံၢ်တခါ, ဒီးလံာ်တၢ်ကွဲးအဒိန့ၣ်ကဘၣ်တၢ်ဆှၢလီၤဆူ နဂံၢ်ခီၣ်ထံးကသံၣ်သရၣ်အအိၣ်လီၤႉ

ပသးအိၣ်စံးဘျုးဘၣ်နၤ ခီဖျိတၢ်ဆှၢန့ၢ်နၤ $25 တၢ်ဟ့ၣ်ခးက့ မ့ၢ်လၢနမၤလၢထီၣ်ပှဲၤထီၣ်တ့ၢ် နတၢ်လဲၤထံၣ်လိာ်ဒုးနဲၣ်သးအဃိ ဘၣ်တၢ်ဆီတလဲက့ၤအီၤဆူတၢ်ကပှ့ၤတၢ်အီၣ်တၢ်အီတဖၣ်လၢ တၢ်အီၣ်ကျး မ့တမ့ၢ် ပနံာ်ရိကျးတခါလၢ်လၢ်လၢ အသ့တူၢ်လိာ် Mastercard အပူၤန့ၣ်လီၤႉ ကရူၢ်ဖိတဖၣ်န့ၣ်ကြၢး၀ဲဘၣ်၀ဲဒီးတၢ်ဃုထၢလၢ တၢ်ဟ့ၣ်ခးတခါအဂီၢ်လၢတၢ်ဒိးန့ၢ်တၢ်ကွၢ်ထွဲလၢဟံၣ် မ့တမ့ၢ် တၢ်မၤတၢ်ထံၣ်စီၤစိလိာ်သးလၢတၢ်အိၣ်မုာ်ဆိးပၢၤအဂီၢ်လၢ အ့ထၢၣ်နဲးဖီခိၣ်ဃုာ်ဒီး Signify ကသံၣ်သရၣ် လၢအမၤလၢထီၣ်ပှဲၤထီၣ်ဖဲအီၤဖဲတနံၣ်အတီၢ်ပူၤန့ၣ်လီၤႉ
 

တၢ်ပာ်လီၤတၢ်ဆၢကတီၢ်လၢ ကလဲၤထံၣ်လိာ်သးအဂီၢ်

မ့တမ့ၢ် ဆဲးကိးကလီဆူ 1-844-226-8218 (TTY 711) န့ၣ်တက့ၢ်ႉ
မုၢ်ဆၣ်-မုၢ်ဖီဖး ဂီၤ 7 နၣ်ရံၣ်- ဟါ 7 နၣ်ရံၣ် ဒီး မုၢ်ဘူၣ် ဂီၤ 8 နၣ်ရံၣ် - 4:30 နၣ်ရံၣ်, လီၢ်ခၢၣ်သး Central Time

တၢ်မၤကွၢ်ဃုသ့ၣ်ညါတၢ်ဆါတဖၣ်လၢ တၢ်ဒီသဒၢအဂီၢ်

လၢ Medicare ကရူၢ်ဖိခဲလၢာ်အဂီၢ်

ဆူၣ်ချ့တၢ်အုၣ်ကီၤညီနုၢ်န့ၣ် ကဟ့ၣ်အပှ့ၤလၢ တနံၣ်တဘျီတၢ်ဒိးစဲးတဖၣ်ဒီးတၢ်မၤကွၢ်ဃုသ့ၣ်ညါတၢ်ဆါတဖၣ် လၢအဒီသဒၢစၢၤ မ့တမ့ၢ် ဃုထံၣ်စၢၤဆူၣ်ချ့တၢ်ဘၣ်ယိၣ်လၢအကဲထီၣ်သးသ့တဖၣ်, ဘၣ်ဆၣ်တၢ်မၤကွၢ်တနီန့ၣ် တကျၢၢ်ဘၢန့ၢ်၀ဲဒၣ်ဘၣ်ႉ မၤလီၤတံၢ်ဒ်သိးကသမံသမိးနတၢ်တိာ်ကျဲၤအတၢ်ဟ့ၣ်အဘူးအလဲလီၤတံၢ်လီၤဆဲးအဂီၢ်တက့ၢ်. နမ့ၢ်အိၣ်ဒီးတၢ်သံကွၢ်တဖၣ်လၢအဘၣ်ထွဲဒီး တၢ်ဟ့ၣ်အဘူးအလဲအဂ့ၢ်အဃိ ကိးဘၣ်နီၣ်ဂံၢ်လၢအအိၣ်ဖဲ နကရူၢ်ဖိ (ID) ခးအလီၢ်ခံန့ၣ်တက့ၢ်ႉ

ကွၢ်တၢ်ဟ့ၣ်ကူၣ်ဟ့ၣ်ဖးဘၣ်ဃးဒီး တၢ်ဒီသဒၢအတၢ်ကွၢ်ထွဲတက့ၢ်

နကြၢးပာ်လီၤတၢ်ဆၢကတီၢ်လၢ တၢ်မၤကွၢ်ဃုသ့ၣ်ညါတၢ်ဆါအဂီၢ်အခါဖဲလဲၣ်

တၢ်ဆါဒီးတၢ်အိၣ်အသးအါမးအဂီၢ် နမ့ၢ်သ့ၣ်ညါအီၤဆိဆိန့ၣ် နမၤတၢ်သ့အါလၢအဂီၢ်လီၤ. အဃိအဂ့ၤကတၢၢ်လၢကမၤသကိးတၢ်ဒီးနကသံၣ်သရၣ် ဒ်သိးကန့ၢ်တၢ်ဒီသဒၢအတၢ်ကွၢ်ထွဲလၢအဘၣ်တၢ်ဟ့ၣ်ကူၣ်လၢနဂီၢ်လီၤ.

နကသံၣ်သရၣ်န့ၣ် ကဆိကမိၣ်နဆူၣ်ချ့ဒီးဟံၣ်ဃီအတၢ်စံၣ်စိၤတဲစိၤလီၤဆီလၢ တၢ်ဟ့ၣ်ကူၣ်တၢ်ကွၢ်သမံသမိးတၢ်ရဲၣ်တၢ်ကျဲၤလၢအဘၣ်လၢနဂီၢ်လီၤ. ဘၣ်ဆၣ်နသူတၢ်နဲၣ်ကျဲတဖၣ်လၢအဖီလာ်အသိး ဖဲစးထီၣ်ကတီၢ်သ့၀ဲဒၣ်လီၤႉ

ပီးလီတဖၣ်ဒီးတၢ်တိစၢၤမၤစၢၤတဖၣ်