တၢ်ဒီသဒၢအတၢ်ကွၢ်ထွဲ ပာ်ဃုာ်၀ဲတၢ်မနုၤသ့ၣ်တဖၣ်လဲၣ်.

တၢ်ဒီသဒၢအတၢ်ကွၢ်ထွဲန့ၣ် မ့ၢ်တၢ်မနုၤလဲၣ်.

တၢ်ဒီသဒၢအတၢ်ကွၢ်ထွဲန့ၣ် ပာ်ဃုာ်ဒီး တၢ်ခံကွၢ်စီကွၢ်, တၢ်ကွၢ်သမံသမိးဒီးတၢ်ဆဲးကသံၣ်ဒီသဒၢ ဘၣ်ဆၢဘၣ်ကတီၢ်တဖၣ်န့ၣ်လီၤ. ဖဲနလဲၤထံၣ်ကသံၣ်သရၣ်ဘျးစဲဒီးနဆူၣ်ချ့တၢ်တိာ်ကျဲၤအခါန့ၣ် တၢ်ဟ့ၣ်အပှ့ၤန့ၣ် ဘၣ်သ့ၣ်သ့ၣ်တအိၣ်ဒီးတၢ်ဟ့ၣ်သဃဲၤအပှ့ၤဘၣ်န့ၣ်လီၤ. တၢ်ကွၢ်ထွဲအကလုာ်ဒ်အံၤန့ၣ် ဃုထံၣ်စၢၤသ့စ့ၢ်ကီး ဆူၣ်ချ့တၢ်ဂ့ၢ်ကီတဖၣ် တချုးလၢအဝဲသ့ၣ်ဆူၣ်နးထီၣ်န့ၣ်လီၤ. ကတိၤတၢ်ဒီးနကသံၣ်သရၣ်ဘၣ်ဃး တၢ်ကွၢ်ထွဲမနုၤတမံၤန့ၣ်ဂ့ၤလၢနဂီၢ်လဲၣ်န့ၣ်တက့ၢ်.*

စံးဆၢပတၢ်သံကွၢ်ပှိၤပှီၢ် ဒ်သိးကစဲးကွၢ်နတၢ်သ့ၣ်ညါဘၣ်ဃးတၢ်ဒီသဒၢအတၢ်ကွၢ်ထွဲအိၣ်ထဲလဲၣ်န့ၣ်တက့ၢ်.

ဘၣ်မနုၤအဃိ အကါဒိၣ်လၢကအိၣ်ဒီးတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်လဲၣ်.

တၢ်အိၣ်ဒီး တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ် ပျဲနကသံၣ်သရၣ်ဒ်သိးကခံကွၢ်စီကွၢ်နတၢ်အိၣ်ဆူၣ်အိၣ်ချ့ ဒီးမၤလီၤတံၢ်လၢနဒိးန့ၢ် တၢ်ကွၢ်သမံသမိးလၢအဘၣ်လၢ နသးအနံၣ်အလါ, မုၣ်ခွါတၢ်မ့ၢ်တၢ် ဒီးဟံၣ်ဃီအတၢ်စံၣ်စိၤတဲစိၤန့ၣ်လီၤ. တၢ်လဲၤထံၣ်လိာ်သးအံၤန့ၣ် မၤစၢၤနၤဒ်သိးနကအိၣ်ဒီးတၢ်အိၣ်ဆူၣ်အိၣ်ချ့ ဒီးဃုစၢၤနၤဆူၣ်ချ့တၢ်ဘၣ်ယိၣ်တဖၣ် တချုးလၢအဝဲသ့ၣ်ကဲထီၣ်တၢ်ဆါယံာ်ထၢတဖၣ်န့ၣ်လီၤ.

တၢ်ဟ့ၣ်ကူၣ်ဟ့ၣ်ဖးဘၣ်ဃးဒီးတၢ်ဒီသဒၢအတၢ်ကွၢ်ထွဲ(PDF)

တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် ဒီးတၢ်လဲၤထံၣ်လိာ်သးဒီးကသံၣ်သရၣ်န့ၣ် လီၤဆီလိာ်သးဒ်လဲၣ်.

တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်, တဘျီတခီၣ်ပှၤကိးအီၤလၢ တၢ်သမံသမိးမၤကွၢ်ဘၣ်ဆၢဘၣ်ကတီၢ်န့ၣ် လီၤဆီဒီးတၢ်လဲၤထံၣ်လိာ်သးဒီးကသံၣ်သရၣ်ဒ်လဲၣ်မ့ၢ်ဝဲ အိၣ်ဒီးတၢ်ကတိၤသကိးတၢ်ဘၣ်ဃး တၢ်ဆါတၢ်ဂ့ၢ်ကီလီၤဆီတမံၤန့ၣ်လီၤ. နကထံၣ်ဘၣ်နကသံၣ်သရၣ်, သရၣ်မုၣ်ကွၢ်ထွဲပှၤဆါ မ့တမ့ၢ်ကသံၣ်သရၣ်ထီရီၤမၤစၢၤတၢ် လၢတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် ဖဲနအိၣ်မုာ်ထီၣ်န့ၣ်လီၤ. အဝဲန့ၣ် ကပာ်ဃုာ်တၢ်ကွၢ်ထွဲ ဒ်သိးတၢ်ခံကွၢ်စီကွၢ်, တၢ်သမံသမိးနသွံၣ်ဆီၣ်သနံး မ့တမ့ၢ်တၢ်အီကသံၣ်ကသီလၢအဟ့ၣ်ကူၣ်နၤန့ၣ်လီၤ. တၢ်လဲၤထံၣ်လိာ်သးတဖၣ်အံၤန့ၣ် ဘၣ်တၢ်ဟ့ၣ်အီၤအပှ့ၤ တၢ်အိၣ်ဒီးတၢ်ဟ့ၣ်သဃဲၤအပှ့ၤ ဖဲနစူးကါကသံၣ်သရၣ်လၢတၢ်တိာ်ကျဲၤဘျးစဲပူၤ (ကသံၣ်သရၣ်, သရၣ်မုၣ်ကွၢ်ထွဲပှၤဆါ, ကသံၣ်သရၣ်ထီရီၤမၤစၢၤတၢ်) န့ၣ်လီၤ.

တၢ်လဲၤထံၣ်လိာ်သးဒီးကသံၣ်သရၣ်န့ၣ် အါတက့ၢ်ပာ်ဃုာ်ဒီး တၢ်သမံးသမိးတၢ်ဆါပနီၣ်တဖၣ် ဒ်သိးကကူစါတၢ်ဆါတၢ်အိၣ်သး မ့တမ့ၢ်တၢ်ဂ့ၢ်ကီတမံၤအဂီၢ်န့ၣ်လီၤ.

ဘၣ်မနုၤအဃိယဘၣ်ဟ့ၣ်အပှ့ၤလၢယတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်လဲၣ်.

တၢ်ဒီသဒၢတၢ်မၤအဒိတနီၤမ့ၢ်မနုၤလဲၣ်.

တၢ်ဒီသဒၢအတၢ်ကွၢ်ထွဲန့ၣ် ပာ်ဃုာ်ဒီးတၢ်မၤတဖၣ် ဒ်သိးတၢ်ဆဲးကသံၣ်ဒီသဒၢ ဒီးတၢ်သမံသမိးဘၣ်ဆၢဘၣ်ကတီၢ်တဖၣ်န့ၣ်လီၤ.

တၢ်ဒီသဒၢအတၢ်ကွၢ်ထွဲတၢ်မၤဆီၣ်ထွဲတၢ်ဂ့ၢ်ဆံးကိာ်တဖၣ် (PDF)

ယကဘၣ်ဒိးန့ၢ်တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်ပှဲၤဘျီလဲၣ်.

နကဘၣ်ထံၣ်လၢနကသံၣ်သရၣ်ပှဲၤဘျီလဲၣ်န့ၣ် ဒိးသန့အသးလၢ နသးအနံၣ်အလါ, မုၣ်ခွါတၢ်မ့ၢ်တၢ် ဒီးကသံၣ်ကသီဒီးဟံၣ်ဃီအတၢ်စံၣ်စိၤတဲစိၤန့ၣ်လီၤ. လၢပှၤသးပှၢ်တနီၤအဂီၢ်, တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ် ကဘၣ်တၢ်ဟ့ၣ်ကူၣ်အီၤ တနံၣ်တဘျီန့ၣ်လီၤ. ပှၤကိးဂၤဒဲးအိၣ်ဒီး ဆူၣ်ချ့တၢ်ကွၢ်ထွဲတၢ်လိၣ်လီၤဆီတဖၣ်အဃိ နကဘၣ်လဲၤထံၣ်အီၤပှဲၤဘျီလဲၣ်န့ၣ် သံကွၢ်နကသံၣ်သရၣ်တက့ၢ်. မၤလီၤတံၢ်လၢ နကွၢ်နတၢ်တိာ်ကျဲၤတၢ်ဂ့ၢ်ဆံးကိာ်ခဲလၢာ် တချုးလၢနသ့ၣ်ဆၢဖးကတီၢ်လၢ ကထံၣ်လိာ်သးဒီးကသံၣ်သရၣ်အဂီၢ်တက့ၢ်. Blue Cross တၢ်တိာ်ကျဲၤတနီၤန့ၣ် တမ့ၢ်ကဟ့ၣ်အဘူးအလဲလၢ တၢ်ဒီသဒၢတၢ်မၤတဖၣ်အဂီၢ် မ့တမ့ၢ်အိၣ်ဒီးတၢ်ပတီၢ်လီၤဆီတဖၣ်လၢတၢ်ဟ့ၣ်အဘူးအလဲအဂီၢ်န့ၣ်လီၤ. 

တၢ်လၢအကဲထီၣ်သ့ ဖဲတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်န့ၣ် ပၣ်ဃုာ်ဒီးတၢ်ဆဲးကသံၣ်ဒီသဒၢ,ခတၢ်ထိၣ်သွံၣ်တၢ်ဆီၣ်သနံးဒီးခိၣ်လဲးစထြီ, တၢ်ကွၢ်သမံသမိးသွံၣ်ဆၢတၢ်ဆါ မ့တမ့ၢ်တၢ်ဒိကနၣ်တဲသကိးတၢ်လၢ နီၢ်အဃၢလၢအကြၢးအဘၣ်န့ၣ်လီၤ.  နကသံၣ်သရၣ်န့ၣ် ကဟ့ၣ်ကူၣ်စ့ၢ်ကီးတၢ်ကွၢ်သမံသမိးအဂၤတဖၣ်န့ၣ်လီၤ.*

အဝဲန့ၣ်ကဘၣ်တၢ်ဟ့ၣ်အဘူးအလဲဒ်လဲၣ်.

Blue Cross တၢ်တိာ်ကျဲၤအါတက့ၢ်န့ၣ် ဟ့ၣ်အဘူးအလဲလၢ တၢ်ဒီသဒၢအတၢ်ကွၢ်ထွဲတၢ်မၤတဖၣ် တအိၣ်ဒီးတၢ်ဟ့ၣ်သဃဲၤအပှ့ၤ ဖဲနထံၣ်ဒီးနကသံၣ်သရၣ် လၢနဆူၣ်ချ့တၢ်တိာ်ကျဲၤဘျးစဲအပူၤန့ၣ်လီၤ. မၤလီၤတံၢ်လၢ နကွၢ်နတၢ်တိာ်ကျဲၤတၢ်ဂ့ၢ်ဆံးကိာ်ခဲလၢာ် တချုးလၢနသ့ၣ်ဆၢဖးကတီၢ်လၢ ကထံၣ်လိာ်သးဒီးကသံၣ်သရၣ်အဂီၢ်တက့ၢ်.

တဘျီတခီၣ်န့ၣ် နကသံၣ်သရၣ်ကဃ့ထီၣ်တၢ်မၤကွၢ်တဖၣ် လၢနတၢ်ဒီသဒၢအတၢ်ကွၢ်ထွဲတၢ်ထံၣ်လိာ်သးဒီးကသံၣ်သရၣ်အပူၤ လၢတဘၣ်တၢ်ဆိကမိၣ်အီၤဒ်တၢ်ဒီသဒၢအတၢ်ကွၢ်ထွဲန့ၣ်လီၤ. တၢ်မၤကွၢ်အံၤတဖၣ်န့ၣ် ကဘၣ်ထွဲဒီးတၢ်မၤစှၤလီၤအပှ့ၤ, တၢ်ဟ့ၣ်သဃဲၤ ဒီး/မ့တမ့ၢ်တတၢ်အုၣ်ကီၤဟ့ၣ်သဃဲၤတဖၣ်န့ၣ်လီၤ. နကသံၣ်သရၣ်န့ၣ် ကကူစါစ့ၢ်ကီးတၢ်ဆါတၢ်အိၣ်အသးလၢအိၣ်ပာ်စၢၤတမံၤ (မ့တမ့ၢ်နကအိၣ်ဒီးတၢ်လိၤကိၢ်ပနီၣ်တမံၤဖဲနလဲၤထံၣ်လိာ်သးဒီးကသံၣ်သရၣ်အခါ) န့ၣ်လီၤ. တၢ်ကူစါ မ့တမ့ၢ်တၢ်မၤကွၢ်တဖၣ် လၢတၢ်ဆါတၢ်အိၣ်သးတမံၤအဂီၢ်န့ၣ် တမ့ၢ်တၢ်ဒီသဒၢအတၢ်ကွၢ်ထွဲဘၣ် ဒီးမ့ၢ်တၢ်လၢအဘၣ်ထွဲဒီးတၢ်မၤစှၤလီၤအပှ့ၤ, တၢ်ဟ့ၣ်သဃဲၤ ဒီး/မ့တမ့ၢ်တၢ်အုၣ်ကီၤဟ့ၣ်သဃဲၤတဖၣ်န့ၣ်လီၤ.

တၢ်ဒီသဒၢအတၢ်ကွၢ်ထွဲတၢ်မၤဆီၣ်ထွဲတၢ်ဂ့ၢ်ဆံးကိာ်တဖၣ် (PDF)

ယတၢ်သံကွၢ်တဖၣ်မ့ၢ်အိၣ်န့ၣ် ယကဘၣ်လဲၤကွၢ်ဃုတၢ်ကစီၣ်အဂၤတဖၣ်ဖဲလဲၣ်.

ကိး ပှၤစူးကါတၢ်တိစၢၤမၤစၢၤအလီကျိၤ လၢနကရူၢ်ဖိတၢ်ကွၢ်နီၣ်ကွၢ်ဃါခးက့အလီၢ်ခံ လၢတၢ်ကစီၣ်ဂ့ၢ်ကျိၤအဂီၢ်တက့ၢ်. အလီၢ်မ့ၢ်အိၣ်လၢ နကဃုဒိးန့ၢ်ကသံၣ်သရၣ်တဂၤအဃိ, စူးကါ ပ  ဃုဒိးန့ၢ်ကသံၣ်သရၣ်တဂၤ ပီးလီတက့ၢ်.

တၢ်ဂ့ၢ်အဂၤဘၣ်ဃးဒီးတၢ်ဒီသဒၢအတၢ်ကွၢ်ထွဲ

တၢ်ဒီသဒၢအတၢ်ကွၢ်ထွဲ လၢပိာ်မုၣ်တဖၣ်အဂီၢ် 
တၢ်ဒီသဒၢအတၢ်ကွၢ်ထွဲလၢပိာ်ခွါတဖၣ်အဂီၢ်
တၢ်ဒီသဒၢအတၢ်ကွၢ်ထွဲလၢဖိသၣ်အိၣ်ဖျဲၣ်သီတဖၣ်ဒီးဖိသၣ်စံးတဖၣ်အဂီၢ်
တၢ်ဒီသဒၢအတၢ်ကွၢ်ထွဲလၢဖိသၣ်တဖၣ်လၢအသးနံၣ်6-12အဂီၢ်
တၢ်ဒီသဒၢအတၢ်ကွၢ်ထွဲဒ်နသးပှၢ်ထီၣ်အသိး
တၢ်မၤကွၢ်နီၢ်ခိဒီးတၢ်ဒီသဒၢအတၢ်လဲၤထံၣ်လိာ်တနံၣ်တဘျီ